ⴰⵙⴰⵢⵙ
ⴰⵙⴰⵢⵙ, ⴰⵎⴰⴳⵓⵜ ⵏⵏⵙ ⵉⵙⵓⵢⴰⵙ, ⴰⵔ ⵜⵏ ⵉⵏⵏ ⵏⵜⵜⴰⴼⴰ ⵖ ⴽⵉⴳⴰⵏ ⵏ ⵜⵖⵔⵎⴰⵡⵉⵏ ⵏ ⵜⵎⴰⵣⵉⵔⵜ ⵏ ⵍⵎⵕⵕⵓⴽ (ⵍⵎⵖⵔⵉⴱ), ⴰⵙⴰⵢⵙ ⵖ ⵎⴰⵢⴰⴷ ⵍⵍⵉ ⵉⵣⵔⵉⵏ ⵏⵜⵜⴰⵏ ⴰⴷ ⵉⴳⴰⵏ ⴰⴷⵖⴰⵔ ⵖⴰ ⵜⵜⵎⵓⵏⴰⵏ ⵉⵎⴰⵔⵉⵔⵏ, ⴰⵔ ⵙⵏⴰⵥⵓⵕⵏ ⵙ ⵓⵎⴷⵢⴰⵣ ⵉⴷⴷⵔⵏ ⵓⵔⴰⵔⵏ ⵙ ⵜⴰⵡⴰⵍⵉⵏ ⵜⴳⵓⵔⵉⵡⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴽⵔⴰ ⴳ ⵉⵙⵓⵢⴰⵙ ⴰⴷ ⵍⵍⴰⵏ ⴷⵔⵏ ⵙⵓⵍ ⴳ ⵡⴰⵟⵟⴰⵚ ⵏ ⵜⵇⴱⵉⵍⵉⵏ ⴷ ⵜⵖⵔⵎⵉⵡⵉⵏ ⵏ ⵜⵎⵓⵔⵜ ⵏ ⵍⵎⵕⵕⵓⴽ, ⴳ ⵓⵎⵣⵔⵓⵢ ⵉⵍⴰ ⵓⵙⴰⵢⵙ ⴰⴷⴷⵓⵔ ⴰⵎⵇⵔⴰⵏ ⵉⴳ ⴰⴷⵖⴰⵔ ⵏ ⵉⴷⵡⴰⵍⵏ ⴷ ⵜⴼⴼⵓⴳⵍⵉⵡⵉⵏ ⵏ ⵜⵇⴱⵉⵍⵉⵏ ⴷ ⵉⵎⵓⵇⵇⴰⵔⵏ ⵏ ⵉⵏⵎⵖⵓⵔⵏ ⵏ ⵜⵏⴱⴰⴹⵉⵏ ⴷ ⵜⵇⴱⵉⵍⵉⵏ.
ⴽⵉⴳⴰⵏ ⵏ ⵜⵎⴷⵢⴰⵣⵉⵏ ⵏ ⵉⵎⴷⵢⴰⵣⵏ ⵉⵎⴰⵣⵉⵖⵏ ⵉⴷⴷⵔⵏ ⴰⵔ ⴰⵙⵙ ⴰ, ⵍⵓⵍⵏⵜ ⴳ ⵓⵙⴰⵢⵙ ⵏ ⴽⵔⴰ ⵏ ⵜⵖⵔⵎⵜ, ⵉⴳ ⵓⵙⴰⵢⵙ ⴰⵙⵡⴰⵖ ⵍⵍⵉ ⵢⵓⵊⵊⴰⵏ ⴰⴷ ⵉⴷⴷⵔ ⵓⵃⵡⴰⵛ ⴷ ⵜⵥⵓⵕⵉ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⴽⴽⵯ. ⵍⵍⵉⵖ ⵥⵍⵉⵏ ⵉⵎⴰⵔⵉⵔⵏ ⴰⵙⴰⵢⵙ ⴰⴷ ⵉⴳ ⵜⴰⵎⵙⵓⵍⵜ ⵏ ⵓⵎⴷⵢⴰⵣ ⵏⵏⵙⵏ, ⵉⴳ ⴰⴷⵖⴰⵔ ⵏ ⵓⵙⵏⴼⵍⵓⵍ ⵏⵏⵙⵏ, ⵉⴳ ⵓⵙⴰⵢⵙ ⵙ ⵖⵉⴽⴰⵏ ⵜⴰⵡⵍⴰⴼⵜ ⵏ ⵓⵎⴰⵣⵉⵖ ⵉⵣⴷⵉⵏ ⴷ ⴽⵕⴰⴹ ⵉⵥⵓⵕⴰⵏ ⵏ ⵜⵎⴰⴳⵉⵜ ⵏⵏⵙ (ⴰⴽⴰⵍ ⴰⵡⴰⵍ ⴰⴼⴳⴰⵏ), ⵉⴳ ⵓⵏⴰⵎⴽ ⵏ ⴽⵕⴰⴹ ⵉⵥⵓⵕⴰⵏ ⴰⴷ ⵏ ⵜⵎⴰⴳⵉⵜ ⵖⵉⴽⴰⴷ:
- ⴰⴽⴰⵍ: ⵎⴰⵙ ⴰⴼⴳⴰⵏ ⵉⴽⴽ ⴰⴷ ⴰⴽⴰⵍ ⵜⵉⵍⵉ ⵜⵓⴷⵔⵜ ⵏⵏⵙ ⵖ ⵡⴰⴽⴰⵍ, ⴷ ⵉⵔⴰ ⴰⴷ ⵉⵏⵖⵓⴱⵓ ⵖ ⵡⴰⴽⴰⵍ.
