ⵄⵎⵎⵓⵔⵉ ⵎⴱⴰⵔⴽ
| ⴰⵏⴰⵥⵓⵕ ⴰⵎⴰⵣⵉⵖ | |
|---|---|
| ⵄⵎⵎⵓⵔⵉ ⵎⴱⴰⵔⴽ | |
 | |
| ⵉⵏⵖⵎⵉⵙⵏ ⵓⴷⵎⴰⵡⴰⵏⵏ | |
| ⵜⴰⵍⴰⵍⵉⵜ | 1951 ⵜⴰⵔⵓⴷⴰⵏⵜ |
| ⵜⴰⵎⵜⵜⴰⵏⵜ | 14 ⴱⵕⴰⵢⵕ 2015 ⵜⴰⴷⴷⴰⵔⵜ ⵜⵓⵎⵍⵉⵍⵜ |
| ⵜⴰⵎⵓⵔⵉ | ⵍⵎⵖⵔⵉⴱ |
| ⴰⵥⵓⵕ | ⴰⵎⴰⵣⵉⵖ |
| ⵜⵓⴷⵔⵜ ⵜⴰⵣⵣⵓⵍⴰⵏⵜ | |
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⵄⵎⵎⵓⵔⵉ ⵎⴱⴰⵕⴽ ⵉⵍⵓⵍ ⴰⵙⴳⴳⵯⴰⵙ ⵏ 1951 ⴳ ⵉⵔⴳⵉⵜⵏ, ⵖ ⵉⴹⴰⵕⵏ ⵏ ⵡⴰⵟⵍⴰⵙ ⴰⵎⵇⵇⵔⴰⵏ ⵜⴰⵎⴰ ⵏ ⵜⴰⵔⵓⴷⴰⵏⵜ ⴳ ⵜⵙⴳⴰ ⵏ ⵙⵓⵙ. ⵉⵎⵎⵓⵜ ⴰⵙⵙ ⵏ 14 ⴱⵕⴰⵢⵕ 2015 ⴳ ⵜⴰⴷⴷⴰⵔⵜ ⵜⵓⵎⵍⵉⵍⵜ. ⵉⴳⴰ ⵢⴰⵏ ⵓⵏⴰⵥⵓⵕ ⴰⵎⵖⵔⵉⴱⵉ ⴰⵛⵍⵃⵉ ⵉⵙⵙⵏⵏ ⴰⴷ ⵉⵙⴽⵔ ⵉⵥⵍⵉ, ⴰⴷ ⵉⵖⵏⵏⵊ ⴷ ⴰⴷ ⵉⵓⵜ ⵙ ⵡⴰⵍⵍⵓⵏⵏ. ⵜⵜⵉⵏⵉⵏ ⴼⵍⵍⴰⵙ ⵉⵙ ⵉⴳⴰ ⵢⴰⵏ ⵓⵎⵙⵏⴼⵍⵓⵍ ⴳ ⵓⵣⴰⵡⴰⵏ ⴰⵎⴰⵣⵉⵖ[1].
ⵜⵓⴷⵔⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
ⵜⴳⴰ ⵜⵎⵏⴰⴹⵜ ⴰⴷ ⵏ ⵜⵔⵓⴷⴰⵏⵜ ⵢⴰⵏ ⵓⴷⵖⴰⵔ ⵍⵍⵉ ⵖ ⵉⴳⴳⵓⵜ ⵓⵎⴰⵔⴳ ⴰⵎⴰⵣⵉⵖ ⴷ ⵉⵎⴰⵙⵙⵏ ⵏⵏⵙ, ⴰⵢⵍⵍⵉ ⵔⴰⴷ ⵉⵙⴳⴰⴷⴷⴰ ⴰⴷⵖⴰⵔ ⵏ ⵜⵍⴰⵍⵉⵜ ⵏ ⵓⵎⴰⵔⴳ ⴰⵎⴰⵢⵏⵓ ⵉⵙⵙⵡⴰⵏ ⵙ ⵍⴰⵕⵢⴰⵃ ⵏ ⵉⵃⵡⴰⵛⵏ ⴷ ⵓⵎⴰⵔⴳ ⴰⵇⴱⵓⵔ ⵏ ⵕⵕⵡⴰⵢⵙ, ⵉⴼⴽ ⴰⵜⵉⴳ ⵉ ⵓⵥⴰⵡⴰⵏ ⴰⵎⴰⵣⵉⵖ.
ⵖⵉⵏⵏ ⵏⵉⵜ ⴰ ⵖ ⵜ ⵉⵣⴷⵖ ⵓⵎⴰⵔⴳ, ⵢⴰⵔⵓ ⴳⵉⵙ ⴰⵎⵓⴷ ⵏ ⵓⵡⵓⵊⴷⵓ ⴷ ⵉⴳⴷⴼⴰⵏ ⵏ ⵜⴰⴹⴼⵉ ⵓⵔ ⵉⵏⵡⵉⵏ ⴰⵎⵔ ⵖ ⵜⴼⴹⵏⵉⵡⵉⵏ ⵏ ⵜⴳⵓⵔⵉ ⴷ ⵜⵉⵢⵢⵜ, ⵓⵔ ⵜⴰ ⵢⵓⵙⵉ ⴰⴹⴰⵕ ⵏⵏⵙ ⴰⴷ ⵢⴰⵙⵉ ⴰⴳⵎⵎⴰⵢ ⵢⴰⴹⵏ ⵖ ⵜⴰⴷⴷⵔⵡⵉⵏ ⵏ ⵜⵔⵓⴷⴰⵏⵜ ⴷ ⵜⵉⵙⵡⴰⴽ ⵏⵏⵙ ⵍⵍⴰⵙⵏⵉⵏ. ⵜⴰⵎ ⵉⵙⴳⴳⵯⴰⵙⵏ ⴰⴷ ⴷⴰⵔⵙ ⵉⵍⵍⴰⵏ ⵍⵍⵉⵖ ⵏⵏ ⵉⵍⴽⵎ ⵜⴰⵔⵓⴷⴰⵏⵜ ⵉⵣⴷⵖ ⵖ ⵢⴰⵜ ⵜⴳⵎⵎⵉ ⵏ ⵡⴰⵣⵣⴰⵏⵏ ⴼ ⵍⵍⴰⵏⵜ "ⵜⵢⵜⵎⴰⵜⵉⵏ ⵜⵉⴽⴰⵜⵓⵍⵉⴽⵉⵏ" ⵉⴹⴼⵔ ⴳⵉⵙ ⵜⵉⵖⵔⵉ ⴰⵢⵍⵍⵉⵖ ⵉⵣⵔⵉ ⵜⵉⵖⵃⵔⵉ ⵉⵣⵡⴰⵔⵏ ⵉⴽⵛⵎ ⵉⵍⵎⵎⴰ ⵙ ⵜⵉⵏⵎⵍ "ⴱⵏ ⵙⵍⵉⵎⴰⵏ ⵔⵔⵓⴷⴰⵏⵉ". ⵓⴼⵓⵖ ⴰⴷ ⵙ ⴱⵕⵕⴰ ⵏ "ⵓⵎⴰⵍⵓ" ⵉⵜⵜⵓⴹⵕⴰⵙⵏ ⵏ ⵜⴳⵎⵎⵉ ⵏ ⵜⵢⵜⴰⵎⴰⵜⵉⵏ ⴰⴷ ⵜ ⵉⵔⴳⵏ ⵜⵉⴽⵍⵉⵜ ⵢⴰⴹⵏ ⵉ ⵓⵣⵡⵓ ⵏ ⵓⵎⴰⵔⴳ ⴷ ⵜⵖⴰⵡⵙⵉⵡⵉⵏ ⵉⵎⴰⵏⵏ ⵏ ⵓⵎⴰⴹⴰⵍ. ⵙⴽⵔⵏ, ⵏⵜⵜⴰⵏ ⴷ ⴽⵔⴰⵏ ⵏ ⵉⵄⵣⵔⵉⵢⵏ ⵍⵍⵉ ⴷ ⵢⴰⵇⵇⵔⴰ, ⵢⴰⵜ ⵜⵔⴰⴱⴱⵓⵜ ⵏ ⵓⵎⴰⵔⴳ ⵜⴰⵜⵔⴰⵔⵜ ⵙⵎⵎⵓⵏ ⴰⵙ "ⵍⵙ ⴱⵉⵔⴷⵙ" (ⵉⴳⴹⴰⴹ ⵙ ⵜⵏⴳⵍⵉⵣⵜ). ⵉⵙⵎ ⴰⴷ ⴰⵔ ⵢⴰⴽⴽⴰ ⴰⴳⵯⵏⵙ ⵏ ⵜⵖⵍⴰⵖⴰⵍⵜ ⵍⵍⵉⵖ ⵉⵍⵓⵍ ⵡⴰⵔⵔⴰⵎ ⴰⴷ ⵏⵏⵙⵏ. ⵜⴰⴳⴰⵔⴰ ⵏ ⵉⵙⴳⴳⵡⴰⵙⵏ 60 ⵥⵍⵉⵏ ⵙ ⵜⵎⵉⵜⴰⵔ ⴼⵍⵏⵜ ⵜⵔⵓⴱⴱⴰ ⵉⵜⵜⵉⵔⵉⵔⵏ ⵙ ⵜⵏⴳⵍⵉⵣⵜ ⵖ ⵓⵎⴰⴹⵍ, ⵣⵓⵏ ⴷ ⴱⵉⵜⵍⵣ (ⴱⴰⵜⵍⵙ), ⴷ ⵜⵉⵢⵢⴰⴹ. ⵉⵄⵣⵔⵉⵢⵏ ⵏ ⵜⵔⵓⴷⴰⵏⵜ, ⵣⵓⵏ ⴷ ⴰⴽⴽⵯ ⵉⵏⴳⴳⴰ ⵏⵏⵙⵏ ⵖ ⵜⵎⴷⵉⵏⵉⵏ ⵢⴰⴹⵏ ⴷ ⵜⵎⵉⵣⴰⵔ ⵢⴰⴹⵏ, ⵓⵙⵉⵏ ⵉⵎⴰⵙⵙⵏ ⵍⵍⵉ ⵎⵉ ⵙⵙⵏⵏ, ⴰⵔ ⵜⵜⵉⵔⵉⵔⵏ ⵙ ⵉⵡⴰⵍⵉⵡⵏ ⵙⵙⵏⵏ ⴷ ⵡⵉⴷ ⵓⵔ ⵙⵙⵏⵏ ⴽⵉⴳⴰⵏ, ⴰⴷ ⴷ ⵜⵔⴰⵔⴰⵏ ⵜⴰⵖⵍⴰⵖⴰⵍⵜ, ⵉⴼⵍ ⵡⴰⵔⵔⴰⵎ ⴰⴷ ⴰⵜⵔⴰⵔ ⵖ ⵉⴳⵏⵙⵉⵡⵏ ⵏⵏⵙⵏ ⴳⵔⴰⵡⵍⵏⵉⵏ. ⵖⵉⴷ ⴰⵖ ⴷ ⵜⵍⵓⵍ ⵜⵡⵏⴳⵉⵎⵜ ⵏ ⵍⵙ ⴱⵉⵔⴷⵙ, ⵢⵉⵔⵉⵔ ⵄⵎⵎⵓⵔⵉ ⴷ ⵉⵎⴷⴷⵓⴽⴽⴰⵍ ⵏⵏⵙ ⵜⵓⵔⴰⵔⵉⵏ ⵙ ⵜⴼⵔⴰⵏⵙⵉⵙⵜ, ⵎⴰⵛⴰ ⵉⵖⴰⵔⴰⵙⵏ ⵏ ⵜⵉⵖⵔⵉ ⴰⵔ ⵜⵜⵉⵙⵎⴰⴷⵏ, ⴰⵔ ⵉⴷⵙⵏ ⵜⵜⵉⵙⵎⴰⴷⵏ ⵉⵖⴰⵔⴰⵙⵏ ⵍⵍⵉ ⵢⵉⴷⵙⵏ ⵉⵎⴰⵏⵏ, ⵎⴽⴰⵏ ⴰ ⴼ ⴷⴰⵖ ⵢⵓⵙⵉ ⵎⴱⴰⵔⴽ ⴰⴹⴰⵕ ⵏⵏⵙ ⵉⵍⴽⵎ ⴰⴳⴰⴷⵉⵔ. ⵉⵙⵡⵓⵔⵔⵉ ⴳⵉⵙ, ⵢⴰⵙⵉ ⵢⵉⴷⵙ ⵜⴰⵢⵔⵉ ⴷ ⵡⴰⵟⵟⴰⵏ ⵏ ⵓⵎⴰⵔⴳ, ⵜⵉⵣⵉ ⴰⵏⵏ, ⵓⵔ ⴷ ⵙⵓⵍ ⵜⵉⵔⴰⴱⵓⵜⵜⵉⵏ ⵏ ⴱⵕⵕⴰ ⴰⴷ ⵉⵙⴰⵏⵏⵓⵏ ⵉⵥⵕⵉ ⵏⵏⵙ, ⵎⴰⵛⵛ ⴰⵔⵔⴰⵎ ⵏ ⵜⵔⴰⴱⴱⵓⵜ ⵏⴰⵙ ⵍⵖⵉⵡⴰⵏ ⴰ ⴼ ⴷ ⵉⴼⴰⵡ ⵡⴰⵙⵙ ⵏ ⵍⵎⵖⵔⵉⴱ ⵖ ⵜⵣⵡⵓⵔⵉ ⵏ ⵜⵎⵔⴰⵡⵜ 70 ⵎⵓⵏⵏ ⴷⵉⴷⵙ ⵜⵓⴳⴳⵜ ⵏ ⵉⵄⵣⵔⴰⵢ ⵖ ⵜⵍⵓⵍ ⵜⴰⵢⵔⵉ ⵏ ⵓⵎⴰⵔⴳ. ⵎⴱⴰⵔⴽ, ⵣⵓⵏ ⴷ ⴰⴽⴽⵯ ⵡⵉⵢⵢⴰⴹ, ⵉⴹⴼⵔ ⴰⵏⴳⵉ, ⵉⵎⵓⵏ ⴷ ⵢⴰⵜ ⵜⵔⴰⴱⴱⵓⵜ ⵖ ⵜⵣⵏⵉⵜ, ⴰⵔ ⵜⵜⵓⵔⴰⵔⵏ ⵙ ⵜⵄⵔⴰⴱⵜ. ⵎⴰⵛⴰ ⵍⵍⴰⵏ ⵉⵏⵎⵓⴳⴳⴰⵔⵏ, ⵖ ⵜⵓⴷⵔⵜ, ⵉⵖⵉⵢⵏ ⴰⴷ ⵔⵥⵎⵏ ⴰⴳⵉⵏⴰⵏ ⵏ ⵡⵓⵙⵙⴰⵏ ⵙ ⵎⴰⴷ ⵏⵏ ⵓⵔ ⵏⵜⴰⵎ, ⵙ ⴽⵔⴰ ⵏ ⵉⴷⵉⵔ ⵓⵔ ⵏⵡⴰⵔⴳⴰ ⵏⵖ ⴰⴽⴽⵯ ⴼ ⵓⵔ ⵏⵙⴽⵔ. ⵎⴰⵢⴰⴷ ⵏⵉⵜ ⴰⴷ ⵉⵊⵕⴰⵏ ⵉ ⵄⵎⵎⵓⵔⵉ, ⵉⵏⵎⴰⴳⴳⴰⵔ ⵖ ⵢⴰⵜ ⵜⵎⵖⵔⴰ ⴷ ⵢⴰⵏ ⵖ ⵉⵎⴰⵙⴰⵢⵏ ⵏ ⵓⴳⵔⴰⵡ ⵏ ⵍⵎⵖⵔⵉⴱ ⵖ ⵉⵙⵉⴳⴳⵍ ⴷ ⵉⵙⵏⵉⴼⵉⵍⵏ ⵏ ⵜⵓⵙⵙⵏⴰ (ⴰⵎⵔⵛ). ⵉⵏⵎⴰⴳⴳⴰⵔ ⵉⴷⵙ ⵖ ⵢⴰⵏ ⵓⵣⵎⵣ ⵖ ⵜⵔⴰ ⵜⵏⵙⵎⵓⵏⵜ ⴰ ⴰⴷ ⵜⵙⴼⴰⵍⴽⵉ ⴰⵔⵔⴰⵎ, ⵙⴰⵜⵏ ⴽⵔⴰ ⵏ ⵉⵎⵙⵍⴰⵢⵏ ⴳⵉⵙ ⵖ ⵢⵉⴳⵔ ⵏ ⵓⵎⴰⵔⴳ ⴰⵎⴰⵣⵉⵖ. ⵍⵍⵉⵖ ⵉⵥⵔⴰ ⵎⴱⴰⵔⴽ ⵖ ⵓⵖⵓⵔⵉ ⴰⴷ ⵢⴰⵜ ⵜⵖⴰⵡⵙⴰ ⵉⵥⴹⴰⵕⵏ ⴰⴷ ⵜ ⵉⵣⴷⵉ ⵙ ⵢⴰⵜ ⵜⴽⵍⵉⵜ ⴷ ⵜⵖⵍⴰⵖⴰⵍⵉⵏ ⵏ ⵓⵎⴰⵔⴳ ⵉⵜⵜⵏⵓⵏⵓⵢⵏ ⵖ ⵢⵉⵅⴼ ⵏⵏⵙ ⴷ ⵜⵖⵍⴰⵖⴰⵍⵉⵏ ⵏ ⵜⵎⴰⴳⵉⵜ ⵢⵓⴳⵎ ⵖ ⵉⴳⴳⵉ ⵏ ⵜⵡⵔⵉⵔⵉⵏ, ⵙⵓⵍ ⵉⵎⵥⵥⵉⵢ, ⴰⵔ ⵉⴽⵙⵙⴰ ⵓⵍⵍⵉ ⴷ ⵜⵡⴰⵔⴳⵉⵡⵉⵏ ⵏ ⵎⵥⵥⵉⵢ ⴷ ⵜⵎⴰⵣⵉⵔⵜ, ⵉⵙⴰⴷⵎⵔ, ⵢⴰⵙⵉ ⵉⵔⵉⴼⵉ ⵏⵏⵙ ⵉⵎⵓⴷⴷⵓ ⵙ ⵕⵕⴱⴰⴹ. ⵖⵉⵏⵏ ⴰ ⵖ ⵉⵏⵎⴰⴳⴳⴰⵔ ⴷ ⵉⵎⴷⴷⵓⴽⴰⵍ ⵍⵍⵉ ⵙ ⵙⴽⵔⵏ ⵜⴰⵔⴰⴱⵓⵜ ⵏ ⵓⵙⵎⴰⵏ ⵣⵓⵏ ⴷ ⴱⵓⵜⵔⵓⴼⵉⵏ, ⴱⵉⵊⵄⴰⴷ, ⵍⵄⴽⴽⴰⴼ ⴷ ⵡⵉⵢⵢⴰⴹ. ⵖⵉⵏ ⵏⵉⵜ ⴰ ⵖ ⴷ ⵢⵉⵡⵉ ⴼ ⵓⵙⵏⵓⵍⴼⵓ ⴰⵎⴰⵢⵏⵓ ⵖ ⵓⵎⴰⵔⴳ ⴰⵎⴰⵣⵉⵖ ⵍⵍⵉ ⵎⵉ ⵉⵣⵡⴰⵔ ⵄⵍⵉ ⴰⵣⴰⵢⴽⵓ, ⵎⵓⵃⵎⵎⴰⴷ ⵎⵓⵙⵜⴰⵡⵉ, ⴰⵅⵉⵢⵢⴰⵟ. ⵎⴰⵛⴰ ⵓⵔ ⵉⴽⴽⵉ ⵓⵣⵎⵣ ⵢⴰⵜ (ⵉⴳⴳⵉ ⵏ ⴽⵔⴰⴹ ⵉⵙⴳⴳⴰⵙⵏ) ⵜⴱⴹⵓ ⵜⵔⴰⴱⴱⵓⵜ; ⵎⴰⵛⴰ ⵎⴱⴰⵔⴽ ⵓⵔ ⵉⴼⵉⵍ ⴰⵎⴰⵔⴳ; ⵓⵔ ⵉⴱⴹⵉ ⴷ ⵜⵏⴰⵏⴰ ⵉⵖⵍⴰⵖⵍⵏ ⵖ ⵉⴳⵯⵏⵙⵉⵡⵏ ⵏⵏⵙ. ⵉⵙⵎⴷ ⵙⵍⴰⵖ ⵏⵜⵜⴰⵏ (ⵡⴰⵃⴷⵓ ⵜ, ⵖⴰⵔ ⵏⵜⵜⴰⵏ) ⴰⵖⴰⵔⴰⵙ ⵏⵏⵙ, ⵢⴰⵙⵉ ⵜⴰⴳⵉⵟⴰⵔⵜ, ⵏⵖ ⴰⵎⵣⴰⴷ, ⴰⵔ ⵉⵙⵉⴳⴳⵉⵍ ⵉⴷⵉⵔⵏ, ⵏⵖ ⵉⴳⴳⵉⵜⵏ, ⴷⵔⴰⵏⵉⵏ ⵏ ⵓⵎⴰⵔⴳ ⴷ ⵡⵓⵔⴰⵔⵏ ⴰⴳⴳⵓⴳⵏⵉⵏ ⵖ ⵓⴳⵯⵏⵙ ⵏⵏⵙ, ⵖ ⵉⵎⴰⵏ, ⵖ ⵜⴳⵓⵔⵉⵡⵉⵏ ⴷ ⵜⴳⵓⴷⵉⵡⵉⵏ. ⵉⵙⵙⵓⴼⵖ ⴷ ⵜⴰⵙⵙⴼⵉⴼⵜ ⵉⵣⵡⴰⵔⵏ ⵖ ⵓⵙⴳⴳⴰⵙ ⵏ 1979. ⵜⴰⵙⴼⵉⴼⵜ ⵍⵍⵉ ⵖ ⵢⵓⵔⴰⵔ ⵜⵉⵎⴷⵢⴰⵣⵉⵏ ⵏ ⵎⵓⵃⵎⵎⴰⴷ ⵎⵓⵙⵜⴰⵡⵉ : ⵜⴰⵣⵣⵡⵉⵜ ⵏⵔⴰ ⵏⴽⴽ ⴷⵉⵎ ⴰ ⵏⵎⵓⵏ. ⴰⵔ ⵜⴰⴷ ⵉⴳⴳⵯⵔⴰⵏ ⵉⵙⴽⵔ ⵏⵜⵜⴰⵏ ⴷ ⵄⵍⵉ ⵛⵓⵀⴰⴷ ⵉⵍⵍⴰⵏ ⵖ ⵜⵔⴰⴱⴱⵓⵜ ⵏ "ⴰⵔⵛⴰⵛ " ⵍⵍⵉⵖ ⵜⵍⴽⵎ ⵜⵉⵟⵟ ⵏⵏⵙⵏ ⴰⵎⴰⵏ ⵖ ⵍⵄⵉⵏ (ⴰⵔ ⴰⵍⵍⴰⵏ).