ⵓⵔⴰⵔⵏ ⵏ ⴰⵢⵜ ⴱⴰⵀⴰ ⵏ ⵓⴷⵔⴰⵔ
ⵉⵍⴰ ⵡⴰⵟⵍⴰⵙ ⴰⵎⵥⵢⴰⵏ ⵢⴰⵜ ⵜⵎⵍⵉⵍⵜ ⵉⵙⵓⴳⵔⵏ ⵙ ⵓⵙⵔⴰⴳ ⵏ ⵡⴰⵏⵙⴰ ⵏⵏⵙ ⴰⵙⵜⵔⴰⵜⵉⵊⵉ ⵍⵍⵉ ⵖ ⵉⵍⵍⴰ ⴳ ⵟⵓⵥⵓⵎⵜ ⵏ ⵜⵎⴰⵣⵉⵔⵜ ⵏ ⵍⵎⵖⵔⵉⴱ, ⴳⵏ ⵉⴷⵔⴰⵔⵏ ⵏⵏⵙ ⵓⵍⴰ ⵏⵜⵜⵏⵉ ⵢⴰⵏ ⵖ ⵉⵇⴱⵓⵔⵏ ⵍⵍⵉ ⵍⵍⴰⵏⵉⵏ ⵖ ⵉⵙⴳⴳʷⴰⵙⵏ ⵣⵔⵉⵏⵉⵏ ⵍⵍⵉⵖ ⵜⴰ ⵓⵔ ⵉⵍⵍⵉ ⵓⴼⴳⴰⵏ ⵖ ⵜⵓⴷⵔⵜ ⴰⴷ, ⵉⵜⵜⴰⵡⵙⵙⴰⵏ ⵡⴰⵟⵍⴰⵚ ⴰⵎⵥⵢⴰⵏ ⵙ ⵓⴱⵓⵖⵍⵓ ⵏ ⵉⵙⵓⴳⴰⵎ ⵏⵏⵙ ⵉⴳⴰⵎⴰⵏⵏ, ⴰⵢⵍⵍⵉ ⵉⵜⵜⴰⵊⵊⴰⵏ ⴰⵟⵍⴰⵚ ⴰⵎⵥⵢⴰⵏ ⴰⴷ ⵢⵉⵍⵉ ⴼ ⵉⵙⵓⴳⴰⵔ ⵉⴽⵎⴰⵎⵏ ⴷ ⴼⵍⵏⵜ ⵜⴳⵔⴰⵡⵉⵏ ⵜⵉⵏⴼⴳⴰⵏⵉⵏ ⵉⵙⵢⴰⴼⵓⵏ ⴳ ⵉⴳⵔⴰⵏ ⵏⵏⵙ, ⵉⴳ ⵡⴰⵙⵉⴼ ⵏ ⴷⵔⵄⴰ ⴷ ⵡⴰⵙⵉⴼ ⵏ ⵙⵓⵙ ⵢⴰⵏ ⵖ ⵉⵙⴰⴼⴼⵏ ⵖⵣⵉⴼⵏⵉⵏ ⵖ ⵓⴷⵖⴰⵔ ⴰⴷ ⴳⵏ ⵎⴰ ⵢⵓⵙⵉⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵉⵙⴳⴰⴷⴷⴰ ⴰⵙⵏ ⵜⴰⵖⴰⵔⴰⵙⵜ ⵏ ⵜⵉⵔⵎⵜ ⵏⵏⵙⵏ ⴷ ⵓⵙⵔⵜⵓ ⵏ ⵜⵓⴷⵔⵜ ⵍⵍⵉ ⵖ ⴰⴷ ⵉⵍⵉⵏ, ⵉⵍⵉⵏⵜ ⴳⵉⵙ ⵜⵓⴳⵜ ⵏ ⵜⵔⴳⵉⵡⵉⵏ ⵍⵍⴰⵏⵉⵏ ⵖ ⵉⴳⴳⵉ ⵏ ⵉⵙⴰⴼⴼⵏ ⵍⵍⵉ ⵉⵙⵓⵜⵍⵏ ⵉ ⵡⴰⵟⵍⴰⵚ ⴰⴷ ⴰⵎⵥⵢⴰⵏ ⴰⵔ ⴷ ⴳⵉⵙ ⵜⵜⴰⵎⵥⵏ ⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵏ ⵜⴼⵍⵍⴰⵃⵜ, ⴳⵏ ⵉⵙⴰⴼⴼⵏ ⴰⴷ ⴷ ⵡⵉⵢⵢⴰⴹ ⵢⴰⵜ ⵖ ⵜⵎⵏⵜⴰⵍ ⵍⵍⵉ ⵢⵓⵊⵊⴰⵏ ⴰⴼⴳⴰⵏ ⴰⴷ ⵢⵓⵜ ⵙ ⵉⵥⵓⵕⴰⵏ ⵏⵏⵙ ⵉⵙⵜⵉ ⴰⴷ ⵉⵙⴽⴽⵓⵙ ⵖ ⵓⴷⵔⴰⵔ ⴰⴷ ⵉⵙⵙⵏⵜⵉ ⴳⵉⵙ ⵜⵓⴷⵔⵜ ⵏⵏⵙ ⴷ ⵉⴽⵍⵓ ⴳⵉⵙ ⵜⴰⵖⵔⵎⴰ ⵏⵏⵙ ⴷ ⵜⵎⵢⵓⵔⵉⵏ ⵏⵏⵙ.
ⴳ ⵓⵎⵣⵡⴰⵔⵓ ⵏ ⵓⵙⵓⴳⴰⵔ ⴰⴷ ⵉⴽⵎⴰⵎⵏ ⴰⵔ ⵏⵜⵜⴰⴼⴰ ⴰⵏⵙⵉⵡⵏ ⵏ ⵜⵥⵓⵕⵉ ⴼ ⵓⵥⵕⵓ ⵙ ⵡⴰⵏⴰⵡⵏ ⵏⵏⵙ ⵖ ⵡⴰⵟⵍⴰⵚ ⴰⵎⵥⵢⴰⵏ ⵙ ⵉⵙⵏⵜⴰⵍ ⴷ ⵉⵎⴰⵎⴽⵏ ⴳⵉⵙ ⵉⵍⵍⴰⵏ, ⵉⵙⵎⵎⵥⵍⵉⵏ ⵉⴷⵔⴰⵔⵏ ⵏ ⵓⴷⵖⴰⵔ ⴰⴷ ⴼ ⵡⴰⵏⵙⵉⵡⵏ ⵢⴰⴹⵏⵉⵏ ⵏ ⵜⵥⵓⵔⵉ ⴳ ⵜⵎⴰⵣⵉⵔⵜ ⵏⵏⵖ, ⵢⵉⵍⵉ ⴳ ⵡⴰⵟⵍⴰⵚ ⴰⵎⵥⵢⴰⵏ ⵜⵓⴳⵜ ⵏ ⵡⴰⵢⴷⴰ ⵍⵍⵉ ⴷ ⴼⵍⵏⵜ ⵜⵓⴳⵜ ⵏ ⵜⵖⵔⵎⵉⵡⵉⵏ ⵍⵍⵉ ⵣⵔⵉⵏⵉⵏ ⴳ ⵓⵎⵣⵔⵓⵢ ⵏ ⵓⴷⵖⴰⵔ ⴰⴷ ⵍⵍⵉ ⵖ ⴷ ⴼⵍⵏⵜ ⵜⵓⴳⵜ ⵏ ⵜⵎⵢⵓⵔⵉⵏ ⴷ ⵜⵓⵙⵏⴰ ⵖ ⵜⵓⴳⵜ ⵏ ⵉⴳⵔⴰⵏ, ⴷ ⴰⵢⵍⵍⵉ ⴷ ⵉⴼⵍ ⵡⴰⵎⵓⵏ ⵏ ⵓⴼⴳⴰⵏ ⵏ ⵉⵙⵏⴼⵍⵓⵍⵏ ⴷ ⵜⵡⵙⵙⵏⵉⵡⵉⵏ ⴷ ⵜⵉⵏⵏⴰⵡⵉⵏ ⴷ ⵡⴰⴹⴰⴷⵏ ⴷ ⵜⵎⵢⴰⵔ ⴷ ⵉⵙⴽⴽⵉⵔⵏ ⴷ ⵡⴰⵏⴰⵡⵏ ⵏ ⵜⵓⴷⵔⵜ ⴷ ⵉⵎⴰⵙⵙⵏ ⵏ ⵓⵏⵢⵉⵍⴽⵎ, ⵙ ⵡⴰⵏⵍⵉ ⴷ ⵡⵓⵍ ⵏⵏⵙ ⴷ ⵡⵉⵏ ⵉⴳⵔⴰⵡⵏ ⵏⵏⵙ ⵅ ⴷⴷⴰⵡⴰ ⵏ ⵓⴷⵔⵉⵣ ⵏ ⵓⵎⵔⴰⵙ ⵍⵍⵉ ⴳ ⵉⵍⵍⴰ ⵓⴼⴳⴰⵏ ⴰⴷ.
ⵜⴳⴰ ⴰⵢⵜ ⴱⴰⵀⴰ ⵓⴷⵔⴰⵔ ⵢⴰⵜ ⵜⵖⵔⵎⵜ ⵍⵍⵉ ⵉⵍⵍⴰⵏ ⵖ ⵡⴰⵟⵍⴰⵚ ⴰⵎⵥⵢⴰⵏ ⵖ ⵜⵙⴳⴰ ⵜⴰⵥⵍⵎⴰⴹⵜ ⵏⵏⵙ, ⵍⵍⵉⵖ ⵉⵜⵜⴰⵡⵙⵙⴰⵏ ⵙ ⵉⴷⵔⴰⵔⵏ ⵍⵍⵉ ⵢⵓⵙⵉⵏ ⵜⵓⴳⵜ ⵏ ⵜⵎⵢⵓⵔⵉⵏ ⴷ ⵜⴰⵢⵙⵉ ⵜⴰⵎⴰⵣⵉⵖⵜ ⵉⵙⴳⴳʷⴰⵙⵏ ⴼ ⵡⵉⵢⵢⴰⴹ ⵣⵓⵏ ⴷ ⵜⵉⵎⵍⵙⴰ ⵍⵍⵉ ⵙⵉⵙ ⵉⵥⵍⵉⵏ ⴷ ⵓⵊⵎⴰⴽ ⴷ ⵜⵎⴷⵢⴰⵣⵉⵏ ⴷ ⵜⵓⵍⵍⵉⵙⵉⵏ ⵍⵍⵉ ⵜⵜⴰⵍⵙⵏ ⵉⵎⵇⵔⴰⵏⵏ ⵉ ⵢⵉⵎⵥⵢⴰⵏⵏ ⵖ ⴽⵔⴰⵢⴳⴰⵜ ⵉⴹ, ⴰⵢⵜ ⴱⴰⵀⴰ ⵏ ⵓⴷⵔⴰⵔ ⵜⵜⴰⵡⵙⵙⴰⵏ ⵙ ⵉⵎⴷⵢⴰⵣⵏ ⵏⵏⵙ ⴷ ⵓⵔⴰⵔⵏ ⵍⵍⵉ ⵉⵜⵜⵎⵓⵏⴰⵏ ⴷ ⵜⵡⵓⵔⵉ ⵏⵏⵙⵏ ⵖ ⵜⵢⵔⵣⴰ ⵏⵖ ⵉⵖ ⴰⵔ ⵎⵎⴳⵔⵏ …, ⵓⵔⴰⵔⵏ ⵉⵙ ⴰⴽⴽⵯ ⴳⵉⵙⵏ ⵉⵏⴳⴹ ⵓⴼⴳⴰⵏ ⵖ ⵜⴰⵙⴳⴰ ⴰⴷ ⴰⵛⴽⵓ ⵖⵉⵏⵏ ⴰⵖ ⴰⵔ ⵉⵙⵙⴰ ⵉⵎⴰⵏ ⵏⵏⵙ ⵢⴰⵍⵍ ⴳⵉⵙ ⵜⵓⴷⵔⵜ ⵏⵏⵙ, ⵉⴳ ⵓⵔⴰⵔ ⵢⴰⵜ ⵖ ⵜⵎⵢⵓⵔⵉⵏ ⵍⵍⵉ ⴷ ⵉⴼⵍ ⴰⴼⴳⴰⵏ ⴰⵇⴱⵓⵔ ⵉ ⵜⴰⵔⵡⴰ ⵏⵏⵙ.
ⵜⴰⵎⴷⵢⴰⵣⵜ ⵜⴰⵎⵉⵡⴰⵏⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴰⵎⴷⵢⴰⵣⵜ ⴷⴰⵔ ⵉⵎⴰⵣⵉⵖⵏ ⵣⵉⴽⴽ ⵜⴳⴰ ⵢⴰⵏ ⵓⵙⴽⴽⵉⵏ ⴰⵡⴰⵙⵙⴰⵏ ⴷⴰ ⵉⵎⵓⵏⵏ ⴷ ⵜⵡⵓⵔⵉⵡⵉⵏ, ⵜⵉⵎⵢⵓⵔⵉⵏ, ⵉⵎⵏⵖⴰⵏ… ⵜⴳ ⵢⴰⵜ ⵜⵎⴷⵢⴰⵣⵜ ⵢⵓⵙⵉⵏ ⵜⵉⴼⵔⴰⵙ ⵏ ⵉⵙⵏⵜⴰⵍ ⵏ ⵡⴰⵎⵓⵏ ⴰⵎⴰⵣⵉⵖ ⴰⵣⴰⵢⴽⵓ. ⴳ ⴰⵢⵜ ⴱⴰⵀⴰ ⵓⴷⵔⴰⵔ, ⵜⴰⵡⵜⵎⵜ ⴰⴷ ⵉⵟⵟⴰⴼⵏ, ⵜⵎⵎⵏⵖ ⴼ ⵡⴰⵔⴰⵢ ⵏ ⵜⴷⵍⵙⴰ ⴷ ⵜⵎⴷⵢⴰⵣⵜ ⵜⴰⵎⵉⵡⴰⵏⵜ ⵙ ⵓⵎⴰⵜⴰ ⵓⴳⴳⴰⵔ ⵏ ⵓⵔⴳⴰⵣ. ⴳ ⵜⵓⴳⵜⵜ ⵏⵏⵙ, ⵜⴰⵎⴷⵢⴰⵣⵜ ⵜⴰⵎⵉⵡⴰⵏⵜ ⵜⴳⴰ ⵜⵓⵏⵣⵉⵍⵜ, ⵜⴳ ⵜⴰⵍⵍⵉ ⴷ ⵉⴽⴽⴰⵏ ⵓⵍ. ⵎⴰⵛ, ⵡⴰⵍⵍⵉ ⵓⵔ ⵉⵙⵙⵉⵏⵏ ⵜⴰⵎⴷⵢⴰⵣⵜ ⵜⴰⵎⴰⵣⵉⵖⵜ ⵔⴰⴷ ⵉⵖⴰⵍ ⵉⵙ ⵜⵜ ⵉⴼⴼⵖ[1].
ⵓⵔⴰⵔ ⴷ ⵜⵣⵔⵔⴰⵔⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵓⵔⴰⵔ ⴳ ⴰⵢⵜ ⴱⴰⵀⴰ ⵏ ⴷⵔⴰⵔ ⵓⵔⴰⵔⵏ ⴳⴰⵏⵜ ⵜⵏ ⵜⵉⵡⴰⵏ ⵙ ⴰⵔ ⵜⵜⵉⵔⵉⵔⵏⵜ ⵜⵎⵖⴰⵔⵉⵏ ⴳ ⵓⵃⵡⴰⵛ ⵙ ⵡⴰⵏⴰⵡⵏ ⵏⵏⵙ. ⴳ ⵜⵓⴳⵜⵜ ⵏⵏⵙⵏ ⴰⵔ ⵜⵜⴳⴳⴰⵏ ⵙⵏⴰⵜ ⵏ ⵜⵉⵡⴰⵏ, ⴽⵓ ⴰⴷⵔⴰⵙ ⵏ ⵓⵃⵡⴰⵛ ⴰⵔ ⵉⵜⵜⵉⵏⵉ ⵢⴰⵜ ⵜⵉⵡⵏⵜ, ⵉⵏⵏⴰ ⴷ ⵓⴷⵔⴰⵙ ⴰⵏⵏ ⵢⴰⴹⵏ ⵢⴰⵜ. ⴰⵥⴰⵕ ⵏ ⵜⴳⵓⵔⵉ “ⵓⵔⴰⵔ” ⵉⵣⴷⵉ ⴷ ⵓⵎⵢⴰⴳ “ⵔⴰⵔ”, ⵢⴰⵜ ⵙⴳ ⵜⴼⵔⴰⵙ ⵙ ⵜⴻⵜⵜⵡⴰⵙⵙⵏ ⵜⴷⵢⴰⵣⵜ ⵜⴰⵎⴰⵣⵉⵖⵜ ⴷ ⴰⵎⵙⴰⵡⴰⵍ ⴷ ⵓⵎⵔⴰⵔⴰ ⴳⵔ ⵜⵎⴰⵔⵉⵔⵉⵏ ⴷ ⵉⵎⴰⵔⵉⵔⵏ. ⵎⴽ ⵍⵍⵉ ⵉⵎⵍ ⵜⴰⴳⵓⵔⵉ ⴰⴷ, ⴰⴷ ⴷ ⵜⴽⴽ ⴰⵎⵢⴰⴳ “ⵉⵔⵉⵔ”, “ⴰⵔ ⵜⵜⵉⵔⵉⵔ”, ⴰⵢⴰⴷ ⵉⵙⴽⴰ ⴼ ⵎⵏⵏⴰⵡ ⵡⴰⵏⵥⴰⵜⵏ, ⵢⴰⵏ ⵙⵉⴳⵙⵏ ⴰⵙⴹⵓⵏ ⵏ ⵜⵎⴷⵢⴰⵣⵜ ⵜⴰⵎⴰⵣⵉⴹⵜ ⴷ ⵢⵉⵔⵉⵔ. ⴰⴼⵍⵍⴰ ⵏ ⵡⴰⵡⴰⵍ ⵜⴰⴳⵓⵔⵉ ⵏ “ⵓⵔⴰⵔ” ⵜⵙⵎⵓⵏ ⴰⴽⴽⵯ ⵉⵥⵓⵕⴰⵏ ⴰⴷ ⵏⴱⴷⵔ. ⵍⵍⴰⵏⵜ ⴽⵔⴰ ⵏ ⵜⴼⵔⴰⵙ ⵉⵙⵎⵎⵥⵍⴰⵢⵏ ⴰⵏⴰⵡ ⵏ ⵡⵓⵔⴰⵔⵏ ⴼ ⵡⴰⵏⴰⵡⵏ ⵢⴰⴹⵏⵉⵏ ⵏ ⵜⵎⴷⵢⴰⵣⵜ (ⴰⵔⵣⵣⵓ ⵏ ⵓⵎⴰⵙⵟⵔ ⴼ ⵓⵙⵏⵟⵍ, ⵜⴰⵏⴳⴳⵉⴼⵜ ⵏ ⵉⴱⵓⴷⵔⴰⵔⵏ ⵜⴰⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⵏ ⵜⵍⴹⵉⵡⵉⵏ ⴷ ⵜⵔⵉⵔⴰ, ⵎⴰⵙⵙ ⵟⵟⴰⵢⵉⴱ ⵍⴼⴰⵇⵇⵉⵔ)[2].
ⴰⵏⴰⵡⵏ ⵏ ⵓⵔⴰⵔⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵓⵔⴰⵔⵏ ⵏ ⵓⵊⵎⴰⴽ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵊⵎⴰⴽ ⵉⴳⴰ ⵢⴰⵏ ⵡⴰⵏⴰⵡ ⵏ ⵓⵔⴰⵔⵏ ⵍⵍⵉ ⵙⴽⴰⵔⵏ ⵉⵔⴳⴰⵣⵏ ⵖ ⵉⵎⵓⵙⵓⵜⵏ ⵏ ⵜⵓⵎⵔⵜ ⵣⵓⵏ ⴷ ⵜⴰⵎⵖⵔⴰ ⵏⵖ ⴽⵔⴰⵏ ⵜⴼⵓⴳⵍⴰ ⵢⴰⴹⵏ, ⵖⵉⵏⵏ ⴰⵖ ⴰⵔ ⵜⵜⵎⵓⵏⴰⵏ ⴳⵏ ⵢⴰⵏ ⵏ ⵜⵉⵡⴰⵏ ⴽⵔⴰ ⴳⵉⵙⵏ ⴰⵔ ⵉⵜⵜⴰⵙⵉ ⵜⴰⵍⵍⵓⵏⵜ ⴽⵔⴰ ⴳⵉⵙⵏ ⵓⵀⵓ ⵉⵣⴹⴰⵕ ⴰⴷ ⵉⴽⴽⴰⵜ ⵔⵛⵛ , ⵢⵉⵍⵍⵉ ⵢⴰⵏ ⴰⵔ ⴰⵙⵏ ⵉⵎⵎⴰⵍ ⵓⵔⴰⵔ ⵍⵍⵉ ⵔⴰⴷ ⵜⵉⵏⵉⵏ ⴷ ⵜⵖⴰⵔⴰⵙⵜ ⵏ ⵓⵏⵓⵛⵛⴳ ⵍⵍⵉ ⵔⴰⴷ ⵙⴽⵔⵏ ⴰⵔ ⴰⵙ ⵜⵉⵏⵉⵏ ⵙ ⵡⴰⵙⵙⴰⵖ ⴰⵙⵍⵡⴰⵢ ⵏ ⵓⵊⵎⴰⴽ, ⵍⵍⴰⵏ ⵜⵓⴳⵜ ⵏ ⵓⵔⴰⵔⵏ ⵍⵍⵉ ⵙⴰⵔ ⵜⵊⵎⴰⴽⵏ ⵖ ⵓⴳⵡⵏⵙ ⵏ ⵓⵎⵏⵣⵓ ⴰⴷ ⵣⵓⵏ ⴷ:
ⴰⵎⵚⴰⵡⴰⴹ ⴰⴷ ⵏ ⵓⵊⵎⴰⴽ ⵉⵍⵍⴰ ⴳⵔ ⵙⵉⵏ; ⵡⴰⵍⵍⵉ ⵉⵣⵡⴰⵔⵏ ⵉⴳⴰ ⵙ ⵢⵉⵙⵎ ⵃⵎⴰⴷ ⵃⵏⵜⴰⵊⴰ ⴷ ⵡⵉⵙⵙ ⵙⵉⵏ ⵉⴳⴰ ⵃⵎⴰⴷ ⴰⵖⵉⴷⴷⴰ ⵍⵍⵉ ⴼ ⴰⵔ ⵙⴰⵡⵍⵏ ⴼ ⵓⴳⴳⵔⵏ.
