ⴰⵢⵜ ⵣⵍⵟⵏ
| ⴰⵢⵜ ⵣⵍⵟⵏ | |
|---|---|
 | |
| ⵉⵙⴼⴽⴰ | |
| ⵜⴰⵇⴱⵉⵍⵜ ⵜⴰⵢⵎⵎⴰⵜ | ⵉⵃⴰⵃⴰⵏ, ⵉⵎⵚⵎⵓⴹⵏ |
| ⵜⴰⵔⴰⴽⴰⵍⵜ | |
| ⵜⴰⵎⵓⵔⵜ | ⵍⵎⵖⵔⵉⴱ |
| ⵜⴰⵔⴰⵖⵔⴼⵜ | |
| ⵡⴰⵢⵢⴰⴹ | |
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⴰⵢⵜ ⵥⵍⵟⵏ ⵏⵉⵖ ⵥⵍⵉⵜⵏ (ⵙ ⵜⵄⵕⴰⴱⵜ أيت زلطن) ⵜⴳⴰ ⵢⴰⵜ ⵜⵇⴱⵉⵍⵜ ⵙⴳ ⵜⵇⴱⵉⵍⵉⵏ ⵏ ⵜⴰⵎⵓⵏⵜ ⵏ ⵉⵃⴰⵃⴰⵏ ⵜⵍⴰ ⵏⴳⵔ ⵜⵇⴱⵉⵍⵜ ⵏ ⵉⵏⴽⵏⴰⴼⵏ ⴷ ⵉⴷ ⵓ ⵣⵎⵣⵎ ⵜⵙⵡⵓⵜⵓ ⵜ ⵜⵇⴱⵉⵍⵜ ⵏ ⵉⵎⴳⵔⴰⴷ ⴳ ⵉⴼⴼⵓⵙ ⴷ ⵜⵇⴱⵉⵍⵜ ⵏ ⵛⵢⴰⴹⵎⴰ ⴷ ⵓⴳⴰⴼⴰ, ⴷⵖⵉ ⴳ ⵓⴱⵟⵟⵓ ⴰⵎⵙⵙⵓⴳⵓⵔ ⵜⵍⵍⴰ ⵜⴳⵔⴰⵡⵜ ⵏ ⵙⵉⴷⵉ ⵖⴰⵏⵎ ⵜⴰⴽⵓⵛⵜ ⴷ ⵣⵣⴰⵡⵉⵜ ⴳ ⵉⵡⵜⵜⴰ ⵉⵎⵣⵔⵓⵢⵏ ⵏ ⵜⵇⴱⵉⵍⵜ ⵏ ⵡⴰⵢⵜ ⵥⵍⵟⵏ ⵉⵣⴷⴰⵖ ⵄⵍⴰⵢⵏ ⵏ 12 000 ⵏ ⵓⵏⴰⵎⵓⵔ[1].
ⴰⵥⵓⵕ ⵏ ⵉⵙⵎ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵓⵎⴰⵡⴰⵍ ⴰⵎⴰⵣⵉⵖ ⴰⵔ ⵏⵜⴰⴼⴰ ⵥⵍⵉ ⵍⵍⵉ ⵢⴳⴰⵏ ⵙ ⵓⵏⴰⵎⴽ ⵏ ⵙⵜⵜⵉ ⴷ ⴼⵔⵏ[2], ⴷ ⵣⵓⵏⴷ ⵜⵉⵎⵉⵣⴰⵔ ⵏ ⵉⵥⵍⵎⴹ ⵏ ⵢⵉⴼⵔⵉⵇⵢⴰ ⴰⵔ ⵏⵜⴰⴼⴰ ⵥⵍⵉⵜⵏ ⴳ ⵍⵉⴱⵢⴰ ⵍⵍⵉ ⵉⴳⴰⵏ ⵙ ⵓⵏⴰⵎⴽ ⵏⵏ ⵡⵉⵍⵍⵉ ⵉⵜⵜⵓⵢⵥⵍⴰⵢ ⵏⵉⵖ ⵙⵜⵜⵉⵏ ⴳ ⵓⵙⵙⵓⵏ.
