ⵉⴹ ⵉⵏⵏⴰⵢⵔ

ⴰⵎⴰⴳⵔⴰⴷ ⴰⴷ ⵓⵔ ⵉⵍⵉ ⵉⵙⴰⵖⵓⵍⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⴰⵖⵓⵍⵏ ⵏⵖ ⵓⴳⴳⴰⵔ.

ⴰⵎⴰⴳⵔⴰⴷ ⴰⴷ ⵉⴳⴰ ⵙⵓⵍ ⴰⴳⵓⵊⵉⵍ. ⵎⴽ ⵜⵓⴼⵉⴷ, ⵔⵏⵓ ⴰⵙⵖⵓⵏ ⵏⵏⵙ ⴳ ⴽⵕⴰⴹⵜ ⵜⴰⵙⵏⵉⵡⵉⵏ ⵢⴰⴹⵏⵉⵏ.

ⵉⴹ ⵉⵏⵏⴰⵢⵔ ⵉⴳⴰ ⵢⴰⵏ ⵢⵉⴹ (ⴷⵉⵢⵉⴹ) ⴰⵔ ⴳⵉⵙ ⵜⴼⵓⴳⵍⵓⵏ ⵉⵎⴰⵣⵉⵖⵏ ⵏ ⵜⴼⵔⵉⵇⵜ ⵏ ⵓⴳⴰⴼⴰ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ. ⵖ 2018, ⵜⴳⴰ ⴷ ⵜⴼⵓⴳⵍⴰ ⴰⴷ ⵜⴰⵎⴰⴷⴷⵓⴷⵜ ⴳ ⴷⵣⴰⵢⵔ. ⵖ 3 ⵎⴰⵢⵢⵓ 2023. ⵉⵙⵙⵓⴷⴷ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴼⵓⴳⵍⴰ ⴰⴷ, ⵜⴳ ⴷ ⵉⵍⵎⵎⴰ ⵢⴰⵜ ⵣⵖ ⵜⴼⵓⴳⵍⵉⵡⵉⵏ ⵜⵉⵎⴰⴷⴷⵓⴷⵉⵏ ⵖ ⵍⵎⵖⵔⵉⴱ.

ⵎⴰⵏⵎⴽ ⴰⵙ ⵉⵣⵔⴰⵢ

ⴷⴰⵔ ⵉⵛⵍⵃⵉⵢⵏ

ⴰⵙⵙ ⵏⵏⴰ ⵉⴳⴰⵏ ⵉⴹ ⵉⵏⵏⴰⵢⵔ, ⵉⴳⴳⵔⵓ ⵖ ⴷⵓⵊⴰⵎⴱⵉⵔ. ⴷⴰ ⵜⵜⵉⴷⵓⵏⵜ ⵜⵎⵖⴰⵔⵉⵏ, ⵥⴷⵏⵜ ⵉⴱⴰⵡⵏ. ⴷⴷⵓⵏ ⵉⵊⵉⵊⴰⵏ ⵙ ⵉⴳⵔⴰⵏ, ⴰⵡⵉⵏ ⴷ ⴳⵉⵙⵏ ⵜⴰⵎⵎⴰⵢⵜ ⴷ ⵣⵣⵉⵜⵓⵏ ⴷ ⵓⴹⴰⵕ ⵏ ⵓⵜⴱⵉⵔ ⵜ ⵜⵎⵥⵥⵓⵖⵜ ⵏ ⵜⵉⵍⵉ ⴷ ⵍⴼⵚⵚⴰ ⴷ ⵜⵅⵙⴰⵢⵜ ⴷ ⵓⵇⵓⵔⵔ. ⴰⵡⵉⵏ ⵜⴰⵎⵎⴰⵢⵜ ⴷ ⵣⵣⵉⵜ, ⴳⵏⵜ ⵉ ⵍⵄⵜⴱⴰⵜ ⵏ ⵜⴳⵎⵎⵉ. ⴰⵙⵉⵏ ⴰⵇⵓⵔⵔ ⴷ ⵍⴼⵙⵙⴰ ⴷ ⵅⵉⵣⵣⵓ ⴷ ⵓⴹⴰⵕ ⵏ ⵓⵜⴱⵉⵔ ⴷ ⵜⵎⵥⵥⵓⵖⵜ ⵏ ⵜⵉⵍⵉ, ⴼⴽⵏ ⵜⵏ ⵉ ⵜⵎⵖⴰⵔⵉⵏ.

