ⴰⵡⵡⵓⵔ:ⵜⴰⴷⵍⵙⴰ
 |
ⴰⵡⵡⵓⵔ ⵏ ⵜⴰⴷⵍⵙⴰ |
ⵜⴰⵣⵡⵓⵔⵜⴰⴳⴳⵯⴰ
ⵍⵙⵉⵖ ⴰⵥⵏⵏⴰⵕ
ⵔⴱⵉⵖ ⴰⵛⴽⴽⴰⵕ
ⵔⵉⵖ ⴰⴷ ⵍⵎⴷⵖ ⵉ ⵓⵥⴱⴰⵕ
ⵎⴰⵔ ⴰⴷ ⵓⵔ ⵉ ⵢⴰⵖ ⵓⵥⴱⴱⴰⵕ
ⵜⴰⴼ ⴰⴷ ⴰⵜⵎⵖ ⵉ ⵓⵛⴼⴼⴰⵕ
ⴼⴰⵔ ⴰⴷ ⴰⵜⵎⵖ ⵉ ⵓⵎⵅⵅⴰⵕ
ⴰⴼⴰⴷ ⴰⴷ ⵉⵍⵉⵖ ⴰⵛⵏⵢⴰⵕ
ⴰⴼⴰⴷ ⴰⴷ ⴳⵖ ⴰⵥⵏⵟⴰⵕ
ⴱⴰⵛ ⴰⴷ ⵏⵖ ⴰⴼⵉⵖⴰⵕ
ⴱⴰⵛ ⴰⴷ ⵉⵍⵉⵖ ⴰⴼⵉⵏⴰⵕ
ⵖ ⵓⴷⵔⴰⵔ ⴷ ⵓⵥⴰⵖⴰⵕ
ⵅ ⵓⴼⵔⴰⵡ ⴷ ⵓⵎⵥⵕⴰⵕ
ⴰⴽⴰ ⴰⴷ ⵃⵓⴼⵖ ⴰⵀⴰⵇⵇⴰⵕ
ⴰⴽⴰ ⴰⴷ ⴰⵏⴼⵖ ⵉ ⵓⴱⴰⵇⵇⴰⵕ
--
ⴰⵣⴳⵣⵓ ⵏ ⵉⵜⵙⵏⵜ ⵜⵡⴰⵍⵉⵡⵉⵏ :
-ⴰⵛⵏⵢⴰⵕ :ⴰⵢ ⵏⵏⴰ ⵉⵜⵜⴱⴹⴰⵢⵏ
-ⴰⵥⵏⵟⴰⵕ :ⵡⴰ ⵏⵏⴰ ⵉⵣⵓⵔⵏ ⴰⵀⴰ ⵉⵖⵣⵣⵉⴼ
-ⴰⴼⵉⵏⴰⵕ :ⴰⵏⵙⴰ ⵏ ⵡⴰⵍⵉⵎ
-ⴰⵀⴰⵇⵇⴰⵕ :ⴰⴳⴰⵢⵡⴰⵕ
-ⴰⴱⴰⵇⵇⴰⵕ :ⵜⵓⵏⴰⵏⵜ,ⵜⴰⴳⴰⵜ
ⴰⵖⴰⵣⴰⴼ ⵀⵎⵎⵓⵏ (ⵎⵓⵃⵎⵎⴰⴷ)
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
- ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
ⴰⵎⴳⵔⴰⴷ ⵓⴼⵔⵉⵏ
