ⵚⴰⵍⵃ ⵍⴱⴰⵛⴰ
| ⵚⴰⵍⵃ ⵍⴱⴰⵛⴰ | |
|---|---|
 | |
| ⵉⵏⵖⵎⵉⵙⵏ ⵓⴷⵎⴰⵡⴰⵏⵏ | |
| ⵜⴰⵍⴰⵍⵉⵜ | 1965 ⵜⴰⵚⵚⵓⵕⵜ |
| ⵜⴰⵎⵜⵜⴰⵏⵜ | 13 ⵢⵓⵍⵢⵓⵣ 2025 ⴷⴷⵔⴰⵔⴳⴰ |
| ⵜⵓⴷⵔⵜ ⵜⴰⵣⵣⵓⵍⴰⵏⵜ | |
| ⵜⴰⵣⵣⵓⵍⵜ | ⵕⵕⴰⵢⵙ ⴰⵏⴹⴹⴰⵎ ⴰⵎⵖⵏⵏⵊ |
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⵚⴰⵍⵃ ⵍⴱⴰⵛⴰ ⵉⴳⴰ ⴰⵎⵖⵏⵏⵊ, ⵕⵕⴰⵢⵙ ⴷ ⵓⵏⴹⴹⴰⵎ ⴰⵎⴰⵣⵉⵖ ⴰⵎⵖⵔⵉⴱⵉ, ⵉⵍⵓⵍ ⴳ ⵓⵙⴳⴳⵯⴰⵙ ⵏ 1965 ⴳ ⵜⴳⵔⴰⵡⵜ ⵏ ⵉⴷⴰ ⵓⴳⵕⴹ ⴳ ⵜⵙⴳⴰ ⵏ ⵜⴰⵚⵚⵓⵕⵜ.[1]
ⵜⵓⴷⵔⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵚⴰⵍⵃ ⵍⴱⴰⵛⴰ ⴳ ⵓⵙⵓⵏ ⵏ ⵉⴷ ⵓ ⴳⵕⴹ ⴳ ⵜⵙⴳⴰ ⵏ ⵜⴰⵚⵚⵓⵕⵜ. ⵉⵃⵙⵙⴰ ⵍⵇⵓⵔⴰⵏ, ⴷ ⵉⴽⴽⴰ ⵜⵜ ⵉⵏⵏ ⴽⵔⴰ ⵏ ⵓⵙⵙⴰⵏ ⵟⵟⴰⵍⴱ ⵏ ⵜⵎⵣⴳⵉⴷⴰ, ⵎⴰⵛⴰ ⵉⵏⵔⵓ ⵜ ⵍⵀⴰⵡⴰ ⴷ ⵓⵥⴰⵡⴰⵏ ⵍⵍⵉ ⵜ ⵉⴷ ⵉⵛⵓⴽⴰⵏ ⵙⴳ ⵎⵣⵣⵉ ⵏⵏⵙ, ⴷ ⵉⴽⴽⴰ ⵜⵜ ⵉⵏⵏ ⴰⵔ ⵉⵜⵜⴰⵔⴰ ⵙⴳ ⵎⵣⵣⵉ ⵏⵏⵙ ⵉⵡⴰⵍⵉⵡⵏ ⴷ ⵜⵏⴹⴰⵎⵜ ⵎⴰⵢⴰⵏⵏ ⴰⴷ ⵜ ⵉⴷ ⵢⵓⴷⵊⴰⵏ ⴰⴷ ⵉⴼⴼⵖ ⵣⵉⴽ ⵙⴳ ⵜⵖⵔⵉ. ⵉⵖⴰⵎⴰ ⵖⵎⴽⴰⵏⵏ ⵎⵏⵛⴽ ⴷ ⵢⵓⵔⴰ ⵉ ⵜⵓⴳⴷⵜ ⵏ ⵉⵏⴰⵥⵓⵕⵏ ⵣⵓⵏ ⴷ: ⵓⴷⴰⴷⴰⵏ ,ⵉⵜⵔⴰⵏ ⵏ ⴰⵢⵜ ⴱⴰⵄⵎⵔⴰⵏ(ⵏⵓⵊⵓⵎ ⴰⵢⵜ ⴱⴰⵄⵎⵕⴰⵏ), ⴷ ⵜⵓⴳⴷⵜ ⵏ ⵉⵏⴰⵥⵓⵕⵏ ⴷ ⵜⵔⵓⴱⴱⴰ ⴰⵔ ⵜⵜⴰⵍⵙⵏ ⵉ ⵓⵎⴰⵔⴳ ⵏⵏⵙ ⴷ ⵜⵍⵖⴰⵜⵉⵏ ⵏⵏⵙ ⴰⵔ ⵖⵉⴽ.
ⴳ ⵓⵣⴰⵣⵓ ⴰⵥⴰⵡⴰⵏ ⴷⴰⵜ ⴷ ⴹⴰⵕⵜ ⵏ ⵓⵙⵙⵓⵙⵏ ⵏⵏⵙ ⴳ 2004 ⴷⴰⵔⵙ ⵜⵓⴳⴷⵜ ⵏ ⵜⵉⵙⴼⵉⴼⵉⵏ, ⴷ ⵉⴷⵔⵓ ⴳ ⵜⵓⴳⴷⵜ ⵏ ⵉⵍⵎⵓⴳⴳⴰⵔⵏ ⴷ ⵉⵡⵉⵣⵏ.
ⵉⴳⴰ ⵢⴰⵏ ⵓⵏⴰⵥⵓⵕ ⴰⵎⴰⴷⴰⵏ ⵉⵄⵣⵣⴰ ⴱⴰⵀⵔⴰ ⴷⴰⵔ ⵓⴳⴷⵓⴷ ⵏⵏⵙ. ⵜⵜⵓⵢⵙⴽⴰⵔ ⵜ ⴳⵉⵙ ⵎⵏⴰⵡ ⵏ ⵜⵡⴰⵍⵜ ⵙⴳ ⵉⵙⵡⵓⴷⴷⵜⵏ ⵏⵏⴰ ⵉⴽⴽⴰ ⵜⵜ ⵉⵏⵏ ⴷⴰ ⵉⵙⵡⵓⵔⵉⵏ, ⵓⵢⴰⵏⵏ ⴰⴼ ⵉⴷⵔ ⴽⵔⴰ ⵓⵙⵙⴰⵏ ⵜⴰⵙⵙⴰⵙⵉⵏ ⴳ ⵜⵙⴳⴰ ⵏ ⵉⴷⵔⵉⵎⵏ, ⵖⵉⵍⴰⴷ ⵉⴳⴰ ⵙⴳ ⵉⵜⵔⴰⵏ ⵏ ⵜⵥⵓⵕⵉ ⵏ ⵉⴼⴼⵓⵙ ⴷ ⴰⵣⵡⵍ ⴰⵎⵣⵡⴰⵔⵓ ⴳ ⵉⵍⵎⵓⴳⴳⴰⵔⵏ ⴷ ⵜⴼⵓⴳⵍⵉⵡⵉⵏ ⵜⴰⵎⴰ ⵏ ⵉⵏⵓⵥⴰⵕⵏ ⵢⴰⴹⵏⵉⵏ ⵣⵓⵏ ⴷ: ⵍⵃⵓⵙⴰⵢⵏ ⴰⵎⵕⵕⴰⴽⵛⵉ, ⵟⵟⴰⵍⴱ ⵍⵎⵥⵓⴹⵉ ⴷ ⵍⵃⵓⵙⴰⵢⵏ ⵟⵟⴰⵡⵙ ⴷ ⵡⵉⵢⵢⴰⴹ.
