ⴰⵔⵛⴰⵛ (ⵜⴰⵔⴰⴱⴱⵓⵜ)

ⵜⵙⵙⵏⵜⵉ ⵜⵔⴰⴱⴱⵓⵜ ⵏ ⵓⵔⵛⴰⵛ ⴳ ⵜⵣⵡⵉⵔⵉ ⵏ ⵓⵙⴳⴳⵯⴰⵙ 1980 ⴳ ⵜⵎⴷⵉⵏⵜ ⵏ ⵜⴳⵎⵎⵉ ⵜⵓⵎⵍⵉⵍⵜ , ⵅⴼ ⵓⴼⵓⵙ ⵏ ⵜⵓⴳⵜ ⵏ ⵉⵏⵓⵥⴰⵕ ⴳ ⵜⵓⴳⵜ ⵏ ⵜⵔⵓⴱⴱⴰ ⴰⵎ ⵉⵣⵎⴰⵣ, ⵎⴰⵛⴰ ⵄⴰⵍⵉ ⵛⵓⵀⴰⴷ ⴰⴷ ⵉⴳⴰⵏ ⴰⵏⴱⴷⴰⴷ ⴰⵅⴰⵜⴰⵔ ⵏⵜⵔⴰⴱⴱⵓⵜ ⴰⴷ ^[1]

ⴰⴷⵖⴰⵔ

ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⵏ ⵓⵔⵛⴰⵛ ⵙ ⵜⵓⴳⵜ ⵏ ⵉⵏⴰⵥⵓⵕⵏ ⵏⵏⵙ ⴳⴰⵏ ⴳ ⵓⴷⵖⴰⵔ ⵏ ⵙⵓⵙ , ⵙⵍⴰⵡⴰⵏ ⴰⴽⴽⵯ ⵉⴱⵔⴽⴰⴽ ⵉⵍⵍⴰⵏ ⴳ ⵉⵙⴰⴼⴼⵏ ⴳ ⵡⴰⵟⵍⴰⵚ ⴰⵎⵥⵢⴰⵏ , ⴳⵔ ⵟⴰⵟⴰ ⴷ ⵜⵔⵓⴷⴰⵏⵜ , ⵏⵙⵙⵏ ⴰⵇⵇⴰ ⵜⵉⵎⵉⵣⴰⵔ ⴰⴷ ⴳⵉⵙ ⵢⴰⵏ ⵡⴰⵏⴰⵡ ⵏ ⵜⵥⵓⵕⵉ ⵏ ⵓⵃⵡⴰⵛ , ⵍⵍⵉ ⵉⵙⴰⵡⴰⵍⵏ ⵅⴼ ⵓⵏⵣⴳⵓⵎ ⵏ ⵉⵎⵣⴷⴰⵖ ⵏⵏⵙ , ⵉⵏⴹⴹⴰⵎⵏ ⴷ ⵜⴳⵓⵔⵉ ⵢⴰⴹⴼⵉⵜⵏ , ⵢⵉⵡⵙ ⵙⴰⵄⵉⴷ ⵍⵀⵔⵔⴰⵙ ⴳ ⵓⵙⴱⴷⴷⵉ ⵏ ⵜⵔⴰⴱⴱⵓⵜ ⴰⵡⴷ ⵏⵜⵜⴰ ⵉⵡⴰⵍⴰ ⵜⴰⵎⴰⵣⵉⵔⵜ ⵏ ⵜⴼⵔⴰⵡⵜ ⵍⵍⵉ ⵢⴰⵥⵏ ⵉ ⵉⵙⴰⴼⴼⵏ ⵙ ⵓⵢⴰ ⵉⴼⴽⴰ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵉ ⵜⵔⴰⴱⴱⵓⵜ ⴰⴷ , ⵎⵉⵏⵣⵉ ⵉⵡⴰⵍⴰ ⵢⴰⵜ ⵜⵡⵊⴰ ⵜⴰⵏⴰⵥⵓⵕⵜ ⵜⴰⵎⵇⵔⴰⵏⵜ . ⵜⴳⴰ ⵜⵍⴰⵍⵉⵜ ⵏ ⵜⵔⴰⴱⴱⵓⵜ ⵏ ⵓⵔⵛⴰⵛ ⵡⴰⵥ ⴳ ⵜⵔⵓⴱⴱⴰ ⵏ ⵓⵥⴰⵡⴰⵏ ⴰⵎⴰⵣⵉⵖ ⵙⵍⴰⵡⴰⵏ ⴰⴽⴽⵯ ⵜⵉⵏ ⵙⵓⵙ , ⵉⵖ ⵏⵥⵕⴰ ⴰⵙⴰⵍⴰ ⵏ ⴰⵢⵜ ⵜⵔⴰⴱⴱⵓⵜ ⵔⴰⴷ ⵏⵏ ⵏⴰⴼ ⵎⴰⵙ ⴳⴰⵏ ⴰⵢⵜ ⵓⴼⴰⵔⴰ ⵎⵇⵇⴰⵔ ⵣⴷⵖⵏ ⴳ ⵜⴳⵎⵎⵉ ⵜⵓⵎⵍⵉⵍⵜ ⵓⵔ ⵜⵜⵓⵏ ⵜⴰⵎⴰⵣⵉⵔⵜ ⵏⵏⵙⵏ ⴷ ⵜⴷⵍⵙⴰ ⵏⵏⵙ , ⵎⴰⵢⴰⵏ ⴰⴷ ⵢⵓⵊⵊⴰⵏ ⵜⵓⴳⵜ ⵏ ⵓⴳⴷⵓⴷ ⴰⴷ ⵉⴹⴼⵓⵕ ⵜⴰⵔⴰⴱⴱⵓⵜ ⵏ ⵓⵔⵛⴰⵛ ⵉⴷⴷⵖ ⵜⵉⵡⵉ ⴷ ⴰⵎⴰⵢⵏⵓ ⵙ ⵓⵙⴰⵢⵙ ⴷ ⵓⵥⴰⵡⴰⵏ ⴰⵎⴰⵣⵉⵖ ⵍⵍⵉ ⴷ ⵉⵙⵙⵓⴼⵖⵏ ⴰⴳⴷⵓⴷ ⴳ ⵓⵥⴰⵡⴰⵏ ⵏ ⵕⵕⵡⴰⵢⵙ .

