ⵜⵉⵔⵔⴰ
ⵜⵉⵔⵔⴰ ⵏⵖ ⴰⴳⵎⵎⴰⵢ ⵏⵖⴷⴷ ⴰⵙⵓⴷⵙ ⴰⵎⵉⵔⴰⵢ, ⵍⵍⴰⵏ ⵙⵎⵎⵓⵙ ⵡⴰⵏⴰⵡⵏ ⵏ ⵉⵙⵓⴷⵙⵏ ⵉⵎⵉⵔⴰⵢⵏ ⵖ ⵓⵎⴰⴹⴰⵍ, ⴽⵓⵏ ⴰⵙⴽⴽⵉⵍ ⵏ ⵉⵙⴽⴽⵉⵍⵏ ⵏ ⵜⵉⵔⵔⴰ ⵏ ⵜⵓⵜⵍⴰⵢⵉⵏ ⴳ ⵓⵎⴰⴹⴰⵍ ⵉⵙ ⴰⵔ ⵏⵏ ⵉⵟⵟⴰⵕ ⵖ ⵢⴰⵏ ⵡⴰⵏⴰⵡ ⵏ ⵉⵙⵓⴷⵙⵏ ⵉⵎⵉⵔⴰⵢⵏ ⴰⴷ.
ⴰⵙⵓⴷⵙ ⴰⵎⵉⵔⴰⵢ ⵏ ⴰⵍⴼⴰⴱⵉⵜ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵙⵓⴷⵙ ⴰⵎⵉⵔⴰⵢ ⵍⵍⵉ ⴰⴽⴽⵯ ⴱⴰⵀⵔⴰ ⵉⵜⵜⵢⴰⵡⵙⵙⴰⵏⵏ ⵖ ⵓⵎⴰⴹⴰⵍ ⴰⴳⵓⴷⵉ ⵏ ⵜⵓⵜⵍⴰⵢⵉⵏ ⴷⴰ ⵜ ⵙⵎⵔⴰⵙⵏⵜ ⴰⵎ ⵜⴰⵏⴳⵍⵉⵣⵜ ⵜⴰⴼⵔⴰⵏⵙⵉⵙⵜ ⴷ ⵜⵉⵢⵢⴰⴹ ⵏ ⵓⵔⵓⴱⴱⴰ, ⵜⵉⴼⵉⵏⴰⵖ ⵜⴰⵎⴰⵢⵏⵓⵜ ⵜⴳⴰ ⴰⵎⴷⵢⴰ ⵏ ⵓⵙⵓⴷⵙ ⴰⴷ ⵏ ⴰⵍⴼⴰⴱⵉⵜ, ⵍⵍⵉ ⵏⵜⵜⴰⴽⵯⵣ ⵙ ⵎⴰⵙ ⵉⵟⵟⴰⴼⴰⵔⵛⵛⵓⵎ ⵉ ⴽⵓⵏ ⵉⵎⵙⵍⵉ ⵖ ⵜⴳⵓⵔⵉ ⵉⴳ ⵉⵜ ⵉⵎⵙⵍⵉ ⴰⴷ ⴰⵖⵔⵉ ⵏⵖ ⵜⴰⵔⴳⴰⵍⵜ
ⴰⵙⵓⴷⵙ ⴰⵎⵉⵔⴰⵢ ⵏ ⴰⴱⵊⴰⴷ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵎⴷⵢⴰ ⵍⵍⵉ ⵉⵜⵜⵢⴰⵡⵙⵙⴰⵏⵏ ⵏ ⵡⴰⵏⴰⵡ ⴰⴷ ⴳⴰⵏⵜⵏ ⵉⵙⴽⴽⵉⵍⵏ ⵏ ⵜⵄⵔⴰⴱⵜ ⴷ ⵓⵙⴽⴽⵉⵍ ⴰⵙⵓⵔⵢⴰⵏ ⴷ ⵓⵍⴰ ⵡⵉⵏ ⵜⵄⵉⴱⵔⵉⵜ, ⴰⵙⵓⴷⵙ ⴰⵎⵉⵔⴰⵢ ⴰⴷ ⴰⵔ ⵉⵎⵎⴰⵍ ⵖⴰⵙ ⵜⴰⵔⴳⴰⵍⵉⵏ ⵖ ⵜⵉⵔⵔⴰ, ⵉⵎⵎⴰ ⵜⵉⵎⴰⵜⴰⵔⵉⵏ ⵏ ⵉⵖⵔⵉⵜⵏ ⴰⵔ ⵜⵜⵢⴰⵡⴽⴽⴰⵙⵏⵜ ⵖ ⵜⵉⵔⵔⴰ ⵜⴰⴽⵓⵢⴰⵙⵜ, ⵎⴰⵛⵛ ⵜⵉⵎⴰⵜⴰⵔⵉⵏ ⵍⵍⵉ ⵎⵎⴰⵍⵏⵉⵏ ⵉⵎⵙⵍⵉⵜⵏ ⵏ ⵉⵖⵔⵉⵜⵏ ⴰⵔ ⵜⵜⵢⴰⵔⴰⵏⵜ ⵖ ⵜⵉⵔⵔⴰ ⵍⵍⵉ ⵥⵍⵉⵏⵉⵏ ⵙ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⴷ ⵖ ⵜⵉⵔⵔⴰ ⵍⵍⵉ ⵉⵍⵍⴰⵏ ⴳ ⵓⵎⵏⴰⴹ ⴰⵙⴳⴷⴰⵏ.
