ⵉⴱⵔⵖⵡⴰⵟⵏ
| ⵉⴱⵔⵖⵡⴰⵟⵏ | |
|---|---|
| ⵜⴰⴳⴳⴰⵢⵜ ⵜⴰⵏⵡⵙⵉⵜ, Amazigh tribe | |
| ⵜⴰⴳⵣⵣⵓⵎⵜ ⵙⴳ | ⵉⵎⴰⵣⵉⵖⵏ  |
| ⵜⵓⴷⴷⵎⴰ | 744 |
| Religion or worldview | ⵉⵙⵍⴰⵎ |
| ⵉⵙⵎⵍⴰⵏ ⵉⵊⵖⵔⴰⴼⵉⵢⵏ | 33°33′13″N 7°39′31″W |
| Dissolved, abolished or demolished date | 1058 |
 | |
ⵙⵏⴼⵍ ⴰⵙⴰⴳⵎ - ⵙⵏⴼⵍ - ⵡⵉⴽⵉⴷⴰⵜⴰ  | |
ⴱⵓⵕⵖⵡⴰⵟⴰ ⵏⵖ ⴱⵓⵍⵖⵡⴰⵟⴰ (ⵙ ⵜⵄⵕⴰⴱⵜ: برغواطة ⵏⵖ بلغواطة) ⴳⴰⵏ ⵢⴰⵏ ⵓⵎⵇⵇⵓⵏ ⵏ ⵜⵡⵙⵉⵜⵉⵏ ⵜⵉⵎⴰⵣⵉⵖⵉⵏ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵉⵣⴷⵖ ⴳ ⵜⵎⴰⵣⵉⵔⵜ ⵏ ⵜⴰⵎⵙⵏⴰ, ⴳⵉⵏ ⵣⵖ ⵓⵎⵇⵇⵓⵏ ⵏ ⵉⵎⵥⵎⵓⴷⵏ.[1] ⴹⴰⵔⵜ ⵏ ⵓⴽⵛⵛⵓⵎ ⵏⵏⵙⵏ ⵍⵍⴼ ⴷ ⵜⴳⵔⴰⵡⵍⴰ ⵏ ⵉⵥⵓⴼⵔⵉⵢⵏ ⵉⵏⵓⴼⵓⵖⵏ ⵖ ⵍⵎⵖⵔⵉⴱ ⵎⴳⴰⵍ ⵏ ⵜⵅⴰⵍⵉⴼⴰⵜ ⵏ ⴱⵏⵓ ⵓⵎⴰⵢⵢⴰ, ⵙⴽⵔⵏ ⵢⴰⵏ ⵓⵡⴰⵏⴽ ⵙ ⵜⵙⵏⵉⵎⴰⵏⵜ ⴷⴰ ⵓⵎⵥⵏ (ⴳⵔ 744-1085 ⴹⵜ) ⵖ ⵜⵙⴳⴰ ⵏ ⵜⵎⵙⵏⴰ ⵖ ⵉⵣⵖⴰⵔⵏ ⵉⵟⵍⴰⵏⵟⵉⵢⵏ ⴳⵔ ⴰⵙⴼⵉ ⴷ ⵙⵍⴰ ⴷⴷⴰⵡ ⵏ ⵜⵏⴱⴰⴹⵜ ⵏ ⵟⴰⵉⴼ ⵍⵎⵟⵖⵔⵉ.
ⴰⵎⵣⵔⵓⵢ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴷⵔⵓⵙⵏ ⵉⴼⵔⵓⵔⵉⵜⵏ ⴷⴰ ⵜⵜⵡⴰⵙⵙⴰⵏⵉⵏ ⴼ ⵜⴳⵍⴷⵉⵜ ⵏ ⴱⵓⵔⵖⵡⴰⵟⴰ. ⴰⵎⴰⵜⴰ ⵏ ⵉⵙⵓⴳⴰⵎ ⵉⵎⵣⵔⴰⵢⵏ ⴳⴰⵏ ⵉⵎⴰⵥⵓⵥⵏ ⴼ ⵓⵣⵎⵣ ⵖ ⵜⵜ ⵉⵏⵏ ⵜⴽⴽⴰ ⵜⵏⴱⴰⴹⵜ ⵏⵏⵙⵏ, ⴰⵔ ⴰⵏⵖ ⴰⴽⴽⴰⵏ ⵖ ⴽⵉⴳⴰⵏ ⵏ ⵜⴽⴽⴰⵍ ⵢⴰⵜ ⵓⵎⵏⴰⴹ ⴰⵎⵣⵔⴰⵢ ⴰⵎⴳⵍⴰⵏ ⵉⵔⵡⵉⵏ, ⵉⵙⴷⵓⵡⵡⴰⵅⵏ. ⵎⴰⵛⵛⴰⵏ ⵉⵍⵍⴰ ⵢⴰⵏ ⵖ ⵉⴱⴰⵢⵏ ⵉⵙ ⵜ ⵏⴰⵃⵢⴰ. ⵢⴰⵏ ⵓⵙⵍⵉⴷ ⵉⴳⴰ ⵜ ⵖⴰⵢⴷⴰ ⵢⴰⵔⴰ ⴰⴱⵓ ⵚⴰⵍⵉⵃ ⵣⵎⵎⵓⵔ, ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵉⴳⴰ ⵡⴰⴳⴳⴰⴳ ⵎⵇⵇⵓⵔⵏ ⵏ ⵉⴱⵔⵖⵡⴰⵟⵏ, ⵉⴳ ⴰⵎⵙⵇⴰⴷ ⵏⵏⵙⵏ ⵙ ⵇⵓⵕⵟⵓⴱⴰ ⵖ ⵉⵎⵉⵙⵉ ⵏ ⵜⴰⵙⵓⵜⴰ ⵜⵉⵙ 10. ⵓⵎⵍⴰ ⴷⴰ ⴰⵏⵖ ⵉⴼⴽⴰ ⴰⴷ ⵉⴳⴰⵏ ⵡⵉⴷⴰ ⴰⴽⴽⵯ ⴼⵔⵓⵔⵉⵔⵉⵏⵉⵏ ⴼ ⴱⵓⵔⵖⵡⴰⵟⴰ.[2] ⵙⵙⵍⴽⵎⵏ ⴰⵏⵖ ⵜⵏ ⵉⴷ ⵍⴱⴰⴽⵔⵉ, ⵉⴱⵏ ⵃⴰⵣⵎ ⴷ ⵉⴱⵏ ⵅⴰⵍⴷⵓⵏ ⵎⵇⵇⴰⵔ ⵉⵎⵎⵣⵔⵉ ⵓⴼⴰⵙⵔ ⵏⵏⵙⵏ ⵖ ⴽⵔⴰ ⵏ ⵜⵏⵇⵇⴰⴹ.
ⵙⵙⵏⵜⴰⵏ ⵉⴱⵓⵔⵖⵡⴰⵟⵏ, ⵖ ⵜⵙⴳⴰ ⵏ ⵉⵖⵓⵎⴰⵔⵏ ⴷ ⵉⵎⴽⵏⴰⵙⵏ, ⵜⴰⴳⵔⴰⵡⵍⴰ ⵜⴰⵎⴰⵣⵉⵖⵜ ⵏ 739/740. ⵙⵙⵔⵖⵏ ⴰⵙ ⵡⴰⴳⴳⴰⴳⵏ ⵉⵏⵓⴼⵓⵖⵏ ⵉⵥⵓⴼⵔⴰⵏⵏ ⴷⴰ ⵉⴳⴰⵏ ⵢⴰⵏ ⵜⴰⴳⴳⴰⵢⵜ ⵜⴰⵙⴳⴷⴰⵏⵜ ⵏⵏⴰ ⵉⴼⵍⵙⵏ ⵙ ⵢⴰⵜ ⵜⵖⴰⵔⴰⵙⵜ ⵏ ⵓⵙⵏⴳⵉⴷⴷⵉ ⵖ ⵜⵏⵎⴳⵍⴰ ⵉ ⵜⴰⵔⵉⵙⵟⵓⵇⵔⴰⵚⵜ ⵏ ⵇⵓⵕⴰⵢⵛ ⵍⵍⵉ ⴷ ⵉⵎⵇⵇⵓⵔⵏ ⴷⴷⵓ ⵜⵅⴰⵍⵉⴼⴰⵜ ⵏ ⴱⴰⵏⵓ ⵓⵎⴰⵢⵢⴰ. ⵙⵜⵉⵏ ⵉⵖⵡⵡⴰⵖⵏ ⵎⴰⵢⵙⴰⵔⴰ ⵍⵎⵟⵖⵔⵉ ⴰⴷ ⵉⴳ ⴰⵎⵖⴰⵔ ⴼⴰⴷ ⴰⴷ ⵉⴳⵍⵉ ⴰⵖⵡⵡⵖ ⵏⵏⵙⵏ, ⵎⵓⵔⵙⵏ, ⴰⵎⵥⵏ ⵉⴽⴰⵍⵍⵏ ⵏ ⵍⵎⵖⵔⵉⴱ ⴰⵜⵔⴰⵔ. ⴰⵢⴰ ⵉⵙⵙⵉⵎⵏ ⵜⵉⵖⵡⵡⵖⵉⵏ ⵢⴰⴹⵏⵉⵏ ⵖ ⵍⵎⵖⵔⵉⴱ ⴷ ⵡⴰⵏⴷⴰⵍⵓⵙ. ⵖ ⵉⵎⵏⵖⵉ ⵏ ⴱⴰⵇⴷⵓⵔⴰ, ⴼⵏⴰⵏ ⵉⵖⵡⵡⴰⵖⵏ ⵢⴰⵏ ⵜⵙⵔⴷⴰⵙⵜ ⵏⵉⵜ ⵉⴷⵓⵙⵏ ⵏⵏⴰ ⵏⵏ ⵙⵔⵙⵏ ⵢⵓⵣⵏ ⵓⵅⴰⵍⵉⴼ ⵏ ⴱⴰⵏⵓ ⵓⵎⴰⵢⵢⴰ ⵣⵖ ⵙⵓⵔⵢⴰ. ⵎⴰⵛⵛⴰⵏ ⵜⴰⵙⵔⴷⴰⵙⵜ ⵏ ⵉⵖⵡⵡⴰⵖⵏ ⵉⵕⵥⴰ ⵖⴷ ⵏⵜⵜⴰⵜ ⵖ ⵉⵎⵉⵙⵉ ⵏ ⵇⴰⵢⵕⴰⵡⴰⵏ, ⵉⴼⵔⵉⵇⵉⵢⵢⴰ ⵖ 741. ⴹⴰⵔ ⵏ ⵜⵕⵥⵉ ⴰⴷ, ⵜⵍⵍⵓⵣⵣⴰ ⴰⴽⴽⵯ ⵜⵓⵕⴼⴰ ⵏⵏⵙⵏ. ⴷⴰⵜ ⴰⴽⴽⵯ ⴰⴷ ⵉⵊⵕⵓ ⵎⴰⵢⴰ, ⴱⴷⴰⵏ ⵢⴰⴷ ⵉⴱⵔⵖⵡⴰⵟⵏ, ⵍⵍⵉ ⵉⴳⴰⵏ ⵉⵎⵙⵔⵙⴰⵍ ⵏ ⵜⵖⵡⵡⴰⵖⵜ, ⴰⵔ ⵜⵜⴹⵉⵇⵏ ⴰⵛⴽⵓ ⵉⵖⵡⵡⴰⵖⵏ ⴷⴰ ⵉⴳⴳⵯⵔⴰⵏ ⵉⵙ ⴽⵛⵎⵏ, ⵙⵍⴰⵡⴰⵏⵜ ⴰⴽⴽⵯ ⵉⵎⵖⴰⵔⵏ ⵏ ⵉⵊⴰⵏⴰⵜⵏ, ⵔⴰⵏ ⴰⴷ ⴰⵡⵉⵏ ⵜⴰⵏⴱⴰⴹⵜ ⵙ ⵡⴰⵡⵡⴰⵙ ⵏ ⵉⴽⵓⵎⵉⵙⵉⵔⵏ ⵉⵥⵓⴼⵕⴰⵏⵏ. ⵍⵍⵉⵖ ⵢⴰⴷ ⵎⵓⵔⵙⵏ ⵖ ⵓⵡⵜⵜⴰⵙ ⵏⵏⵙⵏ ⴰⵎⵣⵡⴰⵔⵓ ⵏⵏⴰ ⵉⴳⴰⵏ ⴰⵙⴷⵔⴼⵉ ⵏ ⵎⴷⴷⵏ ⵣⵖ ⵜⵏⴱⴰⴹⵜ ⵏ ⴱⴰⵏⵓ ⵓⵎⴰⵢⵢⴰ, ⵓⵔ ⴷ ⵉⵖⴰⵎⴰ ⴽⵔⴰ ⵜⵏ ⵉⵜⵜⴰⵊⵊⴰⵏ ⴰⴷ ⵙⵓⵍ ⴷⵔⵔⵓⵏ ⵙ ⵜⵙⵔⴷⴰⵙⵜ.
