ⵍⵎⵀⴷⵉ ⴱⵏ ⵎⴱⴰⵔⴽ
ⵍⵃⴰⵊⵊ ⵍⵎⵀⴷⵉ ⴱⵏ ⵎⴱⴰⵔⴽ  | ||
 | ||
|---|---|---|
| ⵍⵃⴰⵊⵊ ⵍⵎⵀⴷⵉ ⴱⵏ ⵎⴱⴰⵔⴽ, ⵎⴰⵢⵢⵓ 2020 | ||
| ⵉⵙⴼⴽⴰ ⵉⵏⵉⵎⴰⵏⵏ | ||
| ⵜⴰⵍⴰⵍⵉⵜ : | 1936 | |
| ⵜⴰⵎⵜⵜⴰⵏⵜ : | ⵎⴰⵕⵚ 2024 ⴳ ⵜⴳⵎⵎⵉ ⵜⵓⵎⵍⵉⵍⵜ | |
| ⴰⴷⵖⴰⵔ : | ⴰⵙⵉⴼ ⵏ ⴰⵢⵜ ⵡⴰⴹⵉⵍ | |
| ⴰⵡⴰⵏⴽ : | ⵍⵎⵖⵔⵉⴱ | |
| ⵜⵓⵜⵍⴰⵢⵜ : | ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏ ⵉⴼⴼⵓⵙ | |
| ⵜⴰⵡⵊⴰ : | ⵉⵜⴰⵀⵍ ⵉⵍⵉⵏ ⵖⵓⵔⵙ ⵙⵉⵏ ⵡⴰⵔⵔⴰⵡ, ⵙⵉⵏ ⵉⵔⴱⴰⵜⵏ | |
| ⵉⵙⴼⴽⴰ ⵉⵣⵣⵓⵍⴰⵏⵏ | ||
| ⵉⴳⵔ : | ⴰⵥⴰⵡⴰⵏ | |
| ⵜⴰⵣⵣⵓⵍⵜ : | ⵕⵕⴰⵢⵙ ⴰⵎⵖⵏⵏⵊ ⴰⵎⴷⵢⴰⵣ | |
ⵍⵎⵀⴷⵉ ⴱⵏ ⵎⴱⴰⵕⴽ ⵏⵖ ⵙ ⵉⵙⵎ ⵏⵏⵙ ⵓⵙⵎⵉⴷ ⵍⵃⴰⵊⵊ ⵍⵎⵀⴷⵉ ⵓ ⵎⴱⴰⵕⴽ (ⵙ ⵜⵄⵕⴰⴱⵜ: الحاج المهدي بن مبارك) ⵉⴳⴰ ⵕⵕⴰⵢⵚ ⴰⵎⴰⵣⵉⵖ, ⵉⴳ ⵢⴰⵏ ⵙⴳ ⵉⵏⵎⵖⵓⵔⵏ ⵏ ⵜⵥⵓⵕⵉ ⵏ ⵜⴰⵕⵕⵡⴰⵢⵙⵉⵜ, ⵉⵍⵓⵍ ⴷ ⵉⴳⵍⵍⵉⵏ ⴳ ⵓⵙⴳⴳⵯⴰⵙ ⵏ 1936 ⴳ ⵜⵎⴰⵣⵉⵔⵜ ⵏ ⵡⴰⵙⵉⴼ ⵏ ⴰⵢⵜ ⵡⴰⴹⵉⵍ ⴳ ⵉⵃⴰⵃⴰⵏ, ⵎⴰⵛ ⴰⵥⵓⵕ ⵏⵏⵙ ⴰⵔ ⴷ ⵉⵜⵜⵉⵡⵔⵔⵉ ⵙ ⵜⵎⴰⵣⵉⵔⵜ ⵏ ⴰⵢⵜ ⴱⴰⵄⵎⵕⴰⵏ, ⵉⵎⵎⵜ ⴳ 15 ⵎⴰⵕⵚ 2024 ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ. ⵉⵏⴽⵔ ⴷ ⴳ ⵢⴰⵜ ⵜⵡⵏⵏⴰⴹⵜ ⵏ ⵉⵏⴰⵥⵓⵕⵏ ⴰⵛⴽⵓ ⴱⴰⴱⴰⵙ ⴷⵖ ⵏⵜⵜⴰ ⵉⴽⴽⴰ ⵜⵜ ⵉⵏⵏ ⵉⴳⴰ ⴰⵎⴰⵔⵉⵔ, ⵉⴼⵍ ⴷ ⵍⵃⴰⵊⵊ ⵍⵎⵀⴷⵉ ⵜⵉⵖⵏⵏⵉⵊⵉⵏ ⵓⵔ ⵉⵜⵜⵎⵜⴰⵜⵏ ⴳ ⵡⴰⵎⵎⴰⵙ ⵏ ⵜⵖⵏⵏⵉⵊⵜ ⵜⴰⵎⴰⵣⵉⵖⵜ ⵏ ⵜⵎⵏⴰⴹⵜ ⵏ ⵙⵓⵙ. ⵉⵙⵙⵓⴼⵖ ⴷ ⵎⵏⵏⴰⵡⵜ ⵜⵖⵏⵏⵉⵊⵉⵏ ⵉⵜⵜⵢⴰⵡⵙⵙⴰⵏⵏ ⵣⵓⵏ ⴷ: "ⵡⴰ ⵢⴰⵎⴰⵔⴳⵉ" ⴷ "ⵡⴰ ⵢⴰⵊⴷⴷⵉⴳⵉ" ⴷ "ⵍⵃⵉⵊⵊ ⴰ ⵉⴳⴰⵏ ⵍⴼⵕⴹ" ⴷ ⵜⵉⵢⵢⴰⴹ ⵏⵏⴰ ⵓⵔ ⵙⴰⵔ ⵉⵜⵜⵓ ⴰⵡⴷ ⵢⴰⵏ ⴳ ⵉⵎⵙⵙⴼⵍⵉⴷⵏ ⵏⵏⵙ, ⵓⴽⴰⵏ ⵡⴰⵏⵏⴰ ⵉⴹⴼⵓⵕⵏ ⴰⵎⴰⵔⴳ ⵏⵏⵙ ⵔⴰⴷ ⵏⵏ ⵢⴰⴼ ⵉⵙ ⵉⵍⴰ ⴰⵏⴰⵎⴽ ⴷ ⵜⴱⵖⵓⵔⵜ. ⴰⵎⴷⵢⴰⵣ ⴰⴷ ⵉⵍⴰ ⵢⴰⵜ ⵜⵖⴰⵔⴰⵙⵜ ⵉⵜⵜⵓⵚⴽⴰⵏ ⵅⴼ ⵓⵙⴳⴷ, ⵎⴰⵢⴰⵏⵏ ⴰ ⵅⴼ ⵢⵓⵏⴼ ⵣⵉⴽⴽ ⵉ ⵉⵙⵓⵢⴰⵙ ⵏ ⵓⵎⴰⵔⴳ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵏⵏ ⵢⵓⴼⴰ ⵉⵙ ⵓⵔ ⴰⵔ ⴰⴽⴽⴰⵏ ⴰⵜⵉⴳ ⵉ ⵉⵎⴰⵔⵉⵔⵏ ⴷ ⵓⵔ ⴰⵔ ⵙⵔⵙⵏ ⵙⵙⵉⵎⵖⵓⵔⵏ, ⵉⴼⵍ ⵜⵏ ⴳ ⵓⵙⴳⴳⵯⴰⵙ ⵏ 1978.[1]
