ⵍⴰⵍⵍⴰ ⵄⵣⵉⵣⴰ ⵜⴰⴳⵔⵔⴰⵎⵜ

ⴰⵎⴰⴳⵔⴰⴷ ⴰⴷ ⵉⴳⴰ ⵙⵓⵍ ⴰⴳⵓⵊⵉⵍ. ⵎⴽ ⵜⵓⴼⵉⴷ, ⵔⵏⵓ ⴰⵙⵖⵓⵏ ⵏⵏⵙ ⴳ ⴽⵕⴰⴹⵜ ⵜⴰⵙⵏⵉⵡⵉⵏ ⵢⴰⴹⵏⵉⵏ.

ⴰⵎⴰⴳⵔⴰⴷ ⴰⴷ ⵓⵔ ⵉⵍⵉ ⵉⵙⴰⵖⵓⵍⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⴰⵖⵓⵍⵏ ⵏⵖ ⵓⴳⴳⴰⵔ.

ⵍⴰⵍⵍⴰ ⵄⵣⵉⵣⴰ ⵜⴰⵙⴽⵙⵉⵡⵉⵜ ⵏⵖ ⵍⴰⵍⵍⴰ ⵄⵣⵉⵣⴰ ⵜⴰⴳⵔⵔⴰⵎⵜ ⵏⵖ ⵙ ⵉⵙⵎ ⵏⵙ ⵉⵎⵇⵇⵓⵔⵏ ⵄⵣⵉⵣⴰ ⴱⵕⴰⵀⵉⵎ ⵜⴰⵙⴽⵙⵉⵡⵜ ⵜⴳⴰ ⵜⴰⴳⵔⵔⴰⵎⵜ ⵓⵍⵜⵜ ⵓⴷⵔⴰⵔ ⵏ ⵉⵙⴽⵙⴰⵡⴰⵏ ⵉⵡⴰⵍⴰⵏ ⵉ ⵓⴷⵔⴰⵔ ⵏ ⴷⵔⵏ, ⵙⴳ ⵜⴰⴽⴰⵜ ⵏ ⴰⵢⵜ ⵄⵍⵉ, ⵢⴰⵜ ⵜⴰⵡⵊⴰ ⵜⴰⵙⵓⵙⵉⵜ ⴳ ⵡⴰⵥⵓⵕ ⵏⵙ, ⵓⵔ ⴱⴷⵔⵏ ⵉⵙⴰⵖⵓⵍⵏ ⵎⴰⴷ ⵉⴳⴰ ⵓⵙⴳⴳⵯⴰⵙ ⵏ ⵜⵍⴰⵍⵉⵜ ⵏⵏⵙ, ⵎⴰⵛ ⵎⵛⵓⵛⴽⴰⵏ ⴷ ⵉⵙ ⵜⴷⴷⵔ ⴳ ⵓⵣⵎⵣ ⵏ ⵜⵏⴱⴰⴹⵜ ⵏ ⵉⵎⴰⵔⵉⵏⵏ, ⴳ ⵜⴰⵙⵓⵜ ⵜⵉⵙⵙ 13 ⴷⴰⵜ ⵜⵍⴰⵍⵉⵜ, ⴰⴽⵓⴷ ⵏⵏⴰ ⴳ ⵉⵙⵙⵏ ⵓⴷⵔⴰⵔ ⵏ ⴷⵔⵏ ⴽⵔⴰ ⵏ ⵉⵙⵏⴼⴰⵍ ⴷⵔⴰⵏⵉⵏ ⴹⴼⵕ ⵜⴰⴹⵓⵕⵉ ⵏ ⵓⵡⴰⵏⴽ ⴰⵎⵡⴰⵃⴷⵉ. ⵜⴻⵜⵜⵢⴰⵡⵙⵙⴰⵏ ⵜⵎⵖⴰⵔⵜ ⴰⴷ ⵉⵙ ⴷ ⵏⵜⵜⴰⵜ ⴰⴷ ⵉⵙⵎⵓⵏⵏ ⴳⵔ ⴱⵓ ⵄⴰⵎⵉⵔ ⵉⵏⵜⵉ ⵏⵏⴰ ⵉⵙⵡⵡⵓⵔⵉⵏ ⴷⴰⵔ ⴱⵓⵄⵏⴰⵏ ⴰⵎⴰⵔⵉⵏ, ⴷ ⵓⴳⵍⵍⵉⴷ ⵄⴱⴷⵍⵍⴰⵀ ⴰⵙⴽⵙⵉⵡ.

