ⵎⴱⴰⵔⴽ ⴰⵢⵙⵙⴰⵔ
| ⵎⴱⴰⵔⴽ ⴰⵢⵙⵙⴰⵔ | |
|---|---|
 | |
| ⵉⵏⵖⵎⵉⵙⵏ ⵓⴷⵎⴰⵡⴰⵏⵏ | |
| ⵜⴰⵍⴰⵍⵉⵜ | 1952 |
| ⵜⴰⵎⵜⵜⴰⵏⵜ | 31ⵎⴰⵢⵢⵓ 2009 |
| ⵜⵓⴷⵔⵜ ⵜⴰⵣⵣⵓⵍⴰⵏⵜ | |
| ⵜⵓⵜⵍⴰⵢⵜ ⵜⴰⵢⵎⵎⴰⵜ | ⵜⵓⵜⵍⴰⵢⵜ ⵜⴰⵎⴰⵣⵉⵖⵜ |
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⵎⴱⴰⵔⴽ ⴰⵢⵙⵙⴰⵔ ⴷ ⵢⴰⵏ ⵓⵏⴰⵥⵓⵕ ⴰⵎⵖⵔⵉⴱⵉ ⴳ ⵜⵥⵓⵕⵉ ⵏ ⵜⵉⵕⵕⵓⵢⵚⴰ, ⵉⴳⴰ ⵢⴰⵏ ⵙⴳ ⵉⵜⵔⴰⵏ ⵏ ⵓⵥⴰⵡⴰⵏ ⴰⵎⴰⵣⵉⵖ ⴳ ⵍⵎⵖⵔⵉⴱ ⵉⴼⴽⴰ ⵉ ⵜⵥⵓⵕⵉ ⵜⴰⵎⴰⵣⵉⵖⵜ ⵓⴳⴳⴰⵔ ⵏ 270 ⵜⴰⵍⵍⵖⴰⵜ[1]. ⵉⵙⵎ ⵏⵏⵙ ⴰⵥⵓⵕⴰⵏ ⵎⴱⴰⵔⴽ ⵃⴷⵓⵛ ⴰⵔⵔⴰⵡ ⵏ ⵜⵇⴱⵉⵍⵜ ⵉⴷⴰ ⵓ ⵉⵢⵙⵙⴰⵔⵏ ⴳ ⵉⵃⴰⵃⴰⵏ, ⵜⵙⵏⵜⵉ ⵜⵣⴷⴰⵢⵜ ⵏⵏⵙ ⴷ ⵓⵎⴰⵔⴳ ⵍⵍⵉⵖ ⵉⵙⴽⵔ ⵕⵕⴰⵢⵙ ⵎⵓⵃⵎⵎⴰⴷ ⴰⵍⴱⵏⵙⵉⵔ ⵢⴰⵜ ⵜⴼⵓⴳⵍⴰ ⴳ ⵜⴰⵖⵣⵓⵜ ⴳ ⵉⵥⵍⵎⴹ ⵏ ⵜⵎⴷⵉⵏⵜ ⵏ ⵓⴳⴰⴷⵉⵔ[2].
ⵜⵓⴷⵔⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵎⴱⴰⵔⴽ ⵃⴷⵓⵛ ⵉⵜⵜⵓⵢⵙⵙⴰⵏ ⵙ ⵕⵕⴰⵢⵙ ⵎⴱⴰⵔⴽ ⴰⵢⵙⵙⴰⵔ ⴳ ⵓⵙⵓⵏ ⵜⴰⴱⵓⵍⵄⵡⴰⵏⵜ ⴳ ⵜⴳⵔⴰⵡⵜ ⵙⵉⴷⵉ ⴰⵃⵎⴷ ⵓ ⵙⴰⵢⵃ ⴳ ⵜⴰⵙⴳⴰ ⵏ ⵎⵓⴳⴰⴷⵓⵔ ⵉⵊⴱⴷ ⵜⵜ ⵓⵎⴰⵔⴳ ⴷ ⵜⵥⵓⵕⵉ ⵍⵍⵉⵖ ⵉⴽⴽⴰ ⵜⵜ ⵏⵏ ⵕⵕⴰⵢⵙ ⵎⵓⵃⵎⵎⴰⴷ ⴰⵍⴱⵏⵙⵉⵔ ⴷ ⵎⵀⴷⵉ ⴱⵏ ⵎⴱⴰⵕⴽ ⵉ ⵜⴰⵖⵣⵓⵜ ⴷ ⵖⵉⵏ ⴰⴷ ⵉⴳⴰⵏ ⵓⵙⵙⵏⵜⵉ ⵏⵏⵙ ⴳ ⵓⵥⴰⵡⴰⵏ ⵙ ⵢⴰⵜ ⵜⵏⵢⵓⴷⴷⵓⵜ ⴳ ⵚⴹⵉⵚ ⵏ ⵢⵉⵔⵏ ⴷ ⵓⵕⵕⴰⵢⵙ ⴱⵕⴰⵀⵉⵎ ⴱⵓⵜⴰⵣⴰⵔⵜ ⴳ ⵓⴳⴰⴷⵉⵔ. ⴷ ⵉⵎⵢⴰⵡⴰⴹ ⴷ ⵜⵓⴳⵜ ⵏ ⵉⵏⵓⵥⴰⵕⵏ ⴰⵎ: ⵍⵃⵓⵙⵙⵉⵏ ⴱⵓⵍⵀⴰⵡⴰ, ⴰⵃⵎⴰⴷ ⴰⵎⵏⵜⴰⴳ, ⴱⵕⴰⵀⵉⵎ ⴰⵛⵜⵓⴽ ⴳ ⵜⴰⵙⵓⵜ ⵏ ⵚⴹⵉⵎⵔⴰⵡ.
