ⵍⵄⵕⴱⵉ ⵍⵀⴷⴷⴰⵊ
ⵍⵄⵕⴱⵉ ⵍⵀⴷⴷⴰⵊ  | |
|---|---|
ⵍⵄⵕⴱⵉ ⵍⵀⴷⴷⴰⵊ (ⵙ ⵜⵄⵕⴰⴱⵜ: العربي الهداج, ⵙ ⵜⴼⵕⴰⵏⵚⵉⵚⵜ: Laarbi Lhdaj) ⵉⵍⵓⵍ ⴳ 1960, ⵉⵙⵎ ⵏⵏⵙ ⴰⴷⵜⵜⴰⵏ ⵍⵄⵕⴱⵉ ⴰⵅⵔⵔⴰⵣ, ⴷ ⴰⵙⵙⴰⵖ ⴰⴷ ⵏⵏⵙ ⵍⵃⴰⵊⵊ ⵎⵓⵃⵎⵎⴰⴷ ⴷⴷⵎⵙⵉⵔⵉ ⴰⴷ ⴰⵙ ⵜ ⵢⵓⵙⵉⵏ. ⵉⴳⴰ ⵍⵀⴷⴷⴰⵊ ⵢⴰⵏ ⵓⵏⴰⵥⵓⵕ ⴷ ⵓⵎⴰⵔⴰ ⵏ ⵉⵙⵉⵏⴰⵔⵢⵓⵜⵏ ⴷ ⵓⵎⵙⴹⵚⴰⵢ ⴰⵎⴰⵣⵉⵖ ⴰⵎⵖⵔⵉⴱⵉ, ⵉⴳⴰ ⵢⴰⵏ ⵙⴳ ⵉⵎⴰⵜⴰⵔⵏ ⵉⵅⴰⵜⴰⵔⵏ ⵏ ⵜⴽⵓⵎⵉⴷⵉⵜ ⵜⴰⵎⴰⵣⵉⵖⵜ. ⵉⵙⵙⵏⵜⵉ ⵜⴰⵡⴰⴷⴰ ⵏⵏⵙ ⴳ 1974, ⴷ ⵉⵜⵜⵡⴰⵙⵙⵏ ⵙ ⵜⵡⵡⵓⵔⴽⴰ ⵏⵏⵙ ⵜⴰⵎⵙⴹⵚⴰⵢⵜ ⵉⵥⵍⵉⵏ ⴷ ⵜⵡⵓⵔⵉⵡⵉⵏ ⵏⵏⵙ ⵍⵍⵉ ⵉⵙⵙⴽⵛⵎⵏ ⵜⵓⵎⵔⵜ ⵉ ⵓⴳⴷⵓⴷ ⴰⵎⵖⵔⵉⴱⵉ, ⵙⵍⴰⵡⴰⵏ ⴰⴽⴽⵯ ⴳ ⵜⵉⵣⵉ ⵏ ⵉⴷ ⵜⵥⴰⵎⵔⴰⵡⵉⵏ ⵏ ⵜⵊⵕⵎⴰ ⵍⵍⵉ ⵉⵣⵔⵉⵏ, ⵍⵍⵉⴳ ⴰⵙ ⵎⵓⵔⵙⵏⵜ ⵜⵉⵍⴰⵍ ⵏⵏⵙ ⴳ ⵙⵙⵉⵏⵉⵎⴰ ⵍⵍⵉ ⴳ ⵉⵙⴽⵔ ⵢⴰⵏ ⵓⵙⵉⵏⵔⴰⵏ ⵉⵎⵓⵔⵙⵏ ⴰⴽⴷ ⵓⵏⴰⵥⵓⵕ ⵎⵓⵃⵎⵎⴰⴷ ⵇⵇⵉⵎⵕⵓⵏ ⵍⵍⵉⴳ ⵙⴼⵕⵕⵊⵏ ⵎⴰⴷ ⵉⵎⵥⵥⵉⵏ ⵓⵍⴰ ⵎⴰⴷ ⵉⵎⵇⵇⵓⵔⵏ ⴳ ⴽⵔⴰⵢⴳⴰⵜⵜ ⵜⴰⵎⴰⵣⵉⵔⵜ, ⵙⴳ ⵍⵃⵍⵇⵜ ⴰⵔ "ⵙⵉ ⴷⵉ" ⴰⵔ "ⴱⵉ ⵙⵉ ⴷⵉ" ⴰⵔ "ⴷⵉ ⴼⵉ ⴷⵉ " ⴰⵔ ⵉⴼⵉⵍⵎⵏ ⵉⵜⵉⵍⵉⴼⵉⵣⵢⵓⵏⵏ ⴰⵔ ⵖⵉⵍⴰ ⴳ ⵢⵓⵜⵓⴱ ⴷ ⴽⵉⴳⴰⵏ ⵏ ⵉⴷⵖⴰⵔ ⵢⴰⴹⵏ .[1]
