ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ

ⴰⵎⴰⴳⵔⴰⴷ ⴰⴷ, ⵓⵔ ⵉⵍⵉ ⵉⵙⵎⵉⵍⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⵎⵉⵍⵏ ⴷ ⵢⵓⵙⴰⵏ.

ⴰⵎⴰⴳⵔⴰⴷ ⴰⴷ ⵉⴳⴰ ⵙⵓⵍ ⴰⴳⵓⵊⵉⵍ. ⵎⴽ ⵜⵓⴼⵉⴷ, ⵔⵏⵓ ⴰⵙⵖⵓⵏ ⵏⵏⵙ ⴳ ⴽⵕⴰⴹⵜ ⵜⴰⵙⵏⵉⵡⵉⵏ ⵢⴰⴹⵏⵉⵏ.

ⴰⵎⴰⴳⵔⴰⴷ ⴰⴷ ⵓⵔ ⵉⵍⵉ ⵉⵙⵖⵓⵏⵏ ⵉⴳⵏⵙⴰⵏⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⵖⵓⵏⵏ ⵉⴳⵏⵙⴰⵏⵏ ⵏⵖ ⵓⴳⴳⴰⵔ.

ⴰⵎⴰⴳⵔⴰⴷ ⴰⴷ ⵓⵔ ⵉⵍⵉ ⵉⵙⴰⵖⵓⵍⵏ ⴳⵓⵎⵏⵉⵏ. ⵎⴽ ⵜⵓⴼⵉⴷ, ⵔⵏⵓ ⴰⵙ ⴽⵕⴰⴹ ⵉⵙⴰⵖⵓⵍⵏ ⵏⵖ ⵓⴳⴳⴰⵔ.

ⵓⵏⴳⴰⵍ ⴰⴱⵓⵍⵉⵙ ⴰⵎⴰⵣⵉⵖ : ⵉⵇⵇⵙ ⵢⵉⴳⵉⵔⴷⵎ ⵙ ⵓⵎⴷⵢⴰ

ⵜⵉⵣⵉ ⵏⵏⴰ ⵏⵙⴰⵡⴰⵍ ⴼ ⵓⵏⴳⴰⵍ ⴰⴱⵓⵍⵉⵙⵉ ⴳ ⵓⵎⴰⴹⴰⵍ ⴰⵔ ⵏⵜⵜⴰⴼⵉ ⴰⵎⵓⴽⵔⵉⵙ ⵏ ⴰⴷ ⵏⵏⵙⵏ ⵎⴰⵏⵉ ⴷ ⵉⴽⴽⴰ ⵡⴰⵏⴰⵡ ⴰⴷ, ⴷ ⵎⴰⵏ ⴰⴽⵓⴷ ⴰⴷ ⵉⴼⴼⴰⵖ ⵙ ⵜⵉⵍⴰⵡⵜ, ⴰⵎⵓⴽⵔⵉⵙ ⴰⴷ ⵉⵍⵍⴰ ⵓⴽⴰⵏ ⵙⵓⵍ ⴼⵍⵍⴰⵙ ⵓⵎⴹⴰⴽⴰⵕ ⴳ ⴷⴰⵔ ⵉⵎⵔⵣⵓⵜⵏ ⴳ ⵜⵙⴽⵍⴰ ⴳ ⵓⵎⴰⴹⴰⵍ ⴰⴽⴽⵯ, ⴰⵛⴽⵓ ⵉⵍⵍⴰ ⵎⴰⴷ ⵉⵜⵜⵉⵏⵉⵏ ⵎⴰⵙ ⴷ ⵓⵏⴳⴰⵍ ⴰⴱⵓⵍⵉⵙⵉ ⵉⴳⴰ ⴰⵇⴱⵓⵔ, ⵡⵉⵏ ⵜⴰⵙⵓⵜⵉⵏ ⵜⵉⵣⴰⵢⴽⵓⵜⵉⵏ, ⴳ ⵓⵙⴰⵜⵉ ⴰⴷ ⵏⵉⵜ ⴰⵔ ⵉⵜⵜⵉⵏⵉ ⵓⵙⴰⵎⵓ ⵏ ⵍⴰⵕⵓⵙ ⵎⴰⵙ ⴰ ⵜⵜⴰⴼⵉⵏ ⵉⵎⵔⵣⵓⵜⵏ ⴰⵎⵓⴽⵔⵉⵙ ⴳ ⴰⴷ ⵙⵜⵉⵏ ⵎⴰⵏ ⵜⵉⵣⵉ ⴰⴷ ⵉⵙⵙⵏⵜⵉ ⵓⵏⴳⴰⵍ ⴰⴱⵓⵍⵉⵙ, ⴰⵛⴽⵓ ⴰⵏⴰⵡ ⴰⴷ ⵉⵜⵜⵓⵙⵙⴰⵏ ⵙ ⵓⴱⴽⴽⴰⴹ ⴷ ⵓⵔⵣⵣⵓ ⴼ ⵎⴰⴷ ⵜ ⵉⵙⴽⵔⵏ, ⵎⴰⵢⴰⵏ ⴰⴼ ⴰ ⵜⵜⴰⴼⴰⵏ ⵉⵎⵔⵣⵓⵜⵏ ⴰⵎⵓⴽⵔⵉⵙ ⴳ ⵓⵙⵜⴰⵢ ⵏ ⵜⵍⴰⵍⵉⵜ ⵏ ⵡⴰⵏⴰⵡ ⴰⴷ, ⴰⵛⴽⵓ ⵉⵖ ⵏⵡⵔⵔⵉ ⵙ ⵜⵙⴽⵍⴰ ⵜⴰⵣⴰⵢⴽⵓⵜ ⴰⵔ ⵜⵜ ⵉⵏⵏ ⵏⵜⵜⴰⴼ ⴳⵉⵙ ⵉⴼⵔⴷⵉⵙⵏ ⴰⴷ, ⵙ ⵓⵎⴷⵢⴰ ⵜⴰⵎⵣⴳⵓⵏⵜ ⵏ ⵓⴳⵍⵍⵉⴷ ⵓⴷⵉⴱⴱ ⵏ ⵙⵓⴼⵓⴽⵍⵉⵙ ⵍⵍⵉ ⵉⵜⵜⵓⵙⵎⵏⴰⴷⵏ ⴳ ⵓⵙⴳⴳⵯⴰⵙ ⵏ 429 ⴷⴰⵜ ⵏ ⵜⵍⴰⵍⵉⵜ ⵏ ⵄⵉⵙⴰ, ⵍⵍⵉⵖ ⴳⵉⵙ ⵢⴰⵏ ⵓⴱⴽⴽⴰⴹ ⴷ ⵓⵙⵉⴳⴳⵍ ⴼ ⵎⴰⴷ ⵜ ⵉⵙⴽⵔⵏ, ⴷ ⵓⵍⴰ ⴳ ⵜⵓⵡⵔⵉⵡⵉⵏ ⵏ ⵓⵎⴰⵔⴰ ⴰⵔⵓⵙⵉ ⴷⵓⵙⵜⵓⴼⵙⴽⵉ. ⵎⴰⵛⵛ ⵉⵙ ⴷ ⵜⴰⵡⵓⵔⵉ ⵏⵏⴰ ⵖ ⴽⴰ ⵉⵍⵍⴰ ⵓⴱⴽⴽⴰⴹ ⴷ ⵓⵔⵣⵣⵓ ⴼ ⵓⵏⴱⴽⴰⴹ ⵉⵙ ⵜⴳⴰ ⵜⴰⵙⴽⵍⴰ ⵜⴰⴱⵓⵍⵉⵙⵉⵜ? ⴰⴽⵓⴷ ⵏⵏⴰ ⵏⵙⴰⵡⴰⵍ ⴼ ⵜⵙⴽⵍⴰ ⵜⴰⴱⵓⵍⵉⵙⵜ ⵙ ⵓⵎⴰⵜⴰ ⴷ ⵓⵏⴳⴰⵍ ⴰⴱⵓⵍⵉⵙⵉ ⵙ ⵜⵥⵍⵉⵜ ⵓⵔ ⴰ ⵏⵙⴰⵡⴰⵍ ⵖⴰⵙ ⴼ ⵙⵉⵏ ⵉⴼⵔⴷⵉⵙⵏ ⴰⴷ, ⴰⵛⴽⵓ ⵉⴼⵔⴷⵉⵙⵏ ⴰⴷ ⴳⴰⵏ ⵢⴰⵜ ⵜⵖⴰⵡⵙⴰ ⵏⵏⴰ ⵉⵣⴷⵉⵏ ⴷ ⵓⴼⴳⴰⵏ ⴷ ⵍⵍⵉ ⵉⵍⵍⴰⵏ ⴳ ⵓⵎⴰⴹⴰⵍ ⵏⵏⵖ, ⴷ ⵜⵉⵣⵉ ⵏⵏⴰ ⵉⵙⴽⴰⵔ ⵢⴰⵏ ⵖⴰⵙ ⴰⴳⵍⴰⵎ ⵉ ⵜⵉⵍⴰⵡⵜ ⵔⴰⴷ ⵉⵙⵎⵔⵙ ⵜⵉⵖⴰⵡⵙⵉⵡⵉⵏ ⴰⴷ “ⴰⴱⴽⴽⴰⴹ” ⴷ “ⵓⵏⴱⴽⴰⴹ”, ⵜⴰⵙⴽⵍⴰ ⵜⴰⴱⵓⵍⵉⵙⵉⵜ ⵓⵔ ⵉⴳⵉ ⵎⴰⵢⴰⴷ ⴰⵡⵜⵜⴰⵙ ⵏⵏⵙ ⴰⵏⴼⵔⴰⵔ, ⵎⵇⵇⴰⵔ ⴰⴽⴽⵯ ⴳⵉⵙ ⴰⴳⵍⴰⵎ ⵏ ⵓⴱⴽⴽⴰⴹ ⴷ ⵎⴰⴷ ⴳⵉⵙ ⵢⵉⵡⵙⵏ, ⵎⴰⵛⵛ ⵏⵜⵜⴰⵜ ⴰⵡⵜⵜⴰⵙ ⵏⵏⵙ ⴰⵎⵣⵡⴰⵔⵓ ⵉⴳⴰ ⵜ ⴰⴷ ⵜⵙⴱⵓⵖⵍⵓ ⴰⵏⵍⵍⵉ ⵏ ⵓⴼⴳⴰⵏ ⵜⵎⵍ ⵓⵍⴰ ⵜⵉⵖⴰⵔⴰⵙⵉⵏ ⵏ ⵓⵙⵡⵉⵏⴳⵎ ⴰⵎⵏⵍⵍⵉ ⵍⵍⵉ ⵉⵙⵙⵎⵔⴰⵙ ⵓⴼⴳⴰⵏ ⴼⴰⴷ ⴰⴷ ⵉⴼⵙⵉ ⵜⵓⵏⵜⵉⵍⵉⵏ ⵉⵏⵔⵓ ⵜⵏⵜ ”ⵓⵏⴳⴰⵍ ⴰⴱⵓⵍⵉⵙⵉ ⵉⵍⵍⴰ, ⴰⵛⴽⵓ ⴰⴼⴳⴰⵏ ⵉⴳⴰ ⵢⴰⵏ ⵉⵎⵉⴷⵔ ⵉⵙⵡⵉⵏⴳⵉⵎⵏ, ⵓⴷⴷⵉⵙ ⵙ ⵢⴰⵜ ⵜⵖⴰⵔⵙⵜ ⵉⵥⵍⵉⵏ, ⵀⴰⵢⵢⴰⵖ ⵎⵏⵉⴷ ⵏ ⵢⴰⵜ ⵜⴼⴽⴽⴰ ⵏ ⵢⴰⵏ ⵓⵔⴳⴰⵣ ⵉⵜⵜⵢⴰⵡⵏⵖⴰⵏ, ⵉⵥⴹⵕ ⵡⴰⵢⵢⴷⵉ ⴰⴷ ⴰⵖ ⴷ ⵉⵍⴷⵉ ⴰⵎⵣⵡⵔ ⵖⴰⵙ ⵙ ⴰⴷ ⵉⴹⴼⵕ ⴰⴹⵓ ⵏⵏⵙ ⴱⵍⴰ ⴰⴽⴽⵯ ⵉⵙⴰⵡⵍ, ⴱⵍⴰ ⴰⴽⴽⵯ ⵉⵙⴰⵡⵍ, ⵎⴽ ⴷⴰ ⵉⵙⵙⴼⴰⵡ ⵕⴱⴱⵉ ⵜⵉⴷⵜ ⴰⴽⴽⵯ ⴰⵛⴽⵓ ⴷⴰⵔⵙ ⵜⴰⵥⴹⵕⵜ ⴳ ⵡⴰⴽⵓⴷ ⵓⵍⴰ ⴰⴷⵖⴰⵔ, ⵉⵎⵎⴰ ⴰⴼⴳⴰⵏ ⵖⵓⵔⵙ ⵖⴰⵔ ⴰⴷ ⵢⴰⴽⵣ ⵜⵉⴷⵜ, ⴷ ⴰⴷ ⵉⵎⵎⴰⵖ ⴰⴷ ⵙ ⵜⵜ ⵉⵍⴽⵎ, ⵎⴰⵢⴰⴷ ⴰⴽⴽⵯ ⴰⴷ ⵉⴳⴰⵏ ⵜⴰⵎⵉⵎⵜ ⵏ ⵓⵏⴳⴰⵍ ⴰⴱⵓⵍⵉⵙⵉ ⵜⴰⵎⵎⴰⵔⴰ ⵏ ⵜⵉⴷⵜ. ” ⴰⵔ ⵜⵙⵙⵉⵎⵖⵓⵔ ⵜⵙⴽⵍⴰ ⵜⴰⴱⵓⵍⵉⵙⵉⵜ ⵙ ⵓⵏⵍⵍⵉ ⵏ ⵓⴼⴳⴰⵏ ⴰⵛⴽⵓ ⵏⵜⵜⴰ ⴰⴷ ⵉⴳⴰⵏ ⵜⴰⵖⴰⵡⵙⴰ ⵍⵍⵉ ⵜ ⵉⴱⴹⴰⵏ ⴷ ⵉⵎⵉⴷⵔⵏ ⵢⴰⴹⵏ, ⴷ ⵏⵜⵜⴰ ⴰⴷ ⴰⵙ ⵉⵎⵎⴰⵍⴰⵏ ⵜⵉⴷⵜ ⵎⵇⵇⴰⵔ ⵏⵏ ⵜⴰⴳⴳⵓⴳ, ⵜⵓⵎⵔⵜ ⵏⵏⵙ ⴰⵔ ⵜⵜ ⵉⵜⵜⴰⴼⵉ ⵜⵉⵣⵉ ⵏⵏⴰ ⵢⵓⴼⴰ ⴰⴼⵙⵙⴰⵢ ⵉ ⴽⵔⴰ ⵏ ⵓⴱⴽⴽⴰⴹ, ⵜⵉⴽⵙⵙⴰⴹ ⴳ ⵎⴰⴷ ⵓⵔ ⵉⵜⵜⵓⵙⵙⴰⵏ, ⴷ ⵓⴷⵓⵀⴷⵓ ⵜⵉⵣⵉ ⵏⵏⴰ ⵜⴼⴰⵡ ⴽⵔⴰ ⵏ ⵜⵓⵏⵜⵉⵍⵜ, ⵜⵉⴷ ⴰⴷ ⵉⴳⴰⵏ ⵜⵉⴼⵔⴰⵙ ⵜⵉⵙⴷⵍⴰⵏⵉⵏ ⵏ ⵓⵏⴳⴰⵍ ⴰⴱⵓⵍⵉⵙⵉ. ⴰⵔ ⵉⵜⵜⵉⵏⵉ ⴷⴰⵏⵢⵉⵍ ⴼⵓⵏⴷⵉⵛ (Daniel Fondanéche) ⴳ ⵓⴷⵍⵉⵙ ⵏⵏⵙ ⵓⵏⴳⴰⵍ ⴰⴱⵓⵍⵉⵙⵉ “ ⵓⵏⴳⴰⵍ ⴰⴱⵓⵍⵉⵙⵉ ⵉⴳⴰ ⵢⴰⵜ ⵜⵎⵀⵍⴰ ⵏ ⵓⵙⵉⴳⴳⵍ, ⴰⵡⵜⵜⴰⵙ ⵏⵏⵙ ⴰⴷ ⵜⵔⴰⵔ ⴰⵎⵢⴰⵙ ⵍⵍⵉ ⵢⴰⴷⵍⵍⵉ ⵉⵕⵥⴰⴷⵏ, ⴰⵍⴰⵙ ⵏ ⵓⵏⵎⴰⵍⴰ ⴷ ⵓⵔⴳⴳⵉⴳ ⵉ ⵡⴰⴷⴷⴰⴷ ⴰⵏⴰⵎⵓⵏ ⵍⵍⵉ ⵢⴰⴷ ⵉⵙⵙⵏ ⵢⴰⵏ ⵓⵎⵔⵡⵉ ⵢⴰⵜ ⵜⴰⵙⵓⵜ ⴳ ⵡⴰⴽⵓⴷ, ⵜⴰⵎⵀⵍⴰ ⵢⴰⴷ ⴰⵔ ⵜⴻⵜⵜⵓⴼⴽⵉ ⵉ ⵢⴰⵏ ⵓⴳⴳⵉⴷ (ⴰⴱⵓⵍⵉⵙⵉ- ⴰⵎⴳⴳⵉⵡⵙ ...) ⴷⴼⴼⵉⵔ ⴰⴷ ⵜⴻⵜⵜⵓⴼⴽⴰ ⵉ ⴽⵔⴰ ⵏ ⵜⵎⵔⵙⵍⵜ ⵜⴰⵏⴱⴹⵢⵜ” . ⵙ ⵎⴰⵢⴰ ⴷ ⴰⴽⴽⵯ, ⵜⴰⵡⵓⵔⵉ ⵜⴰⴱⵓⵍⵉⵙⵉⵜ ⵜⴰⵎⵣⵡⴰⵔⵓⵜ ⵍⵍⵉ ⵉⵎⵍⴰⵏ ⵜⵉⴼⵔⴰⵙ ⵏ ⵜⵙⴽⵍⴰ ⵜⴰⴱⵓⵍⵉⵙⵉⵜ ⵜⴳⴰ ⵜⵜ ⵜⵓⵍⵍⵉⵙⵜ ⵏ ⵓⵎⴰⵔⴰ ⴰⵎⵉⵔⵉⴽⴰⵏⵉ ⵉⴷⴳⴰⵔ ⴰⵍⴰⵏ ⴱⵓ “Edgar Allan Poe” ⵍⵍⵉ ⵉⵍⵍⴰⵏ ⴷⴷⵓ ⵏ ⵓⵣⵡⵍ “ⵙⵏⴰⵜ ⵜⵎⵜⵜⵉⵏⵉⵏ ⵏ ⵜⵙⵓⴽⵜ ⵏ ⵎⵓⵔⴳ - Double assassinat dans la rue Morgue ” ⵍⵍⵉ ⵉⵜⵜⵓⴼⵙⴰⵔⵏ ⴳ ⵓⵙⴳⴳⵯⴰⵙ ⵏ 1841 ⴳ “ⵜⵙⵖⵓⵏⵜ ⵏ ⴳⵔⴰⵀⵎ - Graham’s magasine”. ⵎⴰⵢⴰⵏⵏ ⴰⴼ ⵏⵏⴰⵏ ⵉⵎⵔⵣⵓⵜⵏ ⴳ ⵓⵎⵣⵔⵓⵢ ⵏ ⵜⵙⴽⵍⴰ ⵜⴰⴱⵓⵍⵉⵙⵉⵜ ⵎⴰⵙ ⴷ ⵜⵓⵍⵍⵉⵙⵜ ⵏ “ⵙⵏⴰⵜ ⵜⵎⵜⵜⵉⵏⵉⵏ ⵏ ⵜⵙⵓⴽⵜ ⵏ ⵎⵓⵔⵖ” ⴰⴷ ⵉⴳⴰⵏ ⵜⴰⵡⵓⵔⵉ ⵜⴰⴱⵓⵍⵉⵙⵉⵜ ⵜⴰⵎⵣⵡⴰⵔⵓⵜ, ⵉⵏⵉⵏ ⵎⴰⵙ ⴷ ⵜⴰⵙⵙⴰⴽⵓⴷⵜ ⵉ ⵜⵙⴽⵍⴰ ⵜⴰⴱⵓⵍⵉⵙⵉⵜ ⵜⵙⵙⵏⵜⵉ ⴳ ⵡⴰⴽⵓⴷ ⴰⵏⵏ. ⴳ ⵎⴰⴷ ⵉⵥⵍⵉⵏ ⵙ ⵓⵏⴳⴰⵍ ⴰⴱⵓⵍⵉⵙⵉ ⴰⵎⵣⵡⴰⵔⵓ ⴳ ⵓⵎⵣⵔⵓⵢ, ⵉⴳⴰ ⵜ ⵡⵉⵏ ⵓⵎⴰⵔⴰ ⴰⴼⴰⵕⴰⵏⵚⵉ “ⵉⵎⵉⵍ ⴳⴰⴱⵓⵔⵢⵓ - Emile Gaborioau “ ⵙ ⵓⵏⴳⴰⵍ ⵏⵏⵙ ⵍⵍⵉ ⵉⴳⴰⵏ ⵙ ⵓⵣⵡⵍ “ⵜⴰⵎⵏⵜⵉⵍⵜ ⵏ ⵍⵓⵕⵓⵊ-L’affaire Lerouge “. ⴰⵏⴰⵡⵏ ⵏ ⵓⵏⴳⴰⵍ ⴰⴱⵓⵍⵉⵙⵉ ⵓⵏⴳⴰⵍ ⴰⴱⵓⵍⵉⵙⵉ ⵉⵟⵟⴰⴼ ⵉⴼⵔⴷⵉⵙⵏ ⵏⵏⵙ ⵏⵜⵜⵏⵉ ⴰⴷ ⵜ ⵉⵜⵜⴰⵊⴰⵏ ⴰⴷ ⵢⴰⵎⵥ ⴰⴼⵔⵉⵙ ⵏ ⵓⵏⴳⴰⵍ ⴰⴱⵓⵍⵉⵙⵉ “ ⴽⵕⴰⴹ ⵉⴼⵔⴷⵉⵙⵏ ⵉⴷⵙⵍⴰⵏ ⵏ ⵓⵏⴳⴰⵍ ⴰⴱⵓⵍⵉⵙⵉ ⵉⴳⴰ ⵜⵏ ⴰⴱⴽⴽⵉⴹ ⴷ ⵓⵏⴳⵉⵙ ⴷ ⴰⵎⵙⴰⴳⴳⵓ, ⴽⵔⴰⵢⴳⴰⵜ ⴰⴼⵔⴷⵉⵙ ⵉⵣⴷⵉ ⴷ ⵢⴰⵏ ⵡⴰⵏⴰⵡ, ⵎⴰⵢⴰⵏⵏ ⴰⴼ ⵉⴱⴹⴰ ⵓⵏⴳⴰⵍ ⴰⴱⵓⵍⵉⵙⵉ ⴼ ⴽⵕⴰⴹ ⵡⴰⵏⴰⵡⵏ : ⵓⵏⴳⴰⵍ ⵏ ⵜⵎⵓⴽⵔⵉⵙⵜ ⴷ ⵓⵏⴳⴰⵍ ⵏ .. ⴷ ⵓⵏⴳⴰⵍ ⴰⵙⴳⴳⴰⵏ, ⵔⴰⴷ ⴰⴽⴽⵯ ⵏⵙⴰⵡⵍ ⴼ ⵡⴰⵏⴰⵡⵏ ⴰⴷ ⴽⵓ ⵢⴰⵏ ⵡⴰⵃⴷⵓⵜ ⵎⴽⴷⴰ ⵔⴰⴷ ⵏⵎⵍ ⵜⵉⴼⵔⴰⵏ ⵍⵍⵉ ⵥⵍⵉⵏⵉⵏ ⵙ ⴽⵓ ⴰⵏⴰⵡ ⴷ ⴽⵔⴰ ⵏ ⵓⵎⴷⵢⴰ ⴼⵍⵍⴰⵙ: ⵓⵏⴳⴰⵍ ⵏ ⵜⵎⵓⴽⵔⵉⵙⵜ (roman problème) ⴰⴼⵔⴷⵉⵙ ⴰⴷⵙⵍⴰⵏ ⴳ ⵡⴰⵏⴰⵡ ⴰⴷ ⵉⴳⴰ ⵜ ⵓⵎⵙⴰⴳⴳⵓ, ⵍⵍⵉⵖ ⴰ ⵉⵜⵜⵎⴰⵖ ⵓⵎⴰⵔⴰ ⴰⴷ ⴰⵙ ⵉⵙⴽⵔ ⴰⵙⵏⵓⵎⵎⵍ ⵉⵀⵢⵢⴰⵏ ⵉⵎⵍⴰⵖ ⵜⵉⴼⵔⴰⵙ ⵏⵏⵙ ⴷ ⵜⵣⵎⵎⴰⵔ ⵏⵏⵙ ⴳ ⵓⵙⵡⵉⵏⴳ ⴷ ⵜⵖⵉⵙⵜ ⵏⵏⵙ ⴷ ⵜⵙⴳⴼⵍⵜ ⵍⵍⴰ ⵉⵍⴽⵎ ⴳ ⵜⵖⴰⵔⴰⵙⵏ ⵏ ⵓⵙⵡⵉⵏⴳⵎ ⴰⵎⵏⵍⵍⵉ ⴷ ⵎⴰⵏⵉⴽ ⴰⵙ ⴰ ⵢⴰⵇⵇⵔⴰ ⴰⵙⵓⵔⵙ ⵜⵉⵣⵉ ⵏⵏⴰ ⵢⵉⴹⵕ ⵏⵏⵉⴳ ⵏ ⴽⵔⴰ ⵏ ⵓⴱⴽⴽⴰⴹ, ⴰⵔ ⴳⵉⵙ ⵉⵙⴽⴰⵔ ⴰⴽⵓⵛ ⵏ ⵓⵙⵡⵉⵏⴳⵎ, ⴰⵏⴰⵡ ⴰⴷ ⴰⵔ ⴱⴰⵀⵔⴰ ⵢⴰⴽⴽⴰ ⴰⵜⵉⴳ ⵄ ⵓⵎⵙⴰⴳⴳⵓ, ⴰⵎⵙⴰⴳⴳⵓ ⴳ ⵖⵉⴷ ⴰⵔ ⵉⵜⵜⴳⴰ ⴰⵎⵙⵖⴰⵏ ⵉⵥⵍⵉⵏ ⵏⵖ ⴰ ⵉⵙⵙⵓⵡⵔⵉ ⴷⴰⵔ ⴽⵔⴰ ⵏ ⵜⵎⵔⵙⵍⵜ, ⵏⵜⵜⴰ « ⵢⴰⵏ ⵓⵔⴳⴰⵣ ⵉⵙⵜⵉⵏ ⴰⴷ ⵉⴷⴷⵔ ⴳ ⵉⵎⵉⵣⵉ ⵙ ⵜⵖⵔⴰⴷ ⴷⵔⵓⵙⵏⵉⵏ … ⴰⵔ ⵉⵙⴽⴰⵔ ⴰⵙⴰⴳⴳ ⴼⴰⴷ ⴰⴷ ⵢⴰⴼⵉ ⴰⴼⵙⵙⴰⵢ ⵉⴽⵔⴰ ⵏ ⵜⵓⵏⵜⵉⵍⵜ ⵎⴰⵢⴰⵏ ⴰⴼ ⵜ ⵉⴷ ⵉⵇⵇⴰⵏ ⴰⴷ ⵉⵙⵡⴰⵏⴳⵎ ⵓⴳⴳⴰⵔ… ⵓⵔ ⵜ ⵉⴽⴰⵚⵚⴰ ⴰⴷ ⵉⴳⴳⴰⵡⵔ ⴳ ⵓⵙⵉⵔⴰ ⴰⵔ ⵉⵜⵜⴰⵔⵎ ⴰⵏⵥⴰⵜⵏ ⵉⵙ ⵚⵃⴰⵏ ⵏⵖ ⵓⵀⵓ, ⵎⴰⵛⵛ ⵉⵇⵇⴰⵏ ⵜ ⴰⴷ ⵉⴼⴼⵖ ⵙ ⵓⴷⵖⴰⵔ ⵏ ⵓⴱⴽⴽⴰⴹ » Boileau-Narcejac: Roman policier, Op, cit, page 07 » ⴰⵔ ⴱⴷⴷⴰ ⵉⵜⵜⵏⵔⵓ ⵎⴰⵛⵛ ⴰⵔ ⵏⵏ ⴱⴷⴷⴰ ⵉⵜⵜⴳⴰ ⴳ ⴷⴰⵔⵙ, ⵓⵔ ⵊⵊⵓ ⵜ ⵜⴼⴼⴰⵖ ⵜⵓⵔⴷⴰ ⴳ ⵉⵙⵇⵙⵉⵜⵏ ⵏⵏⵙ, ⴰⵡⵔⵉⴽ ⴰⴷ (ⴰⵎⵙⴰⴳⴳⵓ) ⵏⵜⵜⴰ ⴰⴷ ⵉⵙⵙⵔⵓⵙⵏ ⵉⵎⵖⵔⵉ ⵏⴳⵔ ⵜⵓⵏⵜⵉⵍⵜ ⴷ ⵎⴰⵛⵛ ⵍⵍⵉⵖ ⵜⵍⵍⴰ. ⴰⵎⵙⴰⴳⴳⵓ ⵉⵍⵍⴰ ⴱⴷⴷⴰ ⴳ ⵓⵎⵏⵣⴰⵖ ⵏⵜⵜⴰ ⴷ ⵢⴰⵏ ⵓⵏⴱⴽⴰⴹ ⵓⵏⵥⵉⵥ. ⴽⵔⴰ ⵏ ⵉⵎⴷⵢⴰⵜⵏ ⵏ ⵉⵎⴰⵔⴰⵜⵏ ⵍⵍⵉ ⵢⵓⵔⴰⵏ ⴳ ⵡⴰⵏⴰⵡ ⴰⴷ ⵏ ⵓⵏⴳⴰⵍ ⴰⴱⵓⵍⵉⵙⵉ. • ⵉⴷⵉⴳⴰⵔ ⴰⵍⴰⵏ ⴱⴱⵓ : ⵏⵜⵜⴰ ⴰⴷ ⵉⴳⴰⵏ ⴰⵎⵣⵡⴰⵔⵓ ⵙ ⵡⴰⵏⴰⵡ ⴰⴷ ⵏ ⵜⵉⵔⵔⴰ “ⴱⴰⴱⴰⵙ ⵏ ⵓⵏⴳⴰⵍ ⴰⴱⵓⵍⵉⵙⵉ” ⵏⵜⵜⴰ ⴰⴷ ⵉⵙⵔⵙⵏ ⵜⵉⵔⵙⴰⵍ ⵏⵏⵙ ⵜⵉⵎⵣⵡⵓⵔⴰ, ⵢⵓⵔⴰ ⵓⵏⴳⴰⵍ ⴰⴱⵓⵍⵉⵙⵉ ⴰⵎⵣⵡⴰⵔⵓ “ⵙⵉⵏ ⵉⴱⴽⴽⴰⴹⵏ ⵏ ⵓⵙⴰⴽⴰ ⵏ ⵎⵓⵔⴳ- Double Assassinat dans La rue morgue” ⴳ ⴱⵔⵉⵔ ⵏ 1841 ⵉⴼⵙⵔ ⵜⵜ ⴳ ⵜⵖⵎⴰⵙⵜ ⵏ ⴳⵔⴰⵀⴰⵎ ⴳ ⴱⴰⵔⵉⵣ ⴰⵎⵙⴰⴳⴳⵓ ⴳ ⵓⵏⴳⴰⵍ ⴰⴷ ⵉⴳⴰ ⵜ ⵓⴱⵓⵍⵉⵙⵉ ‘ⵓⴳⴰⵙⵜ ⴷⵓⴱⵉⵏ August Dupin’ ⵏⵏⴰ ⵉⵙⵙⵎⵔⴰⵙⵏ ⴰⵙⵡⵉⵏⴳⵎ ⴰⵎⵥⵍⴰⵏ ⴳ ⵓⴼⵙⴰⵢ ⵏ ⵜⴰⵏⵜⴰⵍⵉⵏ. • ⴰⴳⴰⵜⴰ ⴽⵔⵉⵙⵜⵉ Agatha Christy : ⵜⴳⴰ ⵢⴰⵜ ⴳ ⵉⵎⴰⵔⴰⵜⵏ ⵉⵅⴰⵜⴰⵔⵏ ⵍⵍⵉⵖ ⴰⴽⴽⵯ ⵜⵜⵓⴼⵙⴰⵔ ⵉⴷⵍⵉⵙⵏ ⵏⵏⵙ ⴳ ⵓⵎⴰⴹⴰⵍ ⴰⴽⴽⵯ ⵙ ⵎⴰⵔⴰⴷ ⵉⴳ 400 ⵏ ⵉⴷ ⵎⵍⵢⵓⵏ ⵏ ⵜⵓⵏⵖⵉⵍⵜ ⴰⴷ ⵉⵜⵜⵓⴼⵙⴰⵔⵏ ⴳ ⵓⵎⴰⴹⴰⵍ, ⴰⵔ ⵜⵜⴰⵔⴰ ⴽⵔⵉⵙⵜⵉ ⵙ ⵢⴰⵜ ⵜⵖⴰⵔⵙⵜ ⵏⵏⴰ ⵏⴰⵃⵢⴰ ⴷ ⵉⵎⴰⵔⴰⵜⵏ ⵢⴰⴹⵏ ⵍⵍⵉⵖ ⴰ ⵜⵎⴰⵖ ⴰⴷ ⵜⴰⵡⵉ ⵉⵎⵖⵔⵉ ⴰⴷ ⵉⴷⴷⵔ ⴳ ⵓⴳⵏⵙ ⵏ ⵓⵏⴳⴰⵍ ⵉⴳ ⵢⴰⵏ ⴳ ⵉⴼⵔⴷⵉⵙⵏ ⵏⵏⵙ, ⵉⴽⵍⵍⵉ ⵜⵜⵎⴰⵖ ⴰⴷ ⵜⴰⵊⵊ ⵉⵎⵖⵔⵉ ⴰⴷ ⵉⵙⵡⴰⵏⴳⵎ ⵙ ⵢⴰⵜ ⵜⵖⴰⵔⵙⵜ ⵉⴳⴰⵏ ⵜⵓⵏⵥⵥⵜ ⴰⵛⴽⵓ ⴰⴷ ⵏⵉⵜ ⵜⵏⵏⵉⵜ ⵉⵙ ⵜⵓⴼⵉⵜ ⴰⵏⴱⴽⴰⴹ ⵙⵉⵖ ⵉⵎⵎⵓⵜ. • ⴽⵓⵏⴰⵏ ⴷⵡⵉⵍ : ⴰⵎⵙⵏⴼⵍⵓⵏ ⵏ ⵓⵎⵙⴰⴳⴳⵓ ⵛⴰⵔⵍⵓⴽ ⵀⵓⵍⵎⵥ” Holms” ⵉⵜⵜⵓⵙⴰⵏ ⴰⵙⴳⴳⵯⴰⵙ ⵏ 1891 ⵙ ⵜⵓⵍⵍⵉⵙⵜ ⵏⵏ “ⴰⵄⵓⵕⴹ ⴳ ⴱⵓⵀⵉⵎⴰ” ⵜⵓⵍⵍⵉⵙⵜ ⴰⴷ ⴷ ⵜⵢⵢⴰⴹ ⵎⵓⵏⵜ ⴳ ⵢⴰⵏ ⵓⴷⵍⵉⵙ ⵏⵏⴰ ⵎⵓ ⵉⴳⴰ ⵙ ⵓⵣⵡⵍ “ⵜⵉⵎⵙⴽⵙⴰⵍⵉⵏ ⵏ ⵛⴰⵔⵍⵓⴽ ⵀⵓⵍⵎⵥ”, ⵉⵙⵎⵓⵏ ⵓⵍⴰ ⵎⴰⴷ ⵉⵜⵜⴳⴰⵏ 12 ⵏ ⵜⵓⵍⵍⵉⵙⵜ ⴳ ⵓⴷⵍⵉⵙ ⵍⵍⵉ ⵉⵡⵣⵍ ⵙ “ ⵜⵉⵎⴽⵜⴰⵢ ⵏ ⵛⴰⵔⵍⵓⴽ ⵀⵓⵍⵎⵥ Les Mémoires de Sherlock Holmes”. ⵀⵓⵍⵎⵥ ⵉⴳⴰ ⴳ ⵉⵡⵔⵉⴽⵏ ⵉⴱⵓⵍⵉⵙⵉⵏ ⵍⵍⵉ ⴰⴽⴽⵯ ⵉⵜⵜⵓⵙⴰⵏⵏ ⴳ ⵓⵎⴰⴹⴰⵍ, ⵏⴰⵃⵢⴰⵜ ⴷ ⵉⵡⵔⵉⴽⵏⵉⵏ ⴰⵏⵏ ⴰⵢⴹⵏ, ⵎⴰⵢⴰⵏ ⴰⴷ ⵜ ⵢⵓⵊⵊⴰⵏ ⴰⴷ ⵉⵜⵜⵓⵙⵉⵏ, ⴰⵛⴽⵓ ⴰⵔ ⵉⵙⵙⴼⵍⵉⴷ, ⴰⵔ ⵉⴼⴼⵔⵏ, ⴰⵔ ⵢⴰⴽⴽⴰ ⵉⵙⵇⵙⵉⵜⵏ ⴼⴰⴷ ⴰⴷ ⵢⴰⴼⵉ ⴰⴼⵙⵙⴰⵢ. ⵓⵏⴳⴰⵍ ⵏ ⵓⵙⵎⵓⵔⵔⴳ Roman Suspense ⴰⴼⵔⴷⵉⵙ ⴰⴷⵙⵍⴰⵏ ⴳ ⵡⴰⵏⴰⵡ ⴰⴷ ⵉⴳⴰ ⵜ ⵓⵏⴳⵉⵙ, ⴰⵔ ⵉⵜⵜⵎⴰⵖ ⵓⵎⴰⵔⴰ ⴰⴷ ⵉⵙⴽⵔ ⵢⴰⵏ ⵓⵎⴰⴹⴰⵍ ⵏ ⵍⵍⵉⵖ ⵜⵍⵍⴰ ⵜⵍⵥⵍⴰ ⵏⴳⵔ ⵓⵏⴱⴽⴰⴹ ⴷ ⵓⵏⴳⵉⵙ, ⵉⵎⵎⴰⵖ ⴰⴷ ⵢⴰⵎⵥ ⵜⴰⵢⵏⵉⵜ ⵏ ⵉⵎⵖⵔⵉ, ⴰⵔ ⴱⴰⵀⵔⴰ ⵉⵙⵓⵡⵓⵉ ⴼ ⵉⵙⵙⵢⴰⴼⴰⵜⵏ ⵏⵏⵙ, ⵎⴰⵢⴰⵏ ⴰⴷ ⵉⵜⵜⴰⵊⵊⴰⵏ ⵉⵎⵖⵔⵉ ⴰⵔ ⴱⴷⴷⴰ ⵉⵙⵎⵓⵇⵇⵓⵍ ⵙ ⵜⵉⵟⵟ ⵏ ⵜⵣⵣⵉⴷⴳⴰ, ⴷ ⴰⵔ ⴼⵍⵍⴰⵙ ⴱⴷⴷⴰ ⵉⵜⵜⵉⴽⵚⵓⴹ, ⴰⵔ ⵏⵏ ⴰⴽⴽⵯ ⴳⵉⵙ ⵉⵜⵜⴰⴼⵉ ⵉⵅⴼ ⵏⵏⵙ. ⴰⵔ ⵏⵏ ⵏⵜⵜⴰⴼⵉ ⵓⵏⴳⵉⵙ ⵉⵍⵍⴰ ⴱⴷⴷⴰ ⴳ ⵉⵎⵉⵣⵉ, ⵎⴰⵢⴰⵏ ⴰⴷ ⴰⴽⴽⵯ ⵉⵜⵜⴰⵊⵊⴰⵏ ⵉⵎⵖⵔⵉ ⵉⵍⵍⴰ ⴱⴷⴷⴰ ⴳ ⵜⴽⵚⵚⴹ, ⵉⴽⵚⵓⴹ ⵙ ⵓⵏⴳⵉⵙ ⴰⴷ ⵜ ⵉⵏⵖ ⵓⵏⴱⴽⴰⴹ. ⵎⴰⵢⴰⵏ ⴰⴷ ⵉⵜⵜⴰⵊⵊⴰⵏ ⵓⵏⴳⵉⵙ ⵉⴳⴰ ⵣⵓⵏ ⴷ ⴰⵇⵇⵍⵉⵍ ⵎⵥⵥⵉⵏ ⵍⵍⵉ ⴼ ⴽⵓⵍⵍⵓ ⵎⴷⵉⵏ, ⵉⵎⵉⵣⵉ ⵉⵎⴷⵢⴰⵙ ⴳ ⴽⵔⴰⵢⴳⴰⵜ ⴰⴷⵖⴰⵔ, ⵎⴰⵢⴰⵏ ⴰⴼ ⵜ ⵉⴷ ⵉⵇⵇⴰⵏ ⴰⴷ ⵉⵇⵇⵍ ⵙ ⵜⵡⵀⴰⵍⵜ ⵍⵍⵉⵖ ⵔⴰⴷ ⵉⵍⵡⵔ, ⴰⴷ ⵉⵇⵇⵉⵍ ⵉⵅⴼ ⵏⵏⵙ, ⴰⴷ ⵉⵙⵙⵏ ⵎⴰⵏⵉ ⴳ ⵔⴰⴷ ⵉⵃⴹⵓ, ⴰⵛⴽⵓ ⴹⴼⵕⵏ ⵜ ⵡⴰⵍⵍⵏ, ⵎⴰⵢⴰⴷ ⴰⴷ ⵉⴳⴰⵏ ⵉⴼⵔⴷⵉⵙⵏ ⵉⵅⴰⵜⴰⵔⵏ ⵏ ⵡⴰⵏⴰⵡ ⴰⴷ : ⴰⵙⴷⵉⴷⴷⵉ, ⴰⴳⴰⵏⵉ, ⴰⴹⴼⵓⵕ. ⴽⵔⴰ ⴳ ⵉⵎⴷⵢⴰⵜⵏ ⵏ ⵡⴰⵏⴰⵡ ⴰⴷ: • ⵙⵜⴰⵏⵍⵢ ⴳⵔⴰⵏⴷⵔ Stanley Gardner : ⴳ ⵓⵏⴳⴰⵍⵏ ⵏⵏⵙ ⴰⵔ ⵏⵜⵜⴰⴼⵉ ⵓⵏⴳⵉⵙ ⴰⵔ ⴱⴷⴷⴰ ⵉⵜⵜⴰⵎⵥ ⴰⴼⵔⵉⵙ ⵏ ⵜⵉⵣⵣⵉⴷⴳⴰ ⴷ ⵉⵍⵍⴰ ⴱⴷⴷⴰ ⴷⴷⵓ ⵓⵙⴷⵉⴷⴷⵉ, ⵉⵜⵜⵓⵙⴰⵏ ⵙⵜⴰⵏⵍⵢ ⴳⵔⴰⵏⴷⵔ ⵙ ⵓⵡⵔⵉⴽ ⵏⵏⵙ “ⴱⴱⵉⵔ ⵎⴰⵙⵓⵏ Perry Maso » ⴰⵡⵔⵉⴽ ⴰⴷ ⵉⴳⴰ ⴰⵎⵙⴰⴳⴳⵓ ⵉⴳ ⵓⵍⴰ ⴰⵎⵙⵜⴰⵏ ⵏ ⵓⵏⴳⵉⵙ, ⵜⴰⵙⵉⵏⵔⴰⵏⵜ ⴰⴷ ⵏ ⵓⵏⴳⵉⵙ-ⴰⵎⵙⴰⴳⴳⵓ ⵏⵜⵜⴰⵜ ⴰⵙ ⵉⵜⵜⵓⵙⴰⵏ ⴳⵔⴰⵏⴷⵔ, ⵍⵍⵉⵖ ⴰ ⵉⵙⵎⵓⵏ ⵏⴳⵔ ⵙⵉⵏ ⵡⴰⵏⴰⵡⵏ ⵏ ⵓⵏⴳⴰⵍ ⴰⴱⵓⵍⵉⵙⵉ (ⵓⵏⴳⴰⵍ ⵏ ⵜⵎⵓⴽⵔⵉⵙⵜ ⴷ ⵓⵏⴳⴰⵍ Suspense) • ⵊⵉⵍⵢⴰⵏ ⴼⵍⵉⵢⵏ Gillian Flynn : ⴳ ⵓⵏⴳⴰⵍ ⵏⵏⵙ ⵜⴰⴼⵔⵓⵅⵜ ⵍⵍⵉ ⵍⴰⵃ Gone Girl ⴳ ⵓⵏⴳⴰⵍ ⵏⵏⵙ ⵜⵙⵡⵓⵔⵉ ⵊⵉⵍⵢⴰⵏ ⵓⴳⴳⴰⵔ ⴼ ⵓⵏⴳⵉⵙ ⵍⵍⵉ ⵉⴳⴰⵏ ⵉⵎⵉ Amy , ⵜⴰⵎⵖⴰⵔⵜ ⵏ ⵏⵉⴽ ⵍⵍⵉ ⵍⴰⵃ ⴷ ⵍⵍⵉ ⵓⵔ ⵉⵙⵙⵏ ⵢⴰⵏ ⵎⴰⵏⵉ ⵜⴽⴽⴰ, ⵉⵎⵖⵔⵉ ⵜⵉⵣⵉ ⵏⵏⴰ ⵢⴰⵇⵇⵔⴰ ⵓⵏⴳⴰⵍ ⴰⵔ ⵉⵜⵜⵙⵏ ⵓⴳⴳⴰⵔ ⴼ ⵜⵓⴷⵔⵜ ⵏ ⵜⵓⵏⴳⵉⵙⵜ “ⵉⵎⴰ” ⵎⴰⵢⴰⵏ ⴰⴷ ⵜ ⵉⵜⵜⴰⵊⵊⴰⵏ ⴰⴷ ⴳⵉⵙ ⵉⵙⵓⵇⵇⵍ ⵙ ⵜⵉⵟⵟ ⵏ ⵜⵣⵣⵉⴷⴳⴰ. ⵓⵏⴳⴰⵍ ⴰⵙⴳⴳⴰⵏ Roman Noir ⴰⵡⵔⵉⴽ ⴰⴷⵙⵍⴰⵏ ⴳ ⵡⴰⵏⴰⵡ ⴰⴷ ⵏ ⵓⵏⴳⴰⵍ ⵉⴳⴰ ⵜ ⵓⵏⴱⴽⴰⴹ, ⴰⵏⴰⵡ ⴰⴷ ⴷⴰⵔ ⵙ ⵢⴰⵏ ⵓⴷⵖⴰⵔ ⵙⵉⵙ ⵉⵥⵍⵉⵏ, ⵜⴰⵖⴰⵔⵙⵜ ⵍⵍⵉ ⵙ ⴰ ⵉⵜⵜⵢⴰⵔⴰ ⴰⴷ ⵜ ⵢⵓⵊⵊⴰⵏ ⴰⴷ ⵢⴰⵎⵥ ⴰⴷⵖⴰⵔ ⴰⵏⵏ, ⵓⵏⴳⴰⵍ ⴰⴷ ⴰⵔ ⵏⵏ ⴳⵉⵙ ⵉⵜⵜⴰⴼⵉ ⵉⵎⵖⵔⵉ ⵉⵅⴼ ⵏⵏⵙ, ⴰⴼⴳⴰⵏ ⵉⴳⴰ ⴰⵏⴱⴽⴰⴹ ⵎⵇⵇⵓⵔⵏ ⴳ ⵜⵓⴷⵔⵜ ⴰⴷ, ⵎⴰ ⴰⵏⵏ ⴰⴼ ⵉⵍⵍⴰ ⵓⵙⵍⴳⵏ ⴼⴰⴷ ⴰⴷ ⵉⴽⴽⵙ ⵉ ⵓⴼⴳⴰⵏ ⴰⴼⵔⵉⵙ ⴰⵏⵏ ⵏ ⵓⵏⴱⴽⴰⴹ, ⵎⴰⵢⴰⵏⵏ ⴰⴼ ⴰⵏⵏ ⴳⵉⵙ ⵉⵜⵜⴰⴼⵉ ⵉⵎⵖⵔⵉ ⵉⵅⴼ ⵏⵏⵙ, ⴰⵏⴰⵡ ⴰⴷ ⴰⵔ ⵜ ⵉⵙⵙⵓⴼⵓⵖ ⴳ ⵜⵓⴷⵔⵜ ⵏⵏⵙ ⵜⴰⴽⵓⵢⴰⵙⵜ ⵜⵓⴷⵔⵜ ⵍⵍⵉ ⵉⵎⵢⴰⵔ ⵙ ⵜⵓⴷⵔⵜ ⵏ ⵜⵎⵙⴽⵙⴰⵍⵉⵏ, ⵜⵓⴷⵔⵜ ⵏ ⵓⴱⴽⴽⴰⴹ ⵜⵓⴷⵔⵜ ⵍⵍⵉⵖ ⵜ ⵉⴹⴼⵕ ⵓⵎⵙⴰⴳⴳⵓ, ⵓⵏⴳⴰⵍ ⴰⴷ ⴰⵔ ⵏⵏ ⴳⵉⵙ ⵏⵜⵜⴰⴼⵉ ⴰⵏⴱⴽⴰⴹ ⵉⴳⴰ ⵓⵏⵥⵉⵥ ⵣⵓⵏ ⴷ ⴰⵎⵙⴰⴳⴳⵓ, ⴰⵎⵙⴰⴳⴳⵓ ⵖⵉⴷ ⴰⴷ ⴰⵔ ⵉⵜⵜⵔⴰⵜ ⴰⴼⴰⴷ ⴰⴷ ⵢⴰⴼ ⴰⵏⴱⴽⴰⴹ ⵉⵥⴹⴰⵕ ⴰⴷ ⵉⵏⵖ ⴰⵡⴷ ⵏⵜⵜⴰ ⴰⴼⴰⴷ ⴰⴷ ⵉⴼⵔⴳ ⴼ ⵢⵉⵅⴼ ⵏⵏⵙ ⵏⵖ ⴷ ⴼ ⵓⵏⴼⵉⵙ, ⴳ ⵉⵎⴰⵔⴰⵜⵏ ⵍⵍⵉ ⵢⵓⵔⴰⵏ ⴳ ⵡⴰⵏⴰⵡⵏ ⴰⴷ : ⴷⴰⵛⵉⵍ ⵀⴰⵎⵉⵜ Dashiel Hammet : ⴷⴰⵔⵙ ⵎⵏⵏⴰⵡ ⵓⵏⴳⴰⵍⵏ ⵣⵓⵏ ⴷ : « ⵜⴰⵎⴳⵔⴰ ⵜⴰⵥⴳⴳⵯⴰⵖⵜ Red Harvest  » ⴷ « ⵜⴰⵙⴰⵔⵓⵜ ⵏ ⵊⵊⴰⵊ The Glass Key» ⴷ ⵡⵢⵢⴰⴹ, ⵉⵜⵜⵓⵙⴰⵏ ⵀⴰⵎⵉⵜ ⵙ ⵜⵖⴰⵔⴰⵙⵜ ⵏⵏⵙ ⵉⴱⵙⵓⵙⵏ ⴳ ⵜⵉⵔⵔⴰ ⴷ ⵓⵙⵙⵎⵔⵙ ⵏⵏⵙ ⵉ ⵜⵡⵉⵏⴰⵙ ⴳⵣⵣⵓⵍⵏⵉⵏ, ⵎⴰⵢⴰⵏⵏ ⴰⴷ ⴰⴽⴽⵯ ⵉⵜⵜⴰⵊⴰⵏ ⵉⵎⵖⵔⵉⵜⵏ ⵓⵔ ⴰ ⵜⵜⴰⴼⵉⵏ ⴰⵎⵓⴽⵔⵉⵙ ⴳ ⵓⵔⵎⴰⵙ ⵏⵏ ⵜⵉⵔⵔⴰ ⵏⵏⵙ, ⴳ ⵎⴰⴷ ⵉⵥⵍⵉⵏ ⵙ ⵉⵡⵔⵉⴽⵏ, ⵀⴰⵎⵉⵜ ⴰⵔ ⵉⵙⵓⵡⵔⵉ ⵓⴳⴳⴰⵔ ⴼ ⵉⵡⵔⵉⴽⵏ, ⵎⴰⵢⴰⵏⵏ ⴰⴼ ⴰⵏⵏ ⵏⵜⵜⴰⴼ ⵉⵡⵔⵉⴽⵏ ⵏⵏⵙ ⵉⵎⵎⵔ ⵓⵔⵎⴰⵙⵏ ⵏⵏⵙⵏ.

ⵉⴼⵔⴷⵉⵙⵏ ⵏ ⵓⵏⴳⴰⵍ ⴰⴱⵓⵍⵉⵙⵉ

1. ⴰⴱⴽⴽⴰⴹ ⵉⵏⵜⵍⵏ ⵉⴳⴰ ⵓⴱⴽⴽⴰⴹ ⴰⴼⵔⴷⵉⵙ ⴰⵎⵣⵡⴰⵔⵓ ⴷ ⵓⴷⵍⵙⴰⵏ ⵍⵍⵉ ⴼ ⵉⴱⴷⴷ ⵓⵏⴳⴰⵍ ⴰⴱⵓⵍⵉⵙⵉ, ⵉⵖ ⵏⵏ ⵓⵔ ⵏⵓⴼⵉ ⴰⴱⴽⴽⴰⴹ ⴳ ⵓⴳⵏⵙ ⵏ ⵓⵏⴳⴰⵍ ⵓⵔ ⵏⵥⴹⴰⵕ ⴰⴷ ⵏⴻⵏⵏⴰ ⵉⴳⴰ ⴰⴱⵓⵍⵉⵙⵉ, ⵎⴰⵢⴰⵏⵏ ⴰⴼ ⴰⵏⵏ ⵏⵜⵜⴰⴼⵉ ⵜⵓⴳⵜⵜ ⵏ ⵉⵎⴰⵔⴰⵜⵏ ⴰⵔ ⵜⵎⴰⵖⵏ ⴰⴷ ⴼⵉⵏ ⴰⴱⴽⴽⴰⴹ ⴳⵓⵏⴳⵏⵙ ⵏ ⵓⴹⵕⵉⵚ ⴰⴱⵓⵍⵉⵙⵉ ⵙ ⵢⴰⵜ ⵜⵖⴰⵔⴰⵙⵜ ⵍⵍⵉ ⵙ ⵔⴰⴷ ⴰⵎⵥⵏ ⵉⵎⵖⵔⵉ ⴰⵊⵊⵏⵜ ⴰⴷ ⴷⵉⵙⵙⵏ ⵉⴷⴷⵔ ⴳ ⵓⴳⵏⵙ ⵏ ⵓⴹⵕⵉⵚ, ⴰⴷ ⵉⴹⵕ ⵜⵉⵎⵙⴰⵔⵉⵏ, ⴰⴷ ⵉⵙⵉⴳⴳⵉⵍ ⵙ ⵓⵏⴱⴽⴰⴹ, ⵓⵏⴳⴰⵍ ⴰⴱⵓⵍⵉⵙⵉ ⵉⵡⴰⵜⵙ ⴰⴷ ⵢⴰⵊⵊ ⵉⵎⵖⵔⵉ ⴰⴷ ⵉⴼⴽ ⵜⵓⴳⵜⵜ ⵏ ⵉⵙⵇⵙⵉⵜⵏ ⵣⵓⵏ ⴷ “ⵎⴰⵏⵉ? ⵎⵏⵎⴽ? ⵎⴰⵅⵅ? ⴷ ⵎⴰⵏⴰⴽⵓⴷ ?” ⵍⵍⵉ ⵔⴰⴷ ⴰⵙ ⵢⴰⵡⵙ ⴰⴷ ⵢⴰⴼ ⴰⵏⴱⴽⴰⴹ ⴷ ⴰⴷ ⵉⴼⵙⵉ ⵓⵏⵜⵉⵍ ⵏ ⵓⴱⴽⴽⴰⴹ. ⵥⵍⵉⵏⵜ ⵜⵖⴰⵔⴰⵙⵉⵏ ⵍⵍⵉ ⵙ ⴰ ⵉⵙⴽⴰⵔ ⵓⵎⴰⵔⴰ ⴰⴳⵍⴰⵎ ⵉ ⵓⴱⴽⴽⴰⴹ ⴳ ⵓⵏⴳⴰⵍ ⴰⵔ ⵡⴰⵢⵢⴰⴹ. 2. ⴰⵏⴱⴽⴰⴹ ⵏⵜⵜⴰ ⴰⴷ ⵉⵙⴽⵔⵏ ⴰⴱⴽⴽⴰⴹ, ⵉⴳⴰ ⴰⵡⴷ ⵏⵜⵜⴰ ⴰⴼⵔⴷⵉⵙ ⴰⴷⵙⵍⴰⵏ ⴳ ⵓⵏⴳⴰⵍ ⴰⴱⵓⵍⵉⵙⵉ ⴰⵛⴽⵓ ⵓⵔ ⵉⵍⵍⵉ ⴽⵔⴰ ⵏ ⵓⴱⴽⴽⴹ ⴱⵍⴰ ⴰⵏⴱⴽⴰⴹ, ⴰⵔ ⵏⵜⵜⴰⴼⵉ ⴽⵔⴰ ⵏ ⵓⵏⴳⴰⵍⵏ ⴳⵉⵙⵏ ⵜⵓⴳⵜⵜ ⵏ ⵉⵏⴱⴽⴰⴹⵏ ⴽⵓ ⵢⴰⵏ ⴷ ⵓⴱⴽⴽⴰⴹ ⵏⵏⴰ ⵉⵙⴽⵔ. ⴰⵏⴱⴽⴰⴹ ⴷⴰⵔⵙ ⵢⴰⵏ ⵡⴰⵜⵉⴳ ⵎⵇⵇⵓⵔⵏ ⴳ ⵓⴳⵏⵙ ⵏ ⵓⵏⴳⴰⵍ, ⵊⴰⵊ ⵏⵏⵙ ⴰⵔ ⵏⵜⵜⵔⵎⴰⵙ ⴰⵏⵍⵍⵉ ⵏ ⵓⵏⴱⴽⴰⴹ, ⴰⵔ ⴰⴽⴽⵯ ⵏⵜⵜⴰⴼⵉ ⵜⴰⵎⵔⴰⵔⵓⵜ ⴼ ⵓⵙⵇⵙⵉ “ⵎⴰⵅⵅ” ⴰⵔ ⵏⵜⵜⵙⵏ ⴳ ⵊⴰⵊ ⵏⵏⵙ ⵎⴰⵅⵅ ⵍⵍⵉⵖ ⴰ ⵉⵜⵜⵙⵜⴰⵢ ⵓⴼⴳⴰⵏ ⴰⴷ ⵉⴳ ⴰⵏⴱⴽⴰⴹ ⴷ ⵎⴰⴷ ⵜ ⵉⵜⵜⵃⵉⵏ ⴰⴷ ⵉⵙⴽⵔ ⵉⴳⵉ ⴰⵏⵏ. 3. ⵓⵏⴳⵉⵙ ⵓⵔ ⵉⵍⵍⵉ ⵓⵏⴳⴰⵍ ⴰⴱⵓⵍⵉⵙⵉ ⴱⵍⴰ ⵓⵏⴳⵉⵙ ⵏⵉⵖ ⵜⴰⴼⴽⴽⴰ, ⴰⵛⴽⵓ ⵓⵔ ⵉⵍⵍⵉ ⴽⵔⴰ ⵏ ⵓⴱⴽⴽⴰⴹ ⴱⵍⴰ ⴰⴼⵔⴷⵉⵙ ⴰⴷ, ⵎⴰⵢⴰⵏⵏ ⴰⴼ ⵉⵏⵏⴰ ⵄⴱⴷ ⵍⵇⴰⴷⵔ ⵛⵕⵛⴰⵕ “ⵓⵏⴳⴰⵍ ⴰⴱⵓⵍⵉⵙⵉ ⵡⴰⵔ ⵓⵏⴳⵉⵙ ⵓⵔ ⵉⵍⵍⵉ” ⴰⵔ ⵣⵡⴰⵔ ⵙⴰⵡⴰⵍⵏ ⵉⵎⴰⵔⴰⵜⵏ ⴼ ⵓⵏⴳⵉⵙ, ⵜⵓⴷⵔⵜ ⵏⵏⵙ, ⴷ ⵎⴰⵖ ⵉⵣⵔⵉ, ⴼⴰⴷ ⴰⴷ ⵜⵜ ⵙⵏⴼⵍ ⴰⴷ ⵉⴳ ⵓⵏⴳⵉⵙ ⴰⴷ ⵉⵎⵎⵜ, ⴼⴰⴷ ⴰⴷ ⵢⵉⵍⵉ ⵓⵔⵎⴰⵙ ⵉ ⵓⴹⵕⵉⵚ ⴰⴱⵓⵍⵉⵙⵉ, ⵜⵉⵣⵉ ⵏⵏⴰ ⴳⴳⵓⵜⵏ ⵓⵏⴳⵉⵙⵏ ⴰⵔ ⵉⵜⵜⴼⴰⵍⴽⴰⵢ ⵓⵏⴳⴰⵍ ⵓⴳⴳⴰⵔ, ⴷ ⵓⵔ ⴰ ⵉⵜⵜⴰⵊⵊⴰ ⵉⵎⵖⵔⵉ ⴰⴷ ⵉⵇⵇⵏⴹ. 