- ⴰⴼⴳⴰⵏ ⴷ ⵡⴰⵡⴰⵍ: ⴰⴼⴳⴰⵏ ⵍⵍⵉ ⴷ ⵉⵙⵙⵓⴼⵖⵏ ⵣⵖ ⵓⴳⵕⴹ ⵏⵏⵙ ⴰⵡⴰⵍ ⴰⵎⴰⵣⵉⵖ, ⵉⴳ ⵡⴰⵡⴰⵍ ⵏⵏⵙ ⵖ ⵓⵎⴳⴳⴰⵔⵓ ⵜⴰⵎⴰⵜⴰⵔⵜ ⵏⵏⵙ ⵙ ⵉⵥⵍⵉ ⵏⴳⵔ ⵓⴼⴳⴰⵏ ⵏ ⵓⵎⴰⴹⴰⵍ ⴰⴽⴽⵯ, ⵜⵉⵍⵉ ⵜⵣⴷⴰⵢⵜ ⵏ ⵜⵎⴰⴳⵉⵜ ⴷ ⵓⴼⴳⴰⵏ ⵙ ⵡⴰⵡⴰⵍ ⴰⵏⵏ ⵙ ⵖⵉⴽⴰⵏ.[1]
ⴰⵎⴰⵔⵉⵔ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴳⴰ ⴱⴰⴱ ⵏ ⵡⴰⵡⴰⵍ ⴷ ⵓⵎⴷⵢⴰⵣ, ⴰⵔ ⵉⵜⵜⵉⵍⵉ ⴳ ⵓⵙⴰⵢⵙ ⵏⵜⵜⴰⵏ ⴷ ⵉⵏⴳⴳⵯⴰ ⵏⵏⵙ, ⴰⵔ ⵏⵏ ⵉⴽⵛⵛⵎ ⵙ ⵓⵙⴰⵢⵙ ⵢⵉⵍⵉ ⴳ ⵓⵏⵍⵍⵉ ⵏⵏⵙ ⴰⵎⴷⵢⴰⵣ ⵍⵍⵉ ⵙ ⵔⴰⴷ ⵉⵣⵣⵔⵉ ⵉⵡⵉⵣ ⴰⵏⵏ ⴳ ⵓⵙⴰⵢⵙ, ⵖ ⵎⵏⵉⴷ ⵏ ⵉⵏⴳⴳⵯⴰ ⵏⵏⵙ ⵉⵎⴰⵔⵉⵔⵏ ⵢⴰⴹⵏ. ⴰⵔ ⵉⵙⵜⴰⵢ ⴰⵡⴰⵍ ⵍⵍⵉ ⴷ ⵢⵓⵙⴰⵏ ⴷ ⵎⵉⴷⴷⵏ ⴰⵏⵏ ⴷ ⵜⴼⴼⵓⴳⵍⴰ ⴰⵏⵏ ⵍⵍⵉ ⵉⵍⵍⴰⵏ ⴳ ⵓⵙⴰⵢⵙ. ⵉⵣⴷⵉ ⴱⴷⴷⴰ ⵓⵎⴷⵢⴰⵣ ⵏ ⵓⵎⴰⵔⵉⵔ ⴷ ⵡⴰⵏⴰⵡⵏ ⵏ ⵓⵃⵡⴰⵛ ⵙ ⵉⵜⵜⴰⵡⵙⵙⴰⵏ ⴽⵓ ⴰⴷⵖⴰⵔ.