ⴰⴷⴷⵓⵔ ⵏⵙ

ⵢⵓⵍⵙ ⴱⵕⴰⵀⵉⵎ ⵓ ⴱⵉⵀⵉ ⵢⴰⵏ ⵓⵏⵎⵖⵓⵔ ⵏ ⵓⴳⴷⵎⵜ ⴳ ⵜⵙⴳⴰ ⵏ ⵡⴰⵙⵉⴼ ⵍⵎⴰⵍ ⵉⵙ ⵜⴰⴳⵔⵔⴰⵎⵜ ⴰⴷ ⵜⵥⴹⴰⵕ ⵉ ⵉⵏⴳⵎⴰⵔⵏ ⴷ ⵉⴷ ⵎⴰⴼⴰⵡⴰⵍ (ⵉⵏⴹⴹⴰⵎⵏ), ⵡⴰⵏⵏⴰ ⵉⵔⴰⵏ ⴰⴷ ⵉⵍⵎⴷ ⵓⵔⴰⵔⵏ ⴷ ⵓⵎⴰⵔⴳ ⴰⵔ ⵉⵜⵜⴷⴷⵓ ⵙ ⵜⵉⵣⴰⵖⵛⵜ (ⵍⵇⵇⴱⵜ) ⵏⵏⵙ, ⴰⵔ ⴳⵉⵙ ⵉⵇⵇⵔⵙ ⵉ ⵉⴳⵉⵎⵉ ⵏⵖ ⴰⴱⵓⴽⵉⵔ ⵉⴹⵍⴰⵏ. ⴰⵔ ⵉⵏⵙⵙⴰ ⵜⴰⵎⴰ ⵏ ⵜⵎⴹⵍⵜ ⵏ ⵜⴳⵔⵔⴰⵎⵜ, ⴰⵔ ⵉⵙⵔⵓⵙ ⵜⴰⵍⵍⵓⵏⵜ ⵏⵖ ⵔⵔⵉⴱⴰⴱ ⴳ ⵉⴳⴳⵉ ⵏⵏⵙ, ⴰⵔ ⴳⵉⵙ ⵉⵛⵜⵜⴰ ⴰⴹⵉⵍ ⵢⵓⵣⵖⵏ, ⴰⵔ ⵜⵏ ⵉⵜⵜⴰⵙⵉ ⵙ ⵉⵅⴼⴰⵡⵏ ⵏ ⵜⵙⵎⵉⵜ, ⵉⴳ ⴰⵙ ⵜⴼⴽⴰ ⵜⴳⵔⵔⴰⵎⵜ ⴰⵎⴰⵔⴳ ⵉⵙⵙⵢⴰⴼⴰ ⴽⵔⴰ ⴰⵔ ⴰⵙ ⵉⵜⵜⴳⴳⵯⵉⵣ ⵙ ⵜⴰⵇⵇⴰⵢⵜ ⵣⵓⵏ ⴷ ⵜⵓⵟⴼⵉⵏ, ⵉⵖ ⵉⴼⴼⵓ ⵓⵣⵎⵣ ⵜⵚⵉⴼⴹ ⵜ ⵜⴳⵯⵔⵔⴰⵎⵜ ⵉⴳⴰ ⴰⵏⴹⴹⴰⵎ, ⵉⵎⵎⴰ ⵉⵏⴳⵎⴰⵔⵏ ⴰⵔ ⵙⵔⵓⵙⵏ ⵉⴱⵓⵔⵉⵢⵏ ⵏⵏⵙⵏ ⵖⵎⴽ ⵏⵏⴰ ⵙⴽⴰⵔⵏ ⵉⵏⴹⴹⴰⵎⵏ. ⴳ ⵜⵎⴹⵍⵜ ⵏ ⵍⴰⵍⵍⴰ ⵄⵣⵉⵣⴰ ⴰⵔ ⵙⴽⴰⵔⵏ ⵎⴷⴷⵏ ⵜⴰⵎⵢⵓⵔⵜ ⵏ ⵓⴷⴱⵏⵉ. ⵉⵙⵎ ⵏ ⵍⴰⵍⵍⴰ ⵄⵣⵉⵣⴰ ⴰⵔ ⵜ ⴰⴷⴷⵔⴰⵏⵜ ⵜⴼⵇⵇⵉⵔⵉⵏ, "ⴰ ⵍⴰⵍⵍⴰ ⵄⵣⵉⵣⴰ!" ⵉⴳ ⵥⵕⴰⵏⵜ ⴽⵔⴰ ⵏ ⵜⵖⴰⵡⵙⴰ ⵉⵙⵙⴱⵀⴰⴹⵏ.