ⴰⵙⵙⴰⵖ ⵏ ⵜⵔⴰⴱⴱⵓⵜ

ⴰⵙⵙⴰⵖ ⵏ ⵜⵔⴰⴱⴱⵓⵜ ⵉⴽⴽⴰ ⴷ ⴰⵏⵥⴰⵕ ⴰⵔⵛⴰⵛ ⵏⵜⵜⴰ ⴰⴷ ⵉⵙⵎⵎⵖⴰⵢⵏ ⵉⵊⴷⴷⵉⴳⵏ ⴷ ⵡⴰⴷⴷⴰⴳⵏ ; ⵎⴰⵢⴰⵏ ⴰⴼ ⵜⵔⵡⴰⵙ ⵜⵔⴰⴱⴱⵓⵜ ⴰⴷ ⴰⵔⵛⴰⵛ.

ⵉⵎⴰⵙⵙⵏ ⵏ ⵓⵥⴰⵡⴰⵏ

ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⴰⴷ ⵎⴰⵙ ⵜⵙⵙⵎⵔⵙ ⵜⵓⴳⵜ ⵏ ⵉⵎⴰⵙⵙⵏ ⵏ ⵓⵥⴰⵡⴰⵏ ⵉⵇⴱⵓⵔⵏ ⴷ ⵉⵎⴰⵢⵏⵓⵜⵏ ⴰⵎ : ⵍⴱⴰⵏⵊⵓ , ⵟⴰⵎⵟⴰⵎ , ⴰⵍⵍⵓⵏ, ⵙⵙⵏⵜⵉⵔ, ⵜⵉⵇⵔⵇⴰⵡⵉⵏ , ⴳⴰⵏⴳⴰ^[2] .

