ⵄⵓⵎⴰⵕ ⴱⵓⵄⵊⵉⵏ
ⵄⵓⵎⴰⵕ ⴱⵓⵄⵊⵉⵏ (ⵉⵍⵓⵍ ⴳ 1983) ⵉⴳⴰ ⵢⴰⵏ ⵙⴳ ⵉⵏⵎⵖⵓⵔⵏ ⵏ ⵓⵃⵡⴰⵛ ⵏ ⵉⵃⴰⵃⴰⵏ, ⴷ ⵉⴳ ⵢⴰⵏ ⵙⴳ ⵉⵎⵕⵉⵢⵙⵏ ⵏⵏⴰ ⵙⵓⵔ ⵢⵓⵎⵥⵏ ⴳ ⵜⵥⵓⵕⵉ ⵜⴰⵥⵖⵓⵕⴰⵏⵜ ⵏ ⵓⵃⵡⴰⵛ ⵏ ⵉⵃⴰⵃⴰⵏ ⴷ ⵍⵍⵉ ⵉⵙⵡⵓⵔⵉⵏ ⵖⴼ ⵓⵙⵎⵓⵜⵜⵉ ⵏⵏⵙ ⵉ ⵜⵙⵓⵜⵉⵏ ⵏⵏⴰ ⴷ ⵉⴷⴷⴰⵏ. ⴷ ⵉⴳ ⵢⴰⵏ ⵙⴳ ⵡⵓⴷⵎⴰⵡⵏ ⵏⵏⴰ ⴱⴰⵀⵔⴰ ⵉⵜⵜⵢⵓⵙⵙⴰⵏⵏ ⴳ ⵉⵃⴰⵃⴰⵏ, ⴷ ⵉⴳ ⵉⵡⵉⵙ ⵏ ⵜⵎⵏⴰⴹⵏⵜ ⵏ ⴰⵢⵜ ⵓⵙⵓⵍ ⵍⵍⵉ ⵉⴳⴰⵏ ⵜⵉⴳⵎⵎⵉ ⵏ ⵉⵏⴰⵥⵓⵕⵏ ⴷ ⵉⵎⵙⵏⴼⵍⵓⵍⵏ ⴳ ⵜⵥⵓⵕⵉ ⵏ ⵓⵃⵡⴰⵛ. ⴷ ⵉⴳ ⵖⵉⵍⴰ ⴰⵏⵙⵙⵉⵖⴼ ⵏ ⵜⵔⴰⴱⴱⵓⵜ ⵏ ⵉⵄⵔⵔⵉⵎⵏ ⵏ ⵍⵄⵡⵡⴰⴷ ⵏ ⵉⵃⴰⵃⴰⵏ ⵏⵏⴰ ⴱⴰⵀⵔⴰ ⵉⵜⵜⵢⵓⵙⵙⴰⵏⵏ ⴳ ⵉⵃⴰⵃⴰⵏ ⴷ ⵓⵍⴰ ⴳ ⵜⵎⵏⴰⴹⵉⵏ ⵢⴰⴹⵏ.[1]
ⵜⵓⴷⵔⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵄⵓⵎⴰⵕ ⴱⵓⵄⵊⵉⵏ ⴳ ⵜⵇⴱⵉⵍⵜ ⵏ ⵉⴷⴰ ⵓ ⴳⵍⵍⵓⵍ ⴳ ⵓⴹⵡⵡⴰⵕ ⵏ ⴰⵢⵜ ⵍⵃⴰⵊ/ⵓⵙⵓⵍ ⴳ ⵓⵙⴳⴳⵯⴰⵙ ⵏ 1983 ⴳ ⵡⴰⵢⵢⵓⵔ ⵏ ⵖⵓⵛⵜ, ⴳ ⵢⴰⵜ ⵜⵡⵊⴰ ⵏⵏⴰ ⴱⴰⵀⵔⴰ ⵉⵜⵜⵢⵓⵙⵙⴰⵏ ⵙ ⵜⵥⵓⵕⵉ ⵙⵡⴰ ⴳ ⵢⵉⴳⵔ ⵏ ⵓⵃⵡⴰⵛ ⵓⵍⴰ ⵢⵉⴳⵔ ⵏ ⵓⵥⴰⵡⴰⵏ, ⴷ ⵉⴳ ⵢⵉⵡⵉⵙ ⵏ ⵓⵎⴰⵢⵙⵜⵔⵓ ⴱⵉⵀⵉ ⴱⵓⵄⵊⵉⵏ ⵏⵏⴰ ⵉⴳⴰⵏ ⵢⴰⵏ ⵙⴳ ⵉⵅⴰⵜⴰⵔⵏ ⵏ ⵓⵃⵡⴰⵛ ⵏ ⵉⵃⴰⵃⴰⵏ, ⴷ ⵍⵍⵉ ⵉⴼⴽⴰⵏ ⴽⵉⴳⴰⵏ ⵉ ⵜⵥⵓⵕⵉ ⴰⴷ. ⵉⵖⵔⴰ ⵄⵓⵎⴰⵕ ⴱⵓⵄⵊⵉⵏ ⴳ ⵜⵉⵏⵎⵍ ⵏ ⴰⵢⵜ ⵍⵃⴰⵊ ⴰⵔ ⴰⵙⵡⵉⵔ ⵡⵉⵙ ⵚⴹⵉⵚ, ⴷ ⵉⴼⴼⴰⵖ ⵏⵉⵜ ⴳ ⵜⵉⵖⵔⵉ. ⴷ ⵉⵇⵇⵉⵎ ⵏⵉⵜ ⴳ ⵜⵎⴰⵣⵉⵔⵜ ⵚⴹⵉⵚ ⵉⵙⴳⴳⵯⴰⵙⵏ, ⴷ ⵉⵍⵀⴰ ⴰⵔ ⵉⵜⵜⵍⵎⴰⴷ ⴰⵃⵡⴰⵛ ⴷⴰⵔ ⴱⴰⴱⴰⵙ ⴷ ⵜⵓⴳⴷⵜ ⵏ ⵉⵏⴰⵥⵓⵕⵏ ⵢⴰⴹⵏ, ⴰⵔ ⴰⵙⴳⴳⵯⴰⵙ ⵏ 2002 ⵉⴷⴷⴰ ⴰⴷ ⵉⵙⵡⵓⵔⵉ ⴳ ⵢⵉⵍⵍ(ⴰⴱⵃⵔⵉ). ⵎⵇⵇⴰⵔ ⵎⴽⴰⵏⵏ ⵓⵔ ⵊⵊⵓ ⵉⵏⴳⴰⵔⴰ ⵄⵓⵎⴰⵕ ⴷ ⵜⵥⵓⵕⵉ ⴰⴷ ⵏ ⵓⵃⵡⴰⵛ.
ⵄⵓⵎⴰⵕ ⵙⴳ ⵜⵎⵥⵉ ⵏⵏⵙ ⵉⵃⵎⵍ ⵜⴰⵥⵓⵕⵉ ⴰⴷ, ⴷ ⴰⵔ ⵉⵙⴽⴰⵔ ⵜⴰⵔⴰⴱⴱⵓⵜ ⵏⵏⵙ ⵉⵎⵥⵥⵉⵢⵏ ⴷ ⵉⵎⴷⴷⵓⴽⴽⴰⵍ ⵏⵏⵙ ⴰⴼⴰⴷ ⴰⴷ ⵃⵓⵡⵛⵏ, ⴷ ⴰⵔ ⵉⵍⵙⵙⴰ ⵜⵉⵎⵍⵙⴰ ⵏ ⴱⴰⴱⴰⵙ ⵍⵍⵉ ⵉⵍⵙⵙⴰ ⵙ ⴷⴰⵔ ⵓⵃⵡⴰⵛ. ⴷ ⴰⵔ ⴱⴷⴷⴰ ⵉⵙⵙⵓⵙⵓⵎ ⵉⵙⵍⵎⴰⴷⵏ ⵏⵏⵙ ⴷ ⵉⴽⴽⴰ ⵜ ⵉⵏⵏ ⵉⴳⴰ ⵢⴰⵏ ⵓⵄⵔⵔⵉⵎ ⵍⵍⵉ ⴱⴰⵀⵔⴰ ⵉⵜⵜⵙⴷⵉⴽⵏ ⴽⵓⴷⵏⵏⴰ ⵉⵥⵕⵕⴰ ⴰⵃⵡⴰⵛ ⴳ ⴽⵔⴰⵢⴳⴰⵜⵜ ⴰⵣⵎⵣⵣⵓ ⵏⵖ ⵜⴰⵎⵖⵔⴰ. ⴷ ⵉⵍⵀⴰ ⴰⵔ ⵉⵜⵜⵍⵎⴰⴷ ⴷⴰⵔ ⴱⴰⴱⴰⵙ ⴷ ⴰⵡⴷ ⴷⴰⵔ ⵓⵏⴰⵥⵓⵕ ⵎⵓⵃⵎⵎⴰⴷ ⵣⵔⴱⴰⵏ ⴷ ⵓⵍⴰ ⵎⵓⵃⵎⵎⴰⴷ ⴱⵏ ⵄⵓⵎⴰⵕ ⴷ ⵍⵃⵙⵏ ⵎⴰⵃⵎⵎⵓ ⵍⵍⵉ ⴰⵙ ⵢⵉⵡⵙ ⴽⵉⴳⴰⵏ ⴳ ⵢⵉⴳⵔ ⴰⴷ, ⵎⴰⵛⴰ ⴰⵏⴰⵥⵓⵕ ⵏⵏⴰ ⴰⵙ ⴱⴰⵀⵔⴰ ⵉⵙⵙⵍⵎⴷⵏ ⵜⴰⵥⵓⵕⵓ ⴰⴷ ⵙ ⵜⵉⴷⵜ, ⵉⴳⴰ ⵜ ⴷⴷⴰ ⵃⵎⴰⴷ ⵓⵜⵙⵓⴽⴰ ⵍⵍⵉ ⵎⵓ ⵉⵜⵜⵉⵏⵉ ⵄⵓⵎⴰⵕ ⵛⵛⵉⵅ ⵏⵏⵙ ⴳ ⵢⵉⴳⵔ ⴰⴷ. ⴰⵔ ⴱⴷⴷⴰ ⵉⵜⵜⵎⵓⵏⴰ ⵄⵓⵎⴰⵕ ⴷ ⵜⵔⴰⴱⴱⵓⵜ ⵏ ⵓⵜⵙⵓⴽⴰ ⴰⵢⵍⵍⵉⴳ ⴳⵉⵙ ⵉⴳⴰ ⵓⵜⵙⵓⴽⴰ ⵜⴰⵎⵢⵉⵎⴰⵏⵜ, ⴷ ⴰⵔ ⴰⵙ ⴱⴷⴷⴰ ⵢⴰⴽⴽⴰ ⵜⴰⵎⵍⴷⴰ ⴰⴼⴰⴷ ⴰⴷ ⵉⵕⵉⵢⵙ ⵜⴰⵔⴰⴱⴱⵓⵜ ⵏⵏⵙ, ⴷ ⵉⴽⴽⴰ ⵜ ⵉⵏⵏ ⵓⵜⵙⵓⴽⴰ ⴰⵔ ⴳⵉⵙ ⵉⵥⵕⵕⴰ ⴰⴽⵓⴷⴰⵏⵏ ⵢⴰⵏ ⵓⵎⵕⵉⵢⵙ ⵍⵍⵉ ⵔⴰⴷ ⵢⴰⵙⵉ ⴰⵙⴰⴼⵓ/ⴰⵙⴼⴹ ⵏ ⵜⵥⵓⵕⵉ ⴰⴷ ⵏ ⵓⵃⵡⴰⵛ. ⴷ ⵓⵔ ⴱⴰⵀⵔⴰ ⵉⴽⴽⵉ ⵓⵏⴰⵥⵓⵕ ⵄⵓⵎⴰⵕ ⴱⵓⵄⵊⵉⵏ ⵢⴰⵜ ⵙⵉⵖ ⵉⵍⵎⴷ ⴽⵓⵍⵍⵓ ⵉⵍⴳⴰⵎⵏ ⵏ ⵜⵉⵕⵕⵓⵙⴰ ⵏ ⵜⵔⴰⴱⴱⵓⵜ ⵏ ⵓⵃⵡⴰⵛ. ⵉⵎⵉⴽⴽ ⵙ ⵢⵉⵎⵉⴽⴽ ⵉⵍⵀⴰ ⴷ ⵢⵉⵜⵔⵉ ⵏ ⵓⵏⴰⵥⵓⵕ ⵄⵓⵎⴰⵕ ⴱⵓⵄⵊⵉⵏ ⴰⵔ ⴷ ⵉⵜⵜⵓⵎⴰⵏ, ⴷ ⵉⵙⵙⵏⵜⵉ ⴰⴷ ⵉⵜⵜⵕⵉⵢⵙ ⵜⵉⵔⵓⴱⴱⴰ ⵏ ⵓⵃⵡⴰⵛ ⴷ ⴰⴷ ⵉⵜⵜⴰⵙⵉ ⵜⴰⵎⵙⵜⴳⴳⴰⵔⵜ ⵏ ⵓⵙⵡⵓⴷⴷⵓ ⵏ ⵓⵃⵡⴰⵛ ⴷ ⵓⵙⵏⵎⴰⵍⴰ ⵏⵏⵙ. ⵉⵍⵀⴰ ⴰⵔ ⴷ ⵉⵜⵜⴳⴳⴰ ⵓⵏⴰⵥⵓⵕ ⵄⵓⵎⴰⵕ ⴰⵎⵓⵣⴰⵢ ⴳ ⵢⵉⴳⵔ ⴰⴷ, ⴷ ⵉⵙⵙⵏ ⴷ ⵉ ⵎⴰⵎⵏⴽ ⵙ ⵔⴰⴷ ⵢⴰⴽⴽⴰ ⵜⵉⵎⵓⵍⴰ/ⵜⵉⴷⵓⴳⴰⵎⵉⵏ ⵍⵍⵉ ⵙ ⵉⵅⵚⵚⴰ ⴰⴷ ⵜⵏ ⵙⴽⵔⵏ ⵉⵎⵃⵓⵡⵛⵏ ⵜⵉⵣⵉ ⵍⵍⵉ ⵔⴰⴷ ⵎⵎⴰⵜⵜⵉⵏ ⵙⴳ ⵜⴼⵉⵔⵜ ⴰⵔ ⵜⴰⵢⵢⴰⴹ, ⵏⵖ ⴷ ⵜⵉⵣⵉ ⵏ ⵓⵙⵏⴼⵍ ⵏ ⵓⵎⵓⵙⵙⵓ ⴷ ⵡⴰⵏⵢⴰ. ⴰⵛⴽⵓ ⵜⴰⵖⴰⵡⵙⴰ ⴰⴷ ⴰⴷ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴳ ⵜⵥⵓⵕⵉ ⴰⴷ ⵏ ⵓⵃⵡⴰⵛ ⵏ ⵉⵃⴰⵃⴰⵏ.[2][3]
ⵉⵍⵀⴰ ⴷ ⵄⵓⵎⴰⵕ ⴷ ⵜⵔⴰⴱⴱⵓⵜ ⵏⵏⵙ ⴰⵔ ⵙⴽⴰⵔⵏ ⵢⴰⵏ ⵓⴼⵙⵔ ⵏⵖ ⵢⴰⵏ ⵓⴼⵕⵕⵊ ⵏⵏⴰ ⴱⴰⵀⵔⴰ ⵉⵥⵉⵍⵏ ⴷ ⵍⵍⵉ ⵉⵙⵙⵓⵙⵓⵎⵏ ⴰⴳⴷⵓⴷ. ⴷ ⵉⴳ ⵖⵉⵍⴰⴷ ⵢⴰⵏ ⵙⴳ ⵉⵎⵕⵉⵢⵙⵏ ⴷ ⵉⵙⵍⵎⴰⴷⵏ ⵉⵎⵇⵇⵔⴰⵏⵏ ⵏ ⵜⵥⵓⵕⵉ ⴰⴷ, ⴷ ⴰⵔ ⴰⵀⴰ ⵉⵜⵜⴰⵡⵣ ⵖⴼ ⵓⴹⴰⴽⴰⵍ ⵏ ⵓⵣⴷⴷⵓⵢ ⵏ ⵜⵥⵓⵕⵉ ⴰⴷ ⴱⵍⴰ ⴽⵔⴰ ⵏ ⵓⵙⴼⵙⴰ ⴷ ⵓⵔⵊⴰⵏ.
