ⵉⵔⴳⴳⵓⴱⵏ ⵏ ⴰⵢⵜ ⵓⵙⵓⵍ
ⵉⵔⴳⴳⵓⴱⵏ ⵏ ⴰⵢⵜ ⵍⵃⴰⵊ ⴷ ⵉⵙⴰⴳⵓⵔⵏ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴳ ⵜⵇⴱⵉⵍⵜ ⵏ ⵉⴷ ⵓ ⵓⴳⵉⵍⵍⵓⵍ, ⵍⵍⴰⵏ ⴳ ⵓⴷⵖⴰⵔ: ⵏ ⴰⵢⵜ ⵓⵙⵓⵍ ⴳⵔ ⵓⴳⴰⴷⵉⵔ ⴷ ⵎⵓⴳⴰⴷⵓⵔ. ⵜⵜⵓⵚⴽⴰⵏ ⵙⴳ ⵓⵎⵏⵉⴷ ⵏ ⵜⵡⵊⴰ ⵜⴰⴳⵉⵍⵍⵓⵍⵜ, ⵜⵓⵎⵥ ⴰⵙⵏⴱⴹ ⵙⴳ ⵉⵃⴰⵃⴰⵏ ⴰⵔ ⵓⴳⴰⴷⵉⵔ ⴷ ⴽⵔⴰ ⴳ ⵜⵇⴱⵉⵍⵉⵏ ⵏ ⵙⵓⵙ, ⴷ ⵉⵏⴱⴰⴹⵏ ⵍⵍⵉ ⴱⴰⵀⵔⴰ ⵉⵜⵜⵡⴰⵙⵙⴰⵏⵏ, ⵉⴳⴰ ⵜⵏ: ⴰⵎⵇⵔⴰⵏ ⵙⵄⵉⴷ ⵍⴳⵉⵍⵍⵓⵍⵉ ⴷ ⵄⴱⴷ ⵔⵃⵎⴰⵏ ⵍⴳⵉⵍⵍⵓⵍⵉ, ⴷ ⴳ ⵓⵔⵣⵓ ⵏ ⵓⵎⵔⵣⵓ ⵏ ⵎⴰⵙⵙ ⵍⵃⵓⵙⴰⵢⵏ ⵏⵓⵃⵉ ⵎⴰⵙ ⵍⵍⴰⵏ 9 ⵏ ⵉⵔⴳⴳⵓⴱⵏ ⴳ ⵜⵇⴱⵉⵍⵜ ⵏ ⵉⵃⴰⵃⴰⵏ .
ⵎⴰⵏ ⴰⴽⵓⴷ ⴳ ⵜⵜⵓⵚⴽⴰⵏ ⵉⵔⴳⴳⵓⴱⵏ ⴰⴷ?
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵓⵔⵣⵣⵓ ⵏ ⵎⴰⵙⵙ ⵍⵃⵓⵙⴰⵢⵏ ⵏⵓⵃⵉ, ⵉⵍⵍⴰ ⴷⵉⴳⵙ ⵎⴰ ⵙ ⴷ ⵉⵔⴳⴳⵓⴱⵏ ⴰⴷ, ⵓⵔ ⵍⵍⵉⵏ ⵉⵎⵉⵔⴰⵢⵏ, ⵍⵍⵉ ⵢⵓⵔⴰⵏ ⵖⴼ ⵜⵓⵙⵏⵏⵉⵖⵜ ⴰⴷ, ⴷⴰⵔ ⵢⴰⵏ ⵡⴰⵜⵉⴳ ⴰⵎⵇⵔⴰⵏ ⴳ ⵓⵎⵣⵔⵓⵢ ⵏ ⵉⵃⴰⵃⴰⵏ. ⴰⵔ ⵉⵜⵜⵉⵏⵉ ⵓⵔⵣⵣⵓ ⵏⵏⵖ ⵎⴰⵙ ⵍⵍⴰⵏ ⵎⴰⴷ ⵉⵜⵜⴳⴳⴰⵏ 5 ⵜⵊⵕⵎⵉⵡⵉⵏ ⴰⵢⴰⴷ ⵉⵣⵔⵉⵏ ⵏⵖ 2 ⵜⵊⵕⵎⵉⵡⵉⵏ ⴰⵛⴽⵓ ⴰⵙⴰⴽⵓⴷ ⵏ ⵉⵔⴳⴳⵓⴱⵏ ⴰⴷ, ⵓⵔ ⵉⵜⵜⵓⵣⵎⵎⴰⵎ ⵢⵓⵛⴽⴰ ⴷ ⵖⴰⵙ ⴳ ⵡⵓⵏⴳⴰⵍⵏ ⵉⵎⵉⵡⴰⵏⵏ.[1]
ⵎⴰⵅ ⴰⵍⵍⵉⴳ ⵜⵜⵓⵥⴽⴰⵏ ⵉⵔⴳⴳⵓⴱⵏ ⴰⴷ?