ⴰⵏⴰⵡ ⵏ ⵜⵎⴷⵢⴰⵣⵉⵏⵏ ⵜⵔⴰⴱⴱⵓⵜ ⵏ ⵓⵔⵛⴰⵛ

ⴰⵔ ⵜⵙⴽⴰⵔ ⵜⵔⴰⴱⴱⵓⵜ ⴰⴷ ⵜⵉⵎⴷⵢⴰⵣⵉⵏ ⵍⵍⵉ ⴷ ⵉⵡⵉⵏ ⴳ ⵜⵔⵎⵉⵜⵉⵏ ⵏ ⵜⵓⴷⵔⵜ , ⴷ ⵉⵡⴰⵍⵉⵡⵏ ⵉⵇⴱⵓⵔⵏ ⴰⵎ ⵡⵉⵏ ⵓⵎⴷⵢⴰⵣ ⴰⵎⴰⵣⵉⵖ ⵙⵉⴷⵉ ⵃⵎⵎⵓ ⵟⵟⴰⵍⴱ ⵍⵍⵉ ⴰⵙ ⵉⵔⵏⴰⵏ ⵢⴰⵜ ⵏ ⵜⵙⵓⵙⵏⵜ ⵜⴰⵅⴰⵜⴰⵔⵜ , ⵙⵜⵉⵏ ⴰⵙ ⴰⵣⵡⵍ ⵙⵉⴷⵉ ⵃⵎⵎⵓ ⵟⵟⴰⵍⴱ ^[3]

    ⵉⵕⵃⵎ ⴰ ⵙⵉⵙⵉ ⵃⵎⵎⵓ ⵟⵟⴰⵍⴱ ⵉⵏⵏⴰ ⵉⴳⵍⵍⵉⵏ .
    ⵉⵍⵍⴰ ⵓⵣⵎⵣ ⵖ ⵢⴰⴽⴽⴰ ⵢⴰⵏ ⵉⵍⵍⴰ ⵓⵣⵎⵣ ⵖ ⴰ ⵉⵇⵇⴰⵢ.

ⵉⵎⵙⵍⴰⵢⵏ ⵏ ⵜⵔⴰⴱⴱⵓⵜ

ⵜⵜⵉⵔⴰⵔ ⵜⵔⴰⴱⴱⵓⵜ ⵜⵉⵎⴷⵢⴰⵣⵉⵏ ⵍⵍⵉ ⵉⴳⴰⵏ ⴰⵙⵏⴼⵍⵓⵍ ⵏ ⵡⵉⴷⴰ ⵉⵍⵍⴰⵏ ⴳ ⵜⵔⴰⴱⴱⵓⵜ ⴰⵎ : ⵄⵍⵉ ⵛⵓⵀⴰⴷ , ⵎⵓⵍⴰⵢ ⴱⵕⴰⵀⵉⵎ ⵉⵙⴽⵔⴰⵏ ,ⵎⵓⵍⴰⵢ ⵄⴰⴱⴷⵍⴽⴱⵉⵔ ⵛⵓⵀⴰⴷ , ⵍⵎⵃⴼⵓⴹ ⴽⵉⵡⵉ ... ⵙ ⵍⵍⵖⴰ ⵏ ⵜⴰⵢⵙⵉ ⵜⴰⵥⵓⵕⴰⵏⵜ ⵜⴰⵎⴰⵣⵉⵖⵜ ⵏ ⵙⵓⵙ ⴷ ⵓⵎⴰⵢⵏⵓ , ⵉⴳⴰ ⵎⵓⵍⴰⵢ ⵍⵃⵓⵙⴰⵢⵏ ⵡⴰⵅⵅⴰⵛ ⵢⴰⵏ ⴳ ⵉⵏⴱⴷⴰⴷⵏ ⵏ ⵜⵔⴰⴱⴱⵓⵜ ⴰⴷ , ⵉⵜⵜⵓⵙⵙⴰⵏ ⵎⴰⵙ ⴰⵔ ⵢⴰⴽⴽⴰ ⵉ ⵍⴱⴰⵏⵊⵓ ⵢⴰⵏ ⵉⵎⵙⵍⵉ ⵉⵖⵓⴷⴰⵏ, ⴰⵔ ⵏⵥⵕⵕⴰ ⴰⵡⴷ ⴰⵙⵙⴰⵖ ⵏ ⴰⵢⵜ ⵜⵔⴰⴱⴱⵓⵜ ⵜⵓⴳⵜ ⴳⵉⵙⵏ ⴰⵔ ⵉⵙⵙⵏⵜⴰⵢ ⵙ ⵎⵓⵍⴰⵢ ⵙ ⵡⴰⵜⵉⴳ ⵍⵍⵉ ⴷⴰⵔⵙ ⵉⵍⵍⴰⵏ ⴳ ⵜⵔⴰⴱⴱⵓⵜ , ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⴰⴷ ⴰⵡⴷ ⵙ ⵓⵙⵏⵓⴱⴱⵛ ⴳ ⵡⴰⵏⵢⴰ ⴰⵎⴰⵢⵏⵓ , ⴷ ⴷⴰⵔⵙ ⵢⴰⵏ ⵡⴰⵜⵉⴳ ⴰⵅⴰⵜⴰⵔ ⴳ ⵓⵃⵟⵟⵓ ⵏ ⵡⴰⵏⵢⴰ ⴰⵇⴱⵓⵔ ⵙⵍⴰⵡⴰⵏ ⴰⴽⴽⵯ ⴰⵃⵡⴰⵛ ⵏ ⵉⴱⵔⴽⴰⴽ , ⴰⵎ ⵡⴰⵍⵍⵉ ⵙⵙⵎⵔⵙⵏ ⴳ ⵜⵎⴷⵢⴰⵣⵜ ⵏ ⵙⵉⴷⵉ ⵃⵎⵎⵓ ⵟⵟⴰⵍⴱ.