ⵜⵉⴳⵎⵉ ⴷ ⵜⵉⵣⵡⵉⵔⵉ ⴷ ⵓⵙⵙⵏⵜⵉ ⴰⵥⵓⵕⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵍⵄⵕⴱⵉ ⵍⵀⴷⴷⴰⵊ ⴳ ⵓⵙⴳⴳⵯⴰⵙ ⵏ 1960 ⴳ ⵜⵇⴱⵉⵍⵜ ⵏ ⵉⴷⴰ ⵓ ⴱⵓⵣⵢⴰ ⴳ ⵉⵃⴰⵃⴰⵏ. ⵢⵓⵎⴰⵏ ⴷ ⵓⵏⵣⴳⵓⵎ ⵏⵏⵙ ⵉ ⵜⵥⵓⵕⵉ ⵙⴳ ⵜⵎⵥⵉ ⵏⵏⵙ, ⴷ ⵉⴽⴽⴰ ⵜ ⵉⵏⵏ ⵉⵄⵣⵣⴰ ⴷⴰⵔⵙ ⵓⵎⴰⵔⴳ ⴷ ⴰⴷ ⵉⵙⵡⴰⴹ ⵜⴰⵍⵄⵡⵡⴰⴷⵜ/ⵜⴰⵎⵊⴰ ⴷ ⴰⴷ ⵉⴽⴽⴰⵜ ⵔⵔⵉⴱⴰⴱ ⴷ ⵍⵓⵟⴰⵕ .
ⴳ ⵓⵡⵜⴰⵢ ⵏ 15/16 ⵏ ⵉⵙⴳⴳⵯⴰⵙⵏ, ⵉⵖⵜⵙ ⴰⴷ ⵉⴽⵛⵎ ⵙ ⵢⵉⴳⵔ ⵏ ⵜⵥⵓⵕⵉ ⵙ ⵢⴰⵏ ⵡⵓⵏⵓⵖ ⴰⴷⵖⵔⵉ, ⵍⵍⵉⵖ ⵉⵙⵙⵏⵜⵉ ⴰⴱⵔⵉⴷ ⵏⵏⵙ ⴰⵥⵓⵕⴰⵏ ⴳ ⵜⵥⵓⵕⵉⵡⵉⵏ ⵏ "ⵍⵃⵍⵇⵜ" ⴷ ⵉⴳⴰⴷⴰⵣⵏ ⵉⵖⵔⴼⴰⵏⵏ ⴷ ⵉⴽⴽ ⴳⵉⴳⴰⵏ ⵏ ⵜⵎⵉⵣⴰⵔ ⵙ ⵓⵢⵍⵍⵉ ⵎⵉ ⵜⵜⵉⵏⵉⵏ "ⴰⵙⵜⴰⵔⴰ". ⴳ ⵜⵉⵣⵉ ⴰⴷ, ⴰⵔ ⵉⵜⵜⵔⵣⴰⴼ ⴷ ⵢⵓⵙⵉ ⴷⵉⴷⵙ ⵉⵎⴰⵙⵙⵏ ⵏⵏⵙ ⵏ ⵓⵥⴰⵡⴰⵏ ⴷ ⴰⵔ ⵉⵜⵜⵎⴰⴳⴳⴰⵔ ⴷ ⵉⵏⴰⵥⵓⵕⵏ ⵢⴰⴹⵏⵉⵏ ⴰⵎ ⵎⵓⵃⵎⵎⴰⴷ ⵓ ⵜⴰⵡⵍⵉⴽⵓⵍⵜ, ⴳ ⵜⵣⵡⵉⵔⵉ ⵏⵏⵙ, ⵉⵙⴽⵔ ⴷⵉⴷⵙ ⵢⴰⵏ ⵓⵙⵉⵏⵔⴰⵏ ⵢⴰⵜ ⵜⵉⵣⵉ ⵉⴷⵔⵓⵙⵏ, ⵉⵎⵉⵍ ⵉⵙⴽⵔ ⴹⴰⵕⵜ ⵏ ⵓⵢⴰⵏⵏ ⴰⵙⵉⵏⵔⴰⵏ ⴷ ⵓ ⵜⵡⵊⴰ ⵏⵏⵙ, ⴰⵏⴰⵥⵓⵕ ⵃⵎⴰⴷ ⵓⵍⵀⴱⵉⵍ (ⵍⵍⵉ ⵉⵜⵜⵡⴰⵙⵙⵏⵏ ⵙ "ⴷⴷⴰ ⵀⵎⵎⵓ"), ⵍⵍⵉⵖ ⴰⵔ ⵜⵜⵔⵣⴰⴼⵏ ⴳ ⵜⵎⵏⴰⴹⵉⵏ ⵏ ⵓⴳⴰⴷⵉⵔ ⴷ ⴰⵔ ⵙⵙⵎⵏⵉⴷⵏ ⵉⴼⵙⴰⵔⵏ/ⵜⵉⵡⵓⵔⵉⵡⵉⵏ ⵏⵏⵙⵏ, ⴰⵢⵍⵍⵉ ⴰⵙⵏ ⵉⴼⴽⴰⵏ ⵢⴰⵜ ⵜⵎⵙⵓⵙⵏⵜ ⵜⴰⵎⵏⵣⵓⵜ ⴳ ⵜⵡⵏⵏⴰⴹⵜ ⵏⵏⵙⵏ.
ⴰⵙⵉⵏⵔⴰⵏ ⴰⵥⵓⵕⴰⵏ ⴷ ⵓⵙⵙⵏⵜⵉ ⵏ ⵜⵎⵙⵓⵙⵏⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴽⵔ ⵓⵙⵉⵏⵔⴰⵏ ⵏ ⵍⵄⵕⴱⵉ ⵍⵀⴷⴷⴰⵊ ⴷ ⵓⵏⴰⵥⵓⵕ ⵎⵓⵃⵎⵎⴰⴷ ⵇⵇⵉⵎⵕⵓⵏ ⵢⴰⵏ ⵓⵥⵎⵎⵓⵥⵥⵍ ⴰⵅⴰⵜⴰⵔ ⴳ ⵜⵡⴰⴷⴰ ⵏⵏⵙ ⵜⴰⵥⵓⵕⴰⵏⵜ. ⵢⵓⴼⴰ ⵍⵀⴷⴷⴰⵊ ⴳ ⵇⵇⵉⵎⵕⵓⵏ ⵢⴰⵏ ⵓⵎⴷⴷⴰⴽⴽⵯⵍ ⵏⵏⴰ ⵜ ⵉⵔⵡⴰⵙⵏ ⴳ ⵜⴰⵏⵏⴰⵢⵜ ⴷ ⵡⴰⵎⵎⴰⴽ ⴰⵎⵙⴹⵚⴰⵢ ⵍⵍⵉ ⵉⵜⵜⵓⵙⵎⵔⴰⵙⵏ ⵖⴼ ⵜⴽⵓⵎⵉⴷⵉⵜ ⵏ ⵓⵙⵓⵔⵙ ⴷ ⵓⵏⴼⵍⴰⵍⴰⵢ. ⵉⴽⵛⵎ ⴷⵉⴷⵙⵏ ⵙⵓⵔ ⵓⵏⴰⵥⵓⵕⵏ ⵄⴱⴷⵕⵕⴰⵃⵉⵎ ⴰⴳⵣⵣⵓⵎ ⴷ "ⵥⵥⵉⵥⵡⴰⵕ" ⵍⵍⵉ ⵉⴳⴰⵏ ⴰⵡⴷ ⵏⵜⵜⵏⵉ ⵉⵏⴰⵥⵓⵕⵏ ⵉⵎⵇⵇⵔⴰⵏⵏ, ⴷ ⴰⵡⴷ ⴷ ⴽⵔⴰ ⵏ ⵉⵄⵔⵔⵉⵎⵏ ⵢⴰⴹⵏ.
