ⴰⵃⵎⴰⴷ ⴰⵃⵏⵚⴰⵍ
| ⵃⵎⴷ ⴰⵃⵏⵚⴰⵍ | |
|---|---|
 | |
| ⵉⵏⵖⵎⵉⵙⵏ ⵓⴷⵎⴰⵡⴰⵏⵏ | |
| ⵜⴰⵍⴰⵍⵉⵜ | 1920 ⵣⵣⴰⵡⵉⵜ ⵏ ⵓⵃⵏⵚⴰⵍ |
| ⵜⴰⵎⵜⵜⴰⵏⵜ | ⵏⵓⵡⴰⵏⴱⵉⵔ 1953 ⵜⵉⴳⵎⵎⵉ ⵜⵓⵎⵍⵉⵍⵜ |
| ⵜⴰⵖⵍⴰⵏⵜ |  ⴰⵎⵖⵔⵉⴱⵉ |
| ⴰⵙⴳⴷ | ⴰⵎⵓⵙⵍⵎ |
| ⵜⵓⴷⵔⵜ ⵜⴰⵣⵣⵓⵍⴰⵏⵜ | |
| ⵜⴰⵣⵣⵓⵍⵜ | ⴰⵏⵣⴱⴰⵢ |
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⴰⵃⵎⴰⴷ ⴰⵃⵏⵚⴰⵍ ⵏⵖ ⵃⵎⴷ ⴰⵃⵏⵚⴰⵍ ⵏⵖ ⵃⵎⴰⴷ ⴰⵃⵏⵚⴰⵍ ⴷ ⴰⴳⵔⵣⴰⵎ ⵏ ⵡⴰⵟⵍⴰⵚ ⴰⴱⵔⴳⴰⵣ ⵍⵍⵉ ⵉⴱⵉⴷⴷⵏ ⴰⵏⴳⴳⵓ ⵏ ⴰⵙⴷⴷⵓⵔⵔⵢ ⴰⴼⵕⴰⵏⵙⵉⵙ ⴱⵍⴰ ⵉⴽⵚⵓⵟ. ⵉⵍⵓⵍ ⴰⵃⵎⴰⴷ ⴰⵃⵏⵚⴰⵍ ⵖ 1920 ⴳ ⵣⴰⵡⵉⵜ ⴰⵃⵏⵚⴰⵍ ⴷⵉ ⵜⵉⵖⵔⵎⵜ ⵏ ⴰⵥⵉⵍⴰⵍ. ⵎⵎⵓⵜⵏⴰⵙ ⵉⵎⴰⵔⴰⵡⵏ ⵏⵏⵙ ⵍⵍⵉⵖ ⵉⵎⵥⵥⵉⵢ ⴼ ⵎⴰⵢⴰⵏ ⴰⴼ ⵉⴷⴷⵔ ⵜⵓⴷⵔⵜ ⵏⵏⵙ ⵉⴳⵉⴳⵉⵍ. ⵍⵍⵉⵖ ⵉⵎⵇⵇⵓⵕ ⵉⵎⵉⴽⴽ ⵉⴼⵜⴰ ⵙ ⴰⵢⵜ ⵃⴱⵉⴱⵉ ⵖ ⴱⵏⵉ ⵎⵍⵍⴰⵍ ⴰⴼⴰⴷ ⴰⴷ ⵉⴽⵙⵙⴰ ⵓⵍⵍⵉ ⴷⴰⵔ ⵜⴰⵡⵊⴰ ⵏ ⴰⵢⵜ ⵣⴰⵢⴷ ⵓⵕⵃⵃⵓ, ⵉⵍⵎⵎⴰ ⵉⴷⴷⴰ ⵙ ⵜⴰⵇⴱⵉⵍⵜ ⵏ ⴰⵢⵜ ⵡⵓⴷⵉ ⵃⵎⴰ ⴰⴷ ⴷⴰⵔⵙⵏ ⵉⴳ ⴰⵅⵎⵎⴰⵙ, ⴷⴰⵢ ⵉⵕⴰⵃ ⵙ ⴱⵓⵏⵡⴰⵍ ⴰⴳⴳⵉⵙ ⵉⴽⵙⵙⴰ ⵉⵣⴳⴰⵔ ⴷⴰⵔ ⵎⵓⵃⴰ ⵓⵍⵄⵉⴷ ⴼⴰⴷ ⴰⵢⵙⵡⵡⵓⵔⵉ ⴷⴰⵔ ⵙⴰⵄⵉⴷ ⵓⵅⵍⵍⴰ ⵍⵍⵉ ⵉⴳⴰⵏ ⵢⴰⵏ ⵓⵎⵅⵣⵏⵉⵢ ⴷⴰⵔ ⵉⴼⵕⴰⵏⵙⵉⵙⵏ.
