ⵜⴰⵎⴰⵣⵉⵖⵜ ⵏ ⴰⵢⵜ ⵉⵣⵏⴰⵙⵙⵏ
| ⵜⴰⵎⴰⵣⵉⵖⵜ ⵏ ⴰⵢⵜ ⵉⵣⵏⴰⵙⵙⵏ | |
|---|---|
| ⵜⵓⵜⵍⴰⵢⵜ, languoid | |
| ⴰⴷⵓⵙⵎⵉⵍ ⵏ | Zenati languages  |
| ⵜⴰⵎⴰⵣⵉⵔⵜ | ⵍⵎⵖⵔⵉⴱ |
ⵙⵏⴼⵍ ⴰⵙⴰⴳⵎ - ⵙⵏⴼⵍ - ⵡⵉⴽⵉⴷⴰⵜⴰ  | |
ⵜⴰⵎⴰⵣⵉⵖⵜ ⵏ ⵉⵣⵏⴰⵙⵙⵏ (ⵉⵣⵏⴰⵙⵙⵏ) ⵏⵖ ⴷ ⵜⴰⵎⴰⵣⵉⵖⵜ ⵜⴰⵣⵏⴰⵙⵙⵜ (ⵜⴰⵣⵏⴰⵙⵙⵜ) ⵜⴳⴰ ⵢⴰⵜ ⵜⵏⵜⴰⵍⴰ ⵜⴰⵎⴰⵣⵉⵖⵜ ⵣⵖ ⵜⵓⵜⵍⴰⵢⵉⵏ ⵜⵉⵣⴰⵏⴰⵜⵉⵏ. ⴰⵔ ⵜⴻⵜⵜⵓⵙⴰⵡⴰⵍ ⵖ ⵜⵜⵎⵉ ⵏ ⵓⴳⴰⴼⴰ ⴰⴳⵎⵓⴹⴰⵏ ⵏ ⵍⵎⵖⵔⵉⴱ, ⵖ ⵡⴰⴽⴰⵍ ⵏ ⵉⵣⵏⴰⵙⵏ (ⵖ ⵜⵙⴳⴰ ⵏ ⴱⵔⴽⴰⵏ) ⴳⵔ ⵜⵓⵜⵍⴰⵢⵉⵏ ⵏ ⴰⵔⵔⵉⴼ ⴷ ⵜⵓⵜⵍⴰⵢⵉⵏ ⵜⵉⵎⴰⵣⵉⵖⵉⵏ ⵏ ⵓⵏⵥⵓⵍ ⵏ ⴷⵣⴰⵢⵔ. ⴰⵢⵜ ⵜⴳⵔⴱⴰⵣⵜ ⴰⴷ ⴰⵔ ⴰⵇⵇⵔⴰⵏ ⵉ ⵢⴰⵏ ⵣⴳⵉ-ⵙⵏ ⵙ ⵉⵙⵎ « ⴰⵣⵏⴰⵙⵙⵉ » ⵏⵖ « ⴰⵣⵏⴰⵙⵙⵏⵉ ».
ⴰⵥⵓⵕ ⵏ ⵢⵉⵙⵎ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵎⵣⴰⵔⴰⵢⵏ ⵜⵓⴳⵜ ⵏ ⵉⵎⵉⵏⴰⴳⵏ ⵖ ⵡⴰⵥⵓⵕ ⵏ ⵢⵉⵙⵎ ⴰⴷ ⵏ "ⵉⵣⵏⴰⵙⵙⵏ" ⵎⴰⵛ ⴰⵔ ⵉⵜⵜⵉⵏⵉ ⵓⵎⵉⵏⴰⴳ ⵄⴰⴱⴷⵍⵍⴰⵀ ⵍⵃⵙⴰⵢⵏⵉ ⵖ ⵓⴷⵍⵉⵙ ⵏⵏⵙ "ⴱⴰⵏⵓ ⵉⵣⵏⴰⵙⵏ ⴰⵍⵇⵉⵙⵙⴰ ⴰⵍⴽⴰⵎⵉⵍⴰ" (ⵉⵙⵏⴰⵎⴽⵏ: ⴰⵢⵜ ⵉⵣⵏⴰⵙⵏ ⵜⴰⵏⴼⵓⵙⵜ ⴽⵓⵍⵍⵓⵜ" ⵎⴰⵙ ⴷ ⴰⵏⴰⵎⴽ ⵍⵍⵉ ⴰⴽⴽⵯ ⵢⴰⵥⵏ ⵉ ⵜⵎⵥⵍⴰ ⴷ ⵡⴰⵍⵍⵉ ⴰⴽⴽⵯ ⵉⵏⵜⴰⵛⵔⵏ ⵉⴳⴰ ⵜ ⴱⵍⵍⵉ ⵢⵉⵙⵎ ⴰⴷ ⵏ "ⵉⵣⵏⴰⵙⵙⵏ" ⵉⴽⴽⴰ ⴷ ⵜⴳⵓⵔⵉ ⵏ "ⵣⵏⴰⵜⴰ" ⵍⵍⵉ ⵉⴳⴰⵏ ⵢⴰⵜ ⵣⵖ ⵜⵇⴱⵉⵍⵉⵏ ⵜⵉⵎⴰⵣⵉⵖⵉⵏ ⵎⵇⵇⵓⵔⵏⵉⵏ ⵏ ⵉⵎⴰⵣⵉⵖⵏ ⵣⵓⵏ ⴷ ⵓⴽⴰⵏ ⵚⵏⵀⴰⵊⴰ ⴷ ⴽⵜⴰⵎⴰ. ⵙ ⵖⵎⴽⴰⴷ, "ⵉⵣⵏⴰⵙⵙⵏ" ⵜⴽⴽⴰ ⴷ "ⵉⵣⵏⴰⵜⵏ" ⵍⵍⵉ ⵉⵙⵏⴰⵎⴽⵏ "ⵉⵣⵏⴰⵜⵉⵢⵉⵏ" ⵏⵖ ⴷ "ⵜⴰⵔⵡⴰ ⵏ ⵣⵏⴰⵜⴰ".[1]
ⵜⵓⵜⵍⴰⵢⵜ ⵖ ⵉⵎⵉⵣⵉ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵣⵖ ⴰⵢⵍⵍⵉ ⵉⵜⵜⵉⵏⵉ ⵓⵙⵏⵎⴰⵍⴰ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴳⵎⵉ, ⵜⴰⵎⴰⵙⵙⴰⵏⵜ ⴷ ⵜⴰⴷⵍⵙⴰ, ⵜⵓⵜⵍⴰⵢⵜ ⵏ ⴰⵢⵜ ⵉⵣⵏⴰⵙⵙⵏ ⵉⵎⵉⴽ ⵙ ⵉⵎⵉⴽ ⴰⵔ ⵜ ⵉⵜⵜⵉⵍⵉⵃ ⴷ ⴰⵔ ⵜⵜⵉⴷⵔⵓⵙ ⵖ ⵢⵉⵍⵙⴰⵡⵏ ⵏ ⵜⴰⵔⵡⴰ ⵏ ⵉⵎⵙⵉⵡⵍⵏ ⵏⵏⵙ ⴷ ⵓⵔ ⴰⵙ ⵉⵖⴰⵎⴰ ⵎⴰ ⵉⴳⴳⵓⵜⵏ ⴰⴷ ⵜⴰⵖⵓⵍ ⵜⴳ ⵜⵓⵜⵍⴰⵢⵜ ⵉⵏⵖⵓⴱⴰⵏ. ⴰⵔ ⵉⵜⵜⵉⵏⵉ ⵓⴷⵍⵉⵙ ⵏ "ⴱⴰⵏⵓ ⵉⵣⵏⴰⵙⵙⵏ ⴰⵍⵇⵉⵙⵙⴰ ⴰⵍⴽⴰⵎⵉⵍⴰ" ⵎⴰⵙ ⴷ ⵜⵓⵜⵍⴰⵢⵜ ⴰⴷ ⵖⵉⵍⴰⴷ ⵜⵍⵍⴰ ⵙⵓⵍ ⵖⴰⵔ ⵖ ⴽⵔⴰ ⵏ ⵜⵎⵉⵣⴰⵔ ⴷⵔⵓⵙⵏⵉⵏ ⵖ ⵜⴰⵎⴰ ⵏ ⴱⵔⴽⴰⵏ ⵣⵓⵏ ⴷ ⴰⴽⵍⵉⵎ ⴷ ⵛⵔⴰⵄⴰ ⴷ ⵜⴰⴼⵓⵖⴰⵍⵜ.[1]
ⵉⴷⵖⴰⵔⵏ ⵏ ⵜⵓⵜⵍⴰⵢⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵍⵍⴰⵏ ⵎⵉⴷⴷⵏ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⴰⴷ ⵖ ⵜⵎⴷⵉⵏⵜ ⵏ ⴱⵔⴽⴰⵏ ⴷ ⴽⵔⴰ ⵏ ⵉⴷⵖⴰⵔⵏ ⵍⵍⵉ ⴰⵙ ⵉⵡⴰⵍⴰⵏ, ⵣⵓⵏ ⴷ ⴰⴽⵍⵉⵎ ⴷ ⵜⴰⴼⵓⵖⴰⵍⵜ ⴷ ⵣⴳⵣⵍ ⴷ ⵛⵛⵡⵉⵃⵢⴰ ⴷ ⵛⵔⴰⵄⴰ ⴷ ⴱⵏⵉ ⵄⵟⵉⵢⴰ ⴷ ⵔⵙⵍⴰⵏ ⴷ ⵓⵣⴰⵖⴰⵔ ⵏ ⵜⵔⵉⴼⴰ. ⵜⴽⴽⴰ ⵜⵜ ⵉⵏⵏ ⵢⴰⵜ ⵍⵉⵛⴰⵄⴰ ⵖ ⵉⵙⴳⴳⵯⴰⵙⵏ ⵏ ⵉⴷ ⵜⴰⵎ ⵉⴷ ⵎⵔⴰⵡ ⵉⵙ ⴷ ⵎⵉⴷⴷⵏ ⵍⵍⵉ ⵙⴰⵡⴰⵍⵏⵉⵏ ⵙ ⵜⵣⵏⴰⵙⵜ ⴳⴰⵏ ⵉⴱⵓⵊⴰⴷⵉⵢⵏ ⴷ ⵡⵉⵍⵍⵉ ⵙⴰⵡⴰⵍⵏⵉⵏ ⵙ ⴷⴷⴰⵔⵉⵊⴰ ⵏⵜⵜⵏⵉ ⴰⴷ ⵉⴳⴰⵏ ⵉⵏⴰⵥⵉⵢⵏ.[a] ⵓⵔ ⴷ ⵜⴰⴷ ⴰⴷ ⵉⴳⴰⵏ ⵜⴰⵎⵏⵜⵉⵍⵜ ⵜⴰⵎⵣⵡⴰⵔⵓⵜ ⵍⵍⵉ ⴷ ⵉⵏⵇⵇⴰⵏ ⵜⵓⵜⵍⴰⵢⵜ ⴰⴷ, ⵎⴰⵛ ⴰⵢⵍⵍⵉ ⴷ ⵢⵓⵊⵊⴰⵏ ⵜⵓⵜⵍⴰⵢⵜ ⴰⴷ ⴰⴷ ⵜ ⵉⵜⵜⵉⵍⵉⵃ ⵉⵎⵉⴽ ⵙ ⵉⵎⵉⴽ ⵉⴳⴰ ⵜ ⴰⵛⴽⵓ ⴰⵔ ⵜⵜⴰⵏⵏⴰⵢⵏ ⵜⵓⵜⵍⴰⵢⵜ ⴰⴷ ⵣⵓⵏ ⵉⵖ ⵜⴳⴰ ⵜⵓⵜⵍⴰⵢⵜ ⵏ ⵜⵎⴰⵣⵉⵔⵜ ⵓⵔ ⵉⵅⵚⵚⴰ ⵙⵉⵏ ⵎⵉⴷⴷⵏ ⴰⴷ ⴰⵙ ⵓⵔ ⵙⵙⵉⵏ ⵙ ⵙⵉⵏ ⴰⴷ ⵙⵉⵙ ⵙⴰⵡⵍⵏ.[1]
ⴰⵔⵎⴰⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵏⵏⴰ ⵓⵎⴰⵙⵙⴰⵏ ⴰⴼⵔⴰⵏⵙⵉⵙ ⵉⵎⵇⵇⵓⵔⵏ ⵉⴷⵎⵓⵏⴷ ⴷⵉⵙⵜⴰⵢⵏ ⵎⴰⵙ ⴷ ⵎⵉⴷⴷⵏ ⵍⵍⵉ ⵙⴰⵡⴰⵍⵏⵉⵏ ⵙ ⵜⵣⵏⴰⵙⵙⵜ ⴷⴰ ⵜⵔⵎⴰⵙⵏ ⵎⵉⴷⴷⵏ ⵍⵍⵉ ⵙⴰⵡⴰⵍⵏⵉⵏ ⵙ ⵜⵏⵜⴰⵍⴰ ⵏ ⵣⴽⴰⵔⴰ, ⴱⵏⵓ ⴱⵓⵣⴳⵓ ⴷ ⴱⵏⵉ ⴱⵓⵙⵄⵉⴷ ⴷ ⵜⴰⵎⴰⵣⵉⵖⵜ ⵏ ⴱⵏⵉ ⵙⵏⵓⵙ ⴷ ⵎⵉⴷⴷⵏ ⵍⵍⵉ ⵙⴰⵡⴰⵍⵏⵉⵏ ⵙ ⵜⴰⵎⴰⵣⵉⵖⵜ ⵏ ⴼⵉⴳⵉⴳ ⴷ ⵜⴰⵎⴰⵣⵉⵖⵜ ⵏ ⴰⵢⵜ ⵙⵖⵔⵓⵛⵛⵏ. ⴰⵔⵎⴰⵙ ⴰⴷ ⴰⵔ ⵉⵜⵜⴰⵖⵓⵍ ⵉⵛⵇⵇⴰ ⴷ ⵎⵉⴷⴷⵏ ⵍⵍⵉ ⵙⴰⵡⴰⵍⵏⵉⵏ ⵙ ⵜⵔⵉⴼⵉⵜ ⵎⵇⵇⴰⵔ ⵉⵍⵍⴰ ⵉⵎⵉⴽ ⵏ ⵓⵔⵎⴰⵙ ⴷⴰⵔ ⴰⵢⵜ ⵔⵉⴼ ⵉ ⵜⵓⵜⵍⴰⵢⵜ ⵏ ⴰⵢⵜ ⵉⵣⵏⴰⵙⵏ. ⴰⵔⵎⴰⵙ ⴰⴷ ⴰⵔ ⵉⵜⵜⴰⵖⵓⵍ ⵉⴳ ⴰⵡⵣⵖⵉ[b] ⴷ ⵎⵉⴷⴷⵏ ⵏ ⵙⵓⵙ ⴷ ⵡⵉⵍⵍⵉ ⵙⴰⵡⴰⵍⵏⵉⵏ ⵙ ⵜⵛⵍⵃⵉⵜ. ⵙ ⵖⵎⴽⴰⴷ ⵏⵥⴹⴰⵕ ⴰⴷ ⵏⵉⵏⵉ ⵎⴰⵙ ⴷ ⵡⴰⵡⴰⵍ ⵏ ⴰⵢⵜ ⵉⵣⵏⴰⵙⵏ ⵢⴰⵥ ⵓⴳⴳⴰⵔ ⵉ ⵉⴷⵊⴰⵔⵏ ⵏⵏⵙⵏ ⵖ ⵉⴼⴼⵓⵙ ⴷ ⵉⴼⴼⵓⵙ-ⴰⴳⵎⵓⴹⴰⵏ ⵖ ⴱⵔⵔⴰ ⵏ ⵔⵔⵉⴼ: ⵜⴰⵎⴰⵣⵉⵖⵜ ⵏ ⴱⵏⵉ ⵙⵏⵓⵙ ⴷ ⵜⴰⵎⴰⵣⵉⵖⵜ ⵏ ⴰⵢⵜ ⵙⵖⵔⵓⵛⵛⵏ ⴷ ⵜⵉⵏ ⴰⵢⵜ ⵡⴰⵔⴰⵢⵏ.[2]
ⵉⵍⵓⴳⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵓⵔ ⴷ ⵣⵓⵏ ⴷ ⵜⴰⵔⵉⴼⵉⵜ, ⴰⵙⴽⴽⵉⵍ ⵏ ⵢⴰⵜⵀ (ث) ⴰⵔ ⵉⵜⵜⴰⵖⵓⵍ ⵉⴳⴰ ⵢⴰⵀ (ⵏⵝⵏⵉⵏ ⇒ ⵏⵀⵏⵉⵏ).
- ⴰⵙⴽⴽⵉⵍ ⵏ ⵢⴰⴽ ⵖ ⵜⵔⵉⴼⵉⵜ ⴰⵔ ⵉⵜⵜⴰⵖⵓⵍ ⵉⴳⴰ ⵢⴰⵢ (ⴰⴽⵙⵓⵎ ⇒ ⴰⵢⵙⵓⵎ ⵜⵉⴼⵉⵢⵢⵉ).[c]
- ⵉⵙⴽⴽⵉⵍⵏ ⵏ ⵢⴰⵃ ⴷ ⵢⴰⵄ ⵓⵔ ⵍⵍⵉⵏ, ⴷ ⵉⵖ ⴰⴽⴽⵯ ⵍⵍⴰⵏ ⴰⵔ ⵜⵜⵉⵍⵉⵏ ⵖ ⵉⵡⴰⵍⵉⵡⵏ ⵍⵍⵉ ⴷ ⵉⴽⴽⴰⵏ ⵜⵓⵜⵍⴰⵢⵉⵏ ⵜⵉⵎⴰⵣⵉⵖⵉⵏ ⵢⴰⴹⵏⵉⵏ ⵏⵖ ⴷ ⵜⴰⵄⵔⴰⴱⵜ.[1]
ⵜⴰⵏⵏⴰⵢⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ ⵉⵏⴰⵥⵉⵢⵏ ⴰⵎⴰⴳⵓⵜ ⵏ ⴰⵏⴰⵥⵉ ⵉⵟⵟⴰⴼ ⴰⵏⴰⵎⴽ ⵏ ⵎⵓⵜⴰⵇⴰⴷⵉⵎ [Amawal umḍin]
- ^ Awzɣi iṭṭaf anamk n mustaḥil [Amawal umḍin]
- ^ ⴰⵙⵓⵖⵍ ⵣⵖ ⵡⵉⴽⵉⴱⵉⴷⵢⴰ ⴷⴰⵔⵉⵊⴰ