ⵎⵓⵃⵎⵎⴰⴷ ⴱⴰⵏⴹⴰⵊ
ⵎⵓⵃⵎⵎⴰⴷ ⴱⴰⵣⴽⵔⴰ ⵉⵜⵜⵢⵓⵙⵙⴰⵏ ⵙ ⵎⵓⵃⵎⵎⴰⴷ ⴱⴰⵏⴹⴰⵊ ⴷ ⴰⵎⴷⵢⴰⵣ ⴷ ⵓⵏⴰⵥⵓⵕ ⴰⵎⴰⵣⵉⵖ ⴰⵎⵙⵏⴼⵍⵓⵍ ⵉⵍⵓⵍ ⴳ ⵓⵙⵓⵏ ⴰⵏⵣⵉⴽ ⴳ ⵜⵎⴳⵔⴰⵡⵜ ⵏ ⵜⵉⵇⵉ ⵜⵉⵏⵎⵎⵓⵖⵔⴰ ⵏ ⵉⵎⵓⵣⴰⵔ ⵉⴷⴰⵡⵜⴰⵏⴰⵏ. ⴰⵔ ⵉⵙⵡⵓⵔⵉ ⴳ ⵉⴼⵙⵙⵉ ⴷ ⵓⵙⴽⵍⵓ ⵎⴰⵛⵛⴰ ⵉⵙⴽⵔ ⵉⵙⵎ ⵏⵏⵙ ⵙ ⵓⵜⵔⵙ ⵏ ⵜⴳⵓⵔⵉⵡⵉⵏ ⵏⵏⵙ ⵍⵍⵉ ⵉⵔⵉⵔⵏⵜ ⵉⵏⴰⵥⵓⵕⵏ ⵏ ⵜⵓⴳⴷⵜ ⵏ ⵜⵉⵙⴼⵉⴼⵉⵏ ⵍⵍⵉ ⴷⴷⵔⵏ ⵙⵓⵍ ⴳ ⵉⵎⴰⵏ ⵏ ⵓⴳⴷⵓⴷ ⴰⵎⴰⵣⵉⵖ ⵙⵍⴰⵡⵏ ⴰⴽⴽⵯ ⴳ ⵉⴼⴼⵓⵙ ⵏ ⵍⵎⵖⵔⵉⴱ. ⵢⵓⵔⴰ ⴰⴳⵓⴷⵉ ⵏ ⵜⵎⴷⵢⴰⵣⵉⵏ ⵉ ⵜⵓⴳⴷⵜ ⵏ ⵉⵏⴰⵥⵓⵕⵏ ⴷ ⵜⵔⵓⴱⴱⴰ. ⵉⵙⵏⵜⵉ ⵜⴰⵡⵓⵔⵉ ⴳ ⵢⵉⴳⵔ ⵏ ⵜⵎⴷⵢⴰⵣⵜ ⴳ ⵓⵙⴳⴳⵯⴰⵙ ⵏ 1987, ⵙⴳ ⴰⴽⵓⴷ ⴰⵏⵏ ⴰⵔ ⴷⵖⵉ ⵉⴳⴰ ⴱⴰⵏⴹⴰⵊ ⵢⴰⵏ ⵙⴳ ⵉⵜⵔⴰⵏ ⵏ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ.[1]
ⵜⵉⵡⵓⵔⵉⵡⵉⵏ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵙ ⵓⵎⴷⵢⴰ ⵜⴳⵓⵔⵉⵡⵉⵏ ⵏ ⵜⵉⵣⵍⵉⵜ ⵏ ⴹⵉⴼ ⵍⵍⴰⵀ ⵏⵏⴰ ⵜⵜⵉⵔⵉⵔ ⵜⵔⴰⴱⵓⵜ ⵏ ⵓⴷⴰⴷⵏ:[2]
ⵏⵏⵉⵖ ⴰⴽ ⴰ ⵡⴰⵍⵍⵉ ⴷ(ⴰ) ⵏⵎⵓⵏ ⵓⵔ ⴰ(ⴷ) ⴽⵓⵏ ⴼⵍⵖ
ⴰ (ⵢ) ⵉⵏⵏⴰ ⵙ ⵜⵏⵏⵉⵜ ⴰ(ⴷ) ⴳⵉⵙⵏ ⵉⵍⵍⴰⵏ ⴰⵔ ⵍⵎⵓⵜⵜ
ⴰ (ⵢ) ⵉⵏⵏⴰ ⵏⵔⴰ ⵍⴰⴱⵓⴷⴷ ⴰⴽ ⴼⵍⵍⴰⵙ ⵏⵏⵛⴰⵡⴰⵕⵖ
ⵉⵖ ⵓⵔ ⵉⵚⴼⵉ ⵖ ⵍⵇⵇⵍⴱ ⵏⵏⴽ ⵓⵔ ⴰ(ⴷ) ⵜ ⵉⵏⵏ ⵍⴽⵎⵖ