ⴰⵎⵣⵔⵓⵢ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
ⴰⵎ ⵉⵇⴱⵉⵍⵏ ⵏ ⵉⵃⴰⵃⴰⵏ ⴰⴽⴽⵯ, ⴰⵢⵜ ⵥⵍⵟⵏ ⴷⴰⵔⵙⵏ ⵢⴰⵏ ⵓⵙⴳⵎⴹ ⴳ ⵓⵎⵣⵔⵓⵢ ⵏ ⵜⵙⴳⴰ ⵏ ⵎⵓⴳⴰⴷⵓⵔ ⴳ ⵜⴰⵙⵓⵜⵉⵏ ⵏ ⵉⵡⵏⴰⴽⵏ ⵏ ⵍⵎⵖⵔⵉⴱ ⴷ ⵜⵏⵣⴱⴰⵢⵜ ⵓⵎⴳⴰⵍ ⵏ ⵓⵙⴷⵓⵔⵔⵉ ⴰⴼⵕⵏⵙⵉⵙ ⴷ ⵍⴱⵔⵜⵇⵉⵣ, ⴷ ⵜⴽⴽⴰ ⵜⵜ ⵉⵏⵏ ⵡⴰⵎⵎⴰⵙ ⵏ ⵓⵏⴱⴱⴰⴹ ⴳ ⵜⵓⴳⵜⵜ ⵏ ⵉⵣⵎⴰⵣ, ⵣⵓⵏ ⴷ ⵓⵣⵎⵣ ⵏ ⵍⵇⴰⵢⴷ ⵄⴱⴷⵓⵍⵍⴰⵀ ⵓⴱⵉⵀⵉ ⵎⵓⵍⵓⴷ ⵏⵏⴰ ⴰⴷ ⵉⵙⵎⵓⵏ ⵉⵇⴱⵉⵍⵏ ⵉⵃⴰⵃⴰⵏ ⴷ ⵙⵓⵙ ⴷⴷⵓ ⵉⴼⴰⵙⵙⵏ ⵏⵏⵙ ⵎⴽ ⵜⵏⵏⴰ ⵜⵉⴳⴳⴰⵍⵉⵏ ⵏ ⵓⵕⵓⴱⴱⴰ ⵉⴽⴽⴰ ⵜⵜ ⵉⵏⵏ ⵢⴰⵏ ⵙⴳ ⵉⵔⴳⴰⵣⵏ ⵏ ⵍⵎⵅⵣⵏ ⵉⵙⴽⵔ ⵜⵓⴳⵜⵜ ⵏ ⵍⵃⵎⵍⴰⵜ ⵣⵓⵏ ⴷ ⵜⴰⵍⵍⵉ ⵉⵙⴽⵔ ⴼ ⵀⵓⵡⴰⵔⴰ ⵓⵙⴳⴳⵯⴰⵙ ⵏ 1855[3], ⵓⵍⴰ ⵍⵍⵉ ⵉⵥⵥⴰ ⵍⵇⵚⴱⵜ ⵏ ⵓⵣⴰⵖⴰⵔ ⵍⵍⵉ ⵉⵙⵓⵍⵏ ⴰⵔ ⴷⵖⵉ ⵎⵇⵇⴰⵔ ⵜⵔⴰ ⴽⵉⴳⴰⵏ ⵏ ⵓⴼⵔⴰⴽ, ⵍⵇⴰⵢⴷ ⵓⴱⵉⵀⵉ ⵍⵍⵉ ⵢⵓⵎⵥ ⵓⴱⴰⴹ ⵉⵙⴽⵔ ⴳ ⵓⵣⴰⵖⴰⵔ ⵜⴰⵎⴰⵥⵓⵏⵜ ⵏ ⵓⵏⴰⴱⴰⴹ ⵏⵏⵙ ⵉⵎⴰⵜⵔ ⵎⴰⵕⵕⴰ ⵏ ⵉⵃⴰⵃⴰⵏ ⴷ ⵉⵎⵜⵓⴳⴰ ⴷ ⵉⵛⵜⵓⴽⵏ ⵡⵍⴰ ⵉⴷ ⵓ ⵜⴰⵏⴰⵏ ⵉⵎⵔⵜⵏⵜ ⴱⴰⵀⵔⴰ ⵍⵍⵉⵖ ⴳⵔⴰⵡⵍⵏ ⴼ ⵓⴱⴱⴰⴹ ⵏ ⵍⵎⵅⵣⵏ[4].
