ⵃⵎⴰⴷ ⴱⵉⵣⵎⴰⵡⵏ
ⵃⵎⴰⴷ ⴱⵉⵣⵎⴰⵡⵏ  | |
|---|---|
ⵙⵏⴼⵍ ⴰⵙⴰⴳⵎ - ⵙⵏⴼⵍ - ⵡⵉⴽⵉⴷⴰⵜⴰ  |
ⵕⵕⴰⵢⵚ ⵃⵎⴰⴷ ⴱⵉⵣⵎⴰⵡⵏ (1948 - 2021 ) ⵉⴳⴰ ⵢⴰⵏ ⵕⵕⴰⵢⵚ ⵍⵍⵉ ⴱⴰⵀⵔⴰ ⵉⵜⵜⵢⵓⵙⵙⴰⵏⵏ ⴳ ⵢⵉⴳⵔ ⵏ ⵓⵎⴰⵔⴳ ⴰⵎⵖⵔⵉⴱⵉ ⴰⵎⴰⵣⵉⵖ, ⵉⴳⴰ ⵙⴳ ⵜⵎⴰⵣⵉⵔⵜ ⵏ ⵉⵃⴰⵃⴰⵏ, ⴷ ⵉⴳ ⵙⴳ ⵡⵉⵍⵍⵉ ⵉⵍⴽⵎⵏ ⵜⵓⴽⴹ ⵏ ⵜⵔⵎⵉⵜ ⵜⴰⵕⵓⵎⴰⵏⵙⵉⵜ ⴳ ⵢⵉⴳⵔ ⵏ ⵜⵥⵓⵕⵉ ⵜⴰⵎⴰⵣⵉⵖⵜ, ⴷ ⴰⵔ ⴰⵙ ⵜⵜⵉⵏⵉⵏ ⴰⵎⴷⵢⴰⵣ ⵏ ⵜⵓⴼⵔⴰⵢⵉⵏ ⴷ ⵉⵙⵢⴰⴼⴰⵜⵏ ⴷ ⵢⵉⵎⵙⵍⵉ ⵏ ⵡⵓⵍⴰⵡⵏ ⵍⵍⵉ ⵉⵕⵥⴰⵏ .ⴷ ⵉⴳ ⵢⴰⵏ ⵙⴳ ⵡⵉⵍⵍⵉ ⵉⵙⵙⵔⵙⵍⵏ ⵜⴰⵥⵓⵕⵉ ⵏ ⵜⵕⵕⵓⵢⵚⴰ, ⴷ ⵉⴳ ⵢⴰⵏ ⵉⵜⵔⵉ ⵍⵍⵉ ⵉⴳⴰⵏ ⴱⴰⴱ ⵓⵙⵎⴰⵢⵏⵓ ⴷ ⴱⴰⴱ ⵉⵙⴳⴳⵔⵉⵜⵏ ⴷ ⴱⴰⴱ ⵏ ⵓⵙⵙⵉⵎⵉⵎ ⴷ ⵓⵙⴰⵜⵜⵓⵢ ⴳ ⵓⵎⴰⵔⴰⴳ ⴰⵎⴰⵣⵉⵖ, ⴷ ⵉⴽⵕⵕⵊ ⵉⵙⵎ ⵏⵏⵙ ⴳ ⵉⵙⴰⵔⴰⴳⵏ ⵓⵍⴰ ⴳ ⵉⵙⵓⵢⴰⵙ, ⴷ ⵉⴳ ⵕⵕⴰⵢⵙ ⵍⵍⵉ ⵉⵙⵙⵏ ⵎⴰⴷ ⵉⵎⵇⵇⵓⵔⵏ ⵓⵍⴰ ⵎⴰⴷ ⵉⵎⵥⵥⵉⵏ, ⵉⵙⵙⵏ ⵜ ⵓⵊⵊⵉⴳ ⵏ ⴼⵍⵉⵍⵓ ⵓⵍⴰ ⵡⵉⵏ ⵍⵖⵍⴱⴰⵣ, ⵉⵙⵙⵏ ⵜ ⵍⵓⵟⴰⵕ ⵓⵍⴰ ⵔⵔⵉⴱⴰⴱ .[1]
ⵜⵓⴷⵔⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵓⵍ ⵕⵕⴰⵢⵙ ⴱⵉⵣⵎⴰⵡⵏ ⴳ ⵓⵙⵓⵏ ⵏ ⵜⵉⵎⵣⵖⵡⵉⵏ ⴳ ⴰⵢⵜ ⵜⴰⵎⵔ ⴳ ⵜⵇⴱⵉⵍⵜ ⵏ ⵉⵃⴰⵃⴰⵏ ⴳ ⵓⵙⴳⴳⵯⴰⵙ ⵏ 1948, ⵉⵙⵎ ⵏⵏⵙ ⴰⴷⵜⵜⴰⵏ ⵃⵎⴰⴷ ⵉⵣⵎⴰⵡⵏ . ⵉⵖⵔⴰ ⵙ ⵉⵣⵡⴰⵔ ⴳ ⵜⵎⵣⴳⵉⴷⴰ ⵉⵎⵉⵍ ⵍⵍⵉⵖ ⴷ ⵉⵎⵇⵇⵓⵔ ⵉⵙⵙⴽⵛⵎ ⵜ ⵉⴱⴱⴰⵙ ⵙ ⵜⵉⵏⵎⵍ, ⴰⵔ ⴰⵙⴳⴳⵯⴰⵙ ⵏ 1962, ⴹⴰⵕⵜ ⵏ ⵜⵎⵜⵜⴰⵏⵜ ⵏ ⴱⴰⴱⴰⵙ, ⵉⵜⵜⵓⴱⵣⵣⴰⵣ ⴼⵍⵍⴰⵙ ⴰⴷ ⵉⵙⵡⵓⵔⵉ ⴷ ⴰⴷ ⵢⴰⵙⵉ ⵜⵉⴳⵎⵎⵉ ⵏⵏⵙ, ⴷ ⵉⵙⵙⵍⵎⴷ ⴰⵙ ⵓⵏⵜⵜⴰⵢ ⵏⵏⵙ/ⵄⵎⵎⵉⵙ ⴽⵓⵍⵍⵓ ⵎⴰⴷ ⵉⵥⵍⵉⵏ ⵙ ⵜⴽⵔⵣⴰ. ⵉⵎⵉⵍ ⵉⵎⵎⵓⴷⴷⵓ ⵙ ⵜⴼⵔⴰⵡⵜ ⵉⵙⵡⵓⵔⵉ ⴳⵉⵙ ⴰⵎ ⵓⵎⵚⴽⴰⵡ/ⴰⴱⵏⵏⴰⵢ, ⵉⵍⵎⵎⴰ ⵉⴷⴷⴰ ⵙ ⵉⵏⴼⵍⴰⴽ ⴰⵔ ⵖⵉⵏⵏ ⵉⴳⵎⵎⵔ ⵉⴳ ⴰⴱⵃⵔⵉ ⴳ ⵜⵏⵣⴼⵔⵓⵜ/ⵚⵚⵃⵕⴰ ⵉⴼⴼⵓⵙ ⵏ ⵍⵎⵖⵔⵉⴱ ⴰⵔ ⴰⵙⴳⴳⵯⴰⵙ ⵏ 1968, ⴷ ⵓⵙⴳⴳⵯⴰⵙ ⴰⴷ ⵏⵉⵜ ⴰⴷ ⴳ ⵉⵎⵎⴰⴳⴳⴰⵔ ⵕⵕⴰⵢⵙ ⵎⵓⵃⵎⵎⴰⴷ ⴷⴷⵎⵙⵉⵔⵉ. ⴰⵏⵎⵓⵇⵇⴰⵔ ⴰⴷ ⴰ ⵔⴰⴷ ⵉⴳ ⵜⵉⵣⵡⵉⵔⵉ ⵏ ⵜⵡⴰⴷⴰ ⵏⵏⵙ ⵜⴰⵥⵓⵕⵏⵜ, ⵍⵍⵉⵖ ⵉⵙⵙⵓⵙⵎ ⴷⴷⵎⵙⵉⵔⵉ ⴹⴰⵕⵜ ⵏ ⵎⴰ ⵉⵖⵏⵊⵊ ⵎⵏⵉⴷ ⵏⵏⵙ ⴳ ⵢⴰⵜ ⵜⵎⵖⵔⴰ ⵜⵓⵙⵍⵉⴳⵜ ⴳ ⴰⵢⵜ ⵜⴰⵎⵔ.
ⴳ 1969 ⵉⵣⵎⵎⴻⵎ ⵜⵓⴳⴷⵉⵎⵜ ⵏⵏⵙ ⵜⴰⵎⵣⵡⴰⵔⵓⵜ, ⴷ ⵜⴰⴷ ⴰⴷ ⵉⴳⴰⵏ ⵜⴰⵙⵙⵓⵙⵔⵜ ⵜⵎⵣⵡⴰⵔⵓⵜ ⴳ ⵍⵎⵖⵔⵉⴱ ⴰⴽⴽⵯ ⴷ ⵉⵍⵍⴰ ⵎⴰⴷ ⵉⵜⵜⵉⵏⵉ ⴳ ⵓⵎⴰⴹⴰⵍ ⴰⴽⴽⵯ, ⵍⵍⵉⴳ ⵉⵙⵓⵙⵔ ⵜⴰⵖⵏⵏⵉⵊⵜ ⵏⵏⵙ ⵏ ⵎⴰⵜⵜⴰ ⵖⵉⴽⴰⴷ (ⵉ) .
ⴷ ⴷⴷⵎⵙⵉⵔⵉ ⴰⴷ ⵜ ⴰⴷⵍⵍⵉ ⵉⵙⵙⴱⵖⵙⵏ ⴰⴼⴰⴷ ⴰⴷ ⵉⴽⵛⵎ ⵙ ⵢⵉⴳⵔ ⵏ ⵓⵎⴰⵔⴳ . ⵓⵔ ⵉⴽⴽⵉ ⴱⵉⵣⵎⴰⵡⵏ ⵢⴰⵜ ⵙⵉⵖ ⵢⵓⴼⴰ ⴰⵎⵎⴰⴽ ⵏⵏⵙ ⴳ ⵜⵥⵓⵕⵉ ⵏ ⵜⵕⵕⵉⵢⵙⴰ, ⴷ ⵏⵜⵜⴰ ⴰⴷ ⴷ ⵉⵙⵙⴽⵛⵎ ⵙ ⵜⵥⵓⵕⵉ ⴰⴷ ⵉⵎⵉⵙⵙ ⵏ ⵟⴰⵎⵟⴰⵎ ⵙⴳ ⵜⵣⵡⵉⵔⵉ ⵏ ⵉⴷ ⵙⴰⵎⵔⴰⵡ, ⴹⴰⵕⵜ ⵏ ⵎⴰ ⴰⴷ ⵜ ⵉⵏⵏ ⴽⴽⴰⵏ ⵕⵕⵡⴰⵢⵙ ⴰⵔ ⵢⴰⴷⵍⵍⵉ ⵙⵙⵎⵔⴰⵙⵏ ⵖⴰⵙ "ⵜⴰⵍⵍⵓⵏⵜ" ⴰⵎⵎ ⴽⵔⴰ ⵏ ⵢⵉⵎⵉⵙⵙ ⵉⴳⴰⵏ ⴰⵎⵏⵢⴰ ⴷ ⵓⵍⴰ ⵏⵏⴰⵇⵓⵙ.
ⴷ ⵉⵙⵏⴼⵍⵓⵍ ⵕⵕⴰⵢⵙ ⴰⴷ ⴽⵔⴰ ⵏ ⵡⴰⵏⵢⴰⵜⵏ ⵇⵇⴰⵎⴰⵏ ⵓⴽⴰⵏ ⵙⵓⵔ ⴳ ⵉⴳⴳⵉ ⵏ ⵡⴰⵍⵙⵉⵏ ⵏ ⵉⵎⵙⵙⵓⵊⵎⵏ/ⵉⵎⴰⵔⴰⵢⵏ ⵏ ⵓⵎⴰⵔⴳ, ⴷ ⴰⵡⴷ ⵉⵏⴹⵎ/ⵉⵙⵙⵏⵉ ⵜⵓⴳⵜⵜ ⵏ ⵜⵎⴷⵢⴰⵣⵉⵏ ⵍⵍⵉ ⵉⵙⵙⵓⵙⵎⵏ ⴰⴳⴷⵓⴷ ⵏ ⵜⵖⵏⵏⵉⵊⵜ ⵜⴰⵎⴰⵣⵉⵖⵜ. ⵉⴽⴽⴰ ⵜ ⵉⵏⵏ ⴱⵉⵣⵎⴰⵡⵏ ⴳ ⵜⵎⴷⵢⴰⵣⵉⵏ ⵏⵏⵙ ⵉⴳⴰ ⴱⵓ ⵓⵏⴼⵓⵙ ⵉⵖⵣⵣⵉⴼⵏ, ⴷ ⴰⵔ ⴱⴰⵀⵔⴰ ⵉⵜⵜⵉⵔⵉⵔ ⵖⴼ ⵜⵓⴼⵔⴰⵢⵉⵏ ⵜⵉⵏⴼⴳⴰⵏⵉⵏ ⵜⵉⴳⵏⵙⴰⵏⵉⵏ ⵙ ⵢⴰⵜ ⵜⵏⵖⴷⴰ ⵉⵎⵇⵇⵓⵔⵏ ⴷ ⵉⵅⴰⵜⵔⵏ, ⴷ ⵙ ⵓⵙⴷⴷⵉⴷ ⴰⵎⵇⵇⵔⴰⵏ ⵖⴼ ⵜⵎⴷⵢⴰⵣⵜ ⵜⴰⵏⵉⵎⴰⵏⵜ ⴷ ⴷ ⵜⵙⵢⴰⴼⴰⵏⵜ ⴷ ⵓⵍⴰ ⵜⵏⴰⴼⴳⴰⵏⵜ ⴰⵢⵍⵍⵉ ⵜ ⵢⵓⵊⵊⴰⵏ ⴰⴷ ⵉⴳ ⴰⵏⵎⵖⵓⵕ ⵏ ⵓⵎⵏⵉⴷ ⴰⵕⵓⵎⴰⵏⵙⵉ ⴳ ⵜⵥⵓⵕⵉ ⵏ ⵕⵕⵡⴰⵢⵚ, ⵙ ⵓⴱⴷⴷⵉ ⵏⵏⵙ ⵖⴼ ⵜⵓⴼⵔⴰⵢⵉⵏ ⵏⵏⵙ ⵜⵓⵙⵍⵉⴳⵉⵏ ⴷ ⵜⵔⵎⵉⵜⵉⵏ ⵏⵏⵙ ⵍⵍⵉⵖ ⴳⴰⵏⵜ ⵜⵎⴷⵢⴰⵣⵉⵏ ⵏⵏⵙ ⵜⴰⵡⵍⴰⴼⵜ ⵜⴰⴷⵜⵜⴰⵏⵜ ⵏ ⵜⵓⴷⵔⵜ ⵏⵏⵙ. ⴷ ⵉⵜⵜⵢⵓⵙⵙⴰⵏ ⴱⵉⵣⵎⴰⵡⵏ ⵙ ⵎⴰⵙ ⴷⴰⵔⵙ ⵜⵍⵍⴰ ⵢⴰⵜ ⵜⵣⴷⴰⵢⵜ ⵎⵇⵇⵓⵔⵏ ⴷ ⵢⵉⵍⵍ, ⴷ ⵜⵉⵣⵉ ⵍⵍⵉ ⵉⴼⵍ ⴰⵎⴰⵔⴳ ⵉⴷⴷⴰ ⵙ ⵜⴰⵎⴰ ⵏ ⵢⵉⵍⵍ ⴳ ⵜⵙⴳⴳⵯⵉⵡⵉⵏ ⵏ ⵜⵣⵏⵉⵜ ⴰⴼⴰⴷ ⴰⴷ ⵖⵉⵏⵏ ⵉⵣⴷⵖ. ⴷ ⵢⵓⵔⴰⵔ ⴽⵉⴳⴰⵏ ⵏ ⵜⵣⵍⴰⵜⵉⵏ ⵖⴼ ⵢⵉⵍⵍ ⴷ ⵉⴱⵃⵔⴰⵢ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⵢⵔⵉ ⵏⵏⵙ ⵜⴰⵎⵇⵇⵔⴰⵏⵜ ⵉ ⵢⵉⵍⵍ .[2]
