ⵓⵍⵎⴰⵏ
ⵓⵍⵎⴰⵏ (ⴳ ⵎⴰ ⵉⵣⵔⵉⵏ ⵉⵙⵎ ⵏⵙ: ⵜⴰⴹⵓⴱⵉⵕⵜ) ⵜⴳⴰ ⴰⵎⴰⵡⴰⵍ ⵏⵖ ⵜⵓⵜⵍⴰⵢⵜ ⵙⵏⵓⵍⴼⴰⵏ ⵕⵕⵡⴰⵢⵚ ⴰⴼⴰⴷ ⴰ ⵙⵔⵙ ⵙⴰⵡⵡⴰⵍⵏ ⵉⵏⴳⵔⴰⵜⵙⵏ ⴰⴽⵓⴷ ⵏⵏⴰ ⵍⵍⴰⵏ ⴳ ⵡⴰⵎⵎⴰⵙ ⵏ ⵓⵙⴰⵢⵙ. ⵓⵍⵎⴰⵏ ⵜⴳⴰ ⵜⵓⵜⵍⴰⵢⵜ ⵙⵙⵏⵏ ⵖⴰⵙ ⵕⵕⵡⴰⵢⵚ ⴷ ⵉⵏⵍⵎⴰⴷⵏ ⵏⵏⵙⵏ. ⴳ ⵓⵣⵎⵣ ⴰⵡⵔⴰⵖ ⵏ ⵜⴰⵕⵕⵡⴰⵢⵚⵉⵜ, ⵎⵉⴷⴷⵏ ⴰⵔ ⴰⴽⴽⴰⵏ ⴰⵔⵔⴰⵡ ⵏⵏⵙⵏ ⵉ ⵕⵕⵡⴰⵢⵚ ⴰⴽⵓⴷ ⵏⵏⴰ ⴼⴼⴰⵖⵏ ⵙ ⵓⴷⵡⴰⵍ, ⴰⴼⴰⴷ ⴰⴷ ⵛⵛⵏ ⵙⵓⵏ, ⴷ ⴰⴼⴰⴷ ⴰⴷ ⵍⵎⴷⵏ ⵜⴰⵕⵕⵡⴰⵢⵚⵉⵜ, ⴳ ⵎⵏⵉⴷ ⵏ ⵎⴷⴷⵏ ⵓⵔ ⵉⵖⵉ ⵕⵕⴰⵢⵚ ⴰ ⵉⵙⵙⵍⵎⵏ ⴰⵏⵍⵎⴰⴷ ⵏⵙ ⵙ ⵉⵡⴰⵍⵉⵡⵏ ⵙⵙⵏⵏ ⵎⴷⴷⵏ ⴰⴽⴽⵯ, ⵎⴰⵢⴰⴷ ⴰ ⵢⵓⴷⴷⵊⴰⵏ ⵕⵕⵡⴰⵢⵚ ⴰⴷ ⴷ ⵙⵙⵓⴼⵖⵏ ⵢⴰⵜ ⵜⵓⵜⵍⴰⵢⵜ ⵜⴰⵎⴰⵢⵏⵓⵜ ⵉⵥⵍⵉⵏ ⵙ ⵕⵕⵡⴰⵢⵚ, ⵓⵔ ⵉⵙⵙⵉⵏ ⴰⵡⴷ ⵢⴰⵏ ⴰⴼⴰⴷ ⴰ ⵜⴳ ⵜⵓⵜⵍⴰⵢⵜ ⵏ ⵓⵎⵙⴰⵡⴰⵍ ⵉⵏⴳⵔ ⵕⵕⴰⵢⵚ ⴷ ⵓⵏⵍⵎⴰⴷ ⵏⵙ, ⵜⴳ ⵉⵍⵎⵎⴰ ⵜⵓⵜⵍⴰⵢⵜ ⵏ ⵓⵎⵙⴰⵡⴰⵍ ⵉⵏⴳⵔ ⵕⵕⴰⵢⵚ ⴷ ⵡⴰⵢⵢⴰⴹ.