ⴰⴳⵍⴰⵢ

ⴰⵎⴰⴳⵔⴰⴷ ⴰⴷ ⵓⵔ ⵉⵍⵉ ⵉⵙⴰⵖⵓⵍⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⴰⵖⵓⵍⵏ ⵏⵖ ⵓⴳⴳⴰⵔ.

ⴰⴳⵍⴰⵢ (ⴰⵎⴰⴳⵓⵜ: ⵉⴳⵍⴰⵢⵏ) ⵏⵖ ⴰⴱⴰⵥⵥⴰ, ⴰⴱⴰⴽⴽⵓ, ⴰⴱⵊⵍⴰⵍ, ⴰⴱⵍⵍⴰⵡ, ⴰⴱⵍⵓⵍ, ⴰⴳⵯⵊⵊⵉⵎ, ⴰⵇⵍⵍⴰⵍ, ⴰⴱⵓⴱⴱⵓ, ⵜⴰⴷⴷⵉⵍⵜ, ⴰⴱⵍⵍⵓ ⵏⵖ ⴰⵛⵟⵟⴰⴱ (ⵙ ⵜⵙⵔⵖⵉⵏⵜ: قضيب) ⵉⴳⴰ ⵢⴰⵏ ⵓⵙⴽⵏⴰⴼ ⴰⵏⴼⴳⴰⵏ ⵉⵍⵍⴰⵏ ⴷⴰⵔ ⵓⵔⴳⴰⵣ. ⴰⴳⵍⴰⵢ ⵏ ⵓⴼⴳⴰⵏ ⴷⴰⵔⵙ ⵙⵏⴰⵜ ⵜⵡⵔⵉⵡⵉⵏ, ⴰⴱⵥⴹⵉⴹ (ⴰⵎⴰⵏ) ⴷ ⵜⵓⵇⵇⵓⵜ (ⵏⵖ ⵜⵉⵇⵇⵉⵜ ⵏⵖ ⵜⴰⵣⴰⴳⴰ ⵏⵖ ⴰⵔⵔⴰⵡ).

ⵜⵉⵡⵍⴰⴼⵉⵏ

ⴰⵙⵎⵎⵉⵍⵉ ⵏ ⵓⴳⵍⴰⵢ
ⴰⵙⵙⵏⴽⵔ ⵏ ⵓⴳⵍⴰⵢ (ⴼ ⵓⴼⴰⵙⵉ : ⴰⴳⵍⴰⵢ ⵉⴳⵏⵏ, ⴼ ⵓⵥⵍⵎⴰⴹ : ⴰⴳⵍⴰⵢ ⵉⵏⴽⵔⵏ

ⴰⵙⵎⵎⵉⵍⵉ ⵏ ⵓⴳⵍⴰⵢ

ⴰⴳⵍⴰⵢ ⵏⵥⵥⴹⴰⵕ ⴰⴷ ⵏⵉⵏⵉ ⵎⴰⵙ ⴳⵉⵙ ⴽⴽⵓⵥ ⵜⴳⵣⵎⵉⵏ :

ⵉⵅⴼ ⵏ ⵓⴳⵍⴰⵢ: ⴰⴳⵍⴰⵢ ⴷⴰⵔⵙ ⵉⵅⴼ ⵏⵜⵜⴰⵏ ⴰ ⵉⵍⵍⴰⵏ ⴳ ⵜⵉⵣⵡⵉⵔⵉ ⵏⵙ, ⴰⴽⵓⴷ ⵏⵏⴰ ⵉⵍⵍⴰ ⵓⵔⴳⴰⵣ ⴷ ⵜⵎⵖⴰⵔⵜ ⵏⵙ, ⵉⵅⴼ ⴰ ⵣⵡⴰⵔ ⵉⴽⵛⵛⵎⵏ ⵙ ⵓⴱⵛⵛⵉ ⵏ ⵜⵎⵖⴰⵔⵜ.
ⵜⴰⴼⴳⴳⴰ ⵏ ⵓⴳⵍⴰⵢ: ⵜⴳⴰ ⵜⴰⴳⵣⵣⵓⵎⵜ ⵉⵍⵍⴰⵏ ⵉⵏⴳⵔ ⵉⵅⴼ ⵏ ⵓⴳⵍⴰⵢ ⴷ ⵓⵥⵖⵔ ⵏⵙ.
ⵉⵍⵎ ⵏ ⵓⴳⵍⴰⵢ: ⵉⵍⵎ ⵏ ⵓⴳⵍⴰⵢ ⵉⴳⴰ ⵉⵍⵎ ⵉⵃⴱⴰⵏ ⴰⴳⵍⴰⵢ ⴰⴽⴽ.
ⴰⵥⵖⵔ ⵏ ⵓⴳⵍⴰⵢ: ⵉⵣⴷⴰⵔ ⵏ ⵓⴳⵍⴰⵢ, ⴰⴹⵖⴰⵔ ⴳ ⵉⵎⵏⴰⴳⴳⵓⵔ ⵓⴳⵍⴰⵢ ⴷ ⵜⴼⴳⴳⴰ.