ⴳ ⵜⵉⵣⵡⵉⵔⵉ ⵏⵏⵙ ⵉⴽⴽⴰ ⵜⵜ ⵉⵏⵏ ⴰⵔ ⵉⵙⵙⵎⵔⴰⵙ ⵜⴰⵍⵖⴰⵜⵉⵏ ⵏ ⵎⵓⵃⵎⵎⴰⴷ ⴰⵍⴱⵏⵙⵉⵔ ⴷ ⵍⵄⴰⵔⴱⵉ ⵍⵎⵜⵓⴳⵉ.
ⴰⵣⴰⵣⵓ ⴰⵥⴰⵡⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵜⵉⵣⵡⵉⵔⵉ, ⵉⵙⵙⵓⴼⵖ ⵓⵏⴰⵥⵓⵕ ⵎⴱⴰⵔⴽ ⴰⵢⵙⵙⴰⵔ ⴰⵍⴱⵓⵎ ⵏⵏⵙ ⴰⵎⵣⵡⴰⵔⵓ ⴳ ⵜⵉⴳⵉⵔⴰ ⵏ ⵉⵎⵔⴰⵡⵏ ⵏ ⵜⵡⵉⵏⵙⵜ. ⵉⴳⴰ ⴰⵍⴱⵓⵎ ⴰⴷ ⵡⵉⵏ ⵉⵜⵜⴰⵡⵉⵏ ⵜⴰⵥⵓⵕⵉ ⵏⵏⵙ ⵉⵜⵜⵡⴰⵙⵙⵏⵏ "ⵉⵏⵏⴰ ⵃⵏⵏⴰ ⵙⵍⵄⴰⵇⵍ ⵉⴳⴰ ⵜⵣⴰⵏⴰⵜ". ⵙ ⵜⵉⴳⵉⵔⴰ, ⵉⵙⵙⵎⵖⵓⵔ ⵜⴰⴱⵔⵉⴷⵜ ⵏⵏⵙ ⵙ ⵓⵙⵏⴼⵍⵓⵍ ⵙ ⵜⵉⵥⵓⵕⵉⵡⵉⵏ ⵏ ⵜⴰⵢⵔⵉ ⴷ ⵜⴰⵥⵓⵕⵉ ⵜⴰⵎⴰⵢⵏⵓⵜ, ⵓⵔ ⵜⵜⵓ ⵜⵉⵖⵔⵉ ⴷ ⵜⵓⵙⵙⵏⴰ ⵏ ⵜⵓⴷⵔⵜ. ⵉⵙⵏⴼⵍⵓⵍ ⴰⵢⵙⵙⴰⵔ ⵓⵍⴰ ⵜⵉⵥⵓⵕⵉⵡⵉⵏ ⵏ ⵜⵎⵓⵔⵜ, ⵣⵓⵏⴷ ⵜⵉⵥⵓⵕⵉⵡⵉⵏ ⵏ ⵡⴰⵙⵙ ⵏ ⵓⴷⴰⴱⵓ ⴷ ⵜⵎⵙⵍⴰⵢⵜ ⵏ ⵜⵙⴳⴰ ⵏ ⵙⵙⵃⵔⴰ ⵜⴰⵎⵖⵔⵉⴱⵉⵜ, ⵉⵙⵙⵎⵔⵙ ⵉⵎⵓⵔⵉⴳⵏ ⵉⵎⴰⵢⵏⵓⵜⵏ, ⵉⵙⵙⴽⵔ ⵜⵉⵥⵓⵕⵉⵡⵉⵏ ⵏⵏⵙ ⵙ ⵢⴰⵜ ⵜⵖⵓⵔⵉ ⵉⴳⴰⵏ ⵢⴰⵏ ⵓⴳⵕⴹ ⵉⵃⵍⴰⵏ ⵖ ⵜⵥⵓⵕⵉ ⵜⴰⵎⴰⵣⵉⵖⵜ ⵏ ⵉⴼⴼⵓⵙ ⵙⴳ ⵜⵉⵣⵡⵉⵔⵉ ⴰⵔ ⴰⵙⵙⴰ. ⴰⵔ ⵉⵙ ⵜⴳⴰ ⵜⵡⵓⵔⵉⵡⵉⵏ ⵏⵏⵙ ⵢⴰⵜ ⵜⵎⴰⵙⵙⴰⵏⵜ ⵉⵙⵙⵎⵖⵓⵔⵏ ⵜⴰⵡⵓⵔⵉ ⵏⵏⵙ.