ⵖ 742 ⵏⵖ 743, ⴼⴼⵖⵏ ⵉⴱⵓⵔⵖⵡⴰⵟⵏ ⵜⵓⵕⴼⴰ ⵏ ⵉⵖⵡⵡⴰⵖ, ⵓⵔⵔⵉⵏ ⵙ ⵜⵙⴳⴰ ⵏ ⵜⴰⵎⵙⵏⴰ ⵍⵍⵉ ⵉⵍⵍⴰⵏ ⵖ ⵓⵣⴰⵖⴰⵔ ⵓⵜⵔⵉⵎ ⵏ ⵍⵎⵖⵔⵉⴱ, ⵙⴽⵔⵏ ⴳⵉⵙ ⵜⴰⴳⵍⴷⵉⵜ ⵏⵏⵙⵏ, ⴼⵍⵏ ⵜⴰⵏⵓⴼⵓⵖⵜ ⵜⴰⵥⵓⴼⵕⴰⵏⵜ ⵏⵏⵙⵏ.
ⵓⴳⴳⴰⵔ ⵏ ⴽⵔⴰⴹⵜ ⵜⵓⵙⵜⵉⵏ ⴰⴷ ⵜⴽⴽⴰ ⵜⵙⴳⴰ ⵏ ⵜⴰⵎⵙⵏⴰ ⵖ ⴷⴷⵓ ⵜⵏⴱⴰⴹⵜ ⵏ ⵉⴱⵔⵖⵡⴰⵟⵏ (744-1058). ⴷⴷⵓ ⵜⵏⴱⴰⴹⵜ ⵏ ⵚⴰⵍⵉⵃ ⴱⵏ ⵟⴰⵔⵉⴼ, ⵉⵍⵢⴰⵙ ⴱⵏ ⵚⴰⵍⵉⵃ (792-842); ⵢⵓⵏⵙ (842-888) ⴷ ⴱⵓ ⵖⵓⴼⴰⵢⵍ (888-913) ⵜⴷⵓⵙ ⴷ ⵜⴳⵍⴷⵉⵜ, ⴰⵔ ⵜⵙⵙⵉⴼⵉⴹ ⵉⵎⴰⵣⴰⵏⵏ ⵙ ⵜⵉⵡⵙⴰⵜⵉⵏ ⵜⴰⴷⴷⵊⴰⵔⵉⵏ. ⵖ ⵜⵓⴷⴷⵎⴰ, ⴽⴽⴰⵏⵜ ⵜⵜ ⵉⵏⵏ ⵜⵣⴷⴰⵢⵉⵏ ⵉⵏⴳⵔⴰⵙⵏ ⴷ ⵜⵅⴰⵍⵉⴼⴰⵜ ⵜⵓⵎⴰⵢⵢⴰⵜ ⵏ ⵇⵓⵕⵟⵓⴱⴰ ⴼⵓⵍⴽⵉⵏⵜ, ⵎⴰⵛⵛ ⵖ ⵜⴳⵉⵔⴰ ⵏ ⵜⴰⵙⵓⵜⴰ ⵜⵉⵙ ⵎⵔⴰⵡⵜ ⵜⵕⵥⴰ ⵙ ⵜⵎⵏⵜⵉⵍⵜ ⵏ ⵙⵉⵏ ⵡⴰⵣⵣⴰⵖⵏ ⵏ ⴱⴰⵏⵓ ⵓⵎⴰⵢⵢⴰ, ⴷ ⴽⵔⴰ ⵡⴰⵣⵣⴰⵖⵏ ⵙⵖ ⴷⴰⵔ ⵉⴼⴰⵟⵉⵎⵉⵢⵏ ⵏⵏⴰ ⵎⵉ ⵖⵏⵙⵏ ⵉⴱⵔⵖⵡⴰⵟⵏ, ⵢⵉⵍⵉ ⴳⵔ ⴰⵙⵏ ⴷ ⴰⵢⵜ ⵢⴼⵔⵏ ⵢⴰⵏ ⵓⵎⵏⵖⵉ ⵉⵛⴷⴷⴰⵏ ⵣⵖ ⵜⴰⵙⵓⵜⴰ ⵜⵉⵙ 11. ⵎⵇⵇⴰⵔ ⴷ ⵍⵎⴹⵏ ⵉⴱⵔⵖⵡⴰⵟⵏ ⴳ ⵢⴰⵏ ⵓⵣⵎⵣ,[3] ⵉⵥⴹⵉⵕⵏ ⵙⵓⵍ ⴰⴷ ⵖⵏⵙⵏ ⵉ ⵡⴰⵣⵣⴰⵖⵏ ⵏ ⵉⵎⵔⴰⴱⴹⵏ — ⵉⵎⵎⵓⵜ ⴳⵉⵙⵏ ⵓⵎⵖⴰⵔ ⴰⵙⴳⴷⴰⵏ ⵏ ⵉⵎⵕⴰⴱⴹⵏ ⵄⴱⴷⵍⴰⵍⵀ ⴱⵏ ⵢⴰⵙⵉⵏ ⵖ ⵓⴱⴰⵔⴰⵣ ⵏ ⵉⵎⵏⵖⵉ ⴳ 7 ⵢⵓⵍⵢⵓ 1058. 1149 ⴽⴰ ⴰ ⵖ ⵔⵥⴰⵏ ⵉⴱⵔⵖⵡⴰⵟⵏ, ⴼⵏⵓⵏ ⵜⵏ ⵉⵎⵓⵡⵃⵃⵉⴷⵏ, ⵏⵖⵓⴱⵓⵏ ⴰⵎ ⵜⴳⵔⵓⵎⵎⴰ ⵜⴰⵙⵔⵜⴰⵏⵜ ⵜⴰⵙⴳⴷⴰⵏⵜ.[1]
ⵜⵉⵡⵙⴰⵜⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵙⵉⵏ ⵡⴰⴳⵏⴰⵔⵏ ⴷ ⵜⵥⴰⵜ ⵜⵡⵙⴰⵜⵉⵏ ⴰⴷ ⵜⵜ ⵉⵏⵏ ⵉⴽⴽⴰⵏ ⴽⵛⵎⵏⵜ ⵖ ⵓⵎⵇⵇⵓⵏ ⵏ ⴱⵓⵔⵖⵡⴰⵟⴰ, ⵉⴹⴼⵓⵕⵏⵜ 12 ⵣⴳⵉⵜⵙⵏⵜ ⴰⵙⴳⴷ ⵏ ⴱⵓⵔⵖⵡⴰⵟⴰ, ⵖⴰⵎⴰⵏⵜ ⵜⵉⵢⵢⴰⴹ ⴼ ⵍⵉⵙⵍⴰⵎ.
ⵜⵉⵡⵙⴰⵜⵉⵏ ⴹⴼⴰⵔⵏⵉⵏ ⴰⵙⴳⴷ ⴰⴱⵓⵔⵖⵡⴰⵟ (ⵉⵔⴽⵙ ⴷ ⵍⵉⵙⵍⴰⵎ)
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵉⴳⵔⴰⵡⵏ (جراوة)
- ⵉⵣⵡⴰⵖⵏ (زواغة)
- ⴱⵔⴰⵏⵙ (البرانس)
- ⴰⵢⵜ ⴱⵓ ⵏⴰⵚⵔ (بني أبي ناصر)
- ⵉⵎⵏⵊⴰⵥⵏ (منجصة)
- ⴰⵢⵜ ⴱⵓ ⵏⵓⵃ (بني أبي نوح)
- ⴰⵢⵜ ⵡⴰⵖⵎⵔ (بني واغمر)
- ⵉⵎⵟⵖⵔⵏ/ⵉⵎⴹⵖⵔⵏ (مطغرة)
- ⴰⵢⵜ ⴱⵓⵔⵖ (بني بورغ)
- ⴰⵢⵜ ⴷⵔⵔ (بني درّ)
- ⵉⵎⵟⵎⴰⵟⵏ (مطماطة)
- ⴰⵢⵜ ⵣⴽⵙⵏⵜ (بني زكسنت)
ⵜⵉⵇⴱⵉⵍⵉⵏ ⵜⵉⵏⵙⵍⵎⵉⵏ ⵜⵉⵏⵓⴼⵓⵖⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵉⵊⴰⵏⴰⵜⵏ ⵏ ⵓⴷⵔⴰⵔ (زناتة الجبل)
- ⴰⵢⵜ ⴱⵍⵍⵉⵜ (بنو بليت)
- ⵉⵏⵎⵍⴰⵍⵏ (نمالة)
- ⵉⵡⵏⵙⵏⵜ (أونسنت)
- ⴰⵢⵜ ⵢⴼⵔⵏ (نو يفرن)
- ⴰⵢⵜ ⵏⴰⵖⵉⵜ (بنو ناغيت)
- ⴰⵢⵜ ⵏⵏⵄⵎⴰⵏ (بنو النعمان)
- ⴰⵢⵜ ⴼⵍⵍⵓⵙⵏ (بنو فلوسة)
- ⴰⵢⵜ ⴽⵓⵏⴰ (وبنو كونة)
- ⴰⵢⵜ ⵙⴽⴱⴱⵔ (بنو سبكر)