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵓⵔ ⴷ ⵓⵛⴽⵉⵏ ⵜⵜⵓⵚⴽⴰⵏ ⵉⵔⴳⴳⵓⴱⵏ ⴰⴷ ⵖⴰⵙ ⵙ ⵎⴽⴰⵏⵏ, ⵎⴰⵛⴰ ⴰⴽⵓⴷⴰⵏⵏ ⴳ ⵡⴰⴽⵓⴷ ⵍⵍⵉ ⴳ ⵉⵍⵍⴰ ⴱⵔⵜⵇⵇⵉⵣ ⴳ ⵓⴼⵜⴰⵙ ⵏ ⵍⵎⵖⵔⵉⴱ, ⴷ ⵓⵡⵜⵜⴰⵙ ⵏⵏⵙⵏ, ⴰⴷ ⴽⴽⵓⵙⵓⵏ ⵜⵉⵇⴱⵍⵉⵏ ⵏ ⵉⵎⵚⵎⵓⴹⵏ (ⵉⵃⴰⵃⴰⵏ). ⴷ ⵚⴽⴰⵏ ⵉⵎⵣⴷⴰⵖⵏ ⵏ ⴰⵢⵜ ⵓⵙⵓⵍ ⵉⵔⴳⴳⵓⴱⵏ ⵏ ⴰⵢⵜ ⵍⵃⴰⵊ ⴰⴷ ⵔⴰⵔⵏ ⵏ ⵉⵎⴽⵢⴰⴹⵏ ⵏ ⴱⵔⵜⵇⵇⵉⵣ ⴰⴷ ⵓⵔ ⴽⵛⵉⵎⵏ ⵙ ⵜⵇⴱⵉⵍⵜ ⵏ ⵉⵃⴰⵃⴰⵏ, ⵍⵍⵉ ⵉⵎⵉⵥⵥⵉⵜⵏ ⵉ ⵜⴼⵜⵏⴰ ⵏⵖ ⵜⴰⴼⴹⵏⴰ, ⵍⵍⵉ ⵙ ⵜⵜⵢⴰⵡⵙⵙⴰⵏ ⴷⵖⵉ. ⵃⵎⵍⵏ ⵜ ⴱⴰⵀⵔⴰ ⵉⴱⵔⵜⵇⵇⵉⵣⵏ ⴰⵛⴽⵓ ⴰⵔ ⴷ ⵙⵉⵙ ⵜⵜⴰⵛⴽⴰⵏ ⴰⴷ ⵙⵎⵎⵙⴽⵍⵏ ⵜⵉⵖⴰⵡⵙⵉⵡⵏ ⵏⵏⵙⵏ.
ⴰⴷⴷⴰⴷ ⵏⵏⵙⵏ ⵖⵉⵍ ⴰⴷ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵎⵇⵇⴰⵔ ⵉⵍⵍⴰ ⵢⴰⵏ ⵓⵎⵣⵔⵓⵢ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴷⴰⵔ ⵉⵔⴳⴳⵓⴱⵏ ⴰⴷ, ⵎⴰⵛⴰ ⵓⵔ ⵉⵍⵍⵉ ⵎⴰⴷ ⵜⵏ ⵉⵙⵙⵓⴽⵓⵏ, ⴰⵡⴷ ⵉⵎⵣⴷⴰⵖⵏ ⵏ ⵜⵇⴱⵉⵍⵜ ⵏ ⴰⵢⵜ ⵓⵙⵓⵍ ⵉⴷⵔⵓⵙ ⵎⴰⴷ ⴷⵉⴳⵙ ⵉⵜⵜⵔⴰⵄⴰⵏ ⵣⵓⵏ ⴰⵢⴰⴷ, ⴷ ⴰⵔ ⵜⵜⵉⵏⵉⵏ ⵎⴰⵙ ⴷ ⴰⵔⴳⴳⵓⴱ ⵏ ⵍⵎⴽⴽⵉ (ⵉⵙⵎ ⵍⵍⵉ ⴰⵙ ⴳⴰⵏ ⵉⵎⵣⴷⴰⵖⵏ ⵏ ⴰⵢⵜ ⵍⵃⴰⵊⵊ) ⵉⵔⴷⵔ ⴰⵙ ⴷ ⵓⵙⵇⵇⵉⴼ ⵏⵏⵙ, ⴷ ⴰⵡⴷ ⴰⵔⴳⴳⵓⴱ ⵏ ⵍⵎⵀⵕⴰⵕ ⵔⴷⵔⵏⵜ ⴰⵙ ⴷ ⵜⵛⵛⵕⴰⴼⵉⵏ ⵏ ⵓⴼⵍⵍⴰ ⴷ ⵜⴰⴳⴳⵓⵔⵜ ⵏⵏⵙ ⵜⵔⴷⵔ ⴰⵡⴷ ⵏⵜⵜⴰⵜ ⴳ ⵡⴰⵙⵙ ⵏ 08 ⵛⵓⵜⴰⵏⴱⵉⵔ 2023 ⵍⵍⵉ ⴳ ⵉⵍⵍⴰ ⵓⵎⴷⵓⴷⵉ ⵏ ⵡⴰⴽⴰⵍ.
ⵥⵕ ⵓⴳⴳⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ النوحي, الحسين (2024-06-14). "عمارة الأبراج بإحاحان جنوب الصويرة:الأدوار والوظائف". مجلة ليكسوس:في التاريخ والعلوم الإنسانية (in ⵜⴰⵄⵔⴰⴱⵜ). 3 (53). ISSN 2605-6259. Archived from the original on 2025-07-18.