ⵜⴰⵎⵓⵙⵙⵓⵜ ⵏ ⴰⵃⵎⴰⴷ ⴰⵃⵏⵚⴰⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵃⵎⴰⴷ ⴰⵃⵏⵚⴰⵍ ⵉⴳⴰ ⴰⵎⵙⵏⴽⴰⵔ ⴰⵎⵣⵡⴰⵔⵓ ⵖ ⵍⴰⵟⵍⴰⵚ ⴰⵎⵊⴰⵀⴷⵉⵢ. ⵖ ⴰⵙⵙ ⵏ 13 ⵎⴰⵢ 1951 ⵉⵙⴽⵔ ⴰⵍⵖⴰⵖ ⴰⴷ ⵜⴰⵎⵓⵙⵙⵓⵜ ⵏⵏⵙ ⵜⴰⵎⵣⵡⴰⵔⵓⵜ ⵍⵍⵉⵖ ⵢⵓⵎⵎ ⴰⵖⴰⵔⴰⵙ ⵏ ⵜⵉⵀⵉⵔⵉⵜ ⵏ 4 ⵏ ⵉⴼⵕⴰⵏⵙⵉⵙⵏ ⵉⵏⴳⵔ ⴱⵉⵏ ⵍⵡⵉⴷⴰⵏ ⴷ ⴰⴼⵓⵔⴰⵔ ⴷⵉ ⴰⵥⵉⵍⴰⵍ, ⵉⵍⵎⵎⴰ ⵉⵏⵖⴰ ⵙⵉⵏ ⵉⴳⵣⵎ ⵙⵉⵏ ⵙⵍⵇⵕⵟⴰⵚ ⴼⴰⴷ ⴰⴷ ⵢⴰⵙⵉ ⴰⵍⴰⴼ ⵏⵏⵙⵏ. ⵙⵖⴷ ⵖⴰⴽⵓⴷⴰⵏ ⵉⵙⴼⴰⵍ ⴰⴳⵔⵣⴰⵎ ⴰⴷ ⵜⴰⵎⵙⵏⴽⴰⵔⵜ ⵏⵏⵙ ⴰⵏⵎⴳⴰⵍ ⵉⴼⵕⴰⵏⵙⵉⵙⵏ ⴰⵛⴽⵓ ⵉⵏⵖⴰ ⵜⵓⴳⵜ ⵏ ⵉⴼⵕⴰⵏⵙⵉⵙⵏ, ⵉⵎⵅⵣⵏⵉⵏ ⴷ ⵖⵡⵡⵉⵍⵍⵉ ⴰⵔ ⴷⵉⵙⵏ ⵙⵡⵡⵓⵔⵉⵏ.