ⵃⵏⵜⵊⵊⴰ :
- ⵍⵍⴰⵏ ⵉⵔⴳⴰⵣⵏ ⵖ ⵖⵉⴷ ⵍⵍⵉ ⵜⵜⴰⵏⵏⴰⵢⵜ
- ⵍⵍⴰⵏ ⵉⵔⴳⴰⵣⵏ ⵖ ⵉⴳⴳⵉ ⵡⴰⴽⴰⵍ ⵏⵏⴽ
- ⵡⵉⵍⵍⵉ ⴷ ⵢⵉⵡⵉⵏ ⴰⴳⴳʷⵔⵏ ⴰⵔ ⵜⴰⵎⴰ ⵏⵏⴽ
- ⵉⵙ ⴰ ⴽⴰ ⵜⵜⴰⵏⵏⴰⵢⵏ ⵕⴱⴱⵉ ⵖ ⵍⵎⵙⵍⵜ ⵏⵏⴽ
- ⵡⴰⵍⴰⵢⵏⵏⵉ ⵢⵓⵜⴽ ⵔⴱⴱⵉ ⵙ ⵉⵏⴰⴼⴰⵍⵏ
- ⵜⵉⵍⵉ ⵜⵖⵓⵢⵢⵉⵜ ⵖ ⵎⴷⴷⵏ ⵜⵏⵙ ⵜⵉⴼⴰⵡⵜ
- ⵉⵍⵉⵃ ⴰⴽ ⵙⵓⵍ ⵍⴱⴰⴱ ⵍⵍⵉ ⴽʷⵏ ⵉⵟⵟⴰⵢⵏ
- ⵉⵍⵉⵏ ⴰⴽⴽⵯ ⵖⵉⵏⵏ ⵉⵚⵕⴰⴹ ⵉⵎⵉ ⵏ ⵜⵉⵡⵓⵜⵛ
- ⵉⵏⵏⴰ ⴷ ⵓⵎⵖⴰⵔ ⵉ ⵡⴹⵉⴷⴷⴰ ⵙⵉⵏ ⵙ ⵍⵅⵏⵛⵜ
ⴰⵖⵉⴷⴷⴰ :
- ⵙⵙⵓⵇ ⴰⵖ ⵜ ⵉⴷ ⵏⵙⵙⴰⵖ ⵉⵖ ⴰⵖ ⵉⴽⵎⵎⵍ
- ⵓⵔ ⴰⴽⴽⵯ ⵏⵥⴹⴰⵕ ⵉ ⵙⵙⵔⴱⵉⵙ ⵏ ⵜⵓⴽⴽⵉⵎⵜ
- ⴰⵎⵎⴰ ⴽⵉⵢⵢ ⵎⵇⵇⴰⵔ ⵔⴰⴷⴷ ⵕⵥⵉⵏ ⵉⵏⵅⴰⵔ ⵏⵏⴽ
- ⵓⵔ ⴰⴽ ⵉⵜⵜⵀⵓⵍ ⵓⵎⵓⴷ ⵓⵔ ⴰ ⵜⵜⵓⵔⵔⵓⵢⵜ
- ⵉⵔⴰⵜⵜⵏ ⵜⴹⵉⵜ ⴰⵛⴽⵓ ⵖⵡⴰⵏⵏ ⴰ ⵜⵎⵢⴰⵔⵜ
- ⵍⴰⴱⵓⴷⴷ ⴰⴷ ⴰⴽ ⴷ ⵉⵎⵉⴽⴽ ⴹ ⵍⵅⵏⵛⵜ
ⵃⵏⵜⵊⵊⴰ :
- ⵉⵔⴰⴱⴱⵉ ⵉⵙ ⴰⴽ ⵉⴼⴼⵖ ⵍⵀⵎⵎ ⵉⵅⵙⴰⵏ ⵏⵏⴽ
- ⴰⵍⵍⵉⵖ ⴰⵖ ⵜⵏⵏⵉⵜ ⴰⴳⴳʷⵔⵏ ⵏⵏⴽ ⴼⵍⵖ ⴰⴽ ⵜ
- ⴰⵡⴰⵏⵏⴰ ⵓⵔ ⵉⵅⴰⵍⵉⴹⵏ ⵜⵉⵏⵉⵜ ⴰⵙ ⵜ
- ⴰⵎⵎⴰ ⵏⵉⴽⴽ ⵀⴰⵏⵏ ⵍⴱⵍⴰⴷ ⴰⵖ ⴰ ⵜⵜⵙⵡⴰⵇⵇⵖ
- ⵀⴰⵏⵏ ⵏⵍⴽⵎⴽ ⴱⴷⴷⴰ ⵙ ⵓⵖⴰⵔⴰⵙ ⵜⵉⵡⵉⵜⵜⵏ
- ⵉⵖ ⴰⵡⴰ ⵜⵔⵉⵜ ⴰⵎⵓⴷ ⵓⴽⴰⵏ ⵜⵉⵏⵉⵜⵜⵏ
- ⴰⴷⴷⴰⴹ ⵏⵙⴽⵔ ⵙ ⵍⵃⵙⴰⴱ ⵏⵏⵓⵏ ⵖ ⵍⵅⵏⵛⵜ
- ⴰⵎⵎⴰ ⵜⵉⵏ ⵍⵄⵉⴷ ⵏ ⵔⵎⴹⴰⵏ ⵓⵔ ⴽ ⵓⵙⵉⵏⵜ
ⴰⴹⵉⴷⴷⴰ :
- ⵉⵔⴰⴱⴱⵉ ⵉⴹ ⴹⵉⵏⵏⴰ ⴰⵎⵓⴷ ⵉⵏⵓ ⴼⵍ ⵢⵉ ⵜⵏ
- ⵙⵙⵏⵖ ⵉⵙ ⴷⴰⵔⵓⵏ ⵜⵎⴹⴰⵕⴰ ⵜⵎⴰⵅⵉⵔⵜ
- ⵟⵍⵍⵉⵜ ⵖ ⵍⴱⴰⵔⴰⵊ ⵓⵔ ⴰ ⵜⵜⴽⵢⵢⴰⵍⵜ
- ⵀⴰⵏⵏ ⴰⵔⴳⴰⵣ ⵍⴽⴷⵓⴱ ⵓⵔ ⴰ ⵜⵏ ⵉⵜⵜⵉⵏⵉⵢ ⵟⵉⴽⵉⵡⵜ
- ⴰⴷ ⴰⴽ ⴷ ⵉⴹⵉ ⵡⴰⴽⴰⵍ ⵏⵏⴽ ⴰⵃⵃⵍⴱ ⴰⵜ ⵙ ⵓⵖⵓ ⵍⵍⵉ ⴳⵉⵙ ⵉⵖ ⵓⵔⵓⵏⵜ
ⵖⵉⴷ ⵢⴰⵏ ⵡⴰⵏⴰⵡ ⵢⴰⴹⵏ ⵏ ⵓⵎⵚⴰⵡⴰⴹ ⵏ ⵓⵔⴰⵔ ⴳⵔ ⵙⵉⵏ ⵉⵎⴹⴰⵔⵏ ⵎⵇⵓⵔⵏⵉⵏ ⵖ ⴰⵢⵜ ⴱⴰⵀⴰ ⵏ ⵓⴷⵔⴰⵔ ⵏ ⵓⵊⵎⴰⴽ, ⵎⴰⵙⵙ ⵃⵎⴰⴷ ⴰⵖⵉⴷⴰ ⴷ ⵎⴰⵙⵙ ⵃⵎⴰⴷ ⵔⵉⵛ, ⵙⴰⵡⵍⵏ ⵖⵉⴷ ⴼ ⵜⵏⵣⵔⵓⴼⵜ :
ⴰⴹⵉⴷⴷⴰ :
- ⵏⵏⵉⵃ ⴰⴽ ⵏⵉⵜ ⵓⵔ ⵏⴳⴰ ⵢⴰⵜ ⵖ ⵉⴼⴰⵙⵙⵏ
- ⵖⴰⵔ ⵉⵀⵔⴰⵢ ⵓⵣⴰⵖⴰⵔ ⴰⵢⵃ ⵔⵡⴰⵙⵏ
- ⵡⴰⵏⵏⴰ ⵏⵖⵡⵉ ⵖ ⵜⴰⴹⵓⵟ ⴰⵔ ⵉⵜⵜⴰⵜⴼ
- ⴰⵎⵎⴰ ⴷⴰⵔ ⵍⴱⴰⵕⵓⴹ ⵓⵔ ⴰⴽ ⵜ ⵍⴽⵉⵎⵏ
- ⵜⵉⵔⵉⵜ ⴳⵉⵙ ⴰⵢⵃ ⵏⵖⵉⵏ ⵉⵕⵓⵎⵉⵢⵏ
ⵔⵔⵉⵃ :
- ⵉⵖ ⴰⵡⴰ ⵜⵔⵉⵜ ⵍⵇⵇⵍⴷⴰ ⵖ ⵉⵛⵍⵃⵉⵢⵏ
- ⵏⵜⵜⴰⵜ ⴰⵙ ⴷ ⵉⴽⵕⵎ ⵔⴱⴱⵉ ⵜⵓⵙⵓⵜ ⵏⵏⵃ
- ⴰⴷⴷ ⵔⵥⵎⵏ ⵉ ⵍⴼⵔⵉⵣⵉ ⴼ ⵉⴹⴰⵔⵉⵡⵏ
- ⵉⵖ ⵉⵍⵍⴰ ⵣⵣⵃⴰⵎ ⵏ ⵜⵎⵖⴰⵔⵉⵏ ⵡⵓⵍⵓⵏ ⵜ
- ⵜⵉⵖⴰⵡⵙⵉⵡⵉⵏ ⵢⴰⴹⵏ ⵙⴰⵎⵃ ⴰⵜ ⴰⵙⵏ
ⴰⴹⵉⴷⴷⴰ :
- ⵓⴽⴽⵍⵃ ⵔⴱⴱⵉ ⴼ ⵍⵊⴰⵣⴰⵢⵔ ⵜⵀⵓⵍ ⴰⵏⵃ
- ⵖⵉⵍⵍⵉ ⴷ ⵢⴰⴷ ⵏⵃⵉⵣ ⵉⵍⵉⵃ ⴼⵍⵍⴰⵙⵏ
- ⵓⴽⴰⵏ ⴰⵔ ⴳⵉⵙⵏ ⵜⵜⵔⵊⵓⵏ ⴰⴷ ⵜⵏ ⵜⴰⵡⵢ
- ⵥⵓⴷ ⴰⵡⴹⵉⴹ ⴰ ⵃⵎⴰⴷ ⵓⵔⴰ ⵜⵜⴽⵎⵎⴰⵍⵏ
- ⵢⴰⴽ ⵓⵔ ⵖⵉⴷ ⵉⵍⵍ ⵎⴰⴷ ⴰⵃ ⴰⵙⵏ ⵉⵎⵎⴰⵍⵏ
- ⵓⵍⵍⴰⵀ ⴰⵔ ⴷ ⵏⵡⵡⴰⵏ ⵖⵉⴷ ⵍⵍⵉ ⵖ ⵙⴰⵡⴰⵍⵖ
- ⵖⴰⵔ ⴰⵢⵖ ⵉⵇⵇⵉⵍ ⵔⴱⴱⵉ ⵏⵉⴽⴽⵉ ⴷⵉⴷⴽ
ⵔⵔⵉⵃ :
- ⴰⴽⴽ ⵓⵔ ⵉⵀⵓⵍ ⵍⵊⴰⵣⴰⵢⵔ ⵙ ⵜⴰⵇⵇⵓⵔⵜ
- ⵉⵙⵔⵙ ⵏⵏ ⵓⴳⵍⵍⵉⴷ ⵍⵃⵔⴽⴰⵜ ⵏⵏⵙ
- ⵉⴹⵡⵡⵔⴹ ⴽⵓⵍⵍⵓ ⵜⵉⴹⴰⴼ ⵉ ⴽⵔⴰ ⵟⴰⴼⵏ
- ⵢⵉⵍⵉ ⵕⵚⴰⵚ ⵉⵙ ⵢⵓⴳⵔ ⵜⴰⵍⴽⵓⵎⵉⵔⵜ
- ⴰⵔ ⴰⴽⴽⵯ ⴰⴳⴳⴰⵏ ⴰⵖⵔⴰⴱ ⵉⵎⵉⵍ ⵜⴰⵙⴰ ⵏⵏⵙ
- ⴰⴽⴰⵍ ⵏⵏⵖ ⵏⵖⵡⵉ ⵜ ⵏ
- ⴳ ⵏⵏ ⵉⵡⵓⵜⵜⴰ ⵏⵏⵙ ⵏⵙⵔⵙ ⵏⵏ ⴳⵉⵙ ⵍⵇⵇⵢⵓⴷ ⵓⵍⴰ ⵉⵏⵎⵖⴰⵔⵏ
- ⵢⵉⵍⵉ ⵍⵊⵉⵛ ⵉⴼⵔⴳ ⵏⵏ ⵉⵏⴰⴼⴰⵍⵏ
- ⵉⵡⵓⵍⵓ ⵏⵏ ⵥⴰⵢⵢⴰⵏ ⴰⴳʷⵏⵙ ⵏ ⵜⴼⵕⵕⴰⵏⵜ
- ⴰⵢⵜ ⴷⴰⵔⵏⵃ ⴰⴷ ⵏⵖⵉⵏ ⴰⵍⴽⵓⵎⵉⵔⵏ
- ⴰⴷ ⴼⵓⴽⴽⵓⵏ ⵎⵓⵀⵔⵔⴰⴳ ⵉⵖ ⵏⵏ ⴽⴰ ⵎⵓⵏⵏ
ⵜⴰⵏⴳⴳⵉⴼⵜ ⵏ ⵜⵎⵖⵔⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴰⵏⴳⴳⵉⴼⵜ ⵜⴳⴰ ⵢⴰⵜ ⵜⵡⵉⵍⴰ ⵜⴰⴷⵍⵙⴰⵏⵜ ⵉⵍⴰⵏ ⵜⵉⵎⵥⵍⴰⵢ ⵏⵏⵙ ⵜⵜ ⵉⵙⵎⵎⵥⵍⵉⵏ ⴼ ⵡⴰⵏⴰⵡⵏ ⵢⴰⴹⵏⵉⵏ ⵏ ⵜⵡⵉⵍⴰⵡⵉⵏ ⵜⵉⴷⵍⵙⴰⵏⵉⵏ, ⴰⵏⴰⵡ ⴰⴷ ⵡⴰⵢⵏⴰ ⵜ ⴼ ⵡⴰⵏⴰⵡⵏ ⵢⴰⴹⵏⵉⵏ ⵏ ⵜⵍⵖⵉⵡⵉⵏ, ⴰⵛⴽⵓ ⵏⵣⵎⵔ ⴰⴷ ⵏⴻⵏⵏⴰ ⵜⴰⵏⴳⴳⵉⴼⵜ ⵜⴳⴰ ⵙⴳ ⵜⵍⵖⵉⵡⵉⵏ ⵜⵉⴼⵓⵥⴰⵕⵉⵏ ⵉⵣⴷⵉⵏ ⴷ ⵢⴰⵜ ⵜⵎⴰⵛⴽⵓⵜ ⵏ ⵜⴷⵎⵎⴰⵡⵜ ⵜⵜ ⵏⵏ ⵉⴽⴽⴰⵏ ⴹⵔ ⵉⵎⴰⵣⵉⴹⵏ ⵙⴳ ⵣⵉⴽ, ⵎⴰⵛⴰ ⵙⵓⵍⵏ ⵉⴳⵓⵍⴰⵣ ⵏⵏⵙ ⴰⵔ ⴰⵙⵙⴰ , ⴰⵏⴰⵡ ⴰⴷ ⵏ ⵓⵔⴰⵔ ⵉⴳⴰⵏ ⴰⵎⵏⵙⴰⵢ ⴽⵉⴳⴰⵏ ⵉⵣⴷⵉⵏ ⴷ ⵜⵍⵖⴰ ⴰⵔ ⵉⵜⵜⴰⵡⵉ ⴳⴰⵙ ⴼ ⵜⵏⴰⵖⴰ ⴷ ⵓⴳⵕⴹ ⵓⵔ ⴰⵔ ⵉⵜⵜⵎⵓⵏ ⴷ ⵉⵎⴰⵙⵙⵏ ⵏ ⵓⵥⴰⵡⴰⵏ ⴷ ⵓⵕⴽⴰⴹ ⵉⴳ ⴰⵡⵣⴹⵉ ⴰⴷ ⴷⵉⴷⵙ ⵉⵎⵓⵏ.
ⵢⵉⵡⵉ ⴷ ⵓⴷⵍⵉⵙ ⵏ “ⵜⵉⵎⵙⵜⵉⵢⵉⵏ ⵏ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ” (ⴰⵣⴷⵓⵓⴷ, 2011 : 217)[3] ⵢⴰⵏ ⵓⵙⵏⵎⵍ ⵉⵙ ⵜⴳⴰ ⵜⵙⵓⵖⴰⵏⵜ :
«ⵉⵡⴰⵍⵉⵡⵏ ⵏ ⵓⵎⴰⵔⴳ ⵍⵍⵉ ⵜⵜⵉⵏⵉⵏⵜ ⵜⵎⴹⴰⵔⵉⵏ ⴹ ⵜⵎⴹⵔⴰ ⵣⴹ ⵓⴼⵔⴰⵏ ⴰⵔ ⵜⴰⵏⴳⴳⵉⴼⵜ, ⵜⴳⴰ ⵉⵡⴰⵍⵉⵡⵏ ⵉⵇⴱⵓⵔⵏ ⵓⵔ ⵉⵟⵟⴰⴼⵏ ⴱⴰⴱ ⵏⵏⵙⵏ. ⴰⵔ ⵜⵏ ⵜⴻⵜⵜⴰⵎⵥ ⵜⴰⵙⵓⵜ ⴼ ⵜⴰⵢⵢⴰⴹ, ⵜⵍⵍⴰ ⴳⵉⵙⵏⵜ ⵜⵓⵍⵖⴰ ⵏ ⵜⵙⵍⵉⵜ ⴷ ⵓⵙⵍⵉ ⴷ ⵎⴰ ⴰⴷ ⴰⵙⵏ ⵔⴰⵏ ⴰⵢⵜ ⴷⴰⵔⵙⵏ, ⵉⵍⵍⴰ ⵜⵜ ⵉⵖ ⵜⴳⴰ ⴰⵏⵄⵉⴱⴰⵕ ⵖ ⴳⵔ ⴰⵢⵜ ⴷⴰⵔⵙ ⵏ ⵓⵙⵍⵉ ⴷ ⵡⵉⵏ ⵜⵙⵍⵉⵜ ⵉⵖ ⵜⵍⵍⴰ ⵜⵏⴳⴳⵉⴼⵜ ⴰⵔ ⵉⵜⵜⵎⴰⵖ ⴽⵔⴰⵢⴳⴰⵜ ⵢⴰⵏ ⴰⴷ ⵉⵎⵍ ⵎⴰ ⴰⴷ ⵉⴼⵓⵍⴽⵉⵏ ⵖ ⴷⴰⵔ ⵓⵙⵍⵉ ⴷ ⵜⵙⵍⵉⵜ. ⴰⵔ ⵜⴻⵜⵜⵢⴰⵡⵏⵏⴰ ⵜⵙⵓⵖⴰⵏⵜ ⵙ ⵍⵍⵖⴰ ⴷ ⵍⴰⵔⵢⴰⵃ ⵙⵎⵓⵔⴳⵏⵉⵏ ⵙⵙⵏⴷⴰⵎⵏⵉⵏ, ⵜⵉⵍⵉ ⴼ ⵉⵙⴰⴼⴼⵏ ⵙⵔⵙ ⵉⵥⵍⵉⵏ, ⵉⵍⵉⵏⵜ ⴳⵉⵙ ⵜⵡⵍⴰⴼⵉⵏ ⴼⵓⵍⴽⵉⵏⵉⵏ ⴼ ⵜⵓⴷⵔⵜ ⵏ ⴰⵢⵜ ⵜⵎⴰⵣⵉⵔⵜ ⴷ ⵜⵎⵢⵓⵔⵉⵏ ⵏⵏⵙⵏ ⵓⵍⴰ ⵜⵉⵡⵓⵔⵉⵡⵉⵏ ⵍⵍⵉ ⵙⴽⴰⵔⵏ. ⵉⵡⴰⵍⵉⵡⵏ ⵏ ⵜⵙⵓⵖⴰⵏⵜ ⴷ ⵍⴰⵔⵢⴰⵃ ⵏⵏⵙ ⵏⴰⵃⵢⴰⵜⵏ ⵜⴰⵎⴰⵣⵉⵔⵜ ⵙ ⵜⴰⵢⵢⴰⴹ…». "[4]
ⴰⵙⵏⵎⵍ ⴰⴷ ⵉⵙⵎⵍ ⴷ ⵜⴰⵏⴳⴳⵉⴼⵜ ⵉⵙ ⵜⴳⴰ ⵉⵡⴰⵍⵉⵡⵏ ⵏ ⵓⵎⴰⵔⴳ, ⵓⵢⴰⴷ ⵉⵙⵙⴽⵎⵔ ⴼⵍⵍⴰⵖ ⴰⴷ ⵏⴱⴷⴷ ⴼ ⵡⴰⵡⴰⵍ ⴰⴷ, ⵏⵙⵙⵓⵎⵏ ⴷ ⵉⵙ ⵓⵔ ⵉⴳⵉ ⴰⵎⴷⴷⴰⴷ. ⴰⵛⴽⵓ, ⴳ ⵓⵎⵣⵡⴰⵔⵓ, ⵉⵇⵇⴰⵏ ⴷ ⴰⴷ ⵏⵙⵙⵏ ⵉⵙ ⴷ ⵜⵉⴱⵓⴷⵔⴰⵔⵉⵏ ⵓⵔ ⴰⵔ ⵜⵜⵉⵏⵉⵏⵜ ⵉ ⵜⵏⴳⴳⵉⴼⵜ ⴰⵎⴰⵔⴳ, ⴰⵢⵍⵍⵉ ⵓⵔ ⵉⵍⵍⵉⵏ ⴷ ⴰⵢⵍⵍⵉ ⵓⵔ ⵜⵜⵉⵏⵉⵏⵜ ⴰⴽⴽⵯ[5].