ⵏⴳⴰ ⵢⴰⵏ, ⵉⵏⵏⴰ ⴷ-ⵉⵙⴽⵔ ⵛⵛⵕⵄ ⴰⴼ ⵏⵎⵓⵏ
ⵉⵅⴰⵚⵚⴰ ⴰ(ⵏ)ⵖ ⴰ(ⴷ) ⵏⵙⵙⵍⵎⴰⴷ ⵉ ⵍⵄⴰⵇⵇⵍ ⵏⵏⴰⵚⵉⵃⴰⵜ
ⴰⴷ ⴰⵖ ⵓⵔ ⵢⴰⵡⵉ ⵡⴰⴹⵓ ⵙ ⵖ ⵉⵍⵍⵉ ⵏⵏ ⵓⵔ ⵏⵜⴰⵎ
ⵉⵏⴰⵥⵓⵕⵏ ⵍⵍⵉ ⵙⵡⵓⵔⵉⵏ ⴷ ⴱⴰⵏⴹⴰⵊ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵍⵍⴰⵏ ⵜⵓⴳⴷⵜ ⵏ ⵉⵏⴰⵥⵓⵕⵏ ⵉⵔⵉⵔⵏ ⵜⵉⵎⴷⵢⴰⵣⵉⵏ ⵏ ⴱⴰⵏⴹⴰⵊ ⵎⴰⵛⵛⴰ ⵓⵔ ⵜ ⵉⴷ ⵏⵏⴰⵏ ⵍⵍⴰⵏ ⵉⵏⴰⵥⵓⵕⵏ ⵍⵍⵉ ⵓⵔ ⴱⴷⵔⵏ ⴱⴰⵏⴹⴰⵊ ⴳ ⵜⵡⵓⵔⵉⵡⵉⵏ ⵏⵏⵙⵏ, ⵎⴰⵛⵛⴰ ⵉⵏⴰⵥⵓⵕⵏ ⵍⵍⵉ ⵙⴽⵔ ⵙ ⵜⵉⵏⴷⵉ ⵏ ⵜⴰⵡⵓⵔⵉ ⵏⵏⵙ ⴱⴷⵔⵏ ⵜ ⴳ ⵜⵉⵙⴼⵉⴼⵉⵏ:[3]
- ⴼⴰⵟⵉⵎⴰ ⵜⴰⴱⴰⵄⵎⵕⴰⵏⵜ
- ⵓⴷⴰⴷⵏ
- ⵙⴰⵄⵉⴷ ⵓⵜⴰⵊⴰⵊⵜ
- ⴼⵓⵍⴰⵏ ⴱⵓⵃⵙⵉⵏ
- ⵔⵇⵉⵢⵢⴰ ⵜⴰⵍⴱⵏⵙⵉⵔⵜ
- ⵍⵃⵓⵙⴰⵢⵏ ⴰⵎⵕⵕⴰⴽⵛⵉ
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ↑ [https://alakhbaralmaghribiya.com/?p=88558 محمد بنضاج : الشاعر الذي أثْرَى الفن بكنوز شعرية لا تُقدَّر بثمن.. عبد العزيز باسين2024-06-19. جريدة الاخبار المغربية.]
- ↑ ⵜⵉⴳⵓⵔⵉⵡⵉⵏ ⵏ ⵜⵉⵣⵍⵉⵜ ⵏ ⴹⵉⴼ ⵍⵍⴰⵀ ⴰ ⵜⴰⵔⵡⴰ ⵏ ⵜⵎⴰⵣⵉⵔⵜ ⵉⵏⵓ.
- ↑ ⴰⵖⴰⵡⴰⵙ ⵏ ⵏⵉⵛⴰⵏ ⵓⵙⵎⴰⵡⴷ, ⴰⵎⵙⵎⵏⵉⴷ ⴰⵎⴰⵅⴰⵡ, ⵜⴰⴱⴰⴷⵓⵜ ⵎⴰⵙⵙⵉⵍⵢⴰ ⴳ ⵍⵢⵓⵜⵢⵓⴱ.