ⴰⵙⵓⴷⵙ ⴰⵎⵉⵔⴰⵢ ⴰⵏⴼⵉⵔⴰⵢ (syllabic):
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵖ ⵡⴰⵏⴰⵡ ⴰⴷ ⵏ ⵜⵉⵔⵔⴰ ⴽⵓ ⵜⴰⴼⵉⵔⵜ ⵙ ⵓⵎⴰⵜⴰ ⴷⴰⵔⵙ ⴰⵔⵛⵛⵓⵎ ⵏⵏⵙ ⵓⵔ ⵉⴼⴼⵉⴼⵏ ⵉⴽⵏⵉ, ⵜⴰⴼⵉⵔⵜ ⵉⴳⴰ ⵜⵜ (ⵢⴰⵏ ⵓⵖⵔⵉ ⴷ ⵢⴰⵜ ⵜⵔⴳⴰⵍⵜ (C+V). ⴰⵎⴷⵢⴰ ⴰⵙⵓⴷⵙ ⴰⴷ ⵏ ⵉⵙⴽⴽⵉⵍⵏ ⵏ "ⵀⵉⵔⴰⴳⴰⵏⴰ" ⴷ "ⴽⴰⵜⴰⴽⴰⵏⴰ" ⵏ ⵜⵓⵜⵍⴰⵢⵜ ⵜⴰⵏⵉⵀⵏⵜ ⴽⴰ (カ) ⴽⵓ (こ) ⴽⵉ (き) ⵥⵕ ⴽⵓⵏ ⵉⵎⵙⵍⵉ ⴷ ⵓⵕⵛⵛⵎ ⵙⵉⵙ ⵉⵥⵍⵉⵏ ⵎⵇⵇⴰⵔ ⵏⵉⵜ ⴰⴽⴽⵯ ⴰⵥⵏ ⵉⵎⵙⵍⵉⵜⵏ ⵉⵏⴳⵔⴰⵜⵙⵏ ⵖ ⵜⵙⴳⴰ ⵜⵉⵎⵙⵉⵙⵍⵉⵜ.
ⴰⵙⵓⴷⵙ ⴰⵎⵉⵔⴰⵢ ⴰⵍⵓⴳⵓⴼⵉⵔⴰⵢ (Logosyllabic):
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵉⵔⵔⴰ ⵏ ⵜⵛⵉⵏⵡⵉⵜ ⴷ ⵜⵉⵔⵔⴰ ⵏ ⵜⴰⵀⵉⵔⵓⴳⵍⵉⴼⵉⵜ ⴰⴷ ⴰⴽⴽⵯ ⴱⴰⵀⵔⴰ ⵉⵜⵜⵢⴰⵡⵙⵙⴰⵏⵏ ⵖ ⴳⵔ ⵉⵎⴷⵢⴰⵜⵏ ⵏ ⵓⵙⵓⴷⵙ ⴰⴷ, ⵖⵉⴷ ⵓⵔ ⴰⵔ ⵙⵓⵍ ⵏⵙⴰⵡⴰⵍ ⴼ "ⵉⵙⴽⴽⵉⵍⵏ" ⴰⵎ ⴷⴰⵔ ⴰⵍⴼⴰⴱⵉⵜ, ⴰⵛⴽⵓ ⵢⴰⵏ ⵓⵙⴽⴽⵉⵍ ⵉⵟⵟⴰⴼ ⵖⴰⵔ ⵓⴷⵎ ⴰⵎⵙⵉⵙⵍ, ⵖ ⵡⴰⵏⴰⵡ ⴰⴷ ⵏ ⵜⵉⵔⵔⴰ ⵍⴰ ⵏⵙⴰⵡⴰⵍ ⴼ "ⴰⵔⵛⵛⵓⵎ" ⵍⵍⵉ ⵉⴳⴰⵏ ⵢⴰⵏ ⵓⴼⵔⴷⵉⵙ (unit) ⵍⵍⵉ ⴷⴰⵔ ⴰⵏⴰⵎⴽ ⵙⵓⵍ ⴷ ⵉⵎⵙⵍⵉ, ⴰⵏⴰⵎⴽ ⴷ ⵉⵎⵙⵍⵉ ⴰⴷ ⵉⵍⵍⴰ ⴼ ⵓⵏⵍⵎⴰⴷ ⴰⴷ ⵜⵏ ⵉⵙⵙⵏ ⵙ ⵡⵓⵍ. ⴰⵎⴷⵢⴰ ⵏ ⵓⵔⵛⵛⵓⵎ ⴰⴷ ⵖ ⵜⵛⵉⵏⵡⵉⵜ ⵜⴰⵎⴰⵏⴷⴰⵔⵉⵜ 小 ⵉⵎⵙⵍⵉ ⵍⵍⵉ ⵢⴰⴽⴽⴰ ⵉⴳⴰⵜ “xiǎo” ⴷ ⵓⵏⴰⵎⴽ ⵏⵏⵙ (ⵉⵎⵥⵥⵉⵢ / ⴰⵎⵥⵥⴰⵏ)
ⴰⵙⵓⴷⵙ ⴰⵎⵉⵔⴰⵢ ⴰⴱⵓⴳⵉⴷⴰ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵏⴰⵡ ⴰⴷ ⴰⵎⴳⴳⴰⵔⵓ ⴷⴰⵔⵙ ⵎⵏⵏⴰⵡ ⵉⵏⴰⵎⴰⵥⵏ (characteristics) ⴷⴰ ⵙⵔⵙ ⵉⵥⵍⵉⵏ, ⴳ ⵓⵎⵣⵡⴰⵔⵓ ⴽⵓ ⵜⴰⴼⵉⵔⵜ ⵖ ⵜⵉⵔⵔⴰ ⵏⵏⵙ ⴰⵔ ⵜⵎⵎⴰⵍ ⵜⴰⵔⴳⴰⵍⵜ (consonant) ⴷ ⵓⵖⵔⵉ ⵙ ⵢⴰⵏ ⵡⴰⵎⵎⴰⴽ ⵏⵏⴰ ⵖ ⵣⴷⵉⵏ ⵙⵉⵏ ⴰⴷ, ⵓⵔ ⴷ ⵣⵓⵏⴷ ⵖ ⴰⵍⴼⴰⴱⵉⵜ ⵍⵍⵉ ⵉⵎⵎⴰⵍⵏ ⵉⵖⵔⵉⵜⵏ ⴷ ⵜⴰⵔⴳⴰⵍⵉⵏ ⵎⴰⵛⵛ ⵜⵜⵢⴰⵡⴱⴹⴰⵏ ⴷ ⴽⵓ ⵢⴰⵏ ⵉⵥⵍⵉ. ⵉⵎⴷⵢⴰⵜⵏ ⵏ ⵓⵙⵓⴷⵙ ⴰⴷ ⴷⴰⵔⴽ ⴰⵙⴽⴽⵉⵍ ⵏ ⵜⵓⴳⵜⵜ ⵏ ⵜⵓⵜⵍⴰⵢⵉⵏ ⵖ ⴱⵀⴰⵔⴰⵜ (ⵍⵀⵏⴷ) ⵍⵍⵉ ⵎⵓ ⵜⵜⵉⵏⵉⵏ "ⴷⵉⵠⴰⵏⴰⴳⴰⵔⵉ" (devanagari), ⵜⴳⵜⵜ ⵏ ⵉⵙⴽⴽⵉⵍⵏ ⵢⴰⴹⵏⵉⵏ ⵖ ⴰⵎⵎⴰⵙ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⴰⴳⵎⴹⴰⵏ ⵏ ⴰⵙⵢⴰ ⴰⵎ ⴰⵙⴽⴽⵉⵍ ⵏ ⵜⵓⵜⵍⴰⵢⵜ ⵜⴰⵜⴰⵢⵍⴰⵏⴷⵉⵜ, ⴳ ⵓⵎⵏⵥⴰⵡ ⵏ ⵜⴼⵔⵉⵇⵜ ⴷⴰⵔⵏⵖ ⴰⵙⴽⴽⵉⵍ ⴰⵎⴷⵢⴰ ⵏ ⵓⵙⴽⴽⵉⵍ "ⴳⵉⵉⵣ" ⵍⵍⵉ ⵙ ⵜⵜⴰⵔⴰⵏ ⵜⵓⵜⵍⴰⵢⵜ ⵜⴰⵎⵀⴰⵔⵉⵜ ⵖ ⵉⵜⵢⵓⴱⵢⴰ