ⴰⵎⵙⴳⴷⴰⵍ ⵏ ⵡⵉⴽⵉⴱⵉⴷⵢⴰ:ⵉⵎⵉⴷⵉ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ/19

ⵜⴰⴳⵓⵔⵉ "ⵍⵍⵉ"

ⴰⵣⵓⵍ ⵎⴰⵙⵙ @Lhoussine AIT TAYFST, ⵏⵏⵓⵔⵣⵖ ⴰⴷ ⵜⵉⵍⵉⴷ ⴳ ⵡⴰⴷⴷⴰⴷ ⵉⵛⵏⴰⵏ, ⵔⵉⵖ ⵖⴰⵙ ⴰⴷ ⵙⵙⵏⵖ, ⵎⴰ ⵅⴼ ⵜⵙⵓⵔⴷ ⴰ ⵎⴰⵙⵙ ⵍⵍⵉⴳ ⵜⵓⵔⵉⴷ ⵎⴰ ⵙ ⵓⵔ ⵜⴳⵉ ⵜⴳⵓⵔⵉ "ⵍⵍⵉ" ⵜⵉⵎⵉⴷⵉⵜ ⴳ ⵜⵎⴰⵣⵉⵖⵜ? (ⴰⵢⵍⵍⵉ ⵙⵙⵏⵖ, ⵎⴰ ⵙ ⵉⴳⴰ: 1- ⴰⵎⵙⴽⴰⵏ (ⴰⵏⴰⵏ ⴰⵏⵊⵕⵓⵎ),ⵙ ⵓⵎⴷⵢⴰ: "ⴰⵔⴳⴰⵣ ⵍⵍⵉ", ⴷⵖⵉ ⵓⵔ ⵏⵥⴹⴰⵕ ⴰⴷ ⵜ ⵏⵙⵏⴼⵍ ⵙ "ⵏⵏⵉ"; ⵏⵉⵏⵉ: *ⴰⵔⴳⴰⵣ ⵏⵏⵉ* ⴰⵛⴽⵓ ⵜⴰⵡⵉⵏⵙⵜ ⵓⵔ ⵜⵙⵎⴷ: (ⴰⵔⴳⴰⵣ ⵏⵏⵉ ⵎⵉ?), ⵉⴳ ⵓⵍⴰ: 2- ⴰⵏⴰⴷⴰⵡ ⴰⵎⴰⵇⵇⴰⵏ(ⵉⵎⵉⵙ ⵏ ⵜⵏⴰⴷⴰⵡⵜ): "ⴰⵔⴳⴰⵣ ⵍⵍⵉ ⴷ ⵢⵓⵛⴽⴰⵏ, ⵉⵙⵎ ⵏⵏⵙ ⵎⵓⵃⴰ"; ⵖⵉ ⵏⵣⵎⵔ ⴰⴷ ⵜ ⵏⵙⵏⴼⵍ ⵙ "ⵏⵏⵉ", ⵏⵉⵏⵉ:"ⴰⵔⴳⴰⵣ ⵏⵏⴰ ⴷ ⵢⵓⵛⴽⴰⵏ, ⵉⵙⵎ ⵏⵏⵙ ⵎⵓⵃⴰ". ⵜⵣⵎⵔⴷ ⴰⴷ ⵜⴰⴼⴷ ⵓⴳⴳⴰⵔ ⵏ ⵉⵙⵉⵙⴼⵉⵡⵏ ⴳ : ⵜⴰⵏⵎⵎⵉⵔⵜ ⵎⴰⵙⵙ ⵍⵃⵓⵙⴰⵢⵏ. El Hassan BOUTSSAID (ⴰⵎⵙⴰⵡⴰⵍ) 20:59, 19 ⵏⵓⵡⴰⵏⴱⵉⵔ 2025 (+01)