ⴰⵙⵎⵓⵜⵜⴳ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵍⵃⴰⵊⵊ ⵍⵎⵀⴷⵉ ⴳ ⵓⵙⵓⵏ ⵏ ⵡⴰⵙⵉⴼ ⵏ ⴰⵢⵜ ⵡⴰⴹⵉⵍ ⴳ ⵜⵎⵏⴰⴹⵜ ⵏ ⵉⵃⴰⵃⴰⵏ ⴳ ⵢⴰⵜ ⵜⵡⵊⴰ ⵜⴰⵏⴰⵥⵓⵕⵜ, ⴱⴰⴱⴰⵙ ⵉⴳⴰ ⴰⵏⴰⵥⵓⵕ ⵎⴰⵢⴰⴷ ⴰⵜ ⵢⵓⴷⴷⵊⴰⵏ ⴰ ⵉⴹⴼⵕ ⵉⵙⵓⵢⴰⵙ ⴷ ⵓⵎⴰⵔⴳ.[2] ⵉⵙⵙⵏⵜⵉ ⵍⵃⴰⵊⵊ ⵍⵎⵀⴷⵉ ⵙ ⵉⵎⵉⵙⵙ ⵏ ⵍⵓⵟⴰⵕ ⴳ ⵜⵉⵣⵡⵉⵔⵉ ⵉⵍⵎⵎⴰ ⴰ ⵉⵍⵎⴷ ⵉ ⵔⵔⵉⴱⴰⴱ ⴳ ⵜⴳⵎⵎⵉ ⵏⵏⵙⵏ, ⴰⵙⵙ ⵏⵏⴰ ⴳ ⵉⵔⴰ ⴰ ⵉⵙⵙⵏⵜⵉ ⴳ ⵉⵙⵓⵢⴰⵙ ⵉⵎⵓⴷⴷⴰ ⵙ ⵎⵕⵕⴰⴽⵛ, ⵖⵉⵏⵏ ⴰⴷ ⴰⵙ ⵉⴳⴰⵏ ⵜⵉⵣⵡⵉⵔⵉ.[3]
ⵓⴼⵓⵖ ⵏ ⵉⵙⵓⵢⴰⵙ ⵏ ⵓⵎⴰⵔⴳ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴰⵣⵣⵓⵍⵜ ⵜⴰⵎⵣⵡⴰⵔⵓⵜ ⵏ ⵍⵃⴰⵊⵊ ⵍⵎⵀⴷⵉ ⴱⵏ ⵎⴱⴰⵔⴽ ⵜⴳⴰ ⵜⵜ ⵜⴰⵕⵕⵡⴰⵢⵙⵉⵜ ⵎⴰⵛ, ⴰⵏⴰⵥⵓⵕ ⵓⵔ ⵙⵓⵍ ⵜ ⵉⵙⵙⵓⵙⵎ ⵉⴳⵔ ⴰⴷ, ⵎⴰⵢⴰⴷ ⴰ ⵜ ⵢⵓⴷⴷⵊⴰⵏ ⴰⴷ ⵉⴽⵛⵎ ⴳ ⵢⴰⵏ ⵓⵎⵙⴳⴷⴰⵍ ⵉⵖⵣⵣⵉⴼⵏ ⵉⵏⴳⵔⴰⵙ ⴷ ⵓⴳⴰⵢⵢⵓ ⵏⵙ, ⴰⵎⵙⴳⴷⴰⵍ ⴰⵙ ⵢⵉⵡⵉⵏ ⵉⵙⴳⴳⵯⴰⵙⵏ ⴰⵔ ⵡⴰⵙⵙ ⵏⵏⴰ ⴳ ⵉⵙⵖⴰ ⵜⵉⴳⵎⵎⵉ ⵏⵙ ⴳ ⵜⴳⵎⵎⵉ ⵜⵓⵎⵍⵉⵍⵜ ⴳ ⵜⵓⴷⴷⵓⵔⵜ ⵏ ⵙⴱⴰⵜⴰ, ⴰⵙⵙ ⴰⵏⵏ ⴰⴷ ⵉⵙⴽⵔ ⵜⴰⵖⵜⵙⵜ ⵏⵏⵙ ⵜⴰⵎⴳⴳⴰⵔⵓⵜ ⴰⴼⴰⴷ ⴰⴷ ⵉⴼⵍ ⴰⵎⴰⵔⴳ ⵉⵙⵉⴳⴳⵍ ⴽⵔⴰ ⵏ ⵉⴳⵔ ⵢⴰⴹⵏⵉⵏ ⵏⵏⴰ ⵙⴳ ⵔⴰⴷ ⴷ ⵉⵙⵙⵓⴼⵓⵖ ⵎⴰⵙ ⵉⵜⵜⵉⴷⵉⵔ. ⵉⵏⵏⴰ ⵎⴰⵙⵙ ⵍⵃⴰⵊⵊ ⵍⵎⵀⴷⵉ ⵎⴰⵙ ⴷⴰⵔⵙ ⵉⵍⵍⴰ ⴽⵔⴰ ⵏ ⵓⵎⴷⴷⴰⴽⴽⵯⵍ ⵉⵙⵎ ⴰⵙ "ⴱⵕⴰⵀⵉⵎ ⵓ ⵜⴼⵔⴰⵡⵜ" ⵉⵣⴷⵖ ⵜⴰⵎⴰ ⵏⵏⵙ, ⵉⵙⵇⵇⵙⴰ ⵜ ⵅⴼ ⵎⴰⵜⵜⴰ ⵜⴰⵣⵣⵓⵍⵜ ⵉⵖⵉ ⴰⴷ ⵉⵙⴽⵔ, ⵢⵉⵏⵉ ⴰⵙ ⵓⵎⴷⴷⴰⴽⴽⵯⵍ ⵏⵏⵙ[4]
ⵉⴳⵔ ⵏ ⵜⵣⵣⵓⵍⵉⵏ ⵉⴳⴰ ⵣⵓⵏ ⵉⴳ ⴷ ⵉⴽⵛⵎ ⵓⴼⴳⴰⵏ ⵙⴳ ⵜⴰⴼⵓⴽⵜ ⵙ ⵜⵉⵍⵍⴰⵙ, ⴳ ⵜⵣⵡⵉⵔⵉ ⵓⵔ ⴰⴷ ⵉⵙⴰⵇⵇⵓⵍ ⵢⴰⵜ, ⵎⴰⵛ ⴰⴷ ⴽⴰ ⵉⵎⴰⵟⵍ ⵉⵙⵙⵏⵜⵉ ⴰⵔ ⴰⵙ ⵜⵜⵓⵎⴰⵏⵏ ⵎⴷⴷⵏ ⵎⴰⴷ ⵙⴽⴰⵔⵏ
ⵉⵙⵙⴱⵖⵙ ⵜ ⵅⴼ ⵉⴳⵔ ⵏ ⵜⵙⴱⴱⴰⴱⵜ, ⵉⵏⵏⴰ ⴰⵙ:
ⵙⵖ ⵎⴰ ⴰⴷ ⵜⵣⵣⵏⵣⴰⵜ, ⵉⵎⵙⵙⴰⵖⵏ ⴰⴷ ⵉⵔⴰ ⴰⴷ ⴽ ⵉⵙⵙⵍⵎⴷ
1978 ⴰⴷ ⵉⴳⴰⵏ ⴰⵙⴳⴳⵯⴰⵙ ⴳ ⵉⴼⴼⵓⵖ ⵍⵃⴰⵊⵊ ⵍⵎⵀⴷⵉ ⵙⴳ ⵉⴳⵔ ⵏ ⵓⵎⴰⵔⴳ ⴷ ⵉⵙⵓⵢⴰⵙ, ⵉⴽⵛⵎ ⵉⴳⵔ ⵏ ⵜⴰⵙⴱⴱⴰⴱⵜ. ⵎⴽ ⵉⵏⵏⴰ ⵍⵃⴰⵊⵊ ⵍⵎⵀⴷⵉ ⵙ ⵉⵎⵉ ⵏⵏⵙ, ⵓⵔ ⵉⴼⵍ ⵉⵙⵓⵢⴰⵙ ⴰⵛⴽⵓ ⵃⵕⵎⵏ, ⵎⴰⵛⵉ ⵜⴰⵏⵏⴰⵢⵜ ⵜⴰⵙⴳⴷⴰⵏⵜ ⴰⵜ ⵢⵓⴷⴷⵊⴰⵏ ⴰ ⵉⴼⵍ ⵉⵙⵓⵢⴰⵙⵏ "ⵉⵙ ⴽⴰ ⵙⴳⵉⵙⵏ ⵉⵙⵎⴷ ⵕⵕⵥⵇⵇ". ⵉⵏⵏⴰ ⵙ ⵉⵎⵉ ⵏⵙ ⵎⴰⵙ ⵉⴽⵛⵎ ⵉⴳⵔ ⵏ ⵜⵙⴱⴱⴰⴱⵜ ⵉⵙⵙⵓⵙⵎⵜ ⵎⴰⵢⴰⴷ ⴰⵜ ⵢⵓⴷⴷⵊⴰⵏ ⴰ ⵉⵕⵥⵎ ⵉ ⵓⵎⴰⵔⴳ. ⵉⵏⵏⴰ ⵎⴰⵙ ⵉⴳ ⵙⵓⵍ ⴰⵙ ⵉⵍⵍⴰ "ⵕⵕⵥⵇⵇ" ⴳ ⵉⴳⵔ ⵏ ⵜⵥⵓⵕⵉ ⵉⵖⵉ ⴰ ⵙⵔⵙ ⵉⵡⵔⵔⵉ ⴷⴰⵖ. [5]
