Jump to content

ⴰⵏⵙⵙⵎⵔⵙ:Daoudsfouli

ⵙⴳ ⵡⵉⴽⵉⴱⵉⴷⵢⴰ

ⴰⵔⵜⴰⵎ

ⴳ ⵜⵏⴰⵔⵔⵓⵙⵜ ⵉⵜⵜⵓⵎⵔⵎⵓⴹⵏ ⵙ ⵉⵏⵊⴷⴰ ⵎⵉ ⵛⵊⵊⵕⵏ ⵡⵓⴷⵎⴰⵡⵏ,ⴰⵔ

ⵜⵜⵇⵇⵍⵏ ⴰⴷ ⵉⵙⵔⵔⴰ ⵓⵙⴰⴽⴰⵛ,ⴰⴷ ⵉⴼⴽ ⵜⵉⵛⵛⴽⵕⴰⵕ ⵏⵏⵙ ⵉ ⵓⵖⴰⵔⴰⵙ.ⴰⵔ ⵉⵙⵖⵓⵢⵢⵓ ⵓⵎⵉⵡⵙ ⵏ ⵓⵎⵃⵔⴰⵢ:

- ⵉⵎⵉⵏⴳ,ⵉⵎⵉⵏⴳ.. ⴰⵔ ⵜⴳⴰⵏⵏⴰⵏ ⵉⵎⵏⴰⵢⵏ ⴰⴷ ⵉⵃⵏⴽⵔⵓⵔⵢ ⵓⵙⴰⴽⴰⵛ ⵙ ⵓⵏⵓⵖⵊⴼ. ⴰⵔ ⵜⵙⵓⴹⵏ ⴰⴹⵓ ⵙ ⵓⵙⵍⵍⵅⵙⵢ ⵉⵔⵣⴰⴳⵏ.

ⵙⵓⵍⵏ ⵉⵜⵙⵏ ⵉⵏⵊⴷⴰ ⵓⵔ ⵜⴰ ⵓⵎⵉⵥⵏ ⴰⵏⵙⵉⵡⵏ ⵏⵙⵏ.ⵉⴳⴳⵓⴼⵢ ⵢⴰⵏ ⵓⵔⴳⴰⵣ ⴱⵓ ⵓⵛⴰⴽⵓⵛ ⵙ ⵉⵙⴳⴳⵉⵡⴰⵔ ⵉⵎⵣⵡⵓⵔⴰ,ⵉⴽⴽⵙ ⵢⴰⵏ ⵓⵄⴱⴰⵏ ⴰⵀⴰ ⵉⵙⵙⵏⵚⴼ ⵙ ⵉⵜⵙⵏⵜ ⵜⵄⵔⵔⵉⵎⵉⵏ. ⴽⵓⴷ ⵇⵇⵉⵎⴰⵏⵜ ,ⵉⵇⵇⵍ ⴰⴷ ⴰⵙ ⵙⵙⵕⵖⵉⵏⵜ ⵜⵉⴷⵉⴽⵍⵜ ⵏⵏⵙ ⵙ ⵉⵜⵙⵏ ⵉⴷⵔⵀⴰⵎⵏ.ⴽⵓⴷ ⴰⵖⵏ ⴰⴼⵓⵙ ⵏⵏⵙ ⵉⵙⵙⵓⴷⵏ ⵜⵏ ⴰⵀⴰ ⵉⴳⴳⵣ. ⵉⵎⴰⵏ ⴷⵉⵖ ⴷ ⵉⵜⵙⵏ ⵉⵄⵔⵔⵉⵎⵏ ⵉⵀⵏⵜⴰⴽⵏ (ⵉⵍⵙⴰⵏ ⵜⵉⵎⵍⵙⴰ ⵉⴼⵓⵍⴽⵉⵏ ),ⵉⴽⴽⵙ ⴷⵉⵖ ⴰⵢ-ⵏⵏⴰ ⵏ ⵓⵄⴱⴰⵏ ⵏⵏⵙ ⴰⵀⴰ ⵖⵊⴷⵎⵏ ,ⵉⵇⵇⵉⵎ ⵏⵜⵜⴰ ⵜⴰⵎⴰ ⵏⵙⴻⵏ ⴰⵔ ⵉⵜⵜⵇⵇⵍ ⴰⴷ ⵙⵙⵎⵎⵛⵜⵉⵏ ⵉⴼⴰⵙⵙⵏ ⴳ ⵜⴽⵛⵛⵉⵜⵉⵏ ⵏⵙⵏ .ⴽⵓⴷ ⵓⵔ ⴳⵣⵉⵏ ⵎⴰⵢⴷ ⵉⵔⴰ ⵉⵙⴰⵡⵍ ⴰⵙⵏ:

-ⵛⵏⵏⵉ ⴰⵢⵜ ⵓⵄⴰⵍⵉⵣ ⵏⵏⵓⵔⵣⵖ ⴷⵉⴳⵓⵏ ⴰⴷ ⵉ ⵜⴰⵡⵙⵎ. ⵙ ⵉⵖⵏⴰⵏ ⴰⵙ ⵉⵙⵙⵓⴼⵖ ⵢⴰⵏ ⴷⵉⴳⵙⵏ ⵉⵜⵙⵏ ⵉⴷⵔⵀⴰⵎⵏ ⴰⵀⴰ ⵉⴳⵔ ⴰⵙⵜⵏ ⴳ ⵜⵜⵉⴷⵉⴽⵍⵜ ⵏⵏⵙ.ⵉⵙⴽⵙⵉⵡ ⵙ ⵓⵢⵏⵏⴰ ⵉⴽⵎⵙ ⵓⴼⵓⵙ ⵏⵏⵙ ⵙ ⵓⵏⵓⵖⵊⴼ ⴰⵀⴰ ⵉⵏⵏⴰ ⴰⵙⵏ :

-ⵙⵎⵎⵓⵙ ⵏ ⵉⴷⵔⵀⴰⵎⵏ ⵉ ⵢⴰⵏ ⵓⵙⴳⴳⴰⵡⵔ. ⵉⵏⴹⵡ ⵢⴰⵏ ⴷⵉⴳⵙⵏ ⴰⵀⴰ ⵉⵙⵖⵓⵢⵢ:

-ⵎⴰ ⴰⵅ ⵉⵙ ⵉⴳⴰ ⵓⵙⴳⴳⴰⵡⵔ ⵡⵉⵏⵏⵛ ?

-ⵓⵔ ⵉⴳⵉ ⵡⵉⵏⵓ. ⵎⴰⵛⴰ ⵀⴰⵜ ⵏⵛ ⴰⵢⴷ ⵉⴼⵕⴹⵏ ⴷⴷⴰⵡ ⴰⵙ, ⵏⵛ ⴰⵢⴷ ⵜ ⵉⵙⴼⴹⵏ ⵓⵎⴰ ⵀⴰⵜ ⴰⴷ ⵜ ⵉ ⵜⴰⴼⴷ ⵉⴽⴽⴰⵔ (ⵉⴽⵜⴰⵔ) ⵙ ⵡⴰⵔⵔⴰⵙⵏ ⴷ ⵉⵙⵄⵓⵇⵇⵓⵢⵏ (ⵉⵔⵉⵔⴰⵏ).

-ⴷⴷⵓ ⵙ ⴱⴰⴱ ⵏ ⵓⵙⴰⴽⴰⵛ ⴰⴷ ⴰⵛ ⵉⴼⵔⵓ ⵎⴰⵢⴷ ⵖⵉⴼ ⵉ ⵜⵙⵎⵓⵎⵎⵓⵢⴷ ? ⵉⵙⴳⵏⴹⵕ ⵓⵔⴳⴰⵣ :

-ⴰⴷ ⵉⵅⵍⵓ ⵕⴱⴱⵉ ⵜⵉⴳⵎⵎⵉ ⵏ ⵡⴰⴷⴷⴰ ⴰⵛ ⵢⵓⵔⵓⵏ. ⵉⵏⵛⵔ ⵥⴰⵕ ⵙ ⵓⵄⵔⵔⵉⵎ ⵉⴳⵏⵏⴼ ⵜ . ⵉⵛⵜⵎ ⵓⵔⴳⴰⵣ ⵉⴹⵓⴹⴰⵏ ⵏⵏⵙ ⵜⴰⴼ ⴰⴷ ⵜ ⵉⵡⵡⵜ ⵙ ⵢⴰⵏ ⵓⵃⵓⴷⴷⵉⵣ(ⵓⴷⴷⵉⵣ): -ⵉⵃⵔⵓⵢⵏ ⵀⴰⵜⵏⵉ ⵉⴷ ⵜⵉⴽⵛⵛⵉⵜ ⵜⵓⵔⴰ . ⴽⴽⴰⵏ ⵉⵙⵎⵓⵏ ⵏ ⵓⵄⵔⵔⵉⵎ ⵏⵏⴰⵖ ⴳⵔ ⴰⵜⵙⵏ. ⵉⵏⵣⵖ ⵢⴰⵏ ⴷⵉⴳⵙⵏ ⵉⵜⵙⵏ ⵉⴷⵔⵀⴰⵎⵏ ⴰⵀⴰ ⵉⴳⵔ ⴰⵙⵜⵏ ⴳ ⵜⴽⵛⵛⵉⵜ ⵏⵏⵙ ⴷⴰⵢ ⵉⵏⵏⴰⵕⵥⵎ ⴰⵀⴰ ⵉⵔⵡⵍ ,ⵉⴼⴼⵖ ⴰⵙⴰⴽⴰⵛ ⴰⵔ ⵉⵜⵜⵉⵏⵉ : -ⵉⵅⵅ,ⴰⵙⵙ ⵏ ⵉⵅⵉⵍⴱⴰⵏ ⴰⵢⴰ, ⵓⴷⵎⴰⵡⵏ ⵏ ⵓⵙⵇⵕⵎ. ⵓⵔ ⵔⵉⵏ ⵅⴰⵙ ⵉⵖⴼⴰⵡⵏ ⵏⵙⵏ.ⴳⴳⵓⵍⵍⵉⵖ ⴰ ⵎⵔⵉⴷⴷⵉ ⵉⵙⵎⵓⵏ ⵏⵏⵛ ⵙⵜⵜⵅⵛⵓⵛⵎⵖⵛ ⵉⵜⵜⵢ ⵢⴰⵏ ⵓⵙⵎⵓⵏ ⵙ ⵡⴰⴷⴷⴰ ⵉⵎⵎⵏⵣⴰⵖⵏ ⴷ ⵓⵔⴳⴰⵣ : -ⵎⴰ ⴰⵢ ⴷ ⵜ ⵉ ⵜⵔⵉⴷ ⵀⴰⵜ ⵓⵔ ⵉⴳⵉ ⵅⴰⵙ ⵓⴷⵎ ⵏ ⵓⵖⵣⵣⵓ (ⴷⵉ-ⴷⴷⴰ ⵜⵜⴽⵔⴰⴼⵏ ⵉⵄⴷⴷⴰⵎⵏ)ⵀⴰⵜ ⵓⵔ ⵉⴽⴽⵓⵍ ⴰⴷ ⵉⵏⵣⵖ ⴰⵅⴷⵎⵉⵢ ⴰⵀⴰ ⵉⵔⴷⵖ ⴰⴷⵉⵙ ⵏⵏⵛ. ⵓⵔ ⴰⵙ ⵉⵏⵊⵉⵇ ⵡⴰⵡⴰⵍ ⵏ ⵓⵙⵎⵓⵏ : -ⵉⵙ ⴰⵙ ⴳⵉⵖ ⵜⵉⵅⵙⵉ ⴰⴷ ⵉ ⵉⵔⴷⵖ ?ⴳⴳⵓⵍⵍⵉⵖ ⴰ ⵎⵔⵉⴷⴷⵉ ⵛⵏⵏⵉ ⵕⵥⵥⴰⵖ ⴰⵢⵏⵏⴰ ⵉⵇⵇⵉⵎⴰⵏ ⴳ ⵉⵎⵉ ⵏⵏⵙ.ⵜⴼⴽⵉⴷ ⴰⵙ ⵛⴰ ⵏ ⵉⴷⵔⵉⵎⵏ ⵉ ⵎⴰⵢⴷ ⵉⵔⴰ ?ⵙ ⵓⵣⵔⴼ ⵏ ⵓⵎⵉ ⴰⵙ ⴷⴰ ⵉⵣⵣⵏⵣⴰ ⴷⵉⵖ ⵉⵙⴳⴳⵉⵡⴰⵔ ?ⵉⴷ ⴰⴷ ⴷⵉⵖ ⵏⵔⵏⵓ ⵙⵎⵎⵓⵙ ⵏ ⵉⴷⴻⵔⵀⴰⵎ ⵖⵉⴼ ⵓⵜⵉⴳ ⵏ ⵓⵙⴳⴳⴰⵡⵔ ? -ⴷⴰ ⵜⵅⵎⵎⴰⵎⴷ ⴳ ⵙⵎⵎⵓⵙ ⵏ ⵓⴷⴻⵔⵀⴰⵎ ⴰⵀⴰ ⵓⵔ ⵜⵏⴷⴷⵉⵎⴷ ⴳ ⵎⴰ ⴰⵛ ⵉⵜⵜⴰⵖⵏ ⵎⵛ ⵜ ⵉ ⵜⵄⵕⵕⵎⴷ ! -ⴰⴷⵊ ⵜ ⴰⴷ ⵢⵉⵙⵉⵏ ⵉⵙ ⵓⵔ ⵉⴷ ⵅⴰⵙ ⵏⵜⵜⴰ ⴰⵢⴷ ⵉⵍⴰⵏ ⵜⴰⵎⴰⵔⵜ. ⵏⴳⵉⵜ ⴰⵙ ⵉⵜⵜⵓⴳⵍⵢ ⴰⴷ ⵉⵙⴽⵔ ⴰⵢⴰ ⴰⴷ ⴷⵉⵖ ⵓⵔ ⵉⵜⵜⵙⴼⴰⴷⴰ ⴰⵜⵉⴳ ⵏⵏⴰ ⵉⵔⴰ. ⵀⴰⵜ ⵉⴳⴰ ⴰⵏⴰⴳ ⵏ ⵉⵡⴷ ⵉⵟⵟⵚⵚⴰⵏ ⵖⵉⴼ ⵉⵍⴰⴽⵉⴽⵏ (ⵡⵉⴷⴷⴰ ⵓⵔ ⵍⵉⵏ ⵉⵖⵉⵍ ⵎⴰ ⵙ ⴽⴽⴰⵜⵏ ⵖⵉⴼ ⵉⵖⴼⴰⵡⵏ ⵏⵙⵏ) -ⴰⵎⵎ ⵡⴰ-ⴷⴷⵖ ⵀⴰⵜ ⵓⵔ ⵖⵓⵕ ⵙ ⵎⴰ ⴰⵙ ⵉⵜⵜⴷⴷⵔ ⵅⴰⵙ ⵉⵖⵓⵊⴱⴰⵏ .

- ⵅⴰⵙ ⴰⴷ ⵓⵔ ⵢⵉⵖⵉⵍ ⵉⵙ ⵉⵔⵔⴰ ⴰⴽⴽ ⵎⴷⴷⵏ.ⴰⴷ ⵉⵜⵜⵔ ⴰⴷ ⴰⵙ ⴼⴽⵉⵏ ⵙ ⵓⴳⴰⵏⴰ ⵏⵙⵏ ⵓⵔ ⵉⴷ ⵙ ⵉⵖⵏⴰⵏ. ⵉⵏⵢ ⵓⵎⵃⵔⴰⵢ, ⵉⵙⵔⵙ ⴰⵣⴰⵡ ⵏ ⵡⴰⵜⴰⵢ ⴷⴰⵜ ⴰⵙ, ⵉⴳⵔ ⵓⵙⴰⴽⴰⵛ ⵢⴰⵜ ⵜⴽⵉⴽⵢⵜ ⵏ ⵡⴰⴳⴳⵓ ⴷⴰⵜ ⵏ ⵡⴰⴷ ⵉⵎⵎⵛⵜⵢ ⵛⵡⵉ.ⴰⵔ ⵉⵙⵖⵓⵢⵢⵓ ⵓⵎⵉⵡⵙ : -ⵉⵎⵉⵏⴳ,ⵉⵎⵉⵏⴳ. ⵓⵔ ⴼⴼⵉⵔⵏ ⵉⵎⵏⴰⵢⵏ ⴰⵏⵓⵖⵊⴼ ⵏⵏⵙⵏ. ⵡⵃⵍⵏ ⴰⴷ ⵇⵇⵍⵏ ⵙ ⵓⵎⵓⵙⵙⵓ ⵏ ⵓⵙⴰⴽⴰⵛ .ⵔⴰⵏ ⵓⵍⴰⵡⵏ ⴰⴷ ⴰⵢⵍⵍⵉⵏ, ⴰⴷ ⴼⴼⵖⵏ ⵉⵛⴱⴰ. ⴰⴹⵕⵡⵉ ⴰⵔ ⵉⵙⵙⴳⵔⵓⵔⵙ ⵉⵎⵊⵊⴰⵏ. ⵉⵖⵓⵢⵢⴰⵏ ⴳⴳⵓⴷⵉⵏ. ⵢⵓⵍⵢ ⵢⴰⵏ ⵓⵔⴳⴰⵣ ⴰⵡⵙⵙⴰⵔ ⵙ ⵓⵙⴰⴽⴰⵛ ⵢⵓⵙⵙⴰ ⴰⵢⵔⵔⵉ ⵏⵏⵙ ⵙ ⵢⴰⵜ ⵜⵍⴱⵉⵅⵜ ⵉⵖⵎⴰⵏ ⵙ ⵓⵙⴼⵜⵔⵙ (ⴰⵙⴰⴼⴰⵔ ⴰⵣⴳⴳⵡⴰⵖ ⵏⵏⴰ ⴷⴰ ⵜⵜⴳⴳⴰⵏ ⵎⴷⴷⵏ ⵉ ⵓⵜⵔⵙ) :

-ⵏⵛ ⴰ ⴰⵢⵜ ⵓⵄⴰⵍⵉⵣ ⵎⵃⵕⴰ ⴰⵢⴷ ⴼⴼⵖ ⵜⴰⵏⵏⵏⴰⵊⴼⴰ ⴰⵀⴰ ⵓⵔ ⵓⴼⵉⵖ ⵎⴰ ⴰⵙ ⵙⵖⵉⵖ ⵉⵙⵓⴼⵉⵔ ⵏ ⵓⵊⵊⵓⵊⵢ.ⴼⴽⴰ ⵜ ⵉ ⵖⴼ ⵕⴱⴱⵉ ⴰⴷ ⴰⵡⵏ ⵉⵙⵔⵉⵔⵢ ⵜⵓⴷⵔⵜ. ⵉⴽⴽⴰ ⴳⵔ ⵉⴷⴰⵔⵉⵙⵏ, ⵉⵖⵕⴹ ⵜⴰⴷⵓⵃⴰⵍⵜ ⵏⵏⵙ :

-ⵖⵉⴼ ⵕⴱⴱⵉ ⴰ ⵉⵏⴼⵍⴰⵙ . ⵓⵔ ⵢⴰⵖ ⴰⴼⵓⵙ ⵏⵏⵙ ⵅⴰⵙ ⵢⴰⵏ ⵓⴷⵔⵀⴰⵎ ⵉⴼⴼⵖⵏ ⴰⵃⴱⵓ ⵏ ⵢⴰⵜ ⵜⵎⵖⴰⵕⵜ : -ⴰⴷ ⴰⵎ ⵉⵣⵣⵖⵣⵉⴼ ⵕⴱⴱⵉ ⵜⵓⴷⵔⵜ . ⵓⵔ ⵉⴳⴳⵉⵣ ⴰⵍⵍⵢ ⵉⴳⴳⵓⴼⵢ ⵡⴰ-ⵢⵢⴰⴹ .ⵓⴷⵎ ⵏⵏⵙ ⴰⵔ ⵉⵙⵙⵉⵡⵉⴷ ; -ⵏⵛ ⴰ ⴰⵢⵜⵎⴰ ⵎⵃⵕⴰ ⴰⵢⴷ ⴼⴼⵖ ⴰⵅⴰⵊⴰⵏ (ⴰⵅⵊⵓⵏ :ⴰⵖⵣⵣⵓ) ⵉⴷⴷⵖ ⵜⵜⵓⴽⵔⴼⵖ ⴷⵉⵙ ⴰⵛⴽⵓ ⵟⵟⴰⴼⵏ ⵉ ⴰⵔ ⵣⵣⵏⵣⴰⵖ “ⵍⴽⵉⴼ” ⴷⵖⵉ ⵓⵔ ⵓⴼⵉⵖ ⵎⴰ ⵙ ⴰⵖⵓⵍⵖ ⵙ ⵜⵎⴰⵣⵉⵔⵜ ⵉⵏⵓ. ⵉⴽⴽ ⴳⵔ ⵉⵎⵏⴰⵢⵏ ,ⴰⵖⵏ ⵉⴷⵔⵉⵎⵏ ⴳ ⵓⴼⵓⵙ ⵏⵏⵙ ⴰⵀⴰ ⵉⴼⴼⵖ ⴰⵔ ⵉⵜⵜⵉⵏⵉ :

-ⴰⴷ ⵓⵔ ⴰⵡⵏ ⵉⵙⵙⴽⴰⵏ ⵕⴱⴱⵉ ⵜⵓⴷⵔⵜ ⵏ ⵓⵅⴰⵊⴰⵏ .ⴰⵔ ⵉⵜⵜⵏⵃⵓⵎⵛⵛⵓⵢ ⵓⵙⴰⴽⴰⵛ ⵙ ⵉⵎⵉⵇ. ⴰⵔ ⵉⵙⵖⵓⵢⵢⵓ ⵓⵎⵉⵡⵙ ⵙ ⵜⵎⵉⵊⴰ ⵏⵏⵙ ⵜⴰⴳⵔⵣⵉⵣⵜ : -ⵉⵎⵉⵏⴳ,ⵉⵎⵉⵏⴳ . ⴳⴳⵓⴼⵉⵏ ⵉⵜⵙⵏ ⵉⵎⵏⴰⵢⵏ ⵉⵄⵔⵔⵉⵎⵏ ⵉⵛⵄⴽⵉⴽⵏ ⵓⵔ ⵓⴼⵉⵏ ⵅⴰⵙ ⵉⵙⴳⴳⵉⵡⴰⵔ ⵉⵎⴳⴳⵓⵔⴰ..ⵜⵓⵍⵢ ⴷⵉⵖ ⵢⴰⵜ ⵜⵡⵙⵙⴰⵔⵜ ⴰⵔ ⵜⴽⴽⴰⵜ ⴰⵍⵍⵓⵏ ⴰⵔ ⵜⵜⵉⵔⵉⵔ ⵖⵉⴼ ⵢⴰⵏ ⵓⴳⵔⵔⴰⵎ .ⵉⵙⴰⵡⵍ ⴰⵙ ⵓⵎⵉⵡⵙ: -ⵢⴰⵍⵍⴰⵀ ⴰ ⵍⴰⵍⵍⴰ ⴳⴳⵣ ⵀⴰⵜ ⵉⵔⴰ ⵓⵙⴰⴽⴰⵛ ⴰⴷ ⵉⵙⵔⵔⴰ. ⵜⵙⴷⴷⵔⴼ ⴰⴷ ⵜⵜⴽⴽ ⴳⵔ ⵉⵎⵏⴰⵢⵏ ⵙⵔⵙⵏⵜ ⵉⵜⵙⵏⵜ ⵜⵙⴷⵏⴰⵏ ⵛⴰ ⵏ ⵉⴷⵔⵉⵎⵏ ⴳ ⵡⴰⵍⵍⵓⵏ ⵏⵏⵙ ⴰⵀⴰ ⵉⴱⴷⴷ ⵓⵙⴰⴽⴰⵛ ⵛⵡⵉ ⴰⵍⵍⵢ ⵜⴳⴳⵣ .ⵙ ⵉⵖⵏⴰⵏ ⴰⵙ ⵉⴼⴼⵖ ⵉⵎⵉ ⵏ ⵜⵏⴰⵔⵔⵓⵙⵜ. ⴰⵔ ⵉⵜⵜⵍⵍⵢ ⵢⴰⵏ ⵓⴼⵓⵙ ⵏ ⵓⴽⵛⵛⵓⴹ ⵜⴰⵎⴰ ⵏ ⵓⵎⵃⵔⴰⵢ. ⴷⵔⵓⵖ ⴰⵢⴷ ⵓⵔ ⵢⵓⴼⵉ ⵓⵙⴰⴽⴰⵛ ⴰⵏⵙⴰ ⵏⵏⵙ ⴳ ⵓⴱⵔⵉⴷ. ⴰⵔ ⵉⵙⵃⵉⵔⵔⵉⵢ ⵉⴷⴷⵖ ⵢⵓⵙⵢ ⵓⴳⴳⴰⵔ ⵏⵏⴰ ⵎⵉ ⵖⵉⵏⵜ ⵜⵉⵛⵛⴽⵕⴰⵕ ⵏⵏⵙ. ⵉⵙⵉⴹⵕⵕ ⴰⵔ ⵉⵜⵜⴰⵣⵏ ⵜⵓⵇⵍⴰⵜⵉⵏ ⵏ ⵓⵎⵎ ⴽⵍⵜⵓⵎ ⵉⵙⵃⵉⵃⵃⵉⵢⵏ. ⴰⵍⵍⵏ ⵏ ⵉⵜⵙⵏ ⵉⵄⵔⵔⵉⵎⵏ ⵣⴳⴳⵡⴰⵖⵏⵜ ⴰⵀⴰ ⵍⴳⴳⵯⴰⵖⵏⵜ ,ⴰⵔ ⵛⵎⵎⵉⵏ ⴰⵢⵏⵏⴰ ⵏ ⵓⵡⵔⴰⵙⵏ ⴰⵡⵕⴰⵖ ⵉⵜⵜⵢⴰⴹⵕⵏ ⵙ ⵜⴷⴰⵀⴷⴰ ⵏⵏⴰ ⵎⵉ ⵜⵜⵍⵏ ⵢⴰⵜ ⵜⵉⵜⵛⵔⵜ ⵜⵓⵙⴷⵉⵜ (ⵜⵓⵙⴷⵉⴷⵜ). ⵢⴰⵏ ⴷⵉⴳ ⵙⵏ ⵢⵓⵏⴼ ⵉⵎⵉ ⵏⵏⵙ ⴰⵔ ⵉⵜⵜⵉⵔⵉⵔ ,ⴰⵔ ⵉⵜⵜⴰⵍⵙ ⵉ ⵡⴰⵡⴰⵍ ⵏ ⵓⵎⵎ ⴽⵍⵜⵓⵎ. ⵡⴰⵢⵢⴰⴹ ⵉⵙⵙⴷⴽⵍ ⵓⴷⵎ ⵏⵏⵙ ⴰⵀⴰ ⵉⵙⵙⵓⵎⵎ ⴰⴳⴳⵓ ⴷⴰⵢ ⵉⵕⵥⵎ ⵉ ⵉⵄⵔⴱⴰⴱ ⵏ ⵡⴰⴳⴳⵓ ⵣⴳ ⵉⵎⵉ ⴷ ⵜⵢⵏⵣⴰⵔ ⵏⵏⴻⵙ ⴰⵍⵍⵢ ⵉⵙⴼⵓⵍⵜⵓ ⵢⴰⵜ ⵜⵎⵖⴰⵕⵜ .ⵓⵔ ⵜⵓⴼⵉ ⵎⴰⵢⴷ ⵜⵏⵏⴰ ⵅⴰⵙ ⴰⴷ ⵜⴷⴷⵍ ⵉⵎⵉ ⵏⵏⵙ ⵙ ⵓⵛⴹⴰⴹ ⵏ ⵓⵇⵢⴷⵓⵔ ⵏⵏⵙ. ⵏⵜⵜⴰⵜ ⴷⴷⴰ ⵉⵎⵢⴰⵔⵏ ⴰⴹⵓ ⴰⵣⴷⴷⴰⴳ ⴳ ⵜⵎⴰⵣⵉⵔⵜ ⵏⵏⵙ ⵓⵔ ⵜⵎⵙⴰⵙⴰ ⴷ ⵡⴰⴹⵓ ⴷⴷⵖ ⵉⵜⵜⵢⴰⴹⵕⵏ ⴷ ⵡⴰⴳⴳⵓ.ⵓⵔ ⵢⴰⴷ ⵜⵣⴹⴰⵕ ⴰⴷ ⵜⵙⵖⵔⵔⵙ. ⵜⵙⴰⵡⴰⵍ ⵙ ⵡⴰⵡⴰⵍ ⵏⵏⵙ ⴰⵎⴰⵣⵉⵖ :

-ⵉ8ⴷⴷⴰ ⵡⴰⴳⴳⵯⵓ ⵏⵏⵓⵏ ⴰⴷ ⵉ ⵉⵥⵍⵢ. ⴰ ⵄⵏⴷⴰ ⵏⵏⵓⵏ ⴷ ⵎⴰⵢⴷ ⵜⵜⴰⴽⴽⴰⵎ ⵉ ⵡⵓⵍⴰⵡⵏ ⴷ ⵉⵛⴱⴰ ⵏⵏⵓⵏ !