ⵍⵄⴰⵎⵎⵜ ⵜⴳⴰ ⵢⴰⵏ ⵡⴰⵏⴰⵡ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ⵉⵡⵜⵏ ⵙ ⵉⵥⵓⵕⴰⵏ ⴳ ⵓⵎⵣⵔⵓⵢ ⵏ ⵓⴼⴳⴰⵏ ⴰⵎⴰⵣⵉⵖ ⵜⴰⵙⵓⵜ ⴼ ⵜⴰⵙⵓⵜ, ⵜⴳⴰ ⵜⴰⵥⵓⵕⵉ ⵏ ⵓⵕⴽⴰⴹ ⵉⵎⵓⵏⵏ ⴷ ⵜⵎⴷⵢⴰⵣⵜ ⵏⵖ ⵏⵏⴹⵎ, ⵜⴳ ⵙ ⵢⴰⵜ ⵜⴳⵎⵉⴹⵉ ⵉⴳⴳⵓⵜⵏ ⵜⴰⵥⵓⵕⵉ ⵏ ⵉⵔⴳⴰⵣⵏ. ⵜⴰⵥⵓⵕⵉ ⴰⴷ ⵜⵍⵍⴰ ⴷⴰⵔ ⵜⵓⴳⵜⵜ ⵏ ⵜⵇⴱⵉⵍⵉⵏ ⴳ ⵍⵎⵖⵔⵉⴱ. ⵜⴻⵜⵜⵢⵓⵙⵙⴰⵏ ⴱⴰⵀⵔⴰ ⵍⵄⴰⵎⵎⵜ ⴳ ⵜⵇⴱⵉⵍⵜ ⵏ ⵉⵏⴼⴹⵡⴰⴽ ⵉⵡⴰⵍⴰⵏ ⵉ ⵜⴰⵎⵏⴰⴹⵜ ⵏ ⵓⵣⵉⵍⴰⵍ, ⵜⴰⵙⴳⴰ ⵏ ⴱⵏⵉ ⵎⵍⵍⴰⵍ-ⵅⵏⵉⴼⵕⴰ. ⵍⵄⴰⵎⵎⵜ ⵜⴳⴰ ⵜⴰⵥⵓⵕⵉ ⵉⵥⵍⵉⵏ ⵙ ⵜⵇⴱⵉⵍⵜ ⵏ ⵉⵏⴼⴹⵡⴰⴽ, ⵜⵍⵍⴰ ⵍⵄⴰⵎⵎⵜ ⵓⵍⴰ ⴳ ⵎⵏⵏⴰⵡⵜ ⵏ ⵜⵎⵏⴰⴹⵉⵏ ⵏ ⵜⵇⴱⵉⵍⵜ ⵏ ⵉⵖⵊⴷⴰⵎⵏ ⵉⵏⵎⴰⵍⴰⵏ ⴷ ⵜⵇⴱⵉⵍⵜ ⵏ ⵉⵏⴼⴹⵡⴰⴽ ⵙⴳ ⵜⵙⴳⴰ ⵏ ⵉⴼⴼⵓⵙ ⵓⵜⵔⵉⵎ. . ⵉⵙⵎ ⴰⴷ ⵏ ⵍⵄⴰⵎⵎⵜ ⵉⵍⵍⴰ ⴳ ⵜⵎⵉⵣⴰⵔ ⵢⴰⴹⵏⵉ ⵣⵓⵏ ⵥⴰⵢⵢⴰⵏ ⴷ ⵙⵓⵙ ⵎⴰⵛⵛ ⵉⴷⵔⵓⵙ, ⴰⵛⴽⵓ ⴷⴰⵔⵙⵏ ⴰⵏⴰⵡⵏ ⵢⴰⴹⵏⵉⵏ ⵏ ⵜⵥⵓⵕⵉ, ⵙⵓⵙ ⴳⵉⵙ ⴰⵃⵡⴰⵛ, ⵥⴰⵢⵢⴰⵏ ⵏⵓⵜⵏⵉ ⴰⵔ ⵜⵜⵓⵔⴰⵔⵏ ⵙ ⵓⵃⵉⴷⵓⵙ. ⵜⴻⵜⵜⵓⵢⵙⵙⴰⵏ ⵍⵄⴰⵎⵎⵜ ⵙ ⵉⵙⵎⴰⵡⵏ ⵢⴰⴹⵏⵉ ⵣⵓⵏ "ⵍⵄⵎⵎⵜ" ⴷ "ⵍⵄⴰⵎⵎⴰⵜ".