ⵜⴰⵙⴱⴱⴰⴱⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴽⴽⴰ ⵍⵃⴰⵊⵊ ⵍⵎⵀⴷⵉ ⵉⵙⴳⴳⵯⴰⵙⵏ ⴰⴼⴰⴷ ⴰⴷ ⵉⵍⵎⴷ ⵉ ⵜⵙⴱⴱⴰⴱⵜ, ⵉⵙⴽⵔ ⵜⴰⵃⴰⵏⵓⵜ ⴰⵔ ⴳⵉⵙ ⵉⵣⵣⵏⵣⴰ ⴰⵔ ⵉⵙⵙⴰⵖ ⵏⵜⵜⴰ ⴷ ⵜⴰⵔⵡⴰ ⵏⵏⵙ.[5]
ⵜⴰⵖⵏⵏⵉⵊⵜ ⵏ "ⵍⵃⵉⵊⵊ ⴰ ⵉⴳⴰⵏ ⵍⴼⵕⴹ"
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵍⵃⵉⵊⵊ ⴰ ⵉⴳⴰⵏ ⵍⴼⵕⴹ ⵜⴳⴰ ⵙⴳ ⵜⵖⵏⵏⵉⵊⵉⵏ ⵏⵏⴰ ⴰⴽⴽⵯ ⵉⵜⵜⵢⵓⵙⵙⴰⵏⵏ ⵖⵔ ⵍⵃⴰⵊⵊ ⵍⵎⵀⴷⵉ, ⵜⴳⴰ ⵢⴰⵜ ⵜⵖⵏⵏⵉⵊⵜ ⵓⵔ ⵉⵜⵜⵎⵜⴰⵜⵏ. ⵉⴽⴽⴰ ⴷ ⵍⵃⴰⵊⵊ ⵍⵎⵀⴷⵉ ⵍⵃⵉⵊⵊ ⵙ ⵜⵉⴷⵜ, ⴷⴰⵜ ⴳ ⴷ ⵢⴰⵖⵓⵍ ⵙⴳⵉⵙ ⵉⵙⵙⵏⵜⵉ ⴳ ⵜⵉⵔⵔⴰ ⵏ ⵜⵖⵏⵏⵉⵊⵜ ⴰⴷ ⴰⴼⴰⴷ ⴰ ⴰⵡⵙ ⵎⴷⴷⵏ ⵏⵏⴰ ⵉⵔⴰ ⵍⵃⵉⵊⵊ, ⴹⴰⵕⵜ ⵜⵉⵔⵔⴰ ⵉⵣⵣⵔⵉ ⵜⴰⵖⵏⵏⵉⵊⵜ ⴰⴷ ⵅⴼ ⵟⵟⴰⵍⴱ ⴰⴼⴰⴷ ⴰ ⵖⵉⴼⵙ ⵉⵣⵣⵔⵉ. ⴰⵔ ⵜⵜⵉⵏⵉⵏ ⵎⴰⵙ ⵍⵍⴰⵏ ⵟⵟⵍⴱⴰ ⵏⵏⴰ ⵉⵜⵜⵉⵏⵉⵏ ⵉ ⵍⵃⵊⵊⴰⵊ ⵉⵎⴰⵢⵏⵓⵜⵏ ⴰⴼⴰⴷ ⴰⴷ ⵍⵎⴷⵏ ⵍⴼⴰⵕⴰⵢⴹ ⴷ ⵙⵙⵓⵏⴰⵏ ⵏ ⵍⵃⵉⵊⵊ.[6]
ⵜⴰⴷⵉⵙⴽⵓⴳⵕⴰⴼⵉⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]| ⵓⵟⵟⵓⵏ | ⴰⵣⵡⵍ ⵏ ⵜⵖⵏⵏⵉⵊⵜ | ⴰⵙⴰⴽⵓⴷ ⵏ ⵓⵙⵙⵓⴼⵖ |
|---|---|---|