ⵜⵕⵄⴱ ⴽⵓⴷ ⵓⵔ ⴰⵙ ⵉⵔⵓⵔⵉ ⴰⵡⴷ ⵢⴰⵏ . ⵜⵖⴰⵍ ⵉⵙ ⴷⴰ ⵜⵙⴰⵡⴰⵍ ⵉ ⵉⵎⴰⵣⵉⵖⵏ ⴰⵎⵎ ⵏⵜⵜⴰⵜ. ⵏⵉⵜⵏⵉ ⵖⴰⵍⵏ ⵉⵙ ⵜⵃⵓⵢⴹ ⵙ ⵓⴳⵓⴷⵢ ⵏ ⵓⵏⵣⵡⵓⵎ ⵉⵥⵥⴰⵢⵏ ⴳ ⵡⵓⵙⵙⴰⵏ ⴷⴷⵖ. ⵙⵓⵍⵏ ⵉⵄⵔⴱⴰⴱ ⵏ ⵡⴰⴳⴳⵓ ⴰⵔ ⵙⵙⵍⵡⵓⵎⵏ ⵉⴼⵉⵍⴰⵏ ⵉⴱⵅⵅⴰⵏⵏ. ⴰⵎⵃⵔⴰⵢ ⴰⵔ ⵉⵜⵜⵙⵓⴹ ⵉ ⵡⴰⴳⴳⵓ ⵏⵏⵙ ⴰⵔ ⵉⵙⵙⵡⵓ ⴰⵅⴷⵉⵍ ⵏⵏⵙ ⵙ ⵜⴳⵎⵉⵎⵉⵏ ⵏ ⵡⴰⵜⴰⵢ. ⴰⴼⵓⵙ ⵏ ⵓⴽⵛⵛⵓⴹ ⴰⵔ ⵉⵜⵜⵊⴳⵓⴳⵓⵍ ⵜⴰⵎⴰ ⵏⵏⵙ ⵉⴷ ⵉⵎⵉⵡⵙ ⵏⵏⵙ ⵢⵓⵛⵛⴰ ⴳⵔ ⵜⵉⵜⵜⴰⵍ ⵏ ⵉⵇⴰⵕⵉⴹⵏ ⵏⵏⴰ ⵉⴽⵎⵙ ⵙ ⵢⴰⵏ ⵓⴼⵓⵙ ⴷ ⵓⵍⵓⴳ ⵏⵏⵙ ⵏⵏⴰ ⵉⵟⵟⴰⴼ ⵙ ⵡⴰⵢⵢⴰⴹ. ⵉⵙⵇⵙⴰ ⵜ ⵓⵎⵃⵔⴰⵢ : ⴰⵔ ⵉⵜⵜⵏⵃⵓⵎⵛⵛⵓⵢ ⵓⵙⴰⴽⴰⵛ ⵙ ⵉⵎⵉⵇ. ⴰⵔ ⵉⵙⵖⵓⵢⵢⵓ ⵓⵎⵉⵡⵙ ⵙ ⵜⵎⵉⵊⴰ ⵏⵏⵙ ⵜⴰⴳⵔⵣⵉⵣⵜ :

-ⵉⵎⵉⵏⴳ, ⵉⵎⵉⵏⴳ. ⴳⴳⵓⴼⵉⵏ ⵉⵜⵙⵏ ⵉⵎⵏⴰⵢⵏ ⵉⵄⵔⵔⵉⵎⵏ ⵉⵛⵄⴽⵉⴽⵏ ⵓⵔ ⵓⴼⵉⵏ ⵅⴰⵙ ⵉⵙⴳⴳⵉⵡⴰⵔ ⵉⵎⴳⴳⵓⵔⴰ..ⵜⵓⵍⵢ ⴷⵉⵖ ⵢⴰⵜ ⵜⵡⵙⵙⴰⵔⵜ ⴰⵔ ⵜⴽⴽⴰⵜ ⴰⵍⵍⵓⵏ ⴰⵔ ⵜⵜⵉⵔⵉⵔ ⵖⵉⴼ ⵢⴰⵏ ⵓⴳⵔⵔⴰⵎ. ⵉⵙⴰⵡⵍ ⴰⵙ ⵓⵎⵉⵡⵙ: -ⵢⴰⵍⵍⴰⵀ ⴰ ⵍⴰⵍⵍⴰ ⴳⴳⵣ ⵀⴰⵜ ⵉⵔⴰ ⵓⵙⴰⴽⴰⵛ ⴰⴷ ⵉⵙⵔⵔⴰ. ⵜⵙⴷⴷⵔⴼ ⴰⴷ ⵜⵜⴽⴽ ⴳⵔ ⵉⵎⵏⴰⵢⵏ ⵙⵔⵙⵏⵜ ⵉⵜⵙⵏⵜ ⵜⵙⴷⵏⴰⵏ ⵛⴰ ⵏ ⵉⴷⵔⵉⵎⵏ ⴳ ⵡⴰⵍⵍⵓⵏ ⵏⵏⵙ ⴰⵀⴰ ⵉⴱⴷⴷ ⵓⵙⴰⴽⴰⵛ ⵛⵡⵉ ⴰⵍⵍⵢ ⵜⴳⴳⵣ . ⵙ ⵉⵖⵏⴰⵏ ⴰⵙ ⵉⴼⴼⵖ ⵉⵎⵉ ⵏ ⵜⵏⴰⵔⵔⵓⵙⵜ. ⴰⵔ ⵉⵜⵜⵍⵍⵢ ⵢⴰⵏ ⵓⴼⵓⵙ ⵏ ⵓⴽⵛⵛⵓⴹ ⵜⴰⵎⴰ ⵏ ⵓⵎⵃⵔⴰⵢ.. ⴷⵔⵓⵖ ⴰⵢⴷ ⵓⵔ ⵢⵓⴼⵉ ⵓⵙⴰⴽⴰⵛ ⴰⵏⵙⴰ ⵏⵏⵙ ⴳ ⵓⴱⵔⵉⴷ.ⴰⵔ ⵉⵙⵃⵉⵔⵔⵉⵢ ⵉⴷⴷⵖ ⵢⵓⵙⵢ ⵓⴳⴳⴰⵔ ⵏⵏⴰ ⵎⵉ ⵖⵉⵏⵜ ⵜⵉⵛⵛⴽⵕⴰⵕ ⵏⵏⵙ. ⵉⵙⵉⴹⵕⵕ ⴰⵔ ⵉⵜⵜⴰⵣⵏ ⵜⵓⵇⵍⴰⵜⵉⵏ ⵏ ⵓⵎⵎ ⴽⵍⵜⵓⵎ ⵉⵙⵃⵉⵃⵃⵉⵢⵏ. ⴰⵍⵍⵏ ⵏ ⵉⵜⵙⵏ ⵉⵄⵔⵔⵉⵎⵏ ⵣⴳⴳⵡⴰⵖⵏⵜ ⴰⵀⴰ ⵍⴳⴳⴰⵖⵏⵜ, ⴰⵔ ⵛⵎⵎⵉⵏ ⴰⵢⵏⵏⴰ ⵏ ⵓⵡⵔⴰⵙⵏ ⴰⵡⵕⴰⵖ ⵉⵜⵜⵢⴰⴹⵕⵏ ⵙ ⵜⴷⴰⵀⴷⴰ ⵏⵏⴰ ⵎⵉ ⵜⵜⵍⵏ ⵢⴰⵜ ⵜⵉⵜⵛⵔⵜ ⵜⵓⵙⴷⵉⵜ (ⵜⵓⵙⴷⵉⴷⵜ). ⵢⴰⵏ ⴷⵉⴳ ⵙⵏ ⵢⵓⵏⴼ ⵉⵎⵉ ⵏⵏⵙ ⴰⵔ ⵉⵜⵜⵉⵔⵉⵔ, ⴰⵔ ⵉⵜⵜⴰⵍⵙ ⵉ ⵡⴰⵡⴰⵍ ⵏ ⵓⵎⵎ ⴽⵍⵜⵓⵎ. ⵡⴰⵢⵢⴰⴹ ⵉⵙⵙⴷⴽⵍ ⵓⴷⵎ ⵏⵏⵙ ⴰⵀⴰ ⵉⵙⵙⵓⵎⵎ ⴰⴳⴳⵓ ⴷⴰⵢ ⵉⵕⵥⵎ ⵉ ⵉⵄⵔⴱⴰⴱ ⵏ ⵡⴰⴳⴳⵓ ⵣⴳ ⵉⵎⵉ ⴷ ⵜⵢⵏⵣⴰⵔ ⵏⵏⵙ ⴰⵍⵍⵢ ⵉⵙⴼⵓⵍⵜⵓ ⵢⴰⵜ ⵜⵎⵖⴰⵕⵜ . ⵓⵔ ⵜⵓⴼⵉ ⵎⴰⵢⴷ ⵜⵏⵏⴰ ⵅⴰⵙ ⴰⴷ ⵜⴷⴷⵍ ⵉⵎⵉ ⵏⵏⵙ ⵙ ⵓⵛⴹⴰⴹ ⵏ ⵓⵇⵢⴷⵓⵔ ⵏⵏⵙ. ⵏⵜⵜⴰⵜ ⴷⴷⴰ ⵉⵎⵢⴰⵔⵏ ⴰⴹⵓ ⴰⵣⴷⴷⴰⴳ ⴳ ⵜⵎⴰⵣⵉⵔⵜ ⵏⵏⵙ ⵓⵔ ⵜⵎⵙⴰⵙⴰ ⴷ ⵡⴰⴹⵓ ⴷⴷⵖ ⵉⵜⵜⵢⴰⴹⵕⵏ ⴷ ⵡⴰⴳⴳⵓ. ⵓⵔ ⵢⴰⴷ ⵜⵣⴹⴰⵕ ⴰⴷ ⵜⵙⵖⴻⵔⵔⴻⵙ. ⵜⵙⴰⵡⴰⵍ ⵙ ⵡⴰⵡⴰⵍ ⵏⵏⴻⵙ ⴰⵎⴰⵣⵉⵖ :

-ⵉⴷⴷⴰ ⵡⴰⴳⴳⵓ ⵏⵏⵓⵏ ⴰⴷ ⵉ ⵉⵥⵍⵢ. ⴰ ⴰⵄⵏⴷⴰ ⵏⵏⵓⵏ ⴷ ⵎⴰⵢⴷ ⵜⵜⴰⴽⴽⴰⵎ ⵉ ⵡⵓⵍⴰⵡⵏ ⴷ ⵉⵛⴱⴰ ⵏⵏⵓⵏ !ⵜⵕⵄⴱ ⴽⵓⴷ ⵓⵔ ⴰⵙ ⵉⵔⵓⵔⵉ ⴰⵡⴷ ⵢⴰⵏ . ⵜⵖⴰⵍ ⵉⵙ ⴷⴰ ⵜⵙⴰⵡⴰⵍ ⵉ ⵉⵎⴰⵣⵉⵖⵏ ⴰⵎⵎ ⵏⵜⵜⴰⵜ. ⵏⵉⵜⵏⵉ ⵖⴰⵍⵏ ⵉⵙ ⵜⵃⵓⵢⴹ ⵙ ⵓⴳⵓⴷⵢ ⵏ ⵓⵏⵣⵡⵓⵎ ⵉⵥⵥⴰⵢⵏ ⴳ ⵡⵓⵙⵙⴰⵏ ⴷⴷⵖ.ⵙⵓⵍⵏ ⵉⵄⵔⴱⴰⴱ ⵏ ⵡⴰⴳⴳⵓ ⴰⵔ ⵙⵙⵍⵡⵓⵎⵏ ⵉⴼⵉⵍⴰⵏ ⵉⴱⵅⵅⴰⵏⵏ.ⴰⵎⵃⵔⴰⵢ ⴰⵔ ⵉⵜⵜⵙⵓⴹ ⵉ ⵡⴰⴳⴳⵓ ⵏⵏⵙ ⴰⵔ ⵉⵙⵙⵡⵓ ⴰⵅⴷⵉⵍ ⵏⵏⵙ ⵙ ⵜⴳⵎⵉⵎⵉⵏ ⵏ ⵡⴰⵜⴰⵢ. ⴰⴼⵓⵙ ⵏ ⵓⴽⵛⵛⵓⴹ ⴰⵔ ⵉⵜⵜⵊⴳⵓⴳⵓⵍ ⵜⴰⵎⴰ ⵏⵏⵙ ⵉⴷ ⵉⵎⵉⵡⵙ ⵏⵏⵙ ⵢⵓⵛⵛⴰ ⴳⵔ ⵜⵉⵜⵜⴰⵍ ⵏ ⵉⵇⴰⵕⵉⴹⵏ ⵏⵏⴰ ⵉⴽⵎⵙ ⵙ ⵢⴰⵏ ⵓⴼⵓⵙ ⴷ ⵓⵍⵓⴳ ⵏⵏⵙ ⵏⵏⴰ ⵉⵟⵟⴰⴼ ⵙ ⵡⴰ-ⵢⵢⴰⴹ. ⵉⵙⵇⵙⴰ ⵜ ⵓⵎⵃⵔⴰⵢ :

-ⵎⵛⵜⴰ ⴰⵢⴷ ⵜⵓⴼⵉⴷ ? ⵉⵍⵍⵢ ⵙ ⵉⵖⴼ ⵏⵏⵙ ⴰⵔ ⵉⵙⵙⵎⵎⵛⵜⴰⵢ ⵉⵅⵎⵎⵓⵢⵏ ⵏⵏⵙ. ⵉⴳⵣⴰ ⵓⵎⵃⵔⴰⵢ ⵉⵙ ⵓⵔ ⵜⴰ ⵉⵙⵎⵉⴷ ⴰⵙⵉⴹⵏ ⴰⵀⴰ ⵉⵙⴰⵡⵍ ⴰⵙ :

-ⴽⵓⴷ ⵛⵉⵖ ⵉ ⴱⴰⴱ ⵏ ⵓⵙⴰⴽⴰⵛ ⵉⵎⵉⵇ ⵏ ⵉⴷⵔⵉⵎⵏ ⵓⵔ ⵉ ⵉⵙⴰⵡⵉⵍ ⴰⵜⵜⴰⵢⵏ ⵏ ⵢⴰⵏ ⵢⴰⵡⵡⵓⵔ.

-ⵉ ⵎⴰ ⴰⵢ ⴷ ⵉⵔⴰ ? ⵉⵙ ⵉⵔⴰ ⴰⴷ ⵏⴰⵙⵢ ⵉⵏⵊⴷⴰ ⵙ ⵉⵖⵏⴰⵏ? ⴰⵎⵎ ⵏⵜⵜⴰ ⴰⴷ ⵉⵙⵏⵉⵎⵎⵔ ⵕⴱⴱⵉ ⵉⴷⴷⵖ ⴷⴰ ⵙ ⵉⵜⵜⵔⴰⵔⴰ ⵓⵙⴰⴽⴰⵛ ⴰⵣⴰⵢⴽⵓ ⵛⴰ ⵏ ⵓⵔⴰⵙⵉⵅ ⴰⴽⴽ ⵎⴰ ⴰⵔ ⵉⵙⵃⵉⵔⵔⵉⵢ ⵓⵙⴰⴽⴰⵛ, ⵙⴷⵔⵏ ⵉⵜⵙⵏ ⵉⵖⴼⴰⵡⵏ ⵏⵙⵏ ⴰⵔ ⵜⵜⵊⴳⵓⴳⵓⵍⵏ ⴳⵔ ⵜⵡⴰⵔⴳⵉⵜ ⴷ ⵓⵙⴷⴰ, ⵓⵔ ⴳⵉⵏ ⵡⴰⵍⴰ ⵓⵛⵉⵏ ⵉⴷ ⵉⵜⵙⵏ ⴰⵔ ⵜⵜⵉⵔⵉⵔⵏ .ⵢⴰⵏ ⵓⵄⵔⵔⵉⵎ ⵉⵜⵜⵓ ⵉⵖⴼ ⵏⵏⵙ ⵣⵉ ⴽⵓⴷ ⵜⵖⵊⴷⵎ ⵜⴰⵎⴰ ⵏⵏⵙ ⵢⴰⵜ ⵜⴳⵥⵉⵡⵜ. ⵢⵓⴼⴰ ⵉⵖⴼ ⵏⵏⵙ ⵉⵍⵖⵢ ⴳ ⵢⴰⵏ ⵓⵎⵣⴰⵣ ⵏ ⵜⵕⵖⵉ, ⴰⵔ ⵉⵙⴽⵙⵉⵡ ⵎⴰ ⵙ ⵉⵏⵣⵣⵖ ⵉⵍⵙ ⵏⵏⵙ ⵜⴰⴼ ⴰⴷ ⵉⴷⵙ ⵉⵛⵛⵓⵔ ⴰⵡⴰⵍ. ⵢⴰⵏ ⵓⴼⴷⴷⴰⵎ ⵢⴰⴹⵏ ⵉⵙⵔⵙ ⴰⵡⵍⴽ ⵏⵏⵙ ⵖⵉⴼ ⵓⵙⴳⴳⴰⵡⵔ ⵢⵓⵔⴰⵏ ⵜⴰⵎⴰ ⵏⵏⵙ ⴽⵓⴷ ⵉⴱⴷⴷⴰ ⵓⵙⴰⴽⴰⵛ ⴳ ⵢⴰⵜ ⵜⵏⴰⵔⵔⵓⵙⵜ.ⵓⵏⵏⴰ ⵜ ⵉⵙⵇⵙⴰⵏ ⵖⵉⵙ ⵓⵙⴳⴳⴰⵡⵔ ⴰⵔ ⴰⵙ ⵉⵜⵜⵉⵏⵉ :”ⵓⵔ ⵢⵓⵔⴰ’ ⴰⵍⵍⵢ ⵜ ⵉ ⵜⵙⵇⵙⴰ ⵢⴰⵜ ⵜⵄⵔⵔⵉⵎⵜ .ⵉⵣⵎⵓⵎⵎⵢ ⴰⵙ ⴰⵀⴰ ⵢⵉⵏⵉ ⴰⵙ : -ⵙ ⵓⵏⵚⴰⴼ ⴰⵏⵙⴰ ⵡⵉⵏⵏⵎ ⴰⵢⴷ ⵉⴳⴰ. ⵓⵔ ⴰⵙ ⵜⵔⵓⵔⵉ. ⵜⴻⵜⵜⵢ ⵓⴷⵎ ⵏⵏⵙ ⵙ ⵢⴰⵏ ⵡⴰⵥⵢ ⵢⴰⴹⵏ : -ⵎⴰ ⵖⵕ ⵜⴷⴷⵉⴷ ? ⵜⴳⴰ ⴰⵎⵎ ⵉⵙ ⵓⵔ ⴰⵙ ⵜⵙⵍⵍⴰ :

-ⵀⴰⵜ ⵛⵎ ⴰ ⵎⵉ ⴷⴰ ⵙⴰⵡⴰⵍⵖ. ⵜⵛⵊⵊⵕ :

-ⵉ ⵎⴰ ⵅⴼ ⴷⴰ ⵜⵙⵇⵙⴰⴷ ? ⵉⵙⴼⵉⵔⵏⵏ :

-ⵅⴰⵙ ⵔⵉⵖ ⴰⴷ ⵜⵜⵓⵖ ⴰⵙⴰⴽⴰⵛ ⴷⴷⵖ ⵏ ⵓⴳⵓⵏⵥⵓ (ⴰⴷⴷⴰⵢ ⵓⵔ ⵜⵛⴱⴱⵉⵔ ⵢⴰⵜ ⵜⵎⴰⵣⵉⵔⵜ ⵅⴰⵙ ⴳ ⵓⴳⵊⵊⵉⵎ ⵏ ⵜⴰⵏⵏⴰ ⵉⵍⵍⴰⵏ ⴳ ⵉⵊⵊⵢⴰⵍ ⵀⴰⵜ ⵜⴳⵓⵏⵥⵓ ). -ⵉ ⵎⴰ ⴰⵢ ⴷ ⴰⵛ ⵉⵏⵏⴰⵏ ⵏⵉⵢⵜ ? 74

-ⵀⴰⵜ ⵓⵔ ⵓⴼⵉⵖ ⵅⴰⵙ ⵏⵜⵜⴰ ⵉⵜⵜⴰⵡⵉⵏ ⵙ ⵉⵎⵉⵏⴳ. -ⵙⵏⴽⵎⵔ ⴰⴳⵓⵏⵥⵓ ⵏⵏⵙ .

-ⵓⵔ ⴰⵙ ⵖⵉⵖ. 

-ⵉ ⵎⴰ ⵢ ⴷ ⵜⵔⵉⴷ ⴰⴷ ⴰⵛ ⵜ ⵉ ⵙⴽⵔⵖ?

-ⵓⵔ ⴰⵎ ⵜⵜⵉⵔⵖ ⵅⴰⵙ ⴰⵡⴰⵍ .

-ⵎⴰ ⴰⵢ ⴷ ⴰⵖ ⵉⵛⵛⴰⵔⵏ ⴰⴷ ⵖⵉⴼ ⵙ ⵏⵙⴰⵡⵍ ?

-ⵉⵛⵛⴰⵔ ⴰⵖ ⵓⵏⵣⵡⵓⵎ.

-ⴰⵏⵣⵡⵓⵎ ⵏ ⵓⵎⵉ ?

-ⵡⵉⵏ ⵜⵓⴷⵔⵜ ⵏ ⵓⴳⵓⵏⵥⵓ.

-ⵉⵙ ⴰⵙ ⵜⵓⴼⵉⴷ ⵛⴰ ⵏ ⵜⵓⴼⵖⵜ ?

-ⵓⵔ ⴰⵙ ⵓⴼⵉⵖ ⴰⵎⵢⴰ. 

-ⵀⴰⵜ ⵢⵓⴼ ⵉⴼⵙⵜⵉ ⴳⴰⵔ ⴰⵡⴰⵍ . -ⵉⴼⵙⵜⵉ ⴷⴰ ⵉⵏⵇⵇⴰ ⴱⴰⴱ ⵏⵏⵙ.

-ⴰⴷⴷⴰⵢ ⵡⴰⵍⵓ ⵛⴰ ⵏ ⵡⴰⵡⴰⵍ ⵉⵍⴰⵏ ⵜⴰⵡⵓⵔⵉ ⵀⴰⵜ ⵢⵓⴼ ⴰⵛ ⴰⴷ ⵜⵙⵓⵙⵎⴷ .

-ⴰⵔ ⵎⴰⵏ ⵜⵓⵔ ?
-ⴰⵔ ⴷ ⵜⴼⴼⵖⴷ ⵜⵓⴷⵔⵜ. 

-ⵀⵢⵢⴰ ⵓⵔ ⵜⵔⵉⴷ ⵅⴰⵙ ⴰⴷ ⵜ ⴼⴼⵖ ⴷⵖⵉ ⵏⵏⵉⵜ .

-ⴼⴼⵖ ⵜ ⵏⵖ ⵜⵇⵇⵉⵎⴷ ⵉⴳⴰ ⵓⵢⴰ ⵜⴰⵡⵓⵔⵉ ⵏⵏⴻⵛ ⵓⵔ ⵉⴷ ⵜⵉⵏⵓ. 

-ⵉⵙ ⵜⵖⵉⴷ ⴰⴷ ⵜⴷⴷⵔⴷ ⵉ ⵡⵓⵍ ⵏⵏⵎ ? -ⵓⵔ ⴰⵙ ⵖⵉⵖ.

-ⵀⵢⵢⴰ ⵓⵔ ⵏⵜⵜⵓⵢⴰⵇⵇⵉⵍ ⴰⴷ ⵏⵎⵢⴰⴷⴷⴰⵔ ! ⵢⴰⵀ.

-ⵎⴰⵛⴰ ⴽⵓ ⵢⴰⵏ ⴷ ⵓⵏⵣⵡⵓⵎ ⵏⵏⵙ.

-ⵉⵙ ⵜⵣⴹⴰⵕⴷ ⴰⴷ ⵉ ⵜⵉⵏⵉⴷ ⵎⴰⵢⴷ ⵉⴳⴰⵏ ⵡⵉⵏⵏⵎ ?
-ⵉ ⵎⴰ ⴰⵜⵜⴰ ⵛⵢ ⵎⴰⵔ ⴰⴷ ⴰⵛ ⵜ ⵉⵏⵉⵖ ?
-ⴰⴼⴳⴰⵏ ⴰⵎⵎ ⵛⵎ ⵉⵎⵎⵓⴷⴷⴰⵏ ⵜⴰⵎⴰ ⵏⵏⵎ ⵙ ⵉⵎⵉⵏⴳ ⵎⵉⴷ ⵉⵀⵉ.? -ⵙⵙⵏⵖ ⵉⴷ ⴰⴼⴳⴰⵏ ⴰⵢⴷ ⵜⴳⵉⴷ ⵎⴰⵛⴰ ⵎⴰ ⴰⵢ ⴷ ⵜⵎⵙⴷ ? 
-ⴰⴷ ⴳⵖ ⴰⵢⵏⵏⴰ ⵔⵉⵖ ⵎⴰⵃⴷⴷ ⴳⵉⵖ ⴰⴼⴳⴰⵏ ⵣⵓⵏⴷ ⵛⵎ. -ⵉⴷ ⴰⵎⵔⵛⴰⵍ ⵉⵏⵓ ⴰⵢⴷ ⵜⴳⵉⴷ ⵎⴰⵔ ⴰⴷ ⴰⵛ ⴰⵏⴼⵖ ⵜⴰⵡⵏⴳⵉⵎⵜ ⵉⵏⵓ? 