ⴰⵣⵓⵍ ⵎⴰⵙⵙ @El Hassan BOUTSSAID ⵜⴰⵏⵎⵎⵉⵔⵜ ⵏⵏⴽ ⵅⴼ ⵓⴹⴼⴼⵓⵕ ⴷ ⵜⵖⵔⵉ ⵏ ⵡⵉⴽⵉⴱⵉⴷⵢⴰ ⵜⴰⵎⴰⵣⵉⵖⵜ. ⴳ ⵎⴰ ⵉⵥⵍⵉⵏ ⵙ ⵓⵙⵇⵇⵙⵉ ⵏⵏⴽ, ⴰⵜⵉ ⵜⵖⵥⴰⵏⵜ! ⴰⴽⵓⴷ ⴷⴰ ⴳ ⵓⵔⵉⵖ ⴰⵙⵍⴳⵏ ⴰⴷ, ⵓⵔ ⵔⵣⵉⵖ ⴳ ⵎⵙⵎⵓⵏ ⴰⵡⴰⵍ ⵓⵍⴰ ⴳ ⵓⴷⵍⵉⵙ ⵏ ⵜⵊⵕⵕⵓⵎⵜ ⵜⴰⵎⴰⵢⵏⵓⵜ ⵎⴰⵛⴰ ⵉⵡⵉⵖ ⵖⴰⵙ ⵅⴼ ⵓⵢⴷⴰ ⵙⵙⵏⵖ ⴷ ⵜⵓⵜⵍⴰⵢⵜ ⵉⵏⵓ ⵜⴰⵢⵎⵎⴰⵜ. ⵙ ⵓⵣⴳⵣⵍ ⴷⴰⵔⵉ ⴽⵕⴰⴹⵜ ⵜⴰⵏⵏⴰⵢⵉⵏ ⵅⴼ ⵜⴳⵓⵔⵉ "ⵍⵍⵉ":

• ⵜⴰⴳⵓⵔⵉ "ⵍⵍⵉ" ⵜⵍⵍⴰ ⵖⴰⵙ ⴳ ⵜⵎⴰⵣⵉⵖⵜ ⵏ ⵢⵉⴼⴼⵓⵙ (ⵜⴰⵛⵍⵃⵉⵜ)
• ⵍⵍⴰⵏⵜ ⵜⵓⴳⵜⵜ ⵏ ⵜⴳⵓⵔⵉⵡⵉⵏ ⵢⴰⴹⵏⵉⵏ ⴷⴰⵔⵙⵏⵜ ⴰⵏⴰⵎⴽ ⵏⵏⵙ ⵣⵓⵏ ⴷ ⵓⴽⴰⵏ: ⴷⴰ, ⵏⵏⴰ ...
• ⵜⴰⴳⵓⵔⵉ "ⵍⵍⵉ" ⵜⵜⵓⵙⵙⵎⵔⴰⵙ ⵓⵍⴰ ⴳ ⴷⴷⴰⵔⵉⵊⴰ ⴱⵣⵣⴰⴼ ⴷ ⵜⵜⵓⵙⵙⵎⵔⴰⵙ ⵙ ⵓⵏⴰⵎⴽ ⵏ "ⴰⵍⵍⴰⴷⵉ" (ⵜⵖⴰⵢ ⵜⵎⴰⵣⵉⵖⵜ ⴰ ⵜⴳ ⴰⵥⵓⵕ ⵏⵏⵙ)
• ⴳ ⵜⵎⴰⵣⵉⵖⵜ ⵏⵏⴰⵖ ⵏⴽⴽⵯⵏⵉ ⵏ ⵡⴰⵎⵎⴰⵙ ⵓⵔ ⴷⴰⵔⵏⵖ ⵜⵍⵍⵉ ⴰⴽⴽⵯ ⵜⴰⴳⵓⵔⵉ "ⵍⵍⵉ". ⴷⴰ ⵏⵜⵜⵉⵏⵉ:
  1. ⴰⵔⴳⴰⵣ ⴷⴰ ⵉⴷⴷⴰⵏ ⴳ ⵓⴷⵖⴰⵔ ⵏ ⴰⵔⴳⴰⵣ ⵍⵍⵉ ⵉⴷⴷⴰⵏ
  2. ⴰⵔⴳⴰⵣ ⴰⵖ ⴳ ⵓⴷⵖⴰⵔ ⵏ ⴰⵔⴳⴰⵣ ⵍⵍⵉ
  3. ...