ⵜⴰⵡⵡⵓⵔⵉ ⵏⵖ ⵜⴰⵙⵖⵏⵜ ⵜⴰⴼⵉⵣⵢⵓⵍⵓⵊⵉⵜ

ⴰⴳⵍⴰⵢ ⴷⴰⵔⵙ ⵜⵓⴳⵜ ⵏ ⵜⵡⵡⵓⵔⵉⵡⵉⵏ ⵣⵓⵏⴷ ⵓⴽⴰⵏ :

ⴰⵙⵙⵏⴽⵔ:

ⴰⴳⵍⴰⵢ ⴰⵔ ⵉⵜⵜⵎⵥⵥⵉ ⴰⵔ ⵉⵜⵜⵎⵇⵇⵓⵔ, ⴰⴽⵓⴷ ⵏⵏⴰ ⵜⵍⵍⴰ ⵜⵉⵇⵇⵯⵉⵜ (ⵏⵖ ⵜⵓⵇⵇⵓⵜ) ⴰⵔ ⵉⵜⵜⵎⵇⵇⵓⵔ, ⴰⴽⵓⴷ ⵏⵏⴰ ⵓⵔ ⵉⵍⵍⵉ ⵢⴰⵜ ⴰⵔ ⵉⵜⵜⵎⵥⵥⵕ, ⴰⵣⵎⵣ ⵏⵏⴰ ⴳ ⵉⵎⵇⵇⵓⵔ ⵓⴳⵍⴰⵢ ⴰⵔ ⴰⵙ ⵏⵜⵜⵉⵏⵉ ⴰⵣⵎⵣ ⵏ ⵓⵙⵙⵏⴽⵔ.

ⴰⵙⴱⵉⵥⵥⴹ:

ⴰⴳⵍⴰⵢ ⴰⵔ ⵙⴳⵉⵙ ⴷ ⵉⵜⵜⴼⴼⵓⵖ ⵓⴱⵥⴹⵉⴹ, ⴰⵎⴰⵏ ⴷ ⵉⵜⵜⴼⴼⵓⵖⵏ ⵙⴳ ⵜⴼⴳⴳⴰ ⵏ ⵓⴼⴳⴰⵏ.

ⵉⴼⵉ:

ⴰⵔ ⵏⵜⵜⵉⵏⵉ ⵉⴼⴼⵉ ⵓⵔⴳⴰⵣ ⴱⵍⵍⴰⵖⵖⵓ (ⵍⵎⴰⵏⵉⵢ) ⵏⵙ ⴳ ⵜⵎⵖⴰⵔⵜ.

ⵜⵉⵎⵓⴹⴰⵏ

ⴰⴳⵍⴰⵢ ⵏ ⵓⴼⴳⴰⵏ ⴰⵔ ⵜⴽⴽⴰⵜⵏⵜ ⵜⵓⴳⵜ ⵏ ⵜⵎⵓⴹⴰⵏ ⵣⵓⵏⴷ ⵓⴽⴰⵏ :

ⴰⴹⴹⵓⴽⴽⵏ ⵏ ⵓⵙⵙⵏⴽⵔ : ⴰⴽⵓⴷ ⵏⵏⴰ ⵓⵔ ⴰ ⵉⵜⵜⵉⵔⵉ ⵓⴳⵍⴰⵢ ⴰ ⵉⵏⴽⵔ.
ⵉⴼⴼⵉ ⵏ ⵣⵉⴽⴽ : ⴰⴽⵓⴷ ⵏⵏⴰ ⴰ ⵉⵜⵜⴼⴼⵉ ⵓⵔⴳⴰⵣ ⵙ ⵜⵉⵣⵣⵍⴰ ⴳ ⵜⵓⵇⵇⵓⵜ.

ⵜⴰⵙⴽⵔⴰ^[1]

ⵜⴰⵙⴽⵔⴰ ⵜⴳⴰ ⵢⴰⵜ ⵜⴰⵎⵀⵍⵜ ⵉⵜⵜⵢⴰⵡⵙⴽⴰⵔⵏ ⵉ ⵉⴼⵔⵅⴰⵏ ⵎⵥⵉⵏ, ⴰⴽⵓⴷ ⵏⵏⴰ ⴰⵙⵏ ⴱⴱⵉⵏ ⵉⵍⵎ ⵎⵥⵥⵉⵏ ⵉⵜⵜⵉⵍⵉⵏ ⴼ ⵉⴼⵅ ⵏ ⵓⴳⵍⴰⵢ ⵏ ⵓⴼⵔⵓⵅ ⴰⵎⵥⵥⴰⵢ. ⵜⴰⵙⴽⵔⴰ ⴷⴰⵔⵙ ⵜⵓⴳⵜ ⵏ ⵉⵙⵎⴰⵡⵏ ⵣⵓⵏⴷ ⵓⴽⴰⵏ ⵍⵉⵙⵍⴰⵎ (ⴰⵔ ⵜⵜⵉⵏⵉⵏ ⵎⵉⴷⴷⵏ : ⵉⵙⵉⴽⴽ ⵉⵡⵉⵙ ⵍⵉⵙⵍⴰⵎ, ⵙ ⵓⵎⴷⵢⴰ ⵏ ⵉⵙⴽⵔⴰⵙ ⵜⴰⵙⴽⵔⴰ)