| 1 | ⴰⵙⵉⴼ ⵉⵏⴳⵉ | |
| 2 | ⴰ ⵢⴰⵊⴷⴷⵉⴳ ⵉⵅⵚⵚⴰ ⴽ ⵍⵃⵓⴹ | |
| 3 | ⵎⴰⵏⵉⴽ ⵔⴰⴷ ⵙⴽⵔⵖ ⴰ ⵢⴰⵎⴰⵔⴳⵉ | |
| 4 | ⵏⵓⵙⵉ ⵜⵉⴱⵔⴰⵜⵉⵏ | |
| 5 | ⴷⴷⵓⵙⵜⵓⵔ |
ⵜⴰⵎⵜⵜⴰⵏⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵎⵎⵓⵜ ⵓⵏⴰⵥⵓⵕ ⵍⵃⴰⵊⵊ ⵍⵎⵀⴷⵉ ⴱⵏ ⵎⴱⴰⵔⴽ ⴳ ⵡⴰⵢⵢⵓⵔ ⵏ ⵎⴰⵕⵚ 2024 ⴳ ⵉⵙⵎⴹⴰⵍ ⵏ ⵍⵖⵓⴼⵕⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ.[7]
ⵥⵕ ⵓⴳⴳⴰⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ https://www.youtube.com/watch?v=ubGKtOEuCjw
- ^ https://agadirtv.ma/83102.html
- ^ https://www.youtube.com/watch?v=ICmPqwLnkcI
- ^ https://hassan2013amarrakchi.blogspot.com/p/articles.html
- ^ a b https://www.youtube.com/watch?v=ubGKtOEuCjw
- ^ https://www.youtube.com/watch?v=ubGKtOEuCjw
- ^ https://agadirtv.ma/83102.html
[[ⴰⵙⵎⵉⵍ:ⴰⵏⴰⵥⵓⵕ ⴰⵎⴰⵣⵉⵖ ]]