ⴰⵙⵉⵏⵜ ⵜⵎⵖⴰⵔⵉⵏ ⵖⴰⵢⴰⵏⵏ ⴽⵓⵍⵍⵓ, ⵣⴰⵢⴷⵏⵜ ⴳⵉⵙ ⵢⴰⵏ ⵡⴰⵇⵇⴰ, ⴳⵏⵜ ⵏⵏ ⵖⴰⵢⴰⵏⵏ ⵖ ⵜⴳⴷⵓⵔⵜ, ⵏⵜⵜⴰ ⴷ ⵉⴱⴰⵡⵏ. ⴳⵏⵜ ⴼⵍⵍⴰⵙ ⴰⵎⴰⵏ ⵥⵉⴷⵔⵏⵏ, ⴰⵔ ⵉⵏⴳⴳⵯⴰ. ⴰⵔ ⵜⴰⵙⵙⴰⵄⵜ ⵏⵏⴰ ⵉⵏⵡⴰ, ⴰⵙⵉⵏ ⵜ ⴷⴰⵖ ⵜⵉⴼⵉⵢⵢⴰ ⴷ ⵣⴳⵣⴰⵡ ⵎⵉⵙ, ⴳⵏ ⵜ ⵙⵜⵜ ⵉⵏⵏ ⵖ ⵜⴳⴷⵓⵔⵜ ⵓⵍⴰ ⵏⵜⵜⴰⵜ.

ⵜⴰⵙⵙⴰⵄⵜ ⵏⵏⴰ ⵉⵔⴰⵃ ⵉⵎⵏⵙⵉ, ⴰⵙⵉⵏ ⵜ ⴷ ⵜⴰⵍⵅⵛⴰ, ⴰⵔ ⵜⵜ ⵛⵜⵜⴰⵏ ⴽⵓⵍⵍⵓ ⴰⵢⵜ ⵜⴳⵎⵎⵉ. ⵡⴰⵏⵏⴰ ⴳⵉⵜⵙⵏ ⵢⵓⴼⴰⵏ ⴰⵇⵓⵔⵔ ⵖ ⵜⵍⵅⵛⴰ, ⵏⵏⴰⵏ ⴰⵙ : « ⵉⵇⵇⵓⵔ ⵓⵅⵙⴰⵙ ⵏⵏⴽ ! » ⵡⴰ ⵏⵏⴰ ⵢⵓⴼⴰⵏ ⴰⵇⵇⴰ, ⵏⵏⴰⵏ ⴰⵙ : « ⵉⵃⵍⴰ ⵢⴰⴽ ⵙⵙⵄⴷ ⵏⵏⴽ ! »

ⵜⴰⵙⵙⴰⵄⵜ ⵏⵏⴰ ⵛⵛⴰⵏ, ⴰⵙⵉⵏ ⵢⴰⵜ ⵜⵎⵟⵟⵓⵙⵜ ⵏ ⵓⵖⵔⵓⵎ. ⵎⵎⵓⵏ ⵜⵜ ⵉⵏⵏ ⵖ ⵜⵍⵅⵛⴰ, ⴳⵏ ⵜⵜ ⵉⵏⵏ ⴷⴰⵔ ⵜⴹⴰⵔⵜ ⵏ ⵜⴼⵍⵓⵜ, ⴰⴷ ⴳⵉⵙ ⵜⵏⵙ.