ⴰⵣⴰⵣⵓ ⴰⵥⴰⵡⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵚⴰⵍⵃ ⵍⴱⴰⵛⴰ ⵉⴳⴰ ⵢⴰⵏ ⵓⵏⴰⵥⵓⵕ ⵉⴼⵍⵏ ⴰⵙⴳⵎⴹ ⵏⵏⵙ ⴳ ⵢⵉⴳⵔ ⵏ ⵜⵎⴷⵢⴰⵣⵜ ⵉⴼⵍ ⵜ ⵓⵍⴰ ⴳ ⵢⵉⴳⵔ ⵏ ⵓⵥⴰⵡⴰⵏ, ⵉⵍⵎⴷ ⵙⴳ ⵕⵕⵡⴰⵢⵙ ⵉⵎⵣⵡⵓⵔⴰ ⴰⵎ ⵎⴱⴰⵔⴽ ⴰⵢⵙⵙⴰⵔ, ⵉⴽⴽⴰ ⵜⵜ ⵉⵏⵏ ⴰⵔ ⵉⵜⵜⵉⵔⵉⵔ ⵙ ⵢⴰⵏ ⵓⵙⵢⴰⴼⴰ ⴰⵏⵢⴰⵍⴽⴰⵎ ⵉ ⴽⵓ ⵎⴰⴷ ⴰⵙ ⵉⵙⴼⵍⴷⵏ, ⵙⵡⴰ ⴳ ⵜⵣⵍⴰⵜⵉⵏ ⵏ ⵜⴰⵢⵔⵉ, ⵉⵎⵉⵔⵙⵏ ⵏ ⵡⴰⵎⵓⵏ, ⵜⵓⴷⵔⵜ ⵜⴰⴽⵓⵢⴰⵙⵙⵜ ⴷ ⵉⵅⵓⴱⵏ ⵏ ⵜⵓⴷⵔⵜ. ⵉⵏⴰⵃⵢⴰ ⵕⵕⴰⵢⵙ ⵚⴰⵍⵃ ⵍⴱⴰⵛⴰ ⵅⴼ ⵉⵏⵓⵥⴰⵕⵏ ⵢⴰⴹⵏⵉⵏ ⵙ ⵡⴰⵏⵢⴰ ⵉⵖⵓⴷⴰⵏ ⵉⵎⵓⵏ ⴷ ⵉⵡⴰⵍⵉⵡⵏ ⵥⵥⴰⵢⵏ ⵙ ⵓⵏⴰⵎⴽ ⴷ ⵜⵓⵜⵍⴰⵢⵜ ⵉⵣⴷⵉⴳⵏ, ⵎⴰⵢⴰⵏⵏ ⴰ ⵖⴼ ⵜ ⵉⵃⵎⵍ ⵓⴳⴷⵓⴷ ⵏⵏⵙ ⵍⵍⵉⴳ ⵉⵙⵎⵓⵏ ⵡⵉⵍⵍⵉ ⵃⵎⵍⵏ ⵡⴰⵏⵢⴰ ⴷ ⵓⵀⵉⵢⴰⴹ , ⴷ ⵡⵉⵍⵍⵉ ⵃⵎⵍⵏ ⵜⴰⵎⴷⵢⴰⵣⵜ ⴷ ⵉⵡⴰⵍⵉⵡⵏ ⵙ ⵓⵏⴰⵎⴽ. ⵉⵙⵙⵏⵜⵉ ⵓⵣⴰⵣⵓ ⵏⵏⵙ ⴳ ⵓⵙⴳⴳⵯⴰⵙ 1996 ⵙ ⵡⴰⴽⴰⵎ ⵏ ⵢⴰⵏ ⵓⵎⴷⴷⵓⴽⴽⴰⵍ ⵏⵏⵙ ⵜⴳ ⵓⵍⴰ ⴰⵙⵙⵏⵜⵉ ⵏ ⵜⴰⵢⵔⵉ ⵏ ⵉⵎⵙⴼⵍⵉⴷⵏ ⵏⵏⵙ ⵍⵍⵉ ⵓⵔ ⵃⵚⵉⵕⵏ ⴳ ⵜⵎⵏⴰⴹⵜ ⵍⵍⵉⵖ ⵉⵍⵓⵍ ⵎⴰⵛ ⵜⴷⴷⴰ ⵙ ⵢⵉⴼⴼⵓⵙ ⴰⴽⴽⵯ ⴷ ⵡⴰⵎⵓⵔ ⵏ ⵍⵎⵖⵔⵉⴱ ⵙⵍⴰⵡⵏ ⴰⴽⴽⵯ ⴹⴰⵎⵜ 2004, ⵉⴳ ⴷⵖⵉ ⵢⴰⵏ ⵓⵙⴰⵖⵓⵍ ⵏ ⵓⵎⴰⵔⴳ ⴷ ⵜⵥⵓⵕⵉ ⴷ ⵢⴰⵏ ⵓⵎⴷⵢⴰ ⴹⴼⴰⵕⵏ ⵜ ⵉⴷ ⵜⵓⴳⵜⵜ ⵏ ⵢⵉⵏⵓⵥⴰⵕⵏ ⵉⵄⵔⵔⵉⵎⵏ ⴷ ⵜⵔⴰⴱⴱⵓⵜⵉⵏ. ⵎⵇⵇⴰⵔ ⵉⵍⴽⵎ ⵚⴰⵍⵃ ⵍⴱⴰⵛⴰ ⵜⴰⵙⵙⵓⵙⵏⵜ ⴰⵏⵏ ⵉⵖⴰⵎⴰ ⴱⴷⴷⴰ ⵢⴰⵏ ⵓⴼⴳⴰⵏ ⴳ ⵜⴳⴰⵎⴰⵜ ⵏⵏⵙ ⵡⴰⵔ ⵛⵉⴽⵉ , ⵉⵃⵎⵍ ⵓⴳⴷⵓⴷ ⵏⵏⵙ ⵃⵎⵍⵏ ⵜ ⵓⵍⴰ ⵏⵜⵜⵏⵉ.
ⵉⵙⴼⴼⵓⵖ ⴷ ⵚⴰⵍⵃ ⵍⴱⴰⵛⴰ ⵓⴳⴳⴰⵔ ⵏ 16 ⵏ ⵡⴰⵍⴱⵓⵎ ⴷ 4 ⵏ ⵜⵉⵙⴼⵉⴼⵉⵏ, ⴳⴰⵏ ⴰⵙⴰⵖⵓⵍ ⴷ ⵓⵖⵎⴰⵍⵓ ⵏ ⵜⵣⵍⵉⵜ ⵜⴰⵎⴰⵣⵉⵖⵜ ⵜⴰⵎⴰⵜⵔⴰⵔⵜ ⴳ ⵡⴰⵏⴰⵡ ⵏ ⵜⵉⵕⵕⵓⵢⵚⴰ ⵏⵖ ⵜⵥⵓⵕⵉ ⵜⴰⵎⴰⵣⵉⵖⵜ ⵙ ⵓⵎⴰⵜⴰ[2].
ⵉⵎⵉⵔⵙⵏ ⵉⵏⴰⵎⵓⵔⵏ ⴷ ⵜⴰⵙⵇⵙⴰⵢⵜ ⵜⴰⵎⴰⵣⵉⵖⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴳⴰ ⵓⵏⴰⵥⵓⵕ ⵚⴰⵍⵃ ⵍⴱⴰⵛⴰ ⵢⴰⵏ ⵓⵎⴷⵢⴰⵣ ⵉⵜⵜⵢⵓⵙⵙⴰⵏ ⵙ ⵉⵡⴰⵍⵉⵡⵏ ⵏⵏⵙ ⴷ ⵜⵎⴷⵢⴰⵣⵉⵏ ⵅⴼ ⵜⴰⵢⵔⵉ ⴷ ⵓⵖⴷⵊⴰⵊ,[3] ⵎⴰⵛⴰ ⵎⵇⵇⴰⵔ ⵖⵎⴽⴰⵏⵏ ⴰⵏⴰⵥⵓⵕ ⴰⴷ ⵓⵔ ⵉⵜⵜⵓ ⵉⵎⵉⵔⵙⵏ ⵍⵍⵉ ⵉⵣⴷⵉⵏ ⵙ ⵓⴼⴳⴰⵏ ⴰⵎⴰⵣⵉⵖ ⴳ ⵜⵙⴳⴰ ⵏ ⵜⴷⵎⵙⴰ ⵓⵍⴰ ⵜⴰⵙⵇⵙⴰⵢⵜ ⵜⴰⵎⴰⵣⵉⵖⵜ, ⵍⵍⵉⵖ ⵉⵙⴰⵡⵍ ⴽⵉⴳⴰⵏ ⵅⴼ ⵜⴰⵎⵓⵏⵜ ⵏ ⵉⵎⴰⵣⵉⵖⵏ ⴷ ⵉⴼⴽⴰ ⵓⵍⴰ ⵉⵙⵇⵙⵉⵜⵏ ⵉ ⵜⴰⵡⵡⵓⵏⴽⵜ ⵅⴼ ⵉⵣⵔⴼⴰⵏ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⴳ ⵜⵙⴼⵉⴼⵉⵏ ⵏⵏⵙ.
ⴳ ⵜⵙⴳⴰ ⵢⴰⴹⵏⵉⵏ ⵉⵙⴰⵡⵍ ⵓⵍⴰ ⵅⴼ ⵉⵎⵉⵔⵙⵏ ⵉⵏⴰⵎⵓⵔⵏ ⴰⵎ ⵓⵙⵙⵎⵖⵔ ⵏ ⵓⴳⵍⵍⵉⴷ ⵏ ⵍⵎⵖⵔⵉⴱ, ⵜⴰⵎⵓⴽⵔⵉⵙⵜ ⵏ ⵜⴰⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵍⵍⵉ ⵉⴳⴰ ⵢⴰⵏ ⵙⴳ ⵉⵎⵏⵣⴰⵖⵏ ⴼⵍⵍⴰⵙ ⴷ ⵉⵙⵓⵔⵙⵏ ⵉⵏⴰⵎⵓⵔⵏ.
ⵜⴰⵏⵏⴰⵢⵜ ⵅⴼ ⵜⴰⵢⵔⵉ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵏⵏⴰ ⵚⴰⵍⵃ ⴳ ⵢⴰⵜ ⵜⵎⴷⵢⴰⵣⵜ ⵏⵏⵙ:
ⵍⵃⵓⴱⴱ ⵉⵙ ⵢⴰⴷⵍⵍⵉ ⴳⵉⵙ ⴽⵔⴰ
ⵓⵔⵔⵉⵖ ⴰ ⵏⵥⵕ ⵎⴰ ⵔⴰⴷ ⴰⵖ ⵉⵏⵏⴰ
ⵉⵏⵏⴰ ⵉⵢⵉ ⴰⵎⵏ ⴰⵡⴰ ⵙ ⵕⴱⴱⵉ ⵓⵎⴰ
ⵎⵉⵢⵢⴰⵜ ⴰⵍⴼ ⵏ ⵍⴽⵜⴰⴱ ⴰ ⵏⵖⵔⴰ
ⵓⴼⵉⵖ ⵏⵏ ⴳⵉⵙ ⵍⵃⵓⴱⴱ ⵉⵃⵍⴰ
— ⵚⴰⵍⵃ ⵍⴱⴰⵛⴰ
ⵜⴰⴷⵉⵙⴽⵓⴳⵕⴰⴼⵉⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵉⴳⵉⴳⵉⵍ
- ⵎⴰⵢⴳⴰ ⵉⵢⵉ ⵜⵏⵉⵜ ⵚⴱⵕ
- ⵍⵄⴰⵕ ⴰ ⵉⵎⴷⴷⵓⴽⴽⴰⵍ ⵉⵏⵓ
- ⵊⵊⵓⵄ ⵉⵏⵓ ⵖ ⵓⵃⵍⵉⴳ ⵉⵏⵓ
- ⴰⴷ ⴽ ⵓⵔ ⵉⵙⵙⴼⵕⵃ ⵛⵛⴱⴰⴱ ⴰⵜⵉ ⴰⵄⴽⴽⴰⵣ ⴰ ⵖⴼ ⵔⴰⴷ ⵜⴽⵏⵓⵜ
- ⴰⵔ ⵉⵜⵜⵉⵍⵉ ⵢⴰⵏ ⵡⴰⵙⵙ
- ⵓⵍ ⵉⵏⵓ ⵜⴳⵉⵜ ⵉⴳⵣⵎⴰⵏ
- ⵢⴰⵕⴱⴱⵉ ⵙⵙⴰⵍⴰⵎⴰ / ⴰ ⵕⴱⴱⵉ ⵙⵙⴰⵍⴰⵎⴰ
- ⵕⵡⴰⵃ ⴰⵡⴰ ⴷⴰⵔ ⵍⵇⵇⴰⴹⵉ ⵙ ⵜⵉⴽⵉⵡⵉⵏ
- ⴰⵊⵊ ⵡⴰⵏⵏⴰ ⵉⵙⴰⵡⴰⵍⵏ
- ⵉⵏⵉ ⴰⵙ ⵜ
- ⵓⵔ ⵉⵜⵜⵢⴰⵎⴰⵕ ⴰ ⵢⴰⵢⵢⵉⵙ
- ⵜⵙⵜⴰⵀⵍⵍⴰⵎ ⴷⴰⵔⵉ
- ⵉⵍⵍⴰ ⵎⴰ ⴷⴰⵔ ⵖⴰⵔ ⵉⵛⵔⵎⵉ
- ⴰⵡⴰ ⴰⵡⵉ ⵏⵏ ⴷⴰⵔⵉ ⵅⵜⵜⴰ
- ⵓⵔ ⴳⵉⴳⵉ ⵎⴰ ⵖ ⴰⵔ ⵜⵜⵉⵍⵉⵜ ⴰ ⵍⵀⵎⵎ ⵓⵔ ⴽ ⵔⵉⵖ