-ⴰⵔⴳⴰⵣ?! ⴰⵔⴳⴰⵣ?! ⵎⴰ ⴰⵏⵉ ⵜ  ?-ⵍⵍⴰⵏ ⵉⵔⴳⴰⵣⵏ .,ⴳⴳⵓⴷⵉⵏ ! -ⵎⴰ ⵙ ⴳⴰⵏ ⵉⵔⴳⴰⵣⵏ ? -ⵙ ⵜⵎⵉⵔⴰ ⵏⵙⵏ . -ⵏⵏⴰⵏ ⵉⵎⵣⵡⵓⵔⴰ ⵍⵍⵉⵖ ⵓⵔ ⴷⴰ ⵜⵜⴳⴳⴰ ⵜⴰⵎⴰⵔⵜ ⴰⵔⴳⴰⵣ . -ⵉⵖⵥⴰⵏ ⵡⴰ-ⵏⵏⴰ ⵜ ⵉⵏⵏⴰⵏ . -ⵏⵖ ⵜⴰ-ⵏⵏⴰ ⵜ ⵉⵏⵏⴰⵏ . -ⴰⵡⴷ ⴷⵖⵉ . -ⵀⴰⵏ ⵉⵔⴳⴰⵣⵏ ⵍⵍⴰⵏ ⵎⴰⵛⴰ ⵉⵛⵜⵎ ⴰⵙⵏ ⵓⴼⵓⵙ . -ⵏⵓⵙⴰ ⴷ ⴳ ⵢⴰⵏ ⵓⵣⵎⵣ ⵓⵇⵎⵉⵕ. ⵓⵔ ⵢⴰⴷ ⵉⴳⵉ ⵓⵎⵏⵓⵙ ⵏ ⵉⵄⵔⵔⵉⵎⵏ ⵅⴰⵙ ⴰⴷ ⵏⴹⵓⵏ ⵙ ⴰⴳⵎⵎⴰⴹ ⵉⵏ. ⵓⵏⵏⴰ ⵢⵓⴼⴰ ⵎⴰ ⴰⵙ ⵉⵙⵖⴰ ⴰⵙⴳⴳⴰⵡⵔ ⵏⵏⵙ ⴳ ⵜⵉⵎⵄⵉⴷⵉⵜ ⴰⵀⴰ ⵓⵔ ⴰⵙ ⴳⵉⵔⵏⵜ ⵜⴰⴹⴹⴰⵏⴳⵉⵡⵉⵏ ⵉⵜⵏⴰⵏ ⵀⴰⵜ ⵉⵙⵔⵙ ⴰⵡⵔⵣ ⵏⵏⵙ ⴳ ⵡⴰⵛⴰⵍ ⵏ ⵓⵕⵓⴱⴱⴰ ⵉⴷ ⵡⴰ-ⵏⵏⴰ ⵓⵔ ⵢⵓⴼⵉⵏ ⵀⴰⵜ ⴰⵔ ⵢⴰⴽⴽⴰ ⴰⴳⴳⵯⵓ ⵉⵙⴷⵓⵀⴷⵓⵏ ⵉ ⵓⵏⵍⵍⵉ ⵏⵏⵙ ⴰⵔⴷ ⵉⴼⴼⵖ ⵉⵖⴼ ⵏⵏⵙ ⴰⵀⴰ ⵉⵏⴹⵡ ⵙ ⵓⵏⵓⴼⵍ.ⵓⵔ ⵓⴼⵉⵏ ⵉⵄⵔⵔⵉⵎⵏ ⵎⴰ ⵙ ⵜⵜⵖⵉⵎⴰⵏ ⴳ ⵜⵎⴰⵣⵉⵔⵜ ⵏⵙⵏ ⵎⵛⵜⴰ ⵏ ⵢⵓⴽ ⵢⴰⵖ ⴰⴱⵓⴹ ⵏ ⵉⵍⵍ ⵢⴰⵖⵓⵍ ⵓⴽⵙⵓⵎ ⵏⵏⵙ ⵉⴳⴰ ⵓⵜⵛⵉ ⵉ ⵉⵙⵍⵎⴰⵏ ⵏⵏⴰ ⵉⴽⴽⴰ ⴷⴰ ⵙⵏ ⵉⵜⵜⴰⵡⵖ.ⵎⵔ ⵓⴼⵉⵏ ⵉⵔⴳⴰⵣⵏ ⵓⵔ ⵜⵜⴼⴼⵖⵏ ⴰⴹⵓ ⵏ ⵜⵎⴰⵣⵉⵔⵜ.ⴷⴷⴰⵏ ⵉⴼⴷⴷⴰⵎⵏ ⵉⵏⴹⵓⵏ ⴰⵔ ⴰⴽⴽⴰⵏ ⵜⴰⵡⵓⵔⵉ ⵏⵙⵏ ⵉ ⵜⵎⵉⵣⴰⵔ ⵏ ⵓⵙⴷⵓⵔⵔⴻⵢ ⴰⵀⴰ ⵜⵇⵇⵉⵎ ⵜⵎⴰⵣⵉⵔⵜ ⵏⵏⵖ ⵜⵖⵎⴰ ⵙ ⵓⵖⵎⴰⵏ ⵏ ⵓⴳⵓⵏⵥⵓ.! -ⵉ ⵛⵢ ⵎⴰ ⴰⵜⵜⴰ ⵡⴰⵏⵙⴰ ⵏⵏⴰ ⴳ ⵜⵍⵍⵉⴷ ? -ⵏⵛ ⵍⵍⵉⵖ ⴳ ⵜⵡⴰⵔⴳⵉⵜ.ⴰⵔ ⵜⵜⵡⴰⵔⴳⴰⵖ ⴰⴷ ⴰⵡⵍⵖ ⵜⴰⵙⴷⵏⵜ ⵉⵙⴽⵙⵉⵡⵏ ⵙ ⵉⵔⴰⴼⵉⵙⵏ ⴷ ⵉⵙⵡⵉⵏⴳⵉⵎⵏ ⵉⵏⵓ ⵓⵔ ⵉⴷ ⵜⴰⴷⴷⴰ ⵉⵛⵛⵏⴼⵛⵓⵏ ⵜⴰⴽⵛⵛⵉⵜ ⵉⵏⵓ . -ⵉ ⵎⴰ ⵙ ⵜⵔⵉⴷ ⴰⴷ ⵜⵜⵉⵍⵉⴷ ⴰⵣⴷⴷⵓⵖ ⴷ ⵜⵉⵔⴰⵎ ?ⵉⴷ ⵙ ⵉⵔⴰⴼⵉⵙⵏ ⴷ ⵉⵙⵡⵉⵏⴳⵉⵎⵏ ?! -ⵙⵙⵏⵖ ⵉⵙ ⴰⵇⴰⵕⵉⴹ ⴰⵢⴷ ⵉⴳⴰⵏ ⴰⴷⴰⵙⵉⵍ ⵏ ⵜⵓⴷⵔⵜ ⵎⴰⵛⴰ ⴰⴷ ⴷⵉⵖ ⵓⵔ ⵜⵙⴽⵙⵉⵡ ⵜⵙⴷⵏⵜ ⵅⴰⵙ ⵙ ⵉⵇⴰⵕⵉⴹⵏ ⴰⵀⴰ ⵜⴻⵜⵜⵓ ⴰⵡⴰⵔⵉⴽ. ⴰⴷⴷⴰⵢ ⵉⵍⵉⵏ ⵉⵇⴰⵕⵉⴹⵏ ⴰⵀⴰ ⵓⵔ ⵍⵍⵉⵏ ⵉⵔⴰⴼⵉⵙⵏ ⵀⴰⵏ ⵛⴰ ⵏ ⵜⵓⴷⵔⵜ ⵏ ⵉⵡⵍ ⵓⵔ ⵜⵏⵏⵉ ⴰⴷ ⵜⵜⵉⵍⵉ -ⵉⵡⴰ ⵡⴰⵔⴳⴰ ⴰⴷⴷⴰⵢ ⵜⴰⵛⵉⴷ ⴷ ⵉⵖⴼ ⵏⵏⵛ ⴰⴷ ⵜⵜⴰⴼⴷ ⵉⵙ ⴰⵣⵎⵣ ⵏⵏⵖ ⵓⵔ ⴷⴰ ⵉⵣⵣⴰⴹ ⵅⴰⵙ ⵉⵇⴰⵕⵉⴹⵏ. ⵍⵍⴰⵏ ⵀⴰⵜ ⵜⵍⵍⴰ ⵜⵓⴷⵔⵜ ⵓⵔ ⵍⵍⵉⵏ ⵀⴰⵜ ⵓⵔ ⵜⵍⵍⵉ.ⵎⴰ ⵎⵉ ⵙⵓⴼⵔⵏ ⵉⵔⴰⴼⵉⵙⵏ ⴷ ⵉⴷⴰⵎⵉⵎⵏ ⴰⴷⴷⴰⵢ ⵓⵔ ⵍⵍⵉⵏ ⵉⴷⵔⵉⵎⵏ.ⵀⴰⵜ ⵏⵉⵜⵏⵉ ⴰⵢⴷ ⵢⴰⴽⴽⴰⵏ ⵉ ⵉⴷⴰⵎⵉⵎⵏ ⵜⴰⴼⴰⴷⴰ ⵏ ⵡⴰⴷ ⵜⵏ ⴰⵏⵏⴰⵢⵏ ⵎⴷⴷⵏ . -ⵓⵔ ⵙⴰⵔ ⵎⵙⴰⵙⴰⵖ ⴷ ⵜⵙⴷⵏⵜ . ⵏⵜⵜⴰⵜ ⴷⴰ ⵜⵙⴽⵙⵉⵡ ⵙ ⵉⴳⵏⵏⴰ ⵏⵛ ⴷⴰ ⵙⴽⵙⵉⵡⵖ ⵙ ⴰⵛⴰⵍ ⵉ ⵎⴰ ⴰⵢ ⴷ ⴰⵖ ⵉⵙⵎⴰⵏ ? - ⵜⴰⵡⴰⵔⴳⵉⵜ. ⵙⵖⵓⵢⵢⵏ ⵉⵏⴻⵊⴷⴰ ,ⴼⴼⵖⵏ ⵜⴰⵡⴰⵔⴳⵉⵜ , ⵓⵏⴼⵏ ⴰⵍⵍⴻⵏ ⵙ ⵓⴹⵓⵀⵍⵍⵓ.ⵙⵍⵍⴰⵏ ⵉ ⵉⵜⵙⵏⵜ ⵜⵙⴷⵏⴰⵏ ⴰⵔ ⵜⵜⵉⵏⵉⵏⵜ : -ⴰ ⵕⴻⴱⴱⵉ ⵉⵔⵢ,ⴰ ⵕⴻⴱⴱⵉ ⵉⵔⵢ ⵖⴰⵍⵏ ⵉⵙ ⵎⵙⴰⴼⴰⴹⵏ ⴷ ⵜⵡⴰⵔⴳⵉⵜ .ⵉⴱⴻⴷⴷ ⵓⵙⴰⴽⴰⵛ .ⵙⴻⵇⵙⴰⵏ ⵉⵜⵙⵏ ⴰⵎⴻⵃⵔⴰⵢ : -ⵎⴰ ⴰⵜⵜⴰ ⵓ-ⵏⵏⴰⵖ . -ⵅⴰⵙ ⵢⴰⵜ ⵜⵛⴻⴽⵯⵕⵉⵕⵟ ⴰⵢⴷ ⵉⴹⴹⵉⵇⵙⵏ .ⴳⴳⴻⵣⴰⵜ . ⵙⵓⵍⵏ ⵡⵓⵍⴰⵡⵏ ⵏⵙⴻⵏ ⴰⵔ ⵜⵜⴻⴽⵟⵉⵟⵉⴼⵏ ⴽⵓⴷ ⵙⴻⴷⴷⴻⵔⴼⵏ ⴰⴷ ⴳⴳⴻⵣⵏ : -ⵉⵔⵖⵓⴷⴰⵖ ⵕⴻⴱⴱⵉ ⴰⵍⵍⴻⵢ ⵓⵔ ⵉⵏⵏⴻⵇⵍⵓⵍⵢ ⵓⵙⴰⴽⴰⵛ . 77 ⵉⵙⴰⵡⵍ ⵉⵎⵉⵡⵙ : -ⵎⵔⵉⴷⴷⵉ ⵓⵎⴻⵃⵔⴰⵢ ⴰⴷⵢⴰⵍⵉ ⵏⴻⴷⴷⴰ ⵉⴱⴻⵔⴷⴰⵏ ⵏⵏⴻⵖ. ⵉⵙⴰⵡⵍ ⵢⴰⵏ ⵓⵔⴳⴰⵣ : -ⴰⵅⵅⵉⴷ ⴰⵙⴰⴽⴰⵛ ⵏ ⴳⴰⵔ ⵓⵣⵎⵣ ⴰⵢ-ⴰ.ⵓⵔ ⵜⴻⵙⵙⵉⵏⵎ ⵅⴰⵙ ⵉⵇⴰⵕⵉⴹⵏ.ⵎⴰ ⴰⵢⴷ ⵉⴳⴰⵏ ⵜⴰⵡⵓⵔⵉ ⵏⵏⵓⵏ ⴰⴷ ⵓⵔ ⵜⵇⵇⴰⵍⵎ ⵎⴰⵢⴷ ⵢⵓⵙⵔ ⵓⵙⴰⴽⴰⵛ .ⴰⵡⴷ ⵓⵙⴰⴽⴰⵛ ⴷⴷⴻⵖ ⴰⴷ ⵜ ⵉⵏⵉ ⵎⴻⴷⴷⴻⵏ .ⴰⵎⵎ ⵡⴰ-ⴷⴷⴻⵖ ⴳ ⵓⵕⵓⴱⴱⴰ ⵓⵔ ⵉⴳⵉ ⵡⴰⵏⵙⴰ ⵏⵏⴻⵙ ⵅⴰⵙ ⵜⴰⵏⵓⵣⵣⴰⵍⵜ (ⴷⵉ-ⴷⴷⴰ ⴳⴳⴰⵔⵏ ⵎⴻⴷⴷⴻⵏ ⵓⵣⵣⴰⵍ ⵏⵏⴰ ⵓⵔ ⵢⴰⴷ ⵉⵍⵉ ⴰⵡⴷ ⵢⴰⵜ ⵜⵡⵓⵔⵉ)ⵉⴷⴷⴻⵖ ⵉⵡⵙⵙⵉⵔ.ⴰⵎⵎ ⵡⴰ-ⴷⴷⴻⵖ ⵓⵔ ⵜⵜⴰⴷⵊⴰⵏ ⴰⴷ ⵜ ⵉⵏⵢ ⵛⴰ ⵉⴷⴷⴻⵖ ⵓⵔ ⵢⴰⴷ ⵉⵙⵓⴼⵉⵔ ⵉ ⵜⵏⵓⵛⵉ.ⵓⵔ ⵜⵙⵙⵉⵏⵎ ⵅⴰⵙ ⵉⴷⵔⵉⵎⵏ ⵓⵎⴰ ⵜⵓⴷⴻⵔⵜ ⵏ ⵉⵡⴷⴰⵏ ⵀⴰⵜ ⵓⵔ ⵜⵍⵉ ⵖⵓⵕⵓⵏ ⴰⵡⴷ ⵢⴰⵜ ⵜⵉⵣⵣⵓⵍⵢⴰ. ⵉⵙⵓⵙⵎ ⵓⵎⴻⵃⵔⴰⵢ ⴷ ⵓⵎⵉⵡⵙ ⵏⵏⴻⵙ ⵓⴷⵊⴰⵏ ⵜ ⴰⴷ ⵉⵙⵙⴻⵅⵙⵢ ⵜⴰⴽⴰⵜ ⵏ ⵡⵓⵍ ⵏⵏⴻⵙ .ⵉⵣⵓⴱⴷⴰ ⵏⴻⵜⵜⴰ ⴰⵡⴰⵍ ⵏⵏⴻⵙ : -ⴰ ⴰⵢ ⴷ ⴰⵖ ⵉⵏⵓⵔⴼⵏ ⴰⴷ ⵏⵉⵡⴹ ⵜⵉⵎⵉⵣⴰⵔ ⵢⴰⴹⵏ .ⴷⴷⴰⵏⵜ ⵣⴻⴷⵖⵏⵜ ⵜⵉⴱⵕⵟ ⵏ ⵓⵎⴰⴹⴰⵍ ⵉⴷ ⵜⴰⵎⴰⵣⵉⵔⵜ ⵏⵏⴻⵖ ⵜⵙⵓⵍ ⵓⵔ ⵜⴰ ⵜⵓⵛⵉ ⴷ ⵉⵖⴼ ⵏⵏⴻⵙ ,ⵓⵔ ⵜⴰ ⴰⴽⴽⵯ ⵜⴻⵙⵙⵉⵏ ⵉⵙ ⵜⴻⵍⵍⴰ.ⵅⴰⵙ ⵓ-ⵏⵏⴰ ⵉⵍⴰⵏ ⵢⴰⵏ ⵓⵅⴻⵔⵛⴰⵛ ⴰⵎⵎ ⵡⴰ-ⴷⴷⴻⵖ ⴰⵔ ⵉⵙ ⵉⵜⵜⴰⵙⵢ ⵉⵏⴻⵊⴷⴰ ⵓⵔ ⵉⵏⴷⴷⵉⵎ ⴳ ⵎⴰⵢⴷ ⵉⵟⵟⴼⴼⵓⵕⵏ ⴰⵥⵓⵥⵢ ⵏⵏⴻⵙ.ⴰⴽⴽⵯ ⵓⵔ ⵉⵣⵎⵉⵔ ⵓⵙⴰⴽⴰⵛ ⴷⴷⴻⵖ ⴰⴷ ⵢⴰⵙⵢ ⵉⵖⴼ ⵏⵏⴻⵙ ⴷ ⴰⵛⵛⴻⵏ ⴰⴷ ⵢⴰⵙⵢ ⵉⵏⴻⵊⴷⴰ ⴷ ⵡⴰⴳⴳⵯⴰ ⵏⵙⴻⵏ. ⵉⵙⴻⵔⵙ ⵉⵎⵉⵡⵙ ⴰⵙⴰⵙⵢ ⴷⴷⴰⵡ ⵓⵙⴰⴽⴰⵛ ⵉⵙⵙⵓⵕⴻⵕⵕⵢ ⴰⵙⴻⴽⵯⵜⵢ ⴰⵍⵍⴻⵢ ⵉⵙⵙⴻⴷⴽⵍ ⴰⵙⴰⴽⴰⵛ ⵉⵙⵔⵢ ⵜⴰⵛⵛⴻⴽⵯⵕⵉⵕⵟ ⴰⵀⴰ ⵉⵙⵙⵓⴼⵖ ⵜⴰ-ⵢⵢⴰⴹ ⴷⴰⵢ ⵉⵙⵏⵉ ⵜ.ⵉⵇⵇⵉⵎ ⵓⵔⴳⴰⵣ ⵏⵏⴰⵖ ⵉⵙⵙⵉⴳⴳⴰ ⴰⵙ ⵉⵖⴼ ⴰⵔ ⵜ ⵉⵜⵜⴰⵅⵎ ⵙ ⵉⵍⵙ ⵏⵏⴻⵙ : -ⵉⵏⵉⵡⴰ ⵜ ⵉ ⴱⴰⴱ ⵏⵏⴻⵙ ⴰⴷ ⵙⵉⵙ ⵉⴳⵔ ⴰⵀⴰ ⵉⵙⴻⵖ ⵡⴰ-ⵢⵢⴰⴹ ⵎⴻⵛ ⵉⵔⴰ ⵉ ⵉⵡⴷⴰⵏ ⴰⴷ ⴰⵡⴹⵏ .ⵉⵏⵉⵡⴰⵜ ⴰⵙ ⵢⵓⴷⴰⵛ ⵓⵃⴻⵙⵔⴼ ⴰⴷ ⵓⵔ ⵜⵙⵙⴰⵔⴰⴷ ⵅⴰⵙ ⵖⵉⴼ ⵉⵇⴰⵕⵉⴹⵏ ⵜⴻⵜⵜⵓⴷ ⵜⵉⵎⵎⵓⵣⵡⴰ ⵏ ⵉⵏⴻⵊⴷⴰ,ⵉⵏⵉⵡⴰ ⵜ ⴰⵙ ⴷⴰ ⵜⴻⵣⵣⴻⵡⵓⵔⴷ ⴰⵖⴰⴱⵉⵔ ⵏⵏⴻⵛ ⵖⵉⴼ ⵓⵖⴰⴱⵉⵔ ⵏ ⵉⵡⴷⴰⵏ ,ⵉⵏⵉⵡⴰⵜ ⴰⵙ ⴰⴷ ⵉⵣⵔⴽ ⵉⵡⴷⴰⵏ ⵀⴰⵜ ⵓⵔ ⴳⵉⵏ ⵉⴱⵓⵅⵅⴰ.ⵉⵏⵉⵡⴰⵜ ⴰⵙ ⵀⴰⵜ ⵜⵓⴷⴻⵔⵜ ⵏ ⵓⴼⴳⴰⵏ ⵓⵔ ⵜⵍⵉ ⴰⵡⴷ ⵢⴰⵏ ⵓⵜⵉⴳ ⵖⵓⵕ ⵛ .ⵉⵏⵉⵡⴰⵜ ⴰⵙ ⴰⴷ ⵓⵔ ⵉⵏⵇⵇⴰ ⵎⴻⴷⴷⴻⵏ ⵜⴰⴼ ⴰⴷ ⵉⴽⴽⴽⵯⵓⵔ ⵜⴰⴹⴹⴻⵖⵕⵜ ⵏⵏⴻⵙ. ⵉⵙⴽⵏ ⵓⵎⵉⵡⵙ ⵉ ⵉⵏⴻⵊⴷⴰ ⴰⴷ ⴷⵉⵖ ⵏⵉⵏ .ⵜⵙⵓⵍ ⵜⴻⵔⴳⴰⴳⵉⵜ ⵓⵔ ⵜⴰ ⵜⴻⴼⴼⵉⵖ ⵓⵍⴰⵡⵏ ⴷ ⵉⵣⴻⵏⵣⵉⴼⵏ .ⴽⵓⴷ ⵙⴻⵔⵙⵏ ⵉⵜⵙⵏ ⵉⵡⴻⵔⵣⴰⵏ ⵏⵙⴻⵏ ⵖⵉⴼ ⵜⴰⵙⴻⴽⵯⴼⵍⵜ ⵏⵏⴰⵏ : -ⴰ ⵕⴻⴱⴱⵉ ⵉⵔⵢ -ⴰ ⵕⴻⴱⴱⵉ ⴰⴱⵓⵔⵣⵎ. ⵙ ⵉⵖⵏⴰⵏ ⴰⵙ ⵉⵙⵔⵔⴰ ⵓⵙⴰⴽⴰⵛ .ⵡⵉ-ⴷⴷⴰ ⴽⴽⴰⵏ ⴳⴻⵏ ⵓⵔ ⵢⴰⴷ ⵓⴼⵉⵏ ⴰⴷ ⴷⵉⵖ ⴳⴻⵏ ⵙ ⵓⵅⵍⴰⵄ.ⴰⵡⴷ ⴰⵄⵔⵔⵉⵎ ⵏ ⵜⵡⴰⵔⴳⵉⵜ ⵉⵇⵇⴻⵏ ⵉⵎⵉ ⵏⵏⴻⵙ .ⵉⵙⴰⵡⵍ ⴷⵉⵖ ⵓⵔⴳⴰⵣ ⵉ ⵓⵙⵎⵓⵏ ⵏ ⵓⵎⵓⴷⴷⵓ : -ⵓⵔ ⴷⵊⵉⵏ ⴰⵏⵏⴰⵢⵖ ⴰⵎⵎ ⵜⵎⴰⵣⵉⵔⵜ ⵏⵏⴻⵖ .ⵓⵔ ⵉⵍⵍⵉ ⵅⴰⵙ ⵓⵎⴻⵔⴷⵓⴽⴽⵓ ⴼⴼⵉⵔ ⵡⴰ-ⵢⵢⴰⴹ.ⵓⵔ ⵢⴰⴷ ⵉⴳⵉ ⵓⵏⴻⵖⵎⵉⵙ ⵏⵏⴻⵖ ⵏⴻⵛⵏⵉ ⵅⴰⵙ ⵡⵉ-ⵏ ⵉⴱⴻⵔⴷⴰⵏ ⵀⴰ ⵉⵎⵜⵜⵓⵔⵜⵙⵏ ⵀⴰ ⵉⵎⵜⵜⵉⵏ ⵀⴰ ⵉⴼⵓⴽⴰⵍⵏ ⵀⴰ ⵉⵎⴻⵄⴹⴰⵕ.ⵉⴷⵔⵓⵙ ⴰⴷ ⵉⴽⴽ ⵢⴰⵏ ⵡⴰⵙⵙ ⵓⵔ ⴳⵉⵙ ⵏⵙⴻⵍⵍⴰ ⵉ ⵓⵏⴻⵖⵎⵉⵙ ⵏ ⵓⵏⴰⴳⵉⵙ .ⵓⵔ ⵢⴰⴷ ⵏⵙⵙⵉⵏ ⵉⴷ ⴰⴼⴳⴰⵏ ⴰⵢⴷ ⵉⵃⵔⵔⵉⵢⵏ ⵎⵉⴷ ⵉⵎⵉⵙ ⴰⵢⴷ ⵉⵃⵔⵔⵉⵢⵏ. ⴷⴰⵜ ⴰⵙⵏ ⵉⵙⴰⵡⵍ ⵢⴰⵏ ⵓⵄⵔⵔⵉⵎ ⵉ ⵓⵙⵎⵓⵏ ⵏⵏⴻⵙ : -ⵡⵉ-ⴷⴷⴰ ⵖⵏⴰⵏ ⴰⵎⵎ ⵉⵎⵉⵙ ⴷⴷⴻⵖ ⴳⴰⵏ ⴰⵙ ⴰⵙⴰⴹⵉⴼ ⵏⵏⴻⵙ ⵜ ⵉⵙⵙⴻⵏⵢⵓⴷⴷⵓⵏ .ⴰⵙⴰⴹⵉⴼ ⴷⴷⴻⵖ ⵉⴳⴰ ⴰⵙⵓⵏⴰⵏ ⵎⴰⵛⴰ ⵡⵉ-ⵏⵏⴰ ⵜ ⵉⵙⵖⴰⵏ ⵉⵙⵓⵍ ⵜⴻⵣⴷⵖ ⵜⴻⵏ ⵜⵉⴷⵎⵉ ⵜⴰⵔⵓⴳⴳⴰⵢⵜ ⵙⵓⵍⵏ ⴷⴰ ⵜⵜⵉⵖⵉⵍⵏ ⵉⵙ ⴰⴼⵓⵙ ⵏ ⵓⴽⵛⵛⵓⴹ ⴰⵢⴷ ⴰⵙⵏ ⵉⵜⵜⴻⵙⴳⴰⵔⵏ ⴰⴱⵓⵔⵣⵎ ⵓⵔ ⵉⴷ ⴰⵣⵔⴰⴽ ⵏ ⵓⵙⴰⴹⵉⴼ ⵏ ⵓⵙⴻⵎⵔⵙ.ⴰⵎⵎ ⵉⵎⵉⵙ ⴷⴷⴻⵖ ⵓⵔ ⵉⴳⵉ ⵅⴰⵙ ⴰⴳⵓⴷⵢ ⵏ ⵡⵓⵣⵣⴰⵍ ⵏⴻⵖ ⵛⴰ ⵓⵎⴰⵍⵉⴹ ⴰⴽⴽⵯ ⵎⴰ ⵉⴳⴰ ⵢⴰⵏ ⵓⵍⵓⵜⵉⵎ ⵏ ⵉⵙⵡⵉⵏⴳⵉⵎⵏ ⴷ ⵉⵙⴰⴹⵉⴼⵏ .ⴰⵏⵍⵍⵉ ⵏ ⵡⴰ-ⴷⴷⴰ ⵜ ⵉⵃⵔⵔⵉⵢⵏ ⵓⵔ ⵜⴰ ⵉⵎⵢⴰⴱⴱⴰⵢ ⴷ ⵜⵔⵓⴳⴰⵢⵜ(ⵜⴰⵔⵉⵔ/ⵜⴰⵎⵥⴰ/ⵜⴰⴳⵕⵓⵟ ⵉⵡⴰⵔⵉⴽⵏ ⵉⵔⵓⴳⴰⵢⵏ ⴰⵢⴷ ⴳⴰⵏ) ,ⴰⵔ ⵉⵜⵜⴻⵊⴳⵓⴳⵓⵍ ⴳⴻⵔ ⵓⵙⵓⵏ ⴷ ⵜⵔⵓⴳⴰⵢⵜ.ⴰⴼⵓⵙ ⵏ ⵓⴽⵛⵛⵓⴹ ⴰⵢⴷ ⵉⵜⵜⴰⵔⵉⵢⵏ ⴰⵎⴻⵃⵔⴰⵢ ⴷ ⵓⵏⴻⵊⴷⵉ !! ⴰ ⴰⵢⴷ ⴰⵖ ⵉⴱⴹⴰⵏ ⴷ ⵜⵡⴻⵏⴳⵉⵎⵜ ⵜⴰⵙⵓⵏⴰⵏⵜ ⴷ ⵓⵎⴳⴰⵏ !!(ⵜⴰⵎⵓⵏⵜ ⵏ ⵢⴰⵏ ⴷ ⵢⴰⵏ ⵜⴳⴰ ⵙⵉⵏ ⵙ ⵓⵎⴳⴰⵏ)ⴰⴼⵓⵙ ⵏ ⵓⴽⵛⵛⵓⴹ ⴰⵢⴷ ⵉⵜⵜⴻⵔⴰⵔⴰⵏ ⵜⵉⵟ ⵏ ⵉⵅⵉⵍⴱⴰⵏ !!ⴰⵅⵅⵉⴷ ⴰⵙⴰⴽⴰⵛ ⵉⵏⴻⵣⵣⴻⵖⵏ ⴰⵍⵍⴻⵏ !!ⵍⵇⵇⴰⵇⵏ ⴰⵙ ⵉⵖⵚⴰⵏ,ⵓⵔ ⵢⴰⴷ ⵉⵣⴹⴰⵕ ⴰⴷ ⵢⴰⵙⵢ ⴰⵡⴷ ⵉⵖⴼ ⵏⵏⴻⵙ ⴷ ⴰⵛⵛⴻⵏ ⴰⴷ ⵢⴰⵙⵢ ⴰⴳⴳⵯⴰ ⵉⵣⴹⴰⵢⵏ ! ⵡⴻⵃⵍⵏ ⵉⵏⴻⵊⴷⴰ ⵣⴻⴳ ⵓⴷⴻⵔⴷⴼ ⵏⵏⴻⵙ,ⵉⴽⵥⵄ ⵓⵅⵍⴰⵄ ⴰⵏⵓⴷⴷⴻⵎ ⴷ ⵜⵡⴰⵔⴳⵉⵜ ⵏ ⵓⴼⴰⴼⴰ.ⵓⵔ ⵢⴰⴷ ⴷⴰ ⵙⵙⵉⴳⴳⵉⵍⵏ ⵅⴰⵙ ⴰⴷ ⴰⵡⴹⵏ ⵙ ⵓⴱⵓⵔⵣⵎ.ⵜⴻⴷⵎⴰ ⵢⴰⵜ ⵜⵄⴻⵔⵔⵉⵎⵜ ⵜⵉⵛⵛⴻⴽⵯⵕⴰⵕ ⵏⵏⴻⵙ ⴰⵎⵎ ⵜⵉⵛⴱⴱⵓⵡⵡⴰ ⵉⵣⵎⵔⵏ ⴰⴷ ⴹⴹⵉⵇⵙⵏⵜ ⴳ ⵎⴰⵢⴷ ⵉⴳⴰⵏ ⴰⵍⴻⵅⵜⵓ.ⵜⴻⴷⵎⴰ ⵜⵉⵛⵛⴻⴽⵯⵕⴰⵕ ⵏⵏⴻⵙ ⴱⴹⴰⵏⵜ ⴷ ⵉⴳⴻⵊⴷⵉ ⵏⵙⴻⵏⵜ ⴰⵀⴰ ⵜⵃⴻⵏⴽⵔⵓⵔⵢ ⴽⵓ ⵢⴰⵜ ⵙ ⵢⴰⵏ ⵡⴰⵥⵢ ⴷⴰⵢ ⵉⵏⵏⴻⵇⵍⵓⵍⵢ ⵓⵙⴰⴽⴰⵛ ⴰⵀⴰ ⵉⵡⴻⵍⴻⵍⵍⴰ ⴷⴰⵢ ⵉⵎⵎⵓⵜⵜⴻⵢ ⵙ ⵉⵙⵎⴹⵍ ⵏ ⵡⵓⵣⵣⴰⵍ ⵏⵏⴰ ⵜⵏⴻⵢ ⵜⴰⵏⵉⴽⵜ (ⴰⵢ-ⵏⵏⴰ ⵉⵙⵍⵍⴻⵖⵏ ⴳ ⵡⵓⵣⵣⴰⵍ).ⵜⴻⵎⵙⴰⵡⵍ ⴷ ⵜⵡⴻⵏⴳⵉⵎⵜ ⵏⵏⴻⵙ :’ⵜⵜⴻⵔⵖ ⴰⵛ ⴰ ⵕⴻⴱⴱⵉ ⴰⴱⵓⵔⵣⵎ ,ⵓⵔ ⵜⴰ ⵔⵉⵖ ⴰⴷ ⴰⵖ ⴰⵛⴰⵍ ⵓⵔ ⵜⴰ ⵜⵛⵉⵖ ⴰⵎⵓⵔ ⵉⵏⵓ ⵣⵉ ⵜⵓⴷⴻⵔⵜ”.ⵉⵙⵙⵓⵎⵎ ⵢⴰⵏ ⵓⵄⵔⵔⵉⵎ ⵜⴰⴳⵉⵕⵕⵓⵜ ⵏⵏⴻⵙ ⴰⵀⴰ ⵉⵙⵓⴹ ⴰⴳⴳⵯⵓ ⵏⵏⴻⵙ ⴰⴼⵍⵍⴰ ⵏ ⵉⵖⴼ ⵏⵏⴻⵙ ⴷⴰⵢ ⵉⵙⴰⵡⵍ ⵉ ⵓⵙⵎⵓⵏ ⵏⵏⴻⵙ : -ⵓⵔ ⵏⵜⵜⵓⵢⴰⵇⵇⵉⵍ ⴰⴷ ⵏⴻⵙⵙⴻⵍⴼⴳ(Changer) ⵜⵉⵢⴰⵣⵉⵍⵉⵏ ⵏⵏⴻⵖ ⴷ ⵡⴰⵎⵓⵏ ⵏⵏⴻⵖ .ⴰⵙⵡⵉⵏⴳⵎ ⴰⵏⴻⵎⵍⴰⵍⴰⵢ ⵓⵔ ⴰⵔ ⵉⵙⵃⵉⵍⵍⵉⵍ ⵉⴷⴷⴻⵖ ⵉⵙⴽⴰ ⵉⵥⵉⵕⵉⵜⵏ (ⵣⴻⴳ ⵉⵥⵕⴰ ⴰⴷ ⵉⵥⴻⵕ) ⵏⵏⴻⵙ ⵖⵉⴼ ⵓⵎⵍⵓⵍⴹ ⴰⵄⴻⵙⵇⴰⵏ(Le matérialisme dialectique ) .ⴰⵔ ⵉⵜⵜⵉⵏⵉ ⴽⴰⵕⵍ ⵎⴰⵕⴽⵙ ⵉⵙ ⵜⴰⵙⵔⴽⵎⵜ ⵏ ⵉⵎⴻⵍⴽⴰⵣⵏ (La classe des ouvriers)ⴰⵢ-ⴷ ⵉⵏⵏⴰⵏ ⴰⴷ ⵜⴻⵏⴷⵀ ⴰⴳⴻⵕⵡⵍ ⴰⵖ ⵉⵙⵙⴻⵏⴹⴰⵡⵏ ⵙ ⵡⴰⵎⵓⵏ ⴰⵏⴻⵎⵍⴰⵍⴰⵢ(La société socialiste) ⵙⵡⴰ ⵏⵔⴰ ⵙⵡⴰ ⵓⵔ ⵏⵔⵉ ⵉⴷⴷⴻⵖ ⵣⵉ ⴽⵓⴷ ⵉⵎⵎⵓⵜⵜⴻⵢ ⵡⴰⵎⵓⵏ ⵙ ⵓⴽⴻⵔⵢⴰⵏ (Industriel)ⴰⵢⴷ ⵉⵍⵍⴰ ⵓⴳⴻⵕⵡⵍ ⴳⴻⵔ ⵉⴼⴰⵙⵙⴻⵏ ⵏ ⵉⵎⴻⵍⴽⴰⵣⵏ .ⵜⴰⵎⴰⵜⴰⵔⵜ ⵏ ⵓⵢ-ⴰ ⴳ ⵓⵏⵜⴰ(Le début) ⵏ ⵓⴳⴻⵕⵡⵍ ⴰⵙⵓⵏⴰⵏ ⵍⵓⵍⴰⵏⵜ ⵎⴻⵏⵏⴰⵡⵜ ⵏ ⵜⵉⵏⴽⴽⴰⵔⵢⵉⵡⵉⵏ(Les usines) ⴰⵀⴰ ⴰⵔ ⴳⵉⵙⵏⵜ ⵜⵜⴻⵖⵏⴰⵙⵏ(Militer) ⵉⵎⴻⵍⴽⴰⵣⵏ ⴷ ⵜⵎⴻⵍⴽⴰⵣⵉⵏ ⴰⵍⵍⴻⵢ ⵏⴻⵣⵖⵏ ⴰⴱⵓⵥⵥⴻⵏ(La reconnaissance) ⵙ ⵓⵣⵔⴼ ⵏ ⵓⵔⴰⵢⵢⴰ(La retraite) ⵏⵏⴰ ⵓⵔ ⴷⵊⵉⵏ ⵉⵍⵍⵉ ⴽⵓⴷ ⵙⵓⵍⵏ ⵉⵎⴻⵍⴽⴰⵣⵏ ⴰⵔ ⵜⵜⵉⵍⵉⵏ ⵜⴰⵡⵓⵔⵉ ⵏⵙⴻⵏ ⴳ ⵉⵢⵓⵍⵉⵙ.(Les fermes)ⵉⵎⴻⵍⴽⴰⵣⵏ ⴷ ⵜⵎⴻⵍⴽⴰⵣⵉⵏ ⵏ ⵜⵉⵏⴽⴽⴰⵔⵢⵉⵡⵉⵏ ⴰⵢⴷ ⵙⵙⴻⵍⴽⵏ(Fixer) ⵎⴻⵏⵏⴰⵡ ⵏ ⵉⵣⴻⵔⴼⴰⵏ ⴰⵎⵎ ⴰⵙⵡⵓⵜⵜⵓ ⵏ ⵡⵓⴽⵓⴷ ⵏ ⵜⵡⵓⵔⵉ ⵙ ⵜⴰⵎⵜ ⵜⴻⵎⵔⵉⵍⵉⵏ(Les heures) ⴳ ⵡⴰⵙⵙ,ⵡⴰⵏ ⴰⵎⵓⵔ ⵏ ⵓⴼⴻⵙⴽⴰⵢ (Qui bénificie d’un congé) ⵙ ⵓⵔⴰⴽⵉⴷ(Le salaire),ⴷ ⵡⴰⵎⵓⵔ ⵏ ⵓⵔⴰⴳⵉⵏ(Congès,autorisation) ⵏ ⵡⴰⴹⴰⵏ.ⴰⴽⴽⵯ ⵓⵢ-ⴰ ⵓⵔ ⵉⴽⴽⵉ .ⵉⴽⴽⴰ ⵜⵉⵏ ⵓⵎⴻⵍⴽⴰⵣ ⵉⴳⴰ ⵛⴰⵎⵎⴻⵍⴰ(Exactement) ⵣⵓⵏⴷ ⵉⵙⵎⴳ .ⴰⵙⴰⴳ ⵉⵡⵙⵙⵉⵔ ⵓⵔ ⵢⴰⴷ ⵉⵙⵓⴼⵉⵔ ⵉ ⵓⵎⵢⴰ ⴰⴷ ⵜ ⵉⵣⵣⴻⵏⵣ ⴱⴰⴱ ⵏⵏⴻⵙ ⵏⴻⵖ ⵜ ⵉⴽⵥⵄ ⵙ ⴱⴻⵕⵕⴰ ⴰⵀⴰ ⴰⵔ ⵉⵜⴻⵜⵜⴻⵔ ⵜⵓⴽⴽⵉ ⵏ ⵓⵔⵢⴰⴱⴱⵓⵀ(La pitié) .ⵉⵎⵛⵉ ⵏⵏⴰⵖ ⴰⴷⴷⴰⵢ ⵢⵓⴹⵏ ⵓⵔ ⴷⴰ ⴰⵙ ⵢⴰⴽⴽⴰ ⵓⵙⴻⵇⴷⴰⵛ(L’employeur) ⵏⵏⴻⵙ ⵎⴰ ⴰⵙ ⵉⵜⵜⴻⴷⴷⵔ ⴰⵔⴷ ⵉⵊⵊⴻⵢ .ⵛⴰ ⵙ ⵉⵜⵜⴻⵎⵓⵜⵜⵓⵢ ⵡⴰⵎⵓⵏ ⵙ ⵓⴽⴻⵔⵢⴰⵏ ⵉⵜⵜⴻⵎⵓⵜⵜⵓⵢ ⵙ ⵓⵏⴻⵎⵍⴰⵍⴰⵢ.ⵀⴰⵜ ⴳ ⵡⴰⵎⵓⵏ ⴷⴷⴻⵖ ⴰ ⴳ ⵏⵜⵜⴰⴼⴰ ⴰⵎⴰⴽ(Le sens) ⵏ ⵓⵖⴷⴰⵎ(La justice) ⴰⵛⴽⵓ ⴰⴽⵙⵓⵍⵏ ⴳⵉⵙ ⵎⴻⴷⴷⴻⵏ ⴳ ⵓⵙⵡⵉⵔ ⵏ ⵜⵓⴷⴻⵔⵜ .. ⵉⵙⵙⵉⵍⵡ ⵓⵙⵎⵓⵏ ⵉ ⵉⵎⵊⵊⴰⵏ ⵏⵏⴻⵙ ⵎⴰⵛⴰ ⵜⴰⵡⴻⵏⴳⵉⵎⵜ ⵏⵏⴻⵙ ⵜⴻⴼⴼⴻⵖ ⵜⴰⵇⵛⵛⴰ ⵏⵏⴻⵙ : -ⵉⵙ ⵉ ⵜⵙⴻⵍⵍⴰⴷ ? ⵉⴱⴰⴳ ⵉⵙ ⴰⵙ ⵉⴳⴳⴰⴷⵊ ⵓⵏⵍⵍⵉ : -ⵉⵙ ⵉ ⵜⵙⴻⵍⵍⴰⴷ ? ⵉⵜⵜⵓⵟⵓⴽⵢ ⵓⵙⵎⵓⵏ ⵙ ⵡⵓⴳⴳⵯⵓⵢ ⵏ ⵡⴰ-ⴷⴷⴰ ⵜ ⵉⵙⴻⵇⵙⴰⵏ ⴰⵀⴰ ⵢⵉⵏⵉ :’ⵀⵉ’ⴰⵎⵎ ⵉⵙ ⵢⵓⵛⵢ ⵣⵉ ⵜⵡⴰⵔⴳⵉⵜ ⵏⵏⴻⵙ ⴰⵀⴰ ⵓⵔ ⵉⵃⵎⵉⵍ ⴰⴷ ⵢⴰⵛⵢ : -ⵎⴰ ⴰⵢ ⴷ ⵜⵏⵏⵉⴷ ? -ⵉⵙ ⴷⴰ ⵙⴰⵡⴰⵍⵖ ⵉ ⵓⵃⵢⵓⴹ ? ⵉⵙⴼⵉⵔⵏⴻⵏ : - ⵓⵎⵥⵖ ⴱⴻⵕⵕⴰ. - ⵎⴰⵏ ⵜⵓⵔ ⴷⵉ ⵜⵜⵓⵖⵓⵍⴷ ⵙ ⵓⴳⴻⵏⵙⵓ ? - ⵓⵔ ⵥⵕⵉⵖ ⴰⵎⵢⴰ ⴰⵍⵍⴻⵢ ⵙⴽⵓⵍⵍⴻⵄⵖ ⵙ ⵡⴰⴼⵔⵉⵡ ⵏ ⵓⵏⵍⵍⵉ ⵏⵓ . - ⵉⵎⴰⵏ ⵡⴰⵡⴰⵍ ⵉⵏⵓ ⴷ ⵓⵣⵡⵓ ⵉⴽⵛⵎ ⵢⴰⵏ ⵓⵎⵥⵥⵓⵖ ⵉⴼⴼⴻⵖ ⵡⴰ-ⵢⵢⴰⴹ.. - ⵎⴰ ⵅⴻⴼ ⵜⵙⴰⵡⵍⴷ ? - ⵉⴷ ⴰⴷ ⴰⵍⵙⵖ ⵉ ⵡⴰⵡⴰⵍ ?! - ⵎⴻⵛ ⵓⵔ ⵜⴻⵡⵃⵉⵍⴷ . - ⵓⵔ ⴰⵔ ⵉ ⵉⵙⵙⴻⵡⵃⴰⵍ ⵡⴰⵡⴰⵍ ⵍⵓⵎⵏ ⴰⵙⴰⴳ ⴷⴰ ⵙⴰⵡⴰⵍⵖ ⵖⵉⴼ ⵡⴰⵎⵓⵏ ⴰⵏⴻⵎⵍⴰⵍⴰⵢ .ⵀⴰⵜ ⵏⴻⵜⵜⴰ ⴰⵢⴷ ⵉⵜⵜⴻⴳⴳⴰⵏ ⵜⴰⴼⴰⴷⴰ ⵏ ⵓⵙⴻⴷⵔⴼ(La libération ) ⵏ ⵓⵎⴻⵍⴽⴰⵣ.ⴰⵙⴻⵅⵔⴻⵔ (La libération ) ⵏ ⵓⴼⴳⴰⵏ ⴰⴽⴽⵯ ⵎⴰⵢⴷ ⵉⴳⴰ ⵉⴳⴰⵜ ⵡⴰⵎⵓⵏ ⴰⵏⴻⵎⵍⴰⵍⴰⵢ.ⴰⵎⵓⵏ ⴷⴷⴻⵖ ⴰⵢⴷ ⵢⴰⴽⴽⴰⵏ ⴰⵎⴰⴽ ⵉ ⵓⴼⵓⵍⵢ(L’indépendance),ⵜⴰⵣⴰⵅⵎⴰ(La dignité) ,ⵜⵉⴷⴷⵓⵔⴼⴰ (La liberté) ⴰⵛⴽⵓ ⵓⵔ ⵉⵍⵍⵉ ⵛⵉⴳⴰⵏ ⵏ ⵉⴱⴹⴰⵏ ⴳⴻⵔ ⵉⴼⴻⵔⴷⴰⵙ ⵏⵏⴻⵙ..ⴷⵉⵙ ⴰⵔ ⵉⵜⵜⴻⵃⵓⵍⴼⵓ ⵓⵎⴻⵍⴽⴰⵣ ⵉⵙ ⴰⵔ ⵢⴰⴽⴽⴰ ⵉ ⵉⵖⴼ ⵏⵏⴻⵙ ⴷ ⵡⴰⵎⵓⵏ ⵏⵏⴻⵙ ⵓⵔ ⵉⴷ ⴰⵎⵎ ⴳ ⵡⴰⵎⵓⵏ ⴰⵎⴻⴷⴳⴰⴳⴰⵔ(Capitaliste) ⵏⵏⴰ ⴳⵉⵙ ⵓⵔ ⴰⵔ ⵢⴰⴽⴽⴰ ⵓⵎⴻⵍⴽⴰⵣ ⵅⴰⵙ ⵉ ⴱⴰⴱ ⵏ ⵜⵏⴻⴽⴽⴰⵔⵢⴰ ⵏⵏⴰ ⴷⵉⵙ ⵉⵍⴰ ⵜⴰⵡⵓⵔⵉ.ⵉⴷⵖⵓⴷⴰ ⵙ ⵡⴰⵀⵍⵉ ⵡⴰⵎⵓⵏ ⴰⵎⴻⴷⴳⴰⴳⴰⵔ ⴷ ⵓⵏⴻⵎⵍⴰⵍⴰⵢ .ⴰⵎⴳⴳⴰⵔⵓ ⴷⴷⴻⵖ ⴰⵢⴷ ⵉⴳⴰⵏ ⵜⴼⴰⴷⴰ ⵏ ⵜⵉⴼⴼⵓⴳⵏⴰ(L’humanité).ⵎⴰⵔ ⴰⴷ ⵢⵉⵍⵉ ⵓⵎⵎⵓⵜⵜⴻⵢ ⴷⴷⴻⵖ ⵓⵔ ⵉⴽⴽⵓⵍ ⴰⴷ ⵉⴼⴼⴻⵖ ⵓⴳⴻⵕⵡⵍ ⵉⵎⵔⵉⵔⵉ(Le seuil) ⵏ ⵜⴰⵏⴽⴽⴰⵔⵢⴰ. - ⵀⴰⵜ ⵉⴽⴽⴰ ⵡⴰⵎⵓⵏ ⵏⵏⴻⵖ ⵉⴳⴰ ⴰⵏⴻⵎⵍⴰⵍⴰⵢ ⴰⵀⴰ ⵉⵎⵎⵓⵜⵢ ⵙ ⵓⵎⴻⴷⴳⴰⴳⴰⵔ ⴳ ⵓⵣⵎⵣ ⵏ ⵓⵙⴷⴰⵔⵔⴰⵢ ⴰⴼⵕⴰⵏⵚⵉⵚ . - ⵎⴰⵏ ⵉⵎⵛ ? - ⴽⴽⴰⵏ ⵉⵢⴻⵜⵎⴰⵏ (Les tribus,les clans) ⴰⵔ ⵜⵜⴻⴳⴳⴰⵏ ⴰⵎⵓⵍⵍⴻⵢ ⵖⵉⴼ ⵉⴳⵔⴰⵏ.ⴽⵓ ⵉⵖⵚⵚ ⴷⴰ ⵉⵛⵔⵔⴻⵣ ⵉⵜⵙⵏ ⵉⴳⵔⴰⵏ ⴳ ⵢⴰⵏ ⵓⵙⴳⴳⵯⴰⵙ ⵙ ⵜⵡⵉⵣⵉ ⵉⴷⴷⴻⵖ ⴰⵔ ⵜⵜⴻⵎⵢⴰⵡⴰⵣⵏ ⵉⴼⴻⵔⴷⴰⵙ ⵏ ⵉⵖⵚⵚ ⵖⵉⴼ ⵜⵡⵓⵔⵉⵡⵉⵏ ⵡⴰⵏ ⵓⵛⵔⴰⵣ,ⴰⵙⵉⴼⵙ,ⴰⵙⴰⵡⵙⴰ,ⵜⴰⵎⴻⴳⵔⴰ,ⴷ ⵓⵔⵡⴰ ⴰⵔ ⵜⵉⴳⵉⵔⴰ ⴷⴰ ⴰⵟⵟⵓⵏ ⴰⴼⴰⵔⵉⵙ .ⵓⵔ ⵉⵍⵍⵉ ⵖⵓⵕ ⵙⴻⵏ ⴰⵥⴰⵕ ⵓⵙⵍⵉⴳ(La propriété privée) ⵏ ⵡⴰⵍⵍⴰⵍ ⵏ ⵓⴼⴰⵔⵙ(Le moyen de production) .ⵛⵛⴰⵔⵏ ⵉⴳⵔⴰⵏ ,ⵢⴰⵏ ⵓⵙⵡⵉⵔ ⵏ ⵜⵓⴷⴻⵔⵜ .ⵓⵔ ⵎⵣⴰⵔⴰⵢⵏ ⵅⴰⵙ ⴳ ⵓⴼⴰⴹⵉⵏ(Le nombre) ⵏ ⵉⵖⴼⴰⵡⵏ ⵏ ⵡⴰⵖⴰⴹⵏ ⵏⴻⵖ ⵏ ⵡⵓⵍⵍⵉ ⵏⵏⴰ ⵍⴰⵏ ⴷ ⵉⵎⵉⵜⴰⵔ ⵢⴰⴹⵏⵉⵏ ⵡⴰⵏ ⵓⵢⵢⵉⵙ,ⵓⵙⴻⵔⴷⵓⵏ,ⴷ ⵓⵖⵢⵓⵍ . - ⵀⴰⵜ ⵓⵢ-ⴰ ⴰ ⵎⵉ ⴷⴰ ⵇⵇⴰⵕⵏ ⵓⴷⵎ ⵓⴳⵢⵉⵏ(Simple) ⵏ ⵓⵏⴻⵎⵍⵓⵍⵢ. - ⵀⴰⵜ ⵙⴻⵍⵍⴰⵖ ⵉ ⵡⴰ-ⴷⴷⴰ ⵉⵏⵏⴰⵏ :”ⵎⴻⵔ ⵉⵙⵙⵉⵏ ⵓⴼⴻⵍⵣⴰⴼ ⴽⴰⵕⵍ ⵎⴰⵕⴽⵙ ⵎⴰⵢⴷ ⵉⵎⵢⴰⵔ ⵡⴰⵎⵓⵏ ⴰⵎⴰⵣⵉⵖ ⴰⴷⵢⴰⵍⵉ ⵉⵙⵙⴻⵍⴼⴳ ⵉⵜⵙⵏ ⵉⵙⵏⵏⵉⴼⵏ ⴳ ⵓⴷⵍⵉⵙ ⵏⵏⴻⵙ ⴰⴷⴰⴳⵉⵔ(Le capital). - ⵉ ⵎⴰ ⴰⵏⵉ ⵉⵎⵛ ⴰⵍⵍⴻⵢ ⵙⵙⴻⵇⵍⵓⵍⵍⵉⵏ ⵉⵢⴻⵜⵎⴰⵏ ⵏⵏⴻⵖ ⴰⵙⴰⵏⴰⴹ(Le système) ⵏⵙⴻⵏ ⴰⴷⴻⵎⵙⴰⵏ ⵙ ⵓⵎⴻⴷⴳⴰⴳⴰⵔ ? - ⵉⴷⴷⴻⵖ ⵉⵙⵙⵓⴼⵖ ⵓⵙⴷⴰⵔⵔⴰⵢ ⵢⴰⵏ ⵓⵙⴰⴹⵉⴼ(La loi) ⵜⴰⴼ ⴰⴷ ⵉⵙⴻⵔⵙ ⴰⴼⵓⵙ ⵏⵏⴻⵙ ⵖⵉⴼ ⵡⴰⵛⴰⵍ ⵉⴳⴰⵏ ⴰⵊⵎⵓ(Commun) ,ⵡⴰ-ⴷⴷⴰ ⵉⴳⴰⵏ ⵡⵉ-ⵏ ⵓⴳⴷⵓⴷ ,ⵓⵔ ⵉⴳⵉⵏ ⵡⵉ-ⵏ ⵢⴰⵏ ⵓⵡⴰⵔⵉⴽ(Personne) ⴰⵀⴰ ⴳⴳⵯⴻⴷⵏ ⴰⴷ ⴰⵙⵏ ⵜ ⵢⴰⵡⵢ ⴷⴰⵢ ⵏⵛⴻⵔⵏ ⴱⴹⵓⵏ ⵉⴳⵔⴰⵏ ⵏⵏⴰⵖ ⵉⵛⵛⴰⵔⵏ ⵖⵉⴼ ⴽⵓ ⵉⵖⵚⵚ ⵎⴰⵔ ⴰⴷ ⵜ ⵉⴱⴹⵓ ⴽⵓ ⵉⵖⵚⵚ ⵖⵉⴼ ⵉⴼⴻⵔⴷⴰⵙ ⵏⵏⴻⵙ .ⵉⴷⴷⴻⵖ ⵜⴻⵍⵍⴰ ⵜⵖⵓⵕⴰⵕⵜ(La sècheresse) ⴷ ⵓⴼⵥⵓ(La famine) ⵏⵛⴻⵔⵏ ⵉⵜⵙⵏ ⵣⵣⴻⵏⵣⴰⵏ ⵉⴳⵔⴰⵏ ⵏⵙⴻⵏ ⵉ ⵡⵉ-ⵢⵢⴰⴹ ⴰⵀⴰ ⵎⵢⴰⵍⵍⴰⵏ ⵛⵉⴳⴰⵏ ⵉⵎⴻⵣⴷⴰⵖ ⵏ ⴽⵓ ⵓⵢⴻⵜⵎⵉ ⴷⴰⵢ ⵉⴱⴰⴳ ⵓⵎⵢⴰⴳⴰⵔ ⴰⵙⴻⵔⴽⵎⴰⵏ .ⴰⵖⵓⵍⵏ ⵎⴻⴷⴷⴻⵏ ⴱⴹⴰⵏ ⴳ ⵓⵙⵡⵉⵔ ⵏ ⵜⵓⴷⴻⵔⵜ ⵉⵍⵉⵏ ⵉⵎⵟⴻⵕⵕⴻⵃⵏ ⴷ ⵉⵎⴽⵓⵛⵔⵏ(les misérables). - ⵉ ⵎⴰ ⴰⵅ ⴰⵍⵍⴻⵢ ⵓⵔ ⵙⵔⴰⵔⵏ ⵉⴳⵔⴰⵏ ⵉⵊⵎⴰⵎⴰⵢⵏ ⴽⵓⴷ ⵉⴼⴼⴻⵖ ⵓⵙⴷⴰⵔⵔⴰⵢ ⴰⴼⵕⴰⵏⵚⵉⵚ ⵜⴰⵎⴰⵣⵉⵔⵜ ? - ⵎⴰⵏ ⵉⵎⵛ ⵉⵜⵜⴻⴳⴳⴰ ⵓ-ⵏⵏⴰ ⵉⵣⵣⴻⵏⵣⴰⵏ ⵉⴳⵔ ⵏⵏⴻⵙ ⴰⴷ ⵜ ⵉⵙⵔⴰⵔ ⵣⴻⴳ ⵓⵎⵙⴰⵖ ⵏⵏⴻⵙ ?! - ⵀⴰⵜ ⵉⵍⵍⴰ ⵡⵓⴷⵎ ⴰⵏⴻⵎⵍⴰⵍⴰⵢ ⵓⴳⵢⵉⵏ ⵢⵉⵍⵉ ⴳ ⵜⴰⵎⵏⵏⵉⴷⴰ ⵏⵏⴻⵙ ⵓⴽⵔⵉⵙ.ⵓⴽⵔⵉⵙ ⵏⴻⵜⵜⴰ ⴰⵢⴷ ⵉⵜⵜⵉⵍⵉⵏ ⴼⴼⵉⵔ ⵡⴰⵎⵓⵏ ⴰⵎⴻⴷⴳⴰⴳⴰⵔ ⵉⵎⵢⴰⵡⴰⵢⵏ ⴷ ⵓⴳⴻⵕⵡⵍ ⴰⵙⵓⵏⴰⵏ ⴷ ⵓⴽⴻⵔⵢⴰⵏ .ⵀⴰⵜ ⵓⵔ ⵉⴽⴽⵓⵍ ⴰⴷ ⵉⴼⴼⴻⵖ ⵓⴳⴻⵕⵡⵍ ⵜⴰⵏⴽⴽⴰⵔⵢⴰ . - ⵎⴰⵛⴰ ⵍⵍⴰⵏ ⵉⵜⵙⵏ ⴷⴰ ⵜⵜⵉⵏⵉⵏ ⵉⵙ ⵇⴻⵏⵏⴰ ⴰⴷ ⵉⴼⴼⴻⵖ ⵜⵉⵎⵣⴳⵉⴷⴰ . - -ⴰⵙⴰⴳ ⴷⴰ ⵏⵙⴰⵡⴰⵍ ⵖⵉⴼ ⵓⴳⴻⵕⵡⵍ ⵀⴰⵜ ⴷⴰ ⵏⵜⵜⵉⵏⵉ ⴰⵙⴻⵇⵍⵓⵍⵢ ⵏ ⵡⴰⵎⵓⵏ ⵙ ⵡⴰⵎⴰⴽ ⵏ ⵓ-ⵏⵏⴰ ⵉⵍⵍⴰⵏ ⴳ ⵉⵖⴼ ⴰⴷ ⵢⵓⵖⵓⵍ ⵙ ⵓⴹⴰⵕ ⵓⵔ ⵉⴷ ⴰⵙⵎⵓⵜⵜⴻⵢ ⵏⵏⴻⵙ ⵣⴻⴳ ⵢⴰⵏ ⵡⵓⴷⵎ ⵙ ⵡⴰ-ⵢⵢⴰⴹ .ⵉⵙ ⵉ ⵜⴻⴳⵣⵉⴷ ? - ⴳⵣⵉⵖ.. - ⴰⵙⴰⵖⵉⵏ ⴰⵙⴻⵍⵎⴰⵏ ⵓⵔ ⵉⴽⴽⵉⵙ ⵉ ⵓⵡⴰⵔⵉⴽ ⴰⴷ ⵢⵉⵍⵉ ⴰⵢ-ⵏⵏⴰ ⵎⵉ ⴰⵙ ⵉⵣⴹⴰⵕ ⵓⴼⵓⵙ ⵏⵏⴻⵙ.ⵓⵔ ⴰⵙ ⵉⴽⴽⵉⵙ ⴰⴷ ⵢⵉⵍⵉ ⴰⵍⵍⴰⵍⵏ ⵏ ⵓⴼⴰⵔⵙ ⵅⴰⵙ ⵏⴻⵜⵜⴰ ⵉⴼⴽⴰ ⴰⵎⵓⵔ ⵉ ⵉⵎⴽⵓⵛⵔⵏ ⴳ ⵓⴼⴰⵔⵉⵙ ⵏ ⵉⵎⵟⴻⵕⵕⴻⵃⵏ ⵏⴻⵖ ⵉⵏⴻⴱⵖⴰⵖⴰⵕⵏ ⵜⴰⴼ ⴰⴷ ⵢⵉⵍⵉ ⵢⴰⵏ ⵓⵎⵢⴰⵙ (L’équilibre)ⴳ ⵡⴰⵎⵓⵏ ⵉⴷ ⴰⵎⵓⵏ ⴰⵏⴻⵎⵍⴰⵍⴰⵢ ⵀⴰⵜ ⵓⵔ ⵉⵍⵍⵉ ⴷⵉⵙ ⵓⵎⴽⵓⵛⵔ ⴷ ⵓⵎⵟⴻⵕⵕⴻⵃ ,ⵛⵛⴰⵔⵏ ⴰⴽⴽⵯ ⵉⴼⴻⵔⴷⴰⵙ ⵢⴰⵏ ⵓⵙⵡⵉⵔ ⵏ ⵜⵓⴷⴻⵔⵜ ⴰⵔ ⵢⴰⵏ ⵓⵜⵙⴰ(La limite) ⴰⴽⴽⵯ ⵎⴰ ⴰⵛⴽⵓ ⵉⵔⴰⴽⵉⴷⵏ ⵎⵣⴰⵔⴰⵢⵏ ⵖ ⵓⵏⵛⴽ(Selon) ⵏ ⵜⵉⵡⵓⵔⵉⵡⵉⵏ ⴰⵀⴰ ⵉⴹⵓⵍⵍⴻⵢ(Nécessaire) ⴰⴷ ⵉⵍⵉⵏ ⵉⵜⵙⵏ ⵉⴱⴹⴰⵏ ⵉⵎⵓⵏⴰⵏⵏ ⵉⴷⴷⴻⵖ ⵓⵔ ⴰⵔ ⵜⵜⴻⵔⵎⴰⵙⵏ ⵉⴼⴻⵔⴷⴰⵙ ⴰⴽⴽⵯ ⵢⴰⵏ ⵓⵔⴰⴽⵉⴷ ⵎⴰⵃⴻⴷⴷ ⵜⵉⵎⵙⵙⵓⵎⴰⵏ ⵏⵏⴰ ⵜⵜⴻⴳⴳⴰⵏ ⵓⵔ ⴰⴽⵙⵓⵍⵏⵜ. ⵓⵙⵉⵏⵜ ⵜⴻⵎⵍⴻⵍⵍⴰⵢ ⴰⵙⴰⴽⴰⵛ,ⵙⵖⵓⵢⵢⴻⵏ ⵎⴻⴷⴷⴻⵏ,ⵉⴷⴷⵓ ⵓⵙⴰⴽⴰⵛ ⵙⴰ ⴷ ⵙⴰ .ⵜⵜⴻⵔⵏ ⵎⴻⴷⴷⴻⵏ ⴰⴱⵓⵔⵣⵎ.ⵉⴱⴻⴷⴷ ⵓⵙⴰⴽⴰⵛ .ⵜⵙⴻⵏⵀⵓⵎⵎⴻⴽ ⵜⵓⴱⴷⴷⴰ ⵏⵏⴻⵙ ⵉⵖⴼⴰⵡⵏ.ⴰⵥⵏ ⵓⵍⴰⵡⵏ ⴰⴷ ⴼⴻⵙⵜⵉⵏ,ⴰⵔ ⵜⵜⵓⵕⴻⵕⵕⵓⵢⵏⵜ ⵡⴰⵍⵍⴻⵏ.ⵙⵙⵉⴳⴳⴰⵏ ⵉⵜⵙⵏ ⵜⴰⴼ ⴰⴷ ⵉⵙⵉⵏ ⵎⴰⵢⴷ ⵢⴰⵖⵏ .ⵉⵙⴰⵡⵍ ⵓⵎⴻⵃⵔⴰⵢ : -ⵉⵔⵖⵓⴷⴰⵡⵏ ⵕⴻⴱⴱⵉ ⴰⵍⵍⴻⵢ ⵜⵕⴰⵃⵎ. ⵉⵙⴰⵡⵍ ⵓⵎⵉⵡⵙ ⵏⵏⴻⵙ : -ⵎⵔⵉⴷⴷⵉ ⵓⵏⵥⴰⵥ ⵏ ⵓⵎⴻⵃⵔⴰⵢ ⴰⴷ ⵉⴳ ⵓⵙⴰⴽⴰⵛ ⵉⵙⴻⴱⴷⵔ ⴰⵖ ⵉⵜⵜⴰⵙⵉⵏ ⵙ ⵉⵙⴻⵎⴹⴰⵍ . ⵉⵡⵊⵊⴻⵖ ⵢⴰⵏ ⵓⵄⵔⵔⵉⵎ : -ⵎⴰ ⴰⵢ ⴷ ⵜ ⵢⴰⵖⵏ ⴰⵍⵍⴻⵢ ⵉⵎⵍⴰⵍⵍⴻⵢ ⵉⵙ ⵉⵙⵡⴰ ⴰⵙⴰⴹⵔⵏ ? ⵉⵙⵅⵓⵣⵣⴻⵔ ⴳⵉⵙ ⵓⵎⵉⵡⵙ : -ⵓⵀⵓ ⵉⵛⵎⴰ ⵛⵉⴳⴰⵏ ⵏ ⵓⵡⵔⴰⵙⵏ ⴰⵎⵎ ⴰⵢ-ⵏⵏⴰ ⴷⴰ ⵜⵛⴻⵎⵎⵉⴷ . ⵉⴱⴻⴷⴷ ⵢⴰⵏ ⵓⵄⵔⵔⵉⵎ : -ⵉⵙ ⴰⵙ ⵉⴱⴱⴻⵢ ⵓⵙⴰⵡⵖ (ⵎⴰ ⵙ ⵉⵜⵜⴻⴱⴷⴰⴷ ⵡⴰⵍⵍⴰⵍ ⵏ ⵓⵖⵙⴰⵢ ⴰⵎⵎ ⵓⵙⴰⴽⴰⵛ)? -ⵢⴰⵏ ⵓⵎⴽⴽⴰⵍⵓ ⴰⵢⴷ ⵓⵔ ⵉⵔⵉⵏ ⴰⴷ ⵉⴼⴼⴻⵖ ⴰⴱⵔⵉⴷ .ⵅⴰⵙ ⴰⴷ ⵓⵔ ⵜⵎⴻⵔⵔⵉⵎ ⵜⵉⴼⵉⴷⵉ . ⵜⵡⴻⵊⵊⴻⵖ ⵢⴰⵜ ⵜⵄⴻⵔⵔⵉⵎⵜ : -ⵓⵔ ⵏⴻⵏⵏⵉ ⴰⴷ ⵏⴰⵡⴹ ⴰⵔⴷ ⵏⴻⵙⵄⵓⵇⵇⴻⵢ ⵓⵍⴰⵡⵏ ⵏⵏⴻⵖ .. ⵎⵢⴰⴱⴱⴰⵢⵏⵜ ⵜⴻⵎⵊⵉⵡⵉⵏ : -ⴰ ⵕⴻⴱⴱⵉ ⴰⴱⵓⵔⵣⵎ . ⵉⵃⵔⵉ-ⴷ ⵓⵎⵣⴰⵣ ⵏ ⵡⴰⴹⵓ ⵜⵓⵇⵍⴰⵜⵉⵏ ⵏ ⵡⴰⵢⵢⵓⵔ ⴰⵣⴳⴳⵯⴰⵖ,ⵓⵔ ⴳⵉⵖ ⵅⴰⵙ ⵉⵡⴷ ,ⵜⵉⵎⵉⴳⵊⵜ.ⵙⴻⵍⵍⴰⵡⵏ ⵡⵓⵍⴰⵡⵏ .ⵉⴽⵊⵎ ⵓⵡⵔⴰⵙⵏ ⵜⵉⵢⴻⵏⵣⴰⵔ ⴰⵀⴰ ⵉⴼⴼⴻⵖ ⵉⵇⴻⵎⴰ .ⵉⵏⵢⴰⵎⴰ ⵓⵛⴱⵓ ⵏ ⵜⴻⵎⵖⴰⵕⵜ .ⴰⴹⵓ ⵏⵏⴰ ⵜⴻⴽⴽⴰ ⵜⴻⵎⵢⴰⵔ ⵓⵔ ⵉⵎⵙⴰⵙⴰ ⴷ ⵡⴰⴳⴳⵯⵓ ⵏ ⵓⵡⵔⴰⵙⵏ ⴷ ⵜⴷⴰⵀⴷⴰ ⵏ “ⵍⴽⵉⴼ”.ⵉⵜⵙⵏ ⵉⵄⵔⵔⵉⵎⵏ ⴳ ⵉⵙⴳⴳⵓⵡⴰⵔ ⵉⵎⴳⴳⵓⵔⴰ ⴰⵔ ⵜⵜⴻⵎⵎⴻⴼⵛⴰⵏ ⵜⵉⴳⵎⵉⵎⵉⵏ ⵏ ⵓⵙⴰⴹⵔⵏ ⴰⵣⴳⴳⵯⴰⵖ.ⴰⵔ ⵜⵜⴻⵍⵍⵉⵏ ⵙ ⵉⵖⴼⴰⵡⵏ ,ⴰⵔ ⵜⵜⴰⵍⵙⵏ ⵉ ⵜⵓⵇⵍⴰⵜⵉⵏ.ⵉⵎⵎⴻⵛⵜⵢ ⵓⵙⴰⴽⴰⵛ ,ⴰⵔ ⵉⵜⵜⴻⵎⵎⴻⵃⵓⴼ ⴰⴷ ⵉⵙⵔⴰⵔ ⴰⵖⵓⵔⴷ ⵏⵏⴻⵙ.ⵉⵛⵜⵢ ⵓⵙⵎⵓⵏ ⵉⴼⵉⵍⵉ ⵏ ⵓⵎⵙⴰⵡⴰⵍ : -ⴳ ⵓⵜⴰⵔⴰⵎ ⴰⵎⴰⵜⴰⵖ (Le parti) ⵏ ⵜⴰⵎⵓⵏⵜ ⵜⴰⵏⴻⵎⵍⴰⵍⴰⵢⵜ ⵏ ⵉⵍⴰⴽⵉⴱⵏ(Les forces) ⵓⴳⴷⵉⴷⵏ (Populaires) ⵜⴻⴳⵏⵢ (Choisir) ⴰⵙⴰⵏⴰⴹ ⴰⵏⴻⵎⵍⴰⵍⴰⵢ ⵎⴰⵛⴰ ⵙ ⵜⵓⴷⴻⵙⵜ (Proposé pour la méthode) ⵏ ⵓⵙⵉⵔⵎ .ⴰⵔ ⵉⵜⵜⵉⵏⵉ ⵓⵎⴰⵜⴰⵖ ⴷⴷⴻⵖ ⵉⵙ ⴰⵖ ⵉⵇⵇⴻⵏ ⴰⴷ ⵏⴻⵎⵔⵢ ⵉⵥⵉⵕⵉ ⴰⵏⴻⵎⵍⴰⵍⴰⵢ ⴷ ⵡⴰⵍⴰⴳ (La réalité) ⵏⵏⴻⵖ ⵎⴰⵔ ⴰⴷ ⵏⵉⵙⵉⵏ ⵉⵙ ⴰⵖ ⵉⴽⵎⴷ ⵎⵉⴷ ⵉⵀⵉ ⵉⴷ ⴳ ⵉⵎⵉⵏⴳ ⴰⵔ ⵉⵜⵜⵉⵏⵉ ⵓⵎⴰⵜⴰⵖ ⵏ ⵓⵎⵙⴰⵢ ⴰⵏⴻⵎⵍⴰⵍⴰⵢ ⵉⵙ ⵢⵓⵛⵛⴻⵍ ⴰⴷ ⵏⴻⵙⵖⵉⵍⴻⵍ(Contempler) ⴰⵙⴰⵏⴰⴹ ⴷⴷⴻⵖ ⵜⴰⴼ ⴰⴷ ⵏⵉⵙⵉ ⵉⵙ ⵉⵎⵙⴰⵙⴰ ⴷ ⵡⴰⵎⵓⵏ. -ⴰⵙⵡⵉⵏⴳⵎ ⴰⵏⴻⵎⵍⴰⵍⴰⵢ ⵉⴳⴰ ⵡⵉ-ⵏ ⵓⴼⴳⴰⵏ ⵉⵍⵍⴰⵏ ⴳ ⵉⵖⴻⵣⵡⵔ ⵉⴳⵉ ⵜ ⴰⵢ-ⵏⵏⴰ ⵉⵔⴰ ⵏⴻⵖ ⵓⵔ ⵉⵔⵉ ⵓⵔ ⵉⵏⵏⵉ ⴰⴷ ⵉⵜⵜⵓⵙⴼⴰⴷⴰ ⵙ ⵓⵙⵖⵉⵍⴻⵍ ⵡⴰⵍⴰ ⵙ ⴰⵙⵜⵜⴻⵙ ⴰⵛⴽⵓ ⵉⴳⴰ ⵜⴰⴼⴰⴷⴰ ⵏ ⵓⵙⴻⵅⵕⴻⵕ ⵏ ⵓⴼⴳⴰⵏ ,ⴰⵔ ⵉⵜⵜⴻⵙⴳⴰⵔ ⴰⴼⵓⵍⵢ , ⵜⵉⴷⴷⵓⵔⴼⴰ, ⴰⵣⵓⵅⵎⵓ,ⴷ ⵜⵉⴼⴼⵓⴳⵏⴰ ⴷ ⵜⵉⴽⴽⵓⵙⵍⴰ ⵏⵏⴻⵙ. -ⵜⴻⵖⵥⴰⵏⴷ.ⵉⵜⵜⵓⵙⵜⵜⴻⵙ ⵢⴰⴷ ⵓⵙⴰⵏⴰⴹ ⴰⵏⴻⵎⵍⴰⵍⴰⵢ ⴳ ⵜⴰⵎⵓⵏⵜ ⵜⴰⵙⵓⴼⵢⴰⵜ .ⵉⵎⵓⵔⵙ ⵍⵉⵏⵉⵏ ⴷ ⵙⵟⴰⵍⵉⵏ ⴳ ⵓⵙⴻⵔⵜⵍ ⵏ ⵓⵡⴰⵏⵉⴽ ⴰⵏⴻⵎⵍⴰⵍⴰⵢ ⴰⵎⴻⵣⵡⴰⵔⵓ ⴳ ⵉⵖⴻⵣⵡⵔ .ⵓⵔ ⵢⴰⴷ ⵉⵇⵇⵉⵎⵉ ⵎⴰⵢⴷ ⵉⵙⵖⵉⵍⵉⵍ ⵛⴰ ⵡⴰⵍⴰ ⵎⴰⵢⴷ ⵉⵜⵜⴰⵔⵎ ⵓⵔ ⵉⴱⴷⴷⵉ ⵓⵙⴰⴽⴰⵛ ⴰⵍⵍⴻⵢ ⴰⵔ ⵉⵙⵃⵉⵔⵔⵉⵢ .ⵉⵙⴰⵡⵍ ⵓⵎⴻⵃⵔⴰⵢ : -ⵖⵓⵕ ⵓⵏ ⴰⵣⴳⵏ ⵏ ⵜⴻⵎⵔⵉⵍⵜ ⵜⴰⴼ ⴰⴷ ⵜⵜⴰⵡⵖⵎ ⵉ ⵛⴰ . ⵉⵍⵍⵉⴼ ⵏ ⵓⵛⴰⵏⵉⴼ ⴰⵔ ⵉⵜⵜⴰⵏⴼ ⵜⵎⵉⴳⴳⴰ ⵏ ⵓⵅⴰⴷⵉⵍ ,ⴰⵔ ⵉⵕⴻⵥⵥⴻⵎ ⵉ ⵉⵍⴷⴷⴰⵢⵏ.ⵉⵙⴰⵡⵍ ⵢⴰⵏ ⵉ ⵡⴰ-ⵢⵢⴰⴹ : -ⵀⴰⵜ ⵓⵔ ⵉⴱⴷⴷⵉ ⴷⵉ ⴰⵍⵍⴻⵢ ⴷⴰ ⴰⵙ ⵢⴰⴽⴽⴰ ⴱⴰⴱ ⵏ ⵜⵏⴻⵃⵃⴰⵎⵙⴰ ⵜⴰⵟⵟⴰⵊⵉⵏⵜ ⵏⵏⴻⵙ ⵙ ⵓⴱⵏⵏⴰⵏ .. ⵛⴰ ⵉⴳⴳⴻⵣ ,ⵛⴰ ⵉⵇⵇⵉⵎⴰ ⵉⴷⴷⴻⵖ ⵉⴳⴳⵯⴻⴷ ⴰⴷ ⴰⵙ ⵢⴰⵡⵢ ⵛⴰ ⴰⵡⵍⴽ ⵏⵏⴻⵙ.ⵓⵍⵉⵏ ⵙⵉⵏ ⵉⵄⵔⵔⵉⵎⵏ ⵎⵉ ⵖⵣⵣⵉⴼⵏⵜ ⵜⵎⵉⵔⴰ .ⴰⵔ ⵙⵙⴰⵔⴰⵏ ⵖⵉⴼ ⵉⵙⴳⴳⵉⵡⴰⵔ ⵢⵓⵔⴰⵏ .ⵓⵔ ⵢⴰⴷ ⵓⴼⵉⵏ ⵅⴰⵙ ⵉⵎⴳⴳⵓⵔⴰ.ⵖⴻⵊⴷⵎⵏ ⵎⴻⵇⵇⴰⵕ ⵓⵔ ⵃⵎⵉⵍⵏ ⴰⴷ ⵛⴹⵓⵏ ⵉⵍⵍⵉⴼ ⵏ ⵓⴳⵉⵕⵕⵓ .ⵉⵙⴰⵡⵍ ⵢⴰⵏ : -ⴰ ⵕⴻⴱⴱⵉ ⴰⴱⵓⵔⵣⵎ . -ⵓⵔ ⵢⴰⴷ ⵉⵇⵇⵉⵎⵉ ⵎⴰⵢⴷ ⵏⵛⵛⵓⵔ ⴷ ⵎⴻⴷⴷⴻⵏ ⵉⴷⴷⴻⵅ. -ⵎⴰ ⴰⵢ ⴷ ⵏⵔⴰ ⴰⴷ ⵏⴻⵙⴽⵔ ?ⵏⴳⴰⵔⴰⵏ ⴱⴻⵣⵣⴰⴼ ⴷ ⵓⴱⵔⵉⴷ ⵏ ⵕⴻⴱⴱⵉ. -ⴰⴷ ⵜⴻⵏ ⵉⵏⴷⵀ ⵕⴻⴱⴱⵉ,ⵏⴻⵜⵜⴰ ⴰⵢⴷ ⴰⵙⵏ ⵉⵖⵉⵢ .ⵢⵓⴼ ⵉⵙ ⵉⴱⵓⴽⴹ ⵛⴰ ⵡⴰⵍⴰ ⴷⴰ ⵉⵜⵜⵉⵏⵏⵉⵢ ⵜⵓⵅⵅⵓⵜ ⴰⵀⴰ ⵉⵛⴹⵓ ⵜⵓⵊⵊ°ⵓⵜ.. -ⵜⵜⴻⵔ ⵉ ⵕⴻⴱⴱⵉ ⴰⴷ ⴰⵖ ⵢⴰⵡⵙ ⴰⴷ ⵏⴻⵙⴼⴹ ⵜⵉⵎⵉⵜⴰⵔ ⵏ ⵜⵓⵅⵅⵓⵜ ⴷ ⵜⵓⵊⵊ°ⵓⵜ. -ⵀⴰ-ⵢⵢⴰⵖ ⵖⵓⵕ ⵕⴻⴱⴱⵉ ⵀⴰⵜⵉⵏ ⴷⴰ ⵉⵙⴻⴽⵙⵉⵡ . -ⵎⵔⵉⴷ ⵉⵙ ⵏⴳⴳⵓⴷⵢ ⴰⴷ ⵏⴰⵖ ⵖⵉⴼ ⵙⴻⵏ ⵙ ⵡⴰⵛⵛⴰⴷ ⴰⵔⴷ ⴰⵖⵓⵍⵏ ⵉⵖⴼⴰⵡⵏ ⵏⵙⴻⵏ . -ⴰⴷⴷⴰⵢ ⵏⴻⴷⵔⵓⵙ ⵢⵓⴼ ⵉⵙ ⵏⴼⴻⵙⵜⴰ ⴰⵔⴷ ⵏⴰⴼ ⵎⴰ ⵙ ⵏⵙⴰⵡⵍ .ⴰⴼⵓⵙ ⵏ ⵡⵓⵣⵣⴰⵍ ⵓⵔ ⵜ ⵏⵍⵉ.ⵓⵔ ⵏⵍⵉ ⵅⴰⵙ ⵉⵎⵉ ⵉⵎⵉ ⵓⵔ ⵉⵙⵓⴼⵉⵔ ⵉ ⵓⵎⵢⴰ ⴰⵛⴽⵓ ⵡⵉ-ⴷⴷⴻⵖ ⵓⵔ ⵍⵉⵏ ⵉⵎⵊⵊⴰⵏ ⵉⵙⵙⴻⴼⵍⵉⴷⵏ ⵓⵔ ⵉⴳⵉ ⵡⵉ-ⵏⵙⴻⵏ ⵅⴰⵙ ⴰⴷ ⵉⵙⵙⴻⴱⴹⵢ ⵛⴰ ⵓⵍⴰⵡⵏ ⵏⵙⴻⵏ ⵜⴰⴼ ⴰⴷ ⵉⵙⵉⵏ ⵉⵙ ⵉⵍⵍⴰ ⵕⴻⴱⴱⵉ ⵏⵏⵉⴳ ⴰⵙⵏ..ⴰⵔ ⵛⴻⵎⵎⵉⵏ ⴰⵙⵍ ⵏ ⵓⵙⴻⴷⵀⴰ,ⴰⵔ ⵙⴷⵓⵀⴷⵓⵏ ⵉⵖⴼⴰⵡⵏ ⵏⵙⴻⵏ ⴰⵙⵍ ⵏ ⵓⵃⵔⵓⴽⴷ.ⵡⵉ-ⴷⴷⴻⵖ ⵓⵔ ⵢⴰⴷ ⵙⵙⵉⵏ ⵉⵡⵜⵜⴰ ⵏ ⵕⴻⴱⴱⵉ.ⵓⵔ ⴽⵍⴰⵍⵏ ⵅⴰⵙ ⴰⴷ ⵜⴻⵏ ⵉⵛⵔⴼ ⵛⴰ ⵉⵇⵇⴻⵏ ⴰⵙⵏ ⵉⵎⴰⵡⵏ ⵙ ⵓⵙⵖⴻⵏⵎⵉ ⴰⵀⴰ ⵉⴽⴽⵯⴻⵢ ⵜⴻⵏ ⴰⵎⵎⴰⵙ ⵏ ⵉⵃⵎⵓⴷⵊⴰ ⴰⵔⴷ ⴽⴻⵎⴹⵏ . -ⴼⴻⵙⵜ ⴰⴷ ⵓⵔ ⴰⵛ ⵉⵙⵉⵍⵏ ⴰⵀⴰ ⵇⵇⴻⵏ ⴰⵖ ⵉⵎⴰⵡⵏ ⵙ ⵉⴹⴻⵎⵚⴰⵏ. -ⵓⵔ ⵜⴳⴳⵯⵉⴷ ⵉ ⵓⵎⵢⴰ ⵀⴰⵜ ⵓⵔ ⴰⵙⵏ ⵉⵎⵙⵉⴷ ⵅⴰⵙ ⵉⵎⵉ ⵉⴷ ⵉⵖⵉⵍ ⵀⴰⵜ ⵓⵔ ⵜ ⵍⵉⵏ.ⵍⴳⴳⵯⴰⵖⵏ ⴰⵍⵍⴻⵢ ⴳⴰⵏ ⴰⵎⵎ ⵜⵍⴻⵅⵛⴰ .ⵓⵔ ⵜⴻⵏ ⵜⵓⴷⵊⵉ ⵜⴷⴰⵀⴷⴰ ⴰⴷ ⴱⴷⴷⵉⵏ ⵖⵉⴼ ⵉⴹⴰⵕⵏ ⵏⵙⴻⵏ. ⴳⴳⵓⴼⵉⵏⵜ ⵙⵏⴰⵜ ⵜⵄⴻⵔⵔⵉⵎⵉⵏ,ⵕⴻⵥⵎⵏⵜ ⵉ ⵓⵄⴻⵕⴹⵓⴹ ⵏⵏⵉⴳ ⵉⵖⴰⵕⵉⵡⵏ ⵏⵙⴻⵏⵜ,ⵖⵎⴰⵏⵜ ⴰⵏⵛⵓⵛⵏ ⵏⵙⴻⵏⵜ ,ⵍⵙⴰⵏⵜ ⴰⴽⴻⵔⴱⴰⵢ ⵉⵙⴻⵍⵖⵏ ⴳ ⵉⵍⵎⴰⵡⵏ ⵏⵙⴻⵏⵜ .ⵜⴰⵍⵍⴻⵏⵉⵏ ⵏⵙⴻⵏⵜ ⴰⵔ ⵜⵜⵓⵕⴻⵕⵕⵓⵢⵏⵜ ,ⴰⵔ ⵙⵙⴰⵔⴰⵏⵜ ⵖⵉⴼ ⵓⵙⴳⴳⴰⵡⵔ ⵢⵓⵔⴰⵏ .ⴰⵛⴱⴰⴱⵏ ⵏⵙⴻⵏⵜ ⵖⵎⴰⵏⵜ ⵙ ⵓⵎⴰⵍⵉⴹ ⵉⴳⴰⵏ ⵡⴰⵏ ⵜⴰⵥⵓⵍⵜ.ⴰⵔ ⵜⴻⵏ ⵙⴻⴽⵙⵉⵡⵏ ⵉⴷ ⴱⴰⴱ ⵏ ⵜⵎⵉⵔⴰ ⵣⵉ ⴷⴷⴰⵡ ⵡⴰⵍⵍⴻⵏ.ⵉⵣⵎⵓⵎⵎⴻⵢ ⴰⵙⵏⵜ ⵢⴰⵏ ⵓⵄⵔⵔⵉⵎ : -ⵀⴰ ⴰⵣⴰⵇⵉⵎ ⵢⵓⵔⴰⵏ . ⵜⴻⵙⴼⵉⵔⵏⴻⵏ ⵢⴰⵜ ⴷⵉⴳ ⵙⴻⵏⵜ : -ⴰⵢⵢⵓⵣ ⵏⵏⴻⵛ ⵎⴰⵛⴰ ⵓⵔ ⵏⵔⵉ ⴰⴷ ⵏⴻⴱⴹⵓ. -ⵅⴰⵙ ⴰⴷⴷⵓⵎⵜ ⴰⴷ ⴰⵡⵏⵜ ⴼⴼⴻⵖ ⴰⴹⵖⴰⵕ. -ⴰⵛ ⵉⵙⴱⵓⵔⵣ ⵕⴻⴱⴱⵉ ⴰ ⴳⵎⴰ ⵏⵓ . ⴷⵔⵓⵖ ⴰⵢⴷ ⵉⵡⵊⵊⴻⵖ ⵢⴰⵏ ⴱⵓ ⵜⴰⵎⴰⵔⵜ :”ⵎⴰ ⴰⴷⴷⴰⵢ-ⵏ ⵜⴻⵙⵙⴻⵏⵎⵜ ⵕⴻⴱⴱⵉ ⴰ ⵜⵉⵔⴱⴰⵜⵉⵏ ⵏ ⵓⵀⵔⴰⴽⵜⴰⵙ(Le Satan) ?”ⵉⵍⵎⵥ ⴰⵡⴰⵍ ⵏⵏⴻⵙ ⵙ ⵓⴱⴻⵢⵜⵍ.ⵓⵔ ⵢⴰⴷ ⵢⵓⴼⵉ ⵎⴰⵢⴷ ⵉⵏⵏⴰ .ⵜⵉⵡⴹ ⵜⵓⵇⵍⴰⵜⵉⵏ ⵏ ⵜⵄⴻⵔⵔⵉⵎⵉⵏ ⵉⵎⵊⵊⴰⵏ ⵏⵏⴻⵙ ⵏⵏⴰ ⵓⵔ ⵢⵓⴼⵉ ⴰⴷ ⵜⴻⵏ ⵉⵇⵇⴻⵏ : -ⵅⴰⵙ ⴰⴷ ⵜⵜⵉⵙⵉⵏⴷ ⵎⴰⵏ ⵉⵎⵛ ⴰⵙ ⵜⵜⴻⴳⴳⴰⴷ ⴰⴷ ⴰⵙ ⵜⵙⵓⵙⵙⴻⴷ ⵜⵉⴽⵛⵛⵉⵜ ⵏⵏⴻⵙ.ⴳⴰⵏ ⴰⵎⵎ ⵉⵙ ⵓⵔ ⴷⵊⵉⵏ ⴰⵏⵏⴰⵢⵏ ⵜⵉⵡⵜⵎⵉⵏ.ⵢⴰⵖ ⵖⵉⴼ ⵉ ⴰⵎⵎ ⵓⵎⵓⴷⴰⵔ ⵏⵏⴰ ⵢⴰⵖ ⵍⴰⵥ ⴷⵔⵓⵖ ⴰⵢⴷ ⵢⵓⵅⵎ(Mordre) ⵜⴰⴱⴱⵓⵛⵜ ⵉⵏⵓ ⵎⵔⵉⴷ ⵉⵙ ⴰⵙ ⵔⴻⵡⵍⵖ.ⵎⴰ ⴰⵢ ⴷ ⴰⵎ ⵜⵜⵉⵏⵉⵖ ?ⵓⵔ ⴰⵙ ⵓⴷⵊⵉⵖ ⵎⴰⵢⴷ ⵉⵜⵜⵉⵏⵉ.ⵉⵙⵙⵓⵎⵎ ⵜⵉⴷⵉ ⵉⵏⵓ .ⵉⵙⵢⴰⵔ ⵜⴰⴹⴹⴻⵖⵕⵜ ⵏⵏⴻⵙ ⴳ ⵜⴽⴻⵛⵛⵉⵜ ⵉⵏⵓ .ⵎⴻⵔ ⵇⵇⵉⵎⵉⵖ ⴷⴰ ⵜⵜⴻⵇⵇⴻⵍⵖ ⵙ ⵓⵎⴻⵔⵛⴰⵍ ⵏ ⵓⴽⵓⵛⵔ ⵓⵔ ⵏⵏⵉⵖ ⴰⴷ ⵍⵙⴻⵖ ⵅⴰⵙ ⵉⵀⴻⴷⵔⵓⵔⵓⵛⵏ .ⵎⴰ ⴰⵢⴷ ⵖⵓⵕ ⵓⵄⵔⵔⵉⵎ ⵏⵏⴻⵖ ⴰⴷ ⴰⵖ ⵜ ⵉⴼⴽ ?ⵉⴽⴽⵯⴰⵔ ⵓⵛⴰⴽⵓⵛ ⵏⵏⴻⵙ ⵙ ⵜⵉⵅⵅⵓⵛⵉⵏ ⴰⵀⴰ ⵓⵔ ⵢⵓⴼⵉ ⵎⴰ ⵙ ⵜ ⵉⵔⵙⵎ. -ⵉⴷ ⴽⵓ ⵡⵓⴷⵓⵛ ⵙ ⵓⵜⵉⴳ ⵏⵏⴻⵙ ? -ⵓⴽⵓⵙ ⵏ ⵜⴰⵢⴷⵊⵉ ⵙ ⵓⵜⵉⴳ ⵏⵏⴻⵙ ,ⴽⵓ ⵜⴰⵎⵊⴰ ⵏ ⵓⵖⴻⴷⵊⴰⵊ ⵙ ⵓⵜⵉⴳ ⵏⵏⴻⵙ .ⵉⵙ ⵉ ⵜⴻⴳⵣⵉⴷ ? ⵜⴻⵍⵍⴻⵢ ⵜⴻⵙⵎⵓⵏⵜ ⵏⵏⴻⵙ ⵙ ⵉⵖⴼ ⵏⵏⴻⵙ : ⵙⵏⴻⵄⴷ ⵉ ⴰⴱⵔⵉⴷ ⴰⴷ ⴰⵔⵎⵖ ⵉⵖⴼ ⵉⵏⵓ . - ⴰⵙⴰⴳ ⴰⵖⵓⵍⵖ ⴰ ⵛⴻⵎ ⴳⵔⵓⵖ ⵜⴰⴼ ⴰⴷ ⵏⵎⵓⵏ.ⵓⵔ ⵜⴻⵏⵏⵉⴷ ⴰ ⵛⴻⵎ ⵜⴻⴳⵕⴰⵥ.ⴰⵔ ⵎⴰⵏ ⵜⵓⵔ ⵉⵜⵜⴻⵇⵇⴻⵍ ⵛⴰ ?ⴰⵔⵛⴰⵍ ⴰⵔ ⵉⵜⵜⴻⴷⵔⵓⵙ,ⴰⵡⵜⴰⵢ ⴰⵔ ⵉⵣⵔⵔⴻⵢ,ⴰⴼⵓⵙ ⴰⵔ ⵉⵜⵜⴻⴳⵣⵓⵍ ,ⵜⵉⵟ ⵜⵏⵏⴰⵔⵣ ⵛⵉⴳⴰⵏ,ⵉⴷ ⴰⴷ ⵏⴻⴽⴽ ⴷⴷⴰⵡ ⵡⴰⵛⴰⵍ ⵏⵙⵓⵍ ⵏⴳⴰ ⵜⵉⵄⵔⵔⵉⵎⵉⵏ? . ⵢⴰⵥ ⴱⵓ ⵜⴰⵎⴰⵔⵜ ⴰⴷ ⵉⵡⵊⵊⴻⵖ ,ⵉⵎⵉⵇ ⵢⴰⵖⵓⵍ ⵉⵖⴼ ⵏⵏⴻⵙ,ⵜⴻⵏⵏⴰ ⴰⵙ ⵜⵡⴻⵏⴳⵉⵎⵜ ⵏⵏⴻⵙ ⴰⴷ ⵉⴳⴳⴻⵣ,ⴰⴷ ⵓⵔ ⵢⴰⴷ ⵉⴳⴳⴰⴷⵊ ⵎⴰⵛⴰ ⵉⵇⵇⴻⵏ ⵜ ⵓⵡⴰⴷⵉⵙ ⵏⵏⴻⵙ.