ⵜⴽⴽⴰ ⵜⵜ ⵉⵏⵏ ⵜⵔⴰⴱⴱⵓⵜ ⴰⴷ ⴰⵔ ⵜⴻⵜⵜⵔⵣⴰⴼ ⴳⵔ ⵜⵇⴱⵉⵍⵉⵏ ⴷ ⵉⵙⵓⵏⵏ, ⴷ ⴰⵔ ⴱⴷⴷⴰ ⵙⴱⵔⵔⴰⵃⵏ ⴽⵓⴷⵏⵏⴰ ⵏⵏ ⵓⵛⴽⴰⵏ ⵙ ⴽⵔⴰ ⵏ ⵜⵇⴱⵉⵍⵜ ⵜⴰⵎⴰⵢⵏⵓⵜ ⵙ ⵎⴰⵙ ⵙⵙⵏⵏ ⵉ ⵜⵥⵓⵕⵉ ⵏ ⵜⵇⴱⴱⴰⴹⵜ, ⴷ ⴰⵔ ⵙⵉⵙⵏ ⵙⴱⵔⵔⴰⴽⵏ ⵉⵎⵣⴷⴰⵖⵏ ⴰⵏⵏ ⴷ ⴼⵊⵊⵉⵊⵏ ⴷⵉⴷⵙⵏ ⴷ ⵀⴹⵕⵏ ⴰⵔ ⴷ ⵉⴼⴼⵓ ⵍⵃⴰⵍ. ⵓⵔ ⴽⴽⵉⵏ ⵢⴰⵜ ⵙⵉⵖ ⵙⴽⵔⵏ ⴰⴷⵖⴰⵔ ⵏⵏⵙⵏ ⴳ ⵓⴱⴰⵔⴰⵣ ⵏ ⵜⴽⵓⵎⵉⴷⵉⵜ ⴷ ⵜⵜⵢⵓⵙⵙⴰⵏⵏ ⴱⴰⵀⵔⴰ ⵜⵉⵣⵉ ⴰⵏⵏ, ⴷ ⵓⵔ ⴰⵔ ⵙⵓⵔ ⵉⵜⵜⴽⴽⴰ ⴰⵡⴷ ⵢⴰⵏ ⵎⵏⵉⴷ ⵏⵏⵙⵏ ⴳ ⵢⵉⴳⵔ ⴰⵏⵏ. ⴰⵢⵍⵍⵉ ⴰⵙⵏ ⵉⴼⴽⴰⵏ ⵢⴰⵜ ⵜⵎⵙⵓⵙⵏⵜ ⵉⵅⴰⵜⵔⵏ ⴳ ⵓⵙⵡⵉⵔ ⴰⴷⵖⵔⴰⵏ.
