ⵉⵎⵏⵜⴰⴳⵏ
| ⵉⵎⵏⵜⴰⴳⵏ | |
|---|---|
ⵙⵏⴼⵍ ⴰⵙⴰⴳⵎ - ⵙⵏⴼⵍ - ⵡⵉⴽⵉⴷⴰⵜⴰ  |
ⵉⵎⵏⵜⴰⴳⵏ (ⵙ ⵜⵄⵔⴰⴱⵜ: منتاݣة) ⴷ ⵢⴰⵜ ⵜⵇⴱⵉⵍⵜ ⵜⴰⵛⵍⵃⵉⵜ ⴳ ⵓⴷⵔⴰⵔ ⵏ ⴷⵔⵏ ⴷ ⵜⵎⴰⵣⵉⵔⵜ ⵏ ⵙⵓⵙ, ⵓⵔ ⴰⴽⴽⵯ ⴱⴰⵀⵔⴰ ⵜⴰⴳⴳⵓⴳ ⵉ ⵜⵖⵔⵎⵜ ⵏ ⵜⵔⵓⴷⴰⵏⵜ, ⵜⵎⴳⴰⵍⴰ ⴷⵉⵙ ⵙ ⴽⵔⴰ ⵏ 15 ⴽⵎ ⵖⵉⴽⴰⵏⵏ, ⵜⴽⴽⴰ ⵜⵜ ⵉⵏⵏ ⵜⴽⵛⵎ ⴳ ⵢⴰⵜ ⵜⵇⴱⵉⵍⵜ ⵜⴰⵎⵥⵎⵓⴷⵜ ⵉⵎⵇⵇⵓⵔⵏ ⵏⵏⴰ ⵎⵉ ⵉⵙⵎ "ⵉⵏⴳⵏⴼⵉⵙⵙ" (ⴳⵏⴼⵉⵙⴰ).
ⵜⵙⵙⴰⵔ ⵉⵡⵜⵜⴰ ⵏⵏⵙ ⴷ ⵜⵇⴱⵉⵍⵜ ⵏ ⵉⵔⴳⵉⵜⵏ ⴳ ⵜⴰⴳⵓⵜ, ⵜⴰⵇⴱⵉⵍⵜ ⵏ ⵉⴷ ⵓ ⵎⵃⵎⵓⴷ ⴷ ⵉⵙⴽⵙⴰⵡⴰⵏ ⴷ ⵉⴷ ⵓ ⵓⵎⵚⴰⵟⵟⵓⴳ, ⴳ ⵉⵥⵥⵍⵎⴹ, ⵉⴷ ⵓ ⵓⵣⴷⴷⴰⵖ ⴷ ⴰⵢⵜ ⵉⴳⴰⵙ ⴳ ⵍⵇⴱⵍⵜ, ⴷ ⵜⵉⵏ ⴰⵢⵜ ⵜⵔⵓⴷⴰⵏⵜ ⴳ ⵢⵉⴼⴼⵓⵙ. .
ⵜⴱⴹⴰ ⵜⵇⴱⵉⵍⵜ ⵙ ⵙⵏⴰⵜ ⵜⴳⵔⴰⵡⵉⵏ, ⵜⴰⴳⵔⴰⵡⵜ ⵏ ⵜⵎⴰⵍⵓⴽⵜ ⴷ ⵜⴳⵔⴰⵡⵜ ⵏ ⵉⵎⵓⵍⴰⵙ, ⵉⵍⵍⴰ ⴳⵉⵙ ⵢⴰⵏ ⵡⴰⵙⵉⴼ ⵢⵓⵎⵥ ⵏⵉⵜ ⵉⵙⵎ ⵏ ⵜⵇⴱⵉⵍⵜ, ⵉⵙⵎ ⴰⵙ "ⴰⵙⵉⴼ ⵏ ⵉⵎⵏⵜⴰⴳⵏ", ⵉⵙⴰⵡⵍ ⴼⵍⵍⴰⵙ ⵙⵉⴷⵉ ⵃⵎⵎⵓ ⵟⴰⵍⴱ ⵍⵍⵉⵖ ⵉⵏⵏⴰ: "ⵓⵍⴰ ⴰⵙⵉⴼ ⴰⴷ ⵏⵏⵓⵏ ⴰ ⵉⵎⵏⵜⴰⴳⵏ ⵉⵍⵉⵇ".
ⵙⴳ ⵉⵔⴳⴰⵣⵏ ⵏⵏⵙ ⵉⵍⵍⴰ ⵓⵎⵖⴰⵔ ⵍⵃⴰⵊⵊ ⵎⵓⵃⵎⵎⴰⴷ ⵍⵊⴷⴷ (ⵉⵍⵓⵍ ⴳ ⵓⵙⴳⴳⵯⴰⵙ ⵏ 1332 ⵏ ⵓⵣⵡⴰⴳ), ⴱⴰⴱ ⵏ ⵜⵉⵏⵎⵍ ⵉⵜⵜⵢⴰⵡⵙⵙⴰⵏⵏ ⵙ ⵢⵉⵙⵎ ⵏⵏⵙ ⴷ ⵡⴰⴷⴰ ⵜⵜ ⵉⵙⵔⵙⵏ. ⵉⵙⴱⴷⴷ ⵜⵜ ⴳ ⵓⵙⴳⴳⵯⴰⵙ ⵏ 1388 ⴳ ⵉⵎⵓⵍⴰⵙ ⴳ ⵜⵓⵥⵥⵓⵎⵜ ⵏ ⵉⵎⵏⵜⴰⴳⵏ, ⵉⵙⵙⵏⵜⵉ ⴳⵉⵙ ⴰⵙⵙⵃⴹⵕ ⴳ ⵓⵙⴳⴳⵯⴰⵙ ⵏ 1393. ⵉⴱⴷⴷ ⴼⵍⵍⴰⵙ ⴰⵍⵍⵉⴳ ⵉⵎⵎⵓⵜ, ⵙⵙⵉⴽⵉⵏ ⵜⵜ ⵉⵎⵃⴹⴰⵕⵏ ⵎⵏⵏⴰⵡ ⵉⵙⴳⴳⵯⴰⵙⵏ ⴰⵍⵍⵉⴳ ⵜⵜ ⵉⴷ ⴷⴰⵖ ⵙⵎⴰⵢⵏⵓⵏ ⵉⵎⵏⵜⴰⴳⵏ ⴳ ⵓⵙⴳⴳⵯⴰⵙ ⵏ 1426, ⵓⵔⵔⵉⵏ ⴷ ⴰⵔ ⵜⵜ ⵉⵏⵏ ⴷⴰⵖ ⴰⴷⴷⵔⴰⵏ.
ⵉⵙⵓⵏⵏ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵎⵛⵛⵔⴽ
- ⵜⴰⵎⴰⵍⵓⴽⵜ
- ⵕⵕⵢⴰⴹ
- ⴰⵢⵜ ⵟⵟⴰⵍⴱ
- ⵡⴰⵖⵛⵓⵛⵜ
- ⴰⵢⵜ ⵅⵓⵔⴰⵢⴼ
- ⴰⵍⵃⵏⵡⴰⵏ
- ⵜⴰⵣⴳⵍⵍⵉⵎⵜ
- ⵜⵉⵎⵉⵏⵓⵏ
- ⵙⵉⴷⵉ ⵄⴱⴷ ⵔⵔⵃⵎⴰⵏ
- ⵣⵣⴰⵡⵉⵜ ⵏ ⵉⴱⴰⵄⵇⵉⵍⵏ
- ⴰⵎⵣⴰⵡⵔⵓ
- ⵜⵉⵥⴳⵉ ⵏ ⴰⵢⵜ ⵍⵃⴰⵊ
- ⴰⵅⵓⵏⵜⵔⵉⵔ
- ⴰⵥⵕⵓ
- ⴰⴼⵏⵙⵓ
- ⴰⵙⴰⴽⴰ ⵏ ⵉⵎⵏⵜⴰⴳⵏ
- ⴰⵢⵜ ⵙⵄⵉⴷ
- ⵜⴰⵊⴰⵛⵜ
- ⵎⵙⵉⵔⴰⵜ
- ⴰⵖⴼⵔ
- ⴰⴼⵔⴰ
- ⵉⵎⵓⵍⴰⵙ
- ⵜⵉⵔⵖⵜ
- ⵜⴰⵙⴷⵎⵔⵜ
- ⴰⵣⴳⵓⵔ
- ⴱⵓⵙⴽⵏⵉ
- ⵡⵉⵜⴽⵔⴰⵣⵏ
- ⵜⴰⵏⴼⴰⵛⵜ
- ⵜⵉⵣⵔⵜ
- ⵜⵓⵍⵓⵙⵜ
- ⵉⴳⵉⵍ
- ⵉⵎⴰⴷⵍⵏ
- ⵉⵙⵙⵓⵍⴰⵏ
- ⵜⴰⵎⵙⵓⵍⵜ
- ⴰⵢⵜ ⵎⵏⵚⵓⵕ
- ⵜⴰⵎⴰⵙⵜ
- ⵜⴰⵍⵍⵓⵣⵜ
- ⵜⴰⴷⴰⵔⴰⵡⵜ
- ⵜⵉⵏⵉⴳⴰⵙⵙ
- ⴰⵍⵅⵓⵎⵙ
- ⵜⵉⴽⴼⵉⵍⵜ
- ⵉⵅⵓⴷⴰⵎⵏ
- ⴰⵢⵜ ⵡⴰⴷⵊⴰⵙ
- ⴰⴼⵍⵍⴰ ⵏ ⵜⴰⵍⴰⵜ
- ⵉⴳⵏⴰⵏ
- ⵓⵔⵜⵉ ⵏ ⵓⵎⵖⴰⵔ
- ⵉⵙⵡⴰⵍ
- ⵎⴳⴷⵍ
- ⴽⵉⵍⴰⵍⵜ