ⵜⵉⵥⵕⵉⴳⵉⵏ

ⵜⵙⵙⵓⴼⵖ ⴷ ⵜⵔⴰⴱⴱⵓⵜ ⴰⴷ ⵜⵓⴳⵜ ⵏ ⵜⵙⵙⴼⵉⴼⵉⵏ ⵍⵍⵉ ⵉⵙⴰⵡⵍ ⵅⴼ ⵜⵓⴳⵜ ⵏ ⵉⵙⵏⵜⴰⵍ , ⵥⴹⴰⵕⵏ ⵉⵎⵙⵏⴼⵍⵓⵍⵏ ⵏ ⵜⵔⴰⴱⴱⵓⵜ ⵏ ⵓⵔⵛⴰⵛⴰ ⴰⴷ ⵎⵓⵔⵙⵏ ⴳⵔ ⵓⴼⴰⵔⵙ ⴰⵎⴷⴰⵏ ⴷ ⵡⵉⵏ ⵜⵔⴰⴱⴱⵓⵜ^[4].

ⵎⴰⵅ ?
ⵎⴰⵅ ⵖⵎⴽⴰⵏⵏ ⵎⴰⵅ ⵖⴽⴰⴷ ?
ⵉⵙ ⵉⵢⵉ ⵉⵙⵙⵕⵎⵉ ⵎⴰⵅ .
ⵉⵙⴳⴳⵯⴰⵙⵏ ⴰⴷ ⵉⵙⵉⴳⴳⵉⵍ ⵎⴰⵅ ⵉⵏⵓ ⵡⵉⵏⵏⵓⵏ .
ⴳⵉⵏ ⵉⴷ ⵎⴰⵅ ⴰⴳⵓⴷⵉ ⵖ ⵡⴰⴽⴰⵍ ⴰⵔ ⴰⵍⵍⴰⵏ .
ⵉⴳⴰ ⵏⵉⵜ ⵎⴰⵅ ⵍⵇⴰⴹⵉ ⵓⵔ ⵉⵙⵏⴼⴰⵚⵍ ⵎⴰⵅ .
ⵉⵎⵎⴰ ⵎⴰⵅ ⵢⴰⴷⵍⵍⵉ ⴷⴰⵔ ⵎⵉⵜ ⴰ ⵖ ⴰⵏⵏ ⴼⵔⵔⵓⵏ ?
ⵉⵕⵥⵎ ⵉⵢⵉ ⴷ ⵢⴰⵏ ⵍⴱⴰⴱ ⵏⴽⵛⵎ ⵙⵉⵙ ⵉⵏⵏⴰ ⵎⴰⵅ ?
ⵓⵔ ⵉⵔⵓⵔ ⵙ ⵓⵥⵍⵎⴰⴹ ⵓⵔ ⵔⵓⵔⵏ ⵙ ⵓⴼⴰⵙⵉ.
ⵉⵔⴰⵔ ⵉⴽⴼⵔ ⴷⴰⵔⵉ ⴷⴰⵔⴽ ⵉⵔⵓⵔ ⵉⵙ ⴰⵅⵕⵚ.
ⴰⴷ ⵙⴰⵔ ⵓⵔ ⵜⵏⵏⵉⵜ ⵕⵥⵎⵖ ⵜ ⵓⵍⴰ ⵏⵏⵉⵖ ⵔⴳⵍⵏ .
ⴳⵔ ⵙⴰ ⵉⵖⴰⵔⴰⵙⵏ ⴳⵔ ⵎⵔⴰⵡⵜ ⵜⴰⵍⴰⵜⵉⵏ .
ⴰ ⵖ ⵉⵍⵓⵍ ⵎⴰⵅ ⵉⴳⵏ ⴳⵉⵙ ⵡⴰⵍⵍⵉ ⵜⵏ ⵢⵓⵔⵓⵏ .
ⵎⴰⵅ ⵉⵏⵜⵍ ⵏⵏ ⵉⵥⵏⵥⴰⵕⵏ ⵉⵙⵙⵏⵜⵍ ⵏⵏ ⴰⵢⵢⵓⵔ.
ⵎⴰⵅ ⴰⴷ ⵢⵓⵔⵓⵏ ⵍⵀⵎⵎ ⵎⴰⵅ ⵓⵔ ⵉⵍⵉ ⵎⴰⵙ.
ⵉⵍⵍⴰ ⵎⴰⵅ ⵏⵓⴼⴰ ⵜ ⵉⴷ ⴷⴰⵔ ⵡⵉⵍⵍⵉ ⴰⵖ ⵓⵔⵓⵏⵉⵏ .
ⵀⴰ ⵉⵢⵉ ⵔⴰⴷ ⴰⵡⵉⵖ ⵎⴰⵅ ⵉⵏⵓ ⴼⵍⵖ ⴰⵡⵏ ⵡⵉⵏⵏⵓⵏ .
ⴰⵕⴰⵜ ⴷ ⵉⴷ ⵎⴰⵅ ⴽⵔⴰ ⴷⴰⵔ ⵎⴰⵅ ⵉⵏⵏⴰ ⵎⴰⵅ ⵏⵏⵙ.
ⵏⵙⴽⵔ ⵢⴰⵏ ⵎⴰⵅ ⴰⴷ ⵉⴳⴳⵓⵜⵏ ⵓⴽⴰⵏ ⵏⵎⵓⵏ ⴰⵙ .
ⴰⴷ ⵏⵣⵓⵣⵣⴼ ⴰⵣⵔⴼ ⴰⴷ ⴳⵉⵙ ⵙⵓⵍ ⵓⵔ ⵢⵉⵍⵉ ⵎⴰⵅ.
ⵎⴰⴷ ⵉⵙⵙⵏⵏ ⵎⴰⵅ ⵍⵍⵉⵖ ⵓⵔ ⵜⵏ ⵉⵙⵙⵏ ⵎⴰⴷ ⵜ ⵉⵙⵙⵏⵏ.
ⵎⴰⴷ ⵉⵙⵙⵏⵏ ⵎⴰⵅ ⵍⵍⵉⵖ ⵓⵔ ⵜⵏ ⵉⵙⵙⵏⵏ ⵎⴰⴷ ⵜ ⵉⵏⵏⴰⵏ .
ⵉⴳⴰ ⵓⵏⴼⵓⵙ ⵉⵏⵉⴳⵉ ⵉⵙⵙⴰⵍⴰⵏ ⴰⵖⴰⵏⵉⵎ .
ⵎⴰⵅ ⵓⵔ ⵏⵙⵙⵏ ⴰⵎⵟⵟⴰ ⵖⴰⵔ ⵉⵖ ⴼⴽⴰⵏ ⵉ ⵔⵔⵉⵛ
ⵏ ⵜⵉⵟⵟ ⵉⵣⵣⵔⵉ ⵜ ⵉ ⵡⵓⴷⵎ ⴼⴽⵉⵏ ⵜⵏ ⵉⵡⴰⴽⴰⵍ.
ⵎⴰⵅ ⵉⴹⵓⴹⴰⵏ ⴷ ⵔⵔⵉⴱⴰⴱ ⴰⵔ ⵙⵙⴰⵍⵍⴰⵏ ⵉⴼⴰⵍⴰⵏ?
ⵎⴰⵅ ⵉⵔⵡⴰⵙ ⴰⵃ ⵉⴳⴳⵉ ⵏⵏⵙ ⵉⵍⴰ ⵜⴰⵏⵇⵇⵉⴹⵜ .
ⵎⴰⴷ ⴽ ⵉⵀⵓⵍⵏ ⴰ ⴰⴹⵓ ⴷⴰ ⵉⵙⵓⴼⴼⵏ ⵜⴰⵍⴰⵜⵉⵏ ?
ⴰⵔ ⵜⵏⵜⵜⵓⵜ ⵉⵖⵔⵔⵓⴱⴰ ⵙ ⵜⵉⵍⵍⴰⵙ ⵏ ⵡⴰⵎⴰⵏ .
ⵎⴰⵅ ⵉⵙⵎⵓⵏ ⴽⵕⴰⴹ ⵍⵃⵕⵓⴼ ⵙⵙⵕⵎⵉⵏ ⴰⵖ ?
ⵎⴰⵅ ⵉⵍⵍⴰ ⴳⵉⴽ ⵍⵀⵎⵎ ⵏⴽⴽ ⴰ ⵖ ⵓⵔ ⵍⵍⴰⵏ ?
ⵎⴰⵅ ⵉⵣⴷⵉ ⴱⴷⴷⴰ ⴷ ⴰⵃ ⵎⵓⵏⵏ ⵖ ⵓⵖⴰⵔⴰⵙ .
ⵎⵉⵎ ⴰⴷ ⴷ ⵉⵣⵡⴰⵔⵏ ⵍⵍⵉⵖ ⵃⵔⴰ ⵉⵜⵜⵍⴰⵍⴰ ⵎⴰⵅ.
ⵡⴰⵛ ⴰⴷ ⵉⴳⴰ ⵎⴰⵅ ⴰⴷ ⵉⵙⵃⵕⵕⴰ ⵜⵉⵎⵉⵎⵉⵏ.
ⵓⵔ ⵉⵟⵟⴰⴼ ⵎⴰⵅ ⵉⴹⵓⴹⴰⵏ ⵎⴰⴷ ⵜⵏⵜ ⵉⴼⵙⵙⵉⵏ .
ⵉⵙ ⴰⵔ ⵉⴽⴽⵔⵙ ⵅⵜⵉⴷⴰ ⴼⵙⵉⵏⵉⵏ ⵉⴼⵍ ⵜⵏⵜ .
ⵎⴰⵅ ? ⵎⴰⵅ ? ⵎⴰⵅ?

— ⵄⵍⵉ ⵛⵓⵀⴰⴷ

ⵉⵙⴰⵖⵓⵍⵏ

ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)

[1] ttps://web.archive.org/web/20090119102133/http://ahewar.org/debat/show.art.asp?aid=144902

[2] ttps://ar.wikipedia.org/wiki/%D8%A3%D8%B1%D8%B4%D8%A7%D8%B4#cite_note-:1-3

[3] ttps://ar.wikipedia.org/wiki/%D8%A3%D8%B1%D8%B4%D8%A7%D8%B4#cite_note-:1-3

[4] ttps://ar.wikipedia.org/wiki/%D8%A3%D8%B1%D8%B4%D8%A7%D8%B4#cite_note-4

[1]

[2]

[3]

[4]