ⴰⵎⵓⵜⵜⵉ ⵙ ⵜⵡⵓⵔⵉⵡⵉⵏ ⵉⵜⵜⵢⴰⵡⵣⵎⵎⴻⵎⵏ/ⵜⵉⵎⵙⵙⵓⵙⵔⵉⵏ ⴷ ⵙⵙⵉⵏⵉⵎⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵎⴽⵍⵍⵉ ⵙ ⵥⵕⴰⵏ ⵉⵖⴼⴰⵡⵏ ⵏⵏⵙⵏ ⵜⵜⵓⵙⵙⴰⵏⵏ ⴱⴰⵀⵔⴰ, ⵉⵖⵜⵙ ⵍⵀⴷⴷⴰⵊ ⴷ ⵇⵇⵉⵎⵕⵓⵏ ⴰⴷ ⵎⵎⴰⵜⵜⵉⵏ ⵙⴳ ⵉⴼⵕⵕⵉⵊⵏ ⵉⴷⴷⵔⵏ ⴳ "ⵍⵃⵍⵇⵜ" ⵖⵔ ⵓⵙⵏⵜⵎ ⵏ ⵜⵡⵓⵔⵉⵡⵉⵏ ⵏⵏⵙⵏ. ⴳ ⵓⵙⴳⴳⵯⴰⵙ ⵏ 1984 ⵙⵓⵙⵙⵔⵏ ⵜⴰⵙⵙⵓⵙⵔⵜ ⵏⵏⵙⵏ ⵜⴰⵎⵣⵡⴰⵔⵓⵜ ⴳ ⵜⵣⵏⵉⵜ .
ⵢⵓⵛⴽⴰ ⴷ ⵓⵎⵎⵓⵜⵜⵉ ⴰⵅⴰⵜⴰⵔ ⵏⵏⵙⵏ ⵍⵍⵉⵖ ⴼⵍⵍⴰⵙⵏ ⵉⵙⵙⵓⵜⵔ ⴱⴰⴱ ⵏ ⵜⵎⵙⵙⵓⵔⵜ ⵏ "ⵍⵎⵄⴰⵔⵉⴼ", ⵍⵍⵉ ⵉⴳⴰⵏ ⵢⴰⵜ ⵜⵎⵙⵙⵓⵔⵜ ⵉⵜⵜⵡⴰⵙⵙⵏⵏ ⴰⴽⵓⴷⴰⵏⵏ, ⴰⴷ ⵙⵏⴼⵍⵏ ⵢⴰⵜ ⵙⴳ ⵜⵓⵍⵍⵉⵙⵉⵏ ⵏⵏⵙⵏ ⵉⵜⵜⵢⴰⵡⵣⵎⵎⴻⵎⵏ ⵙ ⵢⵉⵎⵙⵍⵉ ⵖⵔ ⵢⴰⵜ ⵜⵡⵓⵔⵉ ⵏ ⵙⵙⵉⵏⵉⵎⴰ ⴳ1984 .ⵉⵎⵙⴰⵙⴰ ⵏⵉⵜ ⴷⵉⴷⵙ ⵍⵄⵕⴱⵉ ⵖⴼ ⵜⵡⵏⴳⵉⵎⵜ ⴰⵏⵏ, ⴰⴼⴰⴷ ⴰⴷ ⵉⵙⵙⵏⵜⵉ ⴰⴱⵔⵉⴷ ⵏⵏⵙ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ.
ⵢⵓⵎⵥ ⵓⴼⴰⵔⵙ ⵏ ⵓⴼⵉⵍⵎ ⵏⵏⵙ ⴰⵎⵣⵡⴰⵔⵓ ⵉⵙⴳⴳⵯⴰⵙⵏ ⴼ ⵉⵙⴳⴳⵯⴰⵙⵏ ⵙ ⵓⵙⵔⴰⴳ ⵏ ⵉⵎⵓⴽⵔⵉⵙⵏ ⵉⵥⵓⵕⴰⵏⵏ ⴷ ⵜⵎⵓⴽⵔⵉⵙⵉⵏ ⵜⵉⵜⵡⵉⵍⵉⵏ , ⵎⴰⵛⴰ ⵉⴼⴼⴰⵖ ⴷ ⵙⵓⵔ ⴳ ⵓⵙⴳⴳⵯⴰⵙ ⵏ 1994 ⵙ ⵓⵣⵡⵍ "ⵜⵉⵙⵍⵉⵜ ⵉⵊⵍⴰⵏ" ⵍⵍⵉ ⵉⴳⴰⵏ ⴽⵕⴰⴹ ⵉⴳⵣⵎⴰⵏ, ⴷ ⵓⴼⵉⵍⵎ ⴰⴷ ⴰⴷ ⵜⵏ ⵉⴷ ⵉⵙⴼⴼⴰⵖⵏ ⵙ ⵓⵎⴰⴹⴰⵍ ⵏ ⵓⵙⵎⴷⵢⴰ ⴷ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ. ⴷ ⵉⵙⴽⵔ ⵓⴼⵉⵍⵎ ⴰⴷ ⵢⴰⵏ ⵓⵎⵓⵔⵙ ⵍⵍⵉ ⵓⵔ ⵉⵍⵍⵉⵏ ⵣⵓⵏ ⴷ ⵏⵜⵜⴰ, ⵢⵉⵡⵉ ⴰⵙⵏ ⴷ ⵢⴰⵜ ⵜⵎⵙⵓⵙⵏⵜ ⵉⵅⴰⵜⵔⵏ ⴳ ⵉⴼⵉⵍⵎⵏ ⴷ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ . ⵉⴳ ⵍⵀⴷⴷⴰⵊ ⴷ ⵇⵇⵉⵎⵔⵓⵏ ⵙⴳ ⵉⵏⴰⵥⵓⵕⵏ ⵍⵍⵉ ⴱⴰⵀⵔⴰ ⵉⵜⵜⵢⴰⵡⵙⵙⵓⵜⴰⵔⵏ ⵉ ⵓⵙⴷⴷⵔ ⵏ ⵜⵎⵖⵔⵉⵡⵉⵏ ⴷ ⵜⴼⵓⴳⵍⵉⵡⵉⵏ ⴷ ⵜⵎⴷⴷⵉⵢⵉⵏ ⵜⵉⵏⴰⵥⵓⵕⵉⵏ ⵏ ⵓⵜⵉⵍⵉⴼⵉⵣⵢⵓⵏ ⴳ ⵉⵙⴳⴳⵯⴰⵙⵏ ⵏ ⵉⴷ ⵜⵥⴰⵎⵔⴰⵡⵉⵏ. ⴹⴰⵕⵜ ⵏ ⵓⵢⴰ ⵢⵓⵔⴰ ⵉⵙⵉⵏⴰⵢⵔⵜⵓⵏ ⵏ ⵉⴼⵉⵍⵎⵏ ⵢⴰⴹⵏ ⵣⵓⵏ ⴷ "ⵙⵙⴰⵙⴱⵓ" ⴷ "ⵍⵎⴰⴷⴰⵏⵉ" ⴷ "ⵍⵀⴹⵕⵜ ⴷⴷⴰⵎⵓⵃ" ⴷ "ⴱⵉⵊⵎⵓⵄⵏ" ⴷ "ⴱⵓⵍⵎⵙⴰⵢⵍ" ⵍⵍⵉ ⴰⵙ ⴱⴰⵀⵔⴰ ⵉⵎⵓⵔⵙⵏ ⴰⵡⴷ ⵏⵜⵜⵏⵉ. ⴷ ⵓⵍⴰ ⵡⴰⵍⵍⵉ ⴰⴽⴽⵯ ⴱⴰⵀⵔⴰ ⵉⵙⴹⵚⴰⵏ ⴰⴳⴷⵓⴷ ⴰⵎⵖⵔⵉⴱⵉ ⴰⵎⴰⵣⵉⵖ ⵍⵍⵉ ⵜ ⵉⴳⴰⵏ ⴷ ⵓⴼⵉⵍⵎ ⵏ ⴱⵉⴽⴽⵙ ⴰⴱⴽⴽⴰⵙ ⴰⵅⴰⵜⴰⵔ ⵏ ⵉⴼⵉⵍⵎⵏ ⵉⵎⴰⵣⵉⵖⵏ ⵍⵍⵉ ⵔⴰⴷ ⵉⵖⴰⵎⴰ ⴳ ⵜⵓⴽⵯⵟ/ⵜⵓⴽⴹ ⵏ ⵉⴼⵉⵍⵎⵏ ⵉⵎⵙⴹⵚⴰⵢⵏ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴰⴽⴷ ⴱⵓⵜⴼⵓⵏⴰⵙⵜ ⴷ ⵎⵓⴽⵉⵔ ⴷ ⴽⴰⴷⴰ ⵏ ⵉⴼⵉⵍⵎⵏ ⵢⴰⴹⵏ .[2][3]