ⵖⵎⴽ ⵍⵍⵉ ⵉⴳⴰ ⴰⵢⵙⵙⴰⵔ ⴰⵏⵍⵎⴰⴷ ⵖ ⵜⵉⵣⵡⵉⵔⵉ ⵏⵏⵙ, ⵢⴰⵏ ⵓⵖⴱⴰⵍⵓ ⵏ ⵉⵙⵎⴰⵡⵏ ⴰⴷ ⴷ ⵉⴼⴼⵖⵏ ⵙⴳ ⵜⵡⵓⵔⵉ ⵏⵏⵙ ⵙ ⵜⵉⴳⵉⵔⴰ, ⵣⵓⵏⴷ ⵓⵏⴰⵥⵓⵕ ⵍⵃⵓⵙⴰⵢⵏ ⴰⵎⵔⵔⴰⴽⵛⵉ ⴷ ⵃⴰⵙⴰⵏ ⴰⵔⵙⵎⵓⴽ[3].
ⴳ ⵜⴳⵉⵔⴰ ⴰⵔ ⵏⵜⴰⴼⴰ ⵕⵕⴰⵢⵙ ⵎⴱⴰⵔⴽ ⴰⵢⵙⵙⴰⵔ ⵉⵙⵡⵓⵔⵉ ⴷ ⵜⵓⴳⵜⵜ ⵏ ⵉⵏⴰⵥⵓⵕⵏ ⵍⵍⵉ ⵢⴰⵙ ⵉⵡⵙⵏ ⴰⵢ ⵍⵍⵉⵖ ⵉⵙⴱⵓⵖⵍ ⵜⴼⵓⵚⴽⵉⵡⵉⵏ ⵏⵏⵙ ⵖ ⵓⵎⴰⵔⴳ ⵓⵍⴰ ⵉⵡⴰⵍⵉⵡⵏ, ⵉⵍⵍⴰ ⵍⵄⴰⵔⴱⵉ ⵍⵎⵜⵓⴳⵉ ⵍⵍⵉ ⵉⴳⴰⵏ ⴰⵎⵣⵡⴰⵔⵓ, ⵉⵛⵓⴽⴰ ⵜ ⵜⴰⵏⵢⵓⴷⴷⵓⵜ ⵜⴰⵥⴰⵡⴰⵏⵜ ⴷ ⴱⵓⵜⴰⵣⴰⵔⵜ ⴱⵕⴰⵀⵉⵎ , ⵉⵍⵎⵎⴰ ⵉⵖⵔⴰ ⵉ ⵕⵕⴰⵢⵙ ⴱⵓⵍⵀⴰⵡⴰ ⵍⵃⵓⵙⴰⵢⵏ ⵃⵎⴰ ⴰⴷ ⴰⵙ ⵉⵙⵙⵍⵎⴷ ⵜⵎⴰⵎⴽⵜ ⵏ ⵡⴰⵏⵢⴰ. ⵉⵎⵙⴰⵡⴰⴹ ⵕⵕⴰⵢⵙ ⵎⴱⴰⵔⴽ ⴰⵢⵙⵙⴰⵔ ⴷ ⵡⵉⵢⵢⴰⴹ ⴰⵎ ⵃⵎⴰⴷ ⴰⵎⵏⵜⴰⴳ, ⵄⴱⴷⵍⵍⴰⵀ ⵓⴹⵉⴹ, ⴱⵕⴰⵀⵉⵎ ⴰⵛⵜⵓⴽ ⴷ ⵕⵕⴰⵢⵙ ⴱⵍⵅⵉⵔ.
