ⴰⵔⵛⴰⵛ (ⵜⴰⵔⴰⴱⴱⵓⵜ)
ⵜⵙⵙⵏⵜⵉ ⵜⵔⴰⴱⴱⵓⵜ ⵏ ⵓⵔⵛⴰⵛ ⴳ ⵜⵣⵡⵉⵔⵉ ⵏ ⵓⵙⴳⴳⵯⴰⵙ 1980 ⴳ ⵜⵎⴷⵉⵏⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵅⴼ ⵓⴼⵓⵙ ⵏ ⵜⵓⴳⵜⵜ ⵏ ⵉⵏⵓⵥⴰⵕ ⴳ ⵜⵓⴳⵜⵜ ⵏ ⵜⵔⵓⴱⴱⴰ ⴰⵎ ⵉⵣⵎⴰⵣ, ⵎⴰⵛⴰ ⵄⵍⵉ ⵛⵓⵀⴰⴷ ⴰⴷ ⵉⴳⴰⵏ ⴰⵏⴱⴷⴰⴷ ⴰⵅⴰⵜⴰⵔ ⵏⵜⵔⴰⴱⴱⵓⵜ ⴰⴷ.[1]
ⴰⴷⵖⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⵏ ⵓⵔⵛⴰⵛ ⵙ ⵜⵓⴳⵜⵜ ⵏ ⵉⵏⴰⵥⵓⵕⵏ ⵏⵏⵙ ⴳⴰⵏ ⴳ ⵓⴷⵖⴰⵔ ⵏ ⵙⵓⵙ, ⵙⵍⴰⵡⴰⵏ ⴰⴽⴽⵯ ⵉⴱⵔⴽⴰⴽ ⵉⵍⵍⴰⵏ ⴳ ⵉⵙⴰⴼⴼⵏ ⴳ ⵡⴰⵟⵍⴰⵚ ⴰⵎⵥⵢⴰⵏ , ⴳⵔ ⵟⴰⵟⴰ ⴷ ⵜⵔⵓⴷⴰⵏⵜ, ⵏⵙⵙⵏ ⴰⵇⵇⴰ ⵜⵉⵎⵉⵣⴰⵔ ⴰⴷ ⴳⵉⵙ ⵢⴰⵏ ⵡⴰⵏⴰⵡ ⵏ ⵜⵥⵓⵕⵉ ⵏ ⵓⵃⵡⴰⵛ , ⵍⵍⵉ ⵉⵙⴰⵡⴰⵍⵏ ⵅⴼ ⵓⵏⵣⴳⵓⵎ ⵏ ⵉⵎⵣⴷⴰⵖ ⵏⵏⵙ , ⵉⵏⴹⴹⴰⵎⵏ ⴷ ⵜⴳⵓⵔⵉ ⵢⴰⴹⴼⵉⵜⵏ , ⵢⵉⵡⵙ ⵙⴰⵄⵉⴷ ⵍⵀⵔⵔⴰⵙ ⴳ ⵓⵙⴱⴷⴷⵉ ⵏ ⵜⵔⴰⴱⴱⵓⵜ ⴰⵡⴷ ⵏⵜⵜⴰ ⵉⵡⴰⵍⴰ ⵜⴰⵎⴰⵣⵉⵔⵜ ⵏ ⵜⴼⵔⴰⵡⵜ ⵍⵍⵉ ⵢⴰⵥⵏ ⵉ ⵉⵙⴰⴼⴼⵏ ⵙ ⵓⵢⴰ ⵉⴼⴽⴰ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵉ ⵜⵔⴰⴱⴱⵓⵜ ⴰⴷ , ⵎⵉⵏⵣⵉ ⵉⵡⴰⵍⴰ ⵢⴰⵜ ⵜⵡⵊⴰ ⵜⴰⵏⴰⵥⵓⵕⵜ ⵜⴰⵎⵇⵔⴰⵏⵜ . ⵜⴳⴰ ⵜⵍⴰⵍⵉⵜ ⵏ ⵜⵔⴰⴱⴱⵓⵜ ⵏ ⵓⵔⵛⴰⵛ ⵡⴰⵥ ⴳ ⵜⵔⵓⴱⴱⴰ ⵏ ⵓⵥⴰⵡⴰⵏ ⴰⵎⴰⵣⵉⵖ ⵙⵍⴰⵡⴰⵏ ⴰⴽⴽⵯ ⵜⵉⵏ ⵙⵓⵙ, ⵉⴳ ⵏⵥⵕⴰ ⴰⵙⴰⵍⴰ ⵏ ⴰⵢⵜ ⵜⵔⴰⴱⴱⵓⵜ ⵔⴰⴷ ⵏⵏ ⵏⴰⴼ ⵎⴰⵙ ⴳⴰⵏ ⴰⵢⵜ ⵓⴼⴰⵔⴰ ⵎⵇⵇⴰⵔ ⵣⴷⵖⵏ ⴳ ⵜⴳⵎⵎⵉ ⵜⵓⵎⵍⵉⵍⵜ ⵓⵔ ⵜⵜⵓⵏ ⵜⴰⵎⴰⵣⵉⵔⵜ ⵏⵏⵙⵏ ⴷ ⵜⴷⵍⵙⴰ ⵏⵏⵙ , ⵎⴰⵢⴰⵏ ⴰⴷ ⵢⵓⵊⵊⴰⵏ ⵜⵓⴳⵜ ⵏ ⵓⴳⴷⵓⴷ ⴰⴷ ⵉⴹⴼⵓⵕ ⵜⴰⵔⴰⴱⴱⵓⵜ ⵏ ⵓⵔⵛⴰⵛ ⵉⴷⴷⵖ ⵜⵉⵡⵉ ⴷ ⴰⵎⴰⵢⵏⵓ ⵙ ⵓⵙⴰⵢⵙ ⴷ ⵓⵥⴰⵡⴰⵏ ⴰⵎⴰⵣⵉⵖ ⵍⵍⵉ ⴷ ⵉⵙⵙⵓⴼⵖⵏ ⴰⴳⴷⵓⴷ ⴳ ⵓⵥⴰⵡⴰⵏ ⵏ ⵕⵕⵡⴰⵢⵙ.
ⴰⵙⵙⴰⵖ ⵏ ⵜⵔⴰⴱⴱⵓⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵙⵙⴰⵖ ⵏ ⵜⵔⴰⴱⴱⵓⵜ ⵉⴽⴽⴰ ⴷ ⴰⵏⵥⴰⵕ ⴰⵔⵛⴰⵛ ⵏⵜⵜⴰ ⴰⴷ ⵉⵙⵎⵎⵖⴰⵢⵏ ⵉⵊⴷⴷⵉⴳⵏ ⴷ ⵡⴰⴷⴷⴰⴳⵏ ; ⴰⵢⴰⵏⵏ ⴰ ⴼ ⵜⵔⵡⴰⵙ ⵜⵔⴰⴱⴱⵓⵜ ⴰⴷ ⴰⵔⵛⴰⵛ.
ⵉⵎⴰⵙⵙⵏ ⵏ ⵓⵥⴰⵡⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⴰⴷ ⵎⴰⵙ ⵜⵙⵙⵎⵔⵙ ⵜⵓⴳⵜ ⵏ ⵉⵎⴰⵙⵙⵏ ⵏ ⵓⵥⴰⵡⴰⵏ ⵉⵇⴱⵓⵔⵏ ⴷ ⵉⵎⴰⵢⵏⵓⵜⵏ ⴰⵎ : ⵍⴱⴰⵏⵊⵓ , ⵟⴰⵎⵟⴰⵎ , ⴰⵍⵍⵓⵏ, ⵙⵙⵏⵜⵉⵔ, ⵜⵉⵇⵔⵇⴰⵡⵉⵏ , ⴳⴰⵏⴳⴰ[2] .