ⴰⵙⵉⵏ ⴷⴰⵖ ⵜⴰⴳⴷⵓⵔⵜ ⴰⵏⵏ ⵏ ⵓⵚⴳⴰⴹ. ⵛⵛⵏ ⵜ, ⵙⵙⴰⵔⵏ ⵖⴰⵢⴰⵏⵏ ⵖ ⵓⴷⵉⵙ ⵏⵏⵙ, ⴳⵯⵏ, ⵔⵖⵏ. ⵣⵉⴽⴽ, ⵉⵖ ⴷ ⵏⴽⵔⵏ, ⵇⵍⵍⴱⵏ ⵜⴰⵎⵟⵟⵓⵙⵜ, ⴷⴰ ⴳⴰⵏ ⵖ ⴷⴰⵔ ⵜⴹⴰⵔⵜ ⵏ ⵜⴼⵍⵓⵜ. ⵏⵏⴰⵏ, ⵉⵖ ⵏⵏ ⴳⵉⵙ ⵓⴼⴰⵏ ⴽⵔⴰ ⵏ ⵛⵛⵄⵔ ⵏ ⵡⵓⵍⵍⵉ, ⵏⵏⴰⵏ ⴰⴽ : « ⵔⴰⵏ ⵜ ⴰⴷ ⴷⴰⵔⵙⵏ ⵣⴰⵢⴷⵏⵜ ⵡⵓⵍⵍⵉ ⵖ ⵓⵙⴳⴳⵯⴰⵙ ⴰⵏⵏ. » ⵉⵖ ⵎⵉ ⴳⵉⵙ ⵓⴼⴰⵏ ⵉⵏⵥⴹ ⵏ ⵉⵎⵓⴳⴰⵢⵏ, ⵏⵏⴰⵏ : « ⵔⴰⵏ ⵜ ⴰⴷ ⴷⴰⵔⵙⵏ ⵣⴰⵢⴷⵏⵜ ⵍⴱⵀⴰⵢⵎ. » ⵉⵖ ⵏⵏ ⴳⵉⵙ ⵓⴼⴰⵏ ⵉⵏⵥⴹ ⵏ ⵓⵖⵢⵓⵍ, ⵏⵖ ⴰⵙⵔⴷⵓⵏ, ⵏⵏⴰⵏ : « ⵔⴰⵏ ⴰⴷ ⴷⴰⵔⵙⵏ ⵣⴰⵢⴷⵏ ⵖ ⵓⵙⴳⴳⵯⴰⵙ ⴰⵏⵏ. » ⵉⵖ ⵏⵏ ⴳⵉⵙ ⵓⴼⴰⵏ ⴽⵔⴰ ⵏ ⵛⵛⵄⵔ ⵉⵣⴳⴳⵯⴰⵖⵏ ⵏⵖ ⵉⵣⴳⵣⴰⵡ, ⵏⵖ ⴰⵡⵔⴰⵖ, ⵏⵏⴰⵏ : « ⵉⵔⴰ ⴰⴷ ⴷⴰⵔⵏⵖ ⵉⵣⴰⵢⴷ ⴽⵔⴰ ⵏ ⵍⴼⵔⴰⵛ ⴰⵙⴳⴳⵯⴰⵙ ⴰⴷ. » ⵉⵖ ⵏⵏ ⴳⵉⵙ ⵓⴼⴰⵏ ⴽⵔⴰ ⵏ ⵜⵙⵜⵜⵉⵅⵜ, ⵏⵏⴰⵏ : « ⵉⵔⴰ ⴰ ⵉⵎⵎⵜ ⴽⵔⴰ ⴳⵉⵙⵏ ⵖ ⵓⵙⴳⴳⵯⴰⵙ ⴰⵏⵏ. »

ⵉⵍⵉⵏ ⴷⴰⵖ ⵡⵉⴷⴰ ⵉⵙⴽⵔⵏ ⵍⵇⴰⵄⵉⴷⴰ ⵢⴰⴹⵏⵉⵏ. ⴷⴰ ⵜⵜⴰⵙⵉⵏ ⵉⴱⴰⵡⵏ ⴷ ⵢⵉⵔⴷⵏ ⴷ ⵜⵎⵣⵉⵏ ⴷ ⵓⵎⵚⵔⵉ ⴷ ⵉⴽⵉⴽⵔ ⴷ ⵜⵏⵉⵍⵜⵉⵜ. ⵙⵙⴰⵔⵏ ⵜⵏ, ⴰⵔ ⵜⵏ ⵛⵜⵜⴰⵏ ⵖ ⵢⵉⴹ ⵏ ⵏⵏⴰⵢⵔ. ⵔⵖⵏ ⵙ ⵍⴽⵜⵔⵜ ⵏ ⵖⴰⵢⴰⵏⵏ ⵙⵙⴰⵏ. ⵏⵏⴰⵏ : « ⵀⴰ ⵏⵏ ⴰⵙⴳⴳⵯⴰⵙ ⵉⴱⴷⴷⵍ, ⵉⵔⵖⴰ ⵍⵃⴰⵍ, ⵜⴽⴽⴰ ⴷ ⵜⵔⵖⵉ ⴰⴽⴰⵍ. » ⵉⵍⵍⴰ ⴳⵉⵙ ⵍⴱⵄⴹ ⵏ ⵉⵙⴳⴳⵯⴰⵙⵏ, ⴷⴷⴰ ⴷ ⵏⴽⴽⵔⵏ, ⴰⴼⵏ ⴷ ⵜⵉⵍⵉⵙⵜ, ⵜⵇⵇⵏ ⴰⵙⵏ ⵉⵎⵉ ⵏ ⵜⴳⵎⵎⴰⵡ.

ⴰⵙⴼⵓⴳⵍⵓ ⵙ ⵢⵉⴹ ⵉⵏⵏⴰⵢⵔ ⴳ ⵜⵇⴱⵉⵍⵜ ⵏ ⴰⵢⵜ ⵃⴷⵉⴷⴷⵓ

ⵜⴳⴰ ⵜⵇⴱⵉⵍⵜ ⵏ ⴰⵢⵜ ⵃⴷⵉⴷⴷⵓ, ⵏⵏⴰ ⵉⵣⴷⵖⵏ ⴳ ⵓⴷⵔⴰⵔ ⵏ ⵡⴰⵟⵍⴰⵙ ⴰⵎⵇⵔⴰⵏ ⴰⵏⴳⵎⵓⴹ ⵉⵎⵉⵍⵛⵉⵍ, ⵜⴰⵎⵃⴹⵉⵜ ⵏ ⵢⴰⵏ ⵡⴰⵢⴷⴰ ⴰⴷⵍⵙⴰⵏ ⴰⴽⵙⵡⴰⴷ ⴳ ⵍⵎⵖⵔⵉⴱ. ⴳ ⵓⵙⴰⵜⵉ ⴰⴷ, ⵉⴳⴰ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ, ⵏⵏⴰ ⵉⵜⵜⵡⴰⵙⵙⵏⵏ ⵙ "ⵉⴹ ⵏ ⵉⵏⵏⴰⵢⵔ", ⵢⴰⵏ ⵓⵣⵎⵣ ⴰⴷⵍⵙⴰⵏ ⵉⵎⵇⵇⵓⵔⵏ ⵏⵏⴰ ⵉⵣⴷⵉⵏ ⴰⴼⴳⴰⵏ ⴷ ⵡⴰⴽⴰⵍ ⴷ ⵜⵡⴰⵍⴰ ⵏ ⵜⴼⵍⵍⴰⵃⵜ.