ⵉⴼⵍ ⴱⵉⵣⵎⴰⵡⵏ ⴰⵎⴰⵔⴳ ⵜⵓⴳⵜⵜ ⵏ ⵉⵙⴳⴳⵯⴰⵙⵏ, ⴹⴰⵕⵜ ⵏ ⵎⴰⵢⴷ ⵜ ⵉⵏⵏ ⵉⴽⴽⴰ ⴳ ⵜⵓⴽⵯⵟ ⵏⵏⵙ ⵏⵜⵜⴰ ⴷ ⵉⵏⴰⵥⵓⵕⵏ ⵢⴰⴹⵏ, ⵙ ⴽⵔⴰ ⵏ ⵉⵎⵏⵜⵉⵍⵏ ⵓⵙⵍⵉⴳⵏ. ⴷ ⵜⵙⴽⵔ ⵜⵔⴰⴱⴱⵓⵜ ⵏ ⵉⵎⵖⵔⴰⵏ ⴳ ⵓⵙⴳⴳⵯⴰⵙ ⵏ 2006 ⴰⵍⴰⵙ ⵏ ⵓⴼⴰⵔⵙ ⵏ ⵜⵡⵓⵔⵉⵡⵉⵏ ⵏⵏⵙ ⵜⵉⵇⴱⵓⵔⵉⵏ ⵍⵍⵉ ⵢⵓⵎⵥⵏ ⵢⴰⵏ ⵓⵎⵓⵔⵙ ⵍⵍⵉ ⵓⵔ ⵉⵍⵍⵉⵏ ⴰⵎ ⵏⵜⵜⴰ ⵣⵓⵏ ⴷ ⵓⴽⴰⵏ ⵉⴳ ⴷ ⴼⴼⴰⵖⵏⵜ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ, ⴰⵢⵍⵍⵉ ⵉⵎⵎⴰⵍⵏ ⴰⵇⵇⵉⵎⵉ ⵏⵏⵙ ⴳ ⵡⵓⵍⴰⵡⵏ ⵏ ⵎⴷⴷⵏ ⵎⵇⵇⴰⵔ ⵉⵖⴰⴱ ⵖⴼ ⵓⴱⴰⵔⴰⵣ ⴰⵥⵓⵕⴰⵏ. ⵉⴳⴰ ⵓⵣⵎⵣⵣⵓ ⴰⴷ ⵢⴰⵏ ⵙⴳ ⵉⵎⵏⵜⵉⵍⵏ ⵉⵅⴰⵜⴰⵔⵏ ⵍⵍⵉ ⵢⵓⴷⵊⴰⵏ ⵕⵕⴰⵢⵙ ⵃⵎⴰⴷ ⴱⵉⵣⵎⴰⵡⵏ ⴰⴷ ⵢⵓⵔⵔⵉ ⴷⴰⵖ ⵙ ⵓⵎⴰⵔⴳ ⴷ ⵜⵕⵕⵓⵢⵚⴰ.
ⴷ ⵢⵓⵡⵉ ⵜⴰⵙⵎⵖⵓⵔⵜ ⵏ ⵜⵖⵏⵏⵉⵊⵜ ⵜⴰⴱⵍⴷⵉⵜ ⵖⴼ ⵡⴰⵍⴱⵓⵎ ⵏⵏⵙ ⵍⵍⵉ ⴷ ⵉⴼⴼⵖⵏ ⴳ ⵓⵙⴳⴳⵯⴰⵙ ⵏ 2007 ⴰⵛⴽⵓ ⵜⵉⵣⵉ ⴰⵏⵏ ⴰⴷ ⴷ ⵢⵓⵔⵔⵉ ⵙ ⵢⵉⴳⵔ ⵏ ⵜⵕⵕⵓⵢⵚⴰ ⴹⴰⵕⵜ ⵎⴰⴷ ⵜ ⵉⴼⵍ ⵎⴰⴷ ⵉⵜⵜⴳⴳⴰⵏ ⵙⵉⵎⵔⴰⵡ ⵏ ⵉⵙⴳⴳⵯⴰⵙⵏ, ⴷ ⴰⵔ ⴰⵏⵖ ⵎⵎⴰⵍⴰⵏⵜ ⵜⵎⴷⵢⴰⵣⵉⵏ ⵏⵏⵙ ⵍⵍⵉ ⵉⴳⴳⵓⵔⴰⵏ ⵎⴰ ⵙ ⵜ ⵢⵓⵡⵉ ⴱⴰⵀⵔⴰ ⴳ ⵜⵎⵙⴰⵔⵉⵏ ⵏ ⵓⴼⴳⴰⵏ ⴷ ⵜⴰⵙⵙⴰⵙⵉⵏ ⵏⵏⵙ, ⴷ ⴰⵡⴷ ⵖⴼ ⵜⵔⵎⵉⵜ ⵏⵏⵙ ⴳ ⵜⵓⴷⵔⵜ ⵙ ⵢⴰⵜ ⵜⴱⵔⵉⴷⵜ ⵉⵏⵖⴱⴰⵏ ⴷ ⵉⵜⵜⴱⴱⵉⵏ ⵓⵍ .[3]
ⵎⴰⵛⴰ ⵓⵔ ⵜ ⵉⵙⵙⵓⵙⵉⵎ ⵎⴽⴰⵏⵏ ⵍⵍⵉ ⵙⴽⴰⵔⵏ ⵉⵎⵖⵔⴰⵏ ⵍⵍⵉⵖ ⴰⵔ ⵜⵜⴰⵍⵙⵏ ⵉ ⵜⵎⴷⵢⴰⵣⵉⵏ ⵏⵏⵙ, ⴷ ⵉⵙⵙⵓⴼⵖ ⴷ ⴼⵍⵍⴰⵙ ⴱⵉⵣⵎⴰⵡⵏ ⵙⵏⴰⵜ ⵜⵣⵍⴰⵜⵉⵏ ⵢⴰⵜ ⵙⴳⵉⵙⵏⵜ ⵉⵏⵏⴰ ⴳⵉⵙ:
- ⵛⴰⵀⴷⴰⵜ ⴰ ⵢⴰⵏ ⵉⵙⵍⵍⴰⵏ ⵓⵍⴰ ⵖⵡⵉⵍⵍⵉ ⵉⵥⵕⵕⴰⵏ
- ⵉⵙ ⵔⵉⵖ ⴰⴷ ⴰⵍⵍⴰⵖ ⵉⵎⵟⵟⴰⵡⵏ ⴰⴷ ⵓⵔ ⴱⴰⵢⵏⵏ
- ⴰⴷ ⵏⴰⵍⵍⴰ ⵙ ⵓⴳⵏⵙ ⵉⵎⵎⴰ ⵡⵉⵏ ⴱⵕⵕⴰ ⵣⵡⴰⵏ ⴰⵖ ⴰⴽⴽⵯ
- ⵏⵥⵕⴰ ⵏⵏ ⵍⵅⵉⵔ ⵉⵏⵓ ⵢⵓⵙⵉ ⴷ ⵙⵉⵜⵉ ⵉⵊⵉⵍⵍⵉⵛⵏ
- ⴰⵖⵔⵓⵎ ⵉⵏⵓ ⵍⵍⵉ ⵙ ⵓⵙⵉⵖ ⴰⵥⵕⵓ ⴰⵔ ⴰⵖ ⴷ ⵉⴽⴽⴰⵜ
- ⵛⴰⵀⴷ ⴰ ⵢⴰⵏ ⴰⵖ ⵉⵙⵙⵏⵏ ⵉⵙ ⵓⵔ ⵏⵃⴳⵉⵔ ⵢⴰⵏ
- ⵉⵣ ⴷ ⴰⵡⴰⵍ ⵉⵏⵓ ⴽⴰ ⴷ ⴽ ⵉⵙⴰⴽⴰⵏ ⵜⵉⵇⵇⴱⵉⵍⵉⵏ
- ⵉⴽⴽⵙ ⴰⵡⵏ ⵜⴰⵎⵎⴰⵔⴰ ⵜⵍⵙⵉⵎ ⵀⵍⵍⵉ ⵉⴷⵓⴽⴰⵏ
- ⵉⵎⵍⴰ ⴽ ⵉ ⵎⵉⴷⴷⵏ ⵎⵍⵏ ⴰⴽ ⵉⵔⴳⴰⵣⵏ ⵄⴷⵍⵏⵉⵏ
ⵙⴳ ⵜⵎⴷⵢⴰⵣⵉⵏ ⵏⵏⴰ ⴷⴰⵔⵙ ⴱⴰⵀⵔⴰ ⵉⵜⵜⵢⵓⵙⵙⴰⵏⵏ ⴳ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏⵏⵙ, ⵜⴰⵎⴷⵢⴰⵣⵜ ⵏ "ⴰⵟⴱⵉⴱ ⴰⵟⵎⵎⴰⵄ" ⵍⵍⵉⴳ ⴳⵉⵙ ⵢⵓⵍⵙ ⴰⵎⵓⴳⴳⵓ ⵏ ⵓⵎⵙⴳⵏⴰⴼ ⴷⵉⴷⵙ ⵜⵉⵣⵉ ⵍⵍⵉ ⵢⵓⴹⵏ:
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵓⵡⵉⵖ ⴷ ⵓⴽⴰⵏ ⴰⵟⵟⴰⵏ ⵙ ⴷⴰⵔ ⵓⵟⴱⵉⴱ ⴰⴷ ⴰⵖ ⴷⴰⵡⴰⵏ (ⵉ)
- ⵉⵍⵓⵃ ⴼⵍⵍⴰ ⵢⴰⵜ ⵜⵉⵟⵟⵜ ⴰⵢⵍⵍⵉⵖ ⵉⵥⵕⴰ ⵍⴰⵀⵎⵓⵎ ⵏⵏⵖ
- ⴰ ⴹⵕⵖ ⴼ ⵍⴱⴰⵢⴰⵚ ⵓⵔ ⵏⵄⴰⵇⵇⵉⵍ ⴽⵓⵍⵍⵓ ⴱⵍⵉⵙⵉⵖ (ⵉ)
- ⵉⵙⴰⴽ ⴷ ⴰⴼⵓⵙ ⵉ ⵍⵎⵊⵉⴱⴱ ⵏⵏⵖ ⵓⵔ ⴳⵉⵙ ⵉⵥⵕⴰ ⵢⴰⵜ
- ⵉⵥⵕⵏ ⵏⵏ ⴽⵓⵍⵍⵓ ⵜⵉⴳⴳⴰⵙ ⵉⵏⵓ ⵥⵕⵏ ⵜⴰⵙⴰ ⴷ ⵡⵓⵍ ⵏⵏⵖ (ⵉ)
- ⵉⵇⵇⵏ ⴷ ⴼⵍⵍⴰ ⵜⵉⴼⵍⵡⵉⵏ ⵏ ⵍⴱⵉⵜ ⵉⵔⴳⵍ ⵜⵏⵜ
- ⵀⴰ ⵏⵏ ⵓⵔ ⴷ ⵍⵎⴰⵍ ⴰⴷ ⴰⵏⵖ ⵉⵅⴰⵚⵚⴰⵏ ⵉⵙ ⴽ ⵏⵊⵕⵕⴱ ⵓⴽⴰⵏ (ⵉ)
- ⴰ ⴰⵟⴱⵉⴱ ⵉⴳⴰⵏ ⴰⵟⵎⵎⴰⵄ ⵓⵔ ⴳⵉⴽ ⵉⵕⵊⴰ ⵢⴰⵏ
- ⴰⴷ ⵜⵏ ⵜⴷⴰⵡⴰⵎ ⵕⴱⴱⵉ ⴰⴷ ⵉⵥⴹⵕⵏ ⴰⴷ ⵉⴷⴰⵡⴰ ⵍⵊⴰⵎⵉⵄ (ⵉ)
- ⵣⴰⵢⴷ ⵓⴽⴰⵏ ⵀⴰⵜ ⵓⵔ ⴰⴽ ⵏⵙⵎⵃ ⵓⵍⴰ ⵕⵥⵎⵖ ⴰⴽ .
ⴹⴰⵕⵜ ⵏ ⵉⵙⴳⴳⵯⴰⵙⵏ ⴼ ⵉⵙⴳⴳⵯⴰⵙⵏ, ⵍⵀⴰⵏⵜ ⵜⵎⴷⵢⴰⵣⵉⵏ ⵏ ⴱⵉⵣⵎⴰⵡⵏ ⴰⵔ ⵏⵏ ⵜⴳⴹⴰⵢⵏⵜ ⴳ ⵉⵏⵣⴳⵓⵎⵏ ⵏ ⵡⴰⵎⵓⵏ ⵙ ⵜⴱⵔⵉⴷⵜ ⴷ ⵡⴰⵏⵢⴰ ⵏⵏⵙ ⵉⵥⵍⵉⵏ. ⴰⵎ ⵜⴰⵎⵣⵢⴰⵣⵜ ⵍⵍⵉⴳ ⴰⵔ ⴳⵉⵙ ⵉⵙⴰⵡⴰⵍ ⵖⴼ ⴰⵢⵍⵍⵉ ⵉⵜⵜⵊⵕⵓⵏ ⴳ ⵓⵎⴰⴹⴰⵍ ⵜⵉⵣⵉ ⴰⵏⵏ .
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵉⵏⴰⵜ ⵔⵊⴰ ⴼ ⵍⵍⴰⵀ
- ⴰ ⵍⴰⵟⵉⴼ ⵖⴰⴷ ⴷ ⵉⴷⵔⵏ ⵉ ⴷⴷⵓⵏⵉⵜ ⵉⵥⵥⵎⴰ ⴰⵏⵖ (ⴰ)
- ⴰ ⵍⴰⵟⵉⴼ ⵖⴰⴷ ⴷ ⵉⴼⴼⵓⵖⵏ ⵙ ⴷⴷⵓⵏⵉⵜ ⵀⴰⵡⵡⵍⵏⵜ (ⴰ)
- ⵉⴳⴰ ⵣⵓⵏ ⴷ ⴰⵙⴰⴼⵓ ⵖⵉⵏⵏⴰ ⴼ ⵉⴹⵕ ⵉⵃⵕⴳ ⵜ (ⴰ)
- ⵉⵍⵍⴰ ⴳⵉⵙ ⵡⴰⵟⵟⴰⵏ ⵉⵍⵍⴰ ⴳⵉⵙ ⵍⵃⵕⴱ ⴷ ⵍⵎⴰⵡⵜ (ⴰ)
- ⵉⵙ ⵏⴹⴰⵍⴱ ⵉ ⵕⴱⴱⵉ ⴰⴷ ⵜⵏ ⵏⵏ ⵉⵔⴰⵔ ⴰⴷ ⴰⵖ ⴷ ⵓⵔ ⵓⵜⵏ (ⴰ)
- ⴰⴷ ⴰⵏⵖ ⵓⵔ ⵉⵏⵖ ⵕⴱⴱⵉ ⵙ ⵍⵖⴰⴹⴰⴱ ⵓⵍⴰ ⵉⵀⵍⴽ ⴰⵏⵖ (ⴰ)
- ⵉⵎⵎⵏⵄⴰ ⵍⵀⵓⵍ ⵉⵖ ⵍⵍⴰⵏ ⵃⵕⵎⵏ ⵎⴷⴷⵏ ⵕⵕⴰⵃⵜ (ⴰ)
- ⵉⵙ ⵏⵏ ⵏⵥⵕⴰ ⵖⵉⵍⵍⵉ ⵖ ⵉⵍⵍⴰ ⴰⴳⴳⵓⴳⵏ ⴳⵉⵙ ⵉⴹⵚ (ⴰ)
- ⴰⵢⵍⵍⵉ ⵏⵙⵍⵍⴰ ⴽⴰ ⴷ ⴳⵉⵖ ⵉⵜⵜⴱⵕⵕⴰⵎⵏ (ⴰ)
- ⴰⴷ ⵏⵉⵜ ⵉⴳⵏ ⵓⵎⵓⵙⵍⵎ ⴰⵔ ⵜⵅⵍⵍⵓ ⵜⴳⵎⵎⵉ ⵏⵏⵙ (ⴰ)
- ⵏⴽⴽⵉ ⴱⴰⵄⴷⴰ ⵜⴰⵙⴰ ⵉⵏⵓ ⵖⵉⴽⵍⵍⵉ ⵜⴳⴰ ⵙⵙⵏⵖ ⵜⵜ (ⴰ)
ⵉⵏⵏⴰ ⴰⵡⴷ ⴳ ⵜⵎⴷⵢⴰⵣⵜ ⵏⵏⵙ ⵜⴰⵅⴰⵜⴰⵔⵜ ⵜⵉⵏ "ⴱⵉⵙⵎ ⵍⵍⴰⵀ ⴰⴷ ⵙⵔⵙ ⴱⴷⵓⵖ; ⴱⵓⵙⴰⵍⵎ" ⵍⵍⵉ ⵙ ⴱⴰⵀⵔⴰ ⵉⵜⵜⵢⵓⵙⵙⴰⵏ :
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵍⵍⴰⵀ ⵉⵄⴰⵡⵏ ⴰ ⵣⵣⵏⴱⵓⵃ ⴰ ⵍⵍⵉⵎⵓⵏ ⵏ ⵓⴳⴰⴼⴰⵢ
- ⵉⵔⴰ ⵉⵢⵉ ⵍⵖⵕⴹ ⴰⴷ ⴽ ⵉⴷ ⵏⴽⴽⵙ ⴰⴷ ⵙⵔⴽ ⴷⴰⵡⴰⵖ
- ⵢⴰⵏ ⵡⴰⵟⵟⴰⵏ ⵉⵍⵍⴰ ⵉⵢⵉ ⵏⵏ ⴳ ⵜⴰⵙⴰ ⵜⴳⵍⵍⵉⵏⵜ
- ⵉⵖ ⵏⵏ ⵙⵉⴽ ⴳⵉⵖ ⴰⴼⵓⵙ ⵏⵏⵉⵖ ⵍⵄⵉⴱ ⵏⵉⵡⵉ ⵜⵜ
- ⵎⴰⵏⵉ ⵔⴰⴷ ⵏⵏ ⵙⵉⵡⵏ ⵉⴽⴽ ⵢⴰⵏ ⵓⵖⵔⵉⴱ ⵉⵊⵍⴰ ⵢⵓⵃⵍ
- ⵉⵍⵍⴰ ⴳⵉⵡⵏ ⵓⵎⵓⴷⴷⵓ ⵏ ⵓⵊⴷⴷⵉⴽ ⴰⴱⵍⴰ ⵍⵓⵇⵜ
- ⵡⴰⵏⵏⴰ ⵉⴼⵍⵏ ⴰⵔⵔⴰⵡ ⵏⵏⵙ ⵉⵖⴰⴱ ⵉ ⵜⴳⵎⵎⵉ ⵏⵏⵙ
- ⵎⵇⵇⴰⵕ ⵉⴱⵏⴰ ⵍⵇⵚⵓⵕ ⵉⴼⵍ ⵜⴰⴳⵎⵎⴰⵜ ⵏⵏⵙ
- ⵜⵓⴼ ⴰⵙ ⵍⵎⵓⵜ ⵜⵓⴷⵔⵜ ⵎⵇⵇⴰⵔ ⵉⴷⴷⵔ ⵉⵎⵎⵓⵜ
- ⵙⴰⵍⴰⵎ ⵓⵄⴰⵍⴰⵢⴽⵓⵎ ⴰ ⵊⵊⵏⴱ ⵏ ⵉⵏⵉⵔⵏ
- ⴰ ⵜⵉⵍⵍⵉ ⵉⴱⴹⴰⵏ ⴰⵣⵣⴰⵔ ⴷ ⵍⵓⵛⴰⵎ ⴳⵔ ⵡⴰⵍⵍⵏ
- ⵉⴽⵓⵜ ⵉⵖ ⵢⵓⵙⵉ ⵢⴰⵏ ⵍⴱⴰⵕⵓⴹ
- ⵉⴽⵓⵜ ⵉⵙ ⵔⴰⴷ ⴰⴼⵉⵏ ⵢⴰⵏ ⵓⵜⴱⵉⵔ ⵉⵊⵍⴰ ⴰⵙⵏ
- ⵎⴰⵏ ⴰⴷⵔⴰⵔ ⵓⵔ ⵏⴽⴽⵉ ⵏⵙⵜⴰⵔⴰ ⵉⵣⴰⵖⴰⵔⵏ
- ⵙⵙⵕⵎⵉⵖ ⴽⵓⵍⵍⵓ ⵟⵟⵍⴱⴰ ⵏⵙⵙⵕⵎⵉ ⵉⴳⵔⵔⴰⵎⵏ
- ⵙⵙⵕⵎⵉⵖ ⵥⵥⵉⵢⴰⵕⴰⵜ ⵏⴳⴳⴰⵎⵎⵉ ⴰⴷ ⴰⵏⵖ ⴷ ⵍⴽⵎⵏ
- ⵉⵏⵖⴰ ⴰⵖ ⵍⵀⵎⵎ ⵏⵏⵙ ⵉⴼⵍ ⵉⵢⵉ ⴱⵍⴰ ⵚⵚⴰⵃⵜ
- ⴷⴷⵓⵖ ⴰⵔ ⵢⴰⵏ ⵍⵅⵍⴰ ⵏⵏⴰ ⵖ ⵓⵔ ⵉⵍⵍⵉ ⴽⵔⴰ ⵓⴱⴰⵍⵉⵙ
- ⵓⵍⴰ ⵢⴰⵏ ⵓⵎⵅⵍⵓⵇ ⴰ ⵕⴱⴱⵉ ⴱⵍⴰ ⴽⵢⵢⵉⵏ
- ⴰⵔ ⴰⵍⵍⴰⵖ ⴰⵢⵍⵍⵉⵖ ⴰⵔ ⵏⵙⴰⵍⵍⴰ ⵉⵊⴰⵕⵉⴼⵏ
- ⵓⵍⴰ ⵍⴰⵟⵢⴰⵕ ⴰⵔ ⴰⵍⵍⴰⵏ ⵖ ⵡⵉⵙ ⵙⴰ ⵉⴳⵏⵡⴰⵏ
- ⵎⵎⵉⴳⴳⵉⵔⵖ ⵢⴰⵏ ⵛⵛⴰⵄⵉⵔ ⵉⴳⴰ ⴱⴰⴱ ⵏ ⵓⵎⴰⵔⴳ
- ⵉⵏⵏⴰ ⴰⵖ ⵎⴰⴷ ⴽ ⵉⵙⵙⴰⵍⵍⴰⵏ ⵉⵙ ⴷ ⵍⵎⵓⵜ
- ⵏⵖ ⴰⵢⴷⴰ ⵏⵏⵓⵏ ⴰⴷ ⴰⴽ ⴽⴽⵉⵙⵏ ⵉⴱⴰⵍⵉⵙⵏ
- ⵏⵙⴰⵡⵍ ⴷ ⵙ ⵍⵅⵍⵇ ⵍⵍⵉ ⵏⴽⴽⵉ ⵉⵙ ⴰⵙ ⴷ ⵏⵏⵉⵖ
- ⵍⵃⵓⴱ ⴰⴷ ⴰⵖ ⵉⵎⵍⴽⵏ ⵜⴰⵙⴰ ⵃⵕⴳⵏ ⵓⵍ ⵉⵏⵓ/ⵉⵏⵡ
- ⵢⴰⵏ ⵓⵜⴱⵉⵔ ⵉⴱⴱⵉ ⴼⵍⵍⴰ ⵍⴰⵅⴱⴰⵕ ⵏⵏⵙ
- ⵓⵔ ⵏⵙⵙⵉⵏ ⵉⵙ ⵉⵙⵓⵍ ⵏⵖ ⵉⵙ ⵉⴳⴳⵡⵣ ⵉⴽⴰⵍⵏ .