4. ⴰⵙⴰⴳⴳⵯ ⵉⴳⴰⵜ ⴰⵢⵍⵍⵉ ⵉⵙⴽⴰⵔ ⵓⵎⵙⴰⴳⴳⵓ ⴳ ⵉⴳⵉⵜⵏ ⴼⴰⴷ ⴰⴷ ⵉⵙⵉⴳⴳⵍ ⵙ ⵓⵏⴱⴽⴰⴹ, ⴷ ⴰⴷ ⵉⴼⵙⵉ ⵓⵏⵜⵉⵍ ⴰⵙⴰⴳⴳⵯ ⴰⵙ ⵉⵜⵜⵉⵍⵉ ⴳⵀ ⵓⴷⵖⴰⵔ ⵍⵍⵉⵖ ⵉⵍⵍⴰ ⵓⴱⴽⴽⴰⴹ, ⴰⵎⵙⴰⴳⴳⵓ ⴰⵔ ⵉⵙⵎⵓⵏ ⴰⵢⵏⵏⴰ ⵢⵓⴼⴰ ⴷ ⴰⵢⵏⵏⴰ ⵔⴰⴷ ⴰⵙ ⵢⴰⵡⵙ ⴳ ⵓⵔⵎⴰⵙ ⵏ ⵎⴰⴷ ⵉⵙⴰⵔⵏ, ⴳ ⵜⵏⵇⵇⴰⴹ ⵏ ⵢⵉⴷⴰⵎⵎⵏ ⴷ ⵜⵡⴳⴳⴰⴹ ⴰⵡⴷ ⵓⵍⴰ ⴷ ⵉⵏⴰⴳⴰⵏ ⵍⵍⵉⵖ ⵉⵥⴹⴰⵕ ⴰⴷ ⴳⵉⵙⵏ ⵉⴳ ⵓⵏⴱⴽⴰⴹ ⵢⴰⵏ, ⵎⴰⵛⵛ ⵜⵉⵣⵉ ⴰⵏⵏ ⵉⵏⵜⵍ ⵙⵓⵍ. 5. ⴰⵎⵙⴰⴳⴳⵓ ⵏⵜⵜⴰ ⴰⴷ ⵉⴳⴰⵏ ⴰⴼⵔⴷⵉⵙ ⴰⴷⵙⵍⴰⵏ, ⵎⵇⵇⴰⵔ ⴰⴽⴽⵯ ⵏⵥⴹⴰⵕ ⴰⴷ ⵏⴻⵏⵏⴰ ⵎⴰⵙ ⴷ ⴰⵏⴱⴽⴰⴹ ⴷ ⵓⵏⴳⵉⵙ ⴳⴰⵏ ⴰⵡⴷ ⵏⵜⵜⵏⵉ ⵉⴷⵍⵙⴰⵏ, ⵎⴰⵛⵛ ⴰⵎⵙⴰⴳⴳⵓ ⴷⴰⵔⵙ ⴰⴷⵖⴰⵔⵏⵙ ⵓⴼⵔⵉⴷ, ⵏⵜⵜⴰ ⴰⴼ ⴰ ⵜⵜⵎⴰⵖⵏ ⵉⵎⴰⵔⴰⵜⵏ ⴰⴷ ⴰⵙ ⴼⴽⵉⵏ ⴰⴼⵔⵉⵙ ⵏ ⵓⵡⵔⵉⴽ ⵉⵀⵢⴰⵏ ⴳ ⵓⵏⴳⴰⵍ ⵏⵏⵙⵏ, ⴰⵛⴽⵓ ⴰⵎⵙⴰⴳⴳⵓ ⵏⵜⵜⴰ ⴰⴷ ⵉⵜⵜⴰⵊⵊⴰⵏ ⵉⵎⵖⵔⵉ ⴰⴷ ⵉⴳⴳⴰⴱⵍ ⵓⵏⴳⴰⵍ ⴰⴷ ⴷⵉⵙ ⵓⵔ ⵉⵏⴳⴰⵔⴰ, ⴰⵔ ⵉⵜⵜⵎⴰⵖ ⴰⴷ ⴷⵉⵙ ⵉⵎⵓⵏ ⴰⴷ ⵉⵔⵎⵙ ⵜⴰⵖⴰⵔⴰⵙⵜ ⵏ ⵓⵙⵡⵉⵏⴳⵎ ⵏⵏⵙ, ⴰⵎⵙⴰⴳⴳⵓ ⵉⵜⵜⵓⵙⴰⵏ ⵉⵙ ⵉⴳⴰ ⵓⵏⵥⵉⵥ, ⵉⵙ ⵜ ⵏⴰⵃⵢⴰ ⴷ ⵉⵡⵔⵉⴽⵏ ⵢⴰⴹⵏⵉⵏ, ⵉⵙ ⵉⴳⴰ ⵓⵏⵜⵉⵍ, ⴷ ⵉⵙ ⵓⵔ ⵉⵙⵙⵏ ⵎⴰⴷ ⵉⴳⴰⵏ ⵜⴰⵣⴳⵍⵜ, ⵏⵜⵜⴰ ⴰⵔ ⵉⵜⵜⵎⴰⵖ ⴰⴷ ⵉⵔⴰⵔ ⴰⵣⵔⴼ, ⴰⴷ ⵉⵏⵔⵓ ⴼ ⵓⵏⴱⴽⴰⴹ ⵎⵇⵇⴰⵔ ⴰⴽⴽⵯ ⵉⴳⴰ ⵓⵏⵥⵉⵥ. “ⴰⵔ ⵙⵙⵓⵡⵔⵉⵏ ⵉⵎⴰⵔⴰⵜⵏ ⵓⴳⴳⴰⵔ ⵙ ⵓⵎⵙⴰⴳⴳⵓ ⴼ ⵜⵙⴳⴰ ⵏⵏⴰ ⵙⵉⵙ ⵉⵥⵍⵉⵏ ⵏⵜⵜⴰ ⵙ ⵓⴳⵏⵙ ⵏⵏⵙ ⵙ ⵎⴰⴷ ⵉⵥⵍⵉⵏ ⵓⴳⴳⴰⵔ ⵙ ⵓⵙⵡⵉⵏⴳ ⵏⵏⵙ ⴰⵎⵏⵍⵍⵉ ⴷ ⵓⵏⴳⵉⵎ, ⵓⴳⴳⴰⵔ ⵏ ⵎⴰⵙ ⵉⵥⵍⵉⵏ ⵙ ⴱⵕⵕⴰ ⵏⵏⵙ, ⵎⴰⵢⴰⵏⵏ ⴰⴼ ⵉⵍⵍⴰ ⴼ ⵉⵎⵖⵔⵉ ⴰⴷ ⵏⵏ ⴳⵉⵙ ⵉⵙⵡⴰⵏⴳⵎ ⵎⴰⵏⵉⴽ ⴰⴷ ⵉⴳⴰ ⴰⵡⵜⴰⵢ ⵏⵏⵙ ⴷ ⵜⵡⵉⵍⴰ ⵏⵏⵙ ⴷ ⵉⴼⵔⴰⵙ ⵏⵏⵙ.” ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ ⴳ ⵍⵎⵖⵔⵉⴱ ⵉⵖ ⵔⴰⴷ ⵏⵙⴰⵡⵍ ⴼ ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ, ⵉⵇⵇⴰⵏ ⴷ ⵣⵡⴰⵔ ⵏⵙⴰⵡⵍ ⴼ ⵓⵏⴳⴰⵍ ⴰⵎⴰⵣⵉⵖ ⴰⵎⵖⵔⵉⴱⵉ, ⴰⴷ ⴼⵍⵍⴰⵙ ⵏⵙⴰⵡⵍ ⵏⴼ ⴼⵍⵍⴰⵙ ⵢⴰⵏ ⵓⵙⵎⴰⵇⵇⵍ ⴰⵎⴰⵜⴰⵢ ⵙⵍⴰⵡⴰⵏⵏ ⴰⴽⴽⵯ ⵍⵍⵉⵖ ⵉⴳⴰ ⴳ ⵡⴰⵏⴰⵡⵏ ⵍⵍⵉ ⵉⴳⴳⵓⵜⵏ ⵜⵉⵣⵉ ⴰⴷ ⴳ ⵜⵙⴽⵍⴰ ⵜⴰⵎⴰⵣⵉⵖⵜ. ⵜⴰⵍⴰⵍⵉⵜ ⵏ ⵡⴰⵏⴰⵡ ⴰⴷ ⵜⵍⵍⴰ ⴳ ⴷⴰⵔ ⵓⵎⴰⵔⴰ ⵄⵎⵉ ⵉⴽⴽⵏ ⵙ ⵓⵏⴳⴰⵍ ⵏⵏⵙ “ⴰⵙⴽⴽⵉⴼ ⵏ ⵢⵉⵏⵥⴰⴹⵏ” ⵓⵏⴳⴰⵍ ⴰⴷ ⴰⴷ ⵢⵉⵡⵉⵏ ⵜⴰⵙⵎⵖⵓⵔⵜ ⵏ ⵎⵓⵍⵓⴷ ⵍⵎⵄⵎⵔⵉ ⴳ ⵜⵉⵣⵉ ⵓⵣⵣⵓ ⴳ ⴷⴷⵣⴰⵢⵔ ⴰⵙⴳⴳⵯⴰⵙ ⵏ 1995 ⵎⴰⵛⵛ ⵓⵏⴳⴰⵍ ⵓⵔ ⵉⵜⵜⵓⴼⵙⴰⵔ ⴰⵔ 2004 ⴳ ⵜⵥⵕⵉⴳⵉⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵔ ⴰⴷⵍⵍⵉ ⵜⵜⵓⴼⵙⴰⵔ ⵙ ⵜⵍⵖⴰ ⵏ ⵉⴳⵣⵎⴰⵏ ⴳ ⵜⵙⵖⵓⵏⵜ ⵏ ⵜⵉⴼⴰⵡⵜ, ⵎⴰⵛⵛ ⵜⴰⵍⴰⵍⵉⵜ ⵏ ⵓⵏⴳⴰⵍ ⵍⵍⵉ ⴷ ⵉⴼⴼⴰⵖⵏ ⴳ ⵢⴰⵜ ⵜⵉⵣⵉ ⵉⵜⵜⵓⴼⵙⴰⵔ, ⵜⵍⵍⴰ ⴷⴰⵔ ⵓⵎⴰⵔⴰ ⴰⵔⵉⴼⵉ ⵎⵓⵃⵎⵎⴰⴷ ⵛⴰⵛⴰ ⴳ ⵓⵙⴳⴳⵯⴰⵙ ⵏ 1997 ⵍⵍⵉⵖ ⴷ ⵉⵙⵙⵓⴼⵖ ⵓⵏⴳⴰⵍ ⵏⵏⵙ ⴰⵎⵣⵡⴰⵔⵓ ⵍⵍⵉ ⵎⵓ ⵉⴳⴰ ⵙ ⵓⵣⵡⵍ “ⵕⵥ ⵟⵟⴰⴱⵓ ⴰⴷ ⵜⴼⴼⵖ ⵜⴼⵓⵛⵜ” ⵍⵍⵉ ⵉⴳⴰⵏ ⴳ ⵜⵥⵕⵉⴳⵉⵏ ⵏ ⵉⵥⵓⵕⴰⵏ ⴳ ⵀⵓⵍⴰⵏⴹⴰ, ⴳ ⵉⴼⴼⵓⵙ ⵓⵔ ⵉⵙⵙⵏⵜⵉ ⵓⵔ ⵉⵥⵕⵉ ⵓⵏⴳⴰⵍ ⵜⵉⴼⴰⵡⵔ ⴰⵔ ⴰⵙⴳⴳⵯⴰⵙ ⵏ 2002 ⵍⵍⵉⵖ ⵉⵙⵙⵓⴼⵖ ⵓⵎⴰⵔⴰ ⴰⴱⵓⵍⵇⴰⵙⵉⵎ ⴰⴼⵓⵍⴰⵢ ⵓⵏⴳⴰⵍ ⵏⵏⵙ ⴰⵎⵣⵡⴰⵔⵓ ⵍⵍⵉ ⵉⴳⴰⵏ ⵙ ⵓⵣⵡⵍ “ⵉⵎⵓⵍⵍⴰ ⵏ ⵜⵎⴽⵜⵉⵜ” ⴳ ⵓⵙⴳⴳⵯⴰⵙ ⴰⵏⵏ ⵏⵉⵜ ⵉⴹⵉⴹ ⵓⵎⴰⵔⴰ ⵎⵓⵃⵎⵎⴰⴷ ⴰⴽⵓⵏⴰⴹ ⵓⵏⴳⴰⵍ ⵏⵏⵙ ⴰⵎⵣⵡⴰⵔⵓ, ⵍⵍⵉ ⵎⵉ ⵉⴳⴰ ⵙ ⵓⵣⵡⵍ “ⵜⴰⵡⴰⵔⴳⵉⵜ ⴷ ⵉⵎⵉⴽⴽ”, ⵎⴰⵛⵛ ⴰⵙⵇⵙⵉ ⴰⵅⴰⵜⴰⵔ ⵉⴳⴰ ⵜ ⵎⴰⵅⵅ ⴰⵏⴰⵡ ⴰⴷ ⵉⴳⴳⵯⵔⴰⵏⵏ ⴳ ⵉⴼⴼⵓⵙ ⵎⵇⵇⴰⵔ ⴰⴽⴽⵯ ⵉⴳⴰ ⵉⴼⴼⵓⵙ ⴰⵖ ⵜⵍⵍⴰ ⵜⵡⵛⴽⵉⵏⵜ ⵏ ⵜⵎⴷⵢⴰⵣⵉⵏ ⵜⴰⵎⵣⵡⴰⵔⵓⵜ ⵍⵍⵉ ⴷ ⵉⴼⴼⴰⵖⵏ ⵙ ⵜⵎⴰⵣⵉⵖⵜ ⴷ ⵜⵉⵍⵉ ⴳⵉⵙ ⵓⵍⴰ ⵜⵎⵣⴳⵓⵏⵜ ⴷ ⵜⵓⵍⵍⵉⵙⵉⵏ? ⵜⵉⵣⵉ ⵏⵏⴰ ⵏⵙⴰⵡⴰⵍ ⴼ ⵓⵏⴳⴰⵍ ⴰⵎⴰⵣⵉⵖ ⴳ ⵙⵓⵙ ⵏⵥⴹⴰⵕ ⴰⴷ ⵏⴱⴹⵓ ⴼ ⵙⵏⴰⵜ ⵜⴰⵙⵓⵜⵉ ⵜⴰⵙⵓⵜ ⵜⵉⵅⴰⵜⴰⵔⵉⵏ ⵜⴰⵎⵣⵡⴰⵔⵓⵜ ⵣⵖ 2002 ⴰⵔ 2011 ⵜⵉⵙ ⵙⵏⴰⵜ ⵣⵖ 2011 ⴰⵔ ⵖⵉⵍⴰ, ⴰⴱⵟⵟ ⵢⴰⴷ ⵉⵙⴽⵔ ⵜ ⵎⴰⵙⵙ ⵓⵙⵓⵙ ⵍⵍⵉⵖ ⵉⵏⵏⴰ “ ⵜⴰⵙⵓⵜ ⵜⴰⵎⵣⵡⴰⵔⵓⵜ ⵜⴳⴰ ⵜⴰⵙⵓⵜ ⵏ ⵓⵙⵎⵔⵙⵍ, ⵜⵜⵓⵙⵙⴰⵏ ⵙ ⵜⵎⴰⵖⵓⵏⵜ ⵏⵏⵙ ⵍⵍⵉ ⵉⴷⵔⵓⵙⵏ ⵍⵍⵉ ⵉⴳⴰⵏ 6 ⵏ ⵓⵏⴳⴰⵍⵏ, ⵎⴽ ⵍⵍⵉ ⵜⵜⵓⵙⴰⵏ ⵜⵙⵓⵜ ⴰⴷ ⴰⵡⴷ ⴱⴷⴷⵏ ⴽⵔⴰ ⵏ ⵉⵎⴰⵔⴰⵜⵏ ⵓⵔ ⴰ ⵙⵓⵍ ⵜⵜⴰⵔⴰⵏ ⴳ ⵡⴰⵏⴰⵡ ⴰⴷ ⵙ ⵓⵎⴷⵢⴰ ⵎⴰⵙⵙ ⵄⵢⵢⴰⴷ ⴰⵍⵃⵢⴰⵏ, ⵓⵏⴳⴰⵍⵏ ⴰⴷ ⴰⴽⴽⵯ ⵍⵍⵉ ⵜⵜⵢⴰⵔⴰⵏⵉⵏ ⴳ ⵜⴰⵙⵓⵜ ⴰⴷ ⴰⵔ ⵏⵏ ⴳⵉⵙⵏ ⵏⵜⵜⴰⴼⵉ ⴰⵔ ⵜⵙⴰⵡⴰⵍ ⴼ ⵜⵉⵍⴰⵡⵜ ⵓⴳⴳⴰⵔ ⴷ ⵜⵎⵏⵜⵉⵍⵜ ⵏ ⵜⵎⴰⴳⵉⵜ¬¬¬¬¬[...] ⵜⴰⵙⵓⵜ ⵜⵉⵙ ⵙⵏⴰⵜ ⵉⵙⵙⵖ ⴰⵙ ⵜⴰⵙⵓⵜ ⵏ ⵓⵙⵏⴼⵍ, ⵜⵙⵙⵏⵜⵉ ⵣⵖ 2011 ⴰⵔ ⵖⵉⵍⴰ, ⴳ ⵜⴰⵙⵓⵜ ⴰⴷ ⵉⵍⵍⴰ ⵓⴼⴰⵔⵙ ⴳ ⵢⵉⴳⵔ ⵏ ⵜⵉⵔⵔⴰ ⵏ ⵓⵏⴳⴰⵍ, ⵎⴰⵢⴰⴷ ⴰⴽⴽⵯ ⵉⵡⵙⵏⵜ ⴳⵉⵙ ⵜⵉⴳⵜⵜ ⵏ ⵜⵖⴰⵡⵙⵉⵡⵉⵏ ⵣⵓⵏ ⴷ: ⵜⵓⵙⵏⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵓⵚⴽⴰ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵓⵙⴽⴰ ⵏ ⵜⵣⵍⵖⴰ ⵏ ⵜⵉⵔⵔⴰ... ⵎⴽ ⵍⵍⵉ ⵜⵙⵙⵏ ⵜⵙⵓⵜ ⴰⴷ ⵙ ⵓⵍⵜⴰⵖ ⵏ ⵉⵄⵔⵔⵉⵎⵏ ⴳ ⵜⵉⵔⵔⴰ ⵏ ⵡⴰⵍⵍⴰⵙ ⴷ ⵓⵙⵎⴰⵢⵏⵓ ⴳ ⵉⵙⵏⵜⴰⵍ ⴷ ⵜⵎⵏⵜⴰⵍ, ⴰⵙⵏⴼⵍⴰⴷ ⴰⴽⴽⵯ ⵉⵜⵜⵓⵙⴽⴰⵔ ⵙ ⵜⵓⴳⴳⴰⵙ ⵏ ⵜⵉⵔⵔⴰ ⵍⵍⵉⵖ ⵜⵡⴰⵜⵙ ⴰⵙⵙⵔⵇⴱ ⵏ ⵉⵄⵔⵔⵉⵎⵏ ⴰⴼⴰⴷ ⴰⴷ ⵜⵜⴰⵔⴰⵏ, ⵍⵍⵉⵖ ⴰ ⵜⵙⵏⵎⴰⵍⴰ ⵉⵏⵎⵓⵇⵇⴰⵔⵏ ⴷ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⴳ ⵜⵉⵔⵔⴰ, ⴳ ⵜⵙⵓⵜ ⴰⴷ ⵍⴽⵎⵏⵜ ⵜⵥⵕⵉⴳⵉⵏ 58 ⵏ ⵓⵏⴳⴰⵍ ⵜⵙⵙⵓⴼⵖⴷ ⴳⵉⵙⵏ ⵜⵉⵔⵔⴰ 47 ”. ⵜⵉⵣⵉ ⵏⵏⴰ ⴷ ⵏⵓⵙⵉ ⴰⴷ ⵏⵙⴽⵔ ⴰⵎⵣⴰⵣⴰⵍ ⵏⴳⵔ ⵜⵉⵔⵔⴰ ⵏ ⵜⴰⵙⵓⵜ ⵏ ⵓⵙⵎⵔⵙⵍ(ⵜⵓⵚⴽⴰ) ⴷ ⵜⵙⵓⵜ ⵏ ⵓⵙⵏⴼⵍ ⴰⵔ ⵏⵏ ⵏⵜⵜⴰⴼⵉ ⵢⴰⵏ ⵓⵏⵓⵃⵢⵓ ⵉⴳⴳⵓⵜⵏ ⵙⵍⴰⵡⴰⵏⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵉⵙⵏⵜⴰⵍ, ⵎⴰⵢⴰⵏⵏ ⵢⵉⵡⵉ ⵜ ⵉⴷ ⴰⵢⵍⵍⵉ ⵉⵜⵜⴷⵔ ⵓⵎⴰⵔⴰ, ⵜⵉⵔⵎⵉⵜ ⵏⵏⵙ ⴰⴷ ⵉⵙⵙⵍⴽⵎ ⵜⵓⵜⵍⴰⵢⵜ ⵏⵏⵙ ⵙ ⵜⵉⵔⵔⴰ, ⵎⵢⴰⵏⵏ ⴰⴼ ⴰⵏⵏ ⵏⵜⵜⴰⴼⴰ ⵉⵙⵏⵜⴰⵍ ⴰⵏⵏ ⵣⴷⵉⵏ ⴱⴰⵀⵔⴰ ⴷ ⵜⵉⵍⴰⵡⵜ ⴷ ⴰⵔ ⵙⴰⵡⴰⵍⵏ ⵓⴳⴳⴰⵔ ⴼ ⵜⵎⵓⴽⵔⵉⵙⵉⵏ ⵜⵉⵏⴰⵎⵓⵏⵉⵏ ⴷ ⴰⵢⵍⵍⵉ ⵜⵜⴷⵔ ⵜⵓⵜⵍⴰⵢⵜ, ⴳ ⵜⴰⵙⵓⵜ ⵏⵥⴹⴰⵕ ⴰⴷ ⵏⴻⵏⵏⴰ ⵎⴰⵙ ⵜⴳⴰ ⵜⵙⴽⵍⴰ ⵢⴰⵏ ⵉⵎⵎⵉⵙ ⵍⵍⵉ ⵙ ⴰ ⵙⵙⵍⴽⴰⵎⵏ ⵉⵎⴰⵔⴰⵜⵏ ⵜⵉⴱⵔⴰⵜⵉⵏ ⵏⵏⵙⵏ ⵙ ⵜⵖⴰⵔⴰⵙⵜ ⵜⴰⵔⵓⵙⵔⵉⴷⵜ. ⵎⴰⵛⵛ ⴳ ⵜⴰⵙⵓⵜ ⵜⵉⵙ ⵙⵏⴰⵜ ⵜⴰⵙⵓⵜ ⵏ ⵓⵙⵏⴼⵍ, ⴰⵔ ⵏⵏ ⵏⵜⵜⴰⴼⴰ ⴳ ⵜⵉⵔⵔⴰ ⴰⴷ ⵜⵉⵎⴰⵢⵏⵓⵜⵉⵏ ⵉⵎⴰⵔⴰⵜⵏ ⴰⵔ ⵜⵜⵎⴰⵖⵏ ⴰⴷ ⴼⴼⴰⵖⵏ ⵜⵉⵍⴰⵡⵜ, ⴰⴷ ⵙⴰⵡⵍⵏ ⴼ ⵜⵎⵓⴽⵔⵉⵙⵉⵏ ⵏⵏⵙ, ⵉⵎⴰⵔⴰⵜⵏ ⵏ ⵜⵙⵓⵜ ⴰⴷ ⵓⵔ ⵙⵓⵍ ⴷⴰⵔⵙⵏ ⵜⴳⵉ ⵜⵙⴽⵍⴰ ⵉⵎⵉⵙⵙ ⵏ ⵜⵖⵏⵙⴰ ⵓⴳⴳⴰⵔ ⵎⴰⴷ ⴷⴰⵔⵙⵏ ⵜⴳⴰ ⵉⵎⵉⵙⵙ ⵏ ⵓⵙⵏⴼⵍⵓⵍ, ⵎⴰⵢⴰⵏⵏ ⴰⴼ ⴰⵜⵏ ⵉⵏⵏ ⵏⵜⵜⴰⴼⵉ ⴰⵔ ⴷ ⵜⵜⴰⴳⵓⵎⵏ ⴳ ⵜⵙⴽⵍⵉⵡⵉⵏ ⵢⴰⴹⵏⵉⵏ, ⵎⴰⵖ ⵏⵏ ⴰⴷ ⴰⵡⵉⵏ ⴰⵏⴰⵡⵏ ⵢⴰⴹⵏⵉⵏ ⵏ ⵜⵉⵔⵔⴰ ⴷ ⵜⵖⴰⵔⴰⵙⵉⵏ ⵜⵉⵎⴰⵢⵏⵓⵜⵉⵏ ⵏ ⵜⵉⵔⵔⴰ ⵍⵍⵉ ⵙ ⵔⴰⴷ ⴰⵍⵍⵏ ⴰⵙⵡⵉⵔ ⵏ ⵜⵙⴽⵍⴰ ⵜⴰⵎⴰⵣⵉⵖⵜ. ⴳ ⵡⴰⵏⴰⵡⵏ ⴰⴽⴽⵯ ⵍⵍⵉ ⵏⵏ ⵏⵜⵜⴰⴼⵉ ⴳ ⵓⵏⴳⴰⵍ ⴰⵎⴰⵣⵉⵖ ⴰⴷ ⵉⴳⴰⵏ ⴷ ⵓⵏⴳⴰⵍ ⴰⴱⵓⵍⵉⵙⵉ, ⴰⵏⴰⵡ ⴰⴷ ⵏ ⵓⵏⴳⴰⵍ ⵍⵍⵉ ⵜⵜ ⵉⵏⵏ ⵓⵔ ⵉⴽⴽⵉⵏ ⴳ ⵜⵙⴽⵍⴰ ⵜⴰⵎⴰⵣⵉⵖⵜ ⴰⵔ ⴰⵙⴳⴳⵯⴰⵙ ⵏ 2018 ⵍⵍⵉⵖ ⴷ ⵉⴼⴼⴰⵖ ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ ⴰⵎⵣⵡⴰⵔⵓ, ⵍⵍⵉ ⵢⵓⵔⴰ ⵓⵎⴰⵔⴰ ⵎⴰⵙⵙ ⵍⵃⵓⵙⵉⵏ ⵎⵓⵔⴰⴱⵉⵃ ⵍⵍⵉ ⵎⵓ ⵉⴳⴰ ⵙ ⵓⵣⵡⵍ “ⴰⵣⵎⵓⵍ ⵏ ⵓⵙⴰⵎⵎⵖ ⵉⵕⵥⴰⵏ ”. ⵉⴹⴼⵕⵜ ⵉⴷ ⵉⵍⵎⵎⴰ ⵓⵏⴳⴰⵍ ⵏ ⵓⵎⴰⵔⴰ ⴰⵄⵔⵔⵉⵎ ⵀⵉⵛⴰⵎ ⴼⵓⵡⴰⴷ ⴳⴳⵓⵖⵍⵜ ⵍⵍⵉ ⵎⵓ ⵉⴳⴰ ⵙ ⵓⵣⵡⵍ ⵉⵇⵇⵙ ⵢⵉⵖⵉⵔⴷⵎ , ⵓⵏⴳⴰⵍ ⴰⴷ ⴰⴼ ⵔⴰⴷ ⵏⵙⴰⵡⵍ ⵓⴳⴳⴰⵔ ⴳ ⵓⵎⴰⴳⵔⴰⴷ ⴰⴷ, ⵎⴰⵛⵛ ⵓⵔ ⵜⴰ ⴰⴽⴽⵯ ⵏⵙⵙⵏⵜⵉ ⴰⴷ ⴼⵍⵍⴰⵙ ⵏⵙⴰⵡⵍ ⵉⴳⴳⴰⵏ ⴷ ⴰⴷ ⵣⵡⴰⵔ ⵏⴼⴽ ⵢⴰⵏ ⵓⵙⵇⵇⵙⵉ, ⵎⴰⵅ ⵍⵍⵉⵖ ⴷⴰ ⵏⵜⵜⴼⵉ ⵖⴰⵙ ⵙⵉⵏ ⵓⵏⴳⴰⵍⵏ ⴰⴷ ⴰⴷ ⵉⴳⴰⵏ ⵓⵏⴳⴰⵍⵏ ⵉⴱⵓⵍⵉⵙⵉⵏ ⴳ ⵜⵙⴽⵍⴰ ⵜⴰⵎⴰⵣⵉⵖⵜ? ⴳ ⵜⵎⵔⴰⵔⵓⵜⵉⵏ ⵍⵍⵉ ⵙ ⵏⵥⴹⴰⵕ ⴰⴷ ⵙⵉⵙ ⵏⵔⴰⵔ ⴼ ⵓⵙⵇⵙⵉ ⴰⴷ, ⴰⴷ ⵜ ⵉⴳⴰⵏ ⵎⴰⵙ ⴷ ⵉⵎⴰⵔⴰⵜⵏ ⵍⵍⵉ ⵜⵜⴰⵔⴰⵏⵉⵏ ⵙ ⵜⵎⴰⵣⵉⵖⵜ ⴰⵔ ⵙⵜⴰⵢⵏ ⴰⴷ ⵜⵜⴰⵔⴰⵏ ⴼ ⵜⵉⵍⴰⵡⵜ ⴷ ⵎⴰⴷ ⵉⵜⵜⴷⵔ ⵓⴼⴳⴰⵏ ⴰⵎⴰⵣⵉⵖ, ⵎⴰⵢⴰⵏⵏ ⴰⴼ ⴰⵏⵏ ⵏⵜⵜⴰⴼⵉ ⵉⵎⴰⵔⴰⵜⵏ ⴰⵔ ⵜⵜⴰⵔⴰⵏ ⵓⴳⴳⴰⵔ ⴼ ⵉⵙⵏⵜⴰⵍ ⴰⴷ ⵣⵓⵏ ⴷ : ⴰⵣⵡⴰⴳ ⵙ ⵓⵎⴷⵢⴰ ⵉⴽⴹⴰⴹ ⵏ ⵡⵉⵀⵕⴰⵏ, ⵏ ⵎⴰⵙⵙ ⵍⵃⵓⵙⴰⵢⵏ ⴱⵓⵢⵄⵇⵓⴱⵉ ⵏⵖⴷ ⵜⴰⵎⵏⵜⵉⵍⵜ ⵏ ⵜⵎⴰⴳⵉⵜ ⴳ ⴷⴰⵔ ⵓⵎⴰⵔⴰ ⵎⴰⵙⵙ ⵎⵓⵃⵎⵎⴰⴷ ⵓⵙⵓⵙ ⴳ ⵓⵏⴳⴰⵍ ⵏⵏⵙ ⵉⵏⴰⴽⵓⴼⵏ, ⵎⴰⵢⴰⴷ ⴳⴰⵏ ⵉⵎⴷⵢⴰⵜⵏ ⵏ ⵉⵙⵏⵜⴰⵍ ⵍⵍⵉ ⴱⴰⵀⵔⴰ ⵙⵙⵎⵔⴰⵙⵏ ⵉⵎⴰⵔⴰⵜⵏ ⴳ ⵓⵏⴳⴰⵍ ⵏⵏⵙ. ⵜⵉⵙ ⵙⵏⴰⵜ ⵉⴳⴰ ⵜⵜ ⵎⴰⵙ ⵜⵎⵎⵔ ⵜⵉⵔⵔⴰ ⵏ ⵓⵏⴳⴰⵍ ⴰⴱⵓⵍⵉⵙⵉ, ⴰⵛⴽⵓ ⵜⵉⵔⵔⴰ ⵏ ⵓⵏⴳⴰⵍ ⴰⴱⵓⵍⵉⵙⵉ ⵉⴳⴰ ⵣⵓⵏ ⴷ ⵜⵉⵔⵔⴰ ⵏ ⵓⵙⵉⵏⴰⵔⵢⵓ, ⵎⴰⵢⴰⵏⵏ ⴰⴼ ⴰ ⵉⵜⵜⵉⵍⵉ ⴼ ⵓⵎⴰⵔⴰ ⴰⴷ ⵉⵙⵙⵏ ⵜⵉⵖⴰⵔⴰⵙⵉⵏ ⵏ ⵜⵉⵔⵔⴰ ⵏ ⵓⵏⴳⴰⵍ ⴰⴱⵓⵍⵉⵙⵉ ⴷ ⴰⴷ ⵉⵙⵙⵏ ⵓⵍⴰ ⴼ ⵓⵙⵍⴳ, ⴰⵛⴽⵓ ⵓⵏⴳⴰⵍ ⴰⴱⵓⵍⵉⵙⵉ ⴷⴰⵔ ⵙ ⵜⴰⵣⴷⴰⵢⵜ ⵉⴳⴳⵓⵜⵏ ⴷ ⵓⵙⵍⴳⵏ ⴷ ⵓⵙⴰⴳⴳⵯ. ⵜⵉⵙ ⴽⵕⴰⴹⵜ ⵉⴳⴰ ⵜⵜ ⵎⴰⵙ ⴷ ⵉⵎⴰⵔⴰⵜⵏ ⴰⵔ ⵜⵜⴰⵔⴰⵏ ⵓⴳⴳⴰⵔ ⴼ ⵓⵎⴰⴹⴰⵍ ⴰⴼⴰⵔⴰⵏ (ⵓⵙⵓⵏ), ⵙ ⵓⵎⵣⴰⵣⴰⵍ ⵓⵏⴳⴰⵍ ⴰⴱⵓⵍⵉⵙⵉ ⴰⵔ ⵜⵜⵉⵍⵉⵏⵜ ⵜⵎⵙⴰⵔ ⵏⵏⵙ ⵓⴳⴳⴰⵔ ⴳ ⵜⵎⴷⵉⵏⵜ. ⵜⵉⵙ ⴽⴽⵓⵥⵜ, ⴷ ⵜⴰⵍⵍⵉ ⴰⴽⴽⵯ ⵉⵜⵜⵓⵙⴰⵏⵏ ⴳ ⵜⵙⴽⵍⴰ ⵜⴰⵎⴰⵣⵉⵖⵜ ⵉⴳⴰ ⵜⵜ ⵉⵎⵖⵔⵉ, ⵜⴰⵙⴽⵍⴰ ⵜⴰⵎⴰⵣⵉⵖⵜ ⵉⴷⵔⵓⵙ ⵎⴰⴷ ⵜⵜ ⵢⴰⵇⵔⴰⵏ ⵎⵇⵇⴰⵔ ⴳⴳⵓⵜⵏⵜ ⵜⵉⵔⵎⵉⵜⵉⵏ ⴼⴰⴷ ⴰⴷ ⵉⴳⵓⵜⵏ ⵉⵎⵖⵔⵉⵜⵏ ⵎⴰⵢⴰⴷ ⴳⴰⵏ ⵖⴰⵙ ⴽⵔⴰ ⵏ ⵜⵖⴰⵡⵙⵉⵡⵉⵏ ⵍⵍⵉ ⴷⵔⵓⵙⵏⵉⵏ ⴷ ⵍⵍⵉ ⵢⵓⵊⵊⴰⵏ ⴰⵏⴰⵡ ⴰⴷ ⵏ ⵓⵏⴳⴰⵍ ⴰⴷ ⴷⴰⵔⵏⵖ ⵢⵉⴷⵔⵓⵙ ⴳ ⵜⵎⴰⵣⵉⵖⵜ. ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ ⵉⵇⵇⵙ ⵢⵉⵖⵉⵔⴷⵎ I. ⴰⵙⵎⴰⵇⵇⵍ ⴰⵎⴰⵜⴰⵢ ⴼ ⵓⵏⴳⴰⵍ ⵓⵔ ⵜⴰ ⵏⵙⴽⵔ ⴰⴼⵔⴰⵏ ⵉ ⵓⵏⴳⴰⵍ ⴰⴷ, ⵉⵇⵇⴰⵏ ⴷ ⵣⵡⴰⵔ ⴰⴷ ⵏⴼⴽ ⵢⴰⵏ ⵓⵙⵎⴰⵇⵇⵍ ⴰⵎⴰⵜⴰⵢ ⴼ ⵓⵏⴳⴰⵍ ⴰⴷ: "ⵉⵇⵇⵙ ⵢⵉⵖⵉⵔⴷⵎ, ⵉⴳⴰ ⵢⴰⵏ ⵓⴷⵍⵉⵙ ⴰⵅⴰⵜⴰⵔ, ⵉⴳ ⵓⵏⴳⴰⵍ, ⵓⵔ ⵏⵥⴹⴰⵕ ⴰⴷ ⴼⵍⵍⴰⵙ ⵏⵙⴰⵡⴰⵍ ⵙ ⵢⴰⵜ ⵜⵖⴰⵔⴰⵙⵜ, ⵉⵅⴰⵚⵚⴰ ⴽⵔⴰⵢⴳⴰⵜ ⵜⴰⵖⴰⵡⵙⴰ ⴰⴷ ⴰⵙ ⵏⴼⴽ ⴰⵜⵉⴳ ⵏⵏⵙ. ⴳ ⵜⵣⵡⵉⵔⵉ ⵔⴰⴷ ⵏⵙⴰⵡⵍ ⵅⴼ ⵓⵣⵡⵍ ⵏⵏⵙ ⴷ ⵓⵎⴰⵔⴰ ⵏⵏⵙ ⴰⴼⴰⴷ ⴰⴷ ⵏⵣⵔⵉ ⵙ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ. ⴰⵣⵡⵍ ⵏ ⵓⴷⵍⵉⵙ ⴰⴷⵍⵉⵙ ⴰⴷ ⵉⴳⴰ ⴳ ⵜⵥⵕⵉⴳⵉⵏ ⵏ ⵜⵣⵍⵖⴰ ⵏ ⵜⵉⵔⵔⴰ, ⵉⴼⵖ ⴷ ⴰⵙⴳⴳⵯⴰⵙ ⵏ 2021, ⵢⵓⵛⴽ ⴰⴷ ⵓⵣⵡⵍ ⵏ ⵓⴷⵍⵉⵙ ⴰⴷ ⴳ ⵢⴰⵏ ⵡⴰⵡⴰⵍ ⴰⵇⴱⵓⵔ ⵍⵍⵉ ⴷ ⴼⵍⵏ ⵡⵉⵍⵍⵉ ⵣⵔⵉⵏⵉⵏ ⵍⵍⵉ ⵉⵜⵜⵉⵏⵉⵏ “ⵉⵇⵇⵙ ⵢⵉⵖⵉⵔⴷⵎ, ⵢⴰⵡⵉ ⵢⵉⴳⵍⴳⵉⵣ ⵜⵓⵎⵎⵍⴰ”, ⵖⵉⴷ ⴰ ⵖ ⴷ ⵢⵓⵛⴽⴰ ⵓⵣⵡⵍ ⴷ ⵉⵖ ⵜⵖⵔⵉⵜ ⴰⴷⵍⵉⵙ ⴰⴷ ⵔⴰⴷ ⵏⵏ ⵜⴰⴽⵯⵣⵜ ⴰⵣⴷⴰⵢ ⵏⴳⵔ ⵓⵣⵡⵍ ⴷ ⵉⵎⵔⵙⵉ ⵏ ⵓⴷⵍⵉⵙ. ⴰⵎⴰⵔⴰ ⵏ ⵓⴷⵍⵉⵙ ⴰⴷⵍⵉⵙ ⴰⴷ ⵢⵓⵔⴰ ⵜ ⵎⴰⵙⵙ ⵀⵉⵛⵀⴰⵎ ⴼⵓⵡⴰⴷ ⴳⴳⵓⵖⵍⵜ, ⵢⵉⵡⵉⵙ ⵏ ⵡⴰⵡⵍⵓⵥ, ⵉⴳⴰ ⵢⴰⵏ ⵓⵎⴰⵔⴰ ⴰⵅⴰⵜⴰⵔ ⴷ ⵓⵙⵍⵎⴰⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⴰⴷⵉⵔ. ⵉⵙⵙⴼⵓⵖ ⴷ ⵢⴰⴷ ⵎⵏⵏⴰⵡ ⵉⴷⵍⵉⵙⵏ ⴳ ⵢⵉⴳⵔ ⵏ ⵜⵓⵍⵍⵉⵙⵜ ⴷ ⵡⵓⵏⴳⴰⵍ ⵙ ⵜⵎⴰⵣⵉⵖⵜ. ⴳ ⵜⴰⵎⴰ ⵏ ⵓⴷⵍⵉⵙ ⵉⵇⵇⵙ ⵢⵉⵖⵉⵔⴷⵎ, ⵉⵙⵙⴼⵓⵖ ⴷ ⵓⵎⴰⵔⴰ ⵀⵉⵛⴰⵎ ⴼⵓⵡⴰⴷ ⴳⴳⵓⵖⵍⵜ ⵉⴷⵍⵉⵙⵏ ⵢⴰⴹⵏⵉⵏ: ⵜⵓⵍⵍⵉⵙⵉⵏ • ⴰⵊⴷⴷⴰⵔ ⵢⴰⴹⴼⵓⵜⵏ, ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2015. • ⴰⴼⵔⴰⵏ ⴳ ⵜⵉⵍⵍⴰⵙ, ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2018. • ⵏⵏⴰⵏ ⵡⵉⵍⵍⵉ ⴷ ⵓⵛⴽⴰⵏⵉⵏ, ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2019. (ⵜⵓⵍⵍⵉⵙⵜ ⵜⴰⵏⴰⵍⵍⴰⵡⵜ) ⵓⵏⴳⴰⵍⵏ • ⵜⴰⵎⴷⴰⵢⵜ ⴷ ⵓⵙⵏⵚⵉ, ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2020. • ⵉⵇⵇⵙ ⵢⵉⵖⵉⵔⴷⵎ, ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2021. • ⴰⵎⵜⵜⵉⵏ ⵉⴷⴷⵔⵏ,ⵜⵉⵥⵕⵉⴳⵉⵏ ⵏ ⵜⵉⵔⵔⴰ, ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ, 2023. ⵉⵡⵔⵉⴽⵏ ⴳ ⵓⴷⵍⵉⵙ ⴰⴷ, ⵍⵍⴰⵏ ⵛⵉⴳⴰⵏ ⵏ ⵉⵡⵔⵉⴽⵏ ⵎⴰⵛⵛ ⵔⴰⴷ ⵏⵙⴰⵡⵍ ⵅⴼ ⵡⵉⵍⵍⵉ ⵉⵟⵟⴰⴼⵏ ⴰⵜⵉⴳ. • ⵜⴰⵡⵊⴰ ⵏ ⴱⵉⵃⵎⴰⵏ: ⵄⴰⴱⴷⵔⵃⵎⴰⵏ, ⵍⴰⵍⵍⴰ ⴽⴱⵉⵔⴰ, ⵜⵉⵍⵉⵍⴰ, ⵊⴰⵎⴰⵍ ⴷ ⴽⴰⵎⴰⵍ • ⵜⴰⵡⵊⴰ ⵏ ⵓⵛⵉⴱⴰⵏ: ⵎⵓⵃⵎⴰⴷ ⴰⵛⵉⴱⴰⵏ ⴷ ⵉⵍⵍⵉⵙ ⵍⴰⵢⵍⴰ • ⵉⵡⵔⵉⴽⵏ ⵢⴰⴹⵏⵉⵏ: ⵍⴽⵓⵎⵉⵙⵉⵔ ⵙⴰⵎⵉⵔ, ⵉⵏⴱⴹⵉ, ⵉⵎⴰⵙⵜⴰⵏⵏ, ⴰⴽⴰⴱⴰⵕ... ⵉⴷⵖⴰⵔⵏ • ⵜⴰⵙⴷⵔⵎⵜ: ⵜⴰⵎⴰⵣⵉⵔⵜ ⵏ ⵜⵡⵊⴰ ⵏ ⴱⵉⵃⵎⴰⵏ, ⵜⵍⵍⴰ ⴳⵔ ⵡⴰⵙⵉⴼ ⴷ ⵓⴷⵔⴰⵔ. • ⵍⴽⴰⵔⵢⴰⵏ: ⵜⴰⵣⴷⵖⵜ ⵏ ⵜⵡⵊⴰ ⵏ ⴱⵉⵃⵎⴰⵏ ⵍⵍⵉⵖ ⵉⴼⵍ ⵜⴰⵙⴷⵔⵎⵜ. • ⴰⴳⴰⴷⵉⵔ, ⵃⴰⵢⵢ ⵍⴼⴰⵔⴰⵃ: ⵜⵉⴳⵎⵎⵉ ⵏ ⴱⵉⵃⵎⴰⵏ ⵜⴰⵎⴰⵢⵏⵓⵜ. • ⵉⴷⵖⴰⵔⵏ ⵢⴰⴹⵏⵉⵏ: ⵜⴰⵔⵓⴷⴰⵏⵜ, ⵜⴰⴷⵔⴰⵡⵜ, ⵜⴰⵙⴷⴰⵡⵉⵜ, ⴰⵙⴰⴷⵓⵙ, ⴰⵙⴳⵏⴰⴼ ⴷ ⴰⵎⵓⴱⵏⵉⵇⵇ. ⵙⴳⵣⵍ ⵏ ⵓⴷⵍⵉⵙ ⵉⵙⵙⵏⵜⵉ ⵓⵎⴰⵔⴰ ⴰⴷⵍⵉⵙ ⵏⵏⵙ ⵙ ⵢⴰⵏ ⵡⴰⵡⴰⵍ ⴰⵇⴱⵓⵔ “ⵉⵇⵇⵙ ⵢⵉⵖⵉⵔⴷⵎ, ⵢⴰⵡⵉ ⵢⵉⴳⵍⴳⵉⵣ ⵜⵓⵎⵍⴰ”, ⵜⵉⵣⵡⵉⵔⵉ ⵏ ⵡⴰⵡⴰⵍ ⴰⴷ ⴰⵇⴱⵓⵔ ⴰ ⵖ ⵉⵙⴽⵔ ⵓⵎⴰⵔⴰ ⴰⵣⵡⵍ ⵏ ⵓⴷⵍⵉⵙ ⵏⵏⵙ, ⵉⵙⵙⴹⴼⵕ ⴰⵙ ⴷ ⵢⴰⵜ ⵜⴰⵍⵍⴰⵙⵜ ⵍⵍⵉ ⵢⴰⴽⴽⴰⵏ ⵢⴰⵜ ⵜⵎⵔⴰⵔⵓⵜ ⵅⴼ ⵢⴰⵏ ⵓⵙⵇⵙⵉ "ⵎⴰⵅ ⵉⵎⴰⵙⵜⴰⵏⵏ ⴰⵔ ⵍⵙⵙⴰⵏ ⵜⵉⵎⵍⵙⵉⵜ ⵜⴰⵙⴳⴳⴰⵏⵜ?". ⵉⵙⵙⵏⵜⵉ ⵓⵏⴳⴰⵍ ⴰⴷ ⴰⵔ ⵉⵙⴽⴰⵔ ⴰⴳⵍⴰⵎ ⵉ ⵢⴰⵜ ⵜⵡⵊⴰ ⵎⵥⵥⵉⵏ ⵖ ⵢⴰⵜ ⵜⵎⴰⵣⵉⵔⵜ ⵎⵥⵥⵉⵏ ⵍⵍⵉⵖ ⵉⴼⴽⴰ ⵕⴱⴱⵉ ⵍⵅⵉⵔ ⴷⴷⵔⵏ ⵎⵉⴷⴷⵏ ⵏⵏⵙ ⵖ ⵜⵓⵎⵔⵜ, ⵜⴰⵎⴰⵣⵉⵔⵜ ⴰⴷ ⵍⵍⵉ ⵉⴳⴰⵏ ⵙ ⵢⵉⵙⵎ ⵜⴰⵙⴷⵔⵎⵜ ⵍⵍⵉ ⵉⵍⵍⴰⵏ ⴳⵔ ⵡⴰⵙⵉⴼ ⴷ ⵓⴷⵔⴰⵔ. ⵢⴰⵏ ⵡⴰⵙⵙ ⵔⴰⴷ ⵏⵏ ⵉⵎⵓⵏ ⵓⵎⵖⴰⵔ ⵏ ⵜⵇⴱⵉⵍⵜ ⴰⴷ ⴷ ⵢⴰⵏ ⵓⴽⴰⴱⴰⵕ ⵍⵍⵉ ⵉⵔⴰⵏ ⴰⴷ ⵙⴽⵓⵏ ⵢⴰⵏ ⵡⵓⴳⴳⵓⴳ ⵎⵇⵇⵓⵔⵏ ⵖ ⵓⴷⵖⴰⵔ ⴰⵏⵏ ⵎⴰ ⵙ ⴰⵔ ⵙⵙⵡⴰⵏ ⵉⴳⵔⴰⵏ ⵏⵏⵙⵏ, ⴽⴽⵙⵏ ⵜⵓⵎⵔⵜ ⵉ ⴰⵢⵜ ⵜⵇⴱⵉⵍⵜ, ⵅⵍⴰⵏ ⴰⵙ ⵏ ⵜⵉⴳⵯⵎⵎⴰ ⵏⵏⵙⵏ, ⵏⵖⵏ ⴰⵙⵏ ⵉⵎⵓⴷⴰⵔ ⵏⵏⵙⵏ, ⴽⴽⵙⵏ ⴰⵙⵏ ⴰⵢⴷⴰ ⵏⵏⵙⵏ ⵙ ⴱⵣⵣⵉⵣ. ⴷⴷⴰⵏ ⴰⵢⵜ ⵜⵇⴱⵉⵍⵜ ⴰⵔ ⵜⵜⵛⵓⴱⴱⵓⵏ ⴰⵣⵔⴼ ⵏⵏⵙⵏ ⵎⴰⵛⵛ ⴰⵎⵢⴰ ⵓⵔ ⵉⵍⵍⵉ, ⵙ ⵜⵉⴷⵜ ⵖⵉⴷ ⴰ ⵖ ⵔⴰⴷ ⵉⵙⵙⵏⵜⵉ ⵡⴰⵟⵟⴰⵏ ⵉ ⵜⵡⵊⴰ ⵏ ⴱⵉⵃⵎⴰⵏ. ⴱⵉⵃⵎⴰⵏ ⵔⴰⴷ ⵢⴰⵡⵉ ⵜⴰⵡⵊⴰ ⵏⵏⵙ ⵙ ⵓⴳⴰⴷⵉⵔ ⵓⵔ ⵉⵟⵟⴰⴼ ⵉⴷⵔⵉⵎⵏ ⵍⵍⵉ ⵔⴰⴷ ⵜ ⴰⵊⵊⵏ ⴰⴷ ⵉⵣⴷⵖ ⵖ ⴽⵔⴰ ⵏ ⵜⴰⴷⴷⴰⵔⵜ, ⵔⴰⴷ ⵉⵙⴽⵔ ⵍⴽⴰⵔⵢⴰⵏ, ⵔⴰⴷ ⴳⵉⵙ ⵉⵙⵖ ⵢⴰⵜ ⵜⵃⵛⵓⵛⵜ ⵉⵣⴷⵖ ⴳⵉⵣ ⵏⵜⵜⴰ ⴷ ⵜⵡⵊⴰ ⵏⵏⵙ. ⴱⵉⵃⵎⴰⵏ ⵔⴰⴷ ⵉⵎⵎⴰⵖ ⴰⴷ ⵉⵙⵙⵓⴼⵖ ⵜⴰⵡⵊⴰ ⵏⵏⵙ ⴳ ⵥⵥⵍⴹ ⵍⵍⵉⵖ ⵍⵍⴰⵏ, ⵔⴰⴷ ⵉⵙⵓⵡⵎⵡⵔⵉ ⵙ ⵓⴼⵓⵙ ⵓⵍⴰ ⴰⴹⴰⵕ, ⴳ ⵢⵉⴹ ⴷ ⵓⵣⴰⵍ, ⴰⴼⴰⴷ ⴰⴷ ⵉⴼⴼⵖ ⵍⴽⴰⵔⵢⴰⵏ, ⵔⴰⴷ ⵢⴰⵡⵉ ⵜⴰⵡⵊⴰ ⵏⵏⵙ ⵙ ⵢⴰⵜ ⵜⴰⴷⴷⴰⵔⵜ ⵍⵍⵉ ⵉⵙⵖⴰ ⴳ ⵍⴼⴰⵔⴰⵃ ⵙⵙⵏⴼⵍⵏ ⵜⵓⴷⵔⵜ ⵏ ⵥⵥⵍⴹ ⴷⴷⵔⵏ ⵣⵓⵏ ⴷ ⵏⵜⵜⵏⵉ ⵣⵓⵏ ⴷ ⵎⴷⴷⵏ. ⵜⴰⴷⵔⴰⵡⵜ ⵍⵍⵉⵖ ⴰⵔ ⵉⵙⵡⵓⵔⵉ ⴱⵉⵃⵎⴰⵏ ⵜⴳⴰ ⵜⵉⵏ ⵎⵓⵃⵎⵎⴰⴷ ⴰⵛⵉⴱⴰⵏ ⴰⵔ ⵜⵙⴽⴰⵔ ⵔⵔⵅⴰⵎ ⴷ ⵊⵊⵍⵍⵉⵊ, ⴱⵉⵃⵎⴰⵏ ⵉⴳⴰ ⵢⴰⵏ ⵓⴼⴳⴰⵏ ⵉⴳⴰⵏ ⴰⵎⵖⵏⴰⵙ, ⵔⴰⴷ ⵉⵙⴽⵔ ⵢⴰⵜ ⵜⵏⵎⴰⵍⵓⵜ ⵍⵍⵉ ⵉⵙⴰⵡⴰⵍⵏ ⵅⴼ ⵉⵣⵔⴼⴰⵏ ⵏ ⵡⵉⵍⵍⵉ ⵙⵓⵡⵔⵉⵏⵉⵏ ⴳ ⵜⴷⵔⴰⵡⵜ ⵏ ⵓⵛⵉⴱⴰⵏ. ⵍⴰⵍⵍⴰ ⴽⴱⵉⵔⴰ ⵓⵔ ⴰⵙ ⵉⵙⵅⵚⵚⴰ ⴱⵉⵃⵎⴰⵏ ⵢⴰⵜ, ⵏⵜⵜⴰⵜ ⵜⴹⵓⴼ ⵜⴰⵡⵓⵔⵉ ⵏ ⵜⴰⴷⴷⴰⵔⵜ ⴷ ⵜⴰⵔⵡⴰ ⵏⵏⵙ ⴰⵔ ⴰⵇⵇⵔⴰⵏ ⴳ ⵓⵙⵉⵏⴰⵏ. ⵢⴰⵏ ⵡⴰⵙⵙ ⴳ ⵜⴷⵔⴰⵡⵜ ⵎⵓⵏⵏ ⴷ ⵉⵎⵙⵡⵓⵔⵉⵏ ⴰⴷ ⵙⴰⵡⵍⵏ ⴷ ⴱⴰⴱ ⵏ ⵜⴷⵔⴰⵡⵜ ⵅⴼ ⵉⵣⵔⴼⴰⵏ ⵏⵏⵙⵏ, ⵇⵇⵏⵏ ⴰⵙ ⴰⵖⴰⵔⴰⵙ ⵏⵜⵜⴰ ⵉⵔⴰ ⴰⴷ ⵉⴼⴼⵖ ⵓⵔ ⵜ ⵓⵊⵊⵉⵏ, ⵎⴰⵛⵛ ⵏⵜⵜⴰ ⵉⵔⴰ ⴰⴷ ⵉⴼⴼⴰⵖ ⵙ ⴱⵣⵣⵉⵣ, ⵉⵣⵣⵉⴳⵣ ⵢⵓⵜ ⴱⵉⵃⵎⴰⵏ ⵉⴹⵕ ⵏⵏ ⵙ ⴹⴰⵕⴰⵜ, ⵢⵓⵜ ⵓⴳⴰⵢⵢⵓ ⵏⵏⵙ ⵔⵔⵅⴰⵎ, ⵓⵔ ⴷ ⵙⵓⵍ ⵉⵏⴽⵔ, ⴰⵡⵉⵏ ⵜ ⵙ ⵓⵙⴰⴷⵓⵙ ⵏ ⵉⴱⵏ ⵙⵉⵏⴰ, ⴰⴷ ⵓⵔ ⵙⵙⵉⴳⵓⵜⵖ ⴰⵡⴰⵍ, ⴱⵉⵃⵎⴰⵏ ⵢⴰⴼⵓⴹ, ⵙ ⵜⵉⴷⵜ, ⵜⴰⵡⵊⴰ ⵏⵏⵙ ⵔⴰⴷ ⵜⴳ ⵜⵉⴳⵉⴳⵉⵍⵜ. ⵜⴰⵡⵊⴰ ⵏⴱⵉⵀⵎⴰⵏ ⵉⵖⴰⵎⴰ ⴳⵉⵙⵏ ⴱⴰⴱⴰⵜⵙⵏ ⵔⴰⴷ ⵉⵔⵉⵏ ⴰⵣⵔⴼ ⵏⵏⵙⵏ, ⵔⴰⴷ ⵙⴽⵔⵏ ⴰⵎⴰⵙⵜⴰⵏ ⴰⴷ ⵉⵙⵡⵓⵔⵉ ⵅⴼ ⵓⵙⴷⴰⵡ ⵏ ⴱⴰⴱⴰⵜⵙⵏ, ⵎⴰⵛⵛ ⴰⵎⵢⴰ ⵓⵔ ⵉⵍⵍⵉ, ⵃⵜⵜⴰ ⵍⴽⴰⵎⵉⵔⴰⵜ ⵍⵍⵉ ⵉⴳⴰⵏ ⴰⴼⵙⵙⴰⵢ ⵏⵏⵙ ⵓⵔ ⵣⴷⵉⵏⵜ ⴷ ⵜⵔⵉⵙⵉⵏⵜⵉ. ⵎⴹⵍⵏ ⴱⴰⴱⴰⵜⵙⵏ ⵎⴹⵍⵏ ⴷⵉⵙ ⴰⵙⴷⴰⵡ ⵏⵏⵙ. ⵍⴰⵍⵍⴰ ⴽⵉⴱⵔⴰ ⵏⵜⵜⴰⵜ ⴰⴷ ⵉⵙⵓⵡⵔⵉⵏ ⵅⴼ ⵜⵓⵡⵊⴰ ⵏⵏⵙ, ⵍⴰⵍⵍⴰ ⴽⴱⵉⵔⴰ ⵜⴽⴽⴰ ⴰⴼⵓⵙ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵙ ⵏⵖⴰⵏ ⴰⵙⵎⵓⵏ ⵏⵏⵙ ⵓⵔ ⴰⵙ ⴼⵉⵏ ⴰⵣⵔⴼ ⵏⵏⵙ. ⵜⵉⵍⵉⵍⴰ ⵜⴼⴼⴰⵖ ⵜⵉⵖⵔⵉ ⵏⵏⵙ ⵜⵙⴰⵍⴰ ⵜⴰⵡⵓⵔⵉ ⵏ ⵜⴳⵎⵎⵉ, ⵊⴰⵎⴰⵍ ⴷ ⴽⴰⵎⴰⵍ ⵙⴽⵔⵏ ⵜⴰⵙⴷⴰⵡⵉⵜ ⵏ ⵓⴳⴰⴷⵉⵔ ⵎⴰⵛⵛ ⴱⴹⴰⵏ ⴽⵓ ⵢⴰⵏ ⴷ ⵎⴰⴷ ⵉⵙⴽⵔ ⴽⴰⵎⴰⵍ ⴰⵔ ⵢⴰⵇⵇⵔⴰ ⵅⴼ ⵓⵙⵍⴳⴰⵎ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵊⴰⵎⴰⵍ ⴰⵔ ⵢⴰⵇⵇⵔⴰ ⵅⴼ ⵜⴷⵎⵙⴰ. ⵎⵓⵃⵎⵎⴰⴷ ⴰⵛⵉⴱⴰⵏ ⵓⵍⴰ ⵏⵜⵜⴰ ⵉⵍⵍⵉⵙ ⵍⴰⵢⵍⴰ ⴰⵔ ⵜⴰⵇⵇⵔⴰ ⵅⴼ ⵜⴷⵎⵙⴰ. ⴰⵙⵙ ⴰⵎⵣⵡⴰⵔⵓ ⴳ ⵜⵙⴷⴰⵡⵉⵜ, ⵉⵎⵎⴰⴳⴰⵔ ⵊⴰⵎⴰⵍ ⴷ ⵍⴰⵢⵍⴰ, ⵏⵜⵜⴰ ⵉⵙⵙⵏ ⵎⴰⴷ ⵜⴳⴰ, ⵍⵍⵉⵖ ⵔⴰⴷ ⴼⴼⴰⵖⵏ ⴳ ⵜⴷⴰⵍⴰ ⵉⵎⵎⴰⴳⴰⵔ ⵊⴰⵎⴰⵍ ⴷ ⵍⴰⵢⵍⴰ ⴹⵕⵏ ⴰⵙ ⵏ ⵉⴷⵍⵍⵉⵙⵏ, ⵣⵓ ⴷ ⴰⵢⵍⵍⵉ ⵉⵜⵜⵊⵔⵓⵏ ⴳ ⵉⴼⵉⵍⵎⵏ ⵏ ⵜⴰⵢⵔⵉ, ⵜⴰⵢⵔⵉ ⴳ ⵓⵙⵎⵎⴰⵇⵍ ⵉⵣⵡⴰⵔⵏ. ⵣⵔⵉⵏ ⵓⵙⵙⴰⵏ ⵊⴰⵎⴰⵍ ⴷ ⵍⴰⵢⵍⴰ ⵜⵍⵍⴰ ⴳⵔⴰⵜⵙⵏ ⵢⴰⵜ ⵜⴰⵢⵔⵉ ⵉⴷⵓⵙⵏ, ⵍⴰⵢⵍⴰ ⵉⴼⵍ ⴰⵙ ⴱⴰⴱⴰⵙ ⵜⴰⴷⵔⴰⵡⵜ ⴰⴷ ⴼⵍⵍⴰⵙ ⵜⵉⵍⵉ, ⵜⴰⵡⵉ ⵏⵏ ⵊⴰⵎⴰⵍ ⴰⴷ ⴷⴰⵔⵙ ⵉⵙⵡⵓⵔⵉ. ⴳ ⵜⵙⴳⴰ ⵏ ⵡⴰⵟⵟⴰⵏ ⴷ ⵜⴳⵓⴹⵉ, ⵍⴰⵍⵍⴰ ⴽⵉⴱⵔⴰ ⵜⴻⵟⵟⴰⴹⵏ ⵓⵍ ⵏⵏⵙ, ⴰⵡⵉⵏ ⵜⵜ ⵙ ⵓⵙⴰⴷⵓⵙ, ⵉⵅⵚⵚⴰ ⴰⴷ ⵜⵙⴽⵔ ⴰⴼⵍⴰⵢ ⵉ ⵡⵓⵍ ⵏⵏⵙ. ⵔⴰⴷ ⵏⵡⵓⵔⵔⵉ ⴷⴰⵔ ⵜⴰⵢⵔⵉ ⴷ ⵜⵓⵎⵔⵜ ⴷⴰⵔ ⵊⴰⵎⴰⵍ ⴷ ⵍⴰⵢⵍⴰ, ⵎⴰⵇⵇⴰⵔⵏ ⵙⴽⵔⵏ ⵢⵉⵍ ⴰⵔ ⵣⵣⵉⴳⵣⵏ ⴳ ⵓⵎⵍⴰⵍ ⵏⵏⵙ ⵙ ⵜⴱⴰⵛⵉⵍⵉⵏ ⵏⵏⵙⵏ, ⴰⵔ ⵜⴻⵜⵜⵏⵉ ⵍⴰⵢⵍⴰ ⵙⵉⵏ ⵉⵡⴰⵍⵉⵡⵏ ⵉⵏⵏⴰ ⴷ ⵊⴰⵎⴰⵍ ⵎⵔⴰⵡ, ⵍⵍⵉⵖ ⵕⵎⵉⵏ ⵙⴽⴽⵓⵙⵏ ⴳ ⵓⵎⵍⴰⵍ, ⵍⴰⵢⵍⴰ ⵜⴹⵕⵏ ⴳⵔ ⵉⴷⵎⴰⵔⵏ ⵏ ⵊⴰⵎⴰⵍ ⵜⵏⵏⴰ ⴰⵙ ⵙⴰⵡⵍ ⵉⵢⵉ ⵅⴼ ⵜⵎⴰⵣⵉⵔⵜ ⵏⵏⴽ ⴷ ⵜⴰⵡⵊⴰ ⵏⵏⴽ. ⴽⴰⵎⴰⵍ ⴳ ⵓⵙⴰⴷⵓⵙ ⵉⵇⵇⴰⴱⵍ ⵎⴰⵙ, ⴳ ⵢⵉⴹ ⵉⴷⴷⴰ ⵙ ⵜⴰⴷⵔⴰⵡⵜ ⵏ ⵓⵛⵉⴱⴰⵏ, ⵉⵃⴱⴰ ⵓⴷⵎ ⵏⵏⵙ ⵉⴽⵛⵎ ⵙ ⵜⴷⵔⴰⵡⵜ, ⵉⵡⴰⵜⵙ ⴰⴼⵏⵉⵇ ⵍⵍⵉⵖ ⵍⵍⴰⵏ ⵉⴷⵔⵉⵎⵏ, ⵢⴰⵙⵉ ⵜⵏ, ⵍⵍⵉⵖ ⵔⴰⴷ ⵉⴼⴼⵖ ⵉⵙⵙⴰⴳⴷ ⵓⴷⵎ ⵏⵏⵙ ⵉ ⵍⴽⴰⵎⵉⵔⴰⵜ ⵉⴼⴼⵖ. ⵍⵍⵉⵖ ⴷ ⵉⵡⵉⵏ ⵍⴰⵅⴱⴰⵔ ⵎⴰⵙ ⵜⴻⵜⵜⵢⴰⴽⴰⵔ ⵜⴷⵔⴰⵡⵜ ⴱⴷⴷⵏ ⴷ ⵍⴱⵓⵍⵉⵙ ⵎⴰⵛⵛ ⵍⴰⵍ ⵏ ⵜⴷⵔⴰⵡⵜ ⵓⵔ ⵜⵃⴰⴹⵕ, ⵜⵍⵍⴰ ⴷ ⵉⵎⵉⵔⵉ ⵏⵏⵙ ⴰⵔ ⵙⵔⵙ ⵙⵉⴳⴳⵉⵍⵏ, ⵢⵉⵍⵉⵃ ⵜⵜ, ⵖⵔⴰⵏⴰⵙ ⵖ ⵓⵜⵉⵍⵉⴼⵓⵏ ⵏⵏⵙ, ⵢⵉⵍⵉⵃ ⵜⵜ. ⵍⵍⵉⵖ ⴷ ⵜⵉⵡⵉ ⵍⴰⵅⴱⴰⵔ ⵜⴷⴷⵓ ⵙ ⵜⴷⵔⴰⵡⵜ ⵜⴰⴼ ⵏⵏ ⵍⴱⵓⵍⵉⵙ ⴷ ⴱⴰⴱⴰⵙ ⵜⵔⵡⵉ ⴷⴷⵓⵏⵉⵜ. ⵍⵍⵉⵖ ⵏⵏ ⵜⵓⴳⴳⴰ ⵍⴽⴰⵎⵉⵔⴰ ⵜⵥⵕ ⴰⴼⵉⴷⵢⵓ, ⵉⵏⵏⴰ ⵡⵓⵍ ⵏⵏⵙ ⴷⴷⴰⴼ, ⵜⵓⴼⴰⵏ ⵎⴰ ⵙ ⴷ ⵊⴰⵎⴰⵍ ⵍⵍⵉ ⴷ ⵜⴳⴰⵡⵔ ⴰⴷ ⵢⵓⴽⵔⵏ ⵜⴰⴷⵔⴰⵡⵜ. ⵊⴰⵎⴰⵍ ⵓⵎⵣ ⵏⵜ ⵍⴱⵓⵍⵉⵙ ⴰⵡⵉⵏ ⵜ ⵙ ⵓⴱⵏⵉⵇ, ⵡⴰⵅⵅⴰ ⵓⵔ ⵉⵙⴽⵔ ⵙ ⵓⴹⴰⵕ ⵓⵍⴰ ⴰⴼⵓⵙ. ⵍⵍⵉⵖ ⵜ ⵉⵡⵉⵏ ⴷⴰⵔ ⵢⵉⵏⴱⴹⵉ ⴰⴼⴰⴷ ⴰⴷ ⵉⵥⵕ ⴰⵙⴷⴰⵡ ⵏⵏⵙ. ⵢⵓⵛⴽⴰ ⵏⵏ ⴳⵯⵎⴰⵙ ⴽⴰⵎⴰⵍ ⴰⴼⴰⴷ ⴰⴷ ⵉⴳ ⴰⵎⴰⵙⵜⴰⵏ ⵏⵏⵙ ⵉⵏⴱⴹⵉ ⵊⵍⴰⵏⵜ ⴰⵙ, ⵓⵔ ⴰⴷ ⵜⴰⴽⵯⵣⵜ ⵏⴳⵔ ⵊⴰⵎⴰⵍ ⴷ ⴽⴰⵎⴰⵍ ⴰⵎⵔ ⵙ ⵜⵎⵍⵙⴰ, ⵢⴰⵏ ⵉⵍⵙⴰ ⵜⵉⵏ ⵓⴱⵏⵉⵇ, ⵢⴰⵏ ⵜⵉⵏ ⵓⵎⴰⵙⵜⴰⵏ. ⴽⴰⵎⴰⵍ ⴰⴷ ⵢⵓⴽⵔⵏ ⵜⴰⴷⵔⴰⵡⵜ ⵎⴰⵛⵛ ⵎⴰⵅ? ⵜⴰⵎⵣⵡⴰⵔⵓⵜ ⵎⴰⵙ ⵜⵔⴰ ⵉⴷⵔⵉⵎⵏ ⴰⴼⴰⴷ ⴰⴷ ⵜⴰⵙⴽⵔ ⴰⴼⵍⴰⵢ ⵏ ⵡⵓⵍ ⴷ ⵜⵉⵙⵙ ⵙⵏⴰⵜ ⴰⴷ ⵉⵙⵙⵏ ⵉⵙ ⵅⴷⵎⵏⵜ ⵍⴽⴰⵎⵉⵔⴰⵜ ⵏ ⵜⴷⵔⴰⵡⵜ, ⵊⴰⵎⴰⵍ ⵉⵙⵙⵏ ⵎⴰⵢⴰⴷ, ⵏⵜⵜⴰⵏ ⴰⴷ ⵉⴽⴼⴰⵏ ⵜⴰⵙⴰⵔⵓⵜ ⵏ ⵜⴷⵔⴰⵡⵜ ⵉ ⴳⵯⵎⴰⵙ, ⵎⴰⵛⵛ ⵓⵔ ⴷⵉⵙ ⵉⵙⴽⵔ ⴰⴷ ⵉⵙⵙⴰⴳ ⵓⴷⵎ ⵏⵏⵙ. ⴽⴰⵎⴰⵍ ⵉⵍⴷⵉⴷ ⵢⴰⵏ ⵛⴷ ⵉⵎⵍⵉⵜ ⵉ ⵉⵏⴱⴹⵉ, ⵛⴷ ⴰⴷ ⵉⴳⴰ ⵡⵉⵏ ⵜⴷⵔⴰⵡⵜ ⵍⵍⵉⵖ ⴳⵉⵙ ⵉⵙⵡⵓⵔⵉ ⴱⵉⵃⵎⴰⵏ, ⵍⵍⵉⵖ ⵜ ⵉⵏⵖⴰ ⴱⴰⴱ ⵏ ⵜⴷⵔⴰⵡⵜ ⵎⴰⵛⵛ ⴰⵛⵉⴱⴰⵏ ⵍⵍⴰⵏ ⵉⴷⵔⵉⵎⵏ ⵓⵔ ⵉⴽⵚⵓⴹ ⵢⴰⵜ. ⵍⴰⵢⵍⴰ ⵜⴼⵔⴽ ⵉⵙ ⴷ ⵉⵎⵉⵙⵙ ⴽⴰ ⴰⴷ ⴰⴷⵍⵍⵉ ⵜⴳⴰ ⴰⴼⴰⴷ ⴰⴷ ⴷ ⵉⵔⴰⵔ ⵊⴰⵎⴰⵍ ⴰⵣⵔⴼ ⵏ ⴱⴰⴱⴰⵙ, ⵊⴰⵎⴰⵍ ⵉⵍⵍⴰ ⴳ ⵓⴱⵏⵉⵇ ⵏ ⴰⵢⵜ ⵎⵍⵍⵓⵍ ⵔⴰⴷ ⴳⵉⵣ ⵉⵣⵣⵔⵉ ⵙⵉⵏ ⵉⵙⴳⴳⵯⴰⵙⵏ. ⵊⴰⵎⴰⵍ ⵢⵉⵡⵉ ⵜⵓⵎⵍⴰ ⵏ ⴰⵢⵍⵍⵉ ⵓⵔ ⵉⵙⴽⵉⵔ, ⵊⴰⵎⴰⵍ ⴰⴷ ⵖⵉ ⴷ ⵉⴳⴰⵏ ⵉⴳⵍⴳⵉⵣ ⵢⵉⵡⵉ ⵜⵓⵎⵍⴰ ⵏ ⵢⵉⵖⵉⵔⴷⵎ. ⴰⴷⵍⵉⵙ ⴰⴷ ⵜⴼⵓⵍⴽⵉⵜ ⵜⴳⵓⵔⵉ ⵏ ⵓⵎⴰⵔⴰ ⵏⵏⵙ, ⵉⵙⵙⵎⵔⵙ ⴳⵉⵣ ⵜⵉⴳⵓⵔⵉⵡⵉⵏ ⵛⵇⵇⴰⵏⵜ ⵙⵍⴰⵡⴰⵏ ⴰⴽⴽⵯ ⵜⵉⴳⵓⵔⵉⵡⵉⵏ ⵍⵍⵉ ⵉⵣⴷⵉⵏ ⴷ ⵓⵙⴰⴹⵓⴼ, ⵉⵖ ⴰⵢⵎⵎⴰⵍⴰ ⵎⴰⵢⴰⴷ ⴽⵔⴰ, ⴰⵔ ⵉⵎⵎⴰⵍⴰ ⵜⵉⵣⵉ ⵍⵍⵉ ⵉⴼⴽⴰ ⵓⵎⴰⵔⴰ ⵉ ⵓⴷⵍⵍⵉⵙ ⵏⵏⵙ ⴷ ⵜⵓⴳⴳⴰⵙ ⵏⵏⵙ ⴰⴼⴰⴷ ⴰⴷ ⴰⵖ ⵢⴰⵔⴰ ⵢⴰⵏ ⵓⴷⵍⵍⵉⵙ ⵍⵍⵉ ⵔⴰⴷ ⵢⴰⵍⵍ ⴳ ⵓⵙⵡⵉⵔ ⵏ ⵡⴰⵍⵍⵉ ⵜ ⵢⴰⵇⵇⵔⴰⵏ." II. ⵉⵙ ⵉⴳⴰ ⵓⵏⴳⴰⵍ ⴰⴷ ⵓⵏⴳⴰⵍ ⴰⴱⵓⵍⵉⵙⵉ ? ⵜⵉⵣⵉ ⵏⵏⴰ ⵏⵙⴰⵡⴰⵍ ⴼ ⵓⵏⴳⴰⵍ ⴰⴱⵓⵍⵉⵙⵉ ⴰⵔ ⵏⵙⴰⵡⴰⵍ ⴼ ⴽⵔⴰ ⵏ ⵉⴼⵔⴷⵉⵙⵏ ⵉⴷⵙⴰⵍⵏⵏ ⵍⵍⵉ ⵙ ⵏⵥⴹⴰⵕ ⴰⴷ ⵏⴱⴷⵓ ⵓⵏⴳⴰⵍ ⴰⴱⵓⵍⵉⵙⵉ ⴼ ⵓⵏⴳⴰⵍ ⵢⴰⴹⵏⵉⵏ, ⵉⴳⴰⵜⵏ : ⵓⴱⴽⴽⴰⴹ, ⴰⵏⴱⴽⴰⴹ, ⵓⵏⴳⵉⵙ, ⴷ ⵓⵎⵙⴰⴳⴳⵓ. ⵉⴼⵔⴷⵉⵙⵏ ⵉⵖ ⵎⵓⵏⵏ ⴳ ⴽⵔⴰ ⵏ ⵓⵏⴳⴰⵍ, ⴰⵔ ⵏⵜⵜⵉⵏⵉ ⵎⴰⵙ ⵉⴳⴰ ⵓⵏⴳⴰⵍ ⴰⴱⵓⵍⵉⵙⵉ. ⵉⵇⵇⵙ ⵢⵉⵖⵉⵔⴷⵎ ⵜⵉⵣⵉ ⵏⵏⴰ ⵜ ⵏⵖⵔⴰ ⴰⵔ ⵏⵏ ⴰⴽⴽⵯ ⴳⵉⵙ ⵏⵜⵜⴰⴼⵉ ⵉⴼⵔⴷⵉⵙⵏ ⴰⴷ ⵎⵓⵏⴰⵏ ⴳⵉⵙ. ⴰⴼⵔⴷⵉⵙ ⴰⵎⵣⵡⴰⵔⵓ ⴰⴱⴽⴽⵉⴹ : ⵍⵍⵉⵖ ⵏⵖⵔⴰ ⵓⵏⴳⴰⵍ ⵏ ⵉⵇⵇⵙ ⵢⵉⵖⵔⵉⴷⵎ ⴰⵏⵏ ⴳⵉⵙ ⵏⵜⵜⴰⴼⵉ ⵓⵔ ⴷ ⵖⴰⵙ ⵢⴰⵏ ⵓⴱⴽⴽⴰⴹ ⴰⴷ ⴳⵉⵙ ⵉⵍⵍⴰⵏ ⵎⴰⵛⵛ ⵎⵏⵏⴰⵡ, ⴰⴱⴽⴽⴰⴹ ⴰⵎⵣⵡⴰⵔⵓ ⵉⴳⴰ ⵜ ⵍⵍⵉⵖ ⵉⴽⴽⵉⵙ ⵓⵡⴰⵏⴽ ⴰⴽⴰⵍ ⵉ ⴰⵢⵜ ⵜⵙⴷⵔⵎⵜ ⴰⴼⴰⴷ ⴳⵉⵙ ⵚⴽⵓⵏ ⵓⴳⴳⵓⴳ ⵎⴰⵢⴰⴷ ⴰⴽⴽⵯ ⵙ ⴱⵣⵣⵉⵣ ⴷ ⵓⵔ ⴰⵙⵏ ⵙⴽⵔⵏ ⴽⵔⴰ ⵏ ⵓⴼⵙⵙⴰⵢ, ⴰⴱⴽⴽⴰⴹ ⵡⵉⵙ ⵙⵉⵏ ⴷ ⵍⵍⵉ ⵉⴳⴰⵏ ⴰⴱⴽⴽⴰⴹ ⴰⵏⴼⵔⴰⵔ ⴳ ⵓⵏⴳⴰⵍ ⵉⴳⴰ ⵜ ⵜⴰⵎⵜⵜⴰⵏⵜ ⵏ ⴱⵉⵃⵎⴰⵏ ⵍⵍⵉ ⵉⵏⵖⴰ ⵎⵓⵃⵎⵎⴰⴷ ⴰⵛⵉⴱⴰⵏ, ⴰⴱⴽⴽⴰⴹ ⵡⵉⵙ ⴽⵕⴰⴹ ⵉⴳⴰ ⵜ ⵍⵍⵉ ⵢⵓⴽⵔ ⴽⴰⵎⴰⵍ ⵜⴰⵎⵙⵙⵓⵔⵜ ⵏ ⵓⵛⵉⴱⴰⵏ. ⴰⴼⵔⴷⵉⵙ ⵡⵉⵙ ⵙⵉⵏ ⵙⵉⵏ ⴰⵏⴱⴽⴰⴹ : ⴰⵏⴱⴽⴰⴹ ⴳ ⵓⴱⴽⴽⴰⴹ ⴰⵎⵣⵡⴰⵔⵓ ⵉⴳⴰ ⵜ ⵓⵡⴰⵏⴽ, ⴰⵏⴱⴽⴰⴹ ⵡⵉⵙ ⵙⵉⵏ ⵉⴳⴰ ⵜ ⵓⵛⵉⴱⴰⵏ, ⴰⵏⴱⴽⴰⴹ ⵡⵉⵙ ⴽⵕⴰⴹ ⵉⴳⴰ ⵜ ⴽⴰⵎⴰⵍ. ⴰⴼⵔⴷⵉⵙ ⵡⵉⵙ ⴽⵕⴰⴹ ⵓⵏⴳⵉⵙ : ⵓⵏⴳⵉⵙ ⴳ ⵓⴱⴽⴽⴰⴹ ⵉⵣⵡⴰⵔⵏ ⴳⴰⵏ ⵜⵏ ⴰⵢⵜ ⵜⵙⴷⵔⵎⵜ, ⴳ ⵓⴱⴽⴽⴰⴹ ⵡⵉⵙ ⵙⵉⵏ ⴳⴰⵏⵜⵏ ⵜⵡⵊⴰ ⵏ ⴱⵉⵃⵎⴰⵏ, ⵓⵏⴳⵉⵙ ⵡⵉⵙ ⴽⵕⴰⴹ ⵉⴳⴰ ⵜ ⵊⴰⵎⴰⵍ. ⴰⴼⵔⴷⵉⵙ ⵡⵉⵙ ⴽⴽⵓⵥ ⴰⵎⵙⴰⴳⴳⵓ : ⴳ ⵓⴱⴽⴽⴰⴹ ⴰⵎⵣⵡⴰⵔⵓ ⴰⵔ ⵏⵏ ⵏⵜⵜⴰⴼⵉ ⵎⴰⵙ ⵓⵔ ⵉⵍⵍⵉ, ⴳ ⵡⵉⵙ ⵙⵉⵏ ⴳⴰⵏⵜⵏ ⵜⴰⵔⵡⴰ ⵏ ⴱⵉⵃⵎⴰⵏ ⵊⴰⵎⴰⵍ ⴷ ⴽⴰⵎⴰⵍ, ⴳ ⵡⵉⵙ ⴽⵕⴰⴹ ⴰⵎⵙⴰⴳⴳⵓ ⴳⴰⵏ ⵜⵏ ⵍⴱⵓⵍⵉⵙ ‘ⴰⵎⵙⵙⴰⴳⵓ ⵙⴰⵎⵉⵔ’. ⵎⵇⵇⴰⵔ ⵏⵏ ⴰⴽⴽⵯ ⵏⵓⴼⴰ ⴳ ⵓⴳⵏⵙ ⵏ ⵓⵏⴳⴰⵍ ⵎⵏⵏⴰⵡ ⵉⴱⴽⴽⵉⴹⵏ, ⵎⴰⵛⵛ ⴰⴱⴽⴽⵉⴹ ⵍⵍⵉ ⵉⴳⴰⵏ ⴰⴷⵙⵍⴰⵏ ⴷ ⵍⵍⵉ ⴰⵖ ⵢⵓⵊⵊⴰⵏ ⴰⴷ ⵏⴻⵏⵏⴰ ⵎⴰⵙ ⴷ ⵓⵏⴳⴰⵍ ⴰⴷ ⵉⴳⴰ ⴰⴱⵓⵍⵉⵙⵉ ⵉⴳⴰ ⵜ ⴰⴱⴽⴽⵉⴹ ⵏ ⵜⵎⵅⵅⴰⵔⵜ, ⵎⴰⵢⴰⴷ ⴰⵔ ⴰⵖ ⵉⵜⵜⴰⵊⵊⴰ ⴰⴷ ⴷⴰⵖ ⵏⴼ ⴽ ⵢⴰⵏ ⵓⵙⵇⵙⵉ : ⵎⴰⵅⵅ ⵍⵍⵉⵖ ⵔⴰⴷ ⵓⵔ ⵏⵉⵏⵉ ⴰⴱⴽⴽⵉⴹ ⵏ ⵜⵎⵜⵜⴰⵏⵜ ⵏ ⴱⵉⵃⵎⴰⵏ ⴰⴷ ⵉⴳⴰⵏ ⴰⴱⴽⴽⵉⴹ ⴰⴷⵙⵍⴰⵏ ⴳ ⵓⵏⴳⴰⵍ ? ⵙ ⵜⵉⴷⵜ ⵜⴰⵎⵜⵜⴰⵏⵜ ⵏ ⴱⵉⵃⵎⴰⵏ ⵏⵜⵜⴰⵜ ⴰⴷ ⵉⴳⴰⵏ ⴰⴱⴽⴽⵉⴹ ⴰⴷⵙⵍⴰⵏ ⴳ ⵓⵏⴳⵏⵙ ⵏ ⵓⵏⴳⴰⵍ ⴰⴷ ⵎⴰⵛⵛ ⵓⵔ ⴷ ⵏⵜⵜⴰⵜ ⴰⴷ ⵢⵓⵊⵊⴰⵏ ⵉⵇⵇⵙ ⵢⵉⵖⵉⵔⴷⵎ ⴰⴷ ⵉⴳ ⵓⵏⴳⴰⵍ ⴰⴱⵓⵍⵉⵙⵉ ⴰⵛⴽⵓ ⵢⴰⵏ ⴳ ⵉⴼⵔⴷⵉⵙⵏ ⵉⴷⵙⵍⴰⵏ ⵏ ⵓⵏⴳⴰⵍ ⴰⴱⵓⵍⵉⵙⵉ ⵓⵔ ⴳⵉⵙ ⵉⵍⵍⵉ ⵍⵍⵉ ⵜ ⵉⴳⴰⵏ ⴷ ‘ⴰⵎⵙⴰⴳⴳⵓ’. ⵎⴰⵅⵅ ⵊⴰⵎⴰⵍ ⴷ ⴽⴰⵎⴰⵍ ⵓⵔ ⴷ ⵏⵜⵜⵏⵉ ⴰⴷ ⵉⴳⴰⵏ ⵉⵎⵙⵓⴳⴳⴰ ⵏ ⵓⴱⴽⴽⴰⴹ ⴰⴷ ? ⵏⵥⴹⴰⵕ ⴰⴷ ⵏⴻⵏⵏⴰ ⵊⴰⵎⴰⵍ ⴷ ⴽⴰⵎⴰⵍ ⴳⴰⵏ ⵉⵎⵙⵓⴳⴳⴰ ⴳ ⵓⴱⴽⴽⴰⴹ ⴰⴷ ⵎⴰⵛⵛ ⵉⵖ ⵏⴻⵏⵏⴰ ⵖⵉⴽⴰ ⴷ ⵉⵇⵇⴰⵏ ⴷ ⴰⴷ ⴼ ⵓⵏⴳⴰⵍ ⵏ ⵓⵎⴰⵔⴰ ⵍⵃⵓⵙⴰⵢⵏ ⵎⵓⵔⴰⴱⵉⵃ ⵜⴰⵍⴰⵜ ⵏ ⵢⵉⴼⵉⵙ ⵎⴰⵙ ⵉⴳⴰ ⵓⵏⴳⴰⵍ ⴰⴱⵓⵍⵉⵙⵉ, ⴰⵛⴽⵓ ⴰⵡⴷ ⴳ ⵓⵏⴳⴰⵍ ⴰⴷ ⴰⵔ ⵏⵏ ⵏⵜⵜⴰⴼⵉ ⴰⴱⴽⴽⵉⴹ ⵏ ⵜⵎⵜⵜⴰⵏⵜ ⵏ ⵉⴷⵉⵔ, ⴷ ⵓⵎⵙⴰⴳⴳⵓ ⴳ ⵓⴱⴽⴽⴰⴹ ⴰⴷ ⵉⴳⴰ ⵜ ⵢⵓⵙ ⴰⵙⴰⴼⵓ, ⵀⴰ ⴰⴱⴽⴽⵉⴹ ⵀⴰ ⴰⵎⵙⴰⴳⴳⵓ? ⵎⴰⵅⵅ ⵣⴰ ⵓⵔ ⵏⴻⵏⵏⵉ ⵉⴳⴰ ⵓⵏⴳⴰⵍ ⴰⴱⵓⵍⵉⵙⵉ? ⵎⵇⵇⴰⵔ ⴰⴽⴽⵯ ⵏⵜⵜⴰⴼⵉ ⴳ ⴽⵔⴰ ⵏ ⵓⵏⴳⴰⵍ ⴰⴱⴽⴽⵉⴹ ⴷ ⵓⵎⵙⴰⴳⴳⵓ ⵓⵔ ⵏⵥⴹⴰⵕ ⴰⴷ ⴰⴷ ⵏⴻⵏⵏⴰ ⵎⴰⵙ ⵉⴳⴰ ⵓⵏⴳⴰⵍ ⴰⴱⵓⵍⵉⵙⵉ, ⴰⵛⴽⵓ ⴳ ⵙⵉⵏ ⵉⴱⴽⴽⵉⴹⵏ ⴰⴷ ⵍⵍⵉ ⵏⵥⵕⴰ (ⵡⵉⵏ ⴱⵉⵃⵎⴰⴷ ⴷ ⵉⴷⵉⵔ) ⴰⵔ ⵏⵏ ⵏⵜⵜⴰⴼⵉ ⵎⴰⵙ ⴷ ⴰⵎⵙⴰⴳⴳⵓ ⵓⵔ ⴷⴰⵔ ⴰⴼⵔⵉⵙ ⵓⵍⴳⵉⵏ ⴰⴷ ⵉⴳ ⴰⵎⵙⴰⴳⴳⵓ ⵎⵇⵇⴰⵔ ⴰⴽⴽⵯ ⵉⵙⴽⴰⵔ ⵉⴳⵉ ⵏ ⵓⵙⴰⴳⴳⵯ, ⵓⵔ ⴷⴰⵔⵙ ⴰⴷⵔⵉⵙ ⵓⵍⴳⵉⵏ ⴰⴷ ⵉⵙⴽⵔ ⵜⴰⵡⵔⵉ, ⵎⴰⵢⴰⵏⵏ ⴰⴼ ⵉⴳⴰ ⵓⴱⴽⴽⵉⴹ ⵏ ⵍⵍⵉ ⵉⵙⴽⵔ ⴽⴰⵎⴰⵍ (ⵜⴰⵎⵅⵅⴰⵔⵜ) ⴰⴱⴽⴽⵉⴹ ⵍⵍⵉ ⵢⵓⵊⵊⴰⵏ ⵉⵇⵇⵙ ⵢⵉⵖⵉⵔⴷⵎ ⴰⴷ ⵉⴳ ⵓⵏⴳⴰⵍ ⴰⴱⵓⵍⵉⵙⵉ, ⴰⴷⵔⵉⵣ ⴰⴷ ⵏⵉⵜ ⴰⴷ ⵓⵔ ⵉⵜⵜⴰⵊⵊⴰⵏ ⵜⵓⴳⵜⵜ ⵏ ⵓⵏⴳⴰⵍⵏ ⴰⴷ ⴳⵉⵏ ⵉⴱⵓⵍⵉⵙⵉⵏ. ⵍⵍⵉⵖ ⵏⵙⵙⵏ ⵖⵉⵍⴰ ⵉⵙ ⵉⴳⴰ ⵓⵏⴳⴰⵍ ⵉ ⵢⵉⵇⵇⵙ ⵢⵉⵖⵉⵔⴷⵎ ⵉⵙ ⵉⴳⴰ ⵓⵏⴳⴰⵍ ⴰⴱⵓⵍⵉⵙⵉ ⵉⵇⵇⴰⵏ ⴷ ⴰⴷ ⴷⴰⵖ ⵏⴼ ⴽ ⴰⵙⵇⵙⵉ ⴰⴷ: ⵎⴰⵏ ⴰⵏⴰⵡ ⴳ ⵡⴰⵏⴰⵡⵏ ⵏ ⵓⵏⴳⴰⵍ ⴰⴱⵓⵍⵉⵙⵉ ⴰⴷ ⵉⴳⴰ ⴷ ⵎⴰⵅⵅ? ⵎⴰⵏ ⴰⵏⴰⵡ ⴰⴷ ⵉⴳⴰ ⵓⵏⴳⴰⵍ ⴰⴷ? ⴰⵙⵇⵙⵉ ⴰⴷ ⵉⵎⵎⵔ, ⵜⵎⵎⵔ ⴰⵡⴷ ⵜⵎⵔⴰⵔⵓⵜ ⴼⵍⵍⴰⵙ, ⵎⴰⵅⵅ? ⵍⵍⵉⵖ ⵏⵖⵔⴰ ⵓⵏⴳⴰⵍ ⴰⴷ ⴰⵔ ⵏⵏ ⴳⵉⵙ ⴰⴽⴽⵯ ⵏⵜⵜⴰⴼⵉ ⴰⵏⴰⵡⵏ ⴰⴽⴽⵯ ⵙ ⴽⵕⴰⴹ, ⴰⵛⴽⵓ ⵎⴽ ⵍⵍⵉ ⴰⴽⴽⵯ ⵏⴻⵏⵏⴰ, ⴽⵓ ⴰⵏⴰⵡ ⴳ ⵡⴰⵏⴰⵡⵏ ⴰⵏⵏ ⵙ ⴽⵕⴰⴹ ⴰⵔ ⵉⵙⴰⵡⴰⵍ ⵉⵖⴷ ⴰⵔ ⴷⴰⵔⵙ ⵉⵜⵜⵉⵍⵉ ⵢⴰⵏ ⵓⵡⵔⵉⴽ ⴰⴷⵙⵍⴰⵏ, ⵎⴰⴷ ⴰⴽⴽⵯ ⵢⵓⵊⵊⴰⵏ ⵓⵏⴳⴰⵍ ⴰⴷ ⴰⴷ ⵉⵙⵎⵓⵏ ⴰⵏⴰⵡⵏ ⴰⴷ ⵙ ⴽⵕⴰⴹ ⵉⴳⴰ ⵜ ⵎⴰⵙ ⴷ ⴰⵡⵔⵉⴽ ⴰⴷⵙⵍⴰⵏ ⴳⵉⵙ ⵉⴳⴰ ⴰⵏⴱⴽⴰⴹ ⵉⴳ ⵓⵏⴳⵉⵙ ⵉⴳ ⵓⵍⴰ ⴰⵎⵙⴰⴳⴳⵓ (ⵎⵇⵇⴰⵔ ⴷⴰⵔⵙ ⵓⵔ ⵉⵍⵍⵉ ⵓⴷⵔⵉⵣ ⵓⵍⴳⵉⵏ), ⵎⴰⵢⴰⵏ ⴰⴼ ⵉⵎⵎⵔ ⴰⴷ ⵏⵉⵏⵉ ⵏⵖ ⴰⴷ ⵜ ⵏⵙⵙⴽⵛⵎ ⴳ ⴽⵔⴰ ⵏ ⵡⴰⵏⴰⵡ, ⵙ ⵓⵎⴷⵢⴰ ⵉⵖ ⵏ ⵙⴰⵡⵍ ⴼ ⵊⴰⵎⴰⵍ (ⵢⵓⵙ ⵏ ⴱⵉⵃⵎⴰⵏ), ⴰⵔ ⵜ ⵏⵜⵜⴰⴼⵉ ⵉⴳⴰ ⴰⵎⵙⴰⴳⴳⵓ, ⴰⵔ ⵉⵜⵜⵍⵉ ⴰⴷ ⵉⴼⵙⵉ ⵜⵓⵏⵜⵉⵍⵜ ⵏ ⵜⵎⵜⵜⴰⵏⵜ ⵏ ⴱⴰⴱⴰⵙ, ⵉⵖ ⴷⴰⵖ ⴳⵉⵙ ⵏⵙⵎⴰⵇⵇⵍ ⴳ ⵜⵙⴳⴰ ⵢⴰⴹⵏⵉⵏ ⴰⵔ ⵜ ⵉⵏⵏ ⵏⵜⵜⴰⴼⵉ ⵉⴳⴰ ⵓⵏⴳⵉⵙ, ⴰⵛⴽⵓ ⵉⵣⵣⵏⵣⴰ ⵜ ⴳⵎⴰⵙ ⵍⵍⵉⵖ ⴷ ⵉⵎⵍⴰ ⵓⴷⵎ ⵏⵏⵙ ⴳ ⵎⵏⵉⴷ ⵏ ⵍⴽⴰⵎⵉⵔⴰ, ⴰⵔ ⵜ ⵉⵏⵏ ⵏⵜⵜⴰⴼⵉ ⵉⴳⴰ ⵓⵍⴰ ⴰⵏⴱⴽⴰⴹ ⴰⵛⴽⵓ ⵏⵜⵜⴰ ⴰ ⵎⵓ ⵉⵜⵜⵓⴼⴽⴰⵥⴰ ⵓⴼⵉⵔⵉⵙ ⵏ ⵓⵏⴱⴽⴰⴹ ⵎⵇⵇⴰⵔ ⵜ ⵓⵔ ⵉⵙⴽⵔ, ⵎⴰⵢⴰⴷ ⴰⴽⴽⵯ ⵉⵣⴷⵉ ⴰⴽⴽⵯ, ⵎⴰⵢⴰⵏ ⴰⴼ ⵓⵔ ⵏⵓⴼⵉ ⴰⴷ ⵏⵙⵜⵉ ⵎⴰⵏ ⴰⵏⴰⵡ ⴰⵖ ⵔⴰⴷ ⵏⴳ ⵓⵏⴳⴰⵍ ⴰⴷ ⵏⵉⵖ ⴷ ⴰⴷ ⵜ ⵏⴳ ⴳ ⵡⴰⵏⴰⵡⵏ ⴰⴷ ⴰⴽⴽⵯ. ⴰⵎⵙⴳⵔⴰ: ⵓⵏⴳⴰⵍ ⴰⴱⵓⵍⵉⵙⵉ ⴰⵔ ⴱⴷⴷⴰ ⵉⵙⴳⴳⵉⵍ ⵙ ⵓⵏⴱⴽⴰⴹ, ⴰⴷ ⵉⴼⵙⵉ ⵓⵏⵜⵉⵍⵏ, ⴰⴷ ⵢⴰⵊⵊ ⵉⵎⵖⵔⵉ ⴰⴷ ⵉⴷⴷⵔ ⵉⵙⵙⵢⴰⴼⴰ, ⴰⴷ ⵢⴰⵊⵊ ⴰⵏⵍⵍⵉ ⵏⵏⵙ ⴰⴷ ⵜ ⵉⵣⵣⵉⵡⵣ, ⵓⵏⴳⴰⵍ ⴰⴱⵓⵍⵉⵙⵉ ⴰⵔ ⵉⵙⴰⵡⴰⵍ ⵓⴳⴳⴰⵔ ⴼ ⵜⵉⵍⴰⵡⵜ ⵏⵏⵖ, ⴰⵔ ⵉⵎⵎⴰⵍ ⵜⵉⴷⵜ ⵏⵏⵖ, ⵎⵇⵇⴰⵔ ⴰⴽⴽⵯ ⵉⴷⵔⵓⵙ. ⵓⵏⴳⴰⵍ ⴰⴱⵓⵍⵉⵙⵉ ⴰⵎⴰⵣⵉⵖ ⵉⵖⴷ ⵉⵖ ⵏⵔⴰ ⴰⴷ ⴰⵙ ⵏⵙⴽⵔ ⵢⴰⵏ ⵓⵙⵓⵜⴳ, ⵏⵥⴹⴰⵕ ⴰⴷ ⵏⴻⵏⵏⴰ ⵎⴰⵙ ⵉⵍⴽⵎ ⵢⴰⵏ ⵓⵙⵡⵉⵔ ⵎⵇⵇⵓⵔⵏ, ⵙⵍⴰⵡⴰⵏⵏ ⴰⴽⴽⵯ ⴳ ⵜⵖⴰⵔⴰⵙⵉⵏ ⵏ ⵜⵉⵔⵔⴰ ⴷ ⵎⵉⴷⴷⵏ ⵍⵍⵉ ⴳⵉⵙ ⵓⵔⴰⵏ ⴰⵔ ⵜⵉⵣⵉ ⴰⴷ ⴷⴰⵔⵙⵏ ⵢⴰⵜ ⵜⵓⵙⵙⵏⴰ ⵉⴳⴳⵓⵜⵏ ⴼ ⵡⴰⵏⴰⵡ ⴰⴷ, ⵎⴰⵛⵛ ⵙⵉⵏ ⵓⵏⴳⴰⵍⵏ ⴳ ⵡⴰⵏⴰⵡ ⴰⴷ ⴷⵔⵓⵙⵏ ⴱⴰⵀⵔⴰ ⵎⴰⵢⴰⵏ ⴰⴷ ⴰⵖ ⵉⵜⵜⴰⵊⵊⴰⵏ ⴰⴷ ⵏⴼ ⵢⴰⵏ ⵓⵙⵇⵙⵉ: ⵎⴰⵏⵉⴽ ⴰⵙ ⵏⵥⴹⴰⵕ ⴰⴷ ⵙⵉⵙ ⵏⵙⴱⵓⵖⵍⵓ ⴰⵏⴰⵡ ⴰⴷ ⴳ ⵜⵙⴽⵍⴰ ⵜⴰⵎⴰⵣⵉⵖⵜ?  

ⵉⵙⴰⵖⵓⵍⵏ

• ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
• ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)
• ⴰⵙⴳⵣⴰⵡⴰⵍ ⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ(ⵙ.ⴳ.ⵙ.ⵎ) : ⵎⵙⵎⵓⵏ ⴰⵡⴰⵍ ⴰⵎⴰⵜⴰⵢ ⴰⵙⵏⵎⴰⵍⴰⵢ ⵏ ⵜⵎⴰⵣⵉⵖⵜ (ⵎ.ⵎ.ⵙ.ⵎ)