- ⴰⵥⵥⴰⴷⵏ (أصّادة)
- ⵉⵔⴳⵔⴰⴳⵏ (رُكانة)
- ⵉⵎⴰⵏⴰⴷⵏ (منادة)
- ⵉⵎⵉⵏⵏ (أزمين)
- ⵉⵎⴰⵙⵉⵏⵏ (ماسينة)
- ⵉⵔⵥⴰⵏⵏ (رصانة)
- ⵉⵜⵔⴰⵔⵏ (ترارته)
ⴽⵔⴰ ⵣⵖ ⵜⵡⵙⴰⵜⵉⵏ ⴰⴷ ⵉⵜⵜⵢⵓⴱⴷⴰⵔⵏ, ⵣⵓⵏ ⴷ ⴱⵔⴰⵏⵙ, ⵉⵎⵟⵎⴰⵟⵏ, ⵢⴼⵔⵏ ⴷ ⵉⵜⵔⴰⵔⵏ ⴳⴰⵏ ⵖⴰⵔ ⵉⵅⵙⴰⵏ ⵣⵖ ⵜⵡⵙⴰⵜⵉⵏ ⵎⵇⵇⵓⵔⵏⵉⵏ, ⵖⴰⵔ ⵜⵉⴷⴰ ⵍⵍⴰⵏⵉⵏ ⵖ ⵜⵙⴳⴰ ⵏ ⵜⵎⵙⵏⴰ ⴰⴷ ⵉⴽⵛⵎⵏ ⵙ ⵓⵎⵇⵇⵓⵏ ⵏ ⴱⵓⵔⵖⵡⴰⵟⴰ.
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ a b Le Tourneau, R. (1986) [1960]. "Barg̲h̲awāṭa". In Bearman, P.; Bianquis, Th.; Bosworth, C.E.; van Donzel, E.; Heinrichs, W.P. (eds.). Encyclopaedia of Islam. Vol. I (2nd ed.). Leiden, Netherlands: Brill Publishers. p. 1043. doi:10.1163/1573-3912_islam_SIM_1231. ISBN 9004081143.
- ^ ⵥⵔ ⴰⵎⵏⵏⵉ ⴰⴷ ⵍⵍⵉ ⴷ ⵉⴼⴼⵖⵏ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵖ ⵜⵙⵖⵓⵏⵜ ⵏ ⵀⴻⵙⵒⴻⵔⵉⵙ, ⵉⵜⵜⵡⴰⵔⵛⵉⴼⴰ ⵖ 18 ⴱⵔⵉⵔ, 2007.
- ^ ⵉⵙ ⴰⴽⴽⵯ ⵉⴱⴷⵔ ⵍⴱⴰⴽⵔⵉ ⵎⴰⵙ ⴼⵏⴰⵏ ⵖ 1029 ⵎⴰⵛⵛⴰⵏ ⴰⵢⴰ ⵓⵔ ⵉⵎⵙⴰⵙⴰ ⴷ ⴰⵢⵍⵍⵉ ⴷⴰⵖ ⵉⵏⵏⴰ ⴳ ⵉⴷⵖⴰⵔⵏ ⵢⴰⴹⵏⵉⵏ ⴼ ⵉⵎⵏⵖⴰⵏ ⵏⵏⵙⵏ ⴷ ⵉⵎⵕⴰⴱⴹⵏ.