ⴰⵔ ⵜⴻⵜⵜⵢⴰⵡⵙⴽⴰⵔ ⵍⵄⴰⵎⵎⵜ ⴰⴽⵓⴷ ⵏⵏⴰ ⵉⵍⵍⴰ ⴽⵔⴰ ⵏ ⵓⵣⵎⵣⵣⵓ ⵉⵥⵍⵉⵏ ⵙ ⵜⵇⵇⴱⵉⵍⵜ ⵏⵖ ⵙ ⴽⵔⴰ ⵏ ⵓⵙⵓⵏ ⵏⵖ ⴰⴹⵡⵡⴰⵕ, ⵣⵓⵏ ⵉⴳ ⵜⵍⵍⴰ ⵜⵎⵖⵔⴰ ⴷⴰⵔ ⵓⵙⵍⵉ ⵏⵖ ⵜⴰⵙⵍⵉⵜ, ⵜⵜⵍⴳⵉⵜ (ⴰⵏⵎⵓⴳⴳⵓⵔ ⴷⴰ ⵙⴽⴰⵔⵏ ⵎⵉⴷⴷⵏ ⵉ ⵍⵄⴰⵎⵍ, ⵍⵇⵇⴰⵢⴷ ⵏⵖ ⴽⵔⴰ ⵏ ⵓⴱⵕⵍⴰⵎⴰⵏⵉ) ⵏ ⴽⵔⴰ ⵡⵓⴷⵎ ⵉⵎⵇⵇⵓⵔⵏ, ⴰⵙⴼⵓⴳⵍⵓ ⵙ ⴽⵔⴰ ⵏ ⵓⵣⵎⵣⵣⵓ ⵏ ⵜⵙⵔⵜⵉⵜ ⵣⵓⵏ ⵉⵙⵜⴰⵢⵏ ⵏⵖ ⴽⵔⴰ ⵏ ⵉⵎⵏⵖⵉ. ⴳ ⵉⵔⵉⵔ ⵏ ⵍⵄⴰⵎⵎⵜ ⴰⵔ ⵜⵜⴱⴷⴷⴰⴷⵏ ⵜⵓⴳⵜ ⵏ ⵉⵔⴳⴰⵣⵏ ⴰⵔ ⵙⴽⴰⵔⵏ ⴰⴷⵓⵔ, ⵍⵙⵏ ⵜⵉⵊⵍⵍⵓⴱⴰ ⵏⵖ ⵍⴼⵓⵇⵇⵉⵢⵢⴰⵜ ⵜⵓⵎⵍⵉⵍⵉⵏ ⵏⵖ ⵜⵉⵡⵔⴰⵖⵉⵏ (ⵉⴷⵔⵓⵙ ⵎⴰ ⴳ ⵜⵜⵉⵍⵉⵏⵜ ⴳ ⴽⵔⴰ ⵏ ⵓⴽⵯⵍⵓ ⵢⴰⴹⵏ), ⴷ ⵉⴷⵓⴽⴰⵏ ⴷ ⵜⵉⵜⵇⴰⵛⵔⵉⵏ (ⴰⵔ ⴰⵙⵏⵜ ⵜⵜⵉⵏⵉⵏ ⵜⵜⵇⵇⴰⵛⵕ) ⵓⵍⴰ ⵏⵜⵜⵏⵜⵉ ⴳ ⵎⴰ ⵉⴳⴳⵓⵜⵏ ⴰⵔ ⵜⵜⴳⴳⴰⵏⵜ ⵜⵓⵎⵍⵉⵍⵉⵏ ⵏⵖ ⵜⵉⵡⵔⴰⵖⵉⵏ, ⴳⵏ ⴼ ⵢⵉⵅⴼ ⵏⵏⵙⵏ ⴰⵛⴷⴷⴰⴷ ⵏⵖ ⵜⴰⵕⵥⵥⵉⵜ (ⴰⵔ ⴰⵙ ⵜⵜⵉⵏⵉⵏ ⵉⵏⴼⴹⵡⴰⴽ ⵕⵕⵥⵟ) ⵜⴰⵡⵕⴰⵖⵜ ⵏⵖ ⵜⵓⵎⵍⵉⵍⵜ ⵏⵖ ⴰⵔ ⵍⵙⵙⴰⵏ ⴼ ⵉⵅⴼⴰⵡⵏ ⵏⵏⵙⵏ ⵜⴰⵛⴰⵛⵉⵜ (ⵏⵖ ⵟⵟⴰⴳⵉⵢⵢⴰ) ⵓⵍⴰ ⵏⵜⵜⴰⵜ ⴳ ⵓⴽⵯⵍⵓ ⵓⵎⵍⵉⵍ ⵏⵖ ⴰⵡⵔⴰⵖ; ⴰⴳⵯⵍⵏ ⴳ ⵉⵖⴰⵔⵉⵡⵏ (ⵏⵖ ⵉⵖⵕⴰⴹ) ⵏⵏⵙⵏ ⵍⴽⵯⵎⵎⵉⵜ, ⴽⵓ ⴰⵔⴳⴰⵣ ⴰⵔ ⴷⵉⵙ ⵉⵙⴰⵜⵜⵉ ⴰⵍⵍⵓⵏ ⵏⵖ ⵜⴰⵍⵍⵓⵏⵜ ⵏⵏⵙ ⵏⵖ ⴰⵔ ⵉⵜⵜⵃⵓⵛ ⵖⴰⵔ ⵙ ⵉⴼⴰⵙⵙⵏ ⵏⵏⵙ, ⵢⵉⵍⵉ ⴷⵉⵜⵙⵏ ⵓⵍⴰ ⴱⴰⴱ ⵏ ⴳⴰⵏⴳⴰ, ⴰⵔ ⵙⵙⵏⵜⴰⵢⵏ (ⵏⵖ ⴰⵔ ⴱⴷⴷⵓⵏ) ⵉⵔⴳⴰⵣⵏ ⵍⵍⵖⴰ ⵏⵖ ⵜⴰⵏⴹⴹⴰⵎⵜ ⴰⵔ ⴽⴽⴰⵜⵏ ⴰⵍⵍⵓⵏ ⴰⵔ ⵉⴳ ⵉⵃⵎⴰ ⵉⵍⵎⵎⴰ ⴽⵛⵎⵏ ⴷ ⵜⴼⵔⵅⵉⵏ (ⴰⵔ ⴰⵙⵏⵜ ⵜⵜⵉⵏⵉⵏ ⵜⵉⵎⵃⵡⴰⵛⵉⵏ) ⵉⵍⵙⴰⵏ ⵍⵇⵇⵟⵉⴱ ⴷ ⵜⵎⵍⵙⴰ ⵜⵉⴱⵍⴷⴰⵢ ⵏ ⵜⵎⴰⵣⵉⵔⵜ ⵙⴽⵔⵏⵜ ⵓⵍⴰ ⵏⵜⵜⵏⵜⵉ ⴰⴷⵓⵔ ⵏⵏⵙⵏⵜ ⴷⴰⵜ ⴰⴷⵓⵔ ⵏ ⵉⵔⴳⴰⵣⵏ ⵎⴰⵛⵛ ⵓⵔ ⴰ ⴷⵉⵜⵙⵏ ⵜⵜⵅⵍⵍⴰⴹⵏ ⴰⵔ ⵉⴳ ⵙⵙⵔⵖⴰⵏ ⵍⵄⴰⵎⵎⵜ ⵉⵍⵎⵎⴰ ⴽⵓ ⴰⵔⴳⴰⵣ ⴰⵔ ⴷ ⵉⵍⴷⴷⵉ ⵢⴰⵜ ⵜⴼⵔⵓⵅⵜ ⴰⴷ ⴷⵉⵙ ⵉⵜⵜⵃⵓⵛ. ⵜⵉⴼⵔⵅⵉⵏ ⴰⵔ ⵜⵜⵃⵓⵛⵏⵜ ⵙ ⵉⴼⴰⵙⵙⵏ ⵎⴰⵛⵛ ⵉⵔⴳⴰⵣⵏ ⴰⵔ ⵜⵜⵃⵓⵛⵏ ⵙ ⵉⴼⴰⵙⵙⵏ ⵏⵖ ⵙ ⵜⴰⵍⵍⵓⵏⵜ.
ⴰⵥⵓⵕ ⵏ ⵢⵉⵙⵎ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵥⵓⵕ ⵏ ⵢⵉⵙⵎ ⵏ "ⵍⵄⴰⵎⵎⵜ" ⵓⵔ ⵉⵍⵍⵉ ⴽⵔⴰ ⵏ ⵓⵙⴰⵖⵓⵍ ⵉⵜⵜⵢⴰⵔⴰⵏ ⴼⵍⵍⴰⵙ ⵉⵙⴰⵡⵍⵏ, ⵎⴰⵛⵛ ⴰⵔ ⴼⵍⵍⴰⵙ ⵙⴰⵡⴰⵍⵏ ⵎⵉⴷⴷⵏ ⴳ ⵜⵓⴷⵔⵜ ⵏⵏⵙⵏ ⵜⴰⴽⵓⵢⴰⵙⵜ. ⴳ ⵍⵎⵖⵔⵉⴱ ⴰⵔ ⴰⵟⵟⴰⵏ ⵎⵉⴷⴷⵏ ⵉⵏⴳⵔ ⵢⴰⵏ ⵓⴼⴳⴰⵏ ⴷⴰ ⵉⵃⵚⴰⵏ ⵍⵇⵇⵕⴰⵏ ⴷ ⵡⵉⴷ ⴷⴰ ⵓⵔ ⵜ ⵉⵃⵚⵉⵏ, ⵎⵉⴷⴷⵏ ⴷⴰ ⵉⵃⵚⴰⵏ ⴰⵔ ⴰⵙⵏ ⵜⵜⵉⵏⵉⵏ "ⵟⵟⵍⴱⴰ" (ⴰⵎⵢⵓⵏ ⵏⵙ ⵟⵟⴰⵍⴱ) ⵏⵖ "ⵍⵎⵙⴰⴼⵔⵉⵏ" (ⴰⵎⵢⵓⵏ ⵏⵏⵙ ⵍⵎⵙⴰⴼⵔ, ⴰⵔ ⴰⵙⵏ ⴰⵇⵇⵔⴰⵏ ⵙ ⵉⵙⵎ ⴰⴷ ⴰⵛⴽⵓ ⴰⵔ ⵜⵜⵙⴰⴼⴰⵔⵏ ⴰⴼⴰⴷ ⴰⴷ ⵃⵚⵓⵏ ⵍⵇⵇⵕⴰⵏ); ⵎⵉⴷⴷⵏ ⴷⴰ ⵓⵔ ⵉⵃⵚⵉⵏ ⵍⵇⵇⵕⴰⵏ ⴰⵔ ⴰⵙⵏ ⴰⵇⵇⵔⴰⵏ ⵙ "ⵉⵄⴰⵎⵎⵉⵏ" (ⴰⵎⵢⵓⵏ ⵏⵏⵙ ⴰⵄⴰⵎⵎⵉ). ⵍⵍⴰⵏ ⴽⵔⴰ ⵏ ⵉⵡⵏⵏⴰⵏ ⵉⵜⵜⵉⵏⵉⵏ ⵎⴰⵙ ⵉⵙⵎ ⵏ ⵍⵄⴰⵎⵎⵜ ⵉⵜⵜⵢⴰⴼⴽⴰ ⵉ ⵜⵥⵓⵕⵉ ⴰⴷ ⴰⵛⴽⵓ ⴰⵔ ⵜⵜ ⵜⵜⵓⵔⴰⵔⵏ ⵖⴰⵕⵔ ⵎⵉⴷⴷⵏ ⴷⴰ ⵓⵔ ⵉⵃⵚⵉⵏ ⵍⵇⵇⵕⴰⵏ ⵏⵖ "ⵉⵄⴰⵎⵎⵉⵏ", ⵖⴰⵢⴰⵏⵏ ⴰⴼ ⵜⴳⴰ ⵍⵄⴰⵎⵎⵜ. ⵉⵍⵍⴰ ⴷⴰⵖ ⵢⴰⵏ ⵡⴰⵡⴰⵍ ⵢⴰⴹⵏ ⵉⵜⵜⵉⵏⵉⵏ ⵎⴰⵙ ⵜⴰⴳⵓⵔⵉ ⵏ "ⵍⵄⴰⵎⵎⵜ" ⴰⵔ ⵜⵜ ⵜⵜⵉⵏⵉⵏ ⵉ ⵜⵥⵓⵕⵉ ⴰⴷ ⴰⵛⴽⵓ ⴳ ⵎⴰⴷ ⵉⵣⵔⵉⵏ ⵍⵄⴰⵎⵎⵜ ⴰⵔ ⵜⵜ ⵜⵜⵓⵔⴰⵔⵏ ⵎⵉⴷⴷⵏ ⴰⴽⴽⵯ ⵏ ⵉⵇⵇⴱⵉⵍⵏ, ⴽⵓ ⴰⵇⵇⴱⵉⵍ ⵏⵖ ⴽⵓ ⵓⵙⵓⵏ ⴰⵔ ⵜⵜⵎⵓⵏⴰⵏ ⵉⵎⵣⴷⴰⵖⵏ ⵏⵏⵙ ⴰⴽⴽⵯ ⴰⴽⵓⴷ ⵏⵏⴰ ⵉⵍⵍⴰ ⴽⵔⴰ ⵏ ⵓⵙⴼⵓⴳⵍⵓ, ⵎⵉⴷⴷⵏ ⵏ ⵓⵙⵓⵏ ⴰⴽⴽⵯ ⴰⴷ ⵉⴳⴰⵏ ⵍⵄⴰⵎⵎⵜ, ⵓⵔ ⴰⵔ ⵜⵜⵉⵏⵉⵏ ⵎⴰⵙ ⵜⵍⵍⴰ ⵍⵄⴰⵎⵎⵜ ⴰⴱⵍⴰ ⵉⴳ ⴳⴳⵓⵜⵏ ⵎⵉⴷⴷⵏ.
ⵜⴰⵡⵍⴰⴼⵜ ⵜⵓⴼⵔⵉⵏⵜ |
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
- ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
ⵜⴰⵏⴼⵓⵙⵜ ⵜⴰⵎⴰⴹⵍⴰⵏⵜ
ⴼⴰⵙⵉⵍⵉⵙⴰ ⵜⴰⴼⴰⵍⴽⴰⵢⵜ (ⵙ ⵜⴰⵔⵓⵙⵉⵜ: василиса прекрасная,Vassilissa Prekrasnaïa ) ⵜⴳⴰ ⵢⴰⵜ ⵜⵏⴼⵓⵙⵜ ⵜⴰⵔⵓⵙⵉⵜ ⵉⴼⵓⵍⴽⵉⵏ, ⵜⴻⵜⵜⴰⵡⵙⵙⴰⵏ ⴱⴰⵀⵔⴰ. ⵢⵓⵔⴰ ⵜⵜ ⴰⵍⵉⴽⵙⴰⵏⴷⵔ ⴰⴼⴰⵏⴰⵙⵉⴼ ⴳ ⵓⴷⵍⵉⵙ ⵏⵏⵙ ⵜⵉⵏⴼⵓⵙⵉⵏ ⵜⵉⵎⴰⴷⵏⴰⵏⵉⵏⵏ ⵜⵉⵔⵓⵙⵉⵢⵉⵏ, ⴷⴷⵓ ⵓⵟⵟⵓⵏ ⵡⵉⵙ 59. ⵉⵙⵓⵖⵍ ⵜⵜ ⵓⵎⴰⵔⴰ ⵎⵇⵇⵓⵔⵏ ⵎⵓⵃⵎⵎⴰⴷ ⴰⴽⵓⵏⴰⴹ ⵙ ⵜⵛⵍⵃⵉⵜ.[1]
ⴰⵙⵓⵖⵍ ⵏ ⵜⵏⴼⵓⵙⵜ ⵣⵉⴽⴽ ⵍⵍⵉ ⵏⵏ ⴱⴰⵀⵔⴰ ⵢⴰⴳⴳⵓⴳⵏ, ⴰⴷ ⵜⵜ ⵉⵏⵏ ⵉⴽⴽⴰ ⵉⴷⴷⵔ ⵢⴰⵏ ⵓⵔⴳⴰⵣ ⵉⴳⴰⵏ ⴰⵡⵙⵙⴰⵔ, ⵏⵜⵜⴰⵏ ⴷ ⵜⵎⵖⴰⵔⵜ ⴷ ⵉⵍⵍⵉ ⵜⵙⵙⵏ ⵍⵍⵉ ⵎⵓ ⵙⵙⴰⵖⵏ ⴼⴰⵙⵉⵍⵉⵙⴰ ⵜⴰⴼⴰⵍⴽⴰⵢⵜ.
ⵜⵓⵎⵔⵜ ⴷ ⵜⴰⴷⴰⵡⵉⵜ ⴰⵙ ⴷⴷⵔⵏ ⴳ ⵢⴰⵜ ⵜⴳⵎⵎⵉ ⵎⵥⵥⵉⵢⵏ ⵏ ⵓⴽⵛⵛⵓⴹ ⵍⵍⵉ ⵉⵟⵟⴼⵏ, ⵎⴰⵛⴰ ⵜⴼⵜⴰ ⴰⵙⵏ ⵜⵓⴷⵔⵜⴰⵏ ⵉⵎⵎⵉⵎⵏ ⴰⵙⵙ ⵍⵍⵉ ⴷ ⵉⴹⵕ ⵢⴰⵏ ⵡⴰⵟⵟⴰⵏ ⵢⴰⵎⵥ ⵜⴰⵎⵖⴰⵔⵜ ⵍⵍⵉ. ⴰⵙⵙ ⵍⵍⵉ ⵜⵙⵙⵏ ⵉⵙ ⵔⴰⴷ ⵙⵓⵍ ⵓⵔ ⵜⵏⴽⵔ ⴳ ⵡⴰⵟⵟⴰⵏ ⴰⵏⵏ, ⵜⵙⵙⵏ ⵉⵙ ⵜⵜ ⵜⴰⵥ ⵜⵎⵜⵜⴰⵏⵜ ⵏⵏⵙ, ⵜⵖⵔⴰ ⴷ ⵉ ⵢⵉⵍⵍⵉⵙ ⵜⴼⴽ ⴰⵙ ⵢⴰⵜ ⵜⵙⵍⵉⵜ ⵉⵜⵜⵓⵙⴽⴰⵔⵏ ⴳ ⵓⴽⵛⵛⵓⴹ, ⵜⵉⵏⵉ ⴰⵙ: "ⵃⴹⵓ ⴷⴰⵔⵎ ⴰ ⵉⵍⵍⵉ ⵜⵉⵙⵍⵉⵜ ⴰⴷ ⴷ ⴰⴷ ⵜⵜ ⵓⵔ ⵜⵎⵍⴷ ⵉ ⵎⵇⵇⴰⵔ ⴷ ⵢⴰⵏ. ⴰⴽⵓⴷ ⵏⵏⴰ ⵜⵍⵍⵉⴷ ⴳ ⴽⵔⴰ ⵏ ⵜⴰⵙⵙⴰⵙⵜ. ⴼⴽ ⴰⵙ ⴰⵔ ⴷ ⵜⵛⵛ ⵜⵙⵓⵜⵔⵜ ⵜⵜ ⴰⴷ ⴰⵎ ⵜⴰⵡⵙ ⴰⵔ ⴷ ⴳⵉⵙ ⵜⴼⴼⴰⵖⴷ. ⵀⴰ ⵏⵏ ⵔⴰⴷ ⴰⵎ ⵜⴰⵡⵙ.) ⵜⴰⵎⵥ ⵉⵍⵎⵎⴰ ⵜⵎⵖⴰⵔⵜ ⵍⵍⵉ ⵉⵍⵍⵉⵙ ⵜⵙⵙⵓⴷⵎ ⵜⵜ, ⵓⵔ ⵜⴽⴽⵉ ⴰⵎⵢⴰ ⵜⵎⵎⵜ.
ⵢⴰⵍⵍⴰ ⵓⵡⵙⵙⴰⵔ ⵍⵍⵉ ⴼ ⵜⵎⵖⴰⵔⵜ ⵏⵏⵙ ⴰⵢⵍⵍⵉⴳ ⴼⵜⴰⵏⵜ ⴰⴷ ⴱⵓⴽⴹⵏⵜ ⵡⴰⵍⵍⵏ ⵏⵏⵙ. ⵎⴰⵛⴰ ⴳ ⵜⴳⵉⵔⴰ ⵢⵉⵡⵍ ⵢⴰⵜ ⵜⵎⵟⵟⵓⴹⵜ ⵢⴰⴹⵏⵉⵏ. ⵉⵖⴰⵍ ⵉⴳⵍⵍⵉⵏ ⵉⵙ ⵔⴰⴷ ⵜⴳ ⵉ ⵢⵉⵍⵍⵉⵙ ⵣⵓⵏ ⴷ ⵉⵏⵏⴰⵙ ⵍⵍⵉ ⵉⵎⵎⵓⵜⵏ.
ⵎⴰⵛⴰ ⵓⵀⵓⵢ! ⵓⵔ ⵜⴳⵉ ⵜⴰⴷ ⴰⵎⵔ ⵢⴰⵜ ⵜⵓⵇⵊⵉⵔⵜ ⴷ ⵜⵅⵛⵛⴰⵏⵜ ⵏ ⵜⵎⵖⴰⵔⵉⵏ. ⵜⴰⵎⵟⵟⵓⴹⵜ ⵜⵓⵡⵉ ⴷ ⴷⵉⴷⵙ ⵙⵏⴰⵜ ⵜⴼⵔⵅⵉⵏ ⵍⵍⵉ ⵎⵓ ⴳⴳⵓⵜⵏ ⵉⴱⵊⴳⴳⵉⵜⵏ ⵎⴰⵛⴰ ⵏⵜⵜⴰⵜ ⴳⴰⵏⵜ ⴷⴰⵔⵙ ⵣⵓⵏ ⴷ ⴰⵍⵍⵏ ⵏⵏⵙ. ⴳ ⵜⵖⵣⵉ ⵏ ⵡⴰⵙⵙ ⴰⵔ ⵜⵏⵜ ⵀⵍⵍⵉ ⵜⴻⵜⵜⵃⵍⵍⵉⵍ. ⵎⴰⵛⴰ ⵜⵕⵥⴰⴳ ⵜⵓⴷⵔⵜ ⵉ ⴼⴰⵙⵉⵍⵉⵙⴰ ⵜⴳⵍⵍⵉⵏⵜ. ⵙ ⴽⵕⴰⴹⵜ ⵉⵜⵙⵏⵜ ⴰⵔ ⵜⵜⵥⵉⵏⵜ ⵖⴼⵠⴼⴰⵙⵉⵍⵉⵙⴰ. ⴰⵔ ⵜⵜ ⴽⴽⴰⵜⵏⵜ. ⵙⵙⵕⵎⵉⵏⵜ ⵜⵜ ⵙ ⵜⵡⵓⵔⵉⵡⵉⵏ. ⵔⴰⵏ ⵜⵜ ⴰⴷ ⵜⵎⴷⵓ ⴷ ⵡⴰⴷ ⴰⵙ ⵜⵊⴷⵔ ⵜⴰⴼⵓⴽⵜ ⴷ ⵡⴰⴹⵓ ⴰⴼⴰⵍⴽⴰⵢ ⵍⵍⵉ ⴷⴰⵔⵙ ⵉⵍⵍⴰⵏ. ⴳ ⵜⵖⵣⵉ ⵏ ⵓⵣⴰⵍ, ⵓⵔ ⴰⵔ ⵜⵙⵙⴼⵍⵉⴷ ⴳ ⵜⴳⵎⵎⵉ ⴰⵎⵔ ⵉ ⵎⴽⴰⴷ : ⵠⴼⴰⵙⵉⵍⵉⵙⴰ , ⴰⵣⵣⵍ ⴰⴷ ⵜⵙⴽⵔⵜ ⵜⵉⵔⵎⵜ ! ⴼⴰⵙⵉⵍⵉⵙⴰ ⴰⵣⵣⵍ ⵙⵖⵓⵙ ⵜⵉⴳⵎⵎⵉ ! ⴷⴷⵓ ⴰⵡⵉ ⴷ ⵉⴽⵛⵛⵓⴹⵏ ⵙⴳ ⵜⴰⴳⴰⵏⵜ, ⵥⵥⵉⴳ ⵜⵉⵙⵉⵜⴰⵏ. ⴰⵣⵣⵍ ⵓⴳⴳⴰⵔ ⵏ ⵎⴽⴰⴷ ⵍⵍⵉ ⵙ ⴰⵔ ⵜⵜⴰⵣⵣⴰⵍⵜ.
ⴼⴰⵙⵉⵍⵉⵙⴰ ⴰⵔ ⴰⴽⴽⵯ ⵜⵙⴽⴰⵔ ⵜⵉⵡⵓⵔⵉⵡⵉⵏ. ⴰⵔ ⵜⴻⵜⵜⵎⴰⵖ ⴰⴷ ⵜⵙⴽⵔ ⵙ ⵡⴰⵡⴰⵍ ⵏ ⴽⵔⴰⵢⴳⴰⵜ ⵢⴰⵜ ⴳⵉⵙⵏⵜ. ⴰⵔ ⴱⴷⴷⴰ ⵜⵙⵎⴷⵓ ⵜⴰⵡⵓⵔⵉ ⵏⵏⵙ.
ⵜⵎⵇⵇⵓⵔ ⴷ ⵠⴼⴰⵙⵉⵍⵉⵙⴰ ⵉⴼⴽ ⴰⵙ ⵕⴱⴱⵉ ⵢⴰⵏ ⵡⴰⴼⵓⵍⴽⵉ ⵉⴳⴳⵓⵜⵏ. ⵢⴰⵏ ⵡⴰⴼⵓⵍⴽⵉ ⵓⵔ ⵉⵍⵉⵏ ⴰⵏⴰⵡ. ⵓⵔ ⵉⵥⴹⵉⵕ ⵎⵇⵇⴰⵔ ⴷ ⵢⴰⵏ ⴰⴷ ⴼⵍⵍⴰⵙ ⵉⵙⴰⵡⵍ ⵓⵍⴰ ⴰⴷ ⵜⵜ ⵢⴰⵔⴰ.
ⵜⵉⵙⵍⵉⵜ ⵍⵍⵉ ⴰⵙ ⴷ ⵜⴼⵍ ⵉⵏⵏⴰⵙ. ⵓⵔ ⴰⵔ ⵜⵜ ⵜⴻⵜⵜⴰⴷⵊⴰ ⵉ ⵜⵎⵎⴰⵔⴰ, ⴰⵔ ⴰⵙ ⵜⴻⵜⵜⴰⵡⵙ. ⴰⵔ ⴷ ⵜⵏⴽⴽⵔ ⵠⴼⴰⵙⵉⵍⵉⵙⴰ ⵣⵉⴽ, ⵓⵔ ⵜⴰ ⴷ ⵜⵓⴳⴳⵉ ⵜⴰⴼⵓⴽⵜ ⵜⴼⵜⵓ ⵜⵥⵥⵉⴳ ⵜⵉⵙⵉⵜⴰⵏ, ⵜⴰⵙⵉ ⵉⵎⵉⴽⴽ ⵏ ⵓⴽⵯⴼⴰⵢ, ⵜⴽⵛⵎ ⵙ ⵢⴰⵜ ⵜⴰⵍⵖⵓⵏⵙⵜ, ⵜⴼⴽ ⴰⴽⵯⴼⴰⵢ ⵍⵍⵉ ⵉ ⵜⵙⵍⵉⵜ ⵏⵏⵙ ⵜⵉⵏⵉ ⴰⵙ: ⵜⵉⵙⵍⵉⵜ ⵉⵏⵓ, ⵜⵉⵙⵍⵉⵜ ⵉⵏⵓ ⵙⵙⴼⵍⴷ ⵉⵢⵉ ⴰⴷ ⴰⵎ ⵉⵏⵉⵖ ⵎⴰⴷ ⵉⴳⴰⵏ ⵜⴰⵎⵓⴽⵔⵉⵙⵜ ⵉⵏⵓ. ⵜⵉⵙⵍⵉⵜ ⵍⵍⵉ ⵏ ⵓⴽⵛⵛⵓⴹ ⴰⵔ ⵜⵙⵙⴰ ⴰⴽⵯⴼⴰⵢ ⵜⴽⴽⵙ ⴼⴰⵙⵉⵍⵉⵙⴰ ⴳ ⵜⵎⵎⴰⵔⴰ ⵍⵍⵉⴳ ⵜⵍⵍⴰ. ⴰⵔ ⴰⵙ ⵜⵙⴽⴰⵔ ⵜⵉⵡⵓⵔⵉⵡⵉⵏ ⴰⴽⴽⵯ.
ⵉⵙⵎⵉⵍⵏ
ⵉⵡⵡⵓⵔⴰ ⴰⵢⵜⵎⴰⵜⵏ