ⵓⵔ ⵉⴽⴽⵓⵍ ⴰⴷ ⵉⴳⴳⴰⴷⵊ ⵎⴻⵇⵇⴰⵕ ⴷⴰ ⵜⵜⴻⵏⵣⴰⵍⵏ ⵉⵡⴰⵍⵉⵡⵏ ⴰⵎⵎ ⵡⵉ-ⴷⴷⴻⵖ ⵉⵣⴻⵏⵣⵉⴼⵏ ⵏⵏⴻⵙ.ⵉⵙⴷⵔ ⵉⵖⴼ,ⵉⵟⵟⴰⴼ ⵜ ⵙ ⵜⴷⵓⵃⴰⵍⵉⵏ ⵏⵏⴻⵙ,ⵢⵓⵙⵙⴰ ⵜ ⵎⵙⴻⵇⵇⴻⵎ ⵎⴰⵔ ⴰⴷ ⵓⵔ ⵜ ⵉⵜⵜⴰⵡⴹ ⵡⴰⵡⴰⵍ ⵎⴰⵛⴰ ⵎⴻⵛ ⵉⵇⵇⴻⵏ ⵉⵎⵊⵊⴰⵏ ⵓⵔ ⵉⵣⵎⵉⵔ ⴰⴷ ⵉⵇⵇⴻⵏ ⵜⵉⵢⵏⵣⴰⵔ.ⴰⴹⵓ ⵏ ⵜⴷⴰⵀⴷⴰ ⵉⴽⵛⵎ ⴰⵛⴱⵓ ⵏⵏⴻⵙ .ⵢⴰⵥ ⴰⴷ ⵉⴱⴱⴻⴹⵢ .ⵢⴰⵏⵏⴰⵢ ⵜ ⵓⵙⵎⵓⵏ ⵏⵏⴻⵙ ⵉⵙⵙⵉⴳⴳⴰⵏ ⵉⵖⴼ ⵉ ⴱⴻⵕⵕⴰ ⵏ ⵓⵙⴰⴽⴰⵛ ⴰⵀⴰ ⵉⵙⴽⵏ ⴰⵙ ⴰⴷ ⵉⵣⵣⴻⵢⴰ ⴰⵀⴰ ⵉⵛⵜⵎ ⵉⵍⵙ ⵏⵏⴻⵙ.ⵓⵔ ⵉⵎⵎⴻⵛⵜⵉⵢ ⵓⵙⴰⴽⴰⵛ ⴰⵍⵍⴻⵢ ⵏⵎⴰⵍⴰⵏ ⵉⵜⵙⵏ ⵡⵓⵍⴰⵡⵏ ⴰⴷ ⴰⵖⵉⵏ,ⵉⵃⴻⵏⴽⵔⵓⵔⵢ ,ⵉⴽⴽⵯⴻⵢ ⵢⴰⵜ ⵜⵓⴽⵯⵉⵢⵜ ⵏ ⵡⴰⴳⴳⵯⵓ ⴰⵎⵎ ⵉⵙ ⴷⴰ ⵉⵛⵎⵎⴻⵢ ⴰⵡⴷ ⵏⴻⵜⵜⴰ .ⵉⵡⵊⵊⴻⵖ ⵓⵎⵉⵡⵙ ⵙ ⵜⵎⵉⵊⴰ ⵏⵏⴻⵙ ⵜⴰⴳⵓⵔⵣⵉⵣⵜ : -ⴰⵍⵢⴰⵜ ,ⵉⵔⴰ ⵓⵙⴰⴽⴰⵛ ⴰⴷ ⵉⴷⴷⵓ . ⵓⵍⵉⵏ ⵉⴷ ⴱⴰⴱ ⵏ ⵓⵙⴳⴳⴰⵡⵔ ,ⴽⵓ ⵢⴰⵏ ⵉⵟⵟⴰⴼ ⴰⵏⵙⴰ ⵏⵏⴻⵙ.ⵉⵇⵇⵉⵎ ⵢⴰⵏ ⵢⵓⵔⴰ.ⵉⵡⵊⵊⴻⵖ ⵓⵎⵉⴷⵙ ⵏⵏⴻⵙ : -ⵀⴰⵏ ⵢⴰⵏ ⵓⵔ ⵜⴰ ⴷ ⵉⴷⴷⵉ . ⵉⵔⵓⵔⴰ ⴰⵙ ⵓⵎⵉⵡⵙ : -ⵉⵙ ⴰⵙ ⵏⵏⵉⵖ ⴷⴷⵓ ⴰⵛⴽ. ⴽⵓⴷ ⵉⵜⵜⴻⵏⵃⵓⵎⴻⵛⵛⵓⵢ ⵓⵙⴰⴽⴰⵛ ⵉⵜⵜⴻⵡⴻⵊⵊⴰⵖ ⵓⵎⵉⴷⵙ : -ⵇⵇⴻⵍ ⴰ ⴰⵎⴻⵃⵔⴰⵢ ⵀⴰⵜ ⵉⵙⵓⵍ ⵢⴰⵏ ⵓⵔ ⵜⴰ ⵢⵓⵍⵉ . ⵉⵍⵍⴻⵢ ⵓⵎⴻⵃⵔⴰⵢ ⵙ ⵓⴳⴰⵢⵢⵓ ⵏⵏⴻⵙ,ⵉⵙⵓⵇⵔⴼ : -ⵓ-ⵏⵏⴰ ⵉⵣⵔⵢ ⵓⵙⴰⴽⴰⵛ ⵉⵛⴱⴱⴻⵔ ⴳ ⵓⵎⴻⵥⵕⴰⵕ. ⵓⵔ ⵜⴰ ⵉⵙⵎⵉⴷ ⵓⵎⴻⵃⵔⴰⵢ ⴰⵡⴰⵍ ⵏⵏⴻⵙ ⴰⵍⵍⴻⵢ ⵉⴳⴳⵓⴼⵢ ⵢⴰⵏ ⵓⵔⴳⴰⵣ ⴰⵔ ⵉⵙⴰⵍⴽⴰ .ⵉⵙⴰⵡⴰⵍ ⴰⵙ ⵓⵎⵉⵡⵙ : -ⵉⵙ ⵜⴳⵉⴷ ⴰⴹⴻⵕⴹⵓⵕ ⴰⵍⵍⴻⵢ ⵓⵔ ⵜⵙⴻⵍⵍⴰⴷ ⵉ ⵓⵊⴰⵀⵊⴰⵢ ⵏ ⵓⵙⴰⴽⴰⵛ ⴷ ⵜⵖⵓⵕⵉ ⵏⵏⴻⵙ ? ⵓⵔ ⴰⵙ ⵉⵔⵓⵔⵉ,ⵉⵙⴰⵡⵍ ⴰⵙ ⵓⵙⵎⵓⵏ ⵏⵏⴻⵙ : -ⴷⵔⵓⵖ ⴰⵢⴷ ⵉⴷⴷⴰ ⵓⵙⴰⴽⴰⵛ ⵎⵔⵉⴷⴷⵉ ⵛⴰ ⵏ ⵛⵡⵉ ⴰⴷ ⵜⵇⵇⵉⵎⴷ ⴷⵉ . ⵉⴼⴻⵙⵜ ,ⴰⵔ ⵉⵙⴰⵍⴽⴰ.ⵢⴰⵥ ⵡⵓⵍ ⵏⵏⴻⵙ ⴰⴷ ⵉⴼⴼⴻⵖ ⴰⵛⴱⵓ ⵏⵏⴻⵙ ⵙ ⵉⵖⵏⴰⵏ ⴰⵙ.ⵉⵙⵔⵔⴰ ⵓⵙⴰⴽⴰ..ⵓⵔ ⵉⴼⴼⵉⵔ ⵓⵖⵊⴰⴼ ⵜⵉⵎⵉⵜⴰⵔ ⵏⵏⴻⵙ ⴳ ⵓⴷⵎⴰⵡⵏ .ⵜⵓⵇⵍⴰⵜⵉⵏ ⵏ ⵎⴻⴷⴷⴻⵏ ⵏ ⵓⵖⵉⵡⴰⵏ ⴰⵔ ⵙⵙⴻⵎⴷⵓⴷⵓⵢⵏⵜ ⵉⵄⵔⵔⵉⵎⵏ ⵉⵙⵏⵓⵏⵏⵉⵢⵏ ⵙ ⵜⴷⴰⵀⴷⴰ ⵏ ‘ⵍⴽⵉⴼ”.ⴼⴼⵉⵔ ⴰⵙⵏⵜ ⴰⵖⵏⵜ ⵜⵓⵇⵍⴰⵜⵉⵏ ⵏ ⵜⵙⵓⵜⴰ ⵏ ⵉⵊⵉⵍⴰⵍⵏ ,ⵉⵥⴻⵏⵥⴰⵕⵏ,ⵓⵙⵎⴰⵏ ,ⵜⴰⴳⴰⴷⴷⴰ,ⵉⵎⵛⴰⵀⴱⵏ.,ⴷ ⵉⵎⴰⵣⵉⵖⵏ ⵏ ⵓⵜⵍⴰⵙ ⴷ ⵜⵉ-ⵢⵢⴰⴹ .ⴰⵔ ⵜⵜⴻⵍⵍⵉⵏ ⵉⵖⴼⴰⵡⵏ,ⴰⵔ ⵜⵜⵉⵔⵉⵔⵏ ⵉⵜⵙⵏ ⵍⵓⵎⵏ ⴳ ⵓⵙⴳⴳⴰⵡⵔ ⴰⵎⴻⴳⴳⴰⵔⵓ.ⴰⴳⴳⵓ ⵉⴳⴰ ⵉⵄⴻⵔⴱⴰⴱ ⵏⵏⵉⴳ ⵏ ⵉⵖⴼⴰⵡⵏ ⵏ ⵉⵜⵙⵏ.ⴰⵎⴻⵃⵔⴰⵢ ⴰⵔ ⵉⵣⵣⵔⵓⵢ ⵜⵉⴳⵯⵎⵉⵎⵉⵏ ⵏ ⵡⴰⵜⴰⵢ ⵙ ⵡⴰⴳⴳⵓ ⴰⴱⵅⵅⴰⵏ.ⵉⵖⴻⵊⴷⵎ ⵜⴰⵎⴰ ⵏⵏⴻⵙ ⵓⵎⵉⵡⵙ ⵏⵏⴻⵙ ,ⵢⵓⵎⵥ ⴰⵖⴰⵏⵉⴱ ⴷ ⵢⴰⵜ ⵜⴰⵍⵓⴳⵜ ,ⴳⴻⵔ ⵉⴹⵓⴹⴰⵏ ⵏⵏⴻⵙ ⵢⵓⵎⵥ ⵜⵉⵜⵛⴰⵔ ⵏ ⵉⴷⵔⵉⵎⵏ.ⵉⵙⴰⵡⵍ ⵓⵎⴻⵃⵔⴰⵢ : -ⵡⴰⵍⵓ ⵎⴰⵢⴷ ⴰⵛ ⵏⵏⵉⵖ ⵅⴰⵙ ⵔⵉⵖ ⴰⴷ ⵙⴰⵡⵍⵖ ⵓⵔ ⵜⴰ ⵉⴱⴱⴻⴹⵉ ⵡⵓⵍ.ⵎⴻⵔ ⵓⴼⵉⵖ ⵎⴰⵢⴷ ⵙⴽⴰⵔⵖ ⵓⵔ ⴷⴰ ⵃⵔⵔⵉⵖ ⵉⵙⴱⴷⵔ ⴷⴷⴻⵖ ⵏ ⵓⵎⵜⴰⵏ ⵙ ⴳⴰⵔ ⵓⵔⴰⴽⵉⴷ .ⴰⵔ ⴰⵖ ⵉⵣⵣⴰⴹ ⵓⴱⵔⵉⴷ ⴰⵙⵍ ⵏ ⴰⵡⴷ ⵢⴰⵏ ⵓⵖⴰⴱⵉⵔ (ⵎⴰⵢ ⴷ ⵉⵜⵜⴰⵡⵢ ⵛⴰ ⵣⴻⴳ ⵢⴰⵜ ⵜⵡⵓⵔⵉ ⵏⴻⵖ ⴰⵕⵟⵟⴰⵍ) .ⵛⴰ ⵓⵔ ⵜ ⵉ ⵏⴻⵅⵕⵉⴹ (ⵉⵅⵕⴹ :ⵉⴳⴻⵔ ⴳ ⵓⵅⵕⵉⴹ ⵛⴰ ⴰⴽⴽⵯ ⵎⴰ ;ⵛⴰ ⵓⵔ ⵜ ⵢⵓⵡⵉ)ⵅⴰⵙ ⴷⴰ ⵏⴽⴽⴰⵜ ⵜⴰⵎⴰⵜⴰ ⵙ ⵓⴱⵏⵏⴰⵏ. ⵉⴼⴻⵙⵜⴰ ⵓⵎⵉⵡⵙ ⴰⵔ ⵉⵙⵙⵉⴹⵉⵏ ,ⵓⵔ ⵉⵙⵍⵍⴰ ⵉ ⵎⴰⵢⴷ ⴰⵙ ⵉⵜⵜⵉⵏⵉ ⵓⵎⴻⵃⵔⴰⵢ ⴰⵛⴽⵓ ⵉⵙⵙⴻⵏ ⵎⴰⵢⴷ ⵉⵍⵍⴰⵏ .ⵓⵔ ⵉⵙⴰⵍⴰ ⴰⵡⴰⵍ ⴰⵛⴽⵓ ⴳ ⵜⵉⴳⵉⵔⴰ ⴰⴷ ⵉⴼⴽ ⴰⴹⴰⵏ ⵉ ⵓⵎⴻⵃⵔⴰⵢ ⵎⴰⵔ ⴰⴷ ⵜ ⵉⴼⴽ ⵡⴰ-ⴷⴷⴻⵖ ⵉ ⴱⴰⴱ ⵏ ⵓⵙⴰⴽⴰⵛ ⵉⴽⴽⴰⵏ ⵉⴳⴰⵏ ⵉⵏⵣⴱⵉ ⵉⵡⵡⴻⵜⵏ ⵖⵉⴼ ⵓⴼⵓⵍⵢ ⵏ ⵜⵎⴰⵣⵉⵔⵜ ⵉⵎⵛⵉ ⵏⵏⴰ ⴷⴰ ⵜⵜⵉⵏⵉⵏ ⵡⵉ-ⵏⵏⴰ ⵜ ⵉⵙⵙⴻⵏ.ⵓⵔ ⵉⵙⴰⵍⴰ ⴰⵙⵎⵓⵎⵎⴻⵢ ⵎⵉⵏⵣⵉ ⴰⵡⴷ ⵏⴻⵜⵜⴰ ⵉⵜⵜⵓⴳⵍⵢ ⴰⴷ ⵉⵙⴽⵔ ⵜⴰⵡⵓⵔⵉ ⴷⴷⴻⵖ ⵏ ⵓⴽⴻⵕⴼⵙ ⴷ ⵓⵎⴻⵔⵔⴻⵜ ⵜⴰⴼ ⴰⴷ ⵢⴰⴼ ⴰⴷ ⵉⴷⴷⴻⵔ ⵜⵓⴷⴻⵔⵜ ⵏⵏⴰ ⵓⵔ ⵉⵎⴹⵉ ⵜⴰⵟⴼⵉ ⵏⵏⴻⵙ.ⵉⵇⵇⴻⵏ ⵜ ⴰⴷ ⵉⴳⵏ ⵣⵉⴽ ⵎⴰⵔ ⴰⴷ ⵉⵏⵣⵢ ⴳ ⵜⴰⵢⵍⴳⵉ ,ⴰⵔ ⵉⵛⵍⵍⴰ ⴰⵣⴰⵍ ⵏⵏⴻⵙ ⴳ ⵉⴱⴻⵔⴷⴰⵏ ,ⴰⵔ ⵉⵙⵖⵓⵢⵢⵓ ,ⴰⵔ ⵉⵙⵙⵉⵍⵉⵢ,ⴰⵔ ⵉⵣⵣⵓⴳⵓⵣ,ⴰⵔ ⵉⵜⵜⴻⴱⴱⴻⵢ ⵜⵉⵏⴼⵓⵍⵉⵏ ⵉ ⵉⵏⴻⵊⴷⴰ,ⴰⵔ ⴰⵙⵏ ⵉⵜⵜⴻⴹⵕⵕⴰ ⵉⴷⵔⵉⵎⵏ ⵉⵇⵇⵉⵎⴰⵏ ⵖⵓⵕ ⵙ,ⴰⵔ ⵉⵙⵙⵉⴹⵉⵏ ⴰⵢ-ⵏⵏⴰ ⵉⵙⵙⴻⴽⵛⵎ .ⵓⵔ ⵉⵙⴰⵍⴰ ⴰⵙⵏⵉⵔⵣ(ⴰⵙⵎⵓⵎⵎⴻⵢ).ⵉⵜⵙⴻⵏⵜ ⵜⵉⴽⴽⴰⵍ ⴰⵔ ⵉⵜⵜⴻⵎⴻⵏⵣⴰⵖ ⴷ ⵉⵜⵙⵏ ⵉⵏⴻⵊⴷⴰ .ⴰⵣⴰⵍ ⵏⵏⴻⵙ ⵓⵔ ⴷⴰ ⵉⵣⵔⵔⴻⵢ ⴰⵙⵍ ⵏ ⵜⴰⵥⵉⵟ .ⵓⵔ ⵉⵍⵍⵉ ⵅⴰⵙ ⵓⵅⵓⴱ ⵏ ⵡⴰⴹⵓ ⴷ ⵡⵓⵜⵓⵍ ⵏⵏⴻⵙ.ⵉⵜⵙⴻⵏⵜ ⵜⵉⴽⴽⴰⵍ ⴰⵔ ⵉⵜⵜⴻⵙⴻⵏⵢⵉⴼ ⴰⵎⵜⴰⵏ ⵖⵉⴼ ⵜⵓⴷⴻⵔⵜ .ⵉⵖⵚⴰⵏ ⵏⵏⴻⵙ ⵣⴹⴰⵏ ⵙ ⵜⵉⵛⵛⴻⴽⵯⵕⴰⵕ ⵉⵖⵎⵓⵙⵙⴰⵏ .ⴰⵔ ⵜⵜⴰⵡⵉⵏⵜ ⵜⴻⵎⵍⴻⵍⵍⴰⵢ ⴰⵙⴰⴽⴰⵛ ⴰⵎⵎ ⵢⴰⵏ ⵓⵡⵙⵙⴰⵔ ⵉⵣⵍⴰⵏ ⴰⵎⵢⴰⵙ ⵏⵏⴻⵙ..ⵉⵎⵎⵓⵖⵢ ⴰⵙ ⵡⵓⵍ ⵙ ⵓⵎⵓⵙⵙⵓ ⵏ ⵓⵙⴰⴽⴰⵛ .ⵓⵔ ⵢⵓⵛⵉ ⴷ ⵓⵎⴻⵃⵔⴰⵢ ⵜ ⵉⴳⴳⵯⵉⵏ ⴰⵍⵍⴻⵢ ⵉⵡⵊⵊⴻⵖ : -ⵇⵇⴰⵍ ⵎⴰⵢⴷ ⵉⵔⴰ ⵡⴰ-ⴷⴷⴻⵖ ⵉⴱⴷⴷⴰⵏ ⴳ ⵉⵔ ⵏ ⵓⴱⵔⵉⴷ.ⵉⵙ ⵜⴳⴻⵏⴷ ? ⵉⵍⵓⴽⴽⴻⵣ ⵓⵙⴰⴽⴰⵛ.ⵢⵓⵏⴼ ⵓⵎⵉⵡⵙ ⵜⴰⴳⴳⵓⵔⵜ : -ⵎⴰ ⵖⴻⵕ ⵜⴻⴷⴷⵉⴷ ? -ⵙ ⵉⵎⵉⵏⴳ . -ⵏⴻⵢ. ⴽⵓⴷ ⵉⵏⵢ ⵓⵏⴻⵊⴷⵉ ⴰⵔ ⵉⵙⵙⴰⵔⴰ ⴰⴷ ⵢⴰⴼ ⵛⴰ ⵏ ⵓⵙⴳⴳⴰⵡⵔ ⵢⵓⵔⴰⵏ ⵎⴰⵛⴰ ⵓⵔ ⵜⵢⵓⴼⵉ.ⵉⵃⴻⵏⴽⵔⵓⵔⵢ ⵓⵙⴰⴽⴰⵛ .ⵉⵡⵊⵊⴻⵖ ⵓⵏⴻⵊⴷⵉ : -ⵎⴰ ⴳ ⵜⵜⴻⵖⵉⵎⴰⵖ ? ⵉⵔⵓⵔⴰ ⴰⵙ ⵓⵎⵉⵡⵙ : -ⴱⴻⴷⴷ ⴷⵉ ⴰⵔⴷ ⵢⴰⵔ ⵛⴰ ⵓⵙⴳⴳⴰⵡⵔ . -ⵀⴰⵜ ⵓⵔ ⵖⵉⵖ ⴰⴷ ⴱⴻⴷⴷⴻⵖ . -ⵙⵖⴻⵔⵔⴻⵙ.(ⵣⵣⵉⴹⵕ) ⵉⴷⴷⵓ ⵓⵎⵉⵡⵙ ⴰⵔ ⵜⴰⵎⴰ ⵏ ⵓⵎⴻⵃⵔⴰⵢ ⴰⵀⴰ ⵢⵓⵙⵢ ⵢⴰⵏ ⵓⵣⴰⵖⵉⵎ ⴰⵎⴻⵥⵥⴻⵢⴰⵏ ⴷⴰⵢ ⵢⵓⵡⵢ ⴰⵙ ⵜ ; -ⵇⵇⵉⵎ ⵖⵉⴼ ⵡⴰ-ⴷⴷⴻⵖ ⴰⵔⴷ ⵢⴰⵔ ⵛⴰ ⵏ ⵓⵙⴳⴳⴰⵡⵔ. ⵓⵔ ⵢⵓⴼⵉ ⵅⴰⵙ ⴰⴷ ⵉⵙⴽⴽⵓⵙ .ⴽⵓⴷ ⵉⵜⵜⴻⴷⴷⵓ ⵓⵙⴰⴽⴰⵛ ⵉⵜⵜⴻⴱⴷⴰⴷ ⴰⵀⴰ ⵉⵙⵙⵉⵍⴻⵢ ⵉⵏⴻⵊⴷⴰ.ⵛⴰ ⵉⴱⴻⴷⴷ ⵛⴰ ⵉⵖⴻⵔⴱⵣ .ⴽⵓⴷ ⵉⵜⵜⴻⴷⴷⵓ ⵓⵙⴰⴽⴰⵛ ⵉⵣⵣⵓⴳⵓⵣ ,ⵉⵙⵙⵉⵍⵢ .ⴰⵔ ⵜⵜⴻⵎⵎⴻⵃⴻⵣⵡⴰⵢⵏ ⵉⵏⴻⵊⴷⴰ ⴰⴷ ⴰⴼⵉⵏ ⵉⵣⴰⵖⵉⵎⵏ .ⴰⵖⵏⵜ ⵜⵓⵇⵍⴰⵜⵉⵏ ⵏ ⵃⴻⵎⵎⵓ ⵓⵍⵢⴰⵣⵉⴷ ⴰⴱⵓⴹ ⵏ ⵢⵉⵜⵙⵏ ⵉⵏⴻⵊⴷⴰ ⴼⴼⵉⵔ ⴰⵙⵏⵜ ⴰⵖⵏⵜ ⵜⵉ-ⵏ ⵔⵡⵉⵛⴰ ⴷ ⵎⴻⵖⵏⵉ ⴰⵍⵍⴰⵖ ⵏ ⵉⵅⴰⵜⴰⵔⵏ ⴷ ⵉⵎⴻⵥⵥⵢⴰⵏⵏ.ⵜⴻⵜⵜⵓ ⵜⴻⵎⵖⴰⵕⵜ ⴰⴳⴳⵓ ⵜ ⵉⵙⴼⵓⵍⵜⵓⵏ .ⵜⴰⵖⵓⵍ ⵜⵡⴻⵏⴳⵉⵎⵜ ⵏⵏⴻⵙ ⵙ ⵓⵣⵔⴰ ⵏⵏⴻⵙ ⵉⵎⵢⴰⵡⴰⵢ ⵓⵏⴰⴽⵉⵅ ⵏ ⵡⵓⵍ ⵏⵏⴻⵙ(ⵜⵉⵜⵉ ⵏ ⵡⵓⵍ)ⴷ ⵓⵏⴰⵣⵉⵣ ⵏ ⵜⵙⴻⵏⵏⵉⵜ(ⵉⴼⵉⵍⵉ ⵉⵜⵜⵉⵍⵉⵏ ⴰⵎⵎⴰⵙ ⵏ ⵡⴰⵍⵍⵓⵏ) ⵏ ⴱⵓⵜⴻⴳⵣⵓⵜ(ⵉⵎⵉⵙ ⵏ ⵓⵥⴰⵡⴰⵏ ⵏⵏⴰ ⴷⴰ ⵉⴽⴽⴰⵜ ⵓⵏⴻⵥⵡⴰⵕ ⵡⴰⵏ ⵉⴳⵍⵍⵉⵏ ⵏ ⵔⵡⵉⵛⴰ )..ⵥⵎⴰⵏⵜ ⴰⵍⵍⴻⵏ ⵏⵏⴻⵙ ⵉⵜⵙⴻⵏⵜ ⵜⵎⴻⵇⵇⴰ ⵏ ⵉⵎⵟⵟⴰⵡⵏ ⵉⵔⵣⴰⴳⵏ ⴽⵓⴷ ⵜⵙⴻⵍⵍⴰ ⵉ ⵉⵡⴰⵍⵉⵡⵏ ⴰⴷ “ⴰ ⵡⴰ ⵎⴰⵢⴷ ⵜⴻⵄⵏⵉⴷ ⴰ ⵢⵓⵍ ⴰ ⵡⴰ ⵛⴻⵢ ⴰ ⴳ ⵉⵜⵜⴻⵖⵉⵎⴰ ⵍⴻⵖⵢⴰⵕ”,”ⴰ ⵡⴰ ⵎⴰⵢⴷ ⵜⴻⵄⵏⵉⴷ ⴰ ⵡⵉ-ⵏ ⵜⵎⴰⵣⵉⵔⵜ ⵉⵏⵓ ⴰ ⵡⴰ ⵢⵓⴼ ⵛ ⵓⴱⵕⵕⴰⵏⵉⵢ”,”ⴰ ⵡⴰ ⵜⵓⵙⵉⴷ ⵔⵔⵃⵉⵍ ⴰ ⵡⴰ ⴰ ⵡⴰ ⵎⴰ ⵎⵉ ⵜⵜⴻⵙⵙⵓⵖ ⵓⵔ ⵉⵍⵍⵉ” .ⵉⵇⵇⴻⵏ ⵓⴼⵓⵖⵍ ⵉⵎⴰⵡⵏ ,ⵉⵎⴰⵏ ⴷ ⵉⴼⴻⵙⵜⵉ ,ⵜⴻⵙⵏⵓⵛⵛⴻⴳ ⵜⵙⴻⵏⵏⵉⵜ ⵉⵍⴻⴽⵎⵉⵎⵥ (ⵜⵉⵔⴳⵉⵏ ⵉⵍⵍⴰⵏ ⴷⴷⴰⵡ ⵉⵖⴷ).ⴰⵏⴰⵣⵉⵣ ⴰⴼⵓⵖⴰⵍ ⴰⵔ ⵉⵏⴻⵣⵣⴻⵖ ⵉⴳⵓⵍⴰⵣ ⵏ ⵜⵉⴼⵇⵇⴻⵃⵜ ⵎⴻⵇⵇⴰⵕ ⵓⵔ ⵓⴽⵉⵣⵏ ⵉⵄⵔⵔⵉⵎⵏ ⵎⴰⵢⴷ ⵉⵜⵜⵉⵏⵉ ⵓⵏⴻⵥⵡⴰⵕ.ⴰⵔ ⵜⵜⴻⵎⵎⴻⵛⵜⴰⵢⵏ ⵉⵥⴻⵖⵕⴰⵏ ⵉⵎⵛⵉ ⵏⵏⴰ ⴷⴰ ⵜⵜⴻⵎⵎⴻⵛⵜⴰⵢ ⵜⵙⴻⵏⵏⵉⵜ ⵏ ⴱⵓⵜⴻⴳⵣⵓⵜ.ⵎⴻⵇⵇⴰⵕ ⵢⵓⵖⵢ ⵡⴰⴳⴳⵓ ⵜⵉⵢⵏⵣⴰⵔ ⵏ ⵜⴻⵎⵖⴰⵕⵜ ⵜⴻⵜⵜⵓ ⵎⴰⵢⴷ ⵜ ⵢⴰⵖⵏ .ⵜⴻⵛⵜⵢ ⴰⵔⵔⴰⵡ ⵏⵏⴻⵙ ⵏⵏⴰ ⵜⵓⵔⵡ ;ⵢⴰⵏ ⵓⵔ ⵢⵓⴼⵉ ⵎⴰⵢⴷ ⵉⵙⴽⴰⵔ ⴳ ⵜⵎⴰⵣⵉⵔⵜ ⵉⴷⴷⴰ ⵉⵜⵜⴻⵔ ⴰⴷ ⴰⵙ ⵙⵙⴻⵍⵙⵉⵏ ⴰⵇⴻⵍⴱⵓⵙ ⵏ ⵓⵙⴻⵔⴷⴰⵙ ⴰⵀⴰ ⵉⴷⴷⵓ ⵙ ⵜⵏⴻⵣⵔⵓⴼⵜ ⵏ ⵜⵎⴰⵣⵉⵔⵜ ,ⵡⴰ-ⵢⵢⴰⴹ ⵉⵛⴰ ⵉⵖⴼ ⵏⵏⴻⵙ ⵉ ⵉⵎⵣⴰⵣⵏ ⵏ ⵉⵍⴻⵍ ⴰⵍⵍⴻⵢ ⵓⵔ ⵢⴰⴷ ⵜⴻⵙⵙⵉⵏ ⵉⵙ ⵉⴷⴷⴻⵔ ⵎⵉⴷ ⵍⴻⵎⵥⵏ ⵜ ⵉⵙⴻⵍⵎⴰⵏ.ⵡⴰ-ⵢⵢⴰⴹ ⵉⴷⴷⴰ ⴰⵔ ⵉⵣⵎⵓⵏⵏⵓⵣ ⴰⵍⵍⴻⵢ ⵓⵔ ⵢⴰⴷ ⵜⵙⵙⵉⵏ ⵉⵙ ⵉⵃⵓⵢⴹ ⵎⵉⴷ ⵉⴳⴳⴻⵣ ⴰⵛⴰⵍ .ⵓⵔ ⵢⴰⴷ ⵉⵇⵇⵉⵎⵉ ⴰⵡⴷ ⵢⴰⵏ ⴳ ⵜⵎⴰⵣⵉⵔⵜ ⵏⵏⴻⵙ ⵜⴰⴼ ⴰⴷ ⵉⵃⴹⵓ ⵉⴳⵔⴰⵏ ⴷ ⵜⴻⵡⵔⵓⵜ ⵍⵍⵉ ⵢⵓⴷⵊⴰ ⵉⴳⵍⵍⵉⵏ ⵏ ⵓⵎⵖⴰⵕ .ⵉⴷ ⵜⵉⵔⴱⴰⵜⵉⵏ ⵏⵏⴻⵙ ,ⵢⴰⵜ ⵜⵎⴰⵏ ⴷ ⵓⵎⴻⵔⵛⴰⵍ ⵏⵏⴻⵙ ⴰⵙⴻⵔⴷⴰⵙ,ⵢⴰⵜ ⵜⵓⵙⵢ ⵉⵖⴼ ⵏⵏⴻⵙ ,ⵜⴻⴷⴷⴰ ⴰⵔ ⵜⵜⴰⵡⵢ ⵉⵖⴼ ,ⵓⵔ ⵜⴻⵙⵙⵉⵏ ⵎⴰ ⵙ ⵜⴻⴷⴷⴰ ⵣⵉ ⴽⵓⴷ ⴰⵙ ⵉⵍⵍⴻⴼ ⵓⵎⴻⵔⵛⴰⵍ ⵏⵏⴻⵙ ⵉⴷⴷⴻⵖ ⵜⵃⴻⵎⵎⴻⵇ ⴰⴷ ⵜⵇⵇⵉⵎ ⴷⴰⵜ ⵎⴻⴷⴷⴻⵏ ⴰⵎⵎ ⵜⴰⵏⴱⵓⵔⵜ (ⵜⴰ-ⴷⴷⴰ ⵓⵔ ⵢⵉⵡⵉⵍⵏ),ⵉⴷ ⵜⴰⵢⵢⴰⴹ ⵜⵣⵓⴳ ⵏⴻⵜⵜⴰⵜ ⴷ ⵓⵎⴻⵔⵛⴰⵍ ⵏⵏⴻⵙ ⴰⵀⴰ ⵜⴻⵣⴷⵖ ⵢⴰⵜ ⵜⵃⴻⵏⴹⵕⵓⵜ ⵉⵍⵍⴰⵏ ⴳ ⵓⵙⵓⵜⵢ ⵏ ⵜⵉⵖⵕⵎⵜ ⵏ ⵡⴰⵏⴼⴰ.