ⴰⵏⴰⵡ ⵏ ⵜⵎⴷⵢⴰⵣⵉⵏⵏ ⵜⵔⴰⴱⴱⵓⵜ ⵏ ⵓⵔⵛⴰⵛ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵔ ⵜⵙⴽⴰⵔ ⵜⵔⴰⴱⴱⵓⵜ ⴰⴷ ⵜⵉⵎⴷⵢⴰⵣⵉⵏ ⵍⵍⵉ ⴷ ⵉⵡⵉⵏ ⴳ ⵜⵔⵎⵉⵜⵉⵏ ⵏ ⵜⵓⴷⵔⵜ , ⴷ ⵉⵡⴰⵍⵉⵡⵏ ⵉⵇⴱⵓⵔⵏ ⴰⵎ ⵡⵉⵏ ⵓⵎⴷⵢⴰⵣ ⴰⵎⴰⵣⵉⵖ ⵙⵉⴷⵉ ⵃⵎⵎⵓ ⵟⵟⴰⵍⴱ ⵍⵍⵉ ⴰⵙ ⵉⵔⵏⴰⵏ ⵢⴰⵜ ⵏ ⵜⵙⵓⵙⵏⵜ ⵜⴰⵅⴰⵜⴰⵔⵜ, ⵙⵜⵉⵏ ⴰⵙ ⴰⵣⵡⵍ ⵙⵉⴷⵉ ⵃⵎⵎⵓ ⵟⵟⴰⵍⴱ.[3]
ⵉⵕⵃⵎ ⴰ ⵙⵉⵙⵉ ⵃⵎⵎⵓ ⵟⵟⴰⵍⴱ ⵉⵏⵏⴰ ⵉⴳⵍⵍⵉⵏ .
ⵉⵍⵍⴰ ⵓⵣⵎⵣ ⵖ ⵢⴰⴽⴽⴰ ⵢⴰⵏ ⵉⵍⵍⴰ ⵓⵣⵎⵣ ⵖ ⴰ ⵉⵇⵇⴰⵢ.
ⵉⵎⵙⵍⴰⵢⵏ ⵏ ⵜⵔⴰⴱⴱⵓⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵜⵉⵔⴰⵔ ⵜⵔⴰⴱⴱⵓⵜ ⵜⵉⵎⴷⵢⴰⵣⵉⵏ ⵍⵍⵉ ⵉⴳⴰⵏ ⴰⵙⵏⴼⵍⵓⵍ ⵏ ⵡⵉⴷⴰ ⵉⵍⵍⴰⵏ ⴳ ⵜⵔⴰⴱⴱⵓⵜ ⴰⵎ: ⵄⵍⵉ ⵛⵓⵀⴰⴷ, ⵎⵓⵍⴰⵢ ⴱⵕⴰⵀⵉⵎ ⵉⵙⴽⵔⴰⵏ, ⵎⵓⵍⴰⵢ ⵄⴰⴱⴷⵍⴽⴱⵉⵔ ⵛⵓⵀⴰⴷ , ⵍⵎⵃⴼⵓⴹ ⴽⵉⵡⵉ ... ⵙ ⵍⵍⵖⴰ ⵏ ⵜⴰⵢⵙⵉ ⵜⴰⵥⵓⵕⴰⵏⵜ ⵜⴰⵎⴰⵣⵉⵖⵜ ⵏ ⵙⵓⵙ ⴷ ⵓⵎⴰⵢⵏⵓ , ⵉⴳⴰ ⵎⵓⵍⴰⵢ ⵍⵃⵓⵙⴰⵢⵏ ⵡⴰⵅⵅⴰⵛ ⵢⴰⵏ ⴳ ⵉⵏⴱⴷⴰⴷⵏ ⵏ ⵜⵔⴰⴱⴱⵓⵜ ⴰⴷ , ⵉⵜⵜⵓⵙⵙⴰⵏ ⵎⴰⵙ ⴰⵔ ⵢⴰⴽⴽⴰ ⵉ ⵍⴱⴰⵏⵊⵓ ⵢⴰⵏ ⵉⵎⵙⵍⵉ ⵉⵖⵓⴷⴰⵏ, ⴰⵔ ⵏⵥⵕⵕⴰ ⴰⵡⴷ ⴰⵙⵙⴰⵖ ⵏ ⴰⵢⵜ ⵜⵔⴰⴱⴱⵓⵜ ⵜⵓⴳⵜ ⴳⵉⵙⵏ ⴰⵔ ⵉⵙⵙⵏⵜⴰⵢ ⵙ ⵎⵓⵍⴰⵢ ⵙ ⵡⴰⵜⵉⴳ ⵍⵍⵉ ⴷⴰⵔⵙ ⵉⵍⵍⴰⵏ ⴳ ⵜⵔⴰⴱⴱⵓⵜ , ⵜⴻⵜⵜⵓⵙⵙⴰⵏ ⵜⵔⴰⴱⴱⵓⵜ ⴰⴷ ⴰⵡⴷ ⵙ ⵓⵙⵏⵓⴱⴱⵛ ⴳ ⵡⴰⵏⵢⴰ ⴰⵎⴰⵢⵏⵓ , ⴷ ⴷⴰⵔⵙ ⵢⴰⵏ ⵡⴰⵜⵉⴳ ⴰⵅⴰⵜⴰⵔ ⴳ ⵓⵃⵟⵟⵓ ⵏ ⵡⴰⵏⵢⴰ[4] ⴰⵇⴱⵓⵔ ⵙⵍⴰⵡⴰⵏ ⴰⴽⴽⵯ ⴰⵃⵡⴰⵛ ⵏ ⵉⴱⵔⴽⴰⴽ , ⴰⵎ ⵡⴰⵍⵍⵉ ⵙⵙⵎⵔⵙⵏ ⴳ ⵜⵎⴷⵢⴰⵣⵜ ⵏ ⵙⵉⴷⵉ ⵃⵎⵎⵓ ⵟⵟⴰⵍⴱ.
ⵜⵉⵥⵕⵉⴳⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵙⵙⵓⴼⵖ ⴷ ⵜⵔⴰⴱⴱⵓⵜ ⴰⴷ ⵜⵓⴳⵜ ⵏ ⵜⵙⵙⴼⵉⴼⵉⵏ ⵍⵍⵉ ⵉⵙⴰⵡⵍ ⵅⴼ ⵜⵓⴳⵜ ⵏ ⵉⵙⵏⵜⴰⵍ , ⵥⴹⴰⵕⵏ ⵉⵎⵙⵏⴼⵍⵓⵍⵏ ⵏ ⵜⵔⴰⴱⴱⵓⵜ ⵏ ⵓⵔⵛⴰⵛⴰ ⴰⴷ ⵎⵓⵔⵙⵏ ⴳⵔ ⵓⴼⴰⵔⵙ ⴰⵎⴷⴰⵏ ⴷ ⵡⵉⵏ ⵜⵔⴰⴱⴱⵓⵜ.[5]
ⵎⴰⵅ ⵖⵎⴽⴰⵏⵏ ⵎⴰⵅ ⵖⴽⴰⴷ ?
ⵉⵙ ⵉⵢⵉ ⵉⵙⵙⵕⵎⵉ ⵎⴰⵅ .
ⵉⵙⴳⴳⵯⴰⵙⵏ ⴰⴷ ⵉⵙⵉⴳⴳⵉⵍ ⵎⴰⵅ ⵉⵏⵓ ⵡⵉⵏⵏⵓⵏ .
ⴳⵉⵏ ⵉⴷ ⵎⴰⵅ ⴰⴳⵓⴷⵉ ⵖ ⵡⴰⴽⴰⵍ ⴰⵔ ⴰⵍⵍⴰⵏ .
ⵉⴳⴰ ⵏⵉⵜ ⵎⴰⵅ ⵍⵇⴰⴹⵉ ⵓⵔ ⵉⵙⵏⴼⴰⵚⵍ ⵎⴰⵅ .
ⵉⵎⵎⴰ ⵎⴰⵅ ⵢⴰⴷⵍⵍⵉ ⴷⴰⵔ ⵎⵉⵜ ⴰ ⵖ ⴰⵏⵏ ⴼⵔⵔⵓⵏ ?