ⵜⴰⵎⴰⴹⵓⵏⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵜⴳⵉⵔⴰ ⵏ ⵎⵔⴰⵡ ⵉⵙⴳⴳⵯⴰⵙⵏ ⵏ ⵜⵣⴰ ⵜⵡⵉⵏⵙⵜ, ⵉⵜⵜⵓⵜ ⵓⵏⴰⵥⵓⵕ ⵎⴱⴰⵕⴽ ⴰⵢⵙⵙⴰⵔ ⵙ ⵢⴰⵏ ⵓⴽⵓⵛⵎ ⵏ ⵓⵣⴳⵏ ⵏ ⵜⴼⴽⴽⴰ ⵉⵙⵙⵔⵓⵙⵏ ⵜⴰⵖⵓⵔⵉ ⵏⵏⵙ ⴽⵔⴰ ⵏ ⵉⵙⴳⴳⵯⴰⵙⵏ. ⵎⴰⵛ ⵜⴰⵢⵔⵉ ⵏⵏⵙ ⵉ ⵉⵎⵙⴼⵍⵉⴷⵏ ⵏⵏⵙ ⴷ ⵜⵥⵓⵕⵉ ⵏⵏⵙ ⵓⵔ ⵜ ⵓⴳⵉⵏ ⴰⴷ ⵉⵎⵏⴰⵖ, ⵉⵙⵙⵓⴼⵖ ⵢⴰⵏ ⵜⵙⴼⵉⴼⵜ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ ⵙ ⵜⵖⵓⵔⵉ ⵏⵏⵙ ⴰⴽⴷ ⵎⵎⵉⵙ ⵎⵓⵃⵎⵎⴰⴷ ⵏⵏⴰ ⵉⴱⴷⴷⵍⵏ ⴱⴰⵀⵔⴰ ⵙ ⵓⵚⵕⴹ ⴰ. ⵉⵎⵎⵓⵜ ⴰⵙⵙ ⵏ ⵓⵙⴰⵎⴰⵙ 31 ⵎⴰⵢⵢⵓ 2009 ⵖ ⵜⵎⴷⵉⵏⵜ ⵏ ⴷⵛⴰⵢⵔⴰ.
ⴰⵍⴱⵓⵎ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵉ ⵕⴱⴱⵉ ⴰⵎⵜ ⴰ ⵜⵓⵎⵓⴱⵉⵍ ⴰⴷ ⴰⵖ ⵜⴰⵡⵉⵜ.
- ⵢⴰⵏ ⵉⵃⵏⵏⴰⵏ.
- ⴱⵉⵙⵎⵉ ⵍⵍⴰⵀ ⴰⴷ ⴰⵖ.
- ⵥⵕⵉⵖ ⵜⵉⵡⴰⵢⵢⵉⵙ.
- ⵓⵙⵍⴰⵎ ⴰⵍⴽⴰⵚⵉⵟ.
- ⵉⵏⵏⴰ ⵃⵏⵏⴰ ⵙ ⵍⵄⴰⵇⵇⵍ ⵉⴳⴰ ⵜⴰⵣⵣⴰⵏⵜ (ⵉ).[4]
ⵥⵕ ⵓⴳⴳⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ https://agadirtv.ma/12767.html
- ^ ⴰⴽⵜⵜⵓⵢ ⵏ ⵜⵎⵜⵜⴰⵏⵜ ⵏ ⵓⵏⴰⵥⵓⵕ ⵎⴱⴰⵔⴽ ⴰⵢⵙⵙⴰⵔ, ⴱⵕⴰⵀⵉⵎ ⴼⴰⴹⵉⵍ, ⴰⵙⵖⵏⵓ ⵏ ⵓⵎⴰⴹⴰⵍ ⴰⵎⴰⵣⵉⵖ.
- ^ ⵉⴱⵕⴰⵀⵉⵎ ⴼⴰⴹⵍ, ⵖⴼ ⵓⴽⵜⵜⴰⵢ ⵏ ⵜⵎⵜⵜⴰⵏⵜ ⵏ ⵓⵍⴱⵏⵙⵉⵔ, 31 ⵎⴰⵢⵢⵓ 2019. ⵉⵜⵜⵢⴰⵡⵥⵕⴰ ⴰⵙⵙ ⵏ 23 ⵏⵓⵡⴰⵏⴱⵉⵔ 2025.
- ^ "مبارك أيسار". Discogs (in ⵜⴰⵏⴳⵍⵉⵣⵜ). Retrieved 2025-11-23.