ⵜⴻⴷⴷⴻⵔ ⴳⴰⵔ ⵜⵓⴷⴻⵔⵜ ,ⵉⵏⵢⴰⵎⴰ ⵙ ⵓⵣⴷⴷⵓⵖ ⴰⵍⵍⴻⵢ ⵓⵔ ⴷⴰ ⵉⵜⵜⴰⴼⴰ ⵓⵏⴻⴱⴳⵉ ⵎⴰ ⴳ ⵉⴳⴳⴰⵏ ⵏⴻⵖ ⵉⵖⵕⴹ ⴰⴹⴰⵕ,ⵜⴻⵏⵙⴰ ⵖⵓⵕ ⵙ ⵢⴰⵏ ⵢⵉⴹ ⴰⵀⴰ ⵓⵔ ⵜⴻⵃⵎⵉⵍ ⴰⴷ ⵖⵓⵕ ⵙ ⵜⵇⵇⵉⵎ ⵉⴷⴷⴻⵖ ⵓⵔ ⵜⴻⵎⵢⴰⵔ ⴰⵣⴷⴷⵓⵖ ⵉⵏⵢⴰⵎⴰⵏ .ⵎⵔⵉⴷⴷⵉ ⵜⵖⵓⴼⵉ ⴷ ⵓⵎⴰⵔⵢ ⵏⵏⴻⵙ ⵓⵔ ⵜⴻⵏⵏⵉ ⴰⴷ ⵜⴻⴽⴽ ⵖⵓⵕ ⵙ.ⵓⵔ ⵜⵙⵙⵉⴽⴽⵉ ⵉⴹ ⵏⵏⴰⵖ ⴷⴰⵔ ⵙ ⴰⵍⵍⴻⵢ ⵢⴰⵥ ⵓⵔⴰⴽⵯ ⵏⵏⴻⵙ ⴰⴷ ⵉⵙⵙⴻⴼ.ⵜⵎⴻⵣⵍⵍⴰⵄ ⵜⵡⴰⵛⵓⵍⵜ ⵏⵏⴻⵙ ⵓⵔ ⵉⵇⵇⵉⵎ ⵅⴰⵙ ⵏⴻⵜⵜⴰⵜ ⵡⴰⵏ ⵜⴳⴻⵊⴷⵉⵜ ⵜⴰⴳⵓⵊⵉⵍⵜ ⴰⵎⵎⴰⵙ ⵏ ⵓⵏⵔⴰⵔ ⵢⵓⵔⴰⵏ .ⵉⵣⴻⵎⵣⵄⵡⴻⴹ ⵡⵓⴽⵓⴷ ⵜⴰⵔⵡⴰ ⵏⵏⴻⵙ ⴰⵀⴰ ⵜⵇⵇⵉⵎⴰ ⵜⴻⵙⵙⵉⴳⴳ ⵉⵖⴼ ⵉ ⵉⴳⵔⴰⵏ ⵉⴽⴻⴼⵔⴰⵔⴰⵢⵏ ⵏⵏⴰ ⵓⵔ ⵉⴽⴽⵉ ⵓⵏⵥⴰⵕ ⵎⴻⵛⵜⴰ ⴰⵢⴰ.ⵜⴻⴷⴷⴻⵔ ⵉ ⵡⵓⵍ ⵏⵏⴻⵙ ⵙ ⵓⵙⵉⵔⵎ ⵏ ⵡⴰⴷ ⵢⴰⵖⵓⵍ ⵢⴰⵏ ⵣⴻⴳ ⵉⵏⴻⵊⴷⴰ ⵉⵎⵎⵓⴷⴷⴰⵏ ⵙ ⵡⴰⴱⵓⴹ ⵏ ⵜⵎⴰⵣⵉⵔⵜ ⵏⵏⴻⵙ.ⵇⵇⵓⵕⵏ ⵡⵓⵍⴰⵡ,ⴰⵔ ⵙⴻⴽⵙⵉⵡⵏ ⵡⴰⵍⵍⴻⵏ ⵓⵇⵎⵉⵕⵏ ⵉⵛⴻⵊⵊⴻⵕⵏ ⵙ ⵉⴳⵏⵏⴰ ⵉⵣⵡⴰⵏ ⵎⴰⵔ ⵛⴰ ⵏ ⵜⵎⴻⵇⵇⵉⵜ ⵏ ⵓⵔⵢⴰⴱⴱⵓⵀ .ⵉⵙⵓⵍ ⴱⵓⵜⴻⴳⵣⵓⵜ ⴰⵔ ⵉⵜⵜⴰⴳⵎ ⴰⴼⵓⵖⵍ ⴷ ⵓⴱⴻⵢⵜⵍ ⵣⴻⴳ ⵡⴰⴱⵓⴹ ⵏ ⵉⵛⴱⴰ .ⵎⵎⴻⵙⵍⴰⵖⵏ ⵡⴰⵏⵛⵓⵛⵏ ,ⵓⵔ ⵢⴰⴷ ⵖⵉⵏ ⵉⵎⴰⵡⵏ ⴰⴷ ⵙⴰⵡⵍⵏ ,ⴰⴷ ⵉⵔⵉⵔⵏ ,ⵙⵓⵍⵏ ⵉⵇⵕⵕⴰ ⴰⵔ ⵜⵜⴻⵍⵍⵉⵢⵏ .ⵉⵜⵙⵏ ⵉⵄⵔⵔⵉⵎ ⴰⵔ ⵙⵙⴻⵎⵎⴻⵛⵜⴰⵢⵏ ⵉⴹⵓⴹⴰⵏ ⵏⵙⴻⵏ ⴰⵎⵎ ⵉⵙ ⴷⴰ ⵙⵙⴻⵎⵎⴻⵛⵜⴰⵢⵏ ⵜⴰⵙⵏⵏⵉⵜ .ⵎⴻⵔ ⵓⴼⵉⵏ ⴰⴷ ⵏⵏⴻⴱⴹⵏ ⴳ ⵓⵖⴻⵏⵊⴰ ⵏ ⵓⵎⴰⵔⴳ ⴰⴷ ⵉⵏⵉⵏ ⴰⵢ-ⵏⵏⴰ ⵓⵔ ⵖⵉⵏ ⴰⴷ ⵜ ⵉⵏⵉⵏ ⵙ ⵉⵎⴰⵡⵏ ⵏⵙⴻⵏ .ⵉⵍⵓⴽⴽⴻⵣ ⵓⵙⴰⴽⴰⵛ,ⵉⴱⴻⴷⴷ .ⵉⵙⴰⵡⵍ ⵓⵎⵉⵡⵙ ⵉ ⵉⵏⴻⵊⴷⴰ ⵉⴱⴷⴷⴰⵏ : -ⵖⴻⵊⴷⵎⴰⵜ ⵖⴻⵊⴷⵎⴰⵜ ⵀⴰⵜ ⵜⵜⵓⴳ ⵜⵎⴻⴷⴷⴰⵢⵜ ⴳ ⵓⴱⵔⵉⴷ . ⵓⵔ ⵉⴼⵉⵏ ⵅⴰⵙ ⴰⴷ ⵖⴻⵔⴱⵣⵏ .ⵢⵓⵍⵢ ⵢⴰⵏ ⵓⵔⴳⴰⵣ ,ⵉⵙⵙⵉⴳⴳ ⴰⵎⵎⴰⵙ ⵏ ⵓⵙⴰⴽⴰⵛ ,ⵉⵏⵏⴰ : -ⵡⵉ-ⴷⴷⴻⵖ ⵉⵍⵍⴰⵏ ⴳ ⵡⴰⵎⵎⴰⵙ ⴰⴷ ⴳⴳⴻⵣⵏ . ⵓⵔ ⵓⴼⵉⵏ ⵉⵏⴻⵊⴷⴰ ⵅⴰⵙ ⴰⴷ ⴳⴳⴻⵣⵏ ⴰⵀⴰ ⵎⵓⵏ ⴷ ⵓⴱⵔⵉⴷ.ⴰⵔ ⵜⵜⴻⴷⴷⵓⵏ ⴰⵍⵍⴻⵢ ⵖⵉⴼ ⵙⴻⵏ ⵉⵅⵍⴹ ⵓⵙⴰⴽⴰⵛ ⴰⵀⴰ ⵏⵉⵏ ⴷⵉⵖ .ⴽⵓⴷ ⵉⵣⵣⵓⴳⵓⵣ ⵉⵙⵙⵉⵍⵢ ⵓⵔ ⵉⵍⵍⵉ ⵅⴰⵙ ⴰⵙⵖⴻⵔⵔⴻⵙ ⴷ ⵓⵙⵏⴻⴽⵎⵔ.ⴽⵓⴷ ⵓⴽⵛⵎ ⵓⵙⴰⴽⴰⵛ ⵙ ⵜⵏⴰⵔⵔⵓⵙⵜ ⵢⵓⵍⵢ ⴷⵉⵖ ⵢⴰⵏ ⵓⵍⵎⴻⵜⵔⵉ ⴷ ⵓⵙⵎⵓⵏ ⵏⵏⴻⵙ,ⵢⴰⵏ ⵢⵓⵙⵢ ⴰⵜⴻⴽⵍⵉⵙ ⵡⴰ-ⵢⵢⴰⴹ ⴰⵍⵍⵓⵏ .ⴰⵔ ⵜⵜⵉⵔⵉⵔⵏ ⵖⵉⴼ ⵓⵏⴰⵣⵉⵣ ⵏⵙⴻⵏ ⵖⵉⴼ ⵜⵄⴻⵔⵔⵉⵎⵜ ⵏ ⵡⵓⵙⵓⵏ ⵢⵉⵡⵍⵏ ⴰⵀⴰ ⵓⵔ ⴷⵊⵉⵏ ⵜⴰⵏⵏⴰⵢ ⵜⴰⵖⵔⴰⴳⴳⴰⵏⵜ(ⴰⵢ-ⵏⵏⴰ ⵎⵉ ⴷⴰ ⵜⵜⵉⵏⵉⵏ ⴰⵍ ⴱⴰⵏⴰⵏ) ⴰⵍⵍⴻⵢ ⵜ ⵉ ⵜⴰⵏⵏⴰⵢ ⴷⴰⵢ ⵜⴻⵙⵙⴻⵎⵔ ⵉⵙ ⵜⴰⵟⵟⴰⵊⵉⵏⵜ ⵉⴷⴷⴻⵖ ⵜⵖⴰⵍ ⵉⵙ ⵜⴳⴰ ⵣⴻⴳ ⵉⵛⴰⴽⴰⵏ(ⴰⵢ-ⵏⵏⴰ ⵎⵉ ⴷⴰ ⵜⵜⵉⵏⵉⵏ ⵍⵅⵓⴹⵕⴰ).ⵉⵙⵙⵉⴳⴳ ⵉⵎⵉⵇ ⵏ ⵓⵙⴼⵉⵔⵏⴻⵏ ⵣⴻⴳ ⵉⵜⵙⵏ ⵡⴰⵏⵛⵓⵛⵏ .ⵓⵣⴹⵏ ⵡⵉ-ⴷⴷⴻⵖ ⴰⵍⵍⵓⵏ ⵎⴰⵔ ⴰⴷ ⴳⵉⵙ ⴰⵖⵏ ⵉⵜⵙⵏ ⵉⴷⵔⵉⵎⵏ ⴰⵀⴰ ⵓⵔ ⴷⵉⵙ ⵢⴰⵖ ⵅⴰⵙ ⵛⴰ ⵉⴷⵔⵓⵙⵏ .ⴳⴳⴻⵣⵏ ⴰⵔ ⵉⵜⵜⵉⵏⵉ ⴱⴰⴱ ⵏ ⵓⵜⴻⴽⵍⵉⵙ (ⴰⵢ-ⵏⵏⴰ ⵎⵉ ⴷⴰ ⵜⵜⵉⵏⵉⵏ ⵍⴽⴰⵎⴰⵏⵊⴰ)ⵉ ⵓⵙⵎⵓⵏ ⵏⵏⴻⵙ : -ⵇⵇⵓⵕⵏ ⵡⵓⵍⴰⵡⵏ ,ⵛⴻⵜⵎⵏ ⵉⵖⴰⵍⵉⵡⵏ,ⴰⴷ ⴰⵖ ⵢⴰⵔⵢ ⵕⴻⴱⴱⵉ. ⵢⵓⵍⵢ ⴷⵉⵖ ⵢⴰⵏ ⵓⵔⴳⴰⵣ ⴰⴹⴻⵕⵖⴰⵍ : -ⵏⴻⵛ ⴰ ⵉⵙⵜ ⵎⴰ ⴷ ⴰⵢⵜ ⵎⴰ ⵓⵔ ⵙⵙⵓⴷⴷⵉⵖ.ⵎⴻⵔ ⵍⵉⵖ ⴰⵍⵍⴻⵏ ⵓⵔ ⵏⵏⵉⵖ ⴰⴷ ⴰⵣⴹⵖ ⵜⵉⴷⵉⴽⵍⵜ ⵉⵏⵓ ⵉ ⴰⵡⴷ ⵢⴰⵏ .ⴰⵢ-ⴷⴷⴻⵖ ⴰⵢⴷ ⵉⵛⴰ ⵕⴻⴱⴱⵉ .ⵉⴳⴰ ⵓⵢ-ⴰ ⴰⵔⵜⴰⵎ ⵏⵏⴻⵙ ⴰⴷ ⵛⴻⵏ ⵢⴰⵔⵢ ⵕⴻⴱⴱⵉ .ⵓⵔ ⵉⵍⵍⵉ ⵎⴰⵢⴷ ⵉⴽⴽⴰⵏ ⴷⴷⴰⵡ ⴰⵏⴻⵛⵜ ⵏ ⵓⴱⵓⴽⴹ (ⴰⴹⴻⵕⵖⵍ).ⵓ-ⵏⵏⴰ ⵓⵔ ⵉⵙⵙⵓⴷⴷⵉⵏ ⴷⴰⵜ ⴰⵙ ⵀⴰⵜ ⴰⵎⵎ ⵉⵙ ⵉⴷⴷⴻⵔ ⴳ ⵉⵙⴻⵎⴹⵍ ⴰⴷ ⵛⴻⵏ ⵢⴰⵔⵢ ⵕⴻⴱⴱⵉ ⵣⴻⴳ ⵜⵉⵍⵍⴰⵙ ⵏⵏⴻⵙ ⴷ ⵓⵔⴼⴰⵏ ⵏⵏⴻⵙ. ⵉⴽⴽ ⴳⴻⵔ ⵉⵏⴻⵊⴷⴰ ,ⵢⵓⵣⴹ ⴰⴼⵓⵙ, ⵉⴳⴳⴻⵣ ⴰⵔ ⵉⵙⵎⵓⵎⵎⵓⵢ ; - ⵓⵔ ⵉ ⵉⵇⵇⵉⵎⵉ ⵅⴰⵙ ⴰⴷ ⵖⵣⴻⵖ ⵉⵙⴻⵎⴹⵍ ⵉⵏⵓ ⵙ ⵡⴰⵙⴽⴰⵔⵏ ⵉⵏⵓ.. ⵜⵓⵍⵢ ⵢⴰⵜ ⵜⴻⵙⴷⵏⵜ ,ⵜⴻⵔⴱⴰ ⵜⴰⴹⵕⴰⵏⵜ ⵖⵉⴼ ⵜⴰⴷⴰⵡⵜ ⵏⵏⴻⵙ : - ⵏⴻⵛ ⴰ ⵉⵙⵜ ⵎⴰ ⴷ ⴰⵢⵜ ⵎⴰ ⵎⴻⵔ ⵔⵉⵖ ⴰⴷ ⴼⴼⴻⵖ ⴰⴱⵔⵉⴷ ⵉⵏⴻⵎⵏ ⴰⴷⵢⴰⵍⵉ ⵍⵙⵉⵖ ⵉⵣⴻⴱⴳⴰⵏ ⴷ ⵉⵜⵍⴰⵏ ⵏ ⵡⵓⵕⵖ ⵎⴰⵛⴰ ⵃⴻⵎⵎⴻⵇⵖ ⴰⴷ ⴷⴷⴻⵔⵖ ⵜⵓⴷⴻⵔⵜ ⵏ ⵓⵄⵓⵕⵉⴹ .ⵢⵓⴼ ⵖⵓⵕⵉ ⵉⵜⵙⵏ ⵉⴷⵔⵉⵎⵏ ⵉⴷⵔⵓⵙⵏ ⵉⵜⵜⴻⵙⴳⴰⵔⵏ ⵜⵓⴷⴻⵔⵜ ⵏ ⵓⴱⵓⵔⵣ ⴷ ⵜⵣⴰⵅⵎⴰ ⵡⴰⵍⴰ ⵢⴰⵏ ⵓⴳⵓⴷⵢ ⵏ ⵉⴷⵔⵉⵎⵏ ⵓⵔ ⵉⵜⵜⴻⵙⴼⴰⴹⵏ ⵜⵉⵡⴻⵕⵖⵉⵡⵉⵏ ⵏ ⵓⵄⵓⵕⵉⴹ .ⵏⴻⵛ ⴳⵉⵖ ⵜⴰⴷⵢⴰⵍⵜ ⵏ ⵓⵔⴳⴰⵣ ⵉⴱⵓⵔⵣⵏ ⵉⵔⴰⵏ ⵜⵓⴷⴻⵔⵜ ⵏ ⵓⵏⵓⵎⴽⴰ ⵎⴰⵛⴰ ⵓⵔ ⵜ ⵢⵓⴷⵊⵉ ⵓⵔⵜⴰⵎ ⴰⴷ ⵉ ⴷ ⵉⵎⵓⵏ .ⵉⴷⴷⴰ ⴰⴷ ⵉⵏⴹⵡ ⵙ ⵓⴳⵎⵎⴰⴹ-ⵉⵏ ⴰⵀⴰ ⵜⴻⵇⵍⵓⵍⵢ ⵜⵉⵎⵄⵉⴷⵉⵜ ⵏⵏⴰ ⵜ ⵢⵓⵙⵉⵏ ⴷⴰⵢ ⵉⴳⴳⴻⵣ ⵉⵍⴻⵍ .ⵙ ⴷⵖⵉ ⵓⵔ ⵓⴼⵉⵖ ⴰⵣⴻⵏⵇⵉⵇ ⵏⵏⴻⵙ.ⵢⵓⴷⵊⴰ ⵉ ⵜⴰⴹⵕⴰⵏⵜ ⵖⵉⴼ ⵜⴰⴷⴰⵡⵜ ⵉⵏⵓ ⴰⵀⴰ ⵓⵔ ⵔⵉⵖ ⴰⴷ ⵜ ⵙⵙⴻⴳⵎⵖ ⴳ ⵓⴱⵔⵉⴷ ⴰⵏⴻⴼⵕⴰⵕⴰⵖ .ⵎⴻⵛ ⵜⵖⵉⵎ /ⵎⵜ ⵉ ⵛⴰ ⴳ ⵡⵓⴷⵎ ⵏ ⵜⴻⴹⴰⵕⴰⵏⵜ ⵏⵏⴰ ⵔⴱⵉⵖ ⵖⵉⴼ ⵜⴰⴷⴰⵡⵜ ⵉⵏⵓ ⴰⴷ ⴰⵡⵏ/ⵏⵜ ⵉⵙⵙⴻⴼⵙⵉⵙ ⵕⴻⴱⴱⵉ ⴰⴳⴳⵯⴰ ⵏ ⵜⴰⵔⵡⴰ ⵏⵏⵓⵏ/ⵏⵜ. ⵜⵓⵣⴹ ⵜⵉⴷⵉⴽⵍⵜ ⵏⵏⴻⵙ,ⴰⵖⵏ ⵜ ⵉⵜⵙⵏ ⵉⴷⵔⵉⵎⵏ.ⵉⵙⵖⵓⵢ ⵓⵎⵉⵡⵙ : -ⴳⴳⴻⵣ ⴰ ⵍⴰⵍⵍⴰ ,ⴳⴳⴻⵣ ⵉⵔⴰ ⵓⵙⴰⴽⴰⵛ ⴰⴷ ⵉⵙⵔⵔⴰ . ⵉⴽⴽⵯⴻⵢ ⵡⴰ-ⴷⴷⴻⵖ ⵢⴰⵜ ⵜⵓⴽⵯⴻⵢⵜ ⵏ ⵡⴰⴳⴳⵯⵓ ⴷⴰⵜ ⵏ ⵡⴰⴷ ⴷⵉⵖ ⵉⴼⴽ ⵜⵉⵛⵛⴻⴽⵯⵕⴰⵕ ⵏⵏⴻⵙ ⵉ ⵓⴱⵔⵉⴷ .ⵉⵙⴰⵡⵍ ⵢⴰⵏ ⴱⵓ ⵜⴰⵎⴰⵔⵜ ⵉ ⵓⵙⵎⵓⵏ ⵏⵏⴻⵙ : -ⵃⵔⵉⵖ ⵙ ⵓⴳⴰⴷⴰⵣ ⵉⵜⵙⵏ ⵉⵖⴼⴰⵡⵏ ⵏ ⵡⵓⵍⵍⵉ ⵎⴰⵛⴰ ⴽⵓⴷ ⵓⵔ ⵓⴼⵉⵖ ⴰⴷ ⵜⴻⵏ ⵣⵣⴻⵏⵣⵖ ⵕⵥⴻⵎⵖ ⴰⵙⵏ ⴰⵀⴰ ⴰⵖⵓⵍⵖ ⴷ ⵉⴱⴻⵔⴷⴰⵏ ⵉⵏⵓ..ⵓⵔ ⵢⴰⴷ ⴰⵖ ⵉⵇⵇⵉⵎⵉ ⵅⴰⵙ ⴰⴷ ⵏⴻⵣⵣⴻⵏⵣ ⵉⴳⵔⴰⵏ ⵏⵄⴰⵢⵏ ⵜⵉⵖⵕⵎⵜ ⵎⴰⵔ ⵛⴰ ⵏ ⵜⵡⵓⵔⵉ ⵏⴻⵜⵜⴻⴳⴳⴰ . ⵢⴰⵙⵓ ⵓⵙⵎⵓⵏ ⵏⵏⴻⵙ : -ⴰⴷ ⴰⵖ ⵢⴰⵔⵢ ⵕⴻⴱⴱⵉ ⵣⵉ ⵓⵣⵉⵔⵣ ⵀⴰⵜ ⵉⵙⵖⴰⵕ ⵓⵍⴰⵡⵏ ,ⵉⵙⵅⵓⴱ ⴰⵖ ⴰⴹⵓ.ⵓⵔ ⵢⴰⴷ ⵉⴳⵉ ⵡⵉ-ⵏ ⵎⴻⴷⴷⴻⵏ ⵅⴰⵙ ⴰⴷ ⴰⵖⵉⵏ ⵉⵃⴻⵕⵊⴰⴹ ⵏⵙⴻⵏ ⵙ ⵢⴰⵏ ⵉⵣⵉⴽⵔ ⵓⵎⴰ ⵀⴰⵜ ⵓⵔ ⵢⴰⴷ ⵉⵇⵇⵉⵎⵉ ⵅⴰⵙ ⴳⴰⵔ ⵜⵓⴷⴻⵔⵜ. -ⴰⴷ ⴰⵖ ⵢⴰⵔⵢ ⵕⴻⴱⴱⵉ ,ⴰⴷ ⵉⵣⵣⵓⴳⵣ ⵕⴻⴱⴱⵉ ⵛⴰ ⵏ ⵓⵔⵢⴰⴱⴱⵓⵀ ⵣⵉ ⵖⵓⵕ ⵙ. -ⵏⴻⵛⵏⵉ ⵉⵎⵙⵙⴻⴳⵎⴰ ⵏ ⵜⴻⵡⵔⵓⵜⵉⵏ ⵏⵎⴻⵔⵔⴻⵜ ⵉⴷ ⵡⵉ-ⵢⵢⴰⴹ ⵀⴰⵜ ⴷⵊⵉⵡⵏ ⴰⴽⵙⵓⵎ ⵉⴷⴷⴻⵖ ⴰⵔ ⵙⵙⴰⵖⵏ ⵛⴰ ⵏ ⵉⵖⴼ ⵙ ⴳⴰⵔ ⵓⵜⵉⴳ ⴰⵀⴰ ⴰⵔ ⴰⵙ ⵖⴻⵕⵕⴻⵚⵏ ⴷⴰⵢ ⴱⴹⵓⵏ ⵜⵉⴼⵉⵢⵢⵉ ⵏⵏⴻⵙ.ⴰⵀⴰ ⵏⵇⵇⵉⵎ ⵏⴻⵛⵏⵉ ⴰⵔ ⵏⴻⵜⵜⴻⵇⵇⴻⵍ ⵙ ⵉⵖⵚⴰⵏ ⴰⴷ ⵜⴻⵏ ⵏⵖⴻⵥⵥ.ⵉⴷ ⵓⵔ ⵉⴷ ⵜⵓⵏⴰⵏⵜ ⴰⵢ-ⴰ ? -ⴰⵔ ⵜⵜⴻⵃⵜⴰⵢⵏ ⵉⵜⵙⵏ ⴰⵀⴰ ⵏⵏⴰⵏ ⵉⵙ ⵉⴽⴽⴰ ⵜⵉⵏ ⵢⴰⵏ ⵓⵎⵙⵙⴻⴳⵎⵉ ⴰⵔ ⵉⵙⵙⴻⴳⵯⵔⴰⵙ ⵓⵍⵍⵉ ⵜⴰⴼ ⴰⴷ ⵜⴻⵏ ⵉⵣⵣⴻⵏⵣ ⴷⴰⵜ ⵜⴼⵓⴳⵍⴰ ⵏ ⵜⴼⴰⵙⴽⴰ .ⵉⵖⴰⵍ ⵉⵙ ⵇⴻⵏⵏⴰ ⴰⴷ ⴰⵙ ⵜⴽⴽⵯⵓⵔ ⵜⴰⴹⴹⵖⴻⵕⵜ ⴰⵔ ⴰⴼⵍⵍⴰ ⵙ ⵉⴷⵔⵉⵎⵏ .ⵓⵔ ⵉⵥⵕⵉ ⴰⵎⵢⴰ ⴰⵍⵍⴻⵢ ⵉⵜⵜⵓⴳⵯⴷⵍ ⵓⵙⴼⵓⴳⵍⵓ ⵙ ⵜⴼⴰⵙⴽⴰ.ⵓⵔ ⵉⵣⵎⵉⵔ ⴰⴷ ⵉⵔⵎⵙ ⴰⵏⴰⴳⵉⵙ ⴰⵀⴰ ⵉⴱⴷⴷⴰ ⴰⵙ ⵡⵓⵍ. -ⵉⴷⴷⴰ ⵉⵙⵡⴰⵏⴼⴰ ⴰ ⴰⵄⴻⵏⴷⴰ ⵏⵏⴻⵖ ⵏⴻⵛⵏⵉ ⵉⵙⵓⵍⵏ ⵢⵓⵙⵉⵏ ⴰⵏⴻⵣⵡⵓⵎ ⵉⵣⴹⴰⵢⵏ (ⵉⵥⵥⴰⵢⵏ).ⵎⴰ ⴰⵜⵜⴰ ⵓⵎⵥⵥⵓⵖ ⴰⵙ ⵏⴻⵜⵜⴻⵙⵎⵓⵎⵎⵓⵢ ?ⵎⴰ ⴰⵢ ⴷ ⵉⵙⵙⴻⴼⵍⵉⴷⵏ ⵉ ⵓⵏⴳⴰⵥ ⵏⵏⴻⵖ. ⵉⵎⴳⵓⵍⵍⴻⵢ ⵙ ⴹⴰⵕⵜ ⴰⵀⴰ ⵢⵓⴼⴰ ⵜⵉⵢⵏⵣⴰⵔ ⵏ ⴱⵓ ⵜⴻⵣⵔⵓⵜ ⴳⴻⵔ ⵉⵙⴳⴳⵓⵡⴰⵔ : -ⵙⴻⵍⵍⴰⵖ ⴰⵡⵏ ⴰⵔ ⵜⵙⴰⵡⴰⵍⵎ ⵖⵉⴼ ⵡⴰⵣⵣⵓⴼ ⴰⵀⴰ ⵔⵉⵖ ⴰⴷ ⴰⵡⵏ ⵉⵏⵉⵖ ⵀⴰⵜ ⵉⴳⵯⴷⵍ ⵜ ⵕⴻⴱⴱⵉ.ⵓ-ⵏⵏⴰ ⵉⵏⵖⴰⵏ ⵉⵖⴼ ⵏⵏⴻⵙ ⵀⴰⵜ ⴰⴷ ⵉⴷⴷⵓ ⵙ ⵓⵔⵡⴰⵙ.ⵅⴰⵕ ⴰⵡⵏ ⴰⴷ ⵜⴻⵏⵖⵉⵎ ⵉⵖⴼⴰⵡⵏ ⵏⵏⵓⵏ ⵀⴰⵏ ⴰⵢ-ⵏⵏⴰ ⵜⵥⵥⵓⵍⵍⴰⵎ ⴰⴷ ⵉⵎⵓⵏ ⴷ ⵓⵣⵡⵓ. -ⵀⴰⵜ ⴰⵢ-ⵏⵏⴰ ⴰⵖ ⵢⴰⵖⵏ ⵓⵔ ⴷⴰ ⵉⵜⵜⴻⵢⴰⵙⴰⵢ ⵖⵉⴼ ⵡⵓⵍ . -ⵙⵖⴻⵔⵔⴻⵙⴰⵜ ⵀⴰⵜ ⵉⴼⵓⵍⴽⵢ ⵓⵙⵖⴻⵔⵔⴻⵙ .ⵀⴰⵜ ⴼⴼⵉⵔ ⵏ ⵜⴰⵙⵙⴰⵜ ⵉⵍⵍⴰ ⵓⵙⵔⴰⵢ .ⵉⵖ ⵜⴼⴻⵍⵙⵎ ⵙ ⵕⴻⴱⴱⵉ ⵇⵇⴻⵍⴰⵜ ⵙ ⵓⵔⵢⴰⴱⴱⵓⵀ ⵏⵏⴻⵙ.ⵣⵓⵣⴹⴰⵜ ⵙ ⵕⴻⴱⴱⵉ ⴰⴷ ⴰⵖ ⵉⵙⵔⵢ ⴰⵎⴰⵔⵉⵏ (ⵜⴰⵙⵙⴰⵙⵜ)ⴳ ⵏⴻⵍⵍⴰ ⵀⴰⵜ ⵓⵔ ⵉⴳⵉ ⵅⴰⵙ ⴰⴽⴰⵢⵉⴷ ⵏⵏⴻⵙ ⵜⴰⴼ ⴰⴷ ⴰⵖ ⵢⴰⵔⵎ.ⵀⴰⵜ ⴳ ⵜⴰⵙⵙⴰⵙⵜ ⴰⵢⴷ ⵉⵜⵜⵉⵍⵉ ⵓⴼⵍⴰⵙ ⴰⵛⵔⴰⵔⴰⴷ (ⵉⴳⴰⵏ ⵛⵉⴳⴰⵏ ⵏ ⵜⵉⴷⴷⴻⵜ) . ⴼⴻⵙⵜⴰⵏ ,ⵉⴱⴻⴷⴷ ⵓⵙⴰⴽⴰⵛ ,ⵢⵓⵍⵢ ⵢⴰⵏ ⵓⵄⵔⵔⵉⵎ ⵉⵙⵙⵉⵡⵉⴷⵏ ,ⵢⵓⵙⵢ ⴰⵡⵍⴽ ⵏⵏⴻⵙ ⵏⵏⵉⴳ ⵏ ⵜⴰⴷⴰⵡⵜ ,ⴰⵔ ⵉⵙⵙⴰⵔⴰ ⴷⵉ-ⴷⴷⴰ ⴳ ⵜ ⵉⵙⵔⵓⵙ .ⵉⵜⵜⴻⵔ ⵉ ⵢⴰⵏ ⵓⵎⵏⴰⵢ ⴰⴷ ⵜ ⵉⵙⴻⵔⵙ ⵏⵏⵉⴳ ⴰⵙ ⵖⵉⴼ ⵜⵙⴻⴳⴳⴰⵢⴷⵓⵜ .ⵉⵏⵏⵓⵖⵊⴼ ⵡⴰ-ⴷⴷⴻⵖ ⵎⴰⵛⴰ ⵓⵔ ⵢⵓⴼⵉ ⴰⴷ ⴰⵙ ⵉⵔⴰⵔ ⵜⵓⵜⴻⵔⵜ ⵏⵏⴻⵙ.ⵜⵓⵍⵢ ⴷⵉⵖ ⵢⴰⵜ ⵜⵄⴻⵔⵔⵉⵎⵜ ⴰⵀⴰ ⵉⵙⵖⴻⵊⴷⵎ ⵜ ⵓⵎⵉⵡⵙ ⴳ ⵓⵙⴳⴳⴰⵡⵔ ⵏⵏⴻⵙ.ⴰⵖⵏⵜ ⵜⵓⵇⵍⴰⵜⵉⵏ ⵏ ⴼⴰⵟⵏⴰ ⴱⴻⵏⵜ ⵍⵃⵓⵙⵉⵏ ⴷ ⵜⵃⴻⵎⵎⵓⵏⵉⵜ ⵉⵎⵊⵊⴰⵏ ⵏ ⵉⵎⵏⴰⵢⵏ .