ⵉⵕⵥⵎ ⵉⵢⵉ ⴷ ⵢⴰⵏ ⵍⴱⴰⴱ ⵏⴽⵛⵎ ⵙⵉⵙ ⵉⵏⵏⴰ ⵎⴰⵅ ?
ⵓⵔ ⵉⵔⵓⵔ ⵙ ⵓⵥⵍⵎⴰⴹ ⵓⵔ ⵔⵓⵔⵏ ⵙ ⵓⴼⴰⵙⵉ.
ⵉⵔⴰⵔ ⵉⴽⴼⵔ ⴷⴰⵔⵉ ⴷⴰⵔⴽ ⵉⵔⵓⵔ ⵉⵙ ⴰⵅⵕⵚ.
ⴰⴷ ⵙⴰⵔ ⵓⵔ ⵜⵏⵏⵉⵜ ⵕⵥⵎⵖ ⵜ ⵓⵍⴰ ⵏⵏⵉⵖ ⵔⴳⵍⵏ .
ⴳⵔ ⵙⴰ ⵉⵖⴰⵔⴰⵙⵏ ⴳⵔ ⵎⵔⴰⵡⵜ ⵜⴰⵍⴰⵜⵉⵏ .
ⴰ ⵖ ⵉⵍⵓⵍ ⵎⴰⵅ ⵉⴳⵏ ⴳⵉⵙ ⵡⴰⵍⵍⵉ ⵜⵏ ⵢⵓⵔⵓⵏ .
ⵎⴰⵅ ⵉⵏⵜⵍ ⵏⵏ ⵉⵥⵏⵥⴰⵕⵏ ⵉⵙⵙⵏⵜⵍ ⵏⵏ ⴰⵢⵢⵓⵔ.
ⵎⴰⵅ ⴰⴷ ⵢⵓⵔⵓⵏ ⵍⵀⵎⵎ ⵎⴰⵅ ⵓⵔ ⵉⵍⵉ ⵎⴰⵙ.
ⵉⵍⵍⴰ ⵎⴰⵅ ⵏⵓⴼⴰ ⵜ ⵉⴷ ⴷⴰⵔ ⵡⵉⵍⵍⵉ ⴰⵖ ⵓⵔⵓⵏⵉⵏ .
ⵀⴰ ⵉⵢⵉ ⵔⴰⴷ ⴰⵡⵉⵖ ⵎⴰⵅ ⵉⵏⵓ ⴼⵍⵖ ⴰⵡⵏ ⵡⵉⵏⵏⵓⵏ .
ⴰⵕⴰⵜ ⴷ ⵉⴷ ⵎⴰⵅ ⴽⵔⴰ ⴷⴰⵔ ⵎⴰⵅ ⵉⵏⵏⴰ ⵎⴰⵅ ⵏⵏⵙ.
ⵏⵙⴽⵔ ⵢⴰⵏ ⵎⴰⵅ ⴰⴷ ⵉⴳⴳⵓⵜⵏ ⵓⴽⴰⵏ ⵏⵎⵓⵏ ⴰⵙ .
ⴰⴷ ⵏⵣⵓⵣⵣⴼ ⴰⵣⵔⴼ ⴰⴷ ⴳⵉⵙ ⵙⵓⵍ ⵓⵔ ⵢⵉⵍⵉ ⵎⴰⵅ.
ⵎⴰⴷ ⵉⵙⵙⵏⵏ ⵎⴰⵅ ⵍⵍⵉⵖ ⵓⵔ ⵜⵏ ⵉⵙⵙⵏ ⵎⴰⴷ ⵜ ⵉⵙⵙⵏⵏ.
ⵎⴰⴷ ⵉⵙⵙⵏⵏ ⵎⴰⵅ ⵍⵍⵉⵖ ⵓⵔ ⵜⵏ ⵉⵙⵙⵏⵏ ⵎⴰⴷ ⵜ ⵉⵏⵏⴰⵏ .
ⵉⴳⴰ ⵓⵏⴼⵓⵙ ⵉⵏⵉⴳⵉ ⵉⵙⵙⴰⵍⴰⵏ ⴰⵖⴰⵏⵉⵎ .
ⵎⴰⵅ ⵓⵔ ⵏⵙⵙⵏ ⴰⵎⵟⵟⴰ ⵖⴰⵔ ⵉⵖ ⴼⴽⴰⵏ ⵉ ⵔⵔⵉⵛ
ⵏ ⵜⵉⵟⵟ ⵉⵣⵣⵔⵉ ⵜ ⵉ ⵡⵓⴷⵎ ⴼⴽⵉⵏ ⵜⵏ ⵉⵡⴰⴽⴰⵍ.
ⵎⴰⵅ ⵉⴹⵓⴹⴰⵏ ⴷ ⵔⵔⵉⴱⴰⴱ ⴰⵔ ⵙⵙⴰⵍⵍⴰⵏ ⵉⴼⴰⵍⴰⵏ?
ⵎⴰⵅ ⵉⵔⵡⴰⵙ ⴰⵃ ⵉⴳⴳⵉ ⵏⵏⵙ ⵉⵍⴰ ⵜⴰⵏⵇⵇⵉⴹⵜ .
ⵎⴰⴷ ⴽ ⵉⵀⵓⵍⵏ ⴰ ⴰⴹⵓ ⴷⴰ ⵉⵙⵓⴼⴼⵏ ⵜⴰⵍⴰⵜⵉⵏ ?
ⴰⵔ ⵜⵏⵜⵜⵓⵜ ⵉⵖⵔⵔⵓⴱⴰ ⵙ ⵜⵉⵍⵍⴰⵙ ⵏ ⵡⴰⵎⴰⵏ .
ⵎⴰⵅ ⵉⵙⵎⵓⵏ ⴽⵕⴰⴹ ⵍⵃⵕⵓⴼ ⵙⵙⵕⵎⵉⵏ ⴰⵖ ?
ⵎⴰⵅ ⵉⵍⵍⴰ ⴳⵉⴽ ⵍⵀⵎⵎ ⵏⴽⴽ ⴰ ⵖ ⵓⵔ ⵍⵍⴰⵏ ?
ⵎⴰⵅ ⵉⵣⴷⵉ ⴱⴷⴷⴰ ⴷ ⴰⵃ ⵎⵓⵏⵏ ⵖ ⵓⵖⴰⵔⴰⵙ .
ⵎⵉⵎ ⴰⴷ ⴷ ⵉⵣⵡⴰⵔⵏ ⵍⵍⵉⵖ ⵃⵔⴰ ⵉⵜⵜⵍⴰⵍⴰ ⵎⴰⵅ.
ⵡⴰⵛ ⴰⴷ ⵉⴳⴰ ⵎⴰⵅ ⴰⴷ ⵉⵙⵃⵕⵕⴰ ⵜⵉⵎⵉⵎⵉⵏ.
ⵓⵔ ⵉⵟⵟⴰⴼ ⵎⴰⵅ ⵉⴹⵓⴹⴰⵏ ⵎⴰⴷ ⵜⵏⵜ ⵉⴼⵙⵙⵉⵏ .
ⵉⵙ ⴰⵔ ⵉⴽⴽⵔⵙ ⵅⵜⵉⴷⴰ ⴼⵙⵉⵏⵉⵏ ⵉⴼⵍ ⵜⵏⵜ .
— ⵄⵍⵉ ⵛⵓⵀⴰⴷ
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ "أحمد الخنبوبي - كتاب المجموعات الغنائية العصرية السوسية..فكر،تاريخ وفن-مجموعة أرشاش". ahewar.org. Archived from the original on 2009-01-19. Retrieved 2026-01-19.
- ^ https://ar.wikipedia.org/wiki/%D8%A3%D8%B1%D8%B4%D8%A7%D8%B4#cite_note-:1-3
- ^ "أرشاش", ويكيبيديا (in ⵜⴰⵄⵔⴰⴱⵜ), 2022-04-01, retrieved 2026-01-19
- ^ ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
- ^ "أرشاش", ويكيبيديا (in ⵜⴰⵄⵔⴰⴱⵜ), 2022-04-01, retrieved 2026-01-19