ⵜⴰⵎⵜⵜⴰⵏⵜ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵎⵎⵓⵜ ⵓⵏⴰⵥⵓⵕ ⵃⵎⴰⴷ ⴱⵉⵣⵎⴰⵡ ⴳ 17 ⴷⵓⵊⴰⵏⴱⵉⵔ 2021, ⴹⴰⵕⵜ ⵏ ⵎⴰⴷ ⵜ ⵉⵙⵎⵔⵔⵜ ⵡⴰⵟⵟⴰⵏ ⵜⵓⴳⵜⵜ ⵏ ⵉⵙⴳⴳⵯⴰⵙⵏ.
ⵜⵉⵙⵎⵖⵓⵔⵉⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵜⴰⵙⵎⵖⵓⵔⵜ ⵏ ⵜⵣⵍⵉⵜ ⵜⴰⵎⵓⴼⴰⵢⵜ ⵜⴰⴱⵍⴷⵉⵜ ⵙⴳ ⴷⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ 2007 .
ⴽⵔⴰ ⴳ ⵜⵡⵓⵔⵉⵡⵉⵏ ⵏⵏⵙ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵎⴰⵢⴷ ⵉⴳⴰ ⵖⴰⵢⴰⴷ /ⵎⴰ ⵉⴳⴰ ⵖⴰⵢⴰⴷ(ⵉ)
- ⵉⵕⴱⴱⵉ ⴰ ⵍⵄⵉⵏ
- ⴱⵓⵙⴰⵍⵎ
- ⵉⵏⵖⴰ ⴰⵖ ⵍⵀⵎⵎ ⵏⵏⴽ ⴰ ⵢⴰⵏ ⵙⵓⵍ ⵓⵔ ⴰⵔ ⵥⵕⵕⴰⵖ
- ⵎⴰⵏⴰⴳⵓ ⵔⴰⴷ ⵏⵎⵓⵏ
- ⴰⵃⵃ ⵉⵏⵓ ⵏⴳⴰ ⴰⵖⵔⵉⴱⵉ
- ⴰ ⵛⵛⵡⴰⴼⵕ ⵍⵍⵉ ⴷ ⵉⴽⴽⴰⵏ ⴰⵖⴰⵔⴰⵙ
- ⵎⴰⵏⵉⴽ ⴰ ⵏⵏ ⵜⴳⵉⵜ ⵎⴰⵏⵉⴽ ⴰⴷ ⵙⵔⴽ ⵜⴳⴰ ⵍⵓⵇⵜ
- ⴰⵃⵃ ⴰ ⵕⴱⴱⵉ ⵢⴰⵖ ⵉⵢⵉ ⴽⵔⴰ ⴳ ⵍⵇⵇⵍⴱ (ⵉ )
- ⴰ ⴰⵟⴱⵉⴱ ⵉⴳⴰⵏ ⴰⵟⵎⵎⴰⵄ
- ⴰ ⴱⵉⵙⵎ ⵉⵍⵍⴰⵀ ⵉⴼⵓⵍⴽⵉ ⴳ ⵉⵎⵉ ⵣⵓⵏ ⴷ ⵍⵍⵓⵣ
- ⵍⵃⵓⴱⴱⵉ
- ⵉⵡⵉⵖ ⴷ ⵓⴽⴰⵏ ⴰⵎⴰⵔⴳ ⴰⴷ ⵜ ⵉⵏⵏ ⴷⴰⵡⴰⵖ(ⵉ)
- ⵍⵓⵃ ⵜⴰⵖⵔⵉⵜ ⴰ ⵍⴱⴰⵣ ⵜⵕⵥⵎⵜ ⵉ ⵔⵔⵉⵛ(ⵉ)
- ⴰⵏⴰ ⴱⵍⵍⴰⵀ ⵓ ⵛⵛⵕⴰⵄ
- ⴰ ⵍⴰⵃ ⵍⵅⴱⴰⵕ ⵓⵍⴰ ⵜⴰⴱⵔⴰⵜ
- ⵎⴰⵏⵣⴰ ⴽ ⴰ ⵢⴰⵏ ⵉⴼⵜⴰⵏ
- ⵉⵀ ⴰ ⵍⴱⵃⵕ
- ⴰⵃⴱⵉⴱ ⵉⵏⵓ ⴳⵉⵖ ⵏⵏ ⵙⵉⵡⵏ ⵍⵓⵍⵢⴰ ⵏ ⵕⴱⴱⵉ
- ⴰ ⵡⵉⵏⵓ ⵍⵓⵃ ⴷ ⴰⴼⵓⵙ[4]