ⴰⴱⴷⴰⵔ ⵏ ⴰⵃⵎⴰⴷ ⴰⵃⵏⵚⴰⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵙⴽⵔ ⵜⴰⵏⴱⴰⴹⵜ ⵜⴼⵕⴰⵏⵙⵉⵙⵜ ⴽⵔⴰⵢⴳⴰⵜⵜ ⵜⵓⴳⴳⴰⵣ ⴼⴰⴷ ⴰⴷ ⵜⴰⵎⵥ ⵉⵣⵎ ⵏ ⵜⴰⵎⵙⵏⴽⴰⵔⵜ ⵏ ⵍⴰⵟⵍⴰⵚ. ⴷⴼⴼⵉⵔ ⵏ ⵙⵉⵏ ⵉⵙⴳⴳⵯⴰⵙⵏ ⵏ ⵜⴰⴳⵔⴰⵡⵍⴰ ⵏ ⴰⵃⵎⴰⴷ ⴰⵃⵏⵚⴰⵍ ⵣⴹⴰⵔⵏ ⵉⴼⵕⴰⵏⵙⵉⵙⵏ ⴰⴷ ⴰⵎⵥⵏ ⴰⵃⵏⵚⴰⵍ ⵍⵍⵉⵖ ⵉⵙⵉⴳⴳⵍ ⵜⵉⵡⵉⵣⵉ ⴷⴰⵔ ⵢⴰⵜ ⵜⴰⵇⴱⵉⵍⵜ ⵖ ⴱⵉⵏ ⵍⵡⵉⴷⴰⵏ, ⵓⵎⵥⵏ ⵓⵍⴰ ⵖⵡⵡⵉⵍⵍⵉ ⴰⵡⵙⵏ ⴰⵙ ⵣⵓⵏⴷ ⵎⵓⵃⵎⵎⴰⴷ ⵓⵍⴷ ⵙⵎⵉⵃⴰ. ⵖ 26 ⵏⵓⵡⴰⵏⴱⵉⵔ 1953 ⵉⵜⵜⵢⴰⵡⵏⵖⴰ ⴰⵎⵖⵔⴰⵙ ⴰⵃⵎⴰⴷ ⴰⵃⵏⵚⴰⵍ ⴷ ⵓⵎⴷⴷⴰⴽⴽⵯⵍⵏⵙ ⵎⵓⵃⵎⵎⴰⴷ ⵙ ⵍⵇⵔⵟⴰⵚ ⵖ ⴰⵙⴰⵢⵙ ⵏ ⴰⵏⴰⵎⵓⵥ ⴷⵉ ⴱⵏⵉ ⵎⵍⵍⴰⵍ ⴷⴼⴼⵉⵔ ⵙⵉⵏ ⵉⵙⴳⴳⵯⴰⵙⵏ ⵖ ⴰⵖⵣⵓ ⵍⵍⵉ ⴳⵉⵙ ⵉⵥⵕⴰ ⴽⵓ ⵉⵏⴰⵡⵏ ⵏ ⵉⵙⵔⴼⵓⴼⵏ.
ⵜⴰⵎⵔⴳⴰⵍⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵃⵎⴰⴷ ⴰⵃⵏⵚⴰⵍ ⴰⵎⴰⵙⵙⴰⵡ ⴰⵎⵣⴳⵓ ⵉⵙⵙⵍⵎⴷⴰⵖ ⴰⵏⴰⵎⴽ ⵏ ⵜⵉⵔⵔⵓⴳⵣⴰ ⴷ ⵜⴰⵢⵔⵉ ⵏ ⵜⴰⵎⴰⵣⵉⵔⵜ ⵏⵏⵖ ⵎⴰⵢⴰⴷ ⴰⵢⵢⵓⵊⵊⴰⵏ ⴰⴷ ⵙⵉⴳⴳⵍⵖ ⴼ ⵜⴰⵔⵉⴷⵉⵔⵜ ⵜⴰⵏⵉⵎⴰⵏⵜ ⵏⵏⵙ ⴷ ⴰⴼ ⴼⵍⵍⴰⵙ ⴰⵔⴰⵖ ⴷ ⴰⵔ ⵙⵙⵉⵜⵉⵎⵖ ⴰⴽⴽⵯⵏ ⵉⵙⵙⵓⵙⵎ ⴰⵎⵏⵏⵉ ⵢⴰⴷ.
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⴷⵍⵉⵙ ⵏ ⵜⴰⴳⵔⴰⵡⵍⴰ ⵏ ⵓⴳⵔⵣⴰⵎ ⵏ ⵜⴰⴷⵍⴰ ⴰⵎⵖⵏⴰⵙ ⴰⵃⵎⴰⴷ ⴰⵃⵏⵚⴰⵍ ⴰⵏⴳⴳⵓ ⵏ ⴰⵙⴷⴷⵓⵔⵔⵉ ⴰⴼⵕⴰⵏⵚⵉⵚ
- ⴰⵎⵏⵏⵉ ⵏ ⵉⵎⴰⴷ ⵛⵛⴰⵡⵉ
- ⴰⵎⵏⵏⵉ ⵏ ⵎⵓⵃⵎⵎⴰⴷ ⵡⴰⵃⵉ