ⴷ ⴰⵔ ⵉⵜⵜⵉⵏⵉ ⵓⵏⴰⵥⵓⵕ ⴰⴷ ⵎⴰⵙ ⵍⵍⴰⵏ ⴽⵔⴰ ⵉⴼⵔⵉⵙⵏ, ⵍⵍⵉ ⵙ ⵉⵅⵚⵚⴰ ⴰⴷ ⵉⵍⵉⵏ ⴳ ⴽⵔⴰⵢⴳⴰⵜⵜ ⴰⵎⵕⵉⵢⵙ ⵏ ⵜⵔⴰⴱⴱⵓⵜ ⵏ ⵓⵃⵡⴰⵛ, ⵍⵍⵉ ⵜⵏ ⵉⴳⴰⵏ ⴷ :
- ⴰⴳⵍⵍⴰ ⴷ ⵜⵓⵎⵎⵍⴰ ⵜⴰⵣⴷⴷⴰⴳⵜ.
- ⵜⵉⵏⵏⵓⵥⴰ ⴷ ⵜⵉⵏⵥⴻⵥⵜ.
- ⴰⵖⵓⴷⵓ ⵏ ⵓⵎⵓⴳⴳⵓ/ⵓⵎⵙⵓⵔⵓⴼ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴷ ⵓⴳⴷⵓⴷ.
- ⴰⴹⴰⴽⴰⵍ ⵏ ⵓⵣⴷⴷⵓⵢ ⵏ ⵜⵥⵓⵕⵉ ⴰⴷ ⴱⵍⴰ ⴽⵔⴰ ⵏ ⵓⵙⴼⵙⴰ ⴷ ⵓⵔⵊⴰⵏ.
- ⵜⴰⵣⵎⵔⵜ ⵖⴼ ⵓⵥⵉⴹⵕ ⵏ ⵜⵎⵙⵜⴳⴳⴰⵔⵜ ⵜⴰⵏⵎⴷⵓⵜ ⵜⵉⵣⵉ ⵏ ⵍⵍⵉ ⵉⵜⵜⵕⵉⵢⵙ ⵜⴰⵔⴰⴱⴱⵓⵜ.
- ⴰⴷ ⴷⴰⵔⵙ ⵢⵉⵍⵉ ⵢⵉⵎⴰⵏ ⵏ ⵜⵥⵓⵕⵉ ⵎⵇⵇⴰⵔ ⵓⵔ ⵍⵍⵉⵏ ⵜⵖⵔⴰⴷ.
ⵥⵕ ⵓⴳⴳⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ ⵓⵙⴰⵎⴰ ⵍⵀⴷⴷⴰⵊ (14 ⵉⴱⵔⵉⵔ 2025, ⴰⵎⴰⴳⵔⴰⴷ ⵖⴼ ⵄⵓⵎⴰⵕ ⴱⵓⵄⵊⵉⵏ. ⵜⴰⵙⵏⴰ ⵏ ⵓⵙⴰⵢⵙ أسايس. ⵉⵜⵜⵢⵓⵥⵕⴰ ⴰⵙⵙ ⵏ 13/1/2026.
- ^ ⴰⵎⴷⵢⴰⵣ ⵏⵓⵕ (2024-11-03), ⵢⴰⵏ ⵓⴱⵉⴷⵢⵓ ⵏ ⵕⵕⴰⵢⵙ ⵄⵓⵎⴰⵕ ⴳ ⵢⵓⵜⵓⴱ. ⵉⵜⵜⵢⵓⵥⵕⴰ ⴳ 13/1/2026 - ⴳ ⵢⵓⵜⵢⵓⴱ.
- ^ Tachlhit ino - ⵜⴰⵛⵍⵃⵉⵜ ⵉⵏⵓ (2025-01-06). #جديد #احواش #احاحان #تمنار jadid# ahwach# ihahane#2025 #shortvideo. Retrieved 2026-01-13 – via YouTube.