ⴳ ⵜⴳⵉⵔⴰ, ⵓⵔ ⴷⴰⵔⵉ ⵉⵍⵍⵉ ⵓⵎⵓⴽⵔⵉⵙ, ⴰⵛⴽⵓ ⵜⴽⵛⵎ ⵙ ⵎⵙⵎⵓⵏ ⴰⵡⴰⵍ ⵏ ⵜⵎⴰⵣⵉⵖⵜ ⴷ ⵜⵊⵕⵕⵓⵎⵜ ⵏⵏⵙ ⴰⵡⴷ ⵏⵜⵜⴰⵜ. ⴰⵢⵢⵓⵣ ⵏⵏⴽ ⴰ ⵎⴰⵙⵙ @El Hassan BOUTSSAID ⵅⴼ ⵓⵎⵙⴳⴷⴰⵍ ⵏⵏⴽ ⵉⴼⵓⵍⴽⵉⵏ --Lhoussine AIT TAYFST (ⴰⵎⵙⴰⵡⴰⵍ) 12:02, 21 ⵏⵓⵡⴰⵏⴱⵉⵔ 2025 (+01)

ⴰⵣⵓⵍ ⵎⴰⵙⵙ @Lhoussine AIT TAYFST, ⴰⵔ ⴽ ⵙⵏⵉⵎⵎⵉⵔⵖ ⴽⵉⴳⴰⵏ ⵅⴼ ⵜⵎⵔⴰⵔⵓⵜ ⵏⵏⴽ, ⴰⵔ ⵜⵜⵙⵎⴰⴷⵖ ⴰⵡⴰⵍ ⵉⵏⵓ ⵉ ⵡⵉⵏⵏⴽ ⴳ ⵎⴰ ⵉⵥⵍⵉⵏ ⵙ ⵜⴰⵏⵏⴰⵢⵉⵏ ⵜⴳⵉⵜ ⵅⴼ ⵜⴳⵓⵔⵉ "ⵍⵍⵉ".

"ⵍⵍⵉ" ⵏⵏⴰ ⵏⵙⵎⵔⴰⵙ ⴳ ⵙⵓⵙ, ⵉⴳⴰ ⴰⵎⵏⴰⵡⴰⵢ ⵏ "ⵏⵏⴰ", "ⴷⴰ", ⴷ "ⵏⵏⵉ". ⵎⴽ ⵉⴳⴰ ⴰⵙⵉⵍⴰⵏ ⴳ ⵜⵓⵚⴽⴰ ⵏ ⵉⵎⵇⵇⵉⵎⵏ ⵉⵎⵙⴽⴰⵏⵏ( ⴷ ⵉⵏⴰⴷⴰⵡⵏ); ⴰⵎ: ⵡⴰⵍⵍⵉ, ⵜⴰⵍⵍⵉ, ⵡⵉⵍⵍⵉ, ⵜⵉⵍⵍⵉ (ⵏⵏⴰ ⵏⵉⵜ ⴷⴰⵖ ⵉⴳⴰⵏ ⵉⵎⵏⴰⵡⴰⵢⵏ ⵏ ⵉⵎⵇⵇⵉⵎⵏ ⵉⵎⵙⴽⴰⵏⵏ: ⵡⵏⵏⴰ, ⵜⴰⵏⵏⴰ...)

ⵉⵇⵇⴰⵏ ⴷ ⴰⴷ ⴰⴽⴽⵯ ⵏⵙⵎⵔⴰⵙ ⵉⵎⵏⴰⵡⴰⵢⵏ ⴰⴷ, ⴰⴼⴰⴷ ⴰⴷ ⵜⴱⵓⵖⵍⵓ ⵜⵎⴰⵣⵉⵖⵜ ⵜⴰⵏⴰⵡⴰⵢⵜ ⵉⴱⵖⵔⵏ ⵙ ⵓⵎⴰⵡⴰⵍ ⵏⵏⵙ ⴰⵅⴰⵜⴰⵔ.

ⵜⴰⵏⵎⵎⵉⵔⵜ ⵏⵏⴽ ⵜⴰⴽⴽⵍⵉⵜ ⵢⴰⴹⵏ ⵎⴰⵙⵙ ⵍⵃⵓⵙⴰⵢⵏ ⵅⴼ ⵜⵡⵓⵔⵉⵡⵉⵏ ⵏⵏⴽ ⵉⵍⵍⴰⵏ ⴳ ⵓⵙⵡⵉⵔ ⵢⴰⵜⵜⵓⵢⵏ. El Hassan BOUTSSAID (ⴰⵎⵙⴰⵡⴰⵍ) 21:47, 21 ⵏⵓⵡⴰⵏⴱⵉⵔ 2025 (+01)