ⵜⵉⵣⵉ ⵏ ⵓⴳⵔⵔⴼ/ⵓⴳⴹⴰⵍ ⴷ ⵡⵓⵖⵓⵍ ⵙ ⵓⴱⴰⵔⴰⵣ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴹⴰⵕⵜ ⵏ ⵢⴰⵜ ⵜⵉⵣⵉ ⵏ ⵜⵎⵙⵓⵙⵏⵜ, ⵜⵥⵕⴰ ⵜⵡⴰⴷⴰ ⵏ ⵍⵀⴷⴷⴰⵊ ⵢⴰⵜ ⵜⵉⵣⵉ ⵏ ⵓⴳⴹⴰⵍ ⴳ ⵓⴱⴰⵔⴰⵣ ⴰⵥⵓⵕⴰⵏ, ⵍⵍⵉⵖ ⵉⵎⵎⴰⴳⴳⴰⵔ ⴰⵏⵅⵅⵍ ⴷ ⵜⵓⴳⵜⵜ ⵏ ⵜⴰⵙⵙⴰⵙⵉⵏ.
ⵎⴰⵛⴰ, ⵜⵥⵕⴰ ⵜⵡⴰⴷⴰ ⵏⵏⵙ ⵢⴰⵏ ⵓⵙⵙⵏⵜⵉ ⴰⵎⴰⵢⵏⵓ ⵙ ⵜⵡⵉⵣⵉ ⵏ ⵓⵏⴰⵥⵓⵕ ⴰⵃⵎⴰⴷ ⵏⵜⴰⵎⴰ, ⵍⵍⵉ ⴰⵙ ⵉⴼⴽⴰⵏ ⵜⴰⵎⵍⴷⴰ ⵏ ⵡⵓⵖⵓⵍ ⵙ ⵓⴳⵯⴷⵉⵍ ⵙ ⵜⴷⵔⴰⵡⵜ ⵏⵏⵙ ⴳ ⵢⵉⵎⵙⴷⴷⵉ ⴰⵜⵉⵍⵉⴼⵉⵣⵢⵓⵏ "ⴱⴰⴱⴰ ⵄⵍⵉ". ⵉⵎⵎⵔ ⵓⴳⴷⵓⴷ ⵙ ⵡⵓⵖⵓⵍ ⵏ ⵓⵎⵙⴹⵚⴰⵢ ⴰⴷ ⴰⵅⴰⵜⴰⵔ, ⵍⵍⵉ ⵉⵙⴷⴷⵉⴷⵏ ⵙ ⵎⴰⵙ ⴷ ⵜⴰⵎⴼⴽⵉⵜ ⵏⵀⴷⴷⴰⵊ ⵜⵍⵍⴰ ⵓⴽⴰⵏ ⵙⵓⵔ ⴷⴰⵔⵙ ⴷ ⵜⵥⴹⴰⵕ ⴰⴷ ⵜⵙⴹⵚⴰ ⴰⴳⴷⵓⴷ ⵙ ⵎⴽⵍⵍⵉ ⵢⴰⴷⵍⵍⵉ.
ⴰⵎⵎⴰⴽ ⵏⵏⵙ ⴰⵥⵓⵕⴰⵏ ⴷ ⵜⴰⵢⵙⵉ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵜⵜⵡⴰⵙⵙⵏ ⵡⴰⵎⵎⴰⴽ ⵏ ⵍⵄⵕⴱⵉ ⵍⵀⴷⴷⴰⵊ ⵙ ⵜⵏⴼⵔⴰⵔⵜ ⴷ ⵓⵏⴼⵍⴰⵍⴰⵢ, ⴰⴽⴷ ⵢⴰⵜ ⵜⵣⵎⵔⵜ ⵜⵉⵏⵏⵓⵍⴼⵉⵜ ⵖⴼ ⵓⵙⴼⴽⴽ/ⵓⵙⵎⴷⵢⴰ ⵏ ⵜⵉⵡⵡⵓⵔⴽⴰ ⵜⵉⵎⵙⴹⵚⴰⵢ ⵍⵍⵉ ⴷ ⵉⵜⵜⵢⴰⵙⴰⵢⵏ ⵙⴳ ⵜⵉⵍⴰⵡⵜ ⵜⴰⵎⵖⵔⵉⴱⵉⵜ.