ⴰⵏⵣⵡⵉ ⴷ ⵜⴰⵊⵓⵖⵉⴰⴼⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
ⴰⵎ ⵜⵎⵏⴰⴹⵜ ⵏ ⵉⵃⴰⵃⴰⵏ ⵜⵓⵙⵙⴰⵏ ⵓⵍⴰ ⴰⵢⵜ ⵥⵍⵟⵏ ⵙ ⵢⴰⵏ ⵓⵏⵣⵡⵉ ⴰⵎ ⵜⵏⵣⵔⵓⴼⵜ ⴷ ⵓⵏⵥⴰⵕ ⴰⵎⴰⴷⵔⵓⵙ ⴳ ⵓⵙⴳⴳⵯⴰⵙ, ⵉⵣⵔⵉ ⴳⵉⵙ ⴰⵙⵙⵉⴼ ⵏ ⴰⵢⵜ ⵥⵍⵟⵏ ⴷ ⵜⴽⵜⵓⵔ ⵙ ⵡⴰⵏⴰⵡⵏⵏ ⵏ ⵜⴰⴷⴷⴰⴳⵉⵏ ⵣⵓⵏ ⴷ: ⴰⵔⴳⴰⵏ, ⴰⵣⵎⵎⵓⵔ, ⵜⵉⴽⵉⴹⴰ ⴷ ⵉⴽⵉⴽⴷ ⵎⴰⵛ ⴰⴷⴰⵍ ⵏ ⵉⵎⵖⴰⵢⵏ ⴷ ⵡⴰⴷⴷⴰⴳ ⵉⴷⵔⵓⵙ ⵜⵉⴳⵉⵔⴰ ⴰⴷ ⵙ ⵜⴼⴰⴷⴰ ⵏ ⵡⴰⴼⴰⵔ ⵏⵏⴰ ⵢⵓⵎⵥⵏ ⵍⵎⵖⵔⵉⴱ ⵙⴳ ⵓⵙⴳⴳⵯⴰⵙ ⵏ 2017.
ⵉⵡⵔⵉⴽⵏ ⴷ ⵉⵙⵓⵏⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⵓⵏⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
- ⴰⵢⵜ ⵚⵍⵟⴰⵏ. •ⴱⵓⵜⴽⵉⴹⴰ • ⵜⴰⵊⴷⴷⵉⴳⵜ
- ⴰⵢⵜ ⵍⵇⴰⴹⵉ. •ⵜⵉⴳⵎⵎⵉ ⵓⴼⵍⴰ. • ⵜⴰⴽⵓⵛⵜ
- ⴱⵉⵥⴹⴰⴹ. •ⴰⵢⵜ ⵡⴰⴹⵉⵍ. • ⴰⵢⵜ ⵚⵖⵉⵔ
ⵉⵡⵔⵉⴽⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⵍⵇⴰⵢⴷ ⵄⴱⴷⵓⵍⵍⴰⵀ ⵓⴱⵉⵀⵉ ⵎⵓⵍⵓⴷ.
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ ⵓⵟⵟⵓⵏ ⵏ ⵉⵎⵣⴷⴰⵖⵏ ⴳ ⵍⵎⵖⵔⵉⴱ ⵙ ⵓⵙⵉⴹⵏ ⵏ 2024
- ^ ⵜⴰⴳⵓⵔⵉ ⴼⵔⵏ ⴳ ⵓⵎⴰⵡⴰⵍ ⵏ ⵉⵔⴽⴰⵎ.
- ^ فرنتسكو ميري كلوم، في رحلة سفارتين إسبانيتين إلى مراكش، ص :81 .
- ^ محمد المختار السوسي، المعسول، ج : 15, ص 12 و 13.