ⵉⴳ ⵓⵙⴰⵢⵙ ⵜⴰⵙⵓⵜⵉⵏ ⴼ ⵜⴰⵙⵓⵜⵉⵏ ⴰⵔ ⵖⵉⵍⴰⴷ ⴰⵏⵙⴰ ⵏ ⵜⴼⴼⵓⴳⵍⵉⵡⵉⵏ ⴷ ⵜⵓⴷⵎⴰⵡⵉⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⵍⵉⵏ ⴷⴰⵔⵙ ⴽⵉⴳⴰⵏ ⵏ ⵡⴰⴷⴷⴰⴷⵏ ⵙ ⵉⵣⴹⴰⵕ ⴰⴷ ⵉⵖⴰⵎⴰ ⴳ ⵡⵓⵍ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ:
ⴰⴷⴷⴰⴷ ⵏ ⵓⵙⵙⵍⵎⴷ: ⵜⴰⵙⵓⵜ ⵜⴼⵍⵜ ⵉⴷ ⵉ ⵜⴰⵢⴰⴹ, ⴰⵎⵓⵏ ⵉⴼⵍⵜ ⵉⴷ ⵉ ⵡⴰⵢⵢⴰⴹ, ⴰⵍⵍⵉⴳ ⵉⵖⴰⵎⴰ ⵉⴳⴰ ⴰⵎ ⵜⵉⵏⵎⵍ ⵏ ⵉⵄⵔⵔⵉⵎⵏ ⵍⵍⵉ ⵉⵙⵙⵓⴼⵓⵖⵏ ⵉⵎⴰⵍ ⵏ ⵉⵎⴷⵢⴰⵣⵏ ⴷ ⵉⵎⴰⵍ ⵏ ⵓⵃⵡⴰⵛ ⴷ ⵉⵎⴰⵍ ⵏ ⵜⵓⵙⵙⵏⴰ ⴰⴽⴽⵯ.
ⴰⴷⴷⴰⴷ ⵏ ⵓⴷⵡⴰⵍ: ⴰⵔ ⵉⵜⵜⴳⴳⴰ ⵓⵙⴰⵢⵙ ⴰⵙⴰⵔⴰⴳ ⵏ ⵓⴷⵡⴰⵍ ⵏ ⵓⵎⵓⵏ ⴼ ⴽⵔⴰ ⴷ ⵉⵣⵣⴰⵏ ⵖ ⵜⵎⵓⵔⵜ ⵏⵉⵖ ⴼ ⴽⵔⴰ ⵉⴳⴰⵏ ⴰⵎⴰⵢⵏⵓ ⴳ ⵜⵏⴱⴰⴹⵜ, ⵉⴳ ⴰⵙⴰⵢⵙ ⵏ ⵉⴷⵡⴰⵍⵏ ⵏ ⵉⵏⵎⵓⵖⵔⵏ ⴷ ⵜⴼⴰⵙⵡⵉⴽⵉⵏ ⵍⵍⵉ ⵉⵜⵜⵉⵍⵉⵏ ⵎⵏⵏⴰⵡⵜ ⵜⴽⴰⵍ ⵖ ⵓⵙⴳⴳⵯⴰⵙ.
ⵉⵖ ⵉⵔⴰ ⴽⵔⴰ ⵏ ⵓⵎⴰⵔⵉⵔ ⵏ ⵓⵃⵡⴰⵛ ⵏⵉⵖ ⴰⵎⴷⵢⴰⵣ ⴰⴷ ⵉⴱⴷⴷ ⴳ ⵓⵙⴰⵢⵙ, ⵉⵍⵍⴰ ⴼⵍⵍⴰⵙ ⴰⴷ ⴷⴰⵔⵙ ⵉⵍⵉⵏ ⵜ ⵎⵏⵏⴰⵡⵜ ⵜⵖⴰⵡⵙⵉⵡⵉⵏ :
- ⵜⵉⵎⵍⵙⵉⵜ ⵉⵥⵍⵉⵏ ⵙ ⵡⴰⵙⵙ ⴰⵏⵏ ⴰⴷ ⵜⴳ ⵜⵉⵎⵍⵙⵉⵜ ⵉⴳⴰⵏ ⴰⵏⴰⵡ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
- ⴰⴷ ⴷⴰⵔⵙ ⵉⵍⵉ ⵓⴳⵕⴹ ⵏ ⴷ ⵓⵎⴷⵢⴰⵣ ⵉⵎⵎⵉⵎⵏ ⵔⴰⵏ ⵎⵉⴷⴷⵏ ⵉⵥⵍⵉⵏ ⵙ ⵡⴰⵙⵙ ⴰⵏⵏ.
- ⴰⴷ ⴷⴰⵔⵙ ⵉⵍⵉⵏ ⵜ ⵜⵣⵎⵎⴰⵔ ⴰⴷ ⵉⴱⴷⴷ ⵖ ⵎⵏⵉⴷ ⵏ ⴽⵉⴳⴰⵏ ⵏ ⵎⵉⴷⴷⵏ (ⴰⴳⴷⵓⴷ).
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)