ⵡⵉⴽⵉⴱⵉⴷⵢⴰ:ⴰⵎⵏⵏⵉ ⵓⴼⵔⵉⵏ/24
.jpg)
ⵜⴳⴰ ⵎⵔⵔⴰⴽⵛ ⵏⵖ ⵎⵕⵕⴰⴽⵛ (ⴰⵔ ⴰⵙ ⵜⵜⵉⵏⵉⵏ ⵖⵉⵍⴰⴷ ⵙ ⵢⵉⵙⵎ ⵉⵥⵍⵉⵏ ⵙ ⵜⵎⴰⵍⵍⴰⵢⵜ ⵜⴰⵎⴷⵉⵏⵜ ⵜⴰⵥⴳⴳⵯⴰⵖⵜ ⵏⵖ ⵜⵉⵖⵔⵎⵜ ⵏ ⵡⴰⵢⵏⵉⵡⵏ) ⵢⴰⵜ ⵜⵎⴷⵉⵏⵜ ⴳ ⵍⵎⵖⵔⵉⴱ. ⵏⵜⵜⴰⵜ ⴰⴷ ⵉⴳⴰⵏ ⵜⵉⵙ ⴽⵕⴰⴹⵜ ⵏ ⵜⵎⴷⵉⵏⵉⵏ ⵎⵇⵇⵓⵔⵏⵉⵏ ⴳ ⵜⴳⵍⴷⵉⵜ ⵏ ⵍⵎⵕⵕⵓⴽ ⵙ ⵓⵟⵟⵓⵏ ⴰⵎⵇⵇⵔⴰⵏ ⵏ ⵉⵎⵣⴷⴰⵖⵏ ⴳⵉⵙ ⵉⵍⵍⴰⵏ. ⵜⴳ ⴰⵎⵏⵔⵓ ⵏ ⵜⵙⴳⴰ ⵏ ⵎⵕⵕⴰⴽⵛ ⴰⵙⴼⵉ. ⵜⴰⴳⴰ 580 ⵉⴷ ⴽⵉⵍⵓ ⵎⵉⵜⵔ ⴷ ⵜⵖⵔⵎⵜ ⵏ ⵟⴰⵏⵊⴰ ⵖ ⵉⴼⴼⵓⵙ ⴰⵎⵉⵏⵉⴳ, 327 ⵉⴷ ⴽⵉⵍⵓ ⵎⵉⵜⵔ ⴷ ⵜⵎⴰⵥⵓⵏⵜ ⵏ ⵜⴳⵍⴷⵉⵜ ⵏ ⵍⵎⵕⵕⵓⴽ ⵕⵕⴱⴰⵟ ⵖ ⵉⴼⴼⵓⵙ ⴰⵎⵉⵏⵉⴳ, 239 ⵉⴷ ⴽⵉⵍⵓ ⵎⵉⵜⵔ ⴷ ⵜⴳⵎⵎⵉ ⵜⵓⵎⵍⵉⵍⵜ (ⴹⴹⴰⵕⵍⴱⵉⴹⴰ) ⵖ ⵉⴼⴼⵓⵙ ⴰⵎⵉⵏⵉⴳ, 246 ⵉⴷ ⴽⵉⵍⵓ ⵎⵉⵜⵔ ⴷ ⵜⵖⵔⵎⵜ ⵏ ⵓⴳⴰⴷⵉⵔ ⵖ ⵉⵥⵥⵍⵎⴹ ⴰⵎⵉⵏⵉⴳ. ⵜⴳⴰ ⵎⵔⵔⴰⴽⵛ ⵜⵉⵖⵔⵎⵜ ⵢⴰⵜ ⵜⵎⴷⵉⵏⵜ ⵍⵍⵉ ⵙⵓⵍ ⵉⵃⴹⴰⵏ ⴰⵙⵙⴰⵖ ⵏⵏⵙ ⴰⵎⴰⵣⵉⵖ ⴰⵇⴱⵓⵔ, ⵜⵉⵖⵔⵎⵜ ⵍⵍⵉ ⵉⵎⵍⴰⵏ ⵉ ⵓⵎⴰⴹⴰⵍ ⵜⴰⵎⵓⵔⵜ ⵏ ⵍⵎⵕⵕⵓⴽ ⵖ ⵢⴰⵏ ⵓⵣⵎⵣ ⴰⵣⴰⵢⴽⵓ ⵢⵓⵜⵏ ⵙ ⵉⵥⵓⵕⴰⵏ ⵏⵏⵙ ⴼ ⵣⵔⵉⵏ ⵜ ⴽⵉⴳⴰⵏ ⵏ ⵜⴰⵙⵓⵜⵉⵏ ⴳ ⵓⵎⵣⵔⵓⵢ ⵏ ⵜⵎⵓⵔⵜ ⵏ ⵍⵎⵕⵕⵓⴽ ⴰⵣⴰⵢⴽⵓ.
ⴰⵙⴱⴷⴷⵉ ⵏ ⵜⵖⵔⵎⵜ ⵉⵍⵍⴰ ⴳ ⵓⵙⴳⴳⵯⴰⵙ ⵏ 1062, ⴳ ⵓⴼⵓⵙ ⵏ ⴱⵓⴱⴽⵔ ⵉⵡⵉⵙ ⵏ ⴰⵄⵎⴰⵕ ⴰⵍⵎⵜⵓⵏⵉ, ⵍⵍⵉ ⵉⴳⴰⵏ ⴰⵏⴱⴷⴰⴷ ⴷ ⵉⵡⵉⵙ ⵏ ⴷⴰⴷⴷⴰⵙ ⵏ ⵓⴳⵍⵍⵉⴷ ⵉ ⵉⵎⵕⴰⴱⵟⵉⵏ, ⵢⵓⵙⴼ ⵓ ⵜⴰⵛⴼⵉⵏ, ⵜⴳ ⵜⵎⴷⵉⵏⵜ ⴰⴽⵓⴷ ⴰⵏⵏ ⴰⵎⵏⵔⵓ ⵏ ⵜⵎⴱⵕⴰⵟⵓⵕⵉⵜ ⵜⴰⵎⵕⴰⴱⵟⵉⵜ. ⵎⴰⵛⵛ ⵍⵍⴰⵏ ⴽⵔⴰ ⵏ ⵉⵙⵏⵓⴱⴱⵓⵛⵏ ⴰⵔ ⵜⵜⵉⵏⵉⵏ ⵎⴰⵙ ⵜⴱⴷⴷ ⵜⵖⵔⵎⵜ ⵜⵉⵍⵉ ⵢⴰⴷ ⵍⵍⵉ ⴷⴰⵜ ⵏ ⵓⵙⴳⴳⵯⴰⵙ ⴰⵏⵏ. ⵜⴽⴽⴰ ⵜⵜ ⵏⵏ ⵜⵖⵔⵎⵜ ⵜⴳⴰ ⵢⴰⵜ ⵣⵖ ⴽⴽⵓⵥⵜ ⵏ ⵜⵖⵔⵎⵉⵏ ⵜⵉⵎⴱⵕⴰⵟⵓⵕⵉⵏ ⴳ ⵍⵎⵕⵕⵓⴽ. ⴳ ⵜⴰⵙⵓⵜ ⵜⵉⵙ ⵎⵔⴰⵡⵜ ⴷ ⵙⵉⵏ, ⴱⵏⴰⵏ ⴳⵉⵙ ⵉⵎⵕⴰⴱⵟⵉⵏ ⴽⵉⴳⴰⵏ ⵏ ⵜⵉⵏⵎⴰⵍ ⵜⵉⵎⵙⵍⵎⵉⵏ (ⵜⵉⵏⵎⴰⵍ ⵏ ⵍⵇⵯⵕⴰⵏ) ⴷ ⵜⵎⵣⴳⵉⴷⴰⵡⵉⵏ ⵜⵉⵎⵕⵕⴰⴽⵛⵉⵢⵉⵏ ⵍⵍⵉ ⵉⴳⴰⵏ ⴰⵏⴰⵡ ⵏ ⵜⵉⴷ ⵉⵍⵍⴰⵏ ⴳ ⵡⴰⵏⴷⴰⵍⵓⵙ. ⵉⵖⵯⵔⴱⴰⵏ ⵉⵣⴳⴳⵯⴰⵖⵏ ⵏ ⵜⵖⵔⵎⵜ, ⵍⵍⵉ ⵉⴱⵏⴰ ⵄⵍⵉ ⵓ ⵢⵓⵙⴼ ⵓ ⵜⴰⵛⴼⵉⵏ ⴳ ⵓⵙⴳⴳⵯⴰⵙ ⵏ 1123-1122, ⴷ ⴽⵉⴳⴰⵏ ⵏ ⵉⴳⴰⴷⵉⵔⵏ ⵍⵍⵉ ⵉⴱⵏⴰ, ⵉⴱⵏⴰ ⵜⵏ ⴰⴽⴽⵯ ⵙ ⵓⵥⵕⵓ ⵏ ⵓⵎⵍⴰⵍ ⴰⵣⴳⴳⵯⴰⵖ ⴳ ⵜⵉⵣⵉ ⴰⵏⵏ, ⵜⵉⵍⵉ ⵜⵖⵔⵎⵜ ⵙ ⴽⵉⴳⴰⵏ ⴰⵙⵙⴰⵖ ⵏ ⵜⵖⵔⵎⵜ ⵜⴰⵣⴳⴳⵯⴰⵖⵜ, ⵙ ⵓⴽⵍⵓ ⵏ ⵉⴳⴰⴷⵉⵔⵏ ⵏⵏⵙ. ⵜⵎⵖⴰⵔ ⵜⵎⴷⵉⵏⵜ ⵏ ⵎⵕⵕⴰⴽⵛ ⵙ ⵜⵣⵣⵍⴰ, ⵜⵉⵍⵉ ⵖ ⵢⴰⵜ ⵜⵙⵙⴽⵯⴼⵍⵜ ⵜⴰⵎⴰⵊⴳⴰⵍⵜ ⵜⴳ ⴰⵎⵎⴰⵙ ⴰⴷⵍⵙⴰⵏ ⴰⵙⴳⴷⴰⵏ ⴰⴷⵎⵙⴰⵏ ⵏ ⵜⵎⴰⵣⵖⴰ ⴰⴽⴽⵯ ⴷ ⵜⴼⵔⵉⵇⵜ ⴷ ⵉⴼⴼⵓⵙ ⵏ ⵜⵏⵉⵔⵉ ⵉⵎⵇⵇⵓⵔⵏ. ⵉⴳ ⵓⵙⴰⵢⵙ ⵏ ⵊⴰⵎⵄ ⵍⴼⵏⴰ ⴰⵙⴰⵢⵙ ⵉⵜⵜⴰⵎⵓⵏ ⴽⵉⴳⴰⵏ ⵙ ⵓⴼⴳⴰⵏ ⴳ ⵜⴰⴼⵔⵉⵇⵜ ⴰⴽⴽⵯ.