ⴰⵃⵡⴰⵛ ⵏ ⵜⵎⵖⴰⵔⵉⵏ ⵏ ⵉⵃⴰⵃⴰⵏ
ⴰⵃⵡⴰⵛ ⵏ ⵜⵎⵖⴰⵔⵉⵏ ⵏⵖ ⴷ ⵍⵀⴹⵕⵜ ⵏ ⵜⵎⵖⴰⵔⵉⵏ. ⵉⴳⴰ ⵢⴰⵏ ⵡⴰⵏⴰⵡ ⵉⵥⵍⵉⵏ, ⴷ ⵓⵃⵡⴰⵛ ⴰⴷ ⴰⵔ ⴳⵉⵙ ⵜⵜⵓⵙⴽⴰⵔⵏ ⵜⵓⴳⴷⵜ ⵏ ⵉⵎⵓⵙⵙⵓⵜⵏ ⴷ ⵉⴷⵔⴰⵣⵏ ⴷ ⵉⵜⵜⵢⵓⵙⵙⴰⵏ ⴱⴰⵀⵔⴰ ⴳ ⵉⵃⴰⵃⴰⵏ. [1]
ⴰⵃⵡⴰⵛ ⵏ ⵜⵎⵖⴰⵔⵉⵏ ⵏ ⵉⵃⴰⵃⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵓⵃⵡⴰⵛ ⴰⴷ ⴷ ⴰⵔ ⵜⵜⵎⵓⵏⴰⵏⵜ ⵜⵎⵖⴰⵔⵉⵏ ⴳ ⴽⵔⴰ ⵏ ⵉⴷⵖⴰⵔⵏ ⵉⵥⵍⵉⵏ ⵙⵉⵙⵏⵜ ⴳ ⵓⴳⵏⵙⵓ ⵏ ⵜⴳⵎⵎⴰ ⴷ ⵓⵔ ⴰⵔ ⴷⵉⴷⵙⵏ ⵜⵜⵉⵍⵉⵏ ⵉⵔⴳⴰⵣⵏ. ⴷ ⵉⴷ ⵃⵉⵏⴰ ⴰⵔ ⵜⵜⴳⴳⴰⵏ ⵉⵔⴳⴰⵣⵏ ⵏ ⵓⴹⵡⵡⴰⵕ ⴰⵏⵏ ⵖⴰⵙ ⵉⵎⵙⴼⵍⵉⴷⵏ ⵏⵖ ⵉⴳⴷⵓⴷⵏ, ⴷ ⵓⵔ ⴰⵙ ⵢⵓⴼⵉ ⵓⴱⵕⵕⴰⵏⵉ ⴰⴷ ⵢⵉⵍⵉ ⴳⵔ ⵉⵔⴳⴰⵣⵏ ⴰⵏⵏ.
ⴳ ⵓⵃⵡⴰⵛ ⵏ ⵜⵎⵖⴰⵔⵉⵏ ⴳ ⵉⵃⴰⵃⴰⵏ, ⴰⵔ ⵜⵜⵓⵙⵎⵔⴰⵙⵏ ⵉⵎⴰⵙⵙⵏ ⵥⵍⵉⵏⵉⵏ ⴰⵎ ⵏⵏⴰⵇⵓⵙ ⴷ ⵓⴽⴱⴰⵍ ⴷ ⵜⴳⵏⵣⴰ. ⴷ ⴰⵔ ⴽⵓⵍⵍⵓ ⴷⵔⵔⵓⵏⵜ ⵜⵎⵖⴰⵔⵉⵏ ⵙ ⵓⵃⵡⴰⵛ ⴷ ⵓⵎⴰⵔⴳ ⴰⵎⴳⵔⵓ ⴷ ⴰⵔ ⵜⵜⵙⵎⵙⴽⴰⵍⵏⵜ ⵉⵣⵍⴰⵏ ⴷ ⵡⴰⵏⵢⴰⵜⵏ ⴷ ⵜⴳⵓⵔⵉⵡⵉⵏ, ⴷ ⴰⵡⴷ ⵜⵉⵖⵔⵉⵜⵉⵏ ⵍⵍⵉ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ ⴳ ⵓⵃⵡⴰⵛ ⵏⵏⵙⵏⵜ. ⴰⵔ ⵜⵜⵎⵔⴰⵔⴰⵏⵜ ⴰⴷⵔⴰⵣ ⵢⴰⵜ ⵙ ⵢⴰⵜ, ⴷ ⴰⵔ ⵜⴻⵜⵜⵓⵙⵔⴰⵙ ⵛⵛⴼⵏⴰ ⵏ ⵓⴱⵔⴷⵉⴽⴽ ⴳ ⵜⵓⵥⵥⵓⵎⵜ ⵏⵏⵙⵏⵜ ⵎⴳⴰⵍ ⵏ ⵓⵃⵡⴰⵛ ⵏ ⵉⵔⴳⴰⵣⵏ, ⵍⵍⵉⵖ ⵓⵔ ⴰⵔ ⴳⵉⵙ ⴰⴽⴽⵯ ⴷⵔⵔⵓⵏⵜ ⵜⵎⵖⴰⵔⵉⵏ; ⵎⴰⵛⴰ ⴳ ⴽⵔⴰ ⵏ ⵜⴽⴽⴰⵍ ⴰⵔ ⵜⴷⵔⵔⵓ ⵜⵎⵖⴰⵔⵜ ⵜⴰⵎⵛⵛⴰⵢⴱⵓⵜ ⴰⵎ ⵜⵎⴷⵢⴰⵣⵜ ⵎⴰⵛⴰ ⵉⵅⵚⵚⴰ ⴰⴷ ⵏⵏ ⵜⵉⵍⵉ ⴳ ⵢⴰⵜ ⵜⵃⴰⵏⵓⵜ ⵉⵥⵍⵉⵏ ⵏⵖ ⴷ ⴰⴷ ⵜⵃⴱⵓ ⵓⴷⵎ ⵏⵏⵙ ⵙ ⴽⵔⴰ ⵏ ⵓⵎⵍⵃⴰⴼ ⵏⵖ ⴽⵔⴰ ⵢⴰⴹⵏ ⴰⴼⴰⴷ ⴰⴷ ⵓⵔ ⵢⵓⵎⴰⵏ ⵎⴰⴷ ⵜⴳⴰ, ⴷ ⵜⵖⴰⵡⵙⴰ ⴰⴷ ⵓⵔ ⴰⵔ ⵜⵜ ⵙⵓⵔ ⵙⴽⴰⵔⵏ ⵜⵇⴱⵉⵍⵉⵏ ⵏ ⵢⵉⵃⴰⵃⴰⵏ ⴷ ⵓⵔ ⵙⵓⵔ ⵜⵍⵍⵉ ⴳ ⵓⴱⴰⵔⴰⵣ ⵏ ⵓⵃⵡⴰⵛ ⴳ ⵓⵣⵎⵣ ⴰⴷ.[2]