ⴰⵔ ⵉⵜⵜⴻⵍⵍⴻⵢ ⵓⵎⵃⵔⴰⵢ ⵙ ⵉⵖⴼ ⵏⵏⴻⵙ ⴰⵔ ⵉⵙⴻⴽⵙⵉⵡ ⵙ ⵡⵓⴷⵎ ⵏ ⵜⵄⴻⵔⵔⵉⵎⵜ : -ⵖⴻⵕ ⵎⴰ ⴰⵏⵉ ? ⵜⴻⵎⴳⵓⵍⵍⴻⵢ ⵥⴰⵕ ⵙ : -ⵉⴷ ⵏⴻⵛ ? -ⵛⴻⵎⵎⵉⵏ ⴰ ⵎⵉ ⴷⴰ ⵙⴰⵡⴰⵍⵖ . -ⵙ ⴷⵉ-ⵏⵏⴰ ⵜⵜⴰⴼⴰⵖ ⵉⵎⵉⵇ ⵏ ⵓⵖⵕⵓⵎ. -ⵎⴰ ⴰⵅ ⵎⴰ ⴰⵜⵜⴰ ⵜⵡⵓⵔⵉ ⵜⵜⴻⴳⴳⴰⴷ ? -ⵎⴰ ⴰⵅ ⵉⵙ ⵜⴻⵍⵍⴰ ⵛⴰ ⵏ ⵜⵡⵓⵔⵉ ⴷⵉ ? - ⵎⴻⵛ ⵓⵔ ⵜⴻⵍⵍⵉ ⴷⵖⵉ ⴰⴷ ⵜⵜⵉⵍⵉ ⴰⵙⴽⴽⴰ . -ⵉⴼⵔⴻⵔ (ⵉⴱⴰⴳ,ⵢⵓⵎⴰⵏ)ⵉⵙ ⵓⵔ ⵜⵙⵙⵉⵏⴷ ⵎⴰⵢⴷ ⵢⴰⵖⵏ ⵎⴻⴷⴷⴻⵏ ; -ⴷⴰ ⵏⵙⵙⴰⵖ ,ⴰⵔ ⵛⵍⵍⴰⵖ ⴳ ⵓⴱⵔⵉⴷ ⵉⵣⴷⵉⵏ ⴳⴻⵔ ⵓⵜⴰⵔⴰⵎ ⴷ ⵉⵎⵉⵏⴳ,ⵓⵔ ⵢⴰⴷ ⴷⴰ ⵜⵜⵉⵙⵙⵉⵏⵖ ⵎⴰ ⵙ ⵜⴻⵜⵜⵉⵖ ⵓⴷⵎ ⵉ ⵛⴻⵎ ? -ⵏⴻⵛ ⴰⵔ ⵙⵙⴻⴽⵏⵓⵏⵓⴼⵖ ⵓⵙⵙⴰⵏ ,ⴰⵔ ⵙⵎⵓⵍⵍⵓⵢⵖ ⴰⴽⵓⴷ ⵉⵏⵓ,ⵛⴰ ⵏ ⵜⴰⵟⴼⵉ ⵏ ⵜⵓⴷⴻⵔⵜ ⵓⵔ ⵜⴻⵍⵍⵉ.ⴰⵔⴳⴰⵣ ⵉⵜⵜⴰⵡⵍⵏ ⵀⴰⵜ ⵡⴰⵍⵓ ⵜ.ⴰⵔ ⵜⵜⴻⴷⴷⵓⵖ ⵓⵔ ⵙⵙⵉⵏⵖ ⵎⴰ ⴰⵜⵜⴰ ⵏⴻⵛ.ⵜⵓⴳⵔ ⵜⴰⵍⵍⴻⵙⵜ ⴰⵙⵉⴷⴷ .ⴰⵔ ⵙⴷⵓⵍⴼⵓⵖ ⵡⴰⵏ ⵜⴹⴻⵕⵖⴰⵍⵜ.ⵀⴰ-ⵢⵢⵉ ⴷⵉ ,ⵀⴰ-ⵢⵢⵉ ⴷⵉ-ⵏ.ⴰⵔ ⵜⵜⴻⵊⴳⵓⴳⵍⵖ ⴳⴻⵔ ⵜⵡⴰⵔⴳⵉⵜ ⴷ ⵡⴰⵍⴰⴳ (ⴰⵢ-ⵏⵏⴰ ⵉⵎⵙⴰⵔⵏ ⵏⴻⵖ ⵉⵙⴷⵢ).ⴰⵍⵍⴻⵢ ⴷⴰ ⵜⵜⴻⵜⵜⵓⵖ ⴰⵡⴷ ⴰⵙⵙⴰⵖ ⵉⵏⵓ.ⵏⵏⵓⵔⵣⵖ ⴰⴷ ⴰⵡⵍⵖ,ⴰⴷ ⴰⵔⵓⵖ ⴰⵔⴰⵡ ⵉⵏⵓ,ⴰⴷ ⴷⴷⴻⵔⵖ ⵉ ⵓⵙⵙⴻⴳⵎⵉ ⵏⵏⴻⵙ,ⵉ ⵓⵙⵉⵔⵎ ⵏ ⵡⴰⴷ ⵉⵅⵉⵜⵔ ⵜⴰⴼ ⴰⴷ ⵉ ⵉⵙⵙⵉⴷⵔ ⴳ ⵓⵎⴰⵍⵓ ⵏⵏⴻⵙ ⵎⴰⵛⴰ ⵓⵔ ⵓⴼⵉⵖ ⴰⵙⵉⵔⵎ ⵉⵏⵓ ⵖ ⵡⵓⴽⵓⴷ -ⴰⴷ ⴰⵇⵓⵕⴰⵕ .ⵢⵓⴼ ⵓⵎⵜⴰⵏ ⴳⴰⵔ ⵜⵓⴷⴻⵔⵜ . -ⵓⵀⵓ ⵓⵀⵓ ,ⴰⴷ ⴷⵉⵖ ⵓⵔ ⵉⵜⵜⵉⵥⵉⵕ ⵛⵔⴰ ⵅⴰⵙ ⵉⴷⵉⵙ ⵉⵍⵍⴰⵙⵏ . -ⵀⴰⵜ ⵓⵔ ⵢⴰⴷ ⵉⵇⵇⵉⵎⵉ ⵅⴰⵙ ⵢⴰⵏ ⵉⴼⵉⵍⵉ ⵏ ⵓⵙⵉⴷⴷ. -ⵎⴻⵛ ⵜⵔⵉⴷ ⴰⴷ ⵜⴷⴷⵓⴷ ⵙ ⵖⵓⵕ ⵉ ⵙ ⵜⴳⴻⵎⵎⵉ ⵜⵉⵙ-ⵙⵏⴰⵜ ⵏⵏⴰ ⵖⴼⴻⵕⵖ ⵙ ⵉⴼⴹ ⵏ ⵓⵏⵚⴰⴼ. . -ⴰⴷ ⵎⵉ ? -ⴰⴷ ⵜⵇⵇⵉⵎⴷ ⵖⵓⵕ ⵉ . -ⴰⵔ ⵎⴰⵏ ⵜⵓⵔ ? -ⴰⵔⴷ ⵢⵉⵔⵉ ⵕⴻⴱⴱⵉ . -ⵎⴰ ⴰⵅ ⵉⵙ ⴷⴰ ⵉⵜⵜⵉⵔⵉ ⵕⴻⴱⴱⵉ ⴰⵥⴱⴰⵍ ? -ⵓⵔ ⵜ ⵉⵔⵉ ? -ⵉ ⵎⴰ ⵅⴻⴼ ⴷⴰ ⵜⵙⵙⴰⵔⴰⴷ ? -ⵖⵉⴼ ⴰⴷ ⴰⵎ ⵛⴻⵖ ⴰⵙⵉⵔⵎ ⵏ ⵜⵓⴷⴻⵔⵜ . -ⵙ ⵎⵉ ? -ⵙ ⵜⵓⴷⴻⵔⵜ ⵉⵛⵛⴰⵔⵏ . ⵉⴼⴼⴻⵖ ⵓⵙⴰⴽⴰⵛ ⴰⴱⵔⵉⴷ .ⵙⵖⵓⵢⵢⴻⵏ ⵉⵎⵏⴰⵢⵏ ⴷ ⵜⴻⵎⵏⴰⵢⵉⵏ ,ⵉⵎⵍⴰⵍⵍⴻⵢ ⵓⵙⴰⴽⴰⵛ ,ⴷⵔⵓⵖ ⴰⵢⴷ ⵉⵏⵏⴻⵇⵍⵓⵍⵍⴻⵢ (ⴰⴷ ⵢⴰⵖ ⵛⴰ ⵖⵉⴼ ⵉⵖⴼ ⵏⵏⴻⵙ),ⴷⴷⴰⵏ ⵡⵓⵍⴰⵡⵏ ⴰⴷ ⵏⴹⵓⵏ ,ⴰⴷ ⴼⴼⴻⵖⵏ ⵉⵛⴱⴰ ,ⵉⴱⴻⴷⴷ ⵓⵙⴰⴽⴰⵛ ,ⵉⵡⵊⵊⴻⵖ ⵉⵎⵉⵡⵙ ⴰⵔ ⵉⵔⴳⴳⴻⵎ : -ⴰⴷ ⵉⵅⵍⵓ ⵕⴻⴱⴱⵉ ⵜⵉⴳⵎⵎⵉ ⵏⵏⴻⵛ ⴰ ⴰⵏⴻⵃⵜⵉⴼ (ⵡⴰ-ⴷⴷⴰ ⵎⵉ ⵓⵔ ⵉⵜⵜⴻⵢⴰⵙⵙⴰⵏ ⵉⴱⴱⴰ ⵏⵏⴻⵙ ). ⵙⵓⵍⵏ ⵡⵓⵍⴰⵡⵏ ⴰⵔ ⵜⵜⴻⵏⴽⴰⵅⵏ (ⴰⵔ ⴽⴽⴰⵜⵏ)ⵙ ⵓⵔⵓⵔⴷ ,ⵙⵓⴼⵙⵏⵜ ⵉⵜⵙⴻⵏⵜ ⵜⵙⴻⴷⵏⴰⵏ ⵉⴷⵎⴰⵔⵏ ⵏⵙⴻⵏⵜ.ⵉⵙⴰⵡⵍ ⵓⵎⵃⵔⴰⵢ ; -ⵎⵔⵉⴷ ⵉⵙ ⴰⵙ ⵓⵜⵎⵖ ⴰⴷ ⴰⵖ ⵉⵔⴽⵯⴻⵛ ⴷⵉ .ⵀⴰⵜ ⵉⴷⴷⴰⴷ ⵥⴰⵕ ⵏⵏⴻⵖ ⵏⵏⵉⵛⴰⵏ ⵅⴰⵙ ⵉⵔⴰ ⵢⴰⵖ ⵕⴻⴱⴱⵉ ⵜⵓⴷⴻⵔⵜ. ⵢⴰⵖⵓⵍ ⵓⵙⴰⴽⴰⵛ ⵙ ⵓⴱⵔⵉⴷ ,ⴰⵔ ⵜ ⵉⵜⵜⴰⴹⵓ .ⴼⴻⵙⵜⴰⵏ ⵎⴻⴷⴷⴻⵏ.ⴰⵅⵍⴰⵄ ⴷ ⵓⵕⵎⴰⵢ ⴽⴻⵔⵙⵏ ⴰⵍⵙⵉⵡⵏ.ⴰⵡⴷ ⴰⵏⵓⴷⴷⴻⵎ ⵓⵔ ⵢⴰⴷ ⵜⴻⵏ ⵉⵇⵕⵉⴹ ⴰⵔ ⵙⵉⴳⴳⵉⵍⵏ ⴰⴷ ⴳⴳⴻⵣⵏ ,ⴰⴷ ⴰⵜⵎⵏ ⵉ ⵓⴱⵔⵉⴷ ⵏ ⵉⵙⴻⵎⴹⴰⵍ..ⵉⵙⴽⵏ ⵓⵎⵉⵡⵙ ⵉ ⵉⵏⴻⴱⴷⴰⴷⵏ ⴰⴷ ⵇⵇⵉⵎⵉⵏ ,ⴰⴷ ⵙⴷⴻⵔⵏ ⵉⵖⴼⴰⵡⵏ ⵏⵙⴻⵏ ⵉⴷⴷⴻⵖ ⵉⵜⵜⵓⴳ ⵓⵣⴻⴱⴷⴰⵔ ⵏ ⵡⵓⵣⵣⴰⵍ.ⵉⴱⴻⴷⴷ ⵓⵙⴰⴽⴰⵛ ,ⵢⵓⵍⵢ ⵓⴱⴰⵖⵍⴰⵙ (ⴰⵙⵓⵎⴰⵔ ⵉ ⵓⴱⵓⵍⵉⵙⵉⵢ),ⴼⴼⴻⵖⵏ ⴰⵙ ⵉⵎⵏⴰⵢⵏ ⵉⴱⴷⴷⴰⵏ ⴰⴱⵔⵉⴷ.ⴰⵔ ⵉⵙⵉⴳⴳⵉⵍ ⵜⴰⵙⴳⴳⴰⵢⴷⵓⵜ ,ⵉⴱⴻⴷⴷ ⵎⵏⵉⴷ ⵏ ⵓⵡⵍⴽ ,ⵉⵏⵣⵖ ⵜ ,ⵢⵓⵏⴼ ⵜ ,ⵉⵛⵛⴻⵏⴼⵛⴰ ⵜ ,ⵉⵙⴻⵇⵙⴰ ⵉⵎⵏⴰⵢⵏ ⵉⵍⵍⴰⵏ ⵜⴰⵎⴰ ⵏⵏⴻⵙ : -ⵡⵉ-ⵏ ⵎⵉ ⵓⵡⵍⴽ ⴷⴷⴻⵖ ? ⴼⴻⵙⵜⴰⵏ ,ⵓⵔ ⵖⵉⵏ ⴰⴷ ⵔⴰⵔⵉⵏ .ⵉⵡⵊⵊⴻⵖ ⵓⴱⴰⵖⵍⴰⵙ : -ⵡⵉ- ⵏⵏⴻⵛ ⵛⴻⵢ . -ⵓⵀⵓ,ⵡⵉ-ⵏ ⵢⴰⵏ ⵓⵄⵔⵔⵉⵎ ⵉⵍⵍⴰⵏ ⴹⴰⵕ ⵉ ⵉⴷⴷⴻⵖ ⵓⵔ ⵢⵓⴼⵉ ⴷⵉ-ⴷⴷⴰ ⴳ ⵜ ⵉⵙⵔⵓⵙ ⵉⵜⵜⴻⵔ ⵉ ⴰⴷ ⴰⵙ ⵜ ⵉ ⵙⴻⵔⵙⵖ ⵏⵏⵉⴳ ⵉⵖⴼ ⵉⵏⵓ . -ⵏⵛⴻⵔ,ⵙⵏⴻⵄⴷ ⵉⵜ . ⵉⵙⴽⵏ ⵓⵎⵏⴰⵢ ⴰⵄⵔⵔⵉⵎ ⵉⵙⵙⵉⵡⵉⴷⵏ ⵙ ⵡⵓⴷⵎ ⵏⵏⴻⵙ ⵉⴽⴽⵯⴰⵔⵏ ⵙ ⵡⴰⵅⴱⴰⵛⵏ: -ⵡⴰ-ⵀⴰⵜ. -ⵓⵔ ⵉⴷ ⵏⴻⵛ.ⵛⴰ ⵓⵔ ⵜ ⵙⵔⵉⵙⵖ ⴷⵉ-ⵏ .ⵅⴰⵙ ⴷⴰ ⵉⵙⵃⵉⵍⵍⵉⵍ.ⵀⴰⵜ ⵏⴻⵜⵜⴰ ⴰⵢⴷ ⵉⴳⴰⵏ ⴱⴰⴱ ⵏⵏⴻⵙ . ⵉⵏⵣⴹ ⵜⴻⵏ ⵓⴱⴰⵖⵍⴰⵙ ⵙ ⵜⵎⵉⵊⴰ ⵜⵓⵇⵊⵉⵕⵜ -ⴳⴳⴻⵣⴰⵜ ⵙ ⵙⵉⵏ ⵉⴷ ⵏⵏⵓⵏ . ⵉⵎⴰⵏ ⵓⵙⴰⴽⴰⵛ ⴷ ⵓⴱⵔⵉⴷ.ⵢⵓⴷⵊⴰ ⴰⵎⵏⴰⵢ ⴰⵔ ⵉⵙⵖⵓⵢⵢⵓ ⵜⴰⴼ ⴰⴷ ⵉⵙⵙⴻⵎⵜⵓ (ⴰⴷ ⵉⵙⵙⴻⵄⵔⵇ,ⴰⴷ ⵉⵙⵙⴰⴳⵓⴳ)ⴰⵍⴰⴼⵉⵏ (L’accusation) ⵜ ⵢⴰⵖⵏ.ⵙⵓⵙⵎⵏ ⵉⵎⵏⴰⵢⵏ ⴷ ⵜⴻⵎⵏⴰⵢⵉⵏ.ⵉⴷⴻⵔⴷⴼ ⵓⵙⴰⴽⴰⵛ ,ⴰⵔ ⵜⵜⴻⵍⵍⵉⵏ ⵉⵖⴼⴰⵡⵏ ,ⵏⵏⴻⵄⵛⵓⵛⵎⵏ ,ⵎⵎⴻⵙⵍⴰⵖⵏⵜ ⵜⵓⵖⵎⴰⵙ.ⵉⴱⴻⴷⴷ ⴷⵉⵖ ⵓⵙⴰⴽⴰⵛ ⴳ ⵜⵏⴰⵔⵔⵓⵙⵜ ,ⵢⵓⵍⵢ ⵢⴰⵏ ⵓⵃⴻⵏⵊⵉⵔ ⵢⵓⵙⵉⵏ ⵢⴰⵏ ⵉⵙⵡⵉ ⵏ ⵜⵉⴳⵍⴰⵍ ⵜⵓⵔⴽⵉⵎⵉⵏ,ⵉⵟⴼⵓⵕ ⵜ ⵡⴰ-ⵢⵢⴰⴹ ⴰⵔ ⵉⵣⵣⴻⵏⵣⴰ ⵜⵉⴼⵉⵥⵥⴰ ,ⵉⵟⴼⵓⵕ ⵜ ⵡⴰ-ⵢⵢⴰⴹ ⴰⵔ ⵉⵣⵣⴻⵏⵣⴰ ⴱⴻⵛⴽⵉⵟⵟⵓ,ⴳⴳⴻⵣⵏ ⵉⵜⵙⵏ ⵉⵎⵏⴰⵢⵏ , ⵓⵍⵉⵏ ⴷⵉⵖ ⵡⵉ-ⵢⵢⴰⴹ,ⵎⵎⴻⵟⴼⴰⵕⵏ ⵉⵍⵎⴻⵜⵔⵉⵜⵏ ,ⴽⵓ ⵢⵓⴽ ⵙ ⵉⵎⵛ ⵏⵏⴰ ⵙ ⵉⵙⵙⵓⵜⵓⵔ .ⵛⴰ ⴷⴰ ⵉⵙⵙⴰⵔⴰ ⴰⴷ ⵉⵏⵣⵖ ⵜⴰⵟⵙⴰ ⴳⴻⵔ ⵡⴰⵏⵛⵓⵛⵏ ⵉⵎⵎⴻⵙⵍⴰⵖⵏ ,ⵛⵔⴰ ⴰⵔ ⵉⵙⵙⴰⵔⴰ ⴰⴷ ⵉⵏⵣⵖ ⴰⵔⵢⴰⴱⴱⵓⵀ ⵣⴻⴳ ⵓⵍⴰⵡⵏ ⵉⵇⵓⵕⴰⵕⵏ .ⵉⵡⵡⴻⵜ ⵢⴰⵏ ⵜⴰⵇⴻⵣⴷⴰⵎⵎⵓⵜ : -ⴰ ⴰⴳⵯⵔⵔⴰⵎ ⵀⴰ-ⵢⵢⵉ ⴳ ⵓⵎⵓⵔ ⵏⵏⴻⵛ ⴰⴷ ⵓⵔ ⵉ ⵜⵔⴰⵔⴰⴷ ⵙ ⵉⴼⴰⵙⵙⴻⵏ ⵢⵓⵔⴰⵏ .ⴰ ⵕⴻⴱⴱⵉ , ⴰ ⵉⵎⴰⵔⴻⵡⵏ ⵉⵏⵓ ,ⴰ ⵉⵎⵄⵍⴰⵣⵏ ⵜⵜⴻⵔⵖ ⴰⵡⵏ ⵓⴷⵎ ⵏ ⵕⴻⴱⴱⵉ ⴰⴷ ⵜⵙⴻⴽⵙⵉⵡⵎ ⴱⵓ ⵜⴽⴻⵏⴼⵓⵔⵜ ⵏ ⵜⵎⴰⵔⴰ ⵙ ⵜⵉⵟ ⵢⴰⵍⵍⴰⵏ .ⵏⴻⵛ ⴰ ⴰⵢⵜ ⵎⴰ ⴷ ⵉⵙⵜ ⵎⴰ ⵢⴰⵖ ⵉ ⴰⵢ-ⵏⵏⴰ ⵓⵔ ⵢⴰⵖ ⴰⵡⴷ ⵢⵓⴽ . ⵉⵏⵜⵢ ⴰⵔ ⵉⵜⵜⵉⵔⵉⵔ ⵖⵉⴼ ⵜⵎⴻⵔⵛⵉⵍⵜ ⵏⵏⴻⵙ ⵉⵙⵡⴰⵏ ⴰⵙⴰⴹⵔⵏ(ⴰⵎⴰⵏ ⵏ ⵡⴰⴹⵉⵍ)ⴷ ⵓⵎⴻⵊⵔⵓⴹ(ⵡⴰ-ⴷⴷⴰ ⵜⵔⴰ) ⵏⵏⴻⵙ ⴰⵀⴰ ⵜⵎⵓⵏ ⴷ ⵉⴷⵙ ⵙ ⵜⴰⴳⴰⵏⵜ ⴷⴰⵢ ⵜⴻⵣⵔⵉ ⵜ ⴰⵔ ⵉⵙⵔⵔⴻⵎ ⵜⵉⴷⵉ ⴷ ⵉⵎⵟⵟⵉ. ⵉⴽⴽ ⴷⵉ-ⵏⵏⴰ ⴽⴽⴰⵏ ⵉⵎⴻⵣⵡⵓⵔⴰ ⴰⵔ ⵉⵜⵜⵉⵏⵉ ⵙ ⵓⵏⵢⴰ ⵏ ⵓⴱⴻⵢⵜⵍ :”ⴰⴷ ⴰⵖ ⵢⴰⵔⵢ ⵕⴻⴱⴱⵉ ⵓⵔ ⵢⴰⴷ ⵉⵇⵇⵉⵎⵉ ⵓⵔⵢⴰⴱⴱⵓⵀ ⴳ ⵓⵣⵎⵣⴰⴷ”.ⵉⵃⴻⵏⴽⵔⵓⵔⵢ ⵓⵙⴰⴽⴰⵛ ⵙ ⵜⵉⵛⵛⴻⴽⵯⵕⴰⵕ ⵢⴰⵥⵏ ⴰⴷ ⴹⴹⵉⵇⵙⵏⵜ ⵙ ⵓⵥⴰⵥⴰ ⵏⵏⴰ ⵓⵙⵉⵏⵜ.ⴰⵖⵏⵜ ⵜⵓⵇⵍⴰⵜⵉⵏ ⵢⴰⴹⵏ ⵉⵎⵊⵊⴰⵏ ⵏ ⵉⵏⴻⵊⴷⴰ ⵉⵏⵏⴻⵄⵛⵓⵛⵎⵏ (ⵉⵏⵏⴻⵎⵔⵓⵔⵉⵢⵏ,ⵉⵡⵃⵍⵏ ⴱⴻⵣⵣⴰⴼ) .ⵉⴳⵏⴰ ⵓⵙⵓⵙⵎ ⴰⵏⵛⵓⵛⵏ ⵏⵙⴻⵏ.ⵉⴽⵔⵙ ⵓⵖⵊⴰⴼ ⴰⵍⵙⵉⵡⵏ ⵏⵙⴻⵏ .ⵉⴱⴻⴷⴷ ⵓⵙⴰⴽⴰⵛ .ⵕⴻⵄⴱⵏ ⵉⵏⴻⵊⴷⴰ.ⵎⵙⴻⵇⵙⴰⵏ ⴷ ⵜⵡⴻⵏⴳⵉⵎⵉⵏ ⵏⵙⴻⵏ ⵖⵉⴼ ⵓⵙⴰⵔⵉⴳ .ⵙⵙⵉⴳⴳⴰⵏ ⵉⵎⴻⵣⵡⵓⵔⴰ.ⵥⵥⴻⴼⵏ, ⵡⴻⵊⵊⴻⵖⵏ,ⵏⵏⴰⵏ : -ⴰⴳⵓⵙⵉⴼ,ⴰⴳⵓⵙⵉⴼ!! ⵜⵓⵛⵢ ⵜⴻⵎⵖⴰⵕⵜ ,ⵜⵙⴻⵇⵙⴰ ⵜⵉⵎⵉⴷⵙⵜ ⵏⵏⴻⵙ ⵖⵉⴼ ⵎⴰⵢⴷ ⵉⵍⵍⴰⵏ .ⵜⴻⵙⵙⴻⴼⵔⴰ ⴰⵙ ⵎⴰⵢⴷ ⵉⵍⵍⴰⵏ .ⵉⵙⴰⵡⵍ ⵓⵎⴻⵃⵔⴰⵢ : -ⵀⴰⵜ ⴱⴱⵉⵏ ⵉⵎⵣⴰⵣⵏ (ⵜⴰⴹⴹⴰⵏⴳⵉⵡⵉⵏ) ⴰⴱⵔⵉⴷ ⵉⴷⴷⴻⵖ ⵉⴽⴽⴰ ⵓⴳⵓⵙⵉⴼ ⵏⵏⵉⴳ ⴰⵙ.ⵀⴰⵜ ⴷⴷⵉⵖ ⴰⴷ ⵜ ⵏⴹⵓⵖ . ⵜⵙⴻⵇⵙⴰ ⵜⴻⵎⵖⴰⵕⵜ ⵜⵉⵎⵉⴷⵙⵜ(ⵜⴰ-ⵏⵏⴰ ⵉⵍⵍⴰⵏ ⴳ ⵉⴷⵉⵙ ⵏⵏⴻⵙ)ⵖⵉⴼ ⵎⴰⵢⴷ ⵉⵏⵏⴰ .ⵅⴰⵙ ⵜⵓⴽⵣ ⵜ ⵜⵡⴻⵊⵊⴻⵖ : -ⵇⵇⴻⵍ ⴰ ⴰⵎⴻⵃⵔⴰⵢ ⵔⵉⵖ ⴰⴷ ⴳⴳⴻⵣⵖ ⴷⵉ. ⵉⵙⴰⵡⵍ ⴰⵙ ⵓⵎⴻⵃⵔⴰⵢ ⵙ ⵜⵉⴹⵎⵉ : -ⵉⵙ ⵜⴻⴳⴳⵯⴻⴷ ⵣⵉ ⵓⵎⵜⴰⵏ ⵀⴰⵜ ⵢⴰⵏ ⴰⵢⴷ ⵉⵍⵍⴰⵏ .ⵓ-ⵏⵏⴰ ⵓⵔ ⵉⵎⵜⵉⵏ ⴰⵙⵙ-ⴰ ⴰⴷ ⵉⵎⵜⵏ ⴰⵙⴽⴽⴰ. ⴽⵓⴷ ⴰⵙ ⵜⴻⵙⵙⴻⴼⵔⴰ ⵜⵉⵎⵉⴷⵙⵜ ⵎⴰⵢⴷ ⵉⵏⵏⴰ ⵜⵔⵓⵔⴰ ⴰⵙ : -ⵙⵓⵍⵖ,ⵔⵉⵖ ⵜⵓⴷⴻⵔⵜ ⵎⴻⵇⵇⴰⵕ ⵉⵜⵜⴻⵍ ⵉ ⵡⴰⴹⵓ ⴰⵀⴰ ⵅⵅⴰⵏ ⵉ ⵉⵜⵏⴰⵏ . ⵜⴻⴳⴳⴻⵣ,ⵜⴰⵖ ⵜ ⵜⵓⵛⵛⴻⵏⵜ ,ⵓⵔ ⵜⵖⵉ ⴰⴷ ⵜⴱⴻⴷⴷ ⵖⵉⴼ ⵉⴹⴰⵕⵏ ⵏⵏⴻⵙ ,ⵜⴻⵟⵟⴰⴼ ⴰⵛⴰⵍ ,ⴰⵔ ⵜⵙⴻⴽⵙⵉⵡ ⵙ ⵓⵙⴰⴽⴰⵛ ⴰⵔ ⵉⵜⵜⴻⵎⵃⵓⴼ ⴷ ⵉⵎⵣⴰⵣⵏ ,ⵓⵔ ⵢⴰⴷ ⵉⵣⵎⵉⵔ ⴰⴷ ⵉⴱⴻⴷⴷ ⵖⵉⴼ ⵜⵉⵛⵛⴻⴽⵯⵕⴰⵕ ⵏⵏⴻⵙ,ⵉⵏⵏⴻⵇⵍⵓⵍⴻⵢ ,ⵜⴰⵏⵏⴰⵢ ⵜⵉⵛⵛⴻⴽⵯⵕⴰⵕ ⵏⵏⴻⵙ ⴰⵔ ⵜⵜⵓⵕⴻⵕⵕⵓⵢⵏⵜ ⴳ ⵉⴳⵏⵏⴰ ⵙ ⵉⵎⵣⴰⵣ ⴰⵔ ⵣⵣⴰⴹⵏⵜ ⵉⵖⵚⴰⵏ ⵏ ⵉⵏⴻⵊⴷⴰ.ⵜⵙⴻⵍⵍⴰ ⵉ ⵜⵓⵇⵍⴰⵜⵉⵏ ⵏ ⵉⵖⵓⵢⵢⴰⵏ ,ⵉⵃⵔⵢ ⵓⴳⵓⵙⵉⴼ ⴰⵙⴰⴽⴰⵛ ⵙ ⵎⴰ ⵙ ⵉⵍⵍⴰ ⴷ ⵎⴰⵢⴷ ⵢⵓⵙⵢ .ⴰⵔ ⵉⵜⵜⴻⴳⵏⵓⴳⵓⵢ ⴰⵍⵍⴻⵢ ⵉⵏⵜⵍ ⵉ ⵉⴷⵉⵔ ⵏⵏⴻⵙ.ⵜⴻⵙⵙⴻⴷⴽⵍ ⴰⵍⵍⴻⵏ ⵙ ⵢⴰⵜ ⵜⴻⵡⵔⵉⵔⵜ ⵜⴻⵄⵍⴰ ⵢⴰⵜ ⵜⴳⴻⵎⵎⵉ ⵜⵇⴻⵏⵣⵄ ⵏⵏⵉⴳ ⴰⵙ.ⵜⵄⴰⵢⵏ ⵜ ,ⵜⵓⴼⴰ-ⵏ ⵢⴰⵜ ⵜⴻⵎⵖⴰⵕⵜ .ⵎⵔⴰⵔⴰⵏⵜ ⴰⵡⴰⵍ ⵙ ⵜⵎⴰⵣⵉⵖⵜ : -ⵉⵙ ⵜⴰⵏⵏⴰⵢⴷ ⵎⴰⵢⴷ ⵜⴻⵏ ⵢⴰⵖⵏ ? -ⴰⵏⵏⴰⵢⵖ ⵜ ⴰ ⵜⴰⵙⵎⵓⵏⵜ ⵉⵏⵓ . -ⴽⵓⴷ ⵔⵉⵖ ⴰⴷ ⴳⴳⴻⵣⵖ ⵉⴹⵎⴰ ⵢⵉ(ⵉⵟⵙⴰ ⵖⵉⴼ ⵉ) ⵓⵎⴻⵃⵔⴰⵢ .ⵀⴰⵜⵉ ⵉⵎⴰⵏ ⴷ ⵡⴰⵎⴰⵏ. -ⵉⵎⵛⵉ ⵏⵏⴰⵖ ⴰⵢⴷ ⵉ ⵢⴰⵖⵏ.ⴳ ⵢⴰⵏ ⵓⵏⴻⴱⴷⵓ ⵓⴼⴰⵏ ⵉⵎⴻⵔⵣⴰⴼⵏ ⵜⴰⵙⴻⵎⴹⵉ ⵏ ⵡⴰⵎⴰⵏ ⴷ ⵓⵎⴰⵍⵓ ,ⵓⴷⵓⵛ ⵏ ⵓⵙⴰⴹⵔⵏ ⴷ ⵓⵥⴰⵡⴰⵏ .ⴽⵓⴷ ⵙⵍⵍⴰⵖ ⵉ ⵓⴼⵉⴽⵙ ⵏ ⵜⵉⴳⵏⵓⵜ ⵏⵏⵉⵖ ⴰⵙⵏ :”ⴰⵙⵏⵉ,ⴰⵙⵏⵉ”ⵎⴰⵛⴰ ⵓⵔ ⵓⵡⵉⵏ ⴱⵄⵉⵜ ⵉ ⵡⴰⵡⴰⵍ ⵉⵏⵓ.ⵓⵔ ⵉⴽⴽⵉ ⵓⵎⵢⴰ ⴰⵍⵍⴻⵢ ⵜⴻⵏ ⵉⵃⵔⵢ ⵓⴳⵓⵙⵉⴼ ⵙ ⵓⵔⵡⴰⵙ.

ⴰⵖⴰⵣⴰⴼ ⵎⵓⵃⵎⵎⴰⴷ ⴳ ⵓⵢⴻⵔⵢⴰⵏ 2964/Janvier 2014 .