ⵔⴰⴷ ⵉⵖⴰⵎⴰ ⵍⵀⴷⴷⴰⵊ ⴰⵎⴰⵜⴰⵔ ⵏ ⵜⴽⵓⵎⵉⴷⵉⵜ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵖⵜ ⵜⴰⵥⵓⵕⴰⵏⵜ ⵍⵍⵉ ⵉⴼⴽⴰⵏ ⴰⵜⵉⴳ ⴰⵥⵓⵕⴰⵏ ⵉ ⵓⴱⴰⵔⴰⵣ ⴰⴷⵍⵙⴰⵏ ⴳ ⵍⵎⵖⵔⵉⴱ, ⴷ ⵢⵓⵡⵙ ⴳ ⵓⵙⴼⵕⵕⵊ ⵏ ⵜⵙⵓⵜⵉⵏ ⴼ ⵜⵙⵓⵜⵉⵏ .
ⵜⴰⵡⵊⴰ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵍⵍⴰⵏ ⴷⴰⵔ ⵍⵄⵕⴱⵉ ⵍⵀⴷⴷⴰⵊ ⵎⴰⴷ ⵉⵜⵜⴳⴳⴰⵏ ⵙⴰ ⵏ ⵜⴰⵔⵡⴰ, ⴽⴽⵓⵥⵜ ⵜⴼⵔⵅⵉⵏ ⴷ ⴽⵕⴰⴹ ⵉⴼⵔⵅⴰⵏ. ⴷ ⴰⵔ ⵉⵜⵜⵉⵏⵉ ⵍⵄⵕⴱⵉ ⴳ ⵢⴰⵏ ⵓⵏⵎⵓⵇⵇⴰⵔ, ⵎⴰⵙ ⵓⵔ ⵉⵔⵉ ⴰⴷ ⴰⵎⵥⵏ ⵜⴰⵔⵡⴰ ⵏⵏⵙ ⵣⵓⵏ ⴷ ⴰⴱⵔⵉⴷ ⵏⵏⵙ ⵉⵔⴰ ⵜⵏ ⴰⴷ ⴰⵎⵥⵏ ⵉⵖⴰⵔⴰⵙⵏ ⵢⴰⴹⵏⵉⵏ .
ⵜⵉⵡⵓⵔⵉⵡⵉⵏ ⵏⵏⵙ[4]
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴼⵉⵍⵎⵏ ⵡⵉⵍⵍⵉ ⵎⵉ ⵢⵓⵔⴰ ⴰⵙⵉⵏⴰⵔⵢⵓ ⵏⵏⵙⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⴼⵉⵍⵎⵏ ⵍⵍⵉ ⴳ ⵉⴷⵔⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴱⵉⴽⴽⵙ ⴰⴱⴽⴽⴰⵙ
- ⵉⵡⵉⵙ ⵏ ⵢⵉⵏⵏⴰⵙ/ⵉⵡⵉⵙ ⵉⵏⵏⴰⵙ
- ⵛⵓⵕ ⵉ ⵜⴰⴹⵚⴰ
- ⵙⵄⴰⵢⴷ ⵏ ⵊⴷⴷⴰⵙ
- ⵎⴱⴰⵕⴽ ⵍⵄⵡⴰⵛⵉⵔ
- ⴰⵎⵏⵣⵓ ⴷ ⵓⵎⴰⵥⵓⵥ
- ⵜⵉⵎⵎⵓⵖⵔⴰ
- ⵉⴳⵉⴷⵔ ⵖ ⵍⴼⵉⵔⵎⴰ
- ⴱⵍⵃⴰⵊ
- ⵍⴼⴰⵎⵉⵍⴰ