ⵜⴰⵡⴰⵔⴳⵉⵜ ⴷ ⵉⵎⵉⴽⴽ (ⵓⵏⴳⴰⵍ)
ⵉⴳⴰ ⵓⵏⴳⴰⵍ ⵏ ⵜⵡⴰⵔⴳⵉⵜ ⴷ ⵢⵉⵎⵉⴽⴽ ⵢⴰⵏ ⵙⴳ ⵉⴷⵍⵉⵙⵏ ⵏⵏⴰ ⴷⴰⵔ ⵢⴰⵏ ⵡⴰⵜⵉⴳ ⵎⵇⵇⵓⵔⵏ ⴳ ⵢⵉⴳⵔ ⵏ ⵜⵙⴽⵍⴰ ⵜⴰⵎⴰⵣⵉⵖⵜ,ⵉⴼⴼⵖ ⴷ ⴳ ⵓⵙⴳⴳⵯⴰⵙ ⵏ 2002 ⴳ ⵜⵎⴷⵉⵏⵜ ⵏ ⵓⴳⴰⴷⵉⵔ ⵉ ⴱⴰⴱ ⵏⵏⵙ ⵎⴰⵙⵙ ⵎⵓⵃⵎⵎⴰⴷ ⴰⴽⵓⵏⴰⴹ. ⴷⴰ ⵉⵙⴰⵡⴰⵍ ⵓⵏⴳⴰⵍ ⴰⴷ ⵅⴼ ⵢⴰⵏ ⵟⵟⴰⵍⴱ ⵉⴳⴰⵏ ⵙ ⵡⴰⵙⵙⴰⵖ ⴱⵕⴰⵀⵉⵎ ⴳ ⵓⵙⵓⵏ ⵏ ⴰⵢⵜ ⵓⵙⵓⵍ ⴳ ⵢⵉⴼⴼⵓⵙ ⵏ ⵍⵎⵖⵔⵉⴱ; ⵉⵕⵥⴰ ⴰⴱⵔⵓⵜⵓⴽⵓⵍ ⵏ ⵜⵥⴰⵍⵍⵉⵜ ⵏ ⵍⵊⴰⵎⵄ ⵍⵍⵉⵖ ⵉⵙⴽⵔ ⵢⴰⵜ ⵜⵉⵏⴰⵡⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵓⵔ ⴷ ⵜⴰⵄⵔⴰⴱⵜ ⵎⴽⵍⵍⵉ ⵉⴳⴰⵏ ⵜⴰⵎⵢⵓⵔⵜ ⴷⴰⵔ ⵎⴷⴷⵏ; ⵣⵣⵓⴳⴰⵣⵏⵜ ⵜⵎⵙⴰⵔⵉⵏ ⵏ ⵓⵏⴳⴰⵍ ⵙ ⴽⵉⴳⴰⵏ ⵏ ⵡⵓⵥⵓⴼ ⴳ ⴷⴰⵔ ⵉⵏⵏⴱⴰⴹⵏ ⴷ ⵜⵓⴳⵜⵜ ⵏ ⵓⴳⴰⵔⴰⵣ ⴳⵔ ⵎⵉⴷⴷⵏ ⵎⵉ ⵜⴳⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵏⵏⵙⵏ ⵜⴰⵢⵎⵎⴰⵏⵜ[1]. ⵉⵜⵜⵉⵡⵙⴽⴰⵔ ⵓⵙⵓⵖⵍ ⵉ ⵓⵏⴳⴰⵍ ⴰⴷ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ ⴷⴷⵓ ⵡⴰⵙⵙⴰⵖ " Un youyou dans la mosquée " ⵉⵙⴽⵔ ⵜ ⵓⵙⵍⵎⴰⴷ ⵍⵃⵙⵏ ⵏⴰⵛⴼ ⴰⴼⴰⴷ ⴰⴷ ⵜⴳ ⵜⵡⴰⵔⴳⵉⵜ ⴷ ⵢⵉⵎⵉⴽⴽ ⴰⵏⴳⴰⵍ ⴰⵎⴰⵣⵉⵖ ⴰⵎⵣⵡⴰⵔⵓ ⵎⵉ ⵉⵜⵜⵢⵉⵙⴽⴰⵔ ⵓⵙⵓⵖⵍ ⵙⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⵔ ⴽⵔⴰ ⵏ ⵜⵓⵜⵍⴰⵢⵜ ⵜⴰⴱⵕⵕⴰⵉⵢⵜ[2].