ⵓⵔⴰⵔ ⵏ ⵜⴰⵏⴳⴳⵉⴼⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⴽⵉⴷ ⵏⵣⵡⵓⵔ ⴰ ⵢⵙⵎ ⵏ ⵔⴱⴱⵉ ⵉⵢⴷⴰⴱⵢⵙⵎⵉ ⵍⴰⵀ ⵓⵔⴰⵃⵎⴰⵏ ⴰⵍⵃⴰⵎⴷⵓ ⵍⵉⵍⴰⵀⴰⵢⵍⵍⵉ ⴰⵢⵍⵍⵉ ⴰⴷⴰⴽ ⵓⵔ ⵜⴰⵍⴰⵜⵉ
- ⴰⵄⵢⴰⵍ ⵜⵔⴹⵉⵜ ⴰⴽⵎ ⵢⵉⵡⵉⵏ
- ⵉⵢⵙⵎⵃⴰⵎ ⴱⴰⴱⴰⵎ ⵓⵍⴰ ⵉⵢⵎⴰⵎ
- ⵓⵍⴰ ⵙⵓⵍ ⵍⵓⵀⴰⵍⵜ ⵏ ⴰⵢⵜ ⵎⴰⵎ
- ⴰⵍⴰⵀ ⵓⴽⴱⴰⵔ ⴰⴱⴰⴱⴰ ⵃⵏⵏⴰ
- ⵉⵢⵙ ⵏⴳⴰ ⵉⵢⵙⵎⴳ ⴰⵢⵍⵉⵖ ⴰ ⵏⵣⴰⵖ
- ⵉⵢⵙ ⵏⴳⴰ ⵉⵢⵙⵎⴳ ⵏⵃ ⵜⵉⵢⵡⵉⵡⵉⵏ
- ⵉⵢⵏⴰ ⵢⴰⵎ ⴱⴰⴱⴰⵎ ⴰⵜⴰⵄⵢⴰⵍⵜ
- ⵜⵉⵢⵙⵓⵔⴰ ⵉⵏⵓ ⴰⵢⵍⵍⵉ ⵃ ⵓⴼⵓⵙ ⵏⵏⵎ
- ⵜⵉⵢⵙⵓⵔⴰ ⵏ ⴱⴰⴱⴰ ⵓⵔ ⵜⵏⵜ ⵣⵔⵉⵃ
- ⴰⵢⵍⵍⵉ ⴳⴷ ⴰⴹⴰⵔ ⵏⵎ ⴰⴼⴰⵙⵉ
- ⴰ ⵜⴼⵉⵖⵜ ⴰⴷⴰⵎ ⵉⵄⵔⴹ ⵍⵅⵉⵔ
- ⵙⴰⵎⵃⴰⵜ ⴰⵙⵙ ⴰⵢⵢⴷ ⵄⵎⵜⵉⵙ
- ⵓⵍⴰ ⵍⵓⵀⵍⴰⵜ ⵏ ⴰⵢⵜ ⵎⴰⵙ
ⴰⵔ ⴷ ⵜⵉⵏⵉⵏ ⴰⵢⵜ ⵓⵙⵍⵍⵉ:
- ⴰⵡⵉⴷ ⴰⵡⵉⴷ ⴰⵎⴰⵙ ⵏ ⵜⵙⵍⵉⵢⵜ
- ⵎⴰⵃⴰ ⵜⴳⴰⵜ ⵉⵢⵊⵓⵊⵓⵜⵏ ⵉⵢⵍⵉⵎ
- ⵉⴼⵓⵙ ⴰⴷ ⴽⵉⵖ ⵙ ⵓⵖⴰⵔⴰⵙ
- ⵉⵡⵉⵃⴰⵎⴷ ⵉⴷⵓⴽⴰⵏ ⵉⵎⵓⵔⵏ ⵏ ⵡⴰⴽⵓⵛ
ⴰⵔ ⴷ ⵜⵉⵏⵉⵏ ⵜⵜ ⵉⵙⵜⵙⵍⵉⵢⵜ
- ⵢⴰⵖ ⵉⵢⵉ ⵓⵎⴰⵔⴰⴳ ⵢⴰⵖ ⵉⵢⵍⵍⵉ
- ⵢⴰⵖ ⵅⵜⵉⵍⵉ ⴷ ⵜⵎⵓⵏⵜ ⴰ ⵢⵍⵍⵉ
- ⵢⴰⵖ ⵜⵉⵙⵡⴰⴽ ⵍⵍⵉ ⵃⴰ ⵉⵣⵔⴰⵢ ⵓⵜⴱⵉⵔ
- ⵉⵢⵎⵉⵏⵉ ⴰⵢⵎⵎⵉ ⵎⴰ ⵔⴰⴷ ⵣⵓⵏ ⴷ ⵙⵓⵍ ⵉⵢⵏⴰ
- ⴰⴽⵉⴷ ⵃ ⵓⵣⵓⵔ ⴰⴷ ⵜⵣⵔⵜ ⵜⴰⴽⴰⵜ ⵏⵉⵡ
- ⵏⴽⵔ ⴰⴷ ⵜⵓⴹⴰⵟ ⵀⴰⴷ ⴰⵎⴰⵏ ⵔⵖⴰⵏ
- ⴱⵇⴰ ⵄⵍⴰ ⵅⵉⵔ ⴰ ⵜⵉⴽⵏⵢⵜⵉⵢⵏ ⵓⵍⴰ ⴰⵖⴰⵔⴰⵙ
- ⵍⵍⵉ ⴷ ⵜⵎⵓⵏⵜ ⴰ ⵢⵍⵍⵉ
- ⵎⴰⵙ ⵓⵡⴰⵏⵉⵔ ⴰⵡⵉⵢⴰ ⵏⵃⴷ ⴰⵏⵉⵔ
- ⵎⴰⵙ ⵓⵡⴰⵏⵉⵔ ⵉⵢⴳⵓⵜ ⵍⵅⵉⵔ ⵏⵏⵙ
ⴰⵔ ⴷ ⵜⵉⵏⵉⵏ ⴰⵢⵜ ⵓⵙⵍⵍⵉ:
- ⵚⵉⴼⴷ ⴰⵜⴰⵏⵖ ⴰⵢⴹⵓⵍⴰⵏ ⵏⵏⵙ
- ⵚⵉⵢⴼⴷ ⴰⵜⴰⵏⵖ ⵢⴰⴳⵓⴳ ⵓⵖⴰⵔⴰⵙ
- ⵉⵢⴼⵓ ⵍⵃⴰⵍ ⵉⵢⵖⵍⵉⴷ ⵓⵎⴰⵏⴰⵔ
- ⵉⵢⴼⵓ ⵍⵃⴰⵍ ⵓⵔⵓⵏⵜ ⵜⵔⴰⵎⵉⵏ
- ⵜⵉⴽⴰⵣⵉⵔⵉⵏ ⴽⵓⵍⵓ ⵎⵍⵓⵍⵏⵉⵏ
- ⵚⵉⴼⴷ ⴰⵜⴰⵏⵖ ⴰⵢⴹⵓⵍⴰⵏ ⵏⵏⵖ
- ⵏⴼⵍⵏ ⵜⴰⵣⴰⵏⵉⵏ ⴽⵓⵍⵓ ⵎⵥⵉⵢⵏⵉⵏ
- ⵄⴰⴷ ⵢⵉⴽⵉⵏ ⵜⴰⵔⵡⴰ ⵉⵢⵎⵖⴰⵔⵏⵉ
ⴰⵔ ⴷ ⵜⵉⵏⵉⵏ ⵜⵜ ⵉⵙⵜ ⵜⵙⵍⵉⵢⵜ:
- ⴰ ⵔⵎⴰⵏ ⴱⴹⴹⵓ ⴷ ⵡⴰⴽⴰⵍ
- ⴰⴽ ⵓⵔ ⴱⴰⴽⵏ ⵜⴰⵣⴰⵏⵉⵏ
ⴰⵔ ⴷ ⵜⵉⵏⵉⵏ ⴰⵢⵜ ⵓⵙⵍⵍⵉ:
- ⴼⴽⴰⵜ ⴰⵙⵙ ⵔⴹⴰ ⵏⵓⵏ ⴰⵍⵡⴰⵍⵉⴷⴰⵢⵏ
ⴰⵔ ⵜⵉⵏⵉⵏⵜ ⵉⵙ ⵜⵜ ⵜⵙⵍⵉⵢⵜ:
- ⵣⴰⵢⴷ ⴰⵢⵍⵍⵉ ⴰⴷⴰⵎ ⵉⵙⴰⵃⴷ ⵔⴱⴱⵉ
- ⵉⴹ ⵔⴰⴷ ⵜⴼⴹ ⵜⵙⵍⵉⵢⵜ ⴹ ⵜⴳⵎⵎⵉ ⵏ ⴱⴰⴱⴰⵙ ⴰⵔ ⵜⵉⵏⵉⵏ ⵜⵜ:
- ⴰⴽⵉⴷ ⵏⵣⵡⵓⵔ ⴰⵢⵙⵎ ⵏ ⵔⴱⴱⵉ
ⵓⵔⴰⵔⵏ ⵏ ⵜⵡⵡⵓⵔⵉ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵜⴰⵡⵙⴰⵏ ⵓⴼⴳⴰⵏ ⵖ ⵓⵎⴰⴹⴰⵍ ⴰⴽⴽⵯ ⵉⵙ ⵉⴳⴰ ⵢⴰⵏ ⵖ ⵡⵉⵍⵍⵉ ⵉⵙⵡⵡⵓⵔⵉⵏ ⴱⴰⵀⵔⴰ ⵖ ⵜⵓⴳⵜ ⵏ ⵉⴳⵔⴰⵏ, ⴳⵏ ⵉⵎⴰⵣⵉⵖⵏ ⵢⴰⵏ ⵖ ⵖⵡⵉⵍⵍⵉ ⵉⵙⵜⵉⵏⵉⵏ ⵜⴰⵡⵡⵓⵔⵉ ⵖ ⵡⴰⴽⴰⵍ ⴰⴼⴰⴷ ⴰⴷ ⴷⴷⵔⵏ, ⵖⵉⵏ ⴰⵖ ⵉⵙⵜⵉ ⴰⴷ ⵉⴽⵔⵣ ⵉⵎⴳⵔ ⴰⴽⴰⵍ ⵏⵏⵙ, ⵉⵥⵓ ⵓⵔⵜⵉⵏ ⵏⵏⵙ ⵉⵙⵙⵓ ⴰⵢⴷⴰ ⵏⵏⵙ ⵙ ⵜⵓⴳⵜ ⵏ ⵜⴰⵢⵔⵉ ⴷ ⵓⵔⴰⵔⵏ, ⴰⴼⴳⴰⵏ ⵖ ⴰⵢⵜⴱⴰⵀⴰ ⵓⴷⵔⴰⵔ ⵉⵜⴰⵡⵙⴰⵏ ⵙ ⵡⴰⵙⵙⴰⵖ ⵏ ⵓⴱⵓⴷⵔⴰⵔ ⴰⵛⴽⵓ ⵙⵓⵜⵍⵏ ⴰⵙ ⵉⴷⵓⵔⴰⵔ ⵖ ⴽⵓ ⵜⴰⵙⴳⴰ, ⴰⴼⴰⴷ ⴰⴷ ⴱⴰⵀⵔⴰ ⵉⴼⴽ ⵖ ⵉⴳⵔ ⵏ ⵡⴰⴽⴰⵍ ⵉⵙⵙⵜⵉ ⵓⵔⴰⵔⵏ ⴰⴼⴰⴷ ⴰⴷ ⵉⵣⵔⵉ ⵜⵉⵣⵉ ⴳⵔ ⴰⵙ ⴷⵉⴷⵙ.
ⵓⵔⴰⵔⵏ ⵏ ⵜⴰⵢⵔⵣⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵎⵉⵎⵉ ⵏⴳⴰ ⵜⵉⵡⵉⵣⵉ ⵎⴰⵎⵉ ⵏⵉⵡⵙ
- ⵡⴰⵍⵍⵉ ⵜⵔⴰ ⵜⴰⵙⴰ ⴷ ⵔⴱⴱⵉ ⴰⴷ ⵎⵉ ⵏⵉⵡⵙ
- ⵉ ⵎⵔⴱⴱⵉ ⴰ ⵍⴱⴰⵔⴰⴽⴰ ⴰⴷ ⵓⴽⴰⵏ ⵜⵉⵍⵉⵎⵜ
- ⴰ ⵎⵉ ⵜⵜⵉⵏⵉⵀ ⴳʷⵎⴰ ⴷ ⵡⴰⵍⵍⵉ ⵉⴽⵔⵣⵏ
- ⵢⴰⵙⵉ ⵎⵢⵢⴰ ⵀ ⵓⵏⵏⵔⴰⵔ ⵓⵔ ⵉⴽⴰⴱⵔ
- ⵓⵜ ⴰⵎⵜ ⵉⵎⵏⴷⵉ ⵙ ⵜⴰⴷⵍⵉⵡⵉⵏ
- ⴰⴷ ⵏⵎⴳⵔ ⵉ ⵍⵊⵡⴰⴷ ⴰⴷ ⵔⴰⵀⴰⵏ
ⵓⵔⴰⵔ ⵏ ⵜⵎⴳⵔⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴽⵔⵣⴰⵢⵜ ⴰⵔ ⵏⴽⴽⵔⵣ ⵏⵛⵔⴽ ⵜⴰⴹⵓⵍⵜ
- ⴰⵡⴰⵍⴰⵢⵏ ⴰⴷ ⵓⵔ ⵜⵎⴳⴳⵔⵎ ⵓⵔⵜⴰ
- ⵏⴳⴰ ⵜⴰⵢⵢⵓⴳⴰ ⴹ ⵉⵍⵍ ⴱⴰⵀⵔⴰ ⵡⵓⵍ ⵏⵏⵙ
- ⵓⵔ ⴰⴽ ⵏⵀⵜⴰⵊⵊⴰ ⵉⵙⵍⴱⴰⵏ ⵓⵍⴰ ⵔⵔⴰⵛⵜ
- ⴰⵀⵢⴰ ⴰⵡⴷⴷⵉ ⴱⴰⵔⴽ ⵍⵍⴰⵀ ⵢⵓⵔⵓ ⵍⵍⵓⵣ
- ⵢⴰⵏ ⴷⴰⵔ ⵍⵍⴰⵏ ⵓⵅⵙⴰⵏ ⴰⵜⵜ ⴽⴰ
- ⴰⵀⵢⴰ ⴰⵡⴷⴷⵉ ⴱⴰⵔⴽ ⵍⵍⴰⵀ ⵢⵓⵔⵓ ⵡⴰⵔⴳⴰⵏ
- ⴰⴷ ⴷ ⵏⵙⵙⵏⵙⴹ ⴰⵍⴰⵎⵓⵛ ⵏⵙⵙⵓⵎⵎ ⵉⵥⵏⵉⵏ
ⵓⵔⴰⵔ ⵏ ⵓⵙⵔⵓⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵡⴰⵢⴰⵀⵓ
- ⴰ ⵎⵓⵏⴰⵢⵜ ⴰ ⵍⵓⵔⵓⴷ ⵔⵡⴰⵃⵜ
- ⵀⴰⵏⵏ ⴰⵏⵏⵔⴰⵔ ⴰⴷ ⵔⵔⵓⵜⵏ
- ⵡⴰⵏⵏⴰ ⵔⴰⴷ ⵉⵙⵔⵓⵜ ⴰⴷ ⴷ ⵉⵀⴰⵔⵔⵡ
- ⴰ ⵜⴰⴼⴼⴰ ⵏ ⵜⵓⵛⵔⴽⴰ ⴷ ⵍⵎⵓⵜ ⵃⵔⵔⴰⵏⵜ
- ⵉⵎ ⵔⴱⴱⵉ ⴰ ⵍⴱⴰⵔⴰⴽⴰ ⴰⴷ ⵓⴽⴰⵏ ⵜⵉⵍⵉⵎⵜ
ⵉⴷⵔⵏⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴷⵔⵏⴰⵏ ⴳⴰⵏ ⵢⴰⵜ ⵖ ⵜⵎⵢⵓⵔⵉⵏ ⵍⵍⵉ ⵉⵥⵍⵉⵏ ⵙ ⵜⵙⴳⴰ ⵏ ⵙⵓⵙ, ⴰⵔ ⵙⵉⵙ ⵙⴼⵓⴳⵍⴰⵏ ⴽⵓ ⴰⵙⵙⴳʷⴰⵙ ⵖ ⵡⴰⵢⵢⵓⵔ ⵏ ⵜⵓⴳⴰ ⴷ ⵓⴼⵓⵍⴽⵉ, ⵖⵉⵏ ⴰⵖ ⴰⵔ ⵜⵜⵎⵓⵏⵏⵜ ⵜⵇⵇⴱⵉⵍⵉⵏ ⴷ ⵜⵡⵊⵉⵡⵉⵏ ⵖ ⴽⵓ ⵜⴰⵙⴳⴰ, ⴰⵔ ⵙⴽⴰⵔⵏ ⵢⴰⵏ ⵡⴰⵏⴰⵡ ⵏ ⵓⵖⵔⵓⵎ ⵍⵍⵉ ⵎⵓ ⴳⴰⵏ ⵙ ⵢⵉⵙⵎ ⵉⴷⵔⵏⴰⵏ, ⴰⵖⵔⵓⵎ ⴰⴷ ⴰⵔ ⵜ ⵙⴽⴰⵔⵏ ⵖ ⵓⴳⵡⵔⵏ ⴷ ⵉⵎⵉⴽ ⵏ ⵜⵉⵙⵏⵜ ⴷ ⵡⴰⵎⴰⵏ, ⴰⵔ ⵜ ⵙⵙⵏⵡⴰⵏ ⵉⵍⵎⵎⴰ, ⵜⵎⵓⵏ ⴼⵍⵍⴰⵙ ⵜⵡⵊⴰ ⵙ ⵓⵃⵡⴰⵛ ⵏ ⵜⵎⵖⴰⵔⵉⵏ.
ⵓⵔⴰⵔ ⵏ ⵉⴷⵔⵏⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵥⵓⵕ ⴰⵢⵜ ⵎⵣⵉⵍ ⴱⵉⵙⵎⵉ ⵏⴽⵛⵎ ⴷ ⴷ ⵓⵙⴰⵢⵙ ⴰⵍⵍⴰⵄⴰⵡⵏ
- ⴰ ⵎⴰⴷ ⵏⵓⴼⴰ ⵖⵉⴷⵉ
- ⴰ ⵢⴰⵊⴷⴷⵉⴳ ⵉⵍⵍⴰⵏ ⵖ ⵓⵎⴰⵍⵓ ⵏ ⵍⵓⵉⵏ
- ⵉⵡⴰ ⵎⵔⵃⴱⴰ ⴰ ⵡⵉⵍⵍⵉ ⴷ ⵖⵉⴷ ⵉⵎⵎⴰⵇⵇⴰⵔⵏ
- ⵉⴳⵉⵜ ⴰⵇⴱⵉⵍ ⵏⵖ ⵉⴳⴰ ⵓⵜⵎⴰⵣⵉⵔⵜ
- ⴰ ⵔⴱⴱ'ⴰ ⵉⵏⵔⵣⴰⴼⵏ ⴰⴷ ⴷⴰⵔⵏⵖ ⵜⵎⵢⵓⵔⵎ
- ⴰⵢⵢⵓⵔ ⵏⵖ ⵙⵉⵏ ⵏⵖ ⴰⴽⴽⵯ ⵉⵎⴰⵍⴰⵙⵙ
- ⴰⵢⵢⵓⵔ ⵏⵖ ⵙⵉⵏ ⵓⴳⴳⴰⵔ ⵏⵥⴹⴰⵕ ⴰⵙ
ⵜⴰⴼⵓⴳⵍⴰ ⵏ ⵓⵙⴳⴷⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵔ ⴰⴽⴽⵯ ⵉⵜⵎⵓⵏ ⵓⴼⴳⴰⵏ ⵖ ⴰⵢⵜⴱⴰⵀⴰ ⵓⴷⵔⴰⵔ ⵉⵔⴳⴰⵣⵏ ⵓⵍⴰ ⵜⵉⵎⵖⴰⵔⵉⵏ ⴰⴼⴰⴷ ⴰⴷ ⵙⴼⵓⴳⵍⴰⵏ ⵙ ⴽⵔⴰⵏ ⵜⵖⴰⵡⵙⴰ ⵉⴽⵛⵎⵏ ⵖ ⵓⵙⴳⴷⴰⵏ ⵏⵖ ⴽⵔⴰ ⵉⴳⴰ ⴰⴼⵓⵥⴰⵕ ⵖ ⴷⴰⵔⵙⵏ, ⵖⴰⵢⵏ ⴰ ⴼⴰⵔ ⵜⵎⵓⵏⴰⵏ ⴰⵔ ⵇⵇⵔⵙⵏ ⵉ ⴽⵔⴰ ⵏ ⵜⴼⴰⵙⴽⴰ ⵎⵓⵏ ⴼ ⵓⴳⵡⴰⵍ ⴷ ⵓⵔⴰⵔⵏ ⵏ ⵓⵙⴳⴷⴰⵏ ⴷ ⵜⵉⵖⵔⵉ ⵏ ⵍⵇⵓⵔⴰⵏ.
ⵓⵔⴰⵔⵏ ⵏ ⵓⵙⴳⴷⴰⵏ :
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵎⴰⵔ ⵉⵥⵕⴰⵏ ⴰⴼⵓⵍⴽⵉ ⴷ ⵓⴱⵓⴹⵍⵓ ⵅⵍⵊⵏ
- ⵉⵥⵕ ⵜⴰⵔⵡⴰ ⵡⵉⵍⵉ ⴷⵓⴰⵏⵉⵏ ⵉⵍⵡⴰⵍⵉⴷⴰⵢⵏ
- ⴰⵙⴰⵔⴰⵙ ⵏⵉⵜ ⴼⴽⴰⵏⵜ ⵜⵓⵍⵖⴰ ⵉ ⵔⴰⵙⵓⵍⵓ ⵍⴰⵀ
- ⴰⵔⴱⴰ ⵛⴰⴱⴰⴱ ⵓⵔ ⵉⴷⴷⴰⵏ ⴼ ⵔⴱⴱⵉ ⵎⴰⵎⵉ ⵜⵓⵏⵉⵜ
- ⵏⵉⴽⴽⵉ ⴱⵓⴷⴰ ⵏⴷⴷⴰ ⴼ ⵙⵉⴷⵉ ⵔⴰⵙⵓⵍⵓ ⵍⴰⵀ
- ⴰⵔ ⴱⴰⵎⵜ ⴰⵢⵉⵙⵜⵎⴰ ⵎⴰⵏⵉⴽ ⴰⵙ ⵔⴰⴷ ⵏⴱⴹⵓ
- ⴰⴱⴷⴰ ⵏⵎⵓⵏ ⴰⵔ ⵏⴰⴷⵔⴰ ⵏⴱⵉ ⵎⵓⵃⵎⴰⴷ
- ⵉⵖⵍⵉ ⵡⴰⵢⵢⵓⵔ ⵖⵍⵉⵏ ⵉⵜⵔⴰⵏ ⵉⴳⵣ ⵓⵎⴷⵍⵓ
- ⵉⵖⵍⵉ ⵔⴰⵙⵓⵍⵓ ⵍⴰⵀ ⵉⵙⴼⴰⵡⴰⴽ ⵜⵉⵎⵉⵣⴰⵔ
- ⴰⵍⴰⵀ ⴷⴰⵅ ⴰⵍⴰⵀ ⴰⵎⵍⴰ ⵜⵣⵔⴰⵎ ⴰⵍⵃⴱⴰⴱ
- ⵉⵎⵉ ⵍⵊⵏⵜ ⵍⵉⵅ ⴰⵜⴱⵏⴷⴰⵇⵏ ⵉⵎⵓⵀⵎⴰⴷ
- ⴰⵜⴰⵔⵓⵎⵜ ⵉⴳⴰⵏ ⵜⴰⴱⵊⵡⵜ ⵔⵉⵅ ⴰⴷ ⵙⵓⴷⴷⵓⵃ ⴰⵔ ⵜⵉⵎⴰⵣⴰⵔ ⴰⵏ ⵅⵉⵍⴰ ⵔⴰⵙⵓⵍⵓ ⵍⴰⵀ.
- ⴰⵡⴰ ⵓⵍⴰⴽⵉⴷ ⴰⵡⴰ ⵓⵍⴰ ⵙⵜⵉⵏ ⵓⵡⴳⴷⵓⴷ ⴰⴳⵉⵙⵏ ⵉⵍⵉⵅ ⴰⴷⴰⵅ ⵏⴰⵍⴹ ⵔⴰⵙⵓⵍⵓ ⵍⴰⵀ.
- ⵓⵏⵉⵃ ⵙ ⵢⵉⵙⴰⵏ ⵓⵎⵍⵉⵍⵏ ⴱⴰⴷⴰⵏ ⵓⴳⵓⴳ ⵙⵉⴷⵉ ⵓⵍⵉ ⵓⵍⴹⴰⵣⵉ ⴷ ⵙⵉⴷⵉ ⵔⴰⵙⵓⵍ ⵓⵍⴰⵀ.
- ⴰⵎⴰⵔ ⵢⵓⵓⴼⴰⵏ ⴰⵜⴰⴷⵍⴰ ⵍⴱⴱⴰⵇ ⴰⴷ ⴰⵎⵉⴳ ⴰⴼⵓⵙ ⵏ ⵏⵇⵔⵜ ⵉⴱⴷ ⵓⴳⵏⵜ ⵉⵎⵓⴱⵎⴰⴷ.
- ⴰⵎⴰⵔ ⵢⵓⴼⴰⵏ ⴰⵢⵎⵓⵏ ⵜⴰⴳⵓⵜ ⵏⵙⴱⴰⴱ ⴰⵢⴰⵡⵉ ⴰⴷⵎⵉⴷ ⵏⵣⵉⴽ ⵣⵉⴽ ⴰⵢⴰⵎⵣ ⴰⴹⴰⵔⴰⵙ ⵢⴰⵡⵉ ⵙⵍⴰⵎ ⵉ ⵔⴰⵙⵓⵍⴰⵀ
- ⴰⵍⴰⵀ .ⴰⵍⴰⵀ ⴰⵔ ⴷⴰⴱ ⵉⵙⵓⴼⵓ ⵓⴷⵔⴰⵔ ⵏ ⵓⵔⴰⴼⴰ
- ⵍⴰⵍⴰ ⴼⴰⵜⵉⵎⴰ ⴷ ⴱⴰⴱⴰⵙ ⴰⵎⴰⵔⴷ ⴹⵉⵏ ⵉⴹⵍⵉ
- ⴰⵔⵇⴰⵙ ⵉⵏⵓ ⵙⵔⴱⵉ ⵙⴰⵢⴷⵏⴰ ⵊⴱⵔⵉⵍ
- ⴰⴷⴰⵙ ⵜⵉⵏⵉ ⴰⴷⴰⵅ ⵉⵓⴼⵓ ⵔⴱⴱⵉ
- ⵙⵍⴷⵃ ⵉ ⵍⴱⵔⵉⵃ ⵅⵜⵉⴷⴰⴷ ⵉⵢⵉⴷⵙⵉ
- ⵔⴰⵓⵓⵍⵓ ⵓⵍⴰⵀ ⴰⵢⵉⴷ ⵉⴹⵔⴰⵏ ⴰⵏⵎⵓⵏ
- ⵓⵔ ⵉⴷⵓⵏⵜ ⵏⵛⵔⴽ ⵓⵔ ⵉⴷⵓⵏⵜ ⵏⵎⵓⵏ ⴰⵜⵉⵍⵉ ⵓⵙⴰⵏⵉⵏ ⵔⴱⴱⵉ ⴷ ⵔⵙⵓⵍⵉ
- ⵍⵃⵓⵔⵎⴰ ⵉⴷ ⴱⴰⴱⴰ ⵜⵓⵏⵜ ⴰⵍⴱⵔⴰⵔ ⴰⵜⴰⵍⴹⴰⵎⵜ ⵙⵉⴷⵉ ⵔⴰⵙⵓⵍⵓ ⵍⴰⵀ
- ⴰⵔⴱⴰ ⵢⴰⴽⴰⴱⴰⵔ ⵉⴷⴰⵏ ⴷⴰⵔ ⵏⴰⴱⵉ ⵢⴰⵏ ⴷⵓⵓⴰ ⴱⵉⴳⵉ ⵢⵉⵅⴼ ⵏⵔⴰⵙⵓⵍⵓ ⵍⴰⵀ
- ⴰⵍⵃⵊⴰⵊ ⴰⵡⵉⴷ ⵔⴰⵏⵉⵏ ⴰⴹⴰⵔⴰⵙ ⴱⵍⴹⴰⵜ ⵙⵍⴰⵎ ⵉⵏⴱⵉ ⵔⴰⵙⵓⵍⵓ ⵍⴰⵀ
- ⴰⵍⵃⵓⵔ ⵢⴰⵜ ⴰⵔ ⵉⴳⴳⵉ ⵏⵓⵏⵜⵉ ⵏⵓⵔ ⵏ ⵜⵍⴱⴰ ⵏⵓⵔ ⵏ ⵉⴳⵔⴰⵎⵏⵉ
- ⵏⵓⵙⵉ ⵜⴰⵔⵡⴰ ⵏⴹⵍⵉ ⴷ ⵓⵙⴰⵡⵏⵉ ⵏⵙⵔⴹ ⴰⵎⴰⵏ ⵉⵍⴰⵊⵡⴰ ⴰⴷ ⵣⴰⵍⵏⵉ
- ⴰⵍⴰⵀ.ⴰⵍⴰⵀ ⴰⵎⵍⴰⴷ ⵓⵔ ⴷ ⵍⵎⵓⵜ
- ⴰⵍⴰⵀ.ⴰⵍⴰⵀ ⵔⴱⵉ ⴽⴰ ⵢⴷⴰⵡⵎⵏⵉ
ⵜⴰⵍⵖⴰ ⵏ ⴱⵍⵖⵏⵊⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴱⵍⵖⵏⵊⴰ ⵜⴳⴰ ⵢⴰⵜ ⵜⵍⵖⴰ ⵍⵍⵉ ⵙⴽⴰⵔⵏ ⵉⵎⴰⵣⵉⴹⵏ ⴹ ⵍⵎⵖⵔⵉⴱ ⴰⴼⴰⴷ ⴰⴷ ⵢⵉⵍⵍⵉ ⵓⵏⵥⴰⵕ, ⴰⵔ ⵜⵃⵢⴰⵍⵏ ⵉ ⵢⴰⵏ ⵓⴽⵓⵔⴰⵢ ⵍⵙⵙⵏ ⴰⵙ ⵉⵀⴷⵓⵎⵏ ⵏ ⵜⵡⵜⵎⵜ , ⵛⵓⴽⵓⵏⵜⵏ ⵜⵎⴹⴰⵔⵉⵏ ⴷ ⵉⵎⵥⵢⴰⵏ ⵖ ⵜⴳⵉⵔⴰ ⴰⵙⵉⵏ ⴰⵎⴰⵏ ⴰⵔ ⵜ ⵏ ⵜⴼⵉⵏ ⴼ ⵉⵏⴳⵔⴰⵜⵙⵏ, ⴰⵔ ⵜⵓⵔⴰⵔⵏ ⵉⵍⵎⴰ ⴰⵔ ⴽⵉⴹ ⵍⴽⵎⵏ ⵜⴰⵎⴰ ⵏ ⵡⴰⵙⵉⴼ ⵎⴹⵍⵏⵜⵉⵏ ⵖ ⴽⵔⴰ ⵏ ⵜⴰⵙⴳⴰ ⴳⵉⵙ[6]
ⵓⵔⴰⵔ ⵏ ⵜⴰⵍⵖⵏⵊⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴱⵍⵖⵏⵊⴰ, ⵡⴰ ⵏⵓⵎⵏ ⵙ ⵔⴱⴱⵉ
- ⵡⴰⵍⵍⵉ ⵉⵥⴹⴰⵕⵏ ⴰⴷ ⴰⵏⵖ ⴷ ⵉⵖⵉⵢⵜ
- ⵙ ⵉⵎⵉⴽⴽ ⵏ ⵡⴰⵎⴰⵏ ⵎⵎⵉⵎⵏⵉⵏ
- ⵡⵉⵏ ⵡⵓⵏⴰ ⵓⵔ ⵢⴰⴷ ⵎⵎⵉⵎⵏ ⵉ.
- ⴱⵍⵖⵏⵊⴰ, ⵡⴰ ⵏⵓⵎⵏ ⵙ ⵔⴱⴱⵉ
- ⵡⴰⵍⵍⵉ ⵉⵥⴹⴰⵕⵏ ⴰⴷ ⴰⵖ ⴷ ⵉⵖⵉⵢⵜ.
- ⵓⵜ, ⴰ ⵉⴳⵏⵏⴰ, ⵙ ⵢⴰⵏ ⵢⵉⴷⵉⵍ ⵏ ⵓⵏⵥⴰⵕ !
- ⵡⴰ ⵜⴰⵖⵍⴰ ⵜⴰⵙⴱⴰⵄⴰⵢⵜ,
- ⵜⵏⵏⴰ : ⴱⴱⴰⵄ ⵜⵖⵍⵉ ⴷ ⵉⵎⵓⵍⴰ
- ⵜⵏⵏⴰ : ⵜⵔⴰ ⵉⵖⵔⵉ ⵣⴳⵣⴰⵡⵏ ⴰ,
- ⵡⴰ ⵜⴰⴹⵍⴰ ⴷ ⵉⵣⵉⵎⵎⵔ ⵎⵎⵓⵜⵏⵉⵏ
- ⵖ ⵉⵎⵓⵍⴰ ⵣⴳⵣⴰⵡⵏⵉⵏ.
- ⵡⴰ ⵜⵉⵜⵔⵉⵜ, ⵕⵥⵎ ⴷ ⵉ ⵡⴰⵎⴰⵏ ⵎⵎⵉⵎⵏⵉⵏ ⵢⴰⴹ ⴼⴰⴷ ⵉⵎⵓⵍⴰ !
- ⴼⴽⴰⵜ ⴰⵖ ⴷ ⴰⴽⴽⵯ ⵜⴰⴳⵔⴰ ⴷ ⵉⵏⵉⴼⵉⴼ !
- ⴰⴷ ⵏⴰⴳʷⵎ ⵉⴼⵕⴹ ⴰⴷ ⵏ ⵡⴰⵎⴰⵏ
- ⵕⵥⴰⴳⵏ ⴰⵖ ⵓⵔ ⵢⴰⴷ ⵎⵎⵉⵎⵏ ⵉ.
ⴰⵚⵕⴹ ⵏ ⵓⵛⵛⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵟⴳⴰ ⵢⴰⵜ ⵖ ⵜⵎⵢⵓⵔⵉⵏ ⵍⵍⵉ ⵙⴽⴰⵔⵏ ⵜ ⵜⵎⵖⴰⵔⵉⵏ ⵖ ⵙⵙⵓⵙ ⴰⴽⴽⵯ, ⵜⵉⵣⵉ ⵍⵍⵉ ⵜⴰⵍⵏ ⵜ ⴰⴳⵕⴹ ⵏⵙⵏ ⵜ ⵙ ⵜⴰⵍⴰⵍⴰⵢⵜ ⴰⴼⴰⴷ ⴰⴷ ⵉⴱⵓⵖⵍⵓ ⵓⵙⵙⴳʷⴰⵙ ⵜⵖⵍⵉⴷ ⵜⵓⴳⴰ ⵉⵜⵉⵏ ⵉⴱⵅⵓⵢⵏ ⵣⵓⵏ ⴷ "ⵜⴰⵡⴽⴰ ⴷ ⴰⴽⵓⵣ ⵉⵖⵔⴷⴰⵢⵏ.." ⵖⵡⵉⴷ ⵍⵍⵉ ⵛⵛⵜⴰⵏ ⵜⵓⵎⵥⵉⵏ ⴷ ⵜⴰⵇⴰⵢⵉⵏ, ⴰⵔ ⵜⵎⵓⵏⴰⵏ ⵜⵜ ⵜùⵖⴰⵔⵉⵏ ⴷ ⵉⵎⵥⵢⴰⵏ ⵖⵡⵉⵏ ⴰⵖⴰⵔⴰⵙ ⵙ ⴽⵔⴰⵏ ⵜⵇⵇⴱⵉⵍⵜ ⴰⵔ ⵜⵓⵔⴰⵔⵏ ⵜⵜ ⴰⵔ ⴽⵉⵖⵏ ⴼⵍⵍⵏ ⵜ ⵓⵛⵛⵏ ⵉⵍⵎⴰ ⴰⵣⵍⵏⴷ ⴰⴼⴰⴷ ⴰⴷ ⵜⵏⵜ ⵓⵔ ⵢⴰⵏⵉ ⵢⴰⵏ.
ⵓⵔⴰⵔⵏ ⵏ ⵓⵚⵕⴹ ⵏ ⵓⵛⵛⵏ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵏⵚⵕⴹ ⴰⵡⵏ, ⴰ ⵓⵛⵛⵏ ⴷ ⵓⵖⵔⴷⴰ
- ⵏⵚⵕⴹ ⵉ ⵜⵥⵉⴽⴽⵉⵜ ⵓⵍⴰ ⴰⴱⴰⵖⵓⵖ
- ⵏⵚⵕⴹ ⵉ ⴱⵓⴳⵍⴹⵉⴼ ⵙ ⵉⵃⴰⵃⴰⵏ
- ⵓⵍⴰ ⵍⴰⵡⵃⴰⵛ ⴰⴷ ⴰⵖ ⴹⵕⴰⵏⵉⵏ
- ⵏⵚⵕⴹ ⵉ ⵍⵅⵉⵔ ⵙ ⴷⴰⵔⵏⵖ
- ⴰⵎⵉⵏ ! ⵏⵚⵕⴹ ⵉ ⵜⴼⵓⵏⴰⵙⵉⵏ ⵓⵔⵓⵏⵉⵏ.
- ⵍⴷⵉⵢⴰⵎⵜ ⴰⴹⴰⵕ
- ⴰ ⵜⵉⵏⴱⵔⴰⴽ ! ⵓⵔ ⴰⴽⴽⵯ ⵏⵣⵔⵉⴱ ⵓⵍⴰ ⵏⵖⴰⵡⵍ ⵎⴰⵏⵉ.
- ⵏⵚⵕⴹ ⵉ ⵜⵥⵉⴽⴽⵉⵜ ⵓⵍⴰ ⴰⴱⴰⵖⵓⵖ
- ⵏⵚⵕⴹ ⵉ ⴱⵓⴳⵍⴹⵉⴼ ⵙ ⵉⵃⴰⵃⴰⵏ
- ⵓⵍⴰ ⵍⴰⵡⵃⴰⵛ ⴰⴷ ⴰⵖ ⴹⵕⴰⵏⵉⵏ
- ⵏⵚⵕⴹ ⵉ ⵍⵅⵉⵔ ⵙ ⴷⴰⵔⵏⵖ
- ⴰⵎⵉⵏ ! ⵏⵚⵕⴹ ⵉ ⵜⴼⵓⵏⴰⵙⵉⵏ ⵓⵔⵓⵏⵉⵏ.
- ⵍⴷⵉⵢⴰⵎⵜ ⴰⴹⴰⵕ
- ⴰ ⵜⵉⵏⴱⵔⴰⴽ ! ⵓⵔ ⴰⴽⴽⵯ ⵏⵣⵔⵉⴱ ⵓⵍⴰ ⵏⵖⴰⵡⵍ ⵎⴰⵏⵉ.
- ⵏⵚⵕⴹ ⵉ ⵡⵓⵛⵛⵏ ⴷ ⵓⴱⴰⴹⵓⴹ ⵙ ⴰⵢⵜ ⵀⵎⵎⴰⵏ.
- ⵏⵚⵕⴹ ⵉ ⵓⵖⵔⴷⴰ ⵓⵍⴰ ⵜⵉⵛⵉⴽⴽⵉ
- ⵓⵍⴰ ⵍⴰⵡⵃⴰⵛ ⴰⴷ ⴰⵖ ⴷ ⵓⵔ ⵍⴽⵎⵏ
- ⵓⵛⵛⵏ ⵢⴰⵏ ⵜ ⵉⴳⴰⵏ
- ⵢⴰⵏⴼ ⴰⴹⴰⵔⴰⵙ.
- ⴰⴷ ⵣⵣⵔⵉⵖ ⵉⴷⴰⵍⵉⵡⵏ ⵏ ⵡⵓⵍⵍⵉ
ⴰⵔⵣⵣⵓ ⴰⴷ, ⵉⵡⵉⵖ ⵜ ⵉⴷ ⴼ ⵓⵔⴰⵔⵏ ⵍⵍⵉ ⵜⵉⵡⵏⴰⵏ ⵖ ⴰⵢⵜ ⴱⴰⵀⴰ ⵓⴷⵔⴰⵔ , ⵙ ⵢⴰⵜ ⵜⵎⵢⴰⴷⴰⵙⵜ ⵉⴳⴰⵏ ⵜⴰⵎⴰⵜⴰⵢⵜ ⴷⴰ ⵉⵙⵎⵓⵏⵏ ⵉⵏⴳⵔ ⵜⵍⴹⵉⵡⵉⵏ ⴷ ⵜⵔⵉⵔⴰ, ⴼ ⵙⴰⵡⵍⴹ ⴳ ⵉⴼⵔⴷⵉⵙⵏ ⵏⵏⵙ ⴰⴽⴽⵯ, ⵉⵡⴰⵜⵙⵏ ⴰⴷ ⵜⴻⵜⵜⵢⴰⴽⵣ ⵜⵓⵎⴰⵏⵜ ⴰⴷ ⴳ ⵡⵓⴷⵎⴰⵡⵏ ⵏⵏⵙ ⵙ ⵓⵢⵏⵏⴰ ⵙ ⵍⵍⴰⵏ. ⵙ ⵓⵢⴰⴷ, ⵜⴰⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⵏ ⵜⵍⴹⵉⵡⵉⵏ ⴷ ⵓⵔⴰⵔⵏ ⴳ ⵓⵔⵣⵣⵓ ⴰⴷ ⵍⵍⵉ ⵖ ⵙⴰⵡⵍⵖ ⴼ ⵉⵎⵉⴽ ⵏ ⵡⴰⵏⴰⵡⵏ ⴰⵛⴽⵓ ⵜⴰⵙⴳⴰ ⴰⴷ ⵏ ⴰⵢⵜⴱⴰⵀⴰ ⵓⴷⵔⴰⵔ ⵉⵏⴳⴹ ⴱⴰⵀⵔⴰ ⴹ ⵜⵎⵢⵓⵔⵉⵏ ⴷ ⵜⵓⵙⵙⵏⴰ ⴹⴰⵢⵏ ⴰⴼ ⵙⵜⵉⴹ ⴰⴷ ⵙⴰⵡⵍⴹ ⴼ ⵉⵎⵉⴽ ⴹ ⵓⵔⴰⵔⵏ ⴰⴷ, ⴷ ⴰⵢⵜ ⴱⴰⵀⴰ ⵓⴷⵔⴰⵔ ⴰⵔ ⵖⵉⵍ ⴰⴷ ⵎⵉⵛⴽ ⵏ ⵓⵔⴰⵔⵏ ⴰⴷ ⵢⴰⴼⵓⴹⵏ ⴰⵡⵉⵏⵜⵏ ⵉⵎⵣⵡⵓⵔⴰ ⵙ ⴷⴷⵓ ⵡⴰⴽⴰⵍ.
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ↑ أوبلا ابراهيم، (2008) المرأة الأمازيغية والندية في فنون أسايس (الأطلس الصغير نموذجا) أعمال الندوة الوطنية التي نظمت يومي 26-27 يوليوز 2005، منشورات المعهد الملكي للثقافة الأمازيغية.
- ↑ ⴰⵔⵣⵣⵓ ⵏ ⵓⵎⴰⵙⵟⵕ ⵅⴼ ⵓⵙⵏⵟⵍ, ⵜⴰⵏⴳⴳⵉⴼⵜ ⵏ ⵜⴱëⴰⵢⵢⵉⵎⵉⵏ ⵜⴰⵎⵢⴰⴷⴰⵙⵜ ⵜⴰⵎⴰⵜⴰⵢⵜ ⵏ ⵜⵍⴹⵉⵡⵉⵏ ⴷ ⵜⵔⵉⵔⴰ, ⵎⴰⵙⵙ ⵟⵟⴰⵢⵉⴱ ⵍⴼⴰⵇⵉⵔ
- ↑ (azduud, 2011 : 217)
- ↑ asuɣl n mass tayib afaqir.
- ↑ دغيرني أحمد 1992: (تانكيفت) ضمن كتاب تاسكلا تمازيغت : مدخل إلى الأدب الأمازيغي ، أعمال الملتقى الأول للأدب الأمازيغي المنظم يومي 17 و 18 ماي 1991 بالدار البيضاء ، منشورات الجمعية المغربية للبحث والتبادل الثقافي ، مطبعة المعارف الجديدة ، الرباط
- ↑ تيمسورت محند، (تدوين) 1995: أنشودة بلغنجا ، جريدة أدرار ، عدد 22