ⵜⵉⵡⵓⵔⵉⵡⵉⵏ ⵜⵉⵎⵣⵡⵓⵔⴰ: ⴰⵙⵎⴰⵢⵏⵓ ⵏ ⵓⵙⴰⵢⵔⴰⵔ ⴷ ⵓⵅⵅⴰⵎ

ⵜⵜⵙⵏⵜⵉ ⵜⴼⵓⴳⵍⴰ ⵏ "ⵉⵏⵏⴰⵢⵔ" ⵖⵔ ⴰⵢⵜ ⵃⴷⵉⴷⴷⵓ ⴷⴰⵜ ⴰⴷ ⵉⴽⵛⵎ ⵢⵉⴹ ⵏ ⵓⵙⴳⴳⵯⴰⵙ; ⴷⴰ ⵜⵚⴼⴰⴹⵏⵜ ⵜⵎⵖⴰⵔⵉⵏ ⵜⵉⵢⴷⵔⵉⵏ, ⴰⵔ ⵙⵏⴼⴰⵍⵏⵜ ⵉⵥⵕⴰⵏ ⵏ ⵜⴰⴽⴰⵜ ⵏⵏⴰ ⵎⵉ ⵜⵜⵉⵏⵉⵏ "ⵉⵏⵓⴽⴰⵏ". ⵜⴰⴳⴳⴰⵢⵜ ⴰⴷ ⵜⴳⴰ ⵜⴰⵎⴰⵜⴰⵔⵜ ⵏ ⵓⵙⵉⵏⴼ ⵏ "ⵓⴷⵔⴰⵔ" (ⵉⵔⴽⴰ) ⵏ ⵓⵙⴳⴳⵯⴰⵙ ⵉⵣⵔⵉⵏ, ⴷ ⵓⵙⵏⵓⴱⴳ ⵏ ⵓⵙⴳⴳⵯⴰⵙ ⴰⵎⴰⵢⵏⵓ ⵙ ⵜⴷⵖⵉⵢⵜ. ⴳ ⵢⵉⴹ ⴰⵏⵏ, ⵓⵔ ⴷⴰ ⵜⵜⴰⴽⵯⴼⵏ ⵉⴽⵓⵛⴰⵏ ⵏⵏⵉⴳ ⵏ ⵜⴳⵎⵎⵉ ⵃⵎⴰ ⴰⴷ ⵓⵔ ⵜⴼⴼⵓⵖ "ⵜⴼⵓⵍⵍⴰ" (ⵜⴰⴱⵔⴽⵜ).

ⵉⵎⵏⵙⵉ ⵏ ⵉⵏⵏⴰⵢⵔ: ⵜⴰⴼⵍⵙⵓⴼⵜ ⵏ ⵜⵓⴳⵜ ⴷ ⵜⵡⵉⵣⵉ ⴷ ⵜⴳⵔⴰⵡⵜ

ⵉⴳⴰ ⵡⵓⵜⵛⵉ ⴰⴷⴷⴰⵙ ⵏ ⵓⵙⴼⵓⴳⵍⵓ ⴰⴷ, ⴰⵢⴷⴷⵖ ⴷⴰ ⵙⴽⴰⵔⵏ ⵜⵉⵔⵎⵜ ⵏ "ⵓⵛⵛⵓ ⵏ ⵙⴱⵄⴰ ⵏ ⵉⵙⵓⴼⴰⵔ" (ⵙⴽⵙⵓ ⵙ ⵙⴰ ⵏ ⵉⵎⵓⴷⴷⵏ). ⴷⴰ ⵜⵜⵉⵢⵢⴰⵔⵏ ⵉⵎⵓⴷⴷⵏ ⵣⴳ ⵜⵢⴰⴼⵓⵜⵉⵏ ⵏ ⵓⵙⴳⴳⵯⴰⵙ ⵉⵣⵔⵉⵏ (ⵜⴰⵅⵙⴰⵢⵜ, ⵜⴰⵍⴼⵜ, ⵅⵉⵣⵣⵓ, ⵉⴽⵉⴽⵔ...), ⴰⵢⴷⴷⵖ ⵉⴳⴰ ⵜⴰⵎⴰⵜⴰⵔⵜ ⵏ ⵓⵙⵓⵍⴼ ⵏ ⵓⴼⴰⵔⴰ.

ⴳ ⵡⴰⵎⵎⴰⵙ ⵏ ⵡⵜⵛⵉ ⴰⴷ, ⴷⴰ ⵜⴼⴼⵔⵏ ⵢⴰⵏ ⵉⵖⵚ ⵏ ⵜⵉⵢⵏⵉ ⵏⵖ ⵜⴰⵎⵢⵓⵔⵜ ⵏ ⵡⴰⵍⵍⵓⵣ ⵎⵉ ⵜⵜⵉⵏⵉⵏ "ⵉⵅⵙ". ⵡⵏⵏⴰ ⵜ ⵢⵓⴼⴰⵏ ⴷⴰ ⴰⵙ ⵜⵜⵉⵏⵉⵏ ⵉⵙ ⵉⴳⴰ "ⴰⵎⵙⵄⴷ", ⴰⵔ ⵜⵜⵉⵏⵉⵏ ⵉⵙ ⵔⴰⴷ ⴷⵉⵙ ⵜⵉⵍⵉ ⵜⴼⵓⴳⵍⴰ ⴳ ⵓⵙⴳⴳⴰⵙ ⴰⴽⴽⵯ, ⵜⵉⴽⵡⴰⵍ ⴷⴰ ⴰⵙ ⴰⴽⴽⴰⵏ ⵜⵉⵙⵓⵔⴰ ⵏ "ⵓⵅⵣⵉⵏ" ⵙ ⵜⵖⴰⵔⴰⵙⵜ ⵜⴰⵎⴰⵜⴰⵔⵜ.

ⵜⵉⵎⵢⵓⵔⵉⵏ ⵏ ⵡⴰⴽⴰⵍ ⴷ ⵜⴰⴽⵙⴰⵜ: ⴰⵙⵏⵉⵎⵎⵔ ⵏ ⵜⴳⴰⵎⴰ

ⵓⵔ ⵉⴳⵉ ⵓⵙⴼⵓⴳⵍⵓ ⵖⴰⵙ ⴳ ⵓⴳⵏⵙⵓ ⵏ ⵜⴳⵎⵎⵉ, ⴰⵢⴷⴷⵖ ⴷⴰ ⵉⴼⴼⵓⵖ ⵓⵏⵙⵙⵉⵅⴼ ⵏ ⵓⵅⴰⵎ ⴰⴷ ⵢⴰⵡⵉ ⵜⵓⴷⴷⵉⵜ ⵏ ⵡⵓⵜⵛⵉ ⴰⴷ ⵜ ⵉⴳ ⴳ ⵜⵉⴳⵔⴰⵏ ⵏⵖ ⴳ ⵜⵙⴳⵉⵡⵉⵏ ⵏ ⵜⴰⴷⴷⴰⵔⵜ ⵏ ⵉⵎⵓⴷⴰⵔ. ⵜⴰⴳⴳⴰⵢⵜ ⴰⴷ ⵜⴳⴰ ⴰⵙⵏⵉⵎⵎⵔ ⵉ ⵡⴰⴽⴰⵍ ⴷ ⵓⵜⵜⵔ ⵏ ⵓⵏⵥⴰⵕ ⴷ ⵜⴼⵓⵍⵍⴰ ⵉ ⵓⵙⴳⴳⵯⴰⵙ ⴰⵎⴰⵢⵏⵓ.

ⴰⵃⵉⴷⵓⵙ: ⵜⴰⵏⴼⴰⵍⵉⵜ ⵏ ⵜⵎⴰⴳⵉⵜ

ⴷⴰ ⵉⵜⵜⴼⵓⴽⴽⵓ ⵢⵉⴹ ⵙ ⵓⵔⴰⵔ ⵏ "ⴰⵃⵉⴷⵓⵙ", ⵎⴰⵏⵉ ⴷⴰ ⴱⴷⴷⵏ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵙ ⵜⵎⵍⵙⴰ ⵏⵏⵙⵏ ⵉⵇⴱⵓⵔⵏ; ⵉⵔⴳⴰⵣⵏ ⵙ "ⵓⵅⵏⵉⴼ ⵉⵍⵙ ⴰⵥⵏⵏⴰⵕ ", ⵜⵉⵎⵖⴰⵔⵉⵏ ⵙ "ⵜⴰⵡⵏⵣⴰ" ⴷ "ⵜⵃⵏⴷⵉⵔⵜ". ⴷⴰ ⵜⵜⴰⵔⵉⵔⵏ ⵉⵡⴰⵍⵉⵡⵏ ⵏ ⵜⵎⴷⵢⴰⵣⵜ ⵏⵏⴰ ⵉⵜⵜⴰⵡⵉⵏ ⵅⴼ ⵓⵚⴱⵕ, ⴷ ⵓⵣⴷⴰⵢ